Ju dhashë...
Ju dhashë ç'munda
Ç'mundët, s'më dhatë
Nuk gjeta ç'humba
Ç'gjetët, s'më thatë!
Ju thashë ç'dija
Ç'ditët, ç'e bëtë?
Më mbeti veç thirrja
Ju shurdhër nga mëntë!
--------------------------------------------
Të krijosh domethënë...të krijosh.
Moj, zemër!
Ç'më je bërë kaq xheloze
Që t'vi pas mesnate?
Unë i vetëm shkruaj llogje
Dashnor pas çdo fjale.
Veç për fjalën dashuruar
Mund të bësh akuzë
I pranoj prangat në duar
Jo, aman, në buzë!
Se aty belbëzon fjala
Dhe për ty, moj zemër
Vema gjithë trupin në pranga
Pakëz lemë për penën!
--------------------------------------------
Të krijosh domethënë...të krijosh.
Peshendetje Mondi!Ju lexoj me kenaqesi.Kete poezi qe veçova me pelqeuu shume.E fillova diten kendshem sot me keteo vargje teper terheqese.Faleminderit qe na solle kenaqesi.RespektePostuar më parë nga mondishall
Ndryshe nga ajo shprehja, "Kush vjen pa ftuar e gjen pa shtruar", ne i dashur Riza e gjejmë gjithnjë shtruar sofrën e njeri-tjetrit, më shumë kur jemi pa ftuar. Ndjejmë si mirseardhjen e të zotit, ashtu dhe urimet e vizitorit, sepse jemi njëkohësisht pritësi dhe miku bashkë. Një përshëndetje tani, me pak vargje....
Thjesht…
Kush tha flokët m’u thinjën?
Thjesht thinjat u bënë flokë
Kush tha vitet u rritën?
Thjesht rritja u bë moshë.
Kush tha m’u shtuan rrudhat?
Thjesht rrudhat u bënë lëkurë
Kush tha më mbaroi udha?
Thjesht udha u bë, Unë.
-------------------------------------------
Të krijosh domethënë..të krijosh.
E jetës...
Mëshira e jetës
Jetë e mëshiruar
Nuk shkon për njerëz
Vërtet të njerëzuar.
Varfëria e jetës
Jetë e varfëruar
Nga një botë tjetër
Varfërisht krijuar.
Gëzimi i jetës
Jetë e gëzuar
Mbetur për nesër
Ëndërr e shkuar!
-------------------------------------------
Të krijosh domethënë..të krijosh.
Bukur Mondi, mendimet e thella filozofiko-realiste...kush e merr kështu jetëm, nuk do merr hapat e gabuar...
Përshëndetje Mondi...
Te pershendes i dashur Agim me vargje. Cudi, po keshtu e paskam me lehte, pa pretenduar kursesi ne raste te tilla per poezi ne kuptimin e vertete te saj.
Unë e di
Unë e di ku ta hedh hapin
Pse ai nuk di ku vete?
Unë e di ç'prita më dalin
Pse në grackë të tyre mbetem?
Unë e di ku hedh shikimin
Pse ai bëhet i verbër?
Unë s'e di, s'e njoh mallkimin
Pse ai një jetë më ndjekën?
Unë e di, i vetëm jam
Pse më duan vetë i dytë?
Unë e di që maskë s'mbaj
Pse në pranga m'i venë sytë?
Unë e di që s'jam i tyre
Pse s'më lenë pak të qetë?
Unë e di që veç tek yjet
PSE të tilla, s'do të ketë!
-------------------------------------------
Të krijosh domethënë..të krijosh.
Harreskujtesa
Harresa e flaku kujtesën
Kujtesa harresës ju ngjit
Në ndjekje gjith' jetën mbetën
Njeriun e lanë midis.
Kështu u bë historia
Historia kështu dhe u shkrua
Harresa krijoi çudira
Kujtesa më shumë u harrua.
Dhe bota ecën hutuar
Nga erdhi, as Zoti s'e di
Se vetë Zoti ka harruar
Kujtesën për qënien-NJERI.
-------------------------------------------
Të krijosh domethënë..të krijosh.
Borxh dashurie
Si s'të putha sot
Iku dhe kjo ditë
E pranoj kët' borxh
Puthje të dyfishtë.
Me borxhe të tilla
Nuk më tremb dot jeta
I shlyej të gjitha
Të reja, të vjetra.
E kam marrë vesh
"Djallëzinë" tënde
Kastile më le
Me borxhe çdo mbrëmje.
Se ma di fuqinë
Borxhet si i shlyej
Mangut veç një ditë
Tjetrën, i përkryer.
Halli i hallit
Si t'ja bëjmë hallit, dimë
Po hallit të hallit, si t'ja bëjmë?
Se ja, gjen dhe miu një vrimë
Por jashtë e pret macja për ta zënë!
-------------------------------------------
Të krijosh domethënë..të krijosh.
Regullat e Postimit
Përgjigju Duke Cituar
Krijoni Kontakt