Postuar më parë nga ARIANI_TB
Protesta ne mes te bores, ti kishin organizuar gjate stinave te tjera. Sa ftohte.
Bravo qe po i bejne presion qeverise!! Ngelem duke degjuar per lloj lloj protestash nga serbet ne Mitrovice, per protesta koti mbi xhamia me e madhe, me ne fund po bejne dicka qe ja vlen.
Kurti: Kuvendi i rrezikuar nga Qeveria
“Ne nuk jemi kundër, por plotësisht në përputhje me parimet e Bashkimit Evropian”, thotë në intervistën për Radion Evropa e Lirë, Albin Kurti, lider i Lëvizjes Vetëvendosje. Siç thekson ai, të gjitha shtetet anëtare të Bashkimit Evropian, janë shtete, të cilat i ndërtojnë marrëdhëniet e tyre përmes reciprocitetit. Sipas tij, kundërshtimet që shtetet e Kuintit i kanë shfaqur me rastin e protestës së 14 janarit, kanë qenë të ndikuara nga Qeveria e Kosovës, e cila, siç u shpreh ai gjatë tërë kohës ka përmendur dhunën. Ai thotë se Kuvendi i Kosovës është institucion, i cili është i rrezikuar dhe i cenuar nga Qeveria e Kosovës, për shkak se kjo e fundit nuk i përfillë vendimet e saj.
REL: Zoti Kurti, protesta e 14 janarit nuk përfundoi në formë paqësore. Ju keni paralajmëruar edhe një protestë tjetër për datën 22 janar, ndërkohë që kritikat në adresën tuaj po shtohen gjithnjë e më shumë për mosrespektim të parimeve thelbësore të BE-së. Jeni kundër këtyre parimeve?
KURTI: Ne nuk jemi kundër parimeve të Bashkimit Evropian dhe konsiderojmë se reciprociteti është parim dhe vlerë e Bashkimit Evropian. Të gjitha shtetet anëtare në Bashkimin Evropian janë shtete, të cilat i ndërtojnë marrëdhëniet e tyre nëpërmjet reciprocitetit, nëpërmjet njohjes së ndërsjellë, nëpërmjet marrëveshjeve të shumta bilaterale që i bëjnë. Dhe, kësisoj, pra, ne jemi plotësisht në përputhje me parimet e Bashkimit Evropian.
Në anën tjetër, protesta e 14 janarit, ishte protestë paqësore prej fillimit e deri në fund. Ajo çfarë ishte e dhunshme më 14 janar, ishte ndërhyrja dhe sulmi i Policisë së Kosovës, sipas urdhrave të Qeverisë së Republikës së Kosovës.
REL: Pesëshja diplomatike ka tërhequr vërejtjen se pasojat që do të ndodhin nga protestat e këtilla do t’i bart Lëvizja Vetëvendosje. Jeni të gatshëm për këtë lloj përballjeje me komunitetin ndërkombëtar?
KURTI: Paraprakisht, Qeveria e Republikës së Kosovës nuk e hiqte nga goja fjalën dhunë dhe mendoj që ata kanë ndikuar që deklarata e Kuintit të jetë e tillë. Pra, Kuinti po e ndiqte perceptimin e Qeverisë të Republikës së Kosovës. Por, pas 14 janarit, u dëshmua që, në fakt, ata të cilët flisnin për dhunë, kishin edhe një plan të dhunshëm. Pra, ishte Qeveria e Republikës së Kosovës ajo, e cila urdhrat politikë i kishte mbi Policinë e Kosovës dhe kësisoj, në kundërshtim me ligjin në Kosovë. Pra, urdhrat politikë mbi Policinë e Kosovës ishin vendosur sipër ligjit në Kosovë, prandaj edhe nuk kishte në fakt kurrfarë zbatimi të ligjit më 14 janar.
Besoj që u pa që pas protestës së 14 janarit, ambasadorët e Kuintit filluan të flasin shumë më butë, sepse e panë që deklarata e tyre nuk i ishte referuar realitetit, por perceptimit, të cilin dëshironte ta krijonte Qeveria e Kosovës.
REL: Megjithatë, kryeministri Thaçi, por edhe Policia e Kosovës, kanë thënë se dhuna ka filluar nga Vetëvendosja...
KURTI: Nuk është e vërtetë. Ne jemi bllokuar në lirinë tonë të lëvizjes në mënyrë të trefishtë atë ditë. Së pari, çdo pak kilometra, anë e kënd Kosovës, e posaçërisht te rrugët që çojnë në Merdare dhe te Dheu i Bardhë, kanë qenë postblloqe të shumta të policisë, të cilat kanë kontrolluar dhe bastisur autobusët dhe automjetet e protestuesve paqësorë, me ç’rast nuk e kanë gjetur madje as edhe një brisk dore dhe asnjë mjet të fortë.
Kur kemi filluar me marshin tonë paqësor në drejtim të Merdares, 5 kilometra jashtë prej Merdares, larg prej kësaj pike kufitare, ne jemi bllokuar nga kordoni i policisë dhe, paralelisht, edhe shqiptarët, që po solidarizoheshin me ne dhe dëshironin ta mbështesnin këtë protestë paqësore, nga Shqipëria e Maqedonia, u bllokuan në kufi.
Mendoj se bllokimi i lirisë së lëvizjes, i qarkullimit të lirë, ka ndodhur pikërisht nga Qeveria e Kosovës, përmes urdhrave të saj politik mbi Policinë e Kosovës. Paraprakisht, e dimë që Qeveria nuk e hiqte nga goja fjalën dhunë. Ajo kishte strategji policore për dhunë. Bëhet fjalë, pra, për një politikë policore të Qeverisë, e cila, për pasojë, edhe policinë po e bën politike. Mendoj se të gjitha akuzat, ofendimet, shpifjet, u dëshmuan si të pabaza. Posa na sulmoi Policia e Kosovës, më 14 janar, ne u ulëm në asfalt, në rrugë dhe ata vazhduan me sulmin e tyre. Mendoj se i gjithë opinioni publik, jo vetëm i Kosovës, e ka parë se kush kishte plan për dhunë dhe kush ushtroi dhunë më 14 janar.
REL: Kryeministri i Kosovës, Hashim Thaçi, ka thënë se “askush nuk ka të drejtë të përdorë të drejtën e protestës, për të vënë në rrezik funksionimin normal të institucioneve legjitime të shtetit të Kosovës”. Bllokimin e kufirit a e shihni si rrezikim të institucionit?
KURTI: Institucioni që është rrezikuar dhe, madje, është cenuar në Republikën e Kosovës, është organi më i lartë përfaqësues, legjislativ dhe politik i Republikës së Kosovës, Kuvendi i Republikës së Kosovës, i cili me datën 7 dhjetor (vitin e kaluar) e mori vendimin për reciprocitet të plotë politik, ekonomik dhe tregtar me Serbinë - një vendim ky që nga Qeveria e Kosovës u shpërfill. Kryeministri aktual pati deklaruar se vendimi i Kuvendit të Republikës së Kosovës është një opinion apo një mendim i Kuvendit. Por, Kuvendi nuk jep mendime. Kuvendi sjell vendime, të cilat Qeveria e Republikës së Kosovë duhet t’i zbatojë dhe ato vendime janë të obligueshme.
Pra, është e domosdoshme që Qeveria e Republikës së Kosovës ta kuptojë që Republika e Kosovës është republikë parlamentare dhe nuk do të lejojmë që ajo të degradojë në republikë qeveritare. Sepse, asisoj, shteti i pavarur i Kosovës do të përfundojë me një qeveri diktatoriale, pa republikë. Dhe, së fundmi, Qeveria e Republikës së Kosovës duhet të mësohet që protesta paqësore e qytetarëve të Kosovës është e drejtë universale, është e ligjshme dhe është vlerë demokratike.
REL: Por, a mendoni se duhet një parti politike ta marrë rolin e asaj çfarë duhet ta kryejnë institucionet? Vërtet, mendoni se janë shterur të gjitha mundësitë?
KURTI: Ne nuk mund ta marrim rolin e institucioneve. Por, ne kemi bërë protestë paqësore, pikërisht për shkak se janë shkelur institucionet. Ka pasur reciprocitet me Serbinë me datën 14 janar aq sa kishte protestë. Dhe, këtë reciprocitet po e zbatonte Policia e Republikës së Kosovës, e cila ndodhej atë ditë në afërsi të pikave kufitare te Dheu i Bardhë dhe Merdare, duke mos lejuar automjetet dhe kamionët që vinin nga Serbia.
Është e drejtë e jona që ta zbatojmë këtë reciprocitet, e qe besa, është edhe interes i yni. Protesta jonë nuk ka qenë vetëm në mbrojtje të republikës, nuk ka qenë vetëm kundër Serbisë, por ka qenë edhe për prodhimin vendor. Jam i bindur që nuk ka pasur kurrfarë provokimi nga ana jonë, por ka pasur vetëm sulme nga ana e Qeverisë mbi neve, së pari deklarativisht, e mandej edhe fizikisht. Vendimi i Kuvendit të Republikës së Kosovës është i padiskutueshëm. Ai pret që të zbatohet nga Qeveria, e cila e ka përgjegjësi një gjë të tillë.
REL: Zoti Kurti, cilat janë format që ju keni shfrytëzuar deri më tani për të nxitur zbatimin e mocionit të Kuvendit të Kosovës?
KURTI: Janë bërë 41 ditë prej se është miratuar vendimi në Kuvendin e Kosovës për reciprocitet të plotë me Serbinë dhe janë bërë 41 ditë, prej se shkelet për çdo ditë ky vendim. Ne këtë e kemi thënë për çdo ditë në diskutime, debate, në parlament, jashtë tij, në media, në tubime me qytetarë. Madje, i patëm dhënë afat Qeverisë që deri më 1 janar t’i bëjë përgatitjet e duhura për ta zbatuar këtë reciprocitet. Mirëpo, duhet ta keni parasysh se Qeveria e Republikës së Kosovës nuk thoshte “nuk mund ta zbatojë reciprocitetin”. Por, na shpërfillte duke thënë që ai është vetëm një opinion.
Pra, ata kanë treguar që nuk kanë interes, as ndërgjegje dhe as vullnet për ta zbatuar një vendim të tillë. Pra, ka rebelim të Qeverisë së Kosovës ndaj Kuvendit të Republikës së Kosovës. Duke u sjellë në këtë mënyrë rebele, Qeveria e Republikës së Kosovës po e degradon republikën tonë parlamentare.
Në anën tjetër, duke përzgjedhur Qeveria se cilin vendim, qëndrim apo ligj të Kuvendit ta zbatojë e cilin jo, po sillet në mënyrë arbitrare dhe po prodhon anarki. Ne jemi kundër kësaj. Ne jemi për rregull, ligjshmëri, kushtetutshmëri dhe jemi që republika jonë parlamentare, ashtu siç e ka emrin dhe përmbajtjen, të jetë edhe në realitetin e përditshme të jetës politike, institucionale, shoqërore dhe ekonomike në Kosovë.
Pra, Kuvendi i Republikës së Kosovës, është organi më i lartë politik, përfaqësues dhe legjislativ. Qeveria e Republikës së Kosovës duhet ta mësojë këtë dhe ta respektojë.
REL: Çfarë tutje?
KURTI: Shpresojmë që Qeveria e Republikës së Kosovës e ka kuptuar që nuk mund të vazhdojë me mënyrën e vjetër të qeverisjes, përkatësisht, keq-qeverisjes në Kosovë dhe rrjedhimisht do të fillojë me zbatimin e reciprocitetit të plotë, ashtu siç e thotë vendimi i Kuvendit të Republikës së Kosovës. Me atë rast, natyrisht që edhe protesta e 22 janarit, e paralajmëruar nga ne, nuk do të mbahet. Përndryshe, neve nuk na mbetet gjë tjetër, veçse të vazhdojmë me protestat tona paqësore dhe, natyrisht, edhe me mjetet institucionale në sistemin shtetëror të Kosovës, në mënyrë që t’ia kthejmë dinjitetin Kuvendit të Kosovës, ta mbrojmë shtetin prej pushtetit.
http://www.zeri.info/artikulli/1/1/4...r-nga-qeveria/
Kurteshi: Ndërhyrja e policisë, e panevojshme
Avokati i Popullit në Republikën e Kosovës, Sami Kurteshi, ka shprehur shqetësimin e tij lidhur me zhvillimin dhe ecurinë e ngjarjeve me rastin e mbajtjes së protestës së Lëvizjes Vetëvendosje, në Merdarë dhe te Dheu i Bardhë, më 14 janar.
“Intervenimi i policisë, përzgjedhja e mjeteve dhe e metodave si dhe përdorimi i dhunës gjatë protestës në Podujevë dhe te Dheu i Bardhë, nga Avokati i Popullit konsiderohet si i panevojshëm, i pajustifikueshëm dhe joproporcional”, thuhet në një komunikatë të lëshuar nga ky institucion.
...
“Përgjithësisht, në fillim arrestimet janë bërë në mënyrë përzgjedhëse, me fokus të veçantë tek organizatorët, sidomos deputetët e Kuvendit të Republikës së Kosovës të pranishëm në protestë, ndaj të cilëve është përdorur dhunë, e përcjellë me veprime degraduese dhe poshtëruese”, thuhet mes tjerash në komunikatën e Avokatit të Popullit.
http://www.zeri.info/artikulli/1/1/4...e-panevojshme/
VV e dhunshme dhe e vetmuar
Protesta e Lëvizjes “Vetëvendosje” të shtunën, e cila eskaloi në dhunë me të lënduar dhe të arrestuar, ka shkaktuar reagime të institucioneve të vendit, atyre ndërkombëtare, asociacioneve dhe partive politike
Kacin: VV të protestojë në kufirin me Shqipërinë
Vetëm dua të sqaroj se si mund të shihet kjo.
Natyrisht se jam elokuent kur them se kjo ishte kontra-produktive sikurse për Kosovën, ashtu dhe për Albin Kurtin dhe Vetëvendosjen”, tha ai për të shtuar se aksioni i së shtunës lë përshtypjen e solidarizimit të Vetëvendosjes me barrikaduesit serbë në veri të vendit.
Publikuar: 17.01.2012 - 15:35
Bruksel, 17 janar - Karshi reagimeve në vend, tri ditë pas protestës së Lëvizjes Vetëvendosje me qëllim bllokimin e pikave kufitare në Merdare dhe te Dheu i Bardhë, vazhduan reagimet edhe nga Bashkësia Ndërkombëtare.
Diplomatët evropianë thanë se aksioni i së shtunës ishte “një provokim i organizuar nga Albin Kurti, gjatë të cilit janë manipuluar vet demonstruesit”.
Një vlerësim të tillë ia dha Radios Evropa e Lirë, zëvendëspresidenti i delegacionit evropian për marrëdhëniet ndërmjet pesë shteteve të rajonit, Jelko Kacin.
Ai tha se ngjarjet në fjalë u ngjanin asaj që ndodhi para disa muajsh në veri të Kosovës, ku nga serbët protestues u bllokuan rrugët kryesore në atë pjesë të vendit.
Protesta me moton “Serbia nuk kalon”, sipas Kacinit, promovon bllokimin e marrëdhënieve ndërmjet shteteve dhe se është në kundërshtim me vlerat evropiane.
“Kjo ishte një demonstratë që promovon izolimin e Kosovës, me të cilën synohej çorientimi i Kosovës nga përpjekjet për integrim evropian”, theksoi Kacin.
I pyetur nëse vërtet mund të tërhiqet një paralele ndërmjet gjendjes në veri të Kosovës, ku situata ka mbetur peng i politikës që nga paslufta, dhe asaj që ndodhi të shtunën, Kacin u shpreh:
“Nuk dua të tërheq ndonjë paralele. Vetëm dua të sqaroj se si mund të shihet kjo. Natyrisht se jam elokuent kur them se kjo ishte kontra-produktive sikurse për Kosovën, ashtu dhe për Albin Kurtin dhe Vetëvendosjen”, tha ai për të shtuar se aksioni i së shtunës lë përshtypjen e solidarizimit të Vetëvendosjes me barrikaduesit serbë në veri të vendit.
Lideri i Vetëvendosjes, Kurti, tha në një intervistë dhënë gjatë ditës Radios Evropa e Lirë se Vetëvendosja nuk është kundër parimeve të Bashkimit Evropian dhe se konsideron se reciprociteti është parim dhe vlerë e Bashkimit Evropian.
Kacin tha ekziston një diskrapancë ndërmjet deklaratave dhe veprimeve të Kurtit dhe se me aksionin në fjalë, synohej bllokimi i tregtisë ndërmjet Kosovës dhe Serbisë.
“Kjo është në kundërshtim me dialogun ndërmjet Beogradit e Prishtinës. Ne po përpiqemi ta bindim Beogradin dhe Serbinë të promovojë tregtinë me Kosovën, të heqë dorë nga bllokimi i Kosovës në forume ndërkombëtare. Por, ai (Albin Kurti) po e bën të njëjtën gjë - ka një diskrapancë të madhe ndërmjet deklaratave të tij dhe demonstratave të tij”, vlerësoi Kacin.
Protestat te Dheu i Bardhë dhe diku pesë kilometra në afërsi të pikës kufitare në Merdare, u shpërndanë gjatë fundjavës pas ndërhyrjes së njësiteve speciale të Policisë së Kosovës. Me mbi 140 të arrestuar dhe me dhjetëra të lënduar, rezultoi e tërë ngjarja.
Pavarësisht përplasjeve deklarative me autoritetet kosovare rreth përdorimit të forcës atë ditë, Vetëvendosje tha se nuk do të zmbrapset nga qëllimi për të shtyrë përpara zbatimin e mocionit për reciprocitet politik, ekonomik e tregtar ndaj Serbisë, të miratuar më 7 dhjetor nga Kuvendi i Kosovës.
Anëtarët e kësaj lëvizjeje paralajmëruan një aksion të ngjashëm me atë të së shtunës, i cili pritet të mbahet më 22 janar. Kacin sugjeroi që aksioni në fjalë të mos bëhet në Merdare, por në kufirin me Shqipërinë.
“Ai (Albin Kurti) ka thënë, po ju citoj juve, se është në favor të tregtisë. Andaj, nëse është kështu, le të nisë kjo në ndonjë kufi tjetër, e jo në kufirin me Serbinë”, shtoi Kacin.
Jo Jo Ore Kacin. LVV nuk e bllokon kufirin Shqiptaro - Shqiptar. Sepse nuk ka nevoje.
1. Shqiperia eshte Shteti Yne AME- Deshet apo nuk deshet ju zoteri Kacin dhe Europa.
2. Nuk kemi histori te hidhuri me Shqiperine - por pikerisht me Ish Shtetin Jugosllav dhe Serbine tani.
3. Me Shqiperine kemi mardhanie ndershteterore e ne radh te pare kemi mardhanie KOMBETARE. Sepse jemi NJE KOMB dhe kemi NJE GJUHE.
4. Shqiperia na njef. Ndersa Serbia eshte ajo qe nuk na njef.
Dhe zoteri Kacin. Shteti juaj Sllovenia luftuat gjer ne pavarsine e Plote te Shtetit tuaj nga Ish Jugosllavia - perkatesisht Serbia. Tani ju mendoni qe ne te ti hapim kufijte tane me Sebine, e cila ende nuk ka kerkuar asnje falje per te gjitha ato qe ka bere ndaj Popullit Shqiptar ne Kosove, e ti mbyllimin kufijte me shtetin Ame Apo Jo Kacin-Kacik.
Nuk jeni fare racional, i drejte dhe i sinqerte ore Kacin. Por per fat te keq do thoja qe disa mercerane e militante te Hashimit si duket po ju perkrahin ne kete, pasi qe edhe kete koment tendin e hudhen ne kete forum shqiptar.
Ndryshuar për herë të fundit nga ARIANI_TB : 17-01-2012 më 11:04
BASHKIM KOSOVE ME SHQIPERINE DHE JO PAZARLLEQE ME SERBINE E GREQINE
Drenic,
flm per pergjigje, nuk po du mu tu bo tullusum.
Ama, nese ne si shiptar i aktualixojm mendimet tona me moton "secili ka te drejt me ble kudon" ather ne si shiptar jemi pertaca, jemi njerz pasiv, dhe, me e rendesishme, jemi njerz autolezionist dhe me memorje teper te shkurt.
Tash, a jon kompania nderkombtare, a jon kompania serbe, fakti osht, qi n'ato kompania punojn serbt, tatimet i merr shteti serb dhe perforcohet shteti serb.
Problemi se tregtart ton blejn n'Serbi, osht shum i thjesht. Nuk ka udhzime t'rrepta prej qeveris ton, dhe sidomos nga qeveria nuk aktualizohen reforma per me shti shiptarin me punu token, me investu ne xehtari, me investu ne turizem etj. Thjesht jemi ni shtet qi jeton prej diaspores. Me durt n'xhepa.
Kur Mimoza e futi reciprotitetin e plot per disa dit, shkova te ni shok n'Prishtin qi e ka ni shtypshkronje, edhe m'tha qi gjirollogaria ju kish rrit per 5-6-7 fish. Pse ky ndryshim? Sepse, kompanit shiptare menxi s'kan prit me kon lider te tregut ton, edhe besa n'moment kur lindi reciprotiteti, n'moment kan reagu tregtart ton. Cka do me thon kjo? Dmth qi kur erdh urdhri prej Qeveris, mo njerzt nuk blejshin n'Serbi sepse lypshin dhe gjejshin alternativa t'suksesshme. Pra pytja e jote pse tregtart blejn n'Serbi sot, munet me u ballafaqu me pergjigjen sepse, thjesht, po lejohet, madje madje, po inkurajohet nga shteti...
Qe 12 perfundoj lufta e qe 12 vjet gjo t'Zotit nuk ndodhi n'Kosov.
Autostrada e kombit... Po asfallti nuk hahet!
Hajt me thon njeri t'ish kon Kosova n'shkretin gjeografikisht, e nuk munet me u punu toka e sene t'tjera. Po vlla, na i kena krejt t'mirat. Pse mos me i shfrytzu?
Un i kom thon edhe njerzve t'tjer qi momentalisht jon ty e perkrah Hashimin, un per veti nuk hy n'at kllapen qysh m'the ti "ju po endrreoni, ju ktu, ju aty". Jo vllau i jem, un nuk jom me kerkon ama n'fund t'fundit jom me ato qi e don t'miren e shiptarve. Qashtu qysh e kom perkrah Hashimin per 25 korrik, qishtu jom ty e perkrah Albinin qitashti. Nuk m'intereson politika ne konceptin partiak, mu m'intereson e mira t'vendit tem.
Pra, kush osht i zoti, e propozon alternativa t'sukseshme per shiptar, un qato kom me perkrah. E hallall i koft. E s'em han palla a e kam emin Ramush, Hashim a Albin!
tungat
Gueghes and Toskes are an iron race, as hard as the rocks they inhabit.
hahahahhahahaha.
Po ta shpjegoj me ne detaj qe ta kuptosh:Protestat (apo aksionet) paqesore, edhe bllokimi i rrugeve, nuk jane as te jashtligjshme, as antikushtetuese dhe kurrsesi antidemokratike.
Rruget bllokohen vazhdimisht edhe ne Gjermani dhe ne shume vende tjera demokratike. Policia dhe organet pergjegjese te shtetit e kane pastaj per obligim ti zhbllokojne ato me durimin me te madh duke i larguar protestuesit nje nga nje, dhe jo duke perdorur ne radhe te pare mjetet e fundit te dhunes...
Pra, "te denueshme ligjerisht dhe moralisht" jane reagimet antikushtetuese dhe antidemokratike te shtetit resp. te pushtetit aktual, apo instrumentalizimi i policise per qellime politike dhe personale..
- Protestat qe kane per qellim bllokimin e pikave kufitare te nje shteti, mund te jene cdo gje pervec proteste e ligjshme. Asnje shtet demokratik ne bote nuk do te japi ty leje qe te besh protesta qe kane per qellim te prishin rendin kushtetues te vendit, te bllokojne levizjen e lire te shtetasve dhe mallrave.
- Kjo proteste nuk eshte demokratike pasi Kosova nuk eshte tribu, Kosova eshte Republike Demokratike, nje demokraci e perfaqesuar. Qe do te thote, qe opozita nuk behet ne rruge me akte te tilla vandaliste, opozita behet ne Kuvendin e Kosoves, ku thirret kryeministri e gjithe ministrat me rradhe te japin llogari para Kuvendit e para gjithe popullit te Kosoves per ate qe po ngjet ne Kosove.
- Protesta eshte antikushtetuese, pasi Kushtetuta i njeh Kuvendit te Kosoves vetem te drejten per te nxjerre ligje dhe jo per ti zbatuar ligjet. Zbatimin e ligjeve e ka per detyre pushteti ekzekutiv, me ne krye Qeverine e Kosoves dhe te drejten e interepretimit te ligjeve e kane Gjykatat e askush tjeter. Idiotesia e kesaj qe po ndodh ne Kosove eshte qe nje grup te rinjsh, disa prej tyre deputete ne Kuvendin e Kosoves, marrin persiper pergjegjesite e qeverise se Kosoves. Do vene ata me aktivistet e tyre qe te "vendosin reciprocitetin" duke i "bllokuar mallrat serbe te hyjne ne Kosove". Kjo e ka emrin rrugaceri politike, pasi vetem rrugaceve nuk u behet vone per ligje e institucione dhe u pelqen qe te jene vete ligj, vete institucion.
Nese qeveria e Kosoves nuk zbaton ligjin e nxjerre nga Kuvendi, deputet e Vetevendosjes kane te drejte ta therrasin kryeministrin e vendit ne interpelance ne Kuvendin e Kosoves qe te japi shpjegime se perse nuk e ka bere kete gje. Aty behet debati, aty behen pyetje e merren pergjigje, aty informohet edhe publiku shqiptar per ate qe ndodh. Dhe nese kryeministri i Kosoves eshte ne flagrance duke mos zbatuar ligjet e Kuvendit, protesta nuk behet ne pikat kufitare, behet para godines se kryeministrise, ku aktivistet e populli i thjeshte i ushtrojne presion qeverise qe te zbatoje ligjet.
Nuk do te benit keq te mesonit se si funksionojne shtetet demokratike ne Perendim, para se te ndermernit veprime te tilla qe minojne jo vetem imazhin e popullit te Kosoves ne syte e botes, por mbi te gjitha minojne themelet e brishta te shtetit demokratik ne Kosove. Po u vazhdua keshtu, Kosova nuk do te behet dot shtet ligjor, Kosova do te perfundoje ne nje eksperiment te falimentuar te nje province qe nuk krijon dot shtet demokratik, por ka perfunduar ne anarki te plote.
Albo
Ndryshuar për herë të fundit nga Albo : 17-01-2012 më 14:27
Bravo Policia e Kosoves a?hee me tu knaqe zemra kur e shefe ket Polici kaqe profesionale bre. Kane menduar keta te Vetfundosjes se kane pune me policine barkalece te Shqiperis ku nje grushte Huligantesh atje pothuaje se e shkatrruane shtetin demokratike te Shqiperis kane menduar keta te vetefundosjes se Kosova esht shtet Sallamadi shtet hajgare por ja me ne funde u binden tashe e disa here
Ndryshuar për herë të fundit nga Kosovar.Pr : 17-01-2012 më 14:49
Regullat e Postimit
Përgjigju Duke Cituar
Krijoni Kontakt