Disa receta per ushqim

[drague]

Sallatë me mollë, portokall e qepë

Për 1 person nevojiten:

· 1 portokall e ndarë në thela
· ½ mollë jeshile e athët, fetat e holla të së cilës I ndajmë përgjysmë
· 1 qepë e vogël e kuqe e prerë hollë në feta rrethore
· Lëngu I ½ limoni për të lyer fetat e mollës që të mos oksidohen
· 1 lugë gjelle lëng portokalli ose uthull molle ose ½ luge gjelle prej secilës që përzihen bashkë
· Pak vaj ulliri e kripë
Për të shërbyer mund të dekorohet me 6-8 fleta sallatë jeshile ose gjethekuqe.

Përgatitni portokallin në thela, mollët në feta e qepa në feta rrethore dhe shërbehen në formën e treguar në pjatë. Mos harroni të lyeni fetat e mollës me lëng limoni që ato të mos oksidohen (të mos marrin ngjyrë kafe). Hidhni lëngun e portokallit dhe/ose uthullën e mollës dhe në fund shtoni vajin e ullirit e kripën.


Ju befte mire.


Rapsoul

Uthull molle dhe une e kam perdorur shume rralle.ose qepe te kuqe nuk ka gjithmone.E di cfare le te hajne fasul me turshie ato qe permende.

[RaPSouL]

Makarona me kungull, speca të kuq dhe proshutë e tymosur

Përbërësit për 4 veta:

* 400g makarona
* 100g proshutë e tymosur
* ¼ spec të kuq
* 200g kunguj me lëkurë të gjelbër
* 1 thelpi hudhër
* kripë, piper

Lani me kujdes specat dhe kungujt. Vini hudhrën dhe vaj ulliri në zjarr. Shtoni proshutën, të prerë në copa të vogla dhe lëreni të skuqet. Prisni specat dhe kungujt në rripa të hollë dhe hidhini në tiganin e nxehtë, duke filluar me kungullin, pastaj specat; shtoni kripë dhe piper.
Ndërkohë që vegjetalet skuqen në tigan, zieni makaronat; kullojini dhe hidhini edhe ato në tigan duke i lënë 2-3 minuta të përzien të gjitha bashkë, por mos harroni të hiqni më parë hudhrën.
Në këtë pjatë bashkohen shija delikate e perimeve, si ajo e kungullit dhe shija e plotë e proshutës së tymosur. Ky është një gatim i lehtë, sepse nuk rëndohet nga mishi, pasi sasia e përdorur është e pakët. Duket se nuk i mungon asgjë, përveç një vere të bardhë.

[RaPSouL]

Patate të skuqura me salcë djathi dhe vezë

Materialet për 4 persona

· 600 gr. patate
· 200 gr. djathë kaçkavall, i butë, i grirë
· 2 thelpinj hudhre të prera hollë
· 100 ml. verë e bardhë
· 200 ml. krem qumështi
· 2 të kuqe vezësh
· 2 lugë gjelle majdanoz
· 60 gr. gjalpë
· kripë dhe piper

Përgatitja

1. Lani shumë mirë patatet; i lyeni me pak gjalpë dhe në vazhdim i mbështillni me letër alumini. I piqni në furrë për 1 orë, derisa të zbuten,

2. Menjëherë më pas u hiqni cipën: i prisni në copa të mëdha dhe i vendosni në një enë të lyer me gjalpë.

3. Sipër patateve hidhni pak djathë të trashë të butë, të grirë trashë.

4. Rrihni kremin e qumështit me verën, të kuqet e vezëve dhe kripën e piperin. Shtoni djathin e grirë, hudhrën, majdanozin dhe i përzieni mirë të gjitha materialet.

5. I spërkatni patatet me masën prej djathi dhe I piqni derisa djathi të shkrijë. E servoni gatimin menjëherë.


Ju befte mire.

[KUSi]

O Rapi edhe kuzhinjer je bo

[RaPSouL]

Kek me hurma dhe banane


Materialet për 8-10 persona

* 250 gr. hurma pa bërthamë
* lëkurë dhe lëng nga 1 limon
* 2 banane të pjekura
* 200 gr. gjalpë i butë
* 180 gr. sheqer
* 3 vezë
* 230 gr. miell për kek
* 1/2 luge kafeje bakin
* feta molle (të cilat do të sheqerosen me 3 lugë gjelle sheqer)


Përgatitja

Në fillim vendosni hurmat, lëkurën dhe lëngun e limonit në një tenxhere ku keni hedhur 90 ml. ujë. I zieni atë për 5 minuta, derisa hurmat të zbuten. Më pas i rrihni në mikser me qëllim që të qullen dhe të bëhen pelte. Në një tas shtypni bananet me pirun, derisa të shkrihen plotësisht.

Rrihni ne mikser gjalpin dhe sheqerin derisa të formohet një masë prej shkume. Shtoni në të bananet dhe vezët dhe vazhdoni rrahjen.

Pasi të keni hedhur në miell sasinë e caktuar të bakinit e kaloni atë nëpër sitë dhe më pas e hidhni në masën e gjalpit dhe vazhdoni ta rrihni në mikser, duke pasur shpejtësi të ulët. Masën e zbrazni në forma të lyera më parë me gjalpë dhe përpiquni të rregulloni sipërfaqen e tyre, e cila nuk duhet të ketë të ngritura apo të ulura. Përsipër shtroni 1/2 e masës me hurma.

Shtroni mbi këtë masë një shtresë tjetër me banane dhe më pas vini përsëri nga masa me hurma. Në fund (shtresa e tretë) duhet të jetë nga masa me banane. E piqni kekun në temperaturën 180 gradë celsius. Pasi të jetë pjekur e hiqni nga forma dhe para se ta servoni e zbukuroni me fetë molle.

[RaPSouL]

Perime të furrës

Përbërësit për gjashtë persona:

* 660 gr lulelakër jeshile
* 500 gr bishtaja dhe karota
* 3 lugë margarine
* 2 lugë kaçkavall të grirë
* Kripë
* Piper

Për beshamelin

* 3 luge margarine
* 4-5 luge miell
* 1 kg qumësht
* 1 arrë e grirë
* 2 vezë
* 1 filxhan djathë
* kaçkavall i grirë

Përgatitja

Ziejmë perimet në tenxhere me presion dhe i lëmë derisa të pinë të gjithë ujin dhe më pas i hedhim margarinë përsipër.

Për beshamelin

Në një tenxhere hedhim margarinën, miellin dhe i përziejmë. Hedhim qumështin e nxehur me përpara, derisa të përftohet një krem. E lëmë kremin për disa minuta në zjarr dhe hedhim arrën e grirë, vezën, kripën, piperin dhe djathin e grirë. Vendosim lulelakrën jeshile rreth një enë balte. Mbushim qendrën me bishtajat dhe karotat, hedhim përsipër beshamelin, djathin kaçkavall dhe e fusim në furrën e nxehur në 220 gradë për 30 minuta.

[RaPSouL]

Strudel me spinaq dhe karota

Materialet për 8 persona

* 1 ose 2 peta byreku
* 450 gr. spinaq
* 400 gr. karota
* 50 gr. djathë kaçkavall 2 thelpinj hudhre
* 1 tufë majdanoz
* 60 gr. pistakë (fistekë)
* 50 gr. rrush i thatë
* 2 lugë gjelle vaj ulliri
* 40 gr. gjalpë
* 1e kuqe veze
* kripë, piper

Përgatitja

1. Prisni karotat në forma rrethore. I skuqni me gjysmën e hudhrës; shtoni në te majdanozin dhe i hidhni kripe e piper. E shtroni këtë masë në petën e byrekut.

2. Pastroni me kujdes spinaqin; e shtrydhni; e prisni në copa të trasha dhe e skuqni me pjesën tjetër të hudhrës. Pasi të shtoni kripe dhe piper e hiqni nga zjarri. Menjëherë më pas hidhni rrushin e thate, pistakët (fistekët) dhe djathin kaçkavall.

3. E përzieni mirë këtë masë dhe e shtroni në petën e byrekut, mbi shtresën me karota që hodhët më parë. (Shpërndani copat e djathit nëpër të gjithë petën, me qëllim që të mos ketë vetëm në një vend).

4. E vendosni ‘strudelin’ në një tepsi të lyer me gjalpë dhe përsipër e lyeni me të kuqtë e vezës, të cilën e keni rrahur më parë me pak ujë.

5. E piqni ushqimin për 45-50 minuta. Kur të jetë
Gati, sipas preferencave e servoni të ftohtë ose të ngrohtë.


Ju befte mire!

[Roi]

Te lumt Oj Tetove,
Na knaqe me keta receta te faleminderit shume...
Te jem shume mirenjohes..

[RaPSouL]

Qofte më lëng

Materialet:

• 1 kg mish i grirë
• 2 speca të kuq dhe i bluani
• 1 shkop kanellë e copëtuar
• 1/2 filxhan oriz i pagatuar
• 2 lugë gjelle qepë të grira
• 1 kokërr vezë
• 1 thelb hudhre

Salca:

• 3 kupa sallatë jeshile e grirë
• 2 filxhan qepë të grira
• 1 kupë me karota të prera në copa të vogla
• ½ selino e grirë
• 1 lugë gjelle pudër djegëse
• 2 kupa lëng mish pule
• 1 kupë salcë domateje
• ½ kupë patate të grira dhe të pjekura

Përgatitja:

1. Hidhni në një tigan mishin, specat e kuqë të bluar dhe i skuqni në një temperaturë mbi mesataren, për 2 minuta.

2. Kombinoni 2 lugë çaji kanellë, kripën, orizin, qepët, mishin, vezën dhe hudhrat në një tas të thellë. Formoni 24 qofte.

3. Në një tigan hidhni lakrën, karotën dhe selinon, gatuajini për 8 minuta, duke i trazuar vazhdimisht. Shtoni pudrën djegëse, lëngun e mishit dhe domatet dhe lërini të ziejnë. Hidhni qoftet dhe lërini për 15 minuta. Në fund hidhni edhe patatet dhe gatuajini për 20 minuta ose derisa patatja të ketë zier mirë.

[RaPSouL]

Lulelakër pikante me domate

* 1 kokë lulelakër, e ndarë në copëza
* 4 domate të qëruara
* 1 thelb hudhër
* 1 spec i djegës, i tharë
* Pak rigon
* 1 lugë gjelle majdanoz i grirë
* Kripë e vaj ulliri


Shkërmoqni specin e kuq djegës dhe hidheni në tigan bashkë me hudhrën e ndarë në dysh. Skuqini lehtë për 1-2 minuta.

Shtonin aty copëzat e lulelakrës dhe domatet e prera në copa e më pas kripë e rigon.

Lërini të gatuhen në zjarr për 15-20 minuta dhe pjata do të jetë gati kur domatet “të jenë shkrirë” në të e lulelakra të mos jetë zbutur shumë.

Spërkateni me majdanoz përsipër dhe ajo është gati për t’u shërbyer si një pjatë më vete ose si një salcë për pjatat të tjera makarona, oriz, perime…)