Ikja e trurit--vetem 5% e te diplomuarve jashte ndodhet ne vend

[Edvin83]

E kam lexuar dhe une kete shkrimin dhe me sjell nje lloj brenge sepse pasqyron te verteten.Gjeja me e keqe eshte se ndihesh vertet keq kur miresjelljen ta marrin per dobesi dhe se te gjitha vlerat qe ke si person mundohen te ti hedhin poshte shpesh here duke te bere te dyshosh se kane te drejte se jeta eshte e tille.Nuk dua te flas per imoralitetin por di te them qe nga gjerat qe shikon dhe degjon atje peson nje krize identiteti dhe i thua vetes:ne çfare xhungle jam?!Se di por mendoj se çdo gje varet se çfare çmimi i ve vetes njeriu!

Ketu eshte xhungel me grabitqare nga me te ndryshmit....grabitqare mizore pa ndjenja njerezore

[Edvin83]

Është e kotë ta zgjas -- sektor privat.. në të gjithë botën më të mënçurit punojnë privat, jo në shtet.


Do më pëlqente të ishte kështu si thua ti, dmth KURRË në bashkimin socialist europian!

BE nuk eshte socialiste, dhe nese e ke fjalen per "socializmin" suedes, do te isha i lumtur te isha ne te

[Edvin83]

Je kthyer ti Ervisa ?

Dixhije se sdu te dal nga tema tani , per ca i taxojne mi, rrogat? Ok per sigurimet shoqerore, po tjeter c'a u mbajne? Mbase dhe jam jashte realitetit se u be kohe.

ja sa na mbahet me ligj nga rrogat:

Kontributi Social dhe Shendetesor per Punedhenesin dhe Punemarresin paraqitet edhe ne Tabelen e meposhtme;

Lloji

Perqindja Totale e rroges bruto te punemarresit

Punedhenes 21.7%


Punemarres 11 .2%

Vete sigurimi per Punedhenesin

(4,459 Leke) e barabarte me 39.2% te rroges minimale te pranuar (14,000 Lek)

Pra sic e sheh Shqiperia futet ne rangun e shtete sociale ku te mbahet 39.2 % e rroges...vete SHBA e ka 34 %, kurse shteti me social ne bote, Suedia e ka te 39%...
Ndersa ne Shqiperi per ato 39% shteti te jep nje shkelm b/ythes, ne Suedi me keto para te sigurohet sherbim mjekesor falas, dentis falas, pushime te paguara, kushte pune luksoze etj etj. lexoni pak me teper per Shqiperine e mos ecni me paragjykime e hamendesime...

[Bamba]

Po paguhet per ate qe nuk eshte paguar per 20 vjet rrjesht!

Nuk me pelqejne tipat qe mendojne se cdo gje i detyrohet...duhet pune, lodhje, perpjekje, durim, force e mbi te gjitha KOHE qe te arrish objektivat. Titulli eshte thjesht bileta per te hypur ne tren...

[darwin]

BE nuk eshte socialiste, dhe nese e ke fjalen per "socializmin" suedes, do te isha i lumtur te isha ne te

Për atë punë BE është një konglomerat i tërë socialist i kamufluar demokratikisht (megjithëse akoma jo aq sa ua ka qejfi aparatçikëve në Strasburg e Bruksel) , kurse modeli suedez nuk më duket si efikas në perspektivë.. çfarë kuptimi ka të mbushet vendi me somalezë, paki për të mbajtur në këmbë sistemin e pensioneve?

[INFINITY©]

Po paguhet per ate qe nuk eshte paguar per 20 vjet rrjesht!

Nuk me pelqejne tipat qe mendojne se cdo gje i detyrohet...duhet pune, lodhje, perpjekje, durim, force e mbi te gjitha KOHE qe te arrish objektivat. Titulli eshte thjesht bileta per te hypur ne tren...

Po kur kualifikimet e tua jane shume here me te mira se te dikujt tjeter, biles as mund te krahasohen fare, dhe vendi i punes i jepet tjetrit mqs i ruan qenin personit qe eshte ne ngarkim te mbushjes se ketij pozicioni?! Ups, ngele pa bilete treni fare me duket. lol

[Bamba]

Infinity ka shume gjera te padrejta ne kete bote...

[Edvin83]

Keni vene re qe ka filluar nje vale tjeter e ikjes apo riikjes se trurit? Shumica jane teper te zhgenjyer dhe nuk shohin asnje lloj shprese ne binomin e perjetshem sundues BErisha-Rama qe ka mberthyer jeten e Shqiperise.

[Edvin83]

Ku po shkon, Shqipëri e dashur?!
DR.ALBAN DACI | 08/11/2010 | Shekulli
Kjo është pyetja aktuale, që të gjithë ne ja bëjmë vetes dhe e diskutojmë mes miqve të ngushtë . Megjithatë, në publik as nuk kemi guximin më të vogël ta bëjmë dhe të përpiqemi t'i gjejmë një përgjigje. Ku po shkon shoqëria shqiptare sot? Kemi më shumë se 20 vjet që po rropatemi lart e poshtë në kaosin e një tranzicioni, që duket sikur nuk ka fund.

Sot, dikush nuk studion fare, por vetëm pse ka para apo miq të fortë mbaron universitetin, masterin shkencor dhe doktoraturën. I mbaron pa e pasur edhe idenë mbi lëndët që duhet të studioj. Po flisja një herë me dikë që po studion për drejtësi në një universitet privat. Po më thoshte se kishte provim.
Kur e pyeta se për çfarë lënde bëhej fjalë, nuk i dinte as emërtimin e plotë. "Por do të shkojë shumë mirë", - më tha, - sido që të jetë nuk më ngelin dot. "Po të më ngelin, e dinë që ik në një universitet tjetër privat..". E pyeta pse të mos studionte seriozisht, që të bëhej vërtet i zoti në atë fushë dhe përgjigja ishte: "Unë nuk jam, dhe ata që futen në shkollë me para ose me parti nuk janë më të zotë se mua".

Është ngulitur mendimi se paraja dhe miku partiak, janë cilësitë që duhen, të tjerat nuk kanë vlerë në Shqipëri. Kam më shumë se tre ditë që shkoj dhe pi një kafe përballë Fakultetit të Drejtësisë.

Pothuajse, të gjithë studentët, dhe ndonjë pedagog, rrinë në kafe. Bari i madh ishte aq plot sa ishte e vështirë të gjeje një vend për t'u ulur. Pothuajse, të gjithë studentët, veçanërisht vajzat, pinin duhan pa pushim. Sapo uleshin në tryezë, nxjerrin celularin, paketën e cigareve dhe çakmakun.

Mbi kokat e njerëzve qëndronte një mjegull tymi, e cila ngjasonte shumë me renë që qëndronte mbi shtëpinë e familjes Adam's. Juristët e ardhshëm, "pinin duhan si turqit", - kur i thonë fjalës. Nuk po zgjatem te veshja, e cila është një histori më vete. Duket sikur shkojnë në ndonjë mbrëmje gala, dhe jo në një orë leksioni.

Në një nga ditët e këtij vazhdimi pashë më në fund dy studente, të cilat sapo u ulën në lokal nxorën kompjuterin. "Më në fund", - thashë, - një pamje normale. Po s'qe e thënë. Nuk po shkruanin ndonjë detyrë kursi, vajzat hynë në facebook dhe filluan të ngarkonin foto, të cilat po i komentonin me njëra-tjetrën.

A nuk u bën përshtypje pedagogëve ose vetë studentëve, që asnjë (me ndonjë përjashtim fare të vogël) nuk mban libra apo fletore shënimesh në duar? Pse nuk dëgjojmë në një tavolinë me studentë, thuajse kurrë një debat për studimet, leksionet, provimet apo lëndët.

Një bisedë intelektuale mbi problemet e mprehta të vendit, është e tepërt të kërkohet nga studentët e sotëm? Do t'u kishte hije, për derisa janë studentë. Por bisedat që dëgjon zakonisht, janë çështje banale, thashetheme, muhabete veshjesh, aksesorësh, etj.

Një nga studentët më tregoi se Fakultetin e kishte këtu tek Blloku, por për shkak se nuk ka mjedise të mjaftueshme, leksionet i ndiqte në mjediset e një universiteti privat. E pyeta se si po shkonte me leksionet? Ai, më tha, se këtu nuk merret vesh asgjë në lidhje me leksionet. -Po përse nuk merret vesh?- e pyeta unë.

- Po ja, nëse kemi për të bërë pesë orë leksion në javë për një lëndë, ngaqë profesori bën edhe punë të tjera, ai nuk vjen kur kemi leksion sipas orarit, por na le një ditë në javë dhe na i bën për një ditë të gjitha orët që duhet të bënim për një javë, -u përgjigj ai , sikur po më thoshte gjënë më të zakonshme. (!)

Para ca muajsh do të merrja një vërtetim studenti për një të afërm timin në Universitetin e Durrësit. Ju betohem, se jam sorollatur dy javë për ta marrë. Një ditë shkova në universitet dhe gjeta rektorin, por nuk gjeja sekretaren, një ditë tjetër gjeta sekretaren, por nuk ishte rektori, një ditë tjetër nuk ishin asnjëri prej tyre.

Më në fund, pas kësaj telenovele, e mora vërtetimin, por duhej të bëja pagesën, sepse nuk ishte falas. Në Evropë, mund të marrësh jo një, por një mijë vërtetime në ditë në universitete dhe që të gjithë janë falas. Në Shqipëri, në fakultetet publike, dhe këto janë me lekë. E njëjta gjë ndodhi edhe me Drejtorinë Arsimore të rrethit Durrës.

Më duhej të merrja vërtetim për një tjetër të afërme timen, e cila studion në gjimnaz. Përsëri e njëjta telenovelë: shkoja të merrja vërtetimin dhe nuk gjeja sekretaren, sepse kishte dalë për kafe. Kur pyesja, se kur mund të vij, askush nuk ishte në gjendje të më jepte një përgjigje. Por çudia nuk mbaron me kaq.

Një ditë e gjeta sekretaren në zyrë dhe më tha që të shkoja nesër paradite për marrë vërtetimin. Shkova të nesërmen dhe e gjeta duke dalë nga zyra. I thash: "Ku po shkoni? A e lamë dje të më jepje vërtetimin?"

- Nuk ta bëj sot, sepse po ik në dasmë.- më tha ajo, qetë -qetë. -Si po ik në dasmë, po ty kush të zëvendëson? - ngula këmbë. - Paske shumë llafe, nuk të jap llogari ty, se ku shkoj dhe çfarë bëj (!). Edhe këtë herë pasi kaloi një javë, arrita ta merrja edhe këtë vërtetim, i cili përsëri ishte me lekë. Paguhej një detyrim i caktuar në bankë.

Ky realitet i hidhur haset kudo. Ministritë janë njësoj si universitetit në këtë drejtim. Është, pothuajse, e pamundur të arrish të takosh lirshëm një punonjës ministrie për të zgjidhur një çështje. Komunikimi me publikun është për tokë, qytetarët nuk respektohen dhe nuk ndihmohen.

Flitet se kanë ardhur shumë të rinj që kanë mbaruar studimet jashtë vendit. Unë, deri tani nuk kam parë asnjë, nuk kam dëgjuar asnjë konkurs publik për ndonjë vend të ri pune.

Ngado flitet për militantë që ju kanë shërbyer partive dhe tani partitë po ju kthejnë "kusurin" për kontributin e mëparshëm. Ku janë të rinjtë, ku janë specialistët, ku është meritokracia?! Një profesor, (i cili është eksponent i lartë i një partie), kur e pyeta si do mund të ecë ky vend përpara kështu, më tha: "Po nuk bërë për partinë, Partia nuk bën për të tjerët". Dhe nuk ma tha me shaka.

Deri këtu ka ardhur puna. Flitet, se ka ardhur koha që intelektualët dhe studentët që mbarojnë në Perëndim të kthehen në shtëpi, pas liberalizimit të vizave. Të kthehen, po ku do të shkojnë, me ç'punë do të merren?

Edhe sot ka në Shqipëri plot djem e vajza të reja që kanë mbaruar me rezultate të shkëlqyera studimet në perëndim, por janë pa mbështetje nëse nuk "njohin dikë të partisë X apo Y". Sillen rrugëve sikur të ishin të njerkës.

Disave madje u thonë që "je më i kualifikuar se ç'duhet" (!). Ka ndodhur edhe kjo.
Flitet se ka shoqata e ka programe qeveritare për kthimin e trurit në Shqipëri. Askush s'e di se ku janë e çfarë po bëjnë këto të ashtuquajtura mekanizma e programe.

Ku po shkon Shqipëria jonë, që për të hyrë edhe roje duhet të jesh anëtar partie?! Ku po shkon Shqipëria jonë, që për të hyrë në punë, nuk duhen diploma apo rezultatet e merituara, por paraja, miku dhe partia?!

Ku po shkon shoqëria, kur institucionet nuk kanë as në periferinë e vëmendjes së tyre qytetarin dhe hallet e tij, aq më pak trurin e këtij vendi ?! A nuk duket sikur në këtë vend po investohet për të prodhuar injorantë dhe për të përjashtuar dhe izoluar intelektualin dhe talentin e vërtetë. Shqipëria, është i vetmi vend në Evropë, ku pafundësisht prodhohen mediokër që ulen qetë -qetë në karriget e pushtetit.

[s0ni]

Ku po shkon Shqipëria jonë, që për të hyrë edhe roje duhet të jesh anëtar partie?! Ku po shkon Shqipëria jonë, që për të hyrë në punë, nuk duhen diploma apo rezultatet e merituara, por paraja, miku dhe partia?!

Shume shqetesues ky fakt, te varet e ardhmja jote (puna) tek partia qe eshte ne krye!!! Mos o zot te fitoje partia tjeter zgjedhjet sepse mund te ngelesh pa pune, ate pune te shkrete qe mezi e sigurove.