Disa receta per ushqim

[RaPSouL]

Sallatë me kungulleshkë

Për 1 kg. kungulleshkë duhen: vaj për skuqje (1/2 filxhan çaji), 2 lugë gjelle miell, kripë, piper, 2 lugë gjelle vaj ulliri, 2 kokrra hudhër, pak rriska qepe të kuqe, 2 lugë gjelle uthull; sallatë e gjelbër.

Kungulleshkave të njoma u hiqet cipa duke i kruar me thikë, shpëlahen dhe priten në feta. Pastaj shtohet kripë e piper, lyhen me miell nga të dyja anët dhe skuqen. Kungulleshkat e skuqura vendosen në pjatë dhe u hidhen hudhrat e shtypura me vaj ulliri e uthull, rriskat e qepëve dhe sallata e gjelbër. Kjo sallatë mund të shoqërohet dhe me kos.

[RaPSouL]

Pulë me mollë

Koha e përgatitjes: 20 minuta
Koha e gatimit: 15 minuta

Për 4 persona

* 4 gjokse pule nga 250 gr secili, 40 gr gjalpë, një lugë vaj ulliri, 3 mollë të kuqe, 3 mollë jeshile, 2 thelbi hudhër, një lugë të vogël erëza të përziera, kripë, piper, 300 ml verë molle po të jetë e mundur, ndryshe verë të bardhë, 4 lugë panë (kajmak qumështi i përpunuar).

Skuqni me flakë të ulët në një tigan jo të thellë gjokset e pulës me vajin dhe gjysmën e gjalpit për 5-6 minuta, derisa të kenë marrë ngjyrë nga të dy anët. Hiqni nga tigani dhe thajini me letër kuzhine.

Lani 2 mollë të kuqe dhe 2 jeshile, eliminoni zemrën e mollëve dhe pritni në feta. I vini të skuqen për pak kohë, derisa të ngjyrosen, në të njëjtin tigan të gjokseve të pulës, ku keni shtuar dhe hudhrën e shtypur. Tani vini përsëri në këtë tigan gjokset e pulës, shtoni erëzat dhe verën. Uleni flakën pasi të ketë vluar dhe lëreni kështu për 40 minuta.

Ndërkohë lani 2 mollët, që kanë ngelur dhe pritni në feta të holla, skuqini pak minuta në një tigan tjetër së bashku me gjalpin dhe kur t'i hiqni thajini me letër kuzhine.

Sistemoni gjokset e pulës në pjatë. Holloni çfarë ka ngelur në tigan me panënë dhe mbajeni mbi zjarr 2-3 minuta. Hidhni këtë lloj salce mbi gjokset e pulës, zbukuroni pjatën me mollët dhe servojeni.



Ju befte mire!



Rapsoul

[RaPSouL]

Krem orizi me qumësht dhe karamele me rozmarinë

Për 6 persona

150 gram oriz; 1 litër qumësht; 3 lugë gjellë krem i trashë; 75 gram sheqer; 1 limon, vanile; 1 lugë gjelle pluhur, sheqer pluhur, pak kripë

Për karamelen: 12 lugë çaj, sheqer, 10 gram gjalpë, gjethe rozmarine të copëtuara

Vendoseni orizin për 5 minuta në një tenxhere me ujë të vluar. Pastaj kullojeni në kullesë, shpërlajeni me ujë të ftohtë dhe kullojeni përsëri.

- Jepni një valë qumështit me sheqerin dhe vanilën si dhe me një rrip lëkurë limoni dhe pak kripë. Hidhni mbi të orizin. Kur të rimarrë valë, mbylleni enën dhe lëreni të ziejë në zjarr të ngadalshëm rreth 25 minuta, derisa qumështi të jetë thithur plotësisht. Lëreni të ftohet. Bashkojeni tani me kremin e trashë. Me ndihmën e një garuzhdeje krijoni disa sfera orizi me qumësht dhe vendosini në frigorifer.

- Hapni një letër kuzhine dhe lyeni me gjalpë.

- Përgatitni karamelen: ngrohni sheqerin me tre lugët e gjellës me ujë dhe rozmarinë derisa të marrë ngjyrë kafeje të praruar.
Lëreni të ftohet për 3 minuta.

- Me ndihmën e një piruni, hiqeni karamelen dhe vendoseni në trajtë folesh mbi letrën e kuzhinës. Lëreni të ftohet në një vend të thatë.

- 30 minuta para servirimit, hiqni sferat e orizit me qumësht nga frigoriferi dhe ndajini në pjata.

- Në momentin e fundit vendosni foletë e karamelet mbi sferat e orizit.

- Rrini lehtas kremin e lëngshëm, shtoni kanellën që të shkumojë.

- Hidheni pastaj menjëherë mbi pjata.

- Servojini të freskëta

Këshillë: Përgatitni orizin me qumësht dhe karamelen që më parë dhe rriheni kremin me momentin e servimit.


Ju befte mire!

[RaPSouL]

Peshk i fërguar në mikrovalë

Gatimi i peshkut në mikrovalë i jep atij një shije sikur të ishte rreshkur apo pjekur. Pra, përfitoni pak a shumë - peshk skare. Përgatitja është shumë e lehtë dhe ju merr pak kohë.

Për 2 persona nevojiten:

* 2 koca/levrek ose çfarëdo peshku i madh
* 3-4 thelpinj hudhrash
* një grusht gjethe majdanozi
* shafran
* coriander
* piper i zi
* kripë, vaj ulliri

Pastrojeni peshkun mirë. Pritini gjethet e majdanozit. Rrethojeni peshkun me majdanozin, erëzat dhe kripën, Lëreni, ashtu për disa minuta derisa erëzat të përzihen me peshkun. Pastaj vendoseni në një pjatë ku do te shtoni dhe pakëz vaj ulliri së bashku me hudhrat. Vëreni në mikrovalë dhe kontrollojeni të piqet nga të dy anët. Mund ta lini që të rreshket sa të doni.

[RaPSouL]

Sabajon irlandez

Për 4 persona:

· 5 të verdha veze
· 30 ml kafe e fortë
· 100 gram sheqer
· 2 lugë gjellë wisky
· 1 mollë
· 1 degë mente

Në një tas të madh rrihni të verdhat e vezëve bashkë me sheqerin dhe vanilën derisa përzierja të zbardhet dhe të dyfishojë volumin.

Vendosini tasin në një tenxhere me ujë që zien lehtas.

- U bashkoni gradualisht kafenë dhe wisky-n duke u përzier me lugë vazhdimisht dhe duke i fërkuar paretet dhe fundin e enës, për të evituar formimin e kokrrizave. Lëreni të ziejë duke vazhduar të trazoni derisa përgatesa të bëhet e trashë dhe shkumore. Kini kujdes që uji të ziejë lehtas.

Pasi të keni hequr nga zjarri, vazhdoni ta trazoni derisa përgatesa të vaket.
Ndajeni nëpër tasa. Lërini të ftohet krejtësisht dhe vendosini për 2 orë në frigorifer. Në momentin e fundit zbukurojini me rriska molle dhe gjethe mente.

- Servojini të freskëta.

Këshilla që të përfitohet një kafe shumë e përqendruar
Nga kafja juaj e zakonshme, duhet të shtoni 2 lugë kafeje, kafe të tretshme të çastit (tip Nescafe). Duhet pak durim për të realizuar këtë recetë në zjarr shumë të ngadalshëm.

[RaPSouL]

Qofte të vogla me mish viçi dhe pule

Për 6 vetë:

* 600 gr. mish viçi i grirë dhe 400 gr. mish i grirë pule
* 2 lugë majdanoz
* 1 vezë
* 1 lugë uthull
* 1 qepë e grirë
* pak bukë
* 1 karotë e prerë në katrorë
* pak domate të grira
* 1 filxhan të vogël me verë të bardhë
* kripë


1. Përzieni mishin e viçit dhe të pulës dhe përgatisni brumin si për qoftet e zakonshme.

2. Përgatisni salcën: Në tigan pasi të skuqni qoftet shtoni qepë, karotë, domate, verë, kripë, piper dhe pak selino dhe e lini të ziejë për 15 min.
Përgatisni purenë me 1 paketë të çastit dhe qumësht, shtoni pjesën e mbetur të majdanozit dhe e përzieni.

3. I hidhni qoftet në tigan së bashku me salcën dhe i përzieni. Hidhni përzierjen në një tepsi, mbi të shtoni purenë dhe e përhapni si shtresë. Hidhni mbi të djathë, kaçkavall të grirë dhe i lini të piqen për 15-20 min. në 200 gradë.

[RaPSouL]

Krep me portokall

Kreperitë bëjnë çudira ... Zbulojini ato në versionin e tyre të rafinuar, të lehtë dhe erëmirë.

Për 4 persona

Përgatitja: 40 minuta
Pritja: 2 orë
Pjekja: 50 minuta

* 125 gr miell
* 2 portokalle
* 30 ml qumësht
* 2 vezë
* 1 lugë kafeje konjak
* 40 gr gjalpë
* kripë, sheqer

Për gjalpin e portokallit

* 1 portokall, 1/2 limon, 40 g gjalpë, 40 gr sheqer i akullt, 5 ml konjak

Për ta shoqëruar

* 1/2 litër sherbet me limon, 1 fije mente

Këshilla:

* Brumi mund të jetë edhe më i mirë nëse ju e përgatisni që më parë.
* Në se ju mbetet brumë, krijoni krep të tjerë. Stivosini ato duke i ndarë nga katrorë letrash të sulfurizuara. Ju mund t'i ruani në frigorifer: nuk do t'u mbetet veç t'i vini në furrë disa minuta për t'i ngrohur. Do t'ju shërbejnë në mëngjes ose në zemër, me gjalpë të kripur ose shurup panje, me marmalatë portokallesh ose reçel luleshtrydhesh.

Etapa e parë

Në një tas hidhni miellin e papërpunuar me fare pak kripë dhe sheqer. Thyeni vezët në mes dhe përziejini duke mbledhur miellin drejt qendrës me ndihmën e një punimi të fortë. Shtoni aty progresivisht qumësht, pastaj konjak. Filtroni brumin. Mbulojeni brumin pasi e keni zgjatur dhe e lini të pushojë për 2 orë në frigorifer.
Shkrini 20 gr gjalpë në një tigan me krepë dhe hidheni atë mbi brumë.
Përgatisini krepët: hidhni pak brumë në tigan. Përkuleni në mënyrë që brumi të shtrohet mbi fundin e tiganit. Nxeheni dhe lëreni të piqet për 1 minutë mbi një zjarr mesatar. Shqitini anët, kthejeni krepin me një spatul dhe piqeni anën tjetër për 1 minutë.

Etapa e dytë

Përgatisni në të njëjtën mënyrë një dyzinë me krepë, pa harruar të gjalposni rregullisht tiganin. Stivosini pak nga pak mbi një pjatë. Lani një portokall dhe thajeni. Me ndihmën e një thike hiqni copa lëkure të gjata. Ndajeni portokallin, filtroni lëngun dhe ruajeni. Qëroni dy portokalle të freskët, ndajeni në thela.
Përgatsni gjalpin e e portokallit: ngrohni 40 gr gjalpë dhe sheqer në tigan. Shtoni copat e lëkurës, lëngun e portokallit të filtruar, një lugë kafe lëng limoni dhe një lugë kafe konjak. I zieni thelat e portokallit për 1 minutë. I hiqni ato ashtu si dhe lëkurët dhe i ruani.

Etapa e tretë

Ngroheni furrën mbi termostatin 6 (180gradë celsius).
I skuqni krepët një nga një, nga të dy anët, në gjalpin me portokall të nxehtë.
I ndani në katër dhe i rezervoni ato në një pjatë që e duron nxehtësinë. Në fund të veprimit vëreni pjatën e nxehtë në furrën e fikur.
Hidhni mbetjen e konjakut në tigan. E ngrohni, e piqni, lëreni të fiket.
I ndani krepët mbi pjata individuale, pastaj vini shpejt thelat e portokallit të vakta dhe lëkurët. I lagni me gjalp portokalli. Vini në çdo pjatë dy masa sherbet limoni, zbukurojini me fije mente dhe shërbejini menjëherë.

[RaPSouL]

Mish pate me perime


Për 4 persona:

* 1 patë 1.5 kg gati për t'u gatuar;
* 1 zemër lakre;
* 12 karrota të vogla;
* 4 rrepa të vogël;
* 4 presh të njomë;
* kripë kokërrmadhe, piper.

Për erëzat: 1 degë selino, 10 kërcej majdanozi, 1 gjethe dafine, 1 degëz trumzë, 1 degëz rozmarinë.

- Priteni zemrën e lakrës në çerekshe. Shpëlajini dhe kullojini. Qëroni karotat dhe rrepat. Lani me kujdes preshtë dhe lidhini në tufë.
- Përgatitni tufën e erëzave: lidhni bashkë degën e larë të selinos, kërcejtë e majdanozit, gjethen e dafinës dhe degët e trumzës e të rozmarinës.
- Vendosini të gjitha perimet dhe tufëzën e bimëve aromatike në një tenxhere të madhe. Hidhni 2 litra ujë. Shtoni 1 lugë gjellë kripë. Jepini një valë, hiqeni shkumën derisa lëngu i zierjes të jetë i kthjellët. Hidhni piper, pakësoni temperaturën e dhomës (shporetit) dhe lëreni të ziejë në zjarr të dobët për 15 minuta. Hiqni perimet.
- Futni në lëng mishin e patës dhe lëreni të ziejë për 40 minuta.
- Rifutni perimet duke i bashkuar me mishin dhe i lini në zjarr 5 minuta. Servojeni në supierë të ngrohur paraprakisht ose në pjata supe të ngrohta.
- Mbajini fasulët për gjithë natën në ujë të ftohtë, të nesërmen kullojini, vendosini në një tenxhere me gjethen e dafinës dhe trumzën. Mbulojini me ujë dhe le të ziejë në zjarr të ngadalshëm përreth 1 orë derisa të zbuten.
- Përvëloni domatet, qërojini dhe pritni në copa. Shtojini fasulet, si dhe tabletën e supës dhe thelpinjtë e hudhrës.
Jepuni valë të gjithave.
- Shtoni grurin, pritni që të marrë valë përsëri pastaj lërini të ziejnë ngadalë dhe për 10 minuta. Shtoni vajin dhe gjalpin. Mbushni një tenxhere me ujë deri në 2 cm nga buzët e saj. Shtoni 1 lugë gjelle uthull. Jepini një valë, pastaj le të ziejë ngadalë.
- Thyeni vezët një nga një duke i hedhur në ujë dhe duke mbledhur të bardhën rreth të verdhës. Le të ziejnë për 3 minuta. Hiqini nga uji me anën e një luge me vrimë dhe jepini formë të rregullt të bardhës me ndihmën e një thike.
Vendosini në 4 pjata të thella.
- Ndajini perimet bashkë me lëngun e tyre nëpër pjata.
Hidhuni piper.
- Servojeni menjëherë.

[RaPSouL]

Mish qengji me makarona

* Mish qengji, 1 kofshë
* Vaj për skuqje, 2 lugë gjelle dhe një lugë për salcën
* Qepë të thata, 4 copë
* Karota, 3 copë
* Selino, 2 degëza
* Domate, 2 copë
* Sallam, 150 gram
* Gjalpë, 2 lugë gjelle
* Kërpudha, 150 gramë
* Verë e kuqe , 500 mililitra
* Salcë domatesh, 400 gramë
* Kripë, majdanoz, sipas dëshirës
* Makarona
* koncentrat supe për 600 mililitra.

Përgatitja:

Skuqeni mishin nga të gjitha anët derisa të marrë një ngjyrë të këndshme ari. Qepën, erëzat, domatet e sallamin grijini hollë dhe skuqini për 15 minuta, duke i trazuar vazhdimisht. Pastaj hidhni verën, salcën e domateve dhe gjithë perimet e kërpudhat. Zieni për 10 minuta në lëngun e perimeve. Hidhni atje 150 gramë makarona. Ziejini.

Mishin e skuqur mbulojeni me kapak dhe futeni në furrë në 170 gradë. Lëreni derisa të përgatitet përfundimisht. Në fund, priteni në copa dhe servireni me makaronat dhe perimet e ziera së bashku, duke e zbukuruar me majdanoz.

[RaPSouL]

Kaneloni

Nevojiten:

* 500 gr miell
* 3 vezë
* 500 gr mish i grirë
* 3 filxhan qumësht
* 100 gr kaçkavall
* 250 gr gjizë pa kripë
* 100 gr gjalpë, salcë domatesh
* 2 lugë miell
* 1 kokërr limon
* kripë, piper.

1 - Zihen brumi me një vezë dhe një filxhan qumësht. Ndahet në pjesë dhe hapen petë me trashësi 3-4 mm.
2 - Priten petët në copa me madhësi 15x7 cm dhe hidhen të ziejnë në ujin që valon. Kur dalin në sipërfaqe, nxirren me kujdes nga uji dhe lihen mënjanë.
3 - Përgatitet mbushja: skuqet mishi në 50 gr gjalpë, shtohet salca e domates e tretur nën ujë, kripa e piperi. Pasi të avullojë uji, hiqet nga zjarri dhe ftohet. Përzihet mishi me gjizën dhe gjysmën e kaçkavallit.
4 - Mbushja e përgatitur hidhet me lugë të vogël në të gjitha petat e ziera, të cilat palosen 2 herë dhe vendosen në tavë.
5 - Përgatitet beshameli: 2 filxhanë me qumësht përzihen me 50 gr gjalpë dhe 2 lugë miell. Kjo masë vendoset në zjarr dhe përzihet derisa të marrë valë.
6 - Hiqet nga zjarri, ftohet pak dhe shtohet veza, lëngu i limonit dhe kripa. Përzihet mirë dhe hidhet sipër kaneloneve. Në fund hidhet pjesa tjetër e kaçkavallit. Piqen derisa të zënë një cipë të artë.