Disa receta per ushqim

[RaPSouL]

Tortë me krem

Përbërësit

Për koren e tortës:

* kuti masë për kore
* 200 ml ujë të nxehtë
* 100 g vaj apo margarinë
* 2 vezë

Për kremin:

* 600 ml qumësht të ftohtë
* 70 g sheqer
* 100 g çokollatë

Përgatitja

Qiteni në një enë përzierjen për brumë, shtoni ujë, vaj dhe përziejeni ngadalë me mikser elektrik derisa brumi të fillojë të ndahet nga ena dhe lëreni që të ftohet, e më pas qitni dy vezë.

Një të tretën e sasisë qiteni në kallëp të mbështjellë me letër për pjekje, me diametër 20 cm dhe piqeni në furrë të nxehur në temperaturë 200°C, për 20 minuta.

Në të njëjtën mënyrë piqeni edhe pjesën e dytë dhe të tretë të brumit.
Në një enë të thellë qiteni qumështin, shtoni sheqer, pluhur për krem dhe përziejeni me mikser elektrik, për 3 minuta, me shpejtësinë më të madhe. Në gjysmën e kremit qiteni çokollatën e shkrirë.

Koren e pjekur lyejeni me kremin e çokollatës, mbulojeni me koren e dytë, atë lyejeni me krem dhe, në fund, mbulojeni me koren e tretë, të prerë.

[e panjohura]

Kek me hurma dhe banane


Materialet për 8-10 persona

* 250 gr. hurma pa bërthamë
* lëkurë dhe lëng nga 1 limon
* 2 banane të pjekura
* 200 gr. gjalpë i butë
* 180 gr. sheqer
* 3 vezë
* 230 gr. miell për kek
* 1/2 luge kafeje bakin
* feta molle (të cilat do të sheqerosen me 3 lugë gjelle sheqer)


Përgatitja

Në fillim vendosni hurmat, lëkurën dhe lëngun e limonit në një tenxhere ku keni hedhur 90 ml. ujë. I zieni atë për 5 minuta, derisa hurmat të zbuten. Më pas i rrihni në mikser me qëllim që të qullen dhe të bëhen pelte. Në një tas shtypni bananet me pirun, derisa të shkrihen plotësisht.

Rrihni ne mikser gjalpin dhe sheqerin derisa të formohet një masë prej shkume. Shtoni në të bananet dhe vezët dhe vazhdoni rrahjen.

Pasi të keni hedhur në miell sasinë e caktuar të bakinit e kaloni atë nëpër sitë dhe më pas e hidhni në masën e gjalpit dhe vazhdoni ta rrihni në mikser, duke pasur shpejtësi të ulët. Masën e zbrazni në forma të lyera më parë me gjalpë dhe përpiquni të rregulloni sipërfaqen e tyre, e cila nuk duhet të ketë të ngritura apo të ulura. Përsipër shtroni 1/2 e masës me hurma.

Shtroni mbi këtë masë një shtresë tjetër me banane dhe më pas vini përsëri nga masa me hurma. Në fund (shtresa e tretë) duhet të jetë nga masa me banane. E piqni kekun në temperaturën 180 gradë celsius. Pasi të jetë pjekur e hiqni nga forma dhe para se ta servoni e zbukuroni me fetë molle.

Sa dashta ta pergadis po ai KEK-ma ndrroj mendjen ndrroja emrin se na plasi ky KEK!

[RaPSouL]

Sallatë me peshk

Përgatitja: 25 minuta Pjekja: 15 minuta Kalori: 460 për porcion


Përgatitja për 4 persona:

• 280 gr oriz për sallatën
• 2 qepë të kuqe
• 2 domate
• 4 sardele në vaj
• 1 spec jeshil
• 100 gr sallatë
• 1 tufë borzilok
• 4 lugë vaj ulliri
• Kripë, piper

Pjekja: Lëre orizin në 3 litra ujë të vluar të kriposur. Kulloje. Për ta ftohur fute në ujë të ftohtë.

Përgatitja: Qërojini qepët dhe prit në copa të vogla. Futi për 15 minuta në ujë të ftohtë që tu largohet pak shija e fortë dhe më pas kulloji. Laji e thaji domatet dhe priti imët. Laje, pastroje specin dhe pastaj prite në copa. Priti në copa sardelet pasi ike kulluar. Së bashku futi të gjitha në një tas sallate bashkë me sallatën e larë dhe të grirë. Shto orizin. Shoqëroji me kripë, piper e vaj si dhe me borzilok të grirë.

[RaPSouL]

Koktej i stinës

Përbërësit
* 60 ml vodka
* 30 ml liker
* 30 ml lëng shege
* 30 ml lëng limoni
* Feta portokalli ose lëkurë limoni në formë spiraleje për zbukurim
Lloji i gotës: gotë për koktej

Udhëzimet

Tundini përbërësit në një përzierës pijesh bashkë me akull. Kullojini më pas në një gotë kokteji të freskët. Mund t’i ngrini buzët e gotës me sheqer. Duket si pika më e fortë e koktejit - pse të mos e provoni?

Disa, madje, sugjerojnë edhe përzierje me portokaj të hidhur, por nuk prish punë edhe po nuk i gjetët. Meqenëse shërbehet në një gotë, ku zakonisht shërbehet Martini, shumica e ngatërrojnë koktejin me të, por nuk është e njëjta gjë. Provojeni dhe do të jeni në një mendje me ne! Shërbehet pa akull.

[RaPSouL]

Biftek i zier me perime

Për 2 persona:

* 2 copa mish viçi, pa dhjam
* 2 karota
* 2 speca jeshilë
* 2 kunguj
* rigon, kripë, piper i zi, rozmarinë
* 1 lugë e madhe vaj
* ujë me sy

Përgatitja:

Copat e mishit rrihen deri sa të bëhen me petashuqe. Më tej sipër tyre hidhen erëzat dhe përzihen me to.

Pritini karotat, kungujt dhe specat në copa mesatare dhe përziejini dhe këto të fundit me erëzat mirë.

Lërini mishin dhe perimet një copë herë sa deri sa erëzat të depërtojnë aromën e tyre mbi to.

Më pas në një tigan vini vajin të skuqet dhe sipër vëni mishin dhe perimet. Më tej pa i skuqur fare (nëse doni dhe mund t’i skuqni) shtoni ujin nga to më ngadalë dhe në sasi të vogla.

Bëjeni këtë vazhdimisht, duke i kthyer perimet dhe biftekët disa herë deri sa të jenë gatuar. Në fund fare edhe ujin duhet ta kenë pirë pak a shumë. Servirini të nxehta. Ju bëftë mirë!

[RaPSouL]

Pulë me kërpudha

Nevojiten:

* 4 copë mish të bardhë të pulës (ose kofshë) pa lëkurë e eshtra
* 250 gr kërpudha të grira
* 1 filxhan qumësht
* 1 filxhan kafeje verë të bardhë
* 1 filxhan galetë
* 1 të bardhë lë vesë
* lëngun e gjysmë limoni
* gjysmë luge kopër të thatë
* kripë, piper.

Shtypeni mishin e bardhë me çekiç të bërxollave, por në vend të mishit të bardhë mund të përdorni edhe kofshët dhe kaçikët (duke ua hequr ashtin).

Zini kërpudhat në verë të bardhë, lëng limoni dhe kopër, derisa të mos avullohet gati e tërë vera.

Preni përmes çdo pjesë të mishit të bardhë, mbusheni me kërpudha e pastaj mbështilleni mirë duke i vënë një rrëmojcë.

Uleni çdo copë në qumësht ku keni qitur të bardhtë e tundur të vesë, lyeni me galetë dhe renditni në tepsi.

Futni në furrë të nxehur të cilës ia ngadalësoni temperaturën në 190 gradë celsius dhe piqeni rreth 35 minuta, derisa mishi të mos bëhet i butë dhe i kuqërremtë.

[RaPSouL]

Japrakë me sallatë jeshile

Për 6 persona:

* 1/2 kg. peshk pastërma (bakalaro)
* 24 gjethe sallate jeshile 1 filxhan oriz
* 1 qepë të grirë
* pak hudhër
* 4-5 bisqe selino të prerë hollë
* pak piper kokërr
* 1 domate, se cilës i është hequr cipa dhe është prerë hollë
* 3 lugë gjelle margarinë
* 1 konservë domateje të prerë hollë
* kripë dhe piper

Përgatitja:

1. Fillimisht pastroni peshkun nga kripësia e tij, hiqni cipat dhe halat dhe e prisni në copa.

2. Përvëloni gjethet e sallatës jeshile dhe i lini të kullojnë.

3. Përzieni copat e peshkut me orizin, qepën, hudhrën, selinon, piperin dhe domaten. Provoni shijen dhe i hidhni nga pak kripë dhe piperin kokërr.

4. Vendosni pak nga masa e krijuar në çdo gjethe sallate jeshile dhe i lidhni në formë japrakësh. I vini ato në radhë në tenxhere, ku është hedhur më parë margarinë. Shtoni kripë dhe piper. I mbuloni me një pjatë dhe i lini të ziejnë për rreth gjysmë ore afërsisht.

[RaPSouL]

Pule gordon blu

Koha e përgatitjes 1 orë e 30 minuta

Përbërësit

4 gjokse pulash
1 kupë me djathë kaçkavall të grirë
1/2 kupë proshutë të grirë
kripë
piper
4 lugë mustardë
2 vezë
2 lugë vaj
1/2 kupë miell
1/2 lugë kripë
Vaj

Përgatitja

Marrim gjokset e pulës dhe i rrahim lehtë, derisa të bëhen të buta. Në një enë përziejmë djathin kaçkavall me proshutën.

Lyejmë gjokset e pulave me pak kripë dhe me piper të zi, i mbushim me mustarde dhe me përzierjen e djathit dhe proshutës. I mbyllim dhe bëjmë role.

I kapim me shkopinj anët, që të mos dalë mbushja dhe pastaj i vendosim në frigorifer.

Në një enë tjetër rrahim vezët me vajin. Përziejmë miellin me kripën, i lyejmë gjokset e pulës që sapo i kemi nxjerrë nga frigoriferi, i zhysnim në përzierjen e vajit dhe vezëve dhe i fusim përsëri në frigorifer.

Ndërkohë, gradojmë furrën në 190 gradë. Marrim një tigan të thellë, skuqim copat e pulës derisa të piqen nga të gjitha anët.

Heqim shkopinjtë dhe i vendosim në tepsi për t'i pjekur për 15-20 minuta. Serviret e ngrohtë.

[RaPSouL]

Gurabije me bajame

Përbërësit:

1 1/2 filxhanë çaji me gjalpë te freskët
1 1/3 filxhan çaji me margarinë
3 vezë të freskëta
1 filxhan çaji me sheqer
1 filxhan sheqer pluhur për spërkatje
1 filxhan kafe konjak
1 lugë kafeje sodë
1 lugë kafeje vanilje
1 kg miell
1 1/2 filxhan çaji bajame të grira
1 1/2 filxhan çaji ujë

Përgatitja

Përziejmë margarinën me gjalpin e freskët me sheqerin, i shtojmë edhe vezët e freskëta dhe i përziejmë për gati 10 minuta.

Në vazhdim hedhim miellin, konjakun, sodën, vaniljen, bajamet, derisa të bëhet një masë e butë.

E lëmë pak brumin të pushojë dhe pastaj e ndajmë në forma sipas dëshirës.

Pasi kemi bërë format, i vendosim në një tepsi të lyer në vaj dhe i pjekim në temperaturë mesatare për 25-30 minuta.

Pas pjekjes i nxjerrim nga furra, i hedhim pak ujë dhe sheqerin pluhur.

[busavata]

Uthull molle dhe une e kam perdorur shume rralle.ose qepe te kuqe nuk ka gjithmone.E di cfare le te hajne fasul me turshie ato qe permende.

po edhe te kenaq...uujh jeeee