Disa receta per ushqim

[RaPSouL]

Barbekju

Për 4 persona

Materialet

* 400 gr. mish pule (nga gjoksi) 400 gr.
* 400 gr. mish viçi
(të gjitha këto në fileta)
* 2 speca jeshilë, 2 të kuqë, 2 të verdhë.
* 4 kunguj të vegjël, të prerë në rrathë
* 2 qepë të prerë në rrathë
* 16 kërpudha të prera në fetë të holla
* 4 karota të grira
* 120 ml. vaj ulliri
* piper i zi (kokërr)

Përgatitja

Në fillim skuqni mishrat duke hedhur në një tenxhere përveç tyre edhe vajin e ullirit, 2 qepët e prera hollë, piperin e zi (kokërr) si dhe kripën. Pasi mishi të ketë marrë ngjyrë shtoni në të specat, kungujt dhe kërpudhat. Nëse mishi ka shumë lëng mund të hidhni pak miell (por mos e teproni). E shërbeni në pjatë me pite të pjekura.

Salca barbekju

Për 4 persona

Materialet

* 1 qepë e madhe (prerë në feta shumë të holla)
* 100 ml. uthull
* 1 lugë gjelle mjaltë
* 1 lugë kafeje me kripë
* 100 gr. salcë domateje

Përgatitja

Në temperaturë mesatare zieni uthullën së bashku me qepën, derisa të mbetet gjysma e saj (uthullës). Më pas shtoni materialet e tjera dhe i zieni të gjitha për 5-6 minuta. Salca barbekju, që të bëhet e mirë, kërkon salcë domateje të cilësisë shumë të mirë. Salca "humbet" gjatë pjekjes dhe në fund nuk peshon më shumë se 200 gr.

[RaPSouL]

Makarona me fruta deti

Për 4 persona

Materialet

* 1kg. midhje dhe karkaleca deti 500 ml. verë e bardhë
* 500 gr. domate të vogla
* 1 pako makarona
* 120 ml. vaj ulliri
* 5 thelpinj hudhre, të prera në feta të holla
* 1 spec djegës kripë
* piper i freskët

Përgatitja

1. Pastroni nga jashtë midhjet me ujë të rrjedhshëm, duke i fërkuar me furçë të vogël. I vendosni në një tenxhere të madhe dhe shtoni verën e bardhë. I mbuloni dhe i zieni në zjarr të fortë për 3-4 minuta, derisa të hapen. Të gjitha ato që mbetën të mbyllura mos i gatuani por i hidhni tej. Më pas i kullon i, duke ruajtur lën*gun e tyre.

2. I shtypni paksa me forcë domatet e vogla me qëllim që t'ju dalë lëngu dhe farat
dhe i prisni në copa të mëdha.

3. Në një enë ku keni hedhur ujë dhe kripë shtoni makaronat dhe i zieni ato derisa të zbuten.

4. Ndërkaq, vendosni në zjarr të ulët një tenxhere me vaj dhe hudhër. Përpara se hudhra të fillojë të marrë ngjyrë të errët, shtoni specin djegës e domatet dhe i zieni për pesë minuta. Më pas hidhni në të lëngun nga midhjet dhe. I lini të ziejnë për pak derisa masa të mpikset dhe të bëhet salcë. Shtoni karkalecat e detit në salcë dhe i zieni për 2 minuta derisa të marrin një ngjyrë paksa rozë. Shtoni midhjet dhe, duke i përzier mirë me qëllim që të ngrohen. Nëse është e nevojshme mund të hidhni kripë e piper të freskët.

5. I kullon i makaronat dhe i vendosni në një pjatancë të veçantë. Mbi to hidhni frutat e detit dhe i përzieni me kujdes.

[RaPSouL]

Fileto e pjekur në "guackë" prej kripe

Për 6 persona

Materialet

Për fileton e pjekur

* 1 kg. fileto viçi
* 15 gr. gjalpë pa kripë
* 1 lugë gjelle vaj ulliri
* 1 e kuqe veze e rrahur lehtë
* 2 lugë gjelle kripë e trashë
* piper i zi

Për "guackën" prej kripe

* 500 gr. kripë e trashë
* 4 lugë thimar
* 1 lugë gjelle rozmarinë
* 150 ml. ujë
* 400 gr. miell
* 2 të bardha vezësh.

Përgatitja

1. Përgatisim "guackën" prej kripe të paktën 3.5 orë përpara se fillojmë pjekjen. Së pari, zbrazim në enën e mikserit kripën dhe erëzat dhe i përziejmë. Më pas shtojmë të bardhat e vezëve dhe ujin e vazhdojmë rrahjen. Hedhim pak nga pak miellin dhe e rrahim masën e krijuar në mikser për 2-3 minuta derisa të bëhet një masë e njëtrajtshme, e fortë dhe jo ngjitëse. Por nëse ngjit, atëherë shtojmë pak miell. Mbulojmë brumin me letër që nuk ngjit dhe e lëmë që të "shlodhet" në një cep të kuzhinës për 3-24 orë.

2. Pastrojmë filetot me letër kuzhine. Ngrohim gjalpin dhe vajin në zjarr me temperaturë mesatare dhe skuqim në to filetot për 2-3 minuta nga çdo anë.

3. Gradojmë furrrën në 190 gradë celsius. Hapim brumin mbi një sipërfaqe të lyer me miell dhe realizojmë një petë me madhësi 26x30 centimetra. I palosim petët më dysh dhe i mbyllim mirë në anë. Më pas i vendosim filetot në skarë. Shtojmë në të kuqet e vezëve 112 lugë ëmbëlsire me ujë dhe lyejmë sipërfaqen e "guackës" prej kripe, duke përdorur një penel kuzhine. Përsipër hedhim kripë të trashë.

4. I pjekim filetot në skarë për 25-32 minuta, në varësi të preferencave që kemi për mishin. Më pas i "shlodhim" filetot, duke i lënë mbi skarë në temperaturën e dhomës për 20-60 minuta.
Duke qenë se mishi është i mbyllur në "guackën" prej kripe, ai ruhet i ngrohtë. Presim "guackën" në anë dhe e heqim nga pak. Nxjerrim mishin dhe i hedhim piper përsipër. Në fund, i vendosim filetot në pjata dhe i shërbejmë menjëherë.

[RaPSouL]

Byrek "dy në një"

Përgatitja

Për 6-8 veta

Për brumin 350 gr. miell

* 1 lugë ëmbëlsire kripë 150 gr. gjalpë
* 10 me 12 lugë gjelle me ujë të ftohtë

Për mbushjen me spinaq

* 700 gr. spinaq i pastruar
* 3 lugë gjelle me margarinë 1 qepë e grirë
* 2 thelpinj hudhër, të prerë hollë
* 3-4 feta sallam të prerë në formë katrore 3 lugë gjelle qumështi
* 2 vezë
* 1 filxhan djathë i grirë

Për byrekun me djathë 3 lugë gjelle margarinë

* 4-5 lugë gjelle miell
* 1 litër qumësht
* 4 vezë
* 300 gr. djathë i bardhë i grirë 200 gr. kaçkavall i grirë kripë dhe piper

Përgatitja:

1. Në një enë hidhni miellin dhe kripën. Më pas shtoni me duar gjalpin dhe e punoni masën deri sa të shihni se thërrmohet në copëza. Hidhni ujin në këtë masë, e përzieni me një lugë druri. Brumin e mblidhni në formë të rrumbullakët dhe e lini të mbuluar për afro 30 minuta.

2. E hapni brumin në petë dhe i shtroni ato në një tepsi, e cila më parë është lyer me gjalpë. E shponi me pirun dhe e ndani më dysh. Në anë të saj vendosni letër alumin i, të cilën e keni palosur 2-3 herë. Kujdesuni që letra të ngjisë mirë tek brumi.

3. Përgatisni byrekun me spinaq, e shtrydhni mirë spinaqin dhe e prisni hollë. E hidhni atë në tenxhere së bashku me margarinën, qepën, hudhrën dhe sallamin. Rrihni vezët me qumështin, kripën dhe piperin dhe i hidhni më pas në masën e përgatitur.

4. Për byrekun me djathë: shkrini në një tenxhere margarinën, shtoni miellin dhe e përzieni deri sa të tretet. Më pas shtoni në mënyrë të ngadalshme qumështin e nxehtë dhe e përzieni vazhdimisht. E lini kremin për disa minuta në zjarr dhe menjëherë më pas e largoni dhe hidhni në të vezët, djathin, kripën e piperin. I përzieni të gjitha këto.

5. Zbrazni masën me spinaq në gjysmën e tepsisë dhe hidhni për sipër djathin. Ndërsa në gjysmën tjetër hidhni masën me djathë. E piqni byrekun në temperaturë 220 gradë për rreth 30 minuta.

[RaPSouL]

Kroketa me patëllxhanë

Për 6 persona

Materialet:

* 1 kg. patëllxhan
* 2 patate me madhësi të mesme
* 1 filxhan djathë i bardhë i grirë
* 1/2 filxhan djathë kaçkavall i grirë
* 2 filxhanë galeta
* 2 lugë gjelle majdanoz i prerë hollë 4 vezë
* 2 filxhanë vaj gjelle, kripë dhe piper

Përgatitja:

Në një tepsi shtroni patatet e paqëruara dhe gjysmën e sasisë së patëllxhanëve. I vini në furrë në temperaturë të lartë që të piqen.

Menjëherë më pas, sapo të jenë ftohur, në një enë grini tulin e patateve, të patëllxhanëve, majdanozin, djathërat dhe të kuqet e vezëve.

I përzieni të gjitha këto deri sa të krijohet një masë e fortë dhe e vendosni në frigorifer për t'u ftohur. Skuqni patëllxhanët e mbetur (të prera në feta të holla) dhe i mbushni me masën që keni vënë në frigorifer.

Veproni kështu: vendosni mbushjen e nevojshme në anë të fetës dhe i mbështillni në formë të rrumbullakët. I zhysni ato në vezët e rrahura dhe më pas i kaloni nëpër galetë që të bëhen krokante.

I skuqni në vaj të nxehtë.

[RaPSouL]

Buding me gjalpë kikiriku dhe me Parmesan

Materiale:

* 3 filxhanë me gjalpë kikiriku
* 1/2 lugë çaji kripë
* 1 lugë çaji vaj ulliri
* 1 filxhan me qepë të grira
* 1 thelb hudhre i grirë.
* 2 filxhanë qumësht
* 1 filxhan djathë Parmesan i grirë
* 1/4 lugë çaji piper i zi
* 1 lugë çaji indian
* 3 kokrra vezë
* 3 të bardha vezësh
* 9 filxhanë bukë franceze e grirë

Përgatitja:

1. Vendosni masën e gjalpit në një tavë dhe spërkateni me 1/4e kripës. Vendoseni të piqet për 12 minuta në temperaturën 400 gradë. Hiqeni nga soba dhe ulni temperaturën në 350 gradë.

2. Në një tigan me vaj shtoni qepët, lërini të skuqen për 5 minuta, shtoni hudhrat dhe lërini të skuqen për 1 minutë. Hiqeni tiganin nga zjarri.

3. Kombinoni përbërësit e mbetur; 1/4 lugë çaji kripë, qumësht, 1/2 filxhan djathë, piper, çaji indiani, vezët, të bardhat e vezëve, në një enë duke i përzier me një rrahëse. Në tavën ku është masa e gjalpit kikirik shtoni salcën e përgatitur me qepët dhe hudhrat e skuqura. Në fund spërkateni me thërrmijat e bukës dhe të djathit. Piqeni për 45 minuta në 350 gradë, ose derisa të jetë pjekur mirë.

(Kalori 304; Yndyrë 10,3g, Proteina 18,1 g, Karbohidrate 35,3g, Biber 4g, Hekur 2,1 mg, Sodium 823 mg, Kalcium 406mg).

[RaPSouL]

Karkaleca me salcë hudhrash

Përbërësit:

* 1 lugë gjellë vaj ulliri
* 3,5 gota me kopër të prera në copëza
* 1/4 lugë çaji me kripë
* 1/8 lugë çaji me piper të zi
* 4 hudhra të prera në copëza të vogla
* 1 fletë dafine
* 1/2 lugë çaji me piper të kuq
* 3/4 kg karkaleca dhe të prera
* 2 lugë gjelle lëng limoni i freskët

Karkalecat dhe koprën i bashkojmë dhe i përziejmë me verë të bardhë, duke i hedhur dhe barëra aromatizuese. Mos harroni të përzieni limonin në fund të recetës, është përzierja e orizit që i bashkon verën dhe ushqimin së bashku.

Përgatitja:

Ngrohim vajin në një tigan të gjerë në mënyrë të pandërprerë në një nxehtësi mesatare.

Shtoni koprën e prerë, kripën, piperin e zi, hudhrat dhe gjethen e dafinës; e lini 5 minuta sa kopra të bëhet e brishtë duke e përzierë vazhdimisht.

Shtoni piper të kuq dhe karkalecat në tigan; i lini 3 minuta ose derisa karkalecat të bëhen, duke i përzierë vazhdimisht.

Hidhini lëngun e limanit ose mund ta shërbeni me limon në feta.

[RaPSouL]

Gjellë me presh, selino e domate

Përbërës për 4 persona:

* 2 presh të prerë në rrota të trasha
* 1 kg selino
* 1 lugë gjelle pelte domate
* ½ filxhan oriz
* 1 filxhan vaj ulliri
* Kripë
* Piper i freskët i grirë
* 1 vezë
* Lëngu i 1 1/2 limoni

Përgatitja:

* Vendosni selinon për 2-3 minuta në ujë që zieni dhe kullojeni.

* Vendosni në një tenxhere preshin dhe kaurdisen në zjarr mesatar, duke e përzier derisa të thithë gjithë lëngun.

• Shtoni selinon dhe vajin e ullirit, përziejeni dhe mbulojeni me ujë. Pasi të marrë valë, hidhni përsipër perimet me oriz, pa i përzier dhe mbulojeni tenxheren. Lëreni ushqimin të gatuhet ngadalë, për 10 minuta.

• Shtoni pelten e domates, kripën, piperin dhe përziejeni. Nëse nevojitet, shtoni edhe pak ujë.

• Përgatisni vezën me lëngun e limonit, hidheni sipër ushqimit dhe hiqeni enën nga zjarri.

[PINK]

Preshet jane expensive ne Usa. Jo shaka . Lol

[TikTak]

nuk maj men qi kur skom honger presh. preshi ktu ne usa osht si puna kadaifit.

te keqen e preshit ne tiron hahahahahahahahahahaha. s'vute njeri ka kolesteroli ne koh txhaxhit se hanin mish i her nvit ene presh e lakra cdo dit hahahahahahahahahaha. ishin robt uluganta.

do shkoj me ble presh ka acme sot. osht 3 dallar i kok preshi ene 2 dallar bishti hahahahahahaha