Vetevendosja: Qeveria Thaçi po e ndihmon Serbine

[bindi]

Publikuar: Sot, më 27 dhjetor 2010

Prishtinë, 27 dhjetor - Lëvizja “Vetëvendosje” ka qenë e para që ka reaguar për vizitën e zyrtarëve të lartë serbë në ceremoninë e shugurimit të peshkopit Teodosije në Kishën Ortodokse të Prizrenit, duke thënë se Serbia po vazhdon ta shtrijë ndikimin e saj në Kosovë. Sipas kësaj lëvizje, në punën e saj po i vjen në ndihmë si gjithmonë edhe Qeveria në dorëheqje e Kosovës. “Serbia siç e njohim, po e vazhdon shovenizmin e saj tradicional. Kisha ortodokse serbe e Boris Tadiqit po e vazhdon punën e kësaj aty ku e kishte lënë po kjo kishë nën Nikolla Pashiqin dhe Sllobodan Millosheviqin. Por, kësaj radhe edhe me ndihmën Qeverisë së Kosovës. Së fundi Hashim Thaçi nuk rresht së deklaruari për gatishmërinë e tij për të biseduar me Serbinë, ndërkohë që Tadiqi ka filluar të tregohet më i matur pas deklaratave të pakushtëzuara të Thaçit”, thuhet në reagimin e Vetëvendosjes, transmeton KTV-ja.

[ARIANI_TB]

Ardhja e Daçiqit ka “fikur” kamerat në pikën kufitare në Jarinë

Prishtinë, 27 dhjetor - Policët e MUP-it të Serbisë, bashkë me policët serbë të Policisë së Kosovës kanë patrulluar në rrugën nacionale nga pika kufitare në Jarinë, deri në jug të Mitrovicës, kanë njoftuar burime të “Kohës Ditore” nga ajo pjesë e Kosovës. Ky urdhër ka ardhur nga MPB-ja e Serbisë, e cila është frikësuar se eskortat që do të udhëtonin të dielën për në Prizren, në shugurimin e peshkopit Teodosije, mund të sulmoheshin.
Burimi më tej ka specifikuar se frika e MUP-it të Serbisë për ndonjë sulm në eskorta vjen pas vrasjes së udhëheqësit të boshnjakëve të Leposaviqit, Shefko Sallkoviq, më 8 dhjetor, në një pritë në fshatin Jarinë të Leposaviqit.
Nëpër kuluare dhe në fshatra boshnjake flitet haptazi se Sallkoviqi është vrarë me urdhër të MUP-it të Serbisë.
Nga ana tjetër, Policia e Kosovës ka bërë të ditur se në kuadër të Drejtorisë së Përgjithshme është bërë plani për ruajtjen e rendit dhe qetësisë për ardhjen dhe shkuarjen e pjesëmarrësve, plani operativ është zhvilluar për secilin regjion veç e veç, që nënkupton regjionin e veriut. “Sipas planeve tona, policët shqiptarë e serbë kanë bërë sigurinë e pjesëve të parapara në plan, ne nuk kemi informacione që në territorin e Kosovës të ketë pasur policë të Serbisë”, ka thënë zëdhënësi i policisë Baki Kelani. Ai ka shtuar se përpos planit operativ, ka pasur edhe patrullime të herëpashershme, mirëpo nuk kanë hasur në policë nga Serbia.
Po në këtë ditë, doganierët e Kosovës nuk kanë mundur të shohin asgjë nga kamerat e vendosura në pikën kufitare në Jarinë, të cilat nuk kanë funksionuar që nga mëngjesi.

[ARIANI_TB]

Serbët shkelin në Prizren (Video)

[ARIANI_TB]

Serbët shkelin në Prizren (Video)


http://www.youtube.com/watch?v=zJ2ux...layer_embedded


http://www.youtube.com/watch?v=VEM3N...eature=related

Prizren, 27 dhjetor - Qyteti historik shqiptar, Prizreni është bërë dje skenë e ardhjes së qindra serbëve. Ata kanë ardhur nga pjesë të ndryshme të Serbisë dhe Kosovës për të celebruar inaugurimin e peshkopit Teodosije, pikërisht në Kishën Ortodoske të Prizrenit.
Në mesin e atyre që kanë qenë pjesë e ceremonisë, edhe ministri i Brendshëm serb, Ivica Dacic, që siç mund ta shihni në këtë foto të Indeksonline, është ndalur tek Shatërvani për të pirë ujë. Ceremonia ka kaluar pa incidente, dhe ka pasur masa të shtuara të sigurisë. Ja edhe videot e pranisë së serbëve në Prizren.

[ARIANI_TB]

Prizreni nuk e mirëpriti vizitën e Daçiqit në Prizren
Publikuar: Sot, më 27 dhjetor 2010


Prizren, 27 dhjetor– Kryepeshkopi i Kishës Ortodokse Serbe, Irinej, ka shfrytëzuar një ceremoni fetare të zhvilluar në Prizren, për të mallkuar të gjithë ata që i kanë shkaktuar vuajtje popullit serb të Kosovës.
“Çfarë të themi për 130 kisha dhe manastire të rrënuara dhe mijëra shtëpitë e popullit serb, të cilat janë përpirë nga flakët?! Çfarë të themi për mijëra serbë që kanë lëshuar shtëpitë e tyre dhe kanë ikur për të shpëtuar jetën?! Çfarë të themi për mijëra të zhdukur, për të cilët nuk dimë asgjë, e të cilët kanë vuajtur, nga të cilët janë marrë organet, të cilat janë shitur shumë shtrenjtë nëpër botë, dhe me këtë kriminelët janë pasuruar. Le të jetë i mallkuar ky lloj përfitimi”, ka thënë para të pranishmëve peshkopi Irinej.
Javë më parë, raportuesi i Këshillit të Evropës, Dick Marty, përmes një raporti pati vlerësuar se në krye të trafikimit të organeve të nxjerra nga serbët të zënë si pengje lufte është kryeministri në largim i Kosovës, Hashim Thaçi, të cilin e kishte quajtur edhe “bos të mafies”.
Pas shprehjes së mallkimit, Irinej sërish e ka cilësuar “Kosovën e Metohinë” si tokë të shenjtë serbe, ndërkohë që për Prizrenin ka thënë se është qytet i madh dhe me nam i popullit serb, i cili aktualisht është i përulur dhe turpëruar, për shkak të kishave e manastireve të dëmtuara. Sipas tij, në këtë situatë duhet lutur “Zotin që t’i ruajë të mbeturit”, ngase populli serb i Kosovës ka pësuar mjaft.
Zëvendëskryeministër dhe njëkohësisht ministër i Brendshëm i Serbisë, Ivica Daçiq, i cili dje ka marrë pjesë në shugurimin e peshkopit Teodosije, pas këtij rituali, në shoqëri edhe të ministrit për Kosovën në qeverinë serbe, Goran Bogdanoviq, ka bërë një shëtitje nëpër sheshin “Shatërvan”, ku është ndalur te fontana për të shuar etjen dhe për të vazhduar më pas rrugën për në seminarin ortodoks “Bogosllovia”. Prania e tij nuk është mirëpritur nga prizrenasit. Një pronar i kioskës ka ngritur volumin e zërit të këngës së Ilir Shaqirit dedikuar UÇK-së, ndërkohë që në një shtëpi të djegur në Nënkala dy të rinj kanë hapur një pankartë në të cilën shkruante:
“Welcome to Republic of Kosovo” dhe “**** Serbia, **** Dick Marty”. Ndërsa një qytetar tjetër nuk është përmbajtur dhe nga larg i është drejtuar Daçiqit me fjalët: “Pse keni ardhur këtu?! Nuk e keni vendin këtu!”.
Në të gjitha këto, Daçiq është përgjigjur me buzëqeshje. Ndërkaq, para gazetarëve ka sqaruar se në Prizren vjen pas 44 vjetësh, pas largimit në moshën njëvjeçare.
“Jam i lumtur që kam pas rastin që të marr pjesë në shugurimin e peshkopit Teodosije dhe që pata rastin që të bëj një shëtitje të shkurtër edhe pse kjo ngjalli habinë e disa qytetarëve të Prizrenit. Duke marrë parasysh faktin se ka pak serbë që jetojnë këtu, duhet përkujtuar se ky është një qytet shumë i rëndësishëm për historinë e Serbisë. Dhe të kuptohemi nuk duhet në të që të jetojë asnjë serb, por ky është qyteti, ku ka lindur perandoria e Dushanit dhe është i rëndësishëm për historinë e serbëve”, ka thënë Daçiq.
Ndryshe nga Daçiqi, afro dy mijë vizitorë serbë, që kanë ardhur nga vise të ndryshme të Kosovës e Serbisë, kanë qenë të mirëpritur në Prizren. Përgjatë tërë ditës ata kanë shëtitur nëpër qendër të Prizrenit, duke vizituar madje edhe restorantet dhe kafenetë. Ndërsa një qytetari të rraskapitur nga udhëtimi i gjatë i është ofruar ndihma e parë nga mjekët e emergjencës së Prizrenit.
Sipas zyrtarëve të policisë gjatë tërë ditës nuk është regjistruar asnjë incident.

[ARIANI_TB]

Qeni i keq t’i sjell ujqit në torishtë
26 DHJETOR 2010 - E Diel 23:12
Serbia po vazhdon ta shtrijë ndikimin e saj në Kosovë. Në punën e saj po i vjen në ndihmë si gjithmonë edhe Qeveria në dorëheqje e Kosovës.



Që nga orët e para të mëngjesit, MUP – i Serbisë në bashkëpunim të panjoftuar publikisht, me Policinë e Kosovës, stacioni në veri, i kontrolluar nga Serbia ishin çuar peshë për të siguruar rrugën e delegacionit serb që po vinin për në Prizren.



Serbia siç e njohim, po e vazhdon shovenizmin e saj tradicional. Kisha ortodokse serbe e Boris Tadiqit, po e vazhdon punën e kësaj kishe aty ku e kishte lënë po kjo kishë nën Nikolla Pashiqin e Sllobodan Millosheviqin. Por, kësaj radhe edhe me ndihmën Qeverisë së Kosovës. Së fundi Hashim Thaçi nuk rresht së deklaruari për gatishmërinë e tij për të biseduar me Serbinë, ndërkohë që Tadiq ka filluar të tregohet më i matur pas deklaratave të pakushtëzuara të Thaçit.



Thaçi po gjakon për të biseduar me Tadiqin, e ky i fundit ka nisur sulmin për të siguruar sa më shumë ndikim në Kosovë, duke forcuar kështu pozitën negociuese njëkohësisht. Deklaratat e Thaçit që kërkon dialog me Serbinë ende pa na e njohur shtetin, nuk shpjegohen ndryshe, veçse si thirrje e Serbisë për t’u futur në Kosovë sërish.



Dhe Serbia erdhi. Problemi është se ajo po e shkel tokën e përgjakur të Kosovës e jo shtëpitë e Hashim Thaçit në Dubai apo Evropë. Serbia erdhi sepse klasa politike e Kosovës, atëbotë të bashkuar në Grupin e Unitetit, kanë pranuar që trashëgimia ortodokse në Kosovë të jetë pronë e Kishës Ortodokse me seli në Beograd.



Hashim Thaçi, edhe pse kryeministër në dorëheqje, kjo nuk e pengon që ta vë në dispozicion Policinë e Kosovës për t’ia siguruar vizitën Daçiqit, Shijakoviqit e Bogdanoviqit deri në Prizren. Hashim Thaçi e përdori pushtetin për t’i vjedhur zgjedhjet, në mënyrë që ky pushtet të vihet në funksion të pazarave me Serbinë. Me të njëjtën Serbi, atë që na lufton, që nuk na njeh, që mban akoma në ankth mijëra familje duke mos zbardhur fatin e tyre.



Lëvizja VETËVENDOSJE!

[bindi]

Ministrat serbë bëjnë politikë në Kosovë
Publikuar: E hëne 27 Dhjetor 2010

Të dielën, që nga ora 8:00 e mëngjesit, autobusë nga Serbia dhe me regjistrime të Beogradit sollën serbë nga Serbia në Prizren për të marrë pjesë në Kishën e “Shën Gjergjit” në Prizren, ku u bë shugurimi i kreut të Dioqezës Rashkë-Prizren, peshkopit Teodosije. Liturgjinë e shugurimit e ka shërbyer patriarku serb Irinej, në praninë e mbi një mijë serbëve, kurse në ceremoni morën pjesë, ministri serb për Kosovën, Goran Bogdanoviq, ministri i Brendshëm serb, Ivica Daçiq, ai i Fesë, Bogolub Shijakoviq, dhe zyrtarë të tjerë nga Serbia.

Ceremoninë e shugurimit e kanë mbikëqyrur në aspektin e sigurimit pjesëtarët e Policisë së Kosovës, të cilët janë të shpërndarë në gjithë qendrën e qytetit, të ndihmuar edhe nga pjesëtarë të KFOR-it italian, të atij gjerman dhe të Policisë së EULEX-it. Kjo ceremoni e shugurimit të peshkopit Teodosije në Prizren nuk ka kaluar pa deklarata politike. Zëvendëskryeministri serb, Ivica Daçiq, ka thënë se Prizreni është qytet i lashtë dhe shumë i rëndësishëm për historinë e Serbisë. Ai ka theksuar se këtu ka lindur dhe po kështu tha se Prizreni njihet përmes qytetit të Dushanit. Pas ceremonisë, Daçiq dhe ministri për Kosovën, Goran Bogdanoviq, kanë shëtitur nëpër qytet dhe janë parë duke pirë ujë në “Shatërvan”. Por, brenda kësaj kohe në disa shtëpi të nënkalasë është shfaqur një flamur i Kosovës, në të cilin shkruante “Mirë se erdhët në Republikën e Kosovës!” dhe “Daçiq, Prizreni nuk të mirëpret!”.

[Hyllien]

Vec Islamikët dhe Serbët e mbështesin Hashimin, dhe ja rezultati, Kosova në faqe të parë të mediave për trafiqe organesh(as nuk do kishte guxuar njëri të bënte këtë gjë po të ishte Rugova), serbët që bëjnë cfarë ti teket, dhe në shkurt Amerikanët nga frika janë vënë në pozita lufte në veri të Kosovës. Pse pavarësi është kjo ?

[bindi]

Pse pavarësi është kjo ?

"Po po pamvarsi" ,ku hyne e del gjithkush si te ia doje qejfi ,ndersa te zotin e shtepise nuk e pyet kush per asgje

[Pa_doreza2]

Vec Islamikët dhe Serbët e mbështesin Hashimin, dhe ja rezultati, Kosova në faqe të parë të mediave për trafiqe organesh(as nuk do kishte guxuar njëri të bënte këtë gjë po të ishte Rugova), serbët që bëjnë cfarë ti teket, dhe në shkurt Amerikanët nga frika janë vënë në pozita lufte në veri të Kosovës. Pse pavarësi është kjo ?

me ke ber te qeshi me lote