Telefonat 'Mobile' - Teknologjia e fundit

[YlliRiaN]

Prapë po vlon industria e celularëve – këtë javë fillon edhe një panair tjetër i dedikuar për këtë segment të teknologjisë komunikuese e informuese (TKI) - ai CTIA Wireless 2009.

Celularin GD900 kompania LG ia ka shfaqur publikut qysh në muajin shkurt të këtij viti në konferencën Mobile World Congress (MWC) në Barcelonë, mirëpo ekskluzivisht si model konceptual. Tani edhe kjo pajisje është e gatshme të vërsulet nëpër tregje.

LG GD900 bie në kategorinë e pajisjeve rrëshqitëse, tastiera e së cilës në tërësi është e përpunuar nga xhami. Pajisja ka lidhje 7.2Mbps HSDPA, ekran tre inçësh të ndjeshëm në prekje, player multimedial dhe karakteristika tjera që përkojnë me këtë lloj të pajisjeve.

[new-man]

Kur merren parasysh vështirësitë nëpër të cilat po kalon njësia e Motorolas për prodhimin e celularëve, secili model i tyre shihet me vëmendje të veçantë. Evoke QA4 nuk do të nxisë revolucion, mirëpo bëhet fjalë për një celular bukur interesant.

Motorola Evoke QA4 që një kohë është bërë shënjestër e thashethemeve, e tani është paralajmëruar edhe zyrtarisht nga Motorola, edhe pse pa çmim dhe datë të paraqitjes në treg.

Bëhet fjalë për një pajisje rrëshqitëse me ekran të ndjeshëm në prekje prej 2.8 inçësh dhe rezolucion WQVGA, fotoaparat prej (gjithsej) dy megapikselash, 256 MB të memories interne me mundësi të zgjerimit me anë të kartelave të memories microSD, aGPS dhe stereo Bluetooth.

Tingëllon si një konkurrencë e lirë për të popullarizuarin iPhone dhe pajisjet tjera me ekrane të mëdha të ndjeshme në prekje, mirëpo vlen të pritet edhe lajmërimi zyrtar i çmimit.

[new-man]

Kompania Sony Ericsson ka filluar fushatën e reklamimit, në të cilën, fytyra mbrojtëse e kompanisë është teniserja e njohur, Maria Sharapova, e cila prezanton modelin e ri T707.

Telefoni dedikohet për segmentin e mesëm të tregut, ndërsa dallohet për efektet specifike të ndriçimiqt dhe kontrollën e mirë të lëvizjeve. Displeji i jashtëm OLED i paralajmëron përdoruesit e telefonit për thirrjet që vijnë në telefon, ndërsa efekti i njejtë vlen edhe për sistemin e alarmit, të cilin mund ta ndërpreni, vetëm nëse e ofroni dorën afër telefonit, pa pasur nevojë të prishni gjumin tuaj, në tërësi.

Displaji i brendshëm QVGA është i madhësisë prej 2.2 inç, ndërsa telefoni posedon edhe kamerë me 3,2 MP, Bluetooth, 100 MB memorie të brendshme, portet për memorie të jashtme, si dhe marrës FM, për radio.

[new-man]

Nje celular “touch screen” i ngjashem me I-phone te kompanise Apple qe mund te perdoret nga njerezit qe nuk shikojne, pritet te dale ne shitje shume shpejt.

Shkencetaret e Universitetit te Tamperes ne Finlande kane punuar per ta pershtatur celularin edhe per kete kategori njerezish. Nepermjet nje software te vecante, shpikesit kane lidhur dridhjet me pikat e lidhjes se komandave.

Kjo shpikje eshte eksperimentuar me disa vullnetare duke kaluar me sukses testet pasi vullnetaret e verber kane arritur ta perdorin me lehtesi ate qe do te behet celulari i tyre universal.

Ky eshte nje hap i madh teknologjik i sistemeve “touch screen” dhe mund te aplikohet ne cdo celular me keto parametra.

[new-man]

Mini laptopët ultra-bartës, apo edhe siç njihen ndryshe edhe si laptop të dedikuar vetëm për internet, NetBooks, janë gjithnjë e më të popullarizuar, ndërsa çdo ditë e më shumë prodhuesit e laptopëve, po e synojnë edhe këtë segment të tregut.

Laptopët me internet në treg janë paraqitur për herë të parë gjatë vitit 2007, ndërsa në vitin 2008, janë shitur mbi 10.000.000 laptop të tillë, të vegjël, të cilët iu mundësojnë përdoruesve të publikojnë të dhëna të thjeshta, siç janë shfletimi i faqeve të internetit, dërgimi dhe pranimi i postës elektronike, dëgjimi i muzikës, si dhe manipulimi me programe të zakonshme.

Kompjuterët të cilët hyjnë në këtë kategori zakonisht janë më të lehtë se një kilogram, thellësia e tyre është prej 2,5 centimetrave, dhe ekran me diagonale prej 7 deri në 10 inç. Çmimi i tyre sillet diku rreth 199 dhe 599 dollarë, ndërsa analistët thonë se gjatë vitit 2009, do të shiten rreth 20.000.000 laptopë të tillë.

Modelet e tyre, të laptopëve me internet, deri tani i kanë prezantuar kompanitë si Asus, Dell, Lenovo, HP, Acer dhe të tjerët.

Mirëpo, gjithashtu merret vesh se deri në fund të këtij viti, në treg do të paraqitet një model i ngjashëm edhe nga kompania, Apple, e cila është lojëtar serioz në këto tregje.

[new-man]

Operatori francez i telefonisë mobile “Orange” para pak kohe u ka paraqitur përdoruesve të tij celularin Vegas Touchscreen Phone, një celular me ekran të ndjeshëm në prekje.

Celulari i lirë përmban Bluetooth, MP3 player, FM radio dhe fotoaparat prej 1.3 megapiksela si dhe peshë prej 84 gramësh. Memoria interne e tij është 64 MB derisa mund të zgjerohet me anë të kartelave të memories MicrosSD deri në 1 gigabajt.

Vegas veçmë ka filluar të shpërndahet brenda rrjetit të telefonisë mobile Orange. Pasi që bëhet fjalë për një pajisje për fillestarë, besohet se do të ketë një numër të madh të përdoruesve të tij.

[Xingaro]

Ja dhe celi im...e kam ble per vit te ri.

[new-man]

Kompania e Koresë së Jugut, Samsung paraqiti pajisjen nën emrin Mondi, qëllimi kryesor i së cilës është sërfimi në Internet. Pajisja përmban sistemin operativ Windows Mobile, dhe ka mbështetjen për WiFi dhe WiMAX.

Mondi ka ekranin e ndjeshëm në prekje me madhësi, prej 4,3 inç, një aparat fotografik me 3 megapiksel, me mundësinë e krijimit të një video përshkrimi, Bluetooth 2.1, tastierë QWERTY, dalje HDMI dhe katër gigabajt për memorien e brendshme për magazinimin e dosjeve.

Si ueb browser është zgjedhur shfletuesi më popullor Opera versioni 9.5. Pajisja nuk ka një zgjedhje VoIP, mirëpo ka mbështetje për email, MMS, SMS dhe IM.

Samsung Mondi në treg do të vijnë më vonë gjatë këtij viti, dhe tani nuk ka informacion në lidhje me çmimin

[YlliRiaN]

Para disa vitesh nuk do të mund të përshkruanim një titull të këtillë, sepse në treg kanë qenë vetëm disa modele me tastierë rrotulluese (apo ekran, varet si e shikoni). Këtë trend është duke tentuar ta kthej sërish në jetë kompania pak e njohur tek ne – PCD.

PCD TXT8030 nga njëra anë ka tastierë të plotë QWERTY, derisa nga ana tjetër janë zmadhuesit dhe tastet për të udhëhequr me përmbajtjet multimediale. Pra, një celular për punë dhe pajisje për kënaqësi, të gjitha në një.

Është mëkat që disa nga specifikat nuk janë edhe aq të nivelit, si për shembull fotoaparati prej gjithsej 1.3 megapiksela, mirëpo specifikat tjera tingëllojnë bukur solide: ekran me diagonale prej 2.2 inç, Bluetooth dhe mundësi e zgjerimit të memories me anë të kartelave microSD të kapacitetit prej 16 gigabajt.

Kjo pajisje do të mund të gjendet në treg vetëm në tremujorin e tretë të këtij viti, mirëpo kur merret parasysh se kompania PCD nuk është e pranishme në tregun tonë, pothuajse me siguri nuk do ta shohim fare tek ne.

[YlliRiaN]

Celulari WristFone i kompanisë kanadeze Neutrano është një pajisje e pazakontë e cila kombinon telefonin dhe playerin multimedial lëvizës, derisa vendoset edhe si orë – rreth kyçit të dorës.

Ekrani është i ndjeshëm në prekje, është integruar edhe fotoaparati, derisa pjesa e përparme e pajisjes sipas nevojës mund të ndahet për të bërë më lehtë thirrjet telefonike. Që të mos ketë nevojë të flitet në dorë, thirrjet mund të kryhen edhe me anë të dëgjueseve Bluetooth.

WristFone do të paraqitet në dy versione – nga metali i pandryshkshëm dhe në kombinimin në mes plastikës dhe lëkurës. SIM kartela vendoset nën bateri, derisa mbështetet edhe dërgimi i porosive të zakonshme dhe MMS si dhe dëgjimi i radiostacioneve FM. Fotoaparati i integruar ka rezolucion prej dy megapikselas, celulari ka 512 megabajt intern, por merret edhe kartela microSD me kapacitet prej 1 GB. Kohëzgjatja e deklaruar e baterisë është katër orë bisedë.

Në tregun amerikan WristFone arrin më 15 qershor me çmim të rekomanduar të shitjes prej 400 dollarësh.