Prishtina zyrtare: Jo planit me 6 pika te Ban Ki Moon te OKB

[KILI MERTURI]

Për Llapi!

Unë po them se punët nuk janë mirë, dhe nuk janë, kët duhet ta pranojm deshem apo nuk deshem ne!

Unë e di edhe një gjë: Deri me sot , cfardo që është vendosur nga bashkësia ndërkombëtare , është praktikuar në Kosovë. Besoj se je dakort edhe me këtë.

Kritika ime qëndron në atë se , po manipulohet me popullin.

Pse mos të dilet haptaz dhe të thuhet, pikat nuk janë tonat, ne nuk i kemi inicu e as nuk i kemi pranu, por po na detyrohen.

Populli do të kuptoi se si qëndron puna. Kur i fut muhabete lara-lara , krijohet konfuzion dhe populli nuk di se si të reagoi.

Rast konkret është famuri i bosnes i modifikuar për Kosoven!
A ka ma absurditet më të madh që populli i kosoves të përdor at flamur-karikaturë.
Thaqi del me at flamur dhe e propagandon. nuk e di sa dozë kombëtare ka kjo!

Nuk do të shkoi gjat , dhe politika e vendit do të dal dhe do të thot , se 6 pikat janë të mira (nuk jan të dëmshme, apo ajnë në të mirë të Kosoves), sikurse po thonë për planin e Ahtisarit. sa është kombëtare kjo, Llapi?!

Të përshëndes!

Kili

SHQIPËRIA ËSHTË GJAKU IM QË NUK FALET!

[Nice_Boy]

Hashimit dhe Fatmirit .. i'u boft mire.. Osfallti .. !! Se keto 6 pika.. na qofshin perhajr .. deshtem s'deshtem.. se at dite kur ne qershor eshte ardh kjo far letere e Ban ki munit.. eshte dasht te flasim per punen e saj e jo kur te vjen veza te b.. me dal.. e me fol !!

Qeveri m.. paskemi pas e nuk e kemi dite! .. E vetmja menyr duhet ndihma e Shqiperis.. Politika shqiptare duhet pak ndihme Osfalltit kosovar.. ti ndihmojn mos te flasin Stipe Mesiqi dhe Malazezet per ne!!

Kurse per Hashimin dhe Fatmirin.. vitin tjeter jau tregojm rrugen juve tradhetar qe shiteni kosoven per nje cop karrige!!

niemand

[Harudi]

KS i jep “vizën” EULEX'it, nën ombrellën e OKB'së


Nga F. Osmani më 26.11.2008 22:04 CET


Këshilli i Sigurimit i OKB-së i ka dhënë mbështetje raportit të Sekretarit të Përgjithshëm të OKB-së, Ban Ki-Moon, duke i hapur rrugë vendosjes së misionit të BE-së në Kosovë. EULEX-i do të funksionojë nën ombrellën e OKB-së.


“Këshilli i Sigurimit mirëpret bashkëpunimin ndërmjet Kombeve të Bashkuara dhe aktorëve tjerë ndërkombëtarë, brenda kornizës së Rezolutës 1244 (1999) të Këshillit të Sigurimit, dhe po ashtu mirëpret përpjekjet e vazhdueshme të Bashkimit Europian për të avancuar perspektiven evropiane për tërë Ballkanin Perëndimor, duke dhënë kontribut vendimtar për stabilizimin dhe prosperitetin rajonal”, thuhet në Deklaratën presidenciale të Këshillit të Sigurimit, të lëshuar nga mbledhja e të mërkurës.

Në deklaratë gjithashtu theksohet se Këshilli i Sigurimit, duke marrë parasysh pozicionet e Beogradit dhe Prishtinës lidhur me raportin e Sekretarit Ban, të cilat janë pasqyruar në deklaratat e tyre përkatëse, mirëpret synimet e tyre për të bashkëpunuar me bashkësinë ndërkombëtare.

Më herët, ambasadorëve u janë drejtuar edhe Ministri i Jashtëm i Kosovës, Skender Hyseni dhe ai i Serbisë, Vuk Jeremic.

Kryediplomati kosovar ka theksuar përkushtimin e Prishtinës që të ketë shtrirje të shpejtë të EULEX-it në tërë territorin e Kosovës, në pajtim me mandatin, i cili rrjedh nga këto Deklarata e pavarësisë së Kosovës, pakoja Ahtisaari, Kushtetuta e Kosovës, ligjet e Kosovës, Plani i Përbashkët i Veprimit i BE-së i 4 shkurtit 2008 dhe ftesat e 17 shkurtit dhe 8 gushtit për vendosjen e EULEX-it.

“EULEX-i do të gëzojë përkrahjen e plotë të qytetarëve të Kosovës. Është jashtëzakonisht e domosdoshme që EULEX-i të shtrihet në tërë territorin e Kosovës”.

Ai nuk e ka përmendur fare planin 6-pikësh, megjithëse më herët gjatë ditës, në Prishtinë presidenti Fatmir Sejdiu dhe kryeministri Hashim Thaçi, nëpërmes një deklaratë të përbashkët, e kishin kundërshtuar me një gjuhë të ashpër këtë plan.


Hyseni, i cili shoqërohej nga ambasadori i Kosovës në Washington, Avni Spahiu, ka folur për progres të vazhdueshëm në Kosovë. “Në këto 9 muaj që prej shpalljes së pavarësisë kemi vënë themelet për një shtet multietnik. E kemi nxjerrë një kushtetutë moderne, të bazuar në Planin e fituesit të çmimit për paqe, Martti Ahtisaari, që ofron standarde të larta për mbrojtjen e minoriteteve”.

Më tutje, ministri i Jashtëm kosovar ka rikujtuar se deri më tani 52 shtete e kanë njohur shtetin e ri të Kosovës. Ai ka veçuar sidomos njohjet e fundit nga fqinjët, Mali i Zi dhe Maqedonia, që “dëshmojnë se pavarësia ka shtuar ndjenjën e sigurisë dhe stabilitetit në rajon”.

Nga ana tjetër, ministri i Jashtëm i Serbisë, Vuk Jeremic, në paraqitjen e tij e ka quajtur Kosovën provincë jugore e Serbisë dhe ka përsëritur se Beogradi kurrë nuk do ta pranojë pavarësinë e saj.

Jeremici tha se “nuk dëshiron ta fshehë” se Serbia po përparon në kthimin e sovranitetit në Kosovë dhe ka përshëndetur shtetet që po e mbrojnë interesin e Serbisë, posaçërisht Federatën Ruse.

Pasi ka folur për “vuajtjet e serbëve që jetojnë nëpër kampe” në Kosovë dhe për shkatërrime kishash, Jeremiqi i ka dhënë përkrahje planit gjashtëpikësh të Sekretarit të Përgjithshëm të OKB-së, Ban Ki-Moon, dhe ka bërë thirrje për aprovimin e tij nga Këshilli i Sigurimit.

Fillimisht ambasadorëve të vendeve anëtare të KS-së iu është drejtuar me një deklaratë shefi i UNMIK-ut, Lamberto Zannier, i cili është njeriu i cili e ka negociuar marrëveshjen e OKB-së me Beogradin.

Ai ka thënë se situata e sigurisë në Kosovë është e qetë, por situata politike është e tensionuar. “Kosova po kalon një periudhë të re të adaptimit pas shpalljes së pavarësisë dhe hyrjes në fuqi të Kushtetutës”. Por Zannier ka thënë se kjo fazë po paraqitet më komplekse seç është pritur, ndërsa procesi i ngadalshëm i njohjeve të pavarësisë, po e pengon Kosovën që të anëtarësohet në organizatat ndërkombëtare.

Ndërkohë, UNMIK-u po hyn në një fazë të re të rikonfigurimit, meqë pas hyrjes në fuqi të Kushtetutës nuk po mund t’i kryejë funksionet e tij, ka thënë Zannieri. Sipas tij, roli i UNMIK-ut po bëhet gjithnjë më shumë politik, si për shembull, të jetë një interlekutor në bisedimet ndërmjet Prishtinës dhe Beogradit, meqë ato s’ka qenë e mundur të bëhen drejtpërdrejt.

Sipas shefit të UNMIK-ut, nga këto bisedime me Beogradin ka pasur disa përparime, siç është hapja e gjykatës në veri të Mitrovicës, ndërsa ka theksuar se nevojitet vullneti i të dy palëve për të pasur sukses në disa fusha të tjera.

Më tutje, italiani Zannieri ka theksuar se megjithëse Rezoluta 1244 mbetet në funksion, institucionet e Kosovës kanë bërë që UNMIK-u të mos funksionojë si administratë, prandaj UNMIK-u po përqendrohet në zonat e banuara me shumicë joshqiptare. Qëllimi i UNMIK-ut është të zvogëlojë stafin deri në 70 për qind, por sipas tij, për këtë paraprakisht është e nevojshme shtrirja e misionit të BE-së nën ombrellën e KS-së.

Sipas Zannierit, OSBE-ja do të mbetet element qendror i UNMIK-ut të rikonfiguruar. Përmes zyrave të saj në terren, OSBE do të vazhdojë të luajë një rol kyç në ndërtimin dhe monitorimin e institucioneve të Kosovës dhe përkrahjes për komunitet pakicë.

Ambasadorja amerikane, Rosemary DiCarlo, ka përsëritur qëndrimin e Washingtonit se pavarësia e Kosovës është realitet i pakthyeshëm. Ajo ka theksuar se Prishtina e ka bërë të qartë se e kundërshton 6 pikat, por se mirëpret vendosjen e EULEX-it. Ndërkohë ajo bëri të qartë se pret që edhe Serbia të ndihmojë vendosjen e EULEX-it.

Ndërsa ambasadori i Rusisë e ka quajtur provincë Kosovën dhe ka kërkuar zbatimin e rezolutës 1244. Ai ka thënë se ka informacione se autoritetet e Prishtinës do ta sabotojnë përmbushjen e 6 pikave të Planit të Ban Ki-Moonit.

Mbledhja e Këshillit të Sigurimit ka vazhduar me paraqitjen e qëndrimeve nga ambasadorët e shteteve të tjera, para se të lëshohet deklarata presidenciale, me të cilën i jepet “drita e gjelbër” vendosjes së misionit të Bashkimit Evropian në Kosovë.
Express Online


Ky është dokumenti i fundit i KS të OKB-së për Kosovën (deklarata presidenciale ne fillim të shkrimit) që edhe më tutje forcon rezolutën 1244 të viti 1999.
Hashim Thaçi dhe një pjesë e kabinetiti të tij qeveritar duhet të zhvendosen nga Prishtina dhe të vendosen në veri të Kosovës,Mitrovicë,Leposaviç,Zubin Potok etj.,para se të arrijë të vendoset atje EULEX-u (lexo UNMIK-u).!

[Harudi]

Ky është dokumenti i fundit i KS të OKB-së për Kosovën (deklarata presidenciale) që edhe më tutje forcon rezolutën 1244 të viti 1999.
Hashim Thaçi dhe një pjesë e kabinetiti të tij qeveritar duhet të zhvendosen nga Prishtina dhe të vendosen në veri të Kosovës,Mitrovicë,Leposaviç,Zubin Potok etj.,para se të arrijë të vendoset atje EULEX-u (lexo UNMIK-u).!

“Këshilli i Sigurimit mirëpret bashkëpunimin ndërmjet Kombeve të Bashkuara dhe aktorëve tjerë ndërkombëtarë, brenda kornizës së Rezolutës 1244 (1999) të Këshillit të Sigurimit, dhe po ashtu mirëpret përpjekjet e vazhdueshme të Bashkimit Europian për të avancuar perspektiven evropiane për tërë Ballkanin Perëndimor, duke dhënë kontribut vendimtar për stabilizimin dhe prosperitetin rajonal”, thuhet në Deklaratën presidenciale të Këshillit të Sigurimit, të lëshuar nga mbledhja e të mërkurës.

Në deklaratë gjithashtu theksohet se Këshilli i Sigurimit, duke marrë parasysh pozicionet e Beogradit dhe Prishtinës lidhur me raportin e Sekretarit Ban, të cilat janë pasqyruar në deklaratat e tyre përkatëse, mirëpret synimet e tyre për të bashkëpunuar me bashkësinë ndërkombëtare.

A e kuptuan/morrën veshë k'ta dy,Thaçi-Sejdiu,se me konferenca e deklarata para gazetarëve nuk hidhet poshtë një planë i cili ishte përpiluar në selinë e OKB-së.
Amatorë!Naiv!politikanë analfabetë...!

megjithëse më herët gjatë ditës, në Prishtinë presidenti Fatmir Sejdiu dhe kryeministri Hashim Thaçi, nëpërmes një deklaratë të përbashkët, e kishin kundërshtuar me një gjuhë të ashpër këtë plan.

[prishtinase]

Hashimit dhe Fatmirit .. i'u boft mire.. Osfallti .. !! Se keto 6 pika.. na qofshin perhajr .. deshtem s'deshtem.. se at dite kur ne qershor eshte ardh kjo far letere e Ban ki munit.. eshte dasht te flasim per punen e saj e jo kur te vjen veza te b.. me dal.. e me fol !!

Qeveri m.. paskemi pas e nuk e kemi dite! .. E vetmja menyr duhet ndihma e Shqiperis.. Politika shqiptare duhet pak ndihme Osfalltit kosovar.. ti ndihmojn mos te flasin Stipe Mesiqi dhe Malazezet per ne!!

Kurse per Hashimin dhe Fatmirin.. vitin tjeter jau tregojm rrugen juve tradhetar qe shiteni kosoven per nje cop karrige!!

niemand

Thaqi e Limaj s'jan tipa qe dorzohen leht mos u be merak ti hehehe tradhtar mundesh me qujt ate qe kur derdhej gjaku ne male ai ngrente dolli me milloshin ne bg dhe ate qe mbajti lidh nje popull per shum vite .......... sa per ta shit kosoven do te shitej sikur te ishin Thaqi e Limaj si ti zotrote qe shkruan vet sdi qfar shkruan .........

[dardaniks]

Hajde perhajr plani kaloj nga OKB ja.. Tash krejt mvaret nga populli se a do te aplikohet ky plan. Kush te thot qka te thot , Thaqi-Sejdiu nuk kan fuqi mi ndalu aplikimin e planit . Veq populli mundet mi ndalu.

Prishtinase, lideret aktual nuk kan dallim nga ai qe mbajti lidh nje popull per shum vite. Se edhe kta na mbajten lidh qysh prej 99 shit. Karriga i ka fajet. Ske qka t besh.

Populli ishte faktori qe deshiroj ndryshim ne vitet 98-99. Ose ne mars te 04 shit. Edhe pse ndodhen fatkeqsija.

Prandaj une nuk mendoj qe munden mu apliku jo 6 pikat po dhe as nje pik nese populli nuk deshiron. Nese une po gaboj atehere nuk e paskna njoft popullin tim. Atehere ndoshta edhe nuk e meritojim pamvarsin.

[Sabriu]

Plani i Ban Ki-Moonit merr mbështetjen e Këshillit të Sigurimit
(I plotësuar)

Raporti i sekretarit të përgjithshëm të Kombeve të Bashkuara, Ban Ki-Moon, për rikonfigurimin e UNMIK-ut, respektivisht shtrirjen e misionit të BE-së në Kosovë, EULEX – e i cili është kundërshtuar nga Prishtina zyrtare - ka marrë mbështetjen
E enjte, 27 Nëntor 2008

Plani i Ban Ki-moonit është kundërshtuar nga ministri i Punëve të Jashtme të Kosovës Skënder Hyseni i cili në mbledhjen e këtij këshilli – që është mbajtur të mërkurën mbrëma në New York – ka thënë se Kosova mirëpret EULEX-in por jo me plane që cenojnë sovranitetin dhe integritetin territorial të Kosovës.

Ndërkaq shefi i UNMIK-ut Lamberto Zanier në fjalimin e tij deklaroi se kur EULEX-i të shtrihet në Kosovë në bazë të 1244 atëherë UNMIK-u do ta rishikoj pozicionin e vet duke e quajtur Kosovën shoqëri të ndarë etnikisht.

Ndërsa shefi i diplomacisë serbe Vuk Jeremiq shprehu kënaqësinë e tij që çështja e pavarësisë së Kosovës ka shkuar në Gjykatën Ndërkombëtare të Drejtësisë dhe për marrëveshjen që është arritur për shtrirjen e EULEX-it në bazë të kërkesave të Serbisë.

Gjatë mbledhjes me fjalët e tyre janë paraqitur ambasadorët e vendeve anëtare të Këshillit të Sigurimit, të cilët i dhanë mbështetje planit të Ban Ki-moonit për rikonfigurimin e prezencës ndërkombëtare në Kosovë, mirëpo mendimet e tyre ishin të ndara në dysh, varësisht prej shteteve që e kanë njohur apo nuk e kanë njohur pavarësinë e Kosovës.

Pas mbledhjes së këtij këshilli, është lëshuar një deklaratë presidenciale - ku potencohet se EULEX-i do të funksionojë nën ombrellën e OKB-së.

Deklarata Presidenciale e Këshillit të Sigurimit

"Këshilli i Sigurimit e ka parasysh raportin e Sekretarit të Përgjithshëm për UNMIK-u të datës 24 nëntor 2008, dhe duke marrë parasysh pozicionet e Beogradit dhe Prishtinës për raportin të cilat u reflektuan në deklaratat e tyre, e mirëpret qëllimin e tyre për të bashkëpunuar me bashkësinë ndërkombëtare Këshilli i Sigurimit e mirëpret bashkëpunimin në mes të OKB-së dhe aktorëve të tjerë ndërkombëtarë, në kuadër të Rezolutës 1244 të OKB-së, dhe gjithashtu mirëpret përpjekjet e vazhdueshme të Bashkimit Evropian për ta avancuar perspektivën evropiane të gjithë Ballkanit Perëndimor, e që do të ishte kontribut vendimtar në prosperitetin dhe stabilitetin rajonal"

Kush çka tha në mbledhjen e Këshillit të Sigurimit?
- disa fragmente –

Rosemary DiCarlo (SHBA)
Ambasadorja amerikane, Rosemary DiCarlo, ka përsëritur qëndrimin e Washingtonit se pavarësia e Kosovës është realitet i pakthyeshëm. Ajo ka theksuar se Prishtina e ka bërë të qartë se e kundërshton 6 pikat, por se mirëpret vendosjen e EULEX-it. Ndërkohë ajo bëri të qartë se pret që edhe Serbia të ndihmojë vendosjen e EULEX-it.
DiCarlo, në fjalimin e saj theksoi po ashtu se 52 vende e kanë njohur pavarësinë e Kosovës dhe paralajmëroi se do të ndodhin edhe njohje të reja.

Lamberto Zannier (UNMIK)
Kryeadministratori i Kosovë, Lamberto Zannier, i cili përveç se ka deklaruar se UNMIK-u mbetet organi që garanton ligjin në Kosovë, ka theksuar se plani i Ban Ki-Moonit është e vetmja garanci për shtrirjen e misionit EULEX.
"Raporti i Ban Ki Moon përcakton shtrirjen e EULEX dhe UNMIK-u ka filluar të përshtatet me ndryshimet në bazë të Rezolutës 1244", ka thënë Zannier.

Skënder Hyseni (Kosovë)
Gjatë fjalës së tij, shefi i diplomacisë kosovare ka theksuar se vendosja e misionit EULEX duhet të respektojë integritetin e Kosovës dhe ka nënvizuar se procesi i pavarësisë është i pakthyeshëm.
"Qeveria jonë zotohet për të bashkëpunuar me EULEX-in derisa punojmë për të zbatuar Kushtetutën e Kosovës dhe për të forcuar sundimin e ligjit në tërë Kosovën, objektiv ky në të mirë të gjithë popullit të Kosovës dhe me interes për të gjitha vendet e rajonit", ka thënë ndër të tjera Hyseni.

Vuk Jeremiq (Serbi)
Ministri serb Vuk Jeremiq ka thënë se "Serbia është e palëkundur për të mbrojtur pozitën e saj në Kosovë. Sipas tij, nuk është e vlefshme që pavarësia e Kosovës të trajtohet si rast unik.
"Ne do përdorim çdo mjet diplomatik për të mbajtur Kosovën dhe plani 6 pikësh do intensifikojë rolin e Serbisë në Kosovë. Për këtë arsye ne ftojmë të gjithë që ta miratojnë këtë plan", ka deklaruar Jeremiq.

Karen Pierce (Britani e Madhe)
Ambasadorja e Britanisë së Madhe në OKB, Karen Pierce e theksoi në mënyrë të fuqishme mbrojtjen e sovranitetit të Kosovës. "Pavarësia e Kosovës është e pakthyeshme dhe e pandalshme. Me këtë pajtohet edhe vetë raporti i sekretarit të përgjithshëm", ka thënë ajo.
Duke reaguar ndaj komentit të ministrit serb Vuk Jeremiq se, "Serbia po e kthen sovranitetin mbi Kosovën...", Pierce ia rikujtoi atij se pavarësia e Kosovës nuk ka ndodhur sa hap e mbyll sytë, por ajo ishte një proces i gjatë që solli stabilitetin në Evropë.

....sovranitetin e Republikës së Kosovës e kanë mbështetur në fjalimet e tyre edhe ambasadori francez, belg, ai italian dhe disa të tjerë – kurse ambasadori i Kroacisë shtoi se pavarësia e Kosovës ka dhënë një kontribut të fuqishëm për paqen në rajon dhe Evropë. /Telegrafi/

[Sabriu]

Tungatjeta Shqiptar.
U bo koh qe sjom duk knena.

Ndoshta disa do të ndjejnë keqardhje për ne që nuk na kuptuam me kohë.

Vetëvendosja,Sabri Selmani

[Sabriu]

Kryeministri Thaçi: Çfarëdo raporti që mund të përpilohet nga KS i OKB-së, pa miratimin zyrtar të Republikës së Kosovës, do të jetë plotësisht i papranueshëm dhe i pa zbatueshëm në territorin e shtetit tonë







Prishtinë, 25 nëntor 2008

Lidhur me planin 6 pikësh të propozuar nga Sekretari i Përgjithshëm i OKB-së, i cili pritet të përfshihet në raportin që Sekretari i Përgjithshëm i OKB-së do t’ia paraqes Këshillit të Sigurimit të Kombeve të Bashkuara, më lejoni të ritheksoj edhe një herë se:


1.
Statusi i Kosovës është i zgjidhur dhe kjo çështje është e mbyllur. Kosova që nga 17 shkurti 2008 është shtet i pavarur dhe sovran dhe i tillë do të jetë përgjithmonë.

2.
EULEX do të vendoset në Kosovë ashtu siç e parashikon Kushtetuta e Kosovës dhe Plani i Ahtisarit. UNMIK-u nuk do të ketë asnjë rol ekzekutiv, por vetëm lehtësues për vendosjen e EULEX-it. Çdo tendencë tjetër, konsiderohet si shkelje e Kushtetutës së Republikës së Kosovës dhe si dhunim i sovranitetit tonë shtetëror. Rezoluta 1244 e OKB-së është plotësisht jo relevante dhe e pakuptimtë në shtetin tonë sovran. Si e tillë institucionet e Kosovës nuk kanë asnjë obligim juridik që të njëjtën ta marrin në konsideratë.

3.
Të gjitha fushat për të cilat flet plani gjashtë pikësh i OKB-së, siç janë drejtësia, policia, kufijtë,doganat, trashëgimia serbe, transporti dhe infrastruktura janë të rregulluara me ligjet tona përkatëse, të cilat janë miratuar nga Parlamenti i Kosovës dhe të cilat janë në përputhje të plotë me Kushtetutën e Kosovës. Çdo plan tjetër, çdo dokument tjetër e aq më tepër ndonjë raport qoftë ai edhe nga OKB-ja është i paligjshëm dhe i pazbatueshëm.

4.
Kosova ka paraqitur 4 pikat e saj që në fakt vetëm paraqet qëndrimin tonë zyrtar në raport me 6 pikat e propozuara. Kosova e ka Kushtetutën dhe ligjet e saj moderne, të cilat i rregullojnë të gjitha çështjet e ngritura në planin 6 pikësh të Sekretarit të Përgjithshëm të OKB-së.

5.
Prandaj, është Kushtetuta e Kosovës dhe ligjet e miratuara nga Parlamenti i Kosovës, që unë si Kryeministër i Kosovës do t’iu përmbahem dhe do t’i zbatoj në praktikë dhe asgjë tjetër. Ky është plani ynë, ky është vizioni ynë.

6.
Çfarëdo plani apo raporti që mund të përpilohet nga Këshilli i Sigurimit i Kombeve të Bashkuara, pa miratimin zyrtar të Republikës së Kosovës, do të jetë plotësisht i papranueshëm dhe i pa zbatueshëm në territorin e shtetit tonë.

Ndoshta disa do të ndjejnë keqardhje për ne që nuk na kuptuam me kohë.

Vetëvendosja, Sabri Selmani

[Sabriu]

Prononcim rreth Planit gjashtëpikësh të OKB-së

Written by Esat Stavileci

Wednesday, 12 November 2008


Pasi bëri një numër të madh kompromisesh për të arritur një pavarësi të kushtëzuar me sovranitet të kufizuar, Kosovës tash po i kërkohet nga bashkësia ndërkombëtare që të deklarohet kundër atyre kompromiseve dhe kundër vetëvetes dhe të ardhmes së saj.

Plani gjashtëpikësh i Ban Ki Munit është tërësisht i papranueshëm për Kosovën, jo vetëm për shkak se ai, në të vërtetë, paraqet një plan të Serbisë për përfshirjen e saj në rregullimin e brendshëm të Kosovës, por edhe për shkak të legjitimimit ndërkombëtar të përfshirjes së saj në garë për pushtet dhe ligj në Kosovë. Sipas këtij plani, që Bashkimi Evropian negocioi me Serbinë, ai në fakt, pranoi të gjitha kushtet e vëna nga Serbia: e para, që EULEX-I të bazohet në Rezolutën 1244; e dyta, që EULEX-i të jetë neutral karshi statusit të Kosovës dhe, e treta, që EULEX-i të mos ketë fare të bëjë me Planin Ahtisaari.

Me Planin gjashtëpikësh, parashihet që fushë të rëndësishme, si policia, gjyqësia, kufijtë, doganat, trashëgimia kulturore dhe transporti, të ndahen në baza etnike që, si synim kanë të ashtuquajturën “ndarje të brendshme”, për të krijuar dy realitete dhe sisteme administrative dhe juridike në Kosovë dhe për t’i siguruar Serbisë involvim dhe ndikim në punët e brendshme të Kosovës, duke e bërë atë madje edhe bartëse të drejtpërdrejtë të një pjese të sovranitetit,megjithë deklarimin e pavarësisë së Kosovës dhe njohjen e saj nga më shumë se pesëdhjetë shtete të botës.

Prandaj, Plani gjashtëpikësh duhet të kundërshtohet fuqishëm jo vetëm për shkak të anashkalimit të Kosovës në marrëveshje, por në rradhë të parë, se prapa tij fshehet tendenca për ndarje, jo vetëm në vija administrative dhe politike, por edhe në rrafshin ekonomik, më dëme të mëdha për ripërtrirjen e saj në një zonë shumë të rëndësishme të ekonomisë së Kosovës.

Përkujtojmë se edhe gati nënëtë muaj pas shpalljes së pavarësisë, Kosova ballafaqohet me mosfunksionalitetin e shtetit , që në lindjen e tij. Sëkëndejmi, përpjekjet për të krijuar dy realitete paralele të papajtueshme në Kosovë, jo vetëm se do të mund të rrisnin shkallën e tensionimit të raporteve Kosovë- Serbi, por për pasojë, do të lëndonin shtetin, edhe ashtu ende territorialisht, politikisht, juridikisht dhe ekonomikisht të cunguar të Kosovës.

Në vend se të angazhohet për vënjen në jetë të një projekti shumë të dëmshëm për të ardhmen ndërkombëtare të Kosovës, bashkësia ndërkombëtare do të duhej të angazhohej që t’i mundësojë institucioneve të Kosovës funksionimin në tërësinë e vet territoriale me një sistem të vetëm juridik që siguron zbatimin unik të ligjit në gjithë territorin e saj.

Eshtë koha e fundit që bashkësia ndërkombëtare të mobilizohet për të ndihmuar shtetkrijimin në Kosovë dhe për ta përfunduar atë. Ndryshe, pasojat mund të jenë shumë të rënda dhe të pariparueshme, si për të ardhmen e Kosovës, ashtu dhe për çështjen shqiptare në përgjithësi, pjesë e pandashme e së cilës është Kosova.

Paraqet,Sabri Selmani