Telefonat 'Mobile' - Teknologjia e fundit

[YlliRiaN]

Në bazë të informatave të brendshme nga Sprint, prodhuesi i telefonave celularë është duke u përgatitur t’i befasojë shfrytëzuesit e vet me celularin e ri Palm Pre, shumë më herët sa që pritej.

Edhe pse data e lansimit nuk është bërë publike, supozohet që Palm Pre mund ta shijojë ‘ditën e madhe’ shumë shpejtë.

Kompania Sprint është duke nxituar që sa më shpejtë ta nxjerrë në treg telefonin e vet celular, pasi që iPhone pritet të jetë në shitje në muajin qershor, që do të mund ta linte në hije celularin e ri.

Zyrtarë të kompanisë njoftojnë se Palm Pre do të jetë në treg kah gjysma e këtij viti, ndërsa supozohet se data zyrtare e lansimit duhet të jetë afër.

[YlliRiaN]

Në faqet e Vodafone-t italian kanë dalë informatat për çmimin e HTC Magic- telefoni i dytë celular i cili operon me Google Android-in.

Për klientët aktualë të Vodafone-t, çmimi i HTC Magic do të jetë 150 euro, me pagesë shtesë mujore nga 10 euro.

Ndërsa blerja në treg e këtij celulari do të kushtojë 450 euro, derisa në bazë të disa tarifave të caktuara, parapaguesit e rinj do të mund ta marrin atë edhe pa para.

Nuk dihet nëse këto çmime do të jenë të njëjta në të gjithë tregun evropian, ku Magic-u do të jetë po ashtu në ofertat ekskluzive të Vodafone-t. Ndërsa data e daljes në treg ende nuk është bërë e njohur.

[new-man]

Gjatë muajit maj apo qershor Nokia ka për qëllim të paraqes trashëguesin e telefonit të mençur muzikor 5800 XpressMusic, së paku nëse mund t’i besohet informatave të portalit DigiTimes.

Supozohet se kompania tanimë ka porositur një numër të madh të ekraneve të ndjeshme në prekje, të mjaftueshëm për prodhimin fillestar të dy milionë pajisjeve.

Mirëpo ekranet e reja janë të llojit capacitive, të ngjashëm me ata që Apple dhe prodhuesit tjerë integrojnë në pajisjet e tyre. Kjo do të thotë se blerësit me këtë Nokia do të mund të udhëheqin nëpërmes gishtave, pa pasur nevojë për stylus.

[YlliRiaN]

Kompania Cricket Communications ka njoftuar për disponibilitetin e Motorola QA30 Hint të këtij telefoni të rrëshqitshëm, i cili është i pajisur me shumë shërbime të lidhura me lidhje wireless.

Ky telefon posedon lidhjen 3G për të transferimin e të dhënave, QWERTY tastier të lehtë për mesazhe tekstuale dhe qasjen në internet nëpërmjet shfletuesit për mobil.

Të gjitha veprimet mund të monitorohet përmes ekranit, madhësia e së cilit është 2,5 inç, ndërsa të pranishëm janë edhe dhe aparati fotografik me 2 mega-piksel për foto, dhe video incizim.

Nga përmbajtja multimediale, telefoni përmban edhe MP3 player dhe mbështetje stereo Bluetooth, si dhe FM radio pranues standard.

Motorola QA30 Hint, tani për tani ju mund të të blihet në internet me një çmim prej 250.

[YlliRiaN]

Adhuruesit e telefonave celularë të kompanisë LG do të mbesin gojëhapur nga modeli më i ri Viewty Smart (LG GC900), i cili është paraqitur gjatë këtyre ditëve.

Bëhet fjalë për një model i cili ka specifika të shkëlqyera. Ka ekran TFT prej tre inçësh me rezolucion 800 x 480 piksela, fotoaparat prej tetë megapikselash me autofokus, lidhje Quad band GSM e HSDPA, GPS...

Telefoni është i pajisur me pamjen S-Class Touch, përmban Wi-Fi e Bluetooth 2.0, mund të riprodhoj dosje audio si dhe video formatet DivX, MPEG4 e XviD.

Memoria prej 1.5 gigabajtësh do të duhej të kënaqë shumicën e përdoruesve, e ata të cilët kjo iu duket pak mund ta zgjerojnë me anë të lidhjes për kartelat e memories microSDHC.

Telefoni do të gjendet në shitje nga muaji maj, e çmimi ende nuk është bërë i njohur.

[YlliRiaN]

Operatori i dytë më i madh i telefonisë mobile në Japoni, KDDI au, e ka zbuluar modelin e vet të parë veror të celularit i cili do të bëj revolucion në treg.

Në fakt, kompania KDDI au në bashkëpunim me atë Sharp këtë verë do të paraqes celularin e vet rezistues ndaj ujit, bateria e të cilit do të mbushet me anë të energjisë solare.

Bateria e këtij telefoni do të jetë e plotë vetëm pas dhjetë minutash të ekspozimit në dritën e diellit, derisa specifikat tjera si dhe emërtimi nuk janë bërë të njohura.

Lajmi më së shumti i ka gëzuar aktivistët për mbrojtjen e mjedisit të cilët për nj kohë të gjatë tërheqin vërejtjen për materiet e dëmshme të baterive të hedhura të celularëve të cilat ndotin mjedisin.

Celulari i ri në tregun japonez vjen në muajin qershor, derisa plane për zgjerimin e tregut tani për tani nuk ka.

[BlooD_VenoM]

[YlliRiaN]

Nëse mund t’i besohet blogut të pavarur italian hdblog.it i cili është i dedikuar për hapat që ndërmerr Samsung, kësaj vere do të duhej të paraqitej trashëguesi i modelit të suksesshëm të kompanisë Samsung, atij Omnia.

Sipas thashethemeve të cilat janë shfaqur gjatë fundjavës, këtë verë do të mund të dilte pajisja e quajtur Samsung Omnia Pro, trashëguesi i drejtpërdrejtë i modelit Omnia. Pos dizajnit të njohur pajisja do të duhej të përmbajë edhe tastierë të plotë, ekran 3.5 inçësh WVGA të ndjeshëm në prekje si dhe fotoaparat prej pesë megapikselash.

Sistemi operativ i pajisjes Omnia Pro do të duhej të ishte ai Windows Mobile 6.1.

Sërish ritheksojmë se bëhet fjalë për thashetheme, sipas të cilave pajisja do të duhej të paraqitej këtë verë, me çmim prej rreth 500 eurosh.

[YlliRiaN]

Nëse jeni adhurues i telefonave "push-to-talk" (tek të cilët vendosja e lidhjes dhe kryerjes së bisedave bëhet me anë të shtypjes në një tast), një i tillë do ta paraqitet së shpejti nga kompania amerikane Motorola.

Sipas informacioneve të para, të cilat janë paraqitur kohë më parë, Motorola Clutch i465 është rezistuese ndaj të gjitha gjërave të padëshiruara: rrezatimit diellor, dridhjeve, goditjeve e madje edhe pluhurit.

Nga karakteristikat teknike duhet të veçohen fotoaparati prej tre megapikselash, porti micro USB, mbështetja për riprodhimin e dosjeve MP3, WAV e MIDI, si dhe lidhja Bluetooth 1.2.

Me anë të këtij telefoni mund të dërgohen të gjitha llojet e porosive, përfshirë IM (Instant Messages), e-mailat dhe porositë tekstuale (SMS).

Tani për tani nuk ka informata për çmimin e kësaj pajisje kur të del në treg.

[YlliRiaN]

Nokia ka paralajmëruar trashëguesin e celularit të saj të biznesit E51 dhe e ka emëruar E52. Modeli i ri i është përmirësuar në secilën pikëpamje, e posaçërisht në kohëzgjatjen e baterisë.



Modeli i ri dallohet kryesisht për kohën në pritje të telefonit e cila zgjat gati një muaj, mirëpo kohën kaq të gjatë të baterisë në realitet do ta shkurtojnë mundësitë ai ofron si bartja e të dhënave HSDPA apo navigimi A-GPS për të cilën gjë E52 është i gatshëm, pasi që ka pranues GPS të integruar. Fotoaparati i integruar në këtë celular ka 3.2 megapiksela.

Modeli më i ri i serisë E të telefonave të mençur është bërë me procesor më të shpejtë sesa paraardhësit e tij, niset nga procesori ARM 11 me takt punues prej 600 MHz. Ekrani i telefonit i ka karakteristikat e njëjta sikur edhe në paraardhësin e tij, rezolucion 240 x 320 piksela dhe shfaqje të 16 milionë ngjyrave, mirëpo diagonalja i është rritur nga dy në 2.4 inç.



Çmimi i rekomanduar i këtij celulari si dhe data e saktë e fillimit të shitjes nuk dihen ende.