Vendi folkorik ku jetojme

[stavri22]

Ka dicka folkorike në këtë vendin tonë. Dicka që e bën jetën në Shqipëri paksa qesharake. Dicka qe as rrezimi i murit me te rëndë dhe më të trashë në botë nuk e largon dot nga sjellja jonë. Dicka që as regjimi më drastik nuk mund ta shkulte, dicka që me sa duket do të duhen dhe disa dhjetra vjecarë që të zbutet sadopak. Dhe ku më mirë se në mitingje festive dallohet kjo dicka, që në mungesë të një përkufizimi të saktë, do mundohemi ta saktësojmë në vijim të këtyre rreshtave. Festat për anëtarësimin e Shqipërisë në NATO i ngjante festës që organizohet në fshat me rastin e cfarëdolloj preteksti, mjafton që të dalin njerëzit në shesh dhe të presin të ndodhë dicka dhe në ndërkohë flasin me njëri-tjetrin duke risjellë disa doza normaliteti në një ditë që për ta është anormale...

Turma e njerëzve ishte vendosur para një skene të improvizuar, ku në fakt duhej nënvizuar se ishin bërë përpjekje për të sjellë disa elementë teknologjikë në të, gjë që do të kompensonte varfërinë artistike dhe intelektuale të materialeve të përgatitura me këtë rast. Dhe më në fund mbërriti rasti i shumëpritur. Mbërriti shpura e qeveritarëve që sollën me përpjekjet e tyre këtë ditë fatlume për Shqipërinë, me në krye një ministër në ndjekje penale, një tjetër i dorëhequr për shkak të ngjarjes që desh minoi procesin integrues të Shqipërisë dhe Kryeministrin, strumbullarin e të gjithë kësaj mizanskene gogoljane në mes të sheshit Skënderbe. Në fakt, meqë ra fjala, për "ditën e djeshme" sheshi duhet të kishte ndryshuar emrin, mbase sheshi Berisha, sheshi NATO, sheshi rrumpalla… po jo sheshi Skënderbe, pasi mu përpara statujës së heroit kombëtar ishte vendosur skena artistike e futjes në NATO. Në fund të fundit, gjithcka ishte bërë nën kujdesin e SHTZ Sali Berishës, në këtë kuptim asnjë simbol kombëtar nuk mund të përballej me mrekullinë e lirisë që solli në Tiranë pishtari i delegacionit shqiptar.

Pra pasi mbërriti kamioni me vullnetarët e lirisë që kishin marrë flamurin e kuq për ta ekspozuar në mes të sheshit të fshatit, filloi ceremonia. Në fakt festa rezultoi të ishte më shumë një miting i PD-së. Një festë kombëtare që u kanalizua tërësisht nga partia në pushtet për qëllime elektorale. Por nuk është ky thelbi i asaj që duhet të nënvizojmë. Më e rëndësishmja është sesi partia në pushtet edhe kësaj here tregoi se i takon një bote tjetër, një bote të vjetër me zakone të vjetra dhe me mënyra festimi gati paranojake. Madje, po të ishte e mundur, do të bëhej dhe një parakalim i forcave të armatosura në Bulevardin Dëshmorët e Kombit (më falni, Bulevardi që gjendet në këmbë të selisë së SHTZ Kryeministër), por problem është se nuk ka se me cfarë të bëhet parakalimi… Në kujtim të kohërave të vjetra, në kujtim të kohërave kur me të njëjtën iso folklorike festohej futja në bllokun armik të NATOS. Dhe kjo tregon mjaft qartë që koha ka kaluar por mentaliteti ka mbejtur fatkeqësisht i njëjtë. Kalojmë nga një rrymë në një tjetër pa kuptuar hapat që po hedhim.

Është shtruar gjithë ato herë pyetja se kush është e mira e futjes sonë në NATO. Këto të mira janë reale, ndër të tjera dhe kryesorja është futja në një bllok që presupozon se i bën ballë despotizmit që vjen nga Stepat e Rusisë, po a janë shpjeguar ose të paktën pohuar vetëm një herë? Në popull futja në NATO është përcjellë me të njëjtin fjalor që përdorin Dëshmitarët e Jevohait kur trokasin nëpër dyert e njerëzve: do kesh vetëm të mira, mjafton të besosh, do jetosh në prosperitet, në paqe, e ardhmja jote do të jetë më e lumtur… Dhe natyrisht populli duhet të jetë i lumtur për tërë këto të mira dhe s’ka si të jetë ndryshe. Po faktet janë kokëfortë dhe tregojnë shumë qartë se kulmimi i një procesi që ka disa vjetë që ka filluar nuk mund të fshehë situatën tepër kritikë me të cilën përballen njerëzit sot. Papunësia, mungesa e parasë që vjen nga emigrantët si pasojë e krizës botërore, mungesa e investimeve si pasojë e tkurrjes së aktiviteteve të shoqërive të huaja, hapat gjysmakë në zhvillimin e bujqësisë, problematika e arsimit, bomba me sahat që nëse shpërthen do të ketë pasoja që as 15 hyrje në NATO dhe 20 hyrje në BE nuk do t’a kompensojnë dot, konfliktet sociale dhe familjare, mungesa e perspektivave nëpër rrethe të Shqipërisë, korrupsioni anadollak që mbartet nëpër gene pushtetarësh që nga koha e rrëfimeve të Nolit dhe deri më sot, tregojnë se sa pak është punuar realisht për rimëkëmbjen kulturore, shpirtërore, ekonomike, arsimore të shqiptarëve. Nuk duhet menduar se populli shqiptar është dinamik dhe se e can vet rrugën e historisë me shpatë në dorë që shteti të rrijë mënjanë dhe të asistojë si spektator në shpërfytyrimin e një kombi ose si aktor në ndrydhjen e tij të mëtejshme.

Pra, hyrja në NATO, më shumë sesa festime anadollake dhe që fshehin të vërtetën therrëse të varfërisë së shumëfishtë të shqiptarëve, duhet t’i bëjë politikanët tanë të reflektojnë sesi mund të ndihmohet një individ pjesëtar i një shteti që është anëtar me të drejta të plota i një organizmi shumë të fuqishëm ta ndjejë veten të barabartë me një shtetas tjetër anëtar të së njëjtës organizatë. Por mbase është tepër të kërkosh shumë nga një shtet që gjithmonë ka organizuar festime bombastike domethënia e të cilave ka qënë gjithmonë larg problemeve të shqiptarëve dhe asnjëherë të mendojë me largpamësi emancipimin e tij në cdo fushë. Dhe nuk kemi pse habitemi kur sheshi mbushet hareshëm me njerëz që presin, dëgjojnë, shikojnë se cfarë do t’u servirë folkori i radhës…

Marre nga:
http://gjeneralmegafoni.com

[alibaba]

Po folklorike sikur janë tradita ajo që ruajtën shqiptarët ndër shekuj.

Duhet të ndërpritet ky zakon pedofilokratik që çdo gjë e keqe të quhet folklorike. Quaje anadollake, turke, apo si të duash, por jo folklorike.

Folklor është pasuria kulturore e një populli, dhe t'a përdorësh në konotacion negativ, është poshtërsia më e madhe.

[stavri22]

jam shume dakord me ty. folkori eshte dicka e shenjte per cdo popull. dhe duhet kultivuar sidomos ne qe e kemi te vjeter dhe te vecante.
po termi folklorik eshte perdorur ne kuptimin e menyres se trajtuari te gjerave ne menyre te vjeter. mund te jesh krenar per te kaluaren dhe ta tregosh kete gje cdo dite. po s mund t'i japesh zgjidhje problemeve bazuar ne nje mendesi te nje kohe tjeter.

[alibaba]

po termi folklorik eshte perdorur ne kuptimin e menyres se trajtuari te gjerave ne menyre te vjeter. mund te jesh krenar per te kaluaren dhe ta tregosh kete gje cdo dite. po s mund t'i japesh zgjidhje problemeve bazuar ne nje mendesi te nje kohe tjeter.

Kështuqë më mirë është të përdoret termi primitiv, ose budalla, ose... ekzistojnë qindra tjera alternativa.

Nejse nuk kam asgjë me ty, se këtë shprehje e kam dëgjuar edhe më parë, por gjithsesi jam kundër, sepse krijon përshtypje negative për folklorin.

[Cypress]

Alibabe as une skam gje me ty, ashtu si nuk kam gje me lirine e mendimit, por kush drejton ktu ne forum nuk duhet te lejoje simbole si ai qe mban ti. Doja te vija ne dujkje madje edhe kontradikten thelbesore midis Nick-ut tend dhe simbolit qe mban... apo edhe sloganin rracor...
Per tu kthyer tek tema: Dua te jem optimist dhe te besoj qe ajo turme festuese qe edhe une pashe me keqardhje, per menyren dhe formen e saj, nuk ishte atje per asgje tjeter vec nje dite ndryshe nen tingujt e muzikes. Po te beje ca intervista aty, pak kush do te dinte se per cfare festohej.... MGJS tani qe po e mendoj edhe kjo gje ka pak per te qene optimist...
Pershendetje

[alibaba]

Alibabe as une skam gje me ty, ashtu si nuk kam gje me lirine e mendimit, por kush drejton ktu ne forum nuk duhet te lejoje simbole si ai qe mban ti. Doja te vija ne dujkje madje edhe kontradikten thelbesore midis Nick-ut tend dhe simbolit qe mban... apo edhe sloganin rracor...

Cypress, ja gishtin e mesëm, hip në të dhe shikoje Stambollin me dylbi

Ende jetoke në kohën e Xhaxhit ti. Si s'ju vje turp të tregoni mentalitetin halabak, të fusni hundët në punë tjera. Vetëm derrat fusin hundët gjithkund.

Të duket mirë vetja që je një derr??

[Cypress]

Pse te erdhi inat mor ali? Ofendimi eshte arma e atij qe nuk ka argumenta.
Mua thjeshte me beri pershtypje kontradikta e emrit ali me kryqin nazist. ne fund te fundit folklor eshte edhe ky, ka te drejte Stavri me larte

[alibaba]

Pse te erdhi inat mor ali? Ofendimi eshte arma e atij qe nuk ka argumenta.

Jo, jo, nuk më erdhi inat, por mos fut hundët.

Gjithsesi mund të bëjënë përshtypje shumë gjëra, por kjo nuk të jep të drejtë që të përzihesh.

Edhe mua tash po më bën përshtypje Cypress i/e regjistruar, sepse me atë i/e po dukesh sikur je androgjine.

[Duaje Siveten]

Shekulli, 06/05/2009

Gomari (nuk) fluturon

Elton Xhanari

Mbrëmje në familje. Orar lajmesh në TV. Kronika e hetimeve pa rezultat në kërkim të vrasësit të deputetit.

Krerë të shtetit shkojnë të ngushëllojnë (sa shpesh këto kohë!!), thonë para kamerave që "ishte një ngjarje shumë e rëndë" (a thua nuk e dimë këtë) dhe rikthehen në gjirizin e tyre politik, ndoshta duke thënë para gjumit: "Ishallah nuk ndodh ndonjë hata tjetër sonte".

Lajmi i dytë, kronika e gjyqit të Gërdecit. 26 të vrarë, dhjetëra të tjetër të gjymtuar në trup dhe memorie, miliarda dëme. Të akuzuarit nuk denjojnë të shkojnë as në gjykatë. Pastaj vjen lajmi i tretë: kronika e vetëvrasjes së rradhës...

Trishtim dhe pasiguri. Më pas, mbuhatje, zemërim. Sapo përfundon së transmetuari sigla mbyllëse e edicionit të lajmeve, nisin ... reklamat qeveritare me kolonat blu, që gjithmonë ngrihen sipër të kuqeve. Shqipëria ku vriten deputetë në oborr të shtëpisë, ku ndodhin gërdecë, e vetëvrasje, po ndryshon.

Po, po. Ja, shikoni kolonat blu në ekran. Zëri pre-komunist i spikerit përbën një torturë më vete; një ton midis luftarakut dhe fuqiplotit që të çjerr veshin dhe të ngjall një frikë akoma të njomë.

Por fakti që mërzinë e transformon në inat, është burimi financiar i këtyre parullave elektorale. Kur mendoj që në atë milionëshin (euro dhe jo lek) që përfundon në xhepat e reklamuesve, një fraksion e kam paguar edhe unë me taksat e mia, kafshoj gjuhën për të ndalur ndonjë fjalë të tepërt.

Shqipëria është vendi i çudirave; ku faji është gjithmonë pa prindër, ku fushatat kryhen me paratë e të tjerëve dhe ku njerëzit e shkretë po konsiderojnë "normale" edhe situatat më absurde.

Taktika e numrave, që klani i mazhorancës (sepse përkufizimi "Parti", është disi i tepërt për këtë grup afaristësh) ka zgjedhur për të zhvatur mandatin e dytë, është dinake.

Dinake, sepse numrat nuk kanë fytyrë; janë të ftohtë dhe të largët; flasin për të gjithë, por nuk prekin hallet konkrete; manipulohen lehtë, por nuk pranojnë replika. Kolonat blu nuk janë gënjeshtra në vetvete, por janë gënjeshtra me brirë kur pretendojnë të masin mirëqenien e shqiptarëve.

Indikatori përfundimtar i mirëqënies, nuk është përqindja e rritjes së pagave, por fuqia e blerjes që pagat kanë. Pra, duhen krahasuar dy të dhëna: rritja e rrogës dhe rritja e çmimeve.

Vetëm nëse përqindja e parë është më e lartë se e dyta, njerëzit kanë më shumë para në dispozicion për të shpenzuar (ose kursyer). Marifeti është të fshehësh variacionin e çmimeve, dhe të reklamosh vetëm atë të pagave. Dy shembuj të vegjël për të kuptuar sa të shkurtëra i ka këmbët ky mashtrim.

Pikë së pari, mallrat ushqimore në Shqipëri, kanë të njëjtën kosto të atyre italiane. Vaj ulliri 3.9€ (kundrejt 3€), sheqeri 0.6€ (kundrejt 0.5€), orizi 1.2€, (kundrejt 1.3€), molla 1€ (kundrejt 1.1€). Paga mesatare matanë detit është 1200 euro, ajo shqiptare katër herë më e ulët.

Shqiptarët e kanë katër herë më të vështirë sesa fqinjët e tyre për të ushqyer familjen, për të blerë ushqime pa listat famëkeqe, për të ruajtur dinjitetin.
Së dyti, ndoshta kilovatët e prodhuara janë më shumë sesa në vitin 2005, por (sa për të marrë një shembull) as në datë 31 dhjetor të 2008-tës, gjithë pasditen, në lagjen e Kombinatit, nuk kishte drita.

Sistemi elektrik është aq i dobët, sa të mos garantojë rrymën energjitike as ditën e ndërrimit të viteve: festa jonë më e dashur. Në çdo shtëpi ekziston këndi i qirinjve gjysmë të konsumuar dhe llambave me bateri.

Në 1 janar të çdo viti, shqiptarët, pas urimeve të rastit, akoma duhet të pyesin njëri-tjetrin: "A ke pasur drita?". Politikanët seriozë, nuk mund të kenë cipë për llafe të tjera pa garantuar sigurinë fizike dhe nevojat primare të jetesës. Me këto kushte, ndoshta kemi shpresa të pranohemi në Lidhjen Afrikane, por jo në Bashkimin Europian.

Propaganda kërkon të na mbushë mendjen se gomari fluturon, por unë e di që gomerët nuk kanë krahë. Maksimumi disa mikrofona përpara, dhe një refren për të recituar.

[Cypress]

Une femer jam Ali por nuk mohoj biseksualitetin tim. Me kupton tani? Po ti, qe nga do ta rrotullosh nuk e justifikon dot mosdijen tende dhe kontradikten qe ne prezantimin fillestar!
Aliu shef propagande ne Reich-u e trete, ose shef i Gestapos, ose komandant i SS-ve
Mua me ngjan me shume me Ali Kimiku ose ose kjo eshte e forte dhe te pershtatet Ali Komiku