Partia greke LAOS kërkon autonomi për Vorio Epirit
03-09-2011 13:04 CET
Greqia po kalon një periudhë të vështirë ekonomike dhe politike. Qytetarët grekë i ka pushtuar frika për falimentimin si shtet por dhe klasa e tyre politike po pëson goditje të njëpasnjëshme me skandalet e zbuluar kohëve të fundit si përgjimet që ambasada e ShBA në Athinë i ka bërë ish-kryeministrit Kosta Karamalis, dokumentet e botuara për financimin e Andrea Papandreut nga SHBA me 100 milionë dollarë më 1974 për themelimin e partisë PASOK, mbështetja që i ka dhënë SHBA dhe NATO pushtimit të Qipros nga Turqia më 1974, marrëveshja e fshehtë e qeverisë së sotme midis Greqisë dhe Turqisë për stërvitje të përbashkëta ushtare në detin Egje e cila është në kundërshtim me Kushtetutën greke, dhe shumë fakte të reja që lidhen me personalitetin e Jorgo Papandreut dhe familjen e tij.
Këto skandale ekonomike dhe politike për t’ju vënë kapaku dhe harresa e përkohshme si rrugëdalje është vetëm shpallja e zgjedhjeve të parakohshme të cilat mund të mbahen në nëntor. (Në rast se PASOK i humb këto zgjedhje, atëherë Jorgo Papandreu do japi dorëheqjen nga kryetari i PASOK dhe do të kandidojë për president të Greqisë). Prandaj partitë e vogla greke i janë futur punës për të gjetur platformën parazgjedhore me qëllim që të mbijetojnë në parlamentin e tyre.
Kështu, partia ekstreme greke LAOS ka disa ditë që ka filluar propagandën e saj është përqendruar në çështjet e nacionalizmit ekstrem duke sulmuar fqinjët e Greqisë. Javën e shkuar kjo parti i parashtrojë parlamentit grek kërkesën në lidhje me çështjen e emrit të Maqedonisë, Aleksandrit të Madh dhe botimit të një fjalori greqisht-maqedonisht.
Ndërsa më 31 gusht i dërgoj një kërkesë ministrisë së punëve të jashtme greke në lidhje me minoritetin grek në Shqipëri, regjistrimin e popullsisë, pronat si dhe shpalljen e autonomisë së Vorio Epirit.
Në kërkesën e saj grupi i deputetëve të LAOS bënte krahasimin e shpalljes së pavarësisë së Kosovës para tre vitesh me shpalljen e autonomisë së vorioepirit të shpallur 97 vite më parë. Më tej kërkesa vazhdon me një histori midis Greqisë dhe Shqipërisë, politikave të dobëta të qeverive greke në lidhje me Vorio Epirin, dhe në fund i parashtronin pyetje ministrisë së jashtme se:
a) Kur parashihet të zbatohet "Protokolli i Korfuzit" i cili me ligj mbron të drejtat e vorioepiriotasve?
b) Çfarë veprimesh do të bëni për të siguruar regjistrimin e drejtë të vorioepiriotasve në Shqipëri?
c) Si e stimuloni nxitjen e çështjes së bashkimit të Vorio Epirin me nënën Greqi?
d) Si do të reagoni për bashkëpunimin e marrëveshjeve turko-shqiptar?
Në fund kërkesa është firmosur nga 16 deputetët e partisë LAOS:
Jorgos Kraxhaferis
Kostandinos Aivalotis
Jorgos Anatolaqis
Vacos Apostolatos
Qiriakos Velopulos
Voridhis Mavrudhis
Spiridon Gjeorgjiadhis
Kostandinos Kiltidhis
Angjel Kolokotronis
John Korantis
Paul Markaqis
Urania Papadhaqis-Papandreu
Athanasios Plevris
Elias Polatidhis
Asterios Rontulis
Aleksander Krisanthakopulos /ina/
Përgjigju Duke Cituar
Postuar më parë nga HELEN OF TROY
Krijoni Kontakt