Telefonat 'Mobile' - Teknologjia e fundit

[EuroStar1]

un kam 2 ip phone per ti shit kush i don te me thot jan ne kuti te pa perdor.mi kan sjell nga canadaja,njeri eshte prodhim kinez tjetri duket origjinal se ka 8 gb memorje,mu nuk me duhen se kam nje nokja,plus qe keto me prekje sme pelqejn.

[Bledari]

e sa lek i shet?

[[Perla]]

Samsung Electronics ka paraqitur novacionet më të fundit në fushën e telefonave mobil - Samsung Jet kombinon tiparet e përparuara të një “smartphone” dhe jep lehtësinë e përdorimit konvencional të telefonit mobil.

Ky telefon mbështet veçoritë e fundit të një “smartphone”, duke përfshirë njëkohësisht edhe më shumë menaxhimin e aplikacioneve dhe Microsoft Exchange ActiveSync, duke e çuar kështu përdorimin intuitiv të navigacionit përmes menysë dhe opsioneve të vendosura në formë elegante dhe kompakte, në një pajisje të vetme.

Pajisja ka ekran 16M WVGA AMOLED me madhësinë prej 3,1 inç, i cili jep një rezolutë katër herë më të madh se ekrani WQVGA. Telefoni ka një procesor prej 800 mega-herc, gjë që e bën këtë pajisjen më të shpejtë për prekje të plotë në kontaktet e telefonave mobil në treg.

Telefoni është i pajisur me “user interface” TouchWiz 2.0, i cili ofron përvojë të patejkalueshme edhe përmes ikonës për opsionet e reja, të tilla si sistemet e posaçme për zbulimin e lëvizjes së telefonit, kyçjes së zgjuar, ekran me widgets të posaçme etj.

ipko

[YlliRiaN]

Prodhuesi më i madh i procesorëve Intel dhe prodhuesi më i madh i celularëve Nokia kanë nënshkruar partneritet afatgjatë në kuadër të cilit do të zhvillojnë klasën e re të arkitekturës së chipset-ëve dhe pajisjeve të reja mobile.

Partneriteti afatgjatë e dy gjigantëve do të duhej që në treg të rezultojë me klasë krejtësisht të re të pajisjeve. Zëvendës-presidenti i Nokias Kai Oistamo ka deklaruar se me rastin e arritjes së partneritetit se nuk bëhet fjalë për telefona të mençur, por për krijimin e një klase të re të pajisjeve të cilat do të janë më të mira se telefonat e mençur të cilët ekzistojnë sot.

Gjigantët teknologjik kanë çfarë t’i ofrojnë njëri-tjetrit. Nokia nuk ka asnjë lloj përvoje me kompjuterët më të mëdhenj se telefonat celularë, derisa Intel qëndron prapa në mbështetje për teknologjinë e gjeneratës së trete – 3 G. Për të krijuar klasën e re të pajisjeve e cila nuk do të jetë netbook, por as telefon i mençur, por, supozojmë, diç në mes tyre, këto kompani me të vërtetë i nevojiten njëra-tjetrës. Në njoftimin për shtyp kompanitë kanë qenë shumë të papërcaktuar sa i përket pajisjeve të reja të cilat planifikojnë të zhvillojnë, përveç se kanë zbuluar se do të jetë aq e vogël sa që do të qëndrojë në xhep të pantallonave.

[YlliRiaN]

Google nuk ka të ndalur! Kompania është duke përgatitur një shërbimin telefonik i cili së shpejti do të duhej të filloi punën, e tani për tani janë në vijim testimet eksperimentale.

Sipas raportimit nga faqja teknologjike ArsTechnica, Google deri më tani i ka grumbulluar mbi një milion numra telefonik, tani për tani vetëm në Shtetet e Bashkuara të Amerikës, në përgatitje të lansimit publik të shërbimit të vet ri të telefonisë IP, atij Google Voice.

Shërbimi aktualisht gjendet në fazën e mbyllur eksperimentale, derisa bëhet fjalë për një teknologji të cilën Google e ka bërë për vete me blerjen e kompanisë GrandCentral para dy vitesh. GoogleVoice përdorë vetëm një numër telefonik i cili mund të transferojë thirrjet në telefonat e tyre ekzistues. Ka të integruar postën me zë të cilës mund t’i qaset me anë të telefonit apo internetit, derisa mund të ruaj edhe porositë audio siç është Gmail.

Shërbimi ofron edhe mundësinë e transkriptimit të porosive, kthimit të bisedës në tekst, tani për tani vetëm në gjuhën angleze. Në këtë mënyrë porositë mund të kërkohen sikur çdo përmbajtje tjetër tekstuale dhe të përcillen si tekst në çfarëdo adrese të e-mailit.

[Linda5]

Oferta e celularëve të cilët janë në gjendje të pranojnë dy SIM kartela aktive në të njëjtën kohë është më e pasur edhe me një pajisje nga punëtoria e kompanisë Samsung.

Samsung B5702 bie në kategorinë e pajisjeve quad-band, dhe si i tillë mund të punojë në të gjitha rrjetet mobile të mbarë botës. Kjo na gëzon edhe më shumë sepse një lloj i tillë i pajisjeve shumë lehtë do të mund të paraqitej edhe tek ne.

Kjo pajisje Dual SIM me llambën përkatëse LED tregon se në cilën kartelë është drejtuar thirrja telefonike, derisa përdoruesit mund t’ua përshtatin tërësisht pamjet secilës SIM kartelë.

Nga gjërat tjera theksojmë se Samsung B5702 përmban 50 MB hapësirë të dhënash e cila mund të zgjerohet edhe më me anë të kartelave të memories, ka ekran prej 2.4 inç (320 x 240 piksela), player multimedial, shfletues të dokumenteve, pranues të radiovalëve FM, fotoaparat prej tre megapikselash si dhe gjëra tjera të cilat janë tipike për këtë lloj të pajisjeve.

Samsung B5702 në treg do të mund të paraqitej gjatë muajit maj me çmim prej rreth 400 dollarësh.

Si shum i shtrenjt ky telefon per ne Shqiperi .....kur ne Gjermani e gjen me lire

[YlliRiaN]

Në konferencën WWDC është paraqitur iPhone 3GS (S është për shpejtësi) i cili në shitje do të del gjatë muajit korrik.

Apple në konferencën WWDC të mbajtur dje ka paraqitur shumë risi, mirëpo më interesantja padyshim është i riu iPhone 3GS.

Vet dizajni fizik i pajisjes ka mbetur i njëjtë me modelin aktual 3G, mirëpo thashethemet kanë dalë të jenë bukur të sakta sa u përket risive harduerike.

Pajisja lexon faqet e internetit 2.9 herë më shpejtë se modeli 3G, 3.6 herë më shpejtë shfleton dokumentet Excel, 2.4 herë më shpejtë lexon lojërat si dhe hap aplikacionin për porosi 2.1 herë më shpejtë. Për vet harduerin nuk është bërë fjalë. Telefoni ka fotoaparat prej 3 megapikselash me auto-fokus, opsionin makro dhe mundësinë e incizimit të video materialeve në rezolucion VGA dhe 30 fotografi në sekondë. Prej tani është mbështetur edhe HSPA më i shpejtë prej 7.2 Mbps.

Risi është edhe Voice Control, mundësia e thirrjes dhe udhëheqjes me zë, vet iPhone mund të përgjigjet në emrin e këngës, e në të është integruar edhe mbështetja për Nike+.

Sikur edhe siç thoshin thashethemet e shumta, pajisja posedon kompasin digjital si aplikacion të veçantë, mirëpo si funksionalitet është integruar edhe në Google Apps.

Sistemi operativ natyrisht është iPhone OS 3.0, i cili për pronarët e pajisjeve të tanishme fillon shpërndarjen nga 17 qershori nëpërmes iTunes, pa pagesë përveç për iPod Touch. Bateria është më e qëndrueshme në krahasim me 3G – 5 orë të bisedës 3G, 12 orë 2G, 30 orë dëgjimi të muzikës, 10 orë të shikimit të video materialeve dhe 9 orë të shfletimit të internetit me anë të rrjetit WiFi. Me gjithë këto, është gjetur vend edhe për kriptim harduerik të dhënave.


Dhe në fund çmimet, iPhone 3GS (16 GB) kushton 199 dollarë, derisa modeli me kapacitet prej 32 GB 299 dollarë.

iPhone 3G edhe më tutje mbetet në ofertë, por vetëm versioni prej 8-gigabajt me çmim prej 99 dollarësh. iPhone i ri fillon shitjen më 19 korrik të këtij viti.


http://www.youtube.com/watch?v=E4aQpczZC00

Shumë shfrytëzues të iPhone 3GS ankohen në nxehjen e telefonit të ri të mençur dhe në shikim të parë të përsosur të kompanisë Apple, shkruan gazeta britanike “The Telegraph”.

Edhe pse është dy herë më i shpejt sesa paraardhësi i tij, me opsione të avancuara, fotoaparat më të mirë dhe mundësi të incizimit të përmbajtjeve video, iPhone i ri duket të ketë edhe një të metë të madhe.

Shumë përdorues të iPhone 3GS i kanë drejtuar akuza kompanisë për nxehjen e telefonit, derisa disa tjerë pohojnë se nuk mund ta prekin fare e as ta bartin në xhep, si dhe nuk guxojnë ta mbështesin për veshi për të kryer një bisedë telefonike.

Nxehja e pajisjes është më e theksuara gjatë përdorimit të mekanizmave të saj për navigacion, teknologjisë GPS e cila mundëson gjetjen e vendeve të caktuara dhe jep udhëzime për vendin ku gjendet shfrytëzuesi.

Në të njëjtën kohë, iPhone 3GS nxehet pamasë edhe gjatë luajtjes së lojërave, derisa bateria e tij shpenzohet shumë më shpejt se tek paraardhësi i tij, edhe pse është paralajmëruar se ajo do të jetë më e qëndrueshme, kanë shkruar shfrytëzuesit e dëshpëruar të iPhone 3GS në forumin e shfrytëzuesve të kompanisë Apple.

Disa ekspertë besojnë se janë pikërisht bateritë ato të cilat janë fajtore për nxehjen e pajisjes, dhe se problemi mund të zgjidhet me përmirësimin e kualitetit të tyre.

Nga kompania Apple nuk kanë dashur të komentojnë pohimet e shfrytëzuesve.

[YlliRiaN]

Kompania Apple pak kohë pas paraqitjes të përditësimit të madh të sistemit operativ iPhone OS është duke përgatitur një version të ri me mundësi shtesë.

Zhvilluesit e regjistruar të Apple tanimë kanë qasje në versionet eksperimentale të iPhone OS 3.1. Softueri i ri sjell mundësi të gjera të editimit të video materialeve në modelin 3G S si dhe opsione shtesë gjatë përdorimit të copy e paste.

Vet sistemi operativ supozohet të lexojë dhe punojë më shpejt, mirëpo nuk dihet nëse këto ndryshime kanë të bëjnë vetëm me modelin më të shpejt 3G S.

Siç kemi shkruar edhe ditë më parë, përdoruesit e të riut iPhone 3G S janë duke u përballë me telashe të shumta me të, tek i cili në disa raste shkaktohet nxehje e tepruar gjatë punës. Madje, tek versioni i bardhë ka sjellë deri tek ndryshimi i ngjyrës mu për këtë fakt.

Data zyrtare e lëshimit për distribucion i iPhone OS 3.1 ende nuk është bërë i ditur.

[YlliRiaN]

Samsung SGH-U900 Soul posedon mjaft funksione të "high-tech" të paketuara në një kuti të metaltë, e cila përmban: një kamerë prej 5 mega piksel (me autofokus), kontrollues “touchpad” me ndriçim OLED nga prapa, ndërsa telefoni është i dedikuar për tregun evropian fillimisht.

Kur telefoni i ri nga kompania Samsung, i koduar me emrin SGH-U900 Soul, të hapet/mbyllet në anën e përparme të telefonit dominon ekrani QVGA TFT i madhësisë së 2.2 inç. Ky ekran siguron shumë ngjyra të ndezura dhe të plota.

Ekrani OLED i cili është i vendosur në pjesën e epërme të ndërfaqes, është njëra ndër karakteristikat më interesantë të këtij modeli të ri telefoni, i prodhuar nga gjiganti Samsung.

Ndërfaqja ofron kontrast të mjaftueshëm, ndërsa në të është edhe efekti i vibrimit në rast të prekjes së ekranit.

[YlliRiaN]

Telefonat mobil me optikë të kualitetit të lartë do të mund të konkurronin edhe me foto-aparatët më kompakt.

Sipas PhoneReporter i cili thirret në burime të panjohura, kompania Nokia do të shpërblejë kah mesi i vitit të ardhshëm, me një model telefonik me kamerë të mahnitshme prej 12 mega-piksel.

Mirëpo, ka edhe një të dhënë më të rëndësishme, e cila thotë se Nokia do të përgatis modelin më zoom shumë kualitativ optik.

Modeli i ri me këto performanca do të duhej të prezantohej kah mesi i vitit, në Mobile World Congress.