Permbytjet ne Shkoder, nisi verifikimi i demeve

[Brari]

dicka duhet bere perfundimisht.. qe shqiptaret ta mbyllin epoken me "urine" per uje e korent..

kur shoh ato shtellunga uji gjigande qe shperthejne nga tynelet e shkarkimit.. mendoj..
gjith shqiperia e kosova do te pinte uje.. uj bore e mali si kristali pa pyetur per orar per gjith vitin.. po te dinim ta disiplinonim me kohe ato ujra..
gjynaf.. gjynah.. gjith ai uj shkon dem.. flori i gjalle valute e gjithcka..



dydrins..

cfar mendon per kto gjera..

le te hapim nji teme per kto ceshtje..

[njemik]

Cja fut pordhes mo Brar. qe kur ka ardh Sali Berisha ne kemi pas gjithcka dhe skemi asnjelloj urie as per korent e as per uje. Ti me dukesh nga ata perkrahesit e PD-s qe sta ka varur kush dhe te duket se po te ishe ti cdo gje do ta beje me mir se ne qe jemi ketu. Te ka ngel sahati o Brari. Shqiperia sot eshte nder vendet me te mira ne bote per te jetuar. Do bejm dhe liberalizimin e vizave ne korrik dhe cdo gje pastaj do jete perfekte. Prandaj ska pse te vjen hic gjynah.

[ramaik]

Në Shkodër, vazhdon të jetë e rënduar situata në zonat e përmbytura.

Megjithë përmirësimin e motit dhe pakësimin e shkarkimeve nga hidrocentralet e kaskadës së Drinit, sot është rritur edhe me 1000 hektarë të tjera sipërfaqja e tokës së përmbytur.

Edhe numri i shtëpive të përmbytura është shtuar me 150 të tjera, duke arritur në 2500. Gjatë ditës së sotme ka vazhduar operacioni për evakuimin e njerëzve dhe bagëtive nga zonat e përmbytura. Gjithashtu, forcat e policisë dhe të ushtrisë po punojnë për shpërndarjen e ndihmave humanitare.

Kryeministri Sali Berisha zhvilloi sot në qytetin e Shkodrës një mbledhje të qeverise, ku vlerësoi operacionin e gjertanishëm, në ndihmë të banorëve të zonave të përmbytura, nderkohë që kërkoi hartimin e programeve për riaftësimin e kësaj zone pas kullimit te ujrave.

Zeri i Amerikes

[Llapi]

Prizreni, Gjakova dhe Ferizaj ndihmojnë për zonat e përmbytura në Shkodër

Prishtinë, 14 janar 2010 - Tri komunat e mëdha të Kosovës Prizreni, Gjakova dhe Ferizaj kanë nisur ndihmat për banorët e zonave të përmbytura në Shkodër. Komuna e Prizrenit ka dërguar dje rreth 45 ton mallra të ndryshme ushqimore dhe higjenosanitare me një vlerë prej 50 mijë eurosh. Përveç institucioneve lokale një ndihmë të konsiderueshme për grumbullimin e ndihmave humanitarë për banorët e zonave të përmbytura kanë dhenë edhe qytetarët dhe biznesmenët Prizrenas. Për grumbullimin e këtyre materialeve komuna e Prizrenit ka ndarë nga buxheti i saj 15 mijë euro, ndërsa kompania M&Sillos ka dërguar 25 tonë miell dhe 5 tonë nënprodukte të tjera të grurit. Aksionit për grumbullimin e të mirave materialeve për zonat e përmbytura i janë përgjigjur edhe biznesmenë dhe qytetarë të tjerë nga komuna e Prizrenit Komuna e Gjakovës ka nisur dje edhe një kontigjent ndihmash në drejtim të zonave të përmbytura në veri të Shqipërisë. Kontigjenti i dytë i ndihmave përbëhet nga dy maune me ushqime për kafshë, të mbetura në izolim në zonat rurale të veriut, si pasojë e rëndimit të situatës nga përmbytjet e ditëve të fundit. Ndihmat nga Gjakova dhe komunat tjera për banorët e goditur nga përmbytjet në veri të Shqipërisë, do të vazhdojnë edhe në ditët në vijim, varësisht nga kërkesat. Edhe qeveria komunale e Ferizajt në mbledhjen e saj të parë pas konstituimit, ka vendosur të ndajë nga buxheti i saj një shumë prej 12 mijë eurove, për zonat e prekura nga vërshimet në Shqipëri. Për momentin kjo ndihmë simbolike shpreh solidarizimin e qytetarëve të komunës së Ferizajt me popullatën e atyre zonave të prekura, thanë zyrtarët e Ferizajt, qytet ky i cili që nga viti 2004 është e binjakëzuar me qytetin e Shkodrës.

[Llapi]

Lorik Cana, 10 mijë euro për të përmbyturit në Shkodër

Futbollisti i kombëtarës shqiptare, Lorik Cana 10 mijë euro për të përmbyturit në Shkodër.


Futbollisti i kombëtares shqiptare, Lorik Cana i është bashkuar personave të cilet po ndihmojnë financiarisht familjet e përmbytyra në rrethin e Shkodrës, duke dhuruar personalisht 10 mijë euro në ndihmë të tyre. Futbollisti shqiptar, i cili luan në kampionatin anglez me skuadren e Sunderland, gjithashtu i ka bërë thirrje të gjithë të sensibilizohen për të ndihmuar banorët e rrethit të Shkodrës që kanë humbur gjithçka në përmbytjetet e ditëve të fundit.

[Brari]

bravo loriku.. bravo kosova..

keshtu duhet..

[juanito02]

Pse po e paguajnë sot shkodranët?
Nga Arben Çokaj

Kur diçka shkon keq, kërkohen fajtorët. Në standardin demokratik të 20 viteve të fundit, shumë krime politike janë konsumuar, por fajtorët kanë shpëtuar pa u hyrë ferra në këmbë. Dhe për këtë deformim të demokracisë e moszbatimit të ligjit, për këtë mentalitet të dhunshëm e jodemokratik në shoqërinë tonë, për këtë mbrojtje politike e dhembshuri paradoksale ndaj kriminelëve, duke shpëtuar gjithmonë fajtorët realë, përgjegjësinë kryesore e mban kryeministri aktual Sali Berisha. Ngjarjet më të rënda, që kanë ndodhur në Shqipëri këta 20 vjet, janë tragjedia e 1997-s, shpërthimi katastrofal i Gërdecit dhe tani përmbytja apokaliptike e zonës së Nënshkodrës. Për të tre këto raste, direkt ose indirekt, ka përgjegjësi kryesore Sali Berisha, që po e kompenson pështjellimin e tij politik me marri e agresivitet dhe po përdor çdo mjet legal e ilegal, për të shpëtuar prapanicën e vet dhe të familjes. Në fund, a do ia dalë ai mbanë?


Kryeministri i ngujuar në kullë nga hasmëria me popullin e tij


Sali Berisha e drejton vendin sikur po drejton një kupolë mafioze. Bashkimi i tij me znj. Topalli, në një politikë pa mend në kokë, ka krijuar precedentin psikologjik të kupës që ka gjetur kapakun. Psikiatri, Dr. Stone, e vlerëson si shkallën më të lartë të rrezikshmërisë shoqërore, një person që vret për të trembur të tjerët, komunitetin. Në shumicën e rasteve, ky i sëmurë psiqik është një dështak, një njeri pa kurajë, që duke vrarë e dëmtuar të tjerët, kërkon të vlerësohet e respektohet – kërkon të krijojë identitet.

Kryeministri i vendit është njeri asocial. Ai mbyllet në zyrë dhe informacionet, shpeshherë jo plotësisht të sakta, i merr nga bashkëpunëtorët e tij. Çudi si i ka ecur kaq gjatë!? Ka mbledhur 10-15 vetë, dhe duke sakrifikuar herë njërin e herë tjetrin, ai i ka futur tmerrin gjithë faktorëve institucional në vend siç janë gjykatat prokuroria, presidenti etj.

Problemi kryesor i tij mbetet Edi Rama. Po e theu edhe këtë pengesë, ai do ia dalë mbanë, që të vendosë në Shqipëri një model qeverisje, ku të gjithë janë të futur në të njëjtin kazan. Ku për papërgjegjësitë e marritë e tij, paguan edhe opozita...

Kryeministri ngjan me një njeri në hasmëri, që është ngujuar në kullë e që nga aty, ai shikon jashtë që të kuptojë se çfarë bëhet atje. Duke qëndruar i mbyllur në kullë, i ndikuar nga informacionet gjysmë reale të bashkëpunëtorëve, kryeministri ynë, nga frëngjia e tij, gjuan herë njërin e herë tjetrin, kë t’i teket atij, që e sheh në rrezen e frëngjisë, duke iu afruar gardhit. Për të ka rëndësi të rrijë në kullë, nuk ka rëndësi çfarë çmimi paguan ky popull, të cilin ai pretendon se e drejton, për ta mbajtur atë në zyrë. Duke qenë i mbyllur, ai ka tendencë deliri dhe paranoje.


Shkodra digjet, Jozefina krihet


Kur uji ka mbuluar totalisht me disa metra thellësi zonën e Nënshkodrës, kur dëmet ekonomike, njerëzore dhe të gjësë së gjallë në atë zonë janë kolosale, dhe kur qyteti i Shkodrës është bërë kaps, pasi i janë bllokuar jashtëqitjet në liqen, dhe ujërat e zeza në vend që të derdhen në liqenin e Shkodrës, janë kthyer mbrapsht dhe hyjnë brenda në qytet, znj. Topalli takohet në Bruksel me z. Busek. Me zakonin e saj miklues e sensual, me guximin e një derdimeneje, me gojën gjysmë të hapur si peshk i mbetur në zall dhe buzëqeshjen e sforcuar, znj. Topalli mori mbështetjen e Busek, që opozita të hyjë në parlament, sidomos tani kur Shqipërisë, në mënyrë të qëllimtë, iu shkaktua si gjithmonë, edhe një krizë e re.

Znj. Topalli mund të shihet si viktimë në këtë ngjarje të përmbytjes totale të zonës së Nënshkodrës, por ajo në fakt qëndron shumë afër kryeministrit Berisha, dhe burime pranë tyre tregojne se ajo di gjithçka që di Berisha. Pra, bashkëpunimi i tyre është tepër i ngushtë, gjë që të jep shijet e keqe të kuptimit, se nëse kjo katastrofë ujore ka qenë e planifikuar të ndodhë, këtë e ka ditur edhe znj. Topalli dhe nuk e ka ndaluar. Prandaj edhe znj. Topalli ka marrë dozën e duhur të agresivitetit politik, që karakterizon Berishën, në ëndrrën e saj për ta zëvendësuar komandantin një ditë, në të ardhmen.

Shkodra, një qytet, që ka votuar gjithmonë për PD-në, po shpërblehet sot në këtë mënyrë. Pse? Pse po paguajnë shkodranët sot? Sepse Berisha, ashtu si edhe znj. Topalli, hyjnë në kategorinë e atyre njerëzve, që dëmtojnë pikërisht ata, që i votojnë më shumë, mbështetësit e tyre, ashtu siç dëmtojnë edhe shqiptarët, sepse ata u kanë dhënë mundësi atyre të bëhen drejtues të lartë, që të na i shesin interesat tona tek fqinjët veriorë, për t’u pasuruar në kurrizin tonë. Berisha dhe znj. Topalli kanë një defekt të përbashkët, ata mbledhin rreth vetes gjithmonë njerëz të paaftë, hajdutë dhe shpërdorues të klasit të lartë dhe kjo nuk ka si ta çojë shtetin përpara. Ata nuk shqetësohen aspak për popullin, të cilin pretendojnë se e përfaqësojnë, shqetësohen vetëm për interesat e veta personale.

Për hir të së vërtetës duhet thënë, se në Shkodër vota më shumë vidhet nga militantët e PD-së, se sa votohet për PD-në, megjithëse Shkodrës i ka dalë nami si bastion i PD-së. Dhe vota e vjedhur ja se ku ta jep një ditë, pas koke. Nëse Shkodra nuk zë mend nga zgjedhja e znj. Topalli dhe klanit të saj në politikë, një grua e ligë, që karrierën e saj fitimprurëse e ka filluar bashkë me të shoqin, me vjedhjen e ndihmave të kishës pas vitit ’90-të, atëherë Shkodra e meriton këtë shpërblim fatkeq, dhe gjëma të tjera mund të vijnë në të ardhmen. Nëse populli shqiptar nuk zë mend nga fatkeqësitë, që u ka shkaktuar çifti Berisha – Topalli, dhe ne nuk gjejmë rrugë që t’i largojmë ata nga keq menaxhimi i pushtetit, atëherë ne prapë do shohim katastrofa, skandale dhe mossukses në këtë vend. Sepse, çifti që na drejton sot, ka kaluar në dalldi e delir të pashërueshëm dhe nga paaftësia për të drejtuar, ata bëhen agresivë dhe shkaktojnë vetëm viktima, e për rrjedhojë dëme të mëdha për shoqërinë tonë.

[mesuesi_1]

ore jani,
kete artikullin e ke shkruajtur ti apo na i amerikan atje ku je ti ....??!!
shkruje pra referencen ku e ke marre artikullin

[ramaik]

[Ujku'80]

Nga Sadedin Çeliku

Si rregull dorëheqja e një qeverie ka një kosto, jo vetëm politike, por edhe ekonomike. Ajo shpesh bëhet veprim i domosdoshëm për shkak se gjatë rrugës qeveritë apo ministra e individë të caktuar bëjnë gabime, të cilat prodhojnë kriza, të cilat shkarkohen në fund të fundit te populli. Sidoqoftë, dorëheqja është akt civil dhe numri një i një demokracie të vërtetë. Kjo ka ndodhur edhe në Shqipëri, por këtu, nëse dikush e bën, e quajnë budallallëk, sepse, sapo emërohesh, posti certifikohet dhe trajtohet si pronë. Ka dhënë dorëheqjen Sokol Nako, i cili bëri një aksident me makinë, edhe pse kryeministri i asaj kohe nuk deshi ta pranonte. Gjithashtu është dorëhequr Fatos Nano dy herë si kryetar partie dhe po aq si kryeministër.

Me thënë të vërtetën, dorëheqja e tij nuk është aq e argumentuar, por gjithsesi është akt i lavdërueshëm. Dorëheqja e tij ka qenë e lidhur me vrasjen e Azem Hajdarit në vitin 1998, që në fakt pati disa të dënuar. Për të njëjtin veprim, kryeministri i sotëm z. Sali Berisha, nuk dha dorëheqjen me vrasjen ende të pazbardhur të deputetit Fatmir Xhindi. Nëse për rastin e parë u futën disa në burg, për të dytin, edhe pse po mbushet viti, nuk është gjetur asgjë dhe drejtësia hesht.

Por çfarë duhet të bëjë një qeveri që të japë dorëheqjen? Deklarata të tilla për përmbytjen në Shkodër, se për fat nuk mori jetë njerëzish, janë qesharake. Nuk është serioze që mediet e qeverisë të tallen me njerëzit që vuajnë tragjedinë, duke thënë se po bëhen sondazhe, sipas të cilave qeveria e ka përballuar mirë situatën, se i gjithë populli mbështet qeverinë në këtë sipërmarrje etj. Nuk ka nevojë populli për këto mesazhe politike dhe jo dashamirëse.

Çdokush e merr me mend se jeta e njerëzve është e shtrenjtë dhe se kjo tragjedi nuk kishte lidhje direkt me marrjen e jetës. Ajo që ka lidhje me jetën e tyre dhe që është shumë e rëndësishme janë dëmet ekonomike, ekologjike dhe materiale, të cilat janë të pariparueshme dhe të pakompensueshme. Ato familje kanë investuar gjithë jetën e tyre për shtëpitë, tokën dhe gjithë infrastrukturën.

Ndodhi shpërthimi në Gërdec, vdiqën 26 njerëz dhe nuk u nxor asnjë përgjegjësi, jo vetëm penale, por nuk dëgjuam t’u thotë njeri atyre fakirëve: “Na falni.” U vranë 16 minatorë në Bulqizë dhe askush nuk foli e mbajti përgjegjësi. Më së paku duhet të ishte shprehur z. Ruli, ministër i asaj linje. U fol dhe u përfol sekseri serb, Fazlliç, për afera në Shqipëri, dhe u mbrojt me mënyrën më të keqe. U mbytën shtatë njerëz në liqenin e Butrintit dhe askush nuk tha një fjalë. Ra tërmeti vitin e shkuar në Peshkopi, ku shkoi për vizitë dhe kryeministri që premtoi kompensim deri në qindarka, por nuk ndodhi gjë dhe askush nuk u kompensua. Nuk merr pjesë në parlament opozita dhe akuzohen të gjithë me fjalorin më të keq në vend.

Të gjitha këto janë kriza, të cilat mazhoranca nuk i ka zgjidhur. Dhe meqë nuk është e zonja që t’i zgjidhë, rruga e vetme, e ndershme dhe demokratike është dialogu dhe shpallja e zgjedhjeve të parakohshme. Tashmë e dinë të gjithë se rezultati i zgjedhjeve është krejt tjetër dhe nuk pasqyron vullnetin e popullit. Zgjidhja duhet bërë shpejt. Asnjëherë nuk është vonë.