Të mësojmë të shkruajmë pa gabime

[Vesel Hysa]

Unë nuk e kam të vështirë ta pranoj atë që thotë tjetri, por këtë e bëj kur më bind ajo që thotë. Po e shpjegoj ndryshe që të kuptohet më mirë pse e kundërshtova.

Dashuria arrin një pikë ose një kulm ku niveli i ndjenjave është i lartë, mirëpo kjo nuk është e vazhdueshme sepse dashuria ka edhe ulje-ngritje. Përveç kësaj, në kohët e sotme dashuritë kanë një synim në vetvete dhe ky synim mund të jetë martesa, por mund të jetë edhe kalimi i kohës, kështu që jo të gjitha dashuritë kanë të njëjtin synim. Besoja tha: "Jo të gjitha dashuritë përfundojnë në destinacion", ndërsa unë këtë fjali do ta ndërtoja kështu: "Jo të gjitha dashuritë arrijnë atje ku duan, ose atje ku synojnë".

Fjalën destinacion e zëvendësova me vendmbërritje/vendarritje duke u nisur nga kuptimi i drejtpërdrejtë i saj, mirëpo edhe këto nuk shkojnë shumë në fjalinë që u përmend.

Shpjegim i saktë dhe i qartë!

[Vesel Hysa]

HYRJE f. sh.
1. Veprimi sipas kuptimeve të foljes HYJ. Hyrje e
shpejtë. Vendi i hyrjes. Biletë hyrjeje. Vizë
hyrjeje. dipl. Ndalohet hyrja.
2. Vend i hapur, nëpër të cilin hyjmë diku; derë,
portë. Hyrje kryesore. Hyrje e fshehtë. Hyrja e
shtëpisë (e ndërtesës). Hyrja e qytetit. Hyrja e
kalasë (e shpellës, e tunelit). Hyrjet e stadiumit.
3. Vizitë a ardhje miqsh në një shtëpi. Ka shumë
hyrje ajo shtëpi.
4. Studim i shkurtër ose shënime të tjera që vihen
në krye të një vepre letrare a shkencore. Hyrje e
gjatë (e shkurtër). Hyrja e veprës. Është pajisur
me një hyrje.
5. fin. Sasia e të hollave që futen në arkë a e të
ardhurave që futen në buxhet kur bëhen
llogaritjet; kund. dalje. Hyrjet e arkës. Hyrjet e
buxhetit.
6. bised. Banesë e veçantë për një familje në
ndërtesat me shumë kate. Shkallë me dhjetë
hyrje. Hyrja gjashtëmbëdhjetë. Mori një hyrje të
re. U ndanë të gjitha hyrjet.
* Hyrje e dalje vajtje e ardhje të vazhdueshme
ndërmjet familjesh, pritje e përcjellje, hyrje-dalje.
E bëj hyrje fin. bëj veprimet për të futur një mall
në magazinë. Ka hyrje të lirë diku shih te LIRË
(i,e).

Të hyrat (publike) është term që përdoret në fushën e informatikës dhe të ekonomisë. Në informatikë me kuptimin e futjes së të dhënave në një sistem, ndërsa në ekonomi me kuptimin e tërësisë së të mirave materiale dhe të shërbimeve që hyjnë në procesin e prodhimit.

Të dalat e kanë kuptimin e anasjelltë. Që të dy termat janë përkthyer nga anglishtja: INPUT - të hyrat dhe OUTPUT - të dalat. Në përdorim praktik në literaturë i gjejmë edhe si "inpute"(inputet) dhe "outpute"(outputet).

[kiniku]

Tomaras, te jam mirenjohes.

Isha i sigurt se eshte te dalurat, e jo te dalat, mirepo shpjegimi juaj qartesoi cdo gje.


Edhe nje pyetje.

Te dalat publike te rregullta, apo
Te dalat e rregullta publike?

Si eshte renditja e mbiemrave? Cila eshte formula?

Shkolla e larte dhe e bardhe publike "4 korriku" gjendet ne rrugen Skenderbeu.
Shkolla publike e larte dhe e bardhe 4 korriku.....

[tomaras]

Tomaras, te jam mirenjohes.

Isha i sigurt se eshte te dalurat, e jo te dalat, mirepo shpjegimi juaj qartesoi cdo gje.


Edhe nje pyetje.

Te dalat publike te rregullta, apo
Te dalat e rregullta publike?

Si eshte renditja e mbiemrave? Cila eshte formula?

Shkolla e larte dhe e bardhe publike "4 korriku" gjendet ne rrugen Skenderbeu.
Shkolla publike e larte dhe e bardhe 4 korriku.....

Kiniku i nderuar qofsh!

Unë kam ndjekur studimet e larta për inxhinieri kështu që nuk do të kisha mundur të jap ndonjë përgjigje kompetente lidhur me këtë mëdyshjen tënde të fundit.

Ndryshon puna kur përgjigjen e jep fjalori siç ishte rasti më sipër.

Megjithatë sa për të provokuar ndonjë anëtar, i cili mund të përgjigjet me kompetencë lidhur me pyetjen tënde, po e marr lirinë të jap pikëpamjen time.

Mendoj se trajta e drejtë është

Te dalat e rregullta publike?

për shkak të tingëllimës melodike të gjuhës, që është element shumë i rëndësishëm në zhvilllimin e gjuhës shqipe si gjuhë natyrore.
Kjo komponentë, pra tingëllima melodike e shqipes, nuk është marrë gjithaq parasysh nga studjuesit e gjuhës sonë, dhe sidomos nuk është marrë parasysh nga hartuesit e gjuhës standarde, të cilët me një vendim të papeshuar mirë kanë mënjanuar nga standardi një mori të variacioneve të zanoreve duke i reduktuar në vetëm shtatë, duke e varfëruar melodinë e njërës nga gjuhët me fuqinë më të madhe shprehëse ndër gjuhët e folura.

Mendoj se pikërisht për shkak të tingëllimës së gjuhës, sepse nuk ma merr mendja që ka ndonjë rregull të prerë për renditjen e mbiemrave në fjali, mbiemrat e nyjshëm duhet të shkruhen para mbiemrave të panyjshëm, kurse në rastet kur renditen dy mbiemra të nyjshëm, apo dy mbiemra të panyjshëm njëri pas tjetrit duhet të lidhen me lidhëzat e apo dhe.

[Aja]

Ju pershendes te gjitheve, nuk pata mundesi t'i lexoje te gjitha postimet qe keni bere por, me vjen mire qe eshte hapur nje teme e tille besoj qe mund te mesojme dicka nga kjo.

[alnosa]

Si duhet te themi ,-- 'Vëllai im 'apo 'Vëllau im?!'

Kush eshte e sakte bazuar ne shqipen letrare te sotme.Maloket e veriut thone vëllau, kurse bukuroshët e jugut ( ) thone vëllai ?!

[Qyfyre]

"Vëllai im", siç e thonë bukuroshët

[-BATO-]

Kjo komponentë, pra tingëllima melodike e shqipes, nuk është marrë gjithaq parasysh nga studjuesit e gjuhës sonë, dhe sidomos nuk është marrë parasysh nga hartuesit e gjuhës standarde, të cilët me një vendim të papeshuar mirë kanë mënjanuar nga standardi një mori të variacioneve të zanoreve duke i reduktuar në vetëm shtatë, duke e varfëruar melodinë e njërës nga gjuhët me fuqinë më të madhe shprehëse ndër gjuhët e folura.

studjuesit - studiuesit

Tomaras, dita-ditës po e tregon fytyrën tënde të vërtetë dhe nuk dyshoja aspak që je një ekstremist gegë. Në fillim hiqeshe sikur kërkoje ndonjë ndryshim të vogël, ndërsa tani shkronjat e abëcësë nuk janë në rregull për ty dhe fajin e kanë hartuesit e standardit. Abëcëja u krijua më 1908-ën apo 1972-in?

Ka mundësi të mos hysh më në këtë temë? Tema nuk është për të kundërshtuar gjuhën, po për të zbatuar rregullat e saj. Një këshillë: Merru me sport dhe mendo gjëra të bukura.

[-BATO-]

Duket ishte "rradha" e Saraçit per te fituar festivalin dhe te perfaqsohej ne Eurosong. Me gjithe emrat 'e medhenj', kenga fituese nuk ishte gje. Nese do vazhdohet t'i jepet njerit apo tjetrit, vetem per emrin qe kane ne muzike dhe jo kengen qe sjellin, jo vetem ne Eurosong nuk do arrijme te marrim piket, por vete festivali do humbi besueshmerine.
Kenga e vendit te dyte ishte shume here me mire...
http://www.forumishqiptar.com/showth...=130454&page=3

rradha - radha
përfaqsohej - përfaqësohej
do vazhdohet - do të vazhdohet
do arrijmë - do të arrijmë
do humbi - do të humbë

[drague]

Si duhet te themi ,-- 'Vëllai im 'apo 'Vëllau im?!'

Kush eshte e sakte bazuar ne shqipen letrare te sotme.Maloket e veriut thone vëllau, kurse bukuroshët e jugut ( ) thone vëllai ?!

ky eshte diskriminim nderkrahinor.

Bato mos u dorzo para militanteve te Migjen Kelmendit