Prishtina zyrtare: Jo planit me 6 pika te Ban Ki Moon te OKB

[Brari]

a mundet dikush te na sjelle .. perberjen e keshillit te sigurimit.. te okb-se..
cilat shtete bejne pjes aty..

nje gje e di se.. kryesoret ne ate keshill jane.. regjimet..me shoviniste te botes..sikurse rus kinez indian e ca flliqana tjere..

pra pritet qe nga ai far kshilli te na vijne probleme..

rendesi ka qe kosova te jet e bashkuar menderisht.. pra te mos fillojn me u shty me njeri tjetrin politikanet e opinionistat e te dal situata nga kontrolli..

[Hard_Style]

Thaqi e Limaj s'jan tipa qe dorzohen leht mos u be merak ti hehehe tradhtar mundesh me qujt ate qe kur derdhej gjaku ne male ai ngrente dolli me milloshin ne bg dhe ate qe mbajti lidh nje popull per shum vite .......... sa per ta shit kosoven do te shitej sikur te ishin Thaqi e Limaj si ti zotrote qe shkruan vet sdi qfar shkruan .........

eh at Pijanecin ishalla e djeg Zjarri i Xhehnemit ....se shum pasoja te renda ika len keti populli qe sot po i perjeton rend.

[Sabriu]

Për presidencën dhe qeverinë e Kosovës


Lufta për pushtet, pa shtet,…aman o Zot…! Absurd i jetës!

Sabri Selmani

[Agim Doçi]

Albin Kurti asht politikani ma vizionar i ardhemrise se Kosoves!
Respekt per Albinin dhe atdhetarizmin e tij!

[Llapi]

KS i OKB merr parasysh raportin, nuk përmend 6 pikëshin

New York, 27 nëntor. Deklarata presidenciale e KS me asnjë fjalë nuk përmend “gjashtë pikëshin kundërthënës”, dhe as “neutralitetin e statusit”, por ka mbështetur shtrirjen e EULRX-it në gjithë territorin e Kosovës dhe mirëpret përpjekjet e vazhdueshme për avancimin e perspektivës evropiane për gjithë Ballkanin perëndimor.
Këshilli i Sigurimit i Kombeve të Bashkuara, në një mbledhje të mbajtur dje pasdite, pas tre orë diskutimesh ka miratuar një deklaratë presidenciale me të cilën merret parasysh raporti i Sekretarit të Përgjithshëm si dhe qëndrimet e Prishtinës dhe Beogradit, duke i shfaqur mirënjohje gatishmërisë së tyre për bashkëpunim me bashkësinë ndërkombëtare.

Deklarata presidenciale megjithatë me asnjë fjalë nuk përmend “gjashtë pikëshin kundërthënës”, dhe as “neutralitetin e statusit”, por mirëpret përpjekjet e vazhdueshme për avancimin e perspektivës evropiane për gjithë Ballkanin Perëndimor.

"Këshilli i Sigurimit merr parasysh raportin e Sekretarit të Përgjithshëm të Kombeve të Bashkuara të 24 nëntorit, duke marrë parasysh edhe qëndrimet e Beogradit dhe Prishtinës të cilat edhe janë reflektuar në deklaratat e tyre, ndërsa mirëpret synimet e tyre që të bashkëpunojnë me bashkësinë ndërkombëtare", thuhet në paragrafin e parë të deklaratës.

"Këshilli i Sigurimit mirëpret bashkëpunimin midis Kombeve të Bashkuara dhe aktorëve të tjerë ndërkombëtarë, brenda kornizës së rezolutës 1244 të Këshillit të Sigurimit dhe gjithashtu mirëpret përpjekjet e vazhdueshme të Bashkësisë Evropiane që të avancojnë perspektivën evropiane për gjithë Ballkanin Perëndimor, duke i dhënë një kontribut vendimtar perspektivës dhe stabilitetit rajonal", thekson deklarata presidenciale e dhënë mbrëmë nga anëtarët e Këshillit të Sigurimit.


Hyseni: Nuk do të lejojmë veprime që cenojnë sovranitetin

Ministri i Jashtëm i Kosovës, Skënder Hyseni, në fjalën e tij ka ritheksuar deklaratën e 18 nëntorit të institucioneve të Republikës së Kosovës në të cilën shumë qartë refuzohet në tërësi plani gjashtëpikësh në raportin e Sekretarit të Përgjithshëm.

"Ne nuk do të lejojmë asnjë veprim i cili do të cenonte sovranitetin dhe integritetin territorial të Republikës së Kosovës", tha ministri Hyseni Ai ritheksoi vullnetin e institucioneve të Kosovës të bashkëpunojnë me shtrirjen e EULEX-it në tërë territorin e Kosovës mbi bazë të mandatit nga dokumentet tashmë të miratuara që respektojnë plotësisht sovranitetin dhe integritetin territorial dhe karakterin unitar të Republikës së Kosovës.

Lamberto Zannieri, përfaqësues Special i Sekretarit të Përgjithshëm, foli për rikonfigurimin dhe tha se kushtet janë pranuar nga Beogradi dhe janë refuzuar nga Prishtina. Mirëpo, nënvizoi ai, jetësimi i tyre megjithatë do të bëhet në bashkëpunim të afërt me të dy palët.


DiCarlo: "Pavarësia e Kosovës e Pakthyeshme"


Zëvendës-përfaqësuesja e Shteteve të Bashkuara të Amerikës në OKB, ambasadorja Rosemary DiCarlo pasi theksoi se 52 vende e kanë njohur Kosovën si shtet të pavarur dhe sovran dhe vende të tjera pritet ta njohin në të ardhmen,, duke iu drejtuar ministrit të Jashtëm serb tha se “pavarësia e Kosovës është e pakthyeshme".

Ajo foli për përparimet që janë bërë në Kosovë pas pavarësimit të saj dhe i shfaqi mirënjohje Qeverisë së Kosovës për nivelin shumë të ulët të konflikteve ndëretnike në Kosovë.

"Mirëpresim përpjekjet për rikonfigurimin e UNMIK-ut", tha DiCarlo duke nënvizuar se Kosova në deklaratën e 18 e 18 nëntorit e ka bërë të qartë se refuzon 6 pikat e Sekretarit Ban.

DiCarlo theksoi rëndësinë e respektimit të sovranitetit dhe integritetit territorial të Kosovës dhe bëri thirrje Sekretarit të Përgjithshëm që të koordinojë çfarëdolloj veprimesh në Kosovë me autoritetet e Kosovës.

Duke iu referuar edhe njëherë gjashtëpikëshit kundërthënës DiCarlo tha se duhet të ketë një komandë unike të policisë në Kosovë dhe një doganë, duke nënvizuar se kjo do të pamundësojë veprimin e mëtejmë të strukturave paralele.

"Kërkojmë vendosjen e EULEX-it sa më pare", tha ndër të tjera DiCarlo.


Kroacia: Pavarësia e Kosovës i ka kontribuar paqes

Ambasadori i Kroacisë, Neven Jurica, tha se pavarësia e Kosovës është një kontribut i paqes rajonale, ndërkaq “sovraniteti dhe integriteti territorial i Kosovës është i rëndësishëm për Ballkanin dhe për Evropën”.

"Ndihma evropiane duhet të përqendrohet në ndihmën për sovranitetin dhe zhvillimin e Kosovës dhe perspektivën e saj evropiane", tha ambasadori Jurica.


Ambasadorja e Britanisë së Madhe, Karen Pierce tha se pavarësia e Kosovës është e pakthyeshme dhe se vendi i saj mbështeste sovranitetin e Kosovës, duke hedhur poshtë çfarëdo tendencash për ndarje. Ajo tha se për
6 pikëshin ka pasur mendime të ndryshme, sidomos shqetësimi i Prishtinës për implikimet që mund të kenë ato.
"Gëzohemi që zotimi i Sekretarit rithekson në raport këto shqetësime dhe përshëndesim një pozicion të ritheksuar për koordinim dhe konsultime të vazhdueshme me Prishtinën", tha Pierce.


Diplomati rus kërkoi trysni të shtuar mbi Prishtinën

Përfaqësuesi i Rusisë tha se vendi i tij pajtohej me atë që ka thënë ministri serb Jeremiq dhe se kishte dëgjuar me kujdes edhe fjalën e ministrit Hyseni. Ai tha se njohja e Kosovës nga pak vende paraqet mendimin pakicë të bashkësisë ndërkombëtare dhe insistoi në respektimin e plotë të Rezolutës 1244. Kosova mund të bëhet burim i krizës serioze rajonale, tha diplomati rus dhe kërkoi që bashkësia ndërkombëtare të bëj trysni mbi Prishtinën në implementimin marrëveshjes që ishte arritur midis Kombeve të Bashkuara dhe Beogradit.

Ambasadorët e Indonezisë, Afrikës së Jugut dhe Vietnamit, Libisë pastaj edhe Kinës, të udhëhequra nga Rusia, ashtu si më parë edhe dje janë deklaruar “parimisht” kundër zgjidhjes unilaterale dhe kundër pavarësisë së Kosovës e në mbështetje të qëndrimit serb, duke insistuar që statusi i Kosovës, ende i pazgjidhur, duhet të negociohet nga të dyja palët.



Jeremiq me gjuhën e regjimit që e dënoi bota

Ministri i Jashtëm serb, Vuk Jeremic falënderoi të gjitha vendet që kanë mbështetur pozicionin e Serbisë në mosnjohjen e pavarësisë, të prira nga Rusia. Krahina jonë, krahina serbe, krahina jone e Jugut, ishte emërtimi më i shpeshtë i Jeremic-it sa herë që i referohej Kosovës, me një arrogancë të pahijshme për një diplomat. Ai ka vazhduar të akuzojë Kosovën dhe zhvillimet në Kosovë me gënjeshtra dhe gjysmë të vërteta, që për fat të keq nuk dallonin shumë nga fjalimet e viteve të nëntëdhjeta, të njerëzve të një regjimi kriminel tashmë të dënuar nga bota.

Pjesëmarrësit shfaqën çudi ndaj një gjuhe të tillë që duhej tashmë të ishte e tejkaluar në frymën e synimeve demokratik të rajonit dhe të perspektives evropiane që e ëndërrojnë të gjithë në Ballkanin Perëndimor.


Deklarata presidenciale e KS të OKB-së

1. Këshilli i Sigurimit merr parasysh raportin e Sekretarit të Përgjithshëm të Kombeve të Bashkuara të 24 nëntorit duke marrë parasysh edhe qëndrimet e Beogradit dhe Prishtinës të cilat edhe janë reflektuar në deklaratat e tyre, ndërsa mirëpret synimet e tyre që të
bashkëpunojnë me bashkësinë ndërkombëtare.

2. Këshilli i Sigurimit mirëpret bashkëpunimin midis Kombeve të Bashkuara dhe aktorëve të tjerë ndërkombëtarë, brenda kornizës së rezolutës 1244 të Këshillit të Sigurimit dhe gjithashtu mirëpret përpjekjet e vazhdueshme të Bashkësisë Evropiane që të avancojnë
perspektivën evropiane për gjithë Ballkanin Perëndimor, duke i dhënë një kontribut vendimtar perspektivës dhe stabilitetit rajonal. /Sulejman Gashi/


| s.b & RTK staff |

27 nëntor 2008 - 09:55:56

[Llapi]

Shtetet e Bashkuara e përshëndetën raportin e fundit të Sekretarit të Përgjithshëm të OKB-së për Kosovën, dhe vlerësuan përparimin e konsiderueshëm që ka shënuar Kosova që nga shpallja e pavarësisë në shkurt.

Në një deklaratë të Departamenti të Shtetit, thuhet se Shtetet e Bashkuara mbështesin vendimin e Sekretarit të Përgjithshëm për t’ia përshtatur rolin e OKB-së realitetit të ri të krijuar në Kosovë, duke zvogëluar misionin e UNMIK-ut dhe duke ia kaluar kompetencat për drejtësinë dhe policinë misionit të EULEX-it.

Por, thekson më tutje deklarata, Uashingtoni e vë theksin tek nevoja për të respektuar plotësisht pavarësinë, sovranitetin dhe integritetin territorial të Kosovës, dhe në këtë kontekst nënvizon në veçanti angazhimin e Sekretarit të Përgjithshëm të OKB-së që kalimi i kompetencave do të bëhet në bashkëpunim dhe konsultim të vazhdueshëm me autoritetet e Kosovës.
Përfaqësuesja e Shteteve të Bashkuara në sesionin e djeshëm të Këshillit të Sigurimit Rozmari Dikarlo, nënvizoi në fjalën e saj shqetësimet e ngritura nga autoritetet e Kosovës në deklaratën e tyre të 18 nëntorit, ku theksuan se hedhin plotësisht poshtë planin prej 6 pikash të Sekretarit të Përgjithshëm të OKB-së Ban Ki Mun. Por, theksoi më tutje zonja Dikarlo, autoritetet e Kosovës kanë shprehur angazhim për të mundësuar vendosjen e misionit të EULEX-it.

Zonja Dikarlo përsëriti qëndrimin e Shteteve të Bashkuara që veprimet në të ardhmen të ndërmerren duke respektuar plotësisht sovranitetin dhe integritetin territorial të Kosovës. Për këtë arsye, shtoi ajo, Uashingtoni e mirëpret angazhimin e Sekretarit të Përgjithshëm për të vazhduar konsultimet dhe bashkërendimin me autoritetet në Prishtinë.

Shtetet e Bashkuara, tha më tej zyrtarja amerikane, do të luajnë një rol aktiv në misionin e EULEX-it permes policëve, gjyqtarëve dhe prokurorëve amerikanë që do të punojnë përkrah homologëve të tyre evropianë.

Shtetet e Bashkuara, tha në mbyllje të fjalës së saj zonja Dikarlo, u bëjnë thirrje të gjitha palëve të përfshira në këtë process, në veçanti qeverive të Kosovës dhe Serbisë, të angazhohen në një mënyrë që garanton vendosjen e shpejtë të misionit të EULEX-it në Kosovë. //ad//

Zëri i Amerikës
27-11-2008

[Llapi]

Fried: "Shtrirja e EULEX-it - hap përpara"


Daniel Fried
Ndihmëssekretari amerikan i Shtetit, Daniel Fried

Ndihmëssekretari amerikan i Shtetit, Daniel Fried, i tha BBC-së se vendimi i Këshillit të Sigurimit të OKB-së për shtrirjen e EULEX-it në gjithë Kosovën është një goditje për ata që duan ndarjen e saj dhe është një hap për të konsoliduar një Kosovë të bashkuar.

Ai tha se EULEX-i do të veprojë sipas Rezolutës 1244, që është e paanshme ndaj statusit, por efekti i vendosjes së misionit, sipas tij, do të jetë konsolidimi i institucioneve të Kosovës.

Misioni i EULEX-it, tha ai, do të veprojë në një Kosovë të pavarur, të pandarë dhe sovrane.

Zoti Fried tha se Kosovës i është njohur e drejta sovrane që ta kundërshtojë gjashtëpikëshin e OKB-së dhe shtoi se çdo marrëveshje në të ardhmen duhet të negociohet, të diskutohet dhe të konsultohet me qeverinë e Kosovës.

Ndihmëssekretari amerikan i Shtetit e vlerësoi si shumë të suksesshme dhe të rëndësishme mbledhjen e Këshillit të Sigurimit të OKB-së, ku u miratua një Deklaratë Presidenciale, me të cilën mundësohet vendosja e misionit evropian për drejtësi dhe polici.

Në fillim të bisedës, të cilën e zhvilloi korrespondenti i BBC-së, Arbër Vllahiu, Ndihmëssekretari i Shtetit, Daniel Fried, flet fillimisht për rëndësinë e deklaratës së Këshillit të Sigurimit të OKB-së.

Daniel Fried: Vendimi i sotëm i KS-së është një ditë e mirë për Kosovën. Është një ditë që i hap rrugën vendosjes së EULEX-it, të misionit evropian për rendin dhe ligjin në gjithë Kosovën, në një Kosovë të pandarë, të pavarur dhe sovrane.

Kjo do të hapë rrugën për zvogëlimin e rëndësishëm të UNMIK-ut dhe kjo është, natyrisht, pjesë e procesit që ne e kishim paraparë, kur Kosova u bë e pavarur.

Misioni i EULEX-it do të ndihmojë autoritetet kosovare për të krijuar një sistem unitar dhe të vetëm të rendit dhe të ligjit në gjithë vendin dhe në fakt është që të përforcojë sovranitetin në Kosovë dhe kjo do të ndihmojë zhvillimin e të ardhmes evropiane të Kosovës.

EULEX-i do të përfshijë edhe SHBA-në. Ne asnjëherë nuk kemi marrë pjesë në një mision të BE-së si ky. Ne po marrim pjesë në EULEX për shkak të rëndësisë së misionit dhe për shkak të përkushtimit tonë ndaj Kosovës.

Kjo ka kërkuar shumë punë, ka shumë çështje të vështira të diskutuara dhe të negociuara.

Por raporti i Sekretarit të Përgjithshëm, megjithatë, e bëri të qartë se plani për bartjen nga UNMIK-u tek EULEX-i dhe të gjitha marrëveshjet e tjera do të kryhen në konsultime të vazhdueshme dhe në koordinim me Kosovën.

Asgjë nuk do të bëhet, në aspekte praktike, pa një pajtim të qeverisë së Kosovës.

Unë e përshëndes atë që ka bërë qeveria e Kosovës, me deklaratën e saj katërpikëshe, me të cilën e bëri të qartë se e mirëpret vendosjen e EULEX-it që na hapi rrugën të ecim përpara.

Dhe SHBA-ja, së bashku me miqtë e saj, do të vazhdojë të punojë në Kosovë, për të parë se ky shtet shumëkombësh ka një të ardhme të sigurt në Evropë dhe se të gjitha grupet etnike kanë një të ardhme të sigurt në Kosovë. Kjo është një ditë e mirë.

Ishte një proces i vështirë dhe do të ketë edhe gjëra të tjera të vështira përpara, por është një ditë për të përgëzuar qeverinë e Kosovës që ka punuar me sukses për të parë se vendosja e EULEX-it mund të dakordohet për të nisur punën nën kushte të mira.

Ishte një javë e vështirë, pas disa javësh diplomacie, por një javë e mirë.

BBC: Faleminderit zoti Fried. Por Këshilli i Sigurimit të OKB-së ka miratuar deklaratën presidenciale për vendosjen e EULEX-it. Ajo u miratua me pajtimin e të gjitë anëtarëve të KS-së. Pas afro dy vjetësh të bllokimit të punës së këtij Këshilli rreth Kosovës, a ishte kjo mbledhje një hap para?

Daniel Fried: Potencialisht po. Para së gjithash të jemi të qartë, ka dallime reale në Këshill rreth Kosovës. Rusia nuk e ka pranuar Kosovën dhe ne mendojmë se kjo është për të të ardhur keq.

Por megjithatë, ne e deshëm mbështetjen e KS-së për vendosjen e EULEX-it dhe për raportin e Sekretarit të Përgjithshëm për UNMIK-un që hap rrugën për shtrirjen e EULEX-it.

Kjo është ajo që morëm. Unë shpresoj se periudha e kaluar, në të cilën dallimet për statusin e Kosovës ndërmjet SHBA-së, Francës, Britanisë së Madhe dhe shumë vendeve të tjera në njërën anë dhe Rusisë në anën tjetër, nuk është më barrierë për bashkëpunim praktik. Të shpresojmë.

BBC: Zoti Fried, me raportin e Sekretarit të Përgjithshëm i bëhet thirrje të dyja palëve që të pranojnë vendosjen e EULEX-it në gjithë Kosovën. Marrë parsysh mospajtimet mes Prishtinës e Beogradit, mendoni se kjo shtrirje do të bëhet në kohën e caktuar?

Daniel Fried: Po. Para së gjithash, Kosova e ka bërë shumë të qartë publikisht dhe zyrtarisht se e mbështet vendosjen e EULEX-it. Unë mendoj se Serbia ka hezituar, por mendoj se në fund do ta mbështesë shtrirjen e EULEX-it dhe sidoqoftë EULEX-i do të vendoset. Evropa është e përkushtuar për këtë dhe kjo do të ndodhë.

BBC: Bashkësia ndërkombëtare e ka parë një marrëveshje gjashtëpikëshe mes OKB-së dhe Beogradit si një rrugë përpara. Prishtina e ka kundërshtuar atë dhe e ka cilësuar si shkelje të sovranitetit. I keni siguruar udhëheqësit e Kosovës se kjo nuk është kështu?

Daniel Fried: Në të vërtetë, është interesante dhe e rëndësishme se raporti i Sekretarit të Përgjithshëm jo vetëm që e ka marrë parasysh qëndrimin kosovar, por e ka përfshirë katërpikëshin e qeverisë së Kosovës si pjesë të tij.

Në një mënyrë, ky është një sukses i qeverisë së Kosovës. Kjo qeveri mori një qëndrim të fortë, duke mos e pranuar gjashtëpikëshin dhe është sovrane që ta bëjë këtë.

Është me rëndësi që raporti i Sekretarit të Përgjithshëm u desh ta merrte këtë parasysh dhe e ka bërë të qartë se rikonfigurimi ndërmjet UNMIK-ut dhe EULEX-it dhe vendosja e EULEX-it do të bëhet përmes konsultimeve me qeverinë e Kosovës dhe me autoritetet në Prishtinë.

Ky është pranim i vërtetë i qëndrimit sovran të qeverisë së Kosovës. A ka marrë gjithçka ka dashur Kosova? Jo! Ashtu siç nuk kanë marrë gjithçka as SHBA-të.

Asnjë qeveri nuk merr gjithë atë që do në proceset e OKB-së. Kosova ka marrë diçka, ajo ka marrë shumë. Dhe i është njohur e drejta sovrane që ta kundërshtojë gjashtëpikëshin. Kjo është me rëndësi dhe nënkupton se çdo marrëveshje në të ardhmen duhet të negociohet, të diskutohet dhe të konsultohet me qeverinë e Kosovës. Është, pra, një hap i rëndësishëm përpara.

BBC: Por zoti Fried, autoritetet në Prishtinë e kanë kundërshtuar gjashtëpikëshin sërish, pak para mbajtjes së mbledhjes së Këshillit të Sigurimit të OKB-së. Nëse vazhdon ky kundërshtim, a ka ndonjë mundësi që të imponohet një zgjidhje për EULEX-in dhe për Kosovën?

Daniel Fried: Raporti i Sekretarit të Përgjithshëm e bën të qartë se nuk do të ketë imponime, në fakt e bën të qartë në mënyrë eksplicite. Ky është një sukses i qeverisë së Kosovës. Asgjë nuk mund të bëhet pa konsultime me qeverinë e Kosovës. Ky nuk është imponim, por e kundërta, njohje e rëndësisë për të punuar me qeverinë e Kosovës. Unë do të thosha se ky është demonstrim i së drejtës së pavarur dhe sovrane të Kosovës për të shprehur mendimin e saj.

BBC: Pra, nuk do të shohim ndarje të veriut?

Daniel Fried: As që bëhet fjalë. Në fakt ky vendim është një goditje për secilin prej atyre që duan ndarjen e Kosovës. Sepse tani EULEX-i do të shtrihet në gjithë vendin në një mënyrë të pandarë. Jo, jo! Ky është një hap për të konsoliduar një Kosovë të bashkuar dhe është një hap larg nga bisedat e rrezikshme dhe të kota për ndarjen.

BBC: Por EULEX-i do të jetë i paanshëm ndaj statusit dhe do të veprojë mbi bazën e Rezolutës 1244...

Daniel Fried: Jo, nuk është pikërisht ashtu, jo. EULEX-i do të veprojë sipas Rezolutës 1244 që është e paanshme ndaj statusit, por efekti i vendosjes së EULEX-it do të jetë që të konsolidojë institucionet e Kosovës. Kjo dihet nga të gjithë.

BBC: Por a mund të shohim një përzierje të misioneve, UNMIK-u në veri, EULEX-i në jug?

Daniel Fried: Jo! Do të shihni vendosjen e EULEX-it në gjithë vendin. Skenari që ju sapo e sugjeruat do të ishte problem. Sikur mos ta kishim bërë këtë punë të suksesshme në OKB, mund ta kishit parë UNMIK-un të vazhdonte të mbeste në veri dhe EULEX-in në pjesën tjetër të vendit. Kjo do të ishte një goditje për bashkimin e Kosovës. Por, tani kemi bazë për vendosjen e EULEX-it në gjithë vendin dhe kjo është shumë e rëndësishme.

BBC: Por ku është këtu Kushtetuta e Kosovës dhe plani Ahtisaari?

Daniel Fried: Ne mendojmë se Kushtetuta e Kosovës është një dokument plotësisht i vlefshëm. Katërpikëshi i qeverisë së Kosovës iu referua Kushtetutës. Plani Ahtisaari është modeli dhe plani ynë për të ecur përpara dhe krejt kjo do të ndodhë hap pas hapi. Në jetën reale gjërat janë gjithmonë të komplikuara, por kjo është një ditë e mirë dhe rrugë e mirë për të ecur përpara. Mendoj se evropianët, në këtë mes Pieter Feith, drejtuesi i misionit të BE-së në Prishtinë, diplomatët britanikë, francezë dhe të tjerët që punuan në këtë çështje, të gjithë e kanë kuptuar se duam të shohim një Kosovë të bashkuar dhe se duam të ecim përpara së bashku.

Kjo ka qenë një ditë e mirë. Veç tjerash ne duam të shohim që Serbia do të ketë mundësi ta kuptojë të ardhmen e saj evropiane dhe kjo është në interes të të gjithëve, është në interes edhe të Kosovës. Prandaj jemi të kënaqur që kishim mundësi të punojmë me qeverinë e Serbisë përkundër dallimeve tona.

BBC: Dhe më lejoni zoti Fried. Përfaqësuesi rus në Këshillin e Sigurimit ka tërhequr vërejtjen se situata në Kosovë mund të shkaktojë destabilizimin e gjithë Ballkanit. Ju keni qenë këtu së voni. Keni përshtypjen se Ballkani është i rrezikuar nga pavarësia e Kosovës?

Daniel Fried: Nuk do të shprehesha aspak ashtu. Unë do të thosha se statusi i pazgjidhur i Kosovës, para pavarësisë, ishte destabilizues. Tani është me rëndësi të konsolidohet statusi i Kosovës. Ne kemi patur dallime me Rusinë, por sot punuam së bashku me rusët dhe kjo ësstë një ditë e mirë.

[Llapi]

Albin Kurti asht politikani ma vizionar i ardhemrise se Kosoves!
Respekt per Albinin dhe atdhetarizmin e tij!

albinit e ka humb rrugen kaher dhe vetem po sillet e pshtillet neper rruget e kosoves
veshtir qe do ta gjen rrugen ndonjiher me dhimbset shume

[Llapi]

Për presidencën dhe qeverinë e Kosovës


Lufta për pushtet, pa shtet,…aman o Zot…! Absurd i jetës!

Sabri Selmani

sabri talibani qe ke humb edhe ti kiblen krejt e veq po sillesh okolla mullarve te qeveritarve haaaaaa
ishalla e gjen rrugen per avganistan a kibel a bre djal

[Selami2006]

Prishtina jo ata me zor po hahahahahahahahahah sa krahi