Nevzat Halili kandidat për president

[Faik]

Nevzat Halili kandidat për president

Anila LIMANI


“Ilirida” do të propozojë për president kryetarin e saj, Nevzat Halilin, ndërkaq që kandidatura e Halilit do të mbështete fuqishëm nga Partia për Prosperitet Demokratik (PPD). Halili tha për Lajm se flitet për kandidaturën e tij, por Kuvendi i “Iliridës” akoma nuk e ka mbajtur mbledhjen. “Së shpejti do të mblidhet kuvendi i ‘Iliridës’ ku dhe duhet të merret vendimi për kandidaturën time”, tha ai, duke shtuar se beson në përkrahjen që do t’i jap PPD. Ndërsa PPD, kryetar i parë i së cilës ka qenë Nevzat Halili edhe pse akoma nuk ka diskutuar për këtë çështje, do ta mbështesë fuqishëm kandidaturën e Halilit. Kryetari i PPD-së, Sefedin Haruni, tha se as që diskutohet mbështetja e kandidaturës së Halilit. “Nëse del si kandidat për president, sigurisht që do ta mbështesim, edhe pse ne ende nuk jemi konsultuar”, tha Haruni për “Lajm”.

Sipas tij, Nevzat Halili meriton mbështetje më shumë sesa kandidatët e tjerë, jo vetëm nga PPD-ja, por, siç tha ai, Halili meriton mbështetje nga të gjithë shqiptarët. “Si të mos e mbështesim Nevzat Halilin, kur ai është kryetari i parë i lëvizjes shqiptare në vitet 90-të. Ka qenë kryetarë i parë i PPD dhe ne si PPD do ta mbështesim fuqishëm”, theksoi Haruni. Gara presidenciale ka pak kohë që ka nisur. VMRO-DPMNE në konkursin e hapur si kandidat më favorit ka Gjorgji Ivanovin, Lube Boshkovski, dhe Sllagjana Tasevska hynë në garë si kandidatë të pavarur, Imer Selmani është propozuar si kandidat për president nga Partia Demokracia e Re. Ndërsa partitë e tjera akoma nuk i kanë shpallur kandidatët për president.

[Modesti]

:: Alisetar Ramadani , shtuar me: 23.01.2009

Forumet politike nga "Liria Kombëtare", "Forumi Shqiptar - Shqipe nga Maqedonia" si dhe "Dërvendi" përkrahin fuqishëm kandidaturën e z. Nevzat Halili për Kryetar. Njëherësh apelojmë tek të gjithë shqiptarët e Maqedonisë që t'i lënë anësh ngatërresat dhe të japin votën pa hamendur aty ku flitet shqip, në Iliridë, përkatësisht Kryetarit të saj z. Nevzat Halili-t.

Mbase votat e shqiptarëve nuk guxojnë të shpërndahen andej - këndej, pa hezitim të votohet z.Nevzat Halili edhe pse tani më z. Imer Selamni doli me kandidaturën e tij më herët. Për dallim nga kandidatura e z. Selamni që është dëshirë e tij personale dhe bashkë partiakëve të tij, z. Nevzat Halili dihet se për çfarë arsye është kandiduar, këtë e dinë edhe shqiptarët, prandaj mos hezitoni shqiptarë se cili duhet t'i merr votat tona në Maqedoni. Votoni në masë Nevzat Halilin, ashtu siç ishin zgjedhjet e para parlamentare kur po ky njeri mahniti jo vetëm maqedonasit por edhe botën duke sjellë aeroplanët e diasporës të zbresin në çdo 3 minuta në pistën e Petrovecit. Diaspora shqiptare nuk hamendet fare, por fuqishëm përkrah çdo nismë që vjen nga ky kolos i popullit, Kryetarin e nderuar të Iliridës z. Nevzat Halili. Vetëdijesimi ynë le të fillon tani vëllezër dhe motra, mos lejoni që partitë politike t'ua lëkundin mendtë, por dëgjojeni vetveten dhe zërin e arsyes, mjaft të përçarë, mjaft me partitë tona të cilat legjitimuan shtetin që na diskriminon në çdo segment të jetës, na nënçmon, duke përdorur makinerinë e "votës së lirë" demokratike, e në fakt ato janë vetëm vota një nacionale asgjë më pak asgjë më shumë. Parlamenti i Maqedonisë është shndërruar në një parlament diskrimini, ku janë sjellë dhe sillen ligje raciste, fashiste që i shkojnë për shtati vetëm maqedonasve! Mos harroni, se është po ky parlament i cili abrogoi elementin shtet formues të shqiptarëve nga Kushtetuta e Republikës, me ngritje të duarve të vetëm një nacionaliteti, atyre sllavo folës! Ne shqiptarët nuk guxojmë t'i lejojmë luksin vetvetes që të legjitimojmë edhe më tutje institucionet të cilat për 18 vjet me radhë nuk tregoji edhe gatishmërinë më të vogël për bashkëjetesë, mirëqenie sociale, jetë të qetë dhe të lumtur për të gjithë. Ky shtet ka bërë dhe vazhdon të bën të kundërtën! Për dera sa donacione qindra milionëshe hynë në Maqedoni, të mirat e atyre donacioneve i përdorë vetëm një anë, ajo sllavo folëse, aty ku ka shqiptarë ajo pjesë duhet të gjendet vetë, të përdorë paratë e popullatës për një rrugë, shkollë, ujësjellës, sallë sporti etj.! Ndërsa buxheti i shtetit dhe donacionet e ndryshme shkojnë tek nënat sllavo folëse të cilat do të lindin më tepër se 4 fëmijë duke u dhënë pension të përjetshëm plus benificioneve tjera! Kjo nuk durohet kjo është e pa pranueshme sepse ne shqiptarët me këtë ligj jemi të pa dëshiruar në atë shtet. Por! Ne kemi alternativë, e kjo alternativë është pikërisht tani, të votojmë në mënyrë dinjitoze dhe pa asnjë hamendje z. Nevzat Halili të gjithë, asnjë votë të mos na shkon huq. Bile! E thëras z. Imer Selamani, nëse vërtetë është ashtu siç deklaron në medie, të tërheqë kandidaturën e tij për kryetar, duke na bindur se është vërtetë njeri i bashkimit.

marrë nga: http://www.lajmpress.com/index.php?f...aqlajm&id=4067

[faruk_01]

nese pdsh nuk nxjer kandidat un dhe bashkepuntoret e mi do te perkrahim nevzat halilin

[Cimo]

:: Alisetar Ramadani , shtuar me: 23.01.2009

Forumet politike nga "Liria Kombëtare", "Forumi Shqiptar - Shqipe nga Maqedonia" si dhe "Dërvendi" përkrahin fuqishëm kandidaturën e z. Nevzat Halili për Kryetar. Njëherësh apelojmë tek të gjithë shqiptarët e Maqedonisë që t'i lënë anësh ngatërresat dhe të japin votën pa hamendur aty ku flitet shqip, në Iliridë, përkatësisht Kryetarit të saj z. Nevzat Halili-t.



marrë nga: http://www.lajmpress.com/index.php?f...aqlajm&id=4067

Absolutisht asgje skam kunder Nevzat Halilit mirepo cuditem si mundet ti ne emer te forumisteve te deklarohesh se japim perkrahje per kandidaturen ? Kush je ti qe ne emer tone te deklarohesh ?

[alproud]

Une nuk jam nga Ilirjada qe nenkupton se une sdo te mund te votoja per te. Por edhe sikur, shqipetaret duhet te jene te bashkuar dhe ti lene ndasite e opinjoneve per te arritur plotesimin e interesave te tyre dhe te zgjedhin nje president shqipetare. S'besoj se ka gje me te rendesishme se kete.

Une do e cilesoja keshtu po votoj per te sepse eshte shqipetare, dua te harroj bindjet politike dhe opinjonet gjate ketyre zgjedhjeve. Nje president shqipetare do i jepte perparesi te madhe interesave te shqipetareve ne Maqedoni.

[h_one_y]

Auuu mund te me jap dikush pergjigje kush e paguan forumin per propaganden politike, sa % e te hollave te ndara per zgjedhje do i mer forumi?? Per Zotin, ide e mire. heheeh
nncncn si jemi ne menxi presim te gjejme ndonje vrime- me nxitim voto, voto.....

[Modesti]

Absolutisht asgje skam kunder Nevzat Halilit mirepo cuditem si mundet ti ne emer te forumisteve te deklarohesh se japim perkrahje per kandidaturen ? Kush je ti qe ne emer tone te deklarohesh ?

Mirë de! Ti nuk paske gjë kundër z.Nevzat Halili, ndërsa zotëria i nderuar Alisetar është miku im, dhe ia dhashë unë përkrahjen si moderator i këtij forumi. Por shoh që ja ti nuk qenke dakord, dhe unë këtë e çmoj pa marrë parasysh se nuk jemi të një mendimi. Nëse ka ende kundër nga tjetër kush le të lajmërohet unë e tërheq aty ku thuhet "Forumi Shqiptar-Shqipe nga Maqedonia". Ndërsa ato që e përkrahin nismën gjithashtu le të paraqiten, nuk kam pasur qëllim të krijoj huti, përveç se unitet.

Respekt

[YlliRiaN]

Ka ketu ndokush qe mund te me shpejgoj per kete kuvendin e ILIREDES si funksionon???

[Cimo]

Ka ketu ndokush qe mund te me shpejgoj per kete kuvendin e ILIREDES si funksionon???

Eshte shume thjeshte, nuk funksionon.

[YlliRiaN]

Eshte shume thjeshte, nuk funksionon.

Te falimderit per shpjegim pasi nuk jame nga Ilirda dhe nuk e kisha degjuar per ate edhe kerkova pergjigje nga ndokush