Situata e konfliktit Rusi - Gjeorgji

[Brari]

Agresioni i Moskës ndaj shtetit sovran të Gjeorgjisë1>

(11.08.2008)

Ish-presidenti Putin kërcënoi të gjitha vendet që i kanë shitë armë dhe i kanë dhanë mbështetje ushtarake Gjeorgjisë (ndër ta figurojnë Ukraina, Turqia... e ndonji tjetër), dhe tha se do ata që kanë derdhë gjakun rus në Kaukaz do ta paguejnë shtrenjtë.
Ndërkaq trupat gjeorgjiane nisën me u kthye në pozicionet e para, mbasi asht e vështirë që nji popull prej 5 milion banorësh si Gjeorgjia të fitojë nji luftë të vërtetë me nji superfuqi si Rusia. Simbas të dhanave zyrtare forcat e armatosuna gjeorgjiane përbahet gjithsejt prej 17.500 ushtarëve, ndërsa rusët vetëm dy ditët e fundit kaluen kufinin dhe dërguen në Osetinë e Jugut 10 mijë ushtarë dhe 200 tanke në mbështetje të trupave që ndodheshin aty.
Gjithsesi, trupat gjeorgjiane njifarë suksesi e arritën, sukses ma fort mediatik, mbasi gjithë bota, përfshi bashkësinë oliampike, i hodhi sytë nga ata.
Gjeorgjia ka dy probleme të pazgjidhuna, që po nuk i zgjidhi sot nuk mund t’i hapë vetes nji të ardhme në NATO.
Problemi i parë asht Osetia e Jugut, i dyti Abkazia.
Të dyja këto rajone kanë shprehë me kohë tendenca separatiste dhe e kanë vulosë ndamjen nga Gjeorgjia me referendume e me protesta, edhe të armatosuna. Mbas tyne rrin me ndihma, ekonomike dhe ushtarake, ariu rus.
Në këto kushte Gjeorgjia ka kërkue me u afrue me Perëndimin. Nji vend me shumicën e popullsisë së krishtenë, me nji kulturë të lashtë, me tradita të skalituna – kërkon me hy në NATO dhe me u fut nën ombrellen e SHBA. Diçka të tillë u mundue me ba edhe Ukraina.
Nga pikëpamja gjeopolitike këto dy vende kanë ndihmue indirekt zgjidhjen e konflikteve në Ballkan, pse lëvizjet centrifugale në Azi kanë dobsue ndikimin dhe vëmendjen ruse në Ballkan dhe i kanë dhanë mundësi edhe Kosovës me fitue pamvarsinë.
Operacioni gjeorgjian i presidentit Mikheil Saakashvili ndaj provincës separatiste mbrenda territorit sovran të Gjeorgjisë (pra, nuk kemi nji agresion të armatosun, por nji operacion për marrjen nën kontroll të territorit të vet) zgjati vetëm tri ditë dhe u mbyll me tërheqjen e trupave e tija. Ndërkaq ai sulm i dha pretekst rusëve me dërgue trupat e tyne, me krye nji agresion ndaj nji shteti sovran dhe me vu nën kontroll territorin oset. Bile rusët kanë hapë menjiherë edhe nji front të ri në Abkazi tue dërgue menjiherë rreth 4 mijë forca ushtarake.
Tashti me siguri do të nisin negociatat dhe Gjeorgjia do të ulet në tryezë me nji avantazh: në territorin e saj ka trupa të hueja, e kjo gja vijon me shqetsue edhe sot Këshillin e Sigurisë.
Operacioni gjeorgjian ndaj Osetisë mund të duket i pakuptimtë por nuk mund të shtyhej ma tej. E para pse në NATO nuk mund të hyhen me probleme kaq të mëdhaja të pazgjidhuna, e dyta se kur të bahet antare e NATO-s Gjeorgjia nuk mund të bajë ma gjana të tilla, pse simbas traktateve mbrojtëse konflikti në rast se rusët do të ndërhynin arbitrarisht, siç bane tashti, do të zgjanohej rrezikshmënisht.
Nga ana tjetër Rusia e Putinit, edhe e Medvedevit, nuk ngurroi me “mbrojtë” qytetarët e vet tue dërgue trupa në nji shtet sovran.
“Qytetarë rus” në Gjeorgji - mund të pyesë dikush?
Në këto 15 vitet e fundit pakicat ruse në republikën kaukaze përveç pasaportës “gruze”, kanë marrë edhe nënshtësinë ruse tue e futë vetveten nën mbrojtjen e Moskës. Nji gja të tillë psh. vendet balltike jo vetëm nuk e kanë lejue por e kanë lidhë ngushtë pasjen e nënshtesisë balltike me njohjen e gjuhës përkatëse dhe kanë penalizue rusët në shumë drejtime.
Mendoni sikur Bollanoja me shokë të ankohej në Athinë se shteti shqiptar e persekuton (i vjedh tokat!!) dhe atëherë Athina ta ndiente të nevojshme me dërgue “qerre të armatosura dhe fluturakë” (siç i quenin dikur) në Himarë!?
Nji mekanizëm juridik për me rregullue jetën, sidomos ekonomike, të qytetarëve që banojnë në Republikën e Shqipërisë dhe deklarojnë nji nënshtetësi të dytë ose nji nënshtetësi tjetër duhet të ishte studjue urgjentisht. Qytetarët e huej nuk mund të gëzojnë të drejta të barabarta, jo themelore, me qytetarët shqiptarë. Qytetarët e huej duhet të kenë nji kufizim, psh. në blemjen e pasunive të patundshme, e shteti shqiptar duhet të zbatojë taksa ma të nalta për pronat e tyne mbrenda territorit shqiptar dhe duhet të tutelojë së pari qytetarët shqiptarë.
Por tue u kthye tek sulmi rus në Gjeorgji, vërejmë se baza e pandehun juridike e tij asht e paqenë dhe pretekstuoze, mbas Putin/Medvedev duen thjesht me konfirmue hegjemoninë ruse në rajon dhe me mbajt në rang satelitësh të gjitha shtetet tjera të vogla.
Asht e vështirë me parashikue si do të zgjidhet çështja e Osetisë së Jugur dhe e Abkazisë, mbasi nji kthim në normalitet kërkon shumë kohë dhe vullnet të mirë, që mungon krejtësisht.
Por duhet të kemi parasysh se Ukraina, Gjeorgjia dhe Armenia janë tre shtetet që rrezikojnë seriozisht ndikimin rus në Kaukaz.
Në këtë drejtim sulmi treditor ishte nji demonstrim force dhe nji provë me anë të cilës i tregohej Rusisë se koha e frikës ka kalue. Sigurisht nuk ka ardhë ende koha e fitores me anë të nji Blitzkrieg-u, por hapi i parë asht ba.
BE, NATO-ja, SHBA-ja mbështësin tansinë territoriale të Gjeorgjisë dhe kërkojnë armëpushim të menjihershëm. Kurse ministri i jashtëm suedez Carl Bildt krahasoi sulmin rus ndaj Gjeorgjisë me sulmet e Hitlerit ndaj vendeve të vogla dikur, mbrojtja e qytetarëve rus në Gjeorgji asht nji pretekst i ulët me cënue sovranitetin e nji populli si ai gjeorgjian.
Presidenti gjeorgjian Saakashvili tha se skuadra e tij olimpike po përgatitet për protesta.
Gjendja e sotme na kujton Olimpiadën XVI të Melbournit, të vitit 1956, kur skuadra hungareze e vaterpolos u përball me skuadren sovjetike, e cila damtoi randë lojtarët hungarez. Ishte koha e agresionit të turpshëm sovjetik ndaj Hungarisë dhe gjithë bota demokratike ishte tifoze e vendit të vogël dhe krenar që i bani qëndrëse burrnore superfuqisë komuniste.
Ka kalue nji gjysëm shekulli por gjanat nuk kanë ndryshue: Moska ende nuk ka mësue se çka asht liria e popujve dhe çka asht ma e keqja nuk respekton ende sovranitetin e tyne.
Le të shpresojmë që Gjeorgjia të fitojë dinjitetin dhe sovranitetin e saj të nëpërkambun, pa humbje jetësh njerzore dhe pa damtime të matejshme.

Nga Ardian Ndreca

55

[RaPSouL]

Marrëveshje ruso-gjeorgjiane për armëpushim

Presidenti francez Sarkozy, ka rënë dakort që të hartojë një plan me Rusinë dhe Gjeorgjinë për të zgjidhur krizën.

Marrëveshja u njoftua nga zoti Sarkozi në një konferencë shtypi në orët e vona me udhëheqësin gjeorgjian, Mikheil Saakashvili, në Tbilisi.

Plani thekson rëndësinë e kthimit të të gjitha forcave të përfshira në konflikt në zonat ku ishin përpara se të shpërthenin luftimet javën që shkoi.

Rusia duhet të lere në Osetinë Jugore vetëm forcën paqeruajtëse që ishte atje fillimisht.

Por pavaresisht planit të paqes, zoti Sarkozy tha se nuk kishte asnjë iluzion në lidhje me vështirësitë që kishte përpara.

Zoti Sarkozy u shpreh keshtu për planin:

"Tekstin do t’ua paraqesë Bernard Kouchner 27 ministrave të jashtëm në një takim të BE-së në Bruksel kështu që të përkrahet nga BE-ja. Dhe ky tekt do të shndërrohet nga një kornizë bazë në një dokument juridik në formën e një rezolute që do t'i jepet pastaj Këshillit të Sigurimit. Kështu është fillimi i një proçesi që do t'i hapë rrugën- apo që Franca shpreson që do t'i hapë rrugën - paqes në rajon."

Ndërkohë njoftimet nga Uashingtoni bëjnë të ditur se SHBA kanë vendosur që të anulojnë një manovër të përbashkët detare me Rusinë për shkak të ndërhyrjes së saj në Gjeorgji.

Një zyrtar amerikan citohet të ketë thënë se SHBA nuk mund ta kryejnë këtë manovër në kushtet e krizës aktuale.

Ajo ishte planifikuar të fillonte në detin e Japonisë ditën e premte.



/BBC/

[Kosovar2006]

Rusi Shkon drejt TBLISIT 24 ore mbasi se konfirohet arm pushimi 13:12 GMT, 14:12 CET

[Lioness]

Mor po keta ekspertat tane (Ndreca & Co) lexojne ndonje gje apo ia mbysin ne tym me cfare degjojne neper kafene?!

Pasi humben jeten disa qindra mijera njerez, bilanci eshte ky (perkthyer jo verbatum nga BBC):

Fituesit:

Rusia: Dergoi nje mesazh te qarte qe ne zonen e saj te influences nuk do lejoje manovra te tilla. Plus qe sipas armepushimit, forcat paqeruajtese ruse do vazhdojne te veprojne ne Osetine e Jugut, dhe bile forcat gjeorgjiane paqeruajtese nuk do te lejohen me si me pare. Po ashtu sic thashe me lart do fillojne diskutimet per pavaresi de juro, se de facto kane nja 16 vjet qe e kane.

Kryeministri Putin: Rikonfirmoi veten si "man of the land." Ndersa Sakashvili qante neper mediat perendimore, Putin i akuzoi per standarte te dyfishta, dhe i vuri vulen me aksion te shpejte luftarak.

Osetianet e Jugut: Levizja separatiste tashme me e forte dhe "legjitime" e qe do kete me kontroll ne rajon.

Europa e vjeter: Franca dhe Gjermania, qe e kishin me dyshim anetaresimin e Gjeorgjise dhe Ukraines ne NATO, tani kane arsye konkrete. Ne rastin e Gjeorgjise, sipas tyre nje shtet me konflikte te tilla per kufijte nuk i duhet NATOs.

Humbesit:

Te renet dhe te plagosurit

Presidenti Sakashvili: E para sepse humbi Osetine e Jugut. Gjithashtu edhe pse mbahet per pishtar demokracie nga US, nga shume gjeorgjiane nuk njihet i tille. (Ka eleminuar fizikisht oponente te tij, dhe para konfliktit opozita e akuzonte per korrupsion e per gjera te tjera.) Qeveria e tij ka marre 300 milion dollare fonde nga Millenium Corporation Fund (korporate e qeverise se Bushit per shtete me qeveri "efektive".) Forcat amerikane kane stervitur forcat gjeorgjiane psh, per te luftuar rebelet cecene ne kufi. Por shume nga fondet e dhena nga US harxhohen per mbrojtjen e naftesjellesve qe kalojne neper Gjeorgji.
Nejse, Sakashvilli eshte akuzuar nga qeverite e perendimit qe ne lidhje me Osetine e Jugut, ndermori veprime bazuar ne "emocione" dhe rezultatet shihen. Megjithate, sipas agjensive te tjera, ky akt ishte i primedituar, sepse jo pak muaj me pare, qeveria gjeorgjiane kishte paguar eksperte izraelite te vinin e te stervisnin trupat gjeorgjiane ne "lufte urbane."
Plus qe thirrjet e tij se Gori ishte nen sulm nga ruset jane hedhur tashme poshte nga mediat.

E verteta: u be lemsh ne kete konflit. Atrocitetet ne Osetine e Jugut nga bombardimet gjeorgjiane apo genocid sipas ruseve nuk jane konfirmuar. Rusia nuk ka lejuar observues nderkombetare te shkojne ne Osetine e Jugut. Nga ana tjeter sic permenda me lart, marshimi i trupave ruse ne Gori nuk ishte i vertete.
Gjithashtu qeverite angleze dhe amerikane (hmmm British Petrolium) e karakterizuan situaten si agresion rus, por tashme dihet qe ishin gjeorgjianet qe bombarduan te paret.

Perendimi: "The West" u gjend para nje surprize. Thuhet se qeveria amerikane dhe ajo angleze i thane Sakashvillin te ushtroje kujdes. Nqs eshte e vertete, jo vetem qe Rusia fitoi kunder nje aleati te perendimit, por aleati vete nuk ndoqi urdhrat dhe keshillat e perendimit.

[mesia4ever]

Baba Bush dergon ndihma ne Gjeorgjia, edhe i qon selame Putinit

http://www.cnn.com/2008/POLITICS/08/...acy/index.html

Ne anen tjeter Britania e Madhe ka bere thirrje per pershpejtimin e anetaresimit te Gjeorgjise ne NATO.

Komenti i Kondoleza Rajsit

Rice said Russia cannot act like its Soviet forebears.

"This is not 1968 and the invasion of Czechoslovakia, where Russia can threaten its neighbors, occupy a capital and get away with it," Rice said Wednesday, referring to the Soviet Union sending troops into Prague that year to stop the Czechoslovak government's attempts at liberalization.

"It's time to stop this so that Russia can dig out of the hole it's gotten itself into," Rice said. "Russia has seriously overreached."

Te tjera lajme

------------------------------------

Presidenti Bush bën thirrje për tërheqjen e trupave ruse nga Gjeorgjia

Zëri i Amerikës, Uashington
13-08-2008


Presidenti Xhorxh Bush i bëri thirrje Rusisë të përmbushë angazhimin e saj për një armëpushim në Gjeorgji dhe të tërheqë trupat e saj nga ai vend.

Presidenti tha sot në Shtëpinë e Bardhë se është i shqetësuar rreth njoftimeve se Rusia nuk ka ndalur operacionet ushtarake në Gjeorgji, siç u njoftua më parë nga Moska.

Zoti Bush tha se pret nga Rusia që të tërheqë trupat e saj, të cilat kanë hyrë në Gjeorgji gjatë ditëve të fundit.

Presidenti i bëri gjithashtu thirrje Rusisë të lejojë një mision humanitar të drejtuar nga ushtria amerikane. Shtetet e Bashkuara kanë në plan të përdorin forca ajrore dhe detare për të shpërndarë ndihma humanitare dhe mjeksore.

Presidenti tha se kishte folur në telefon me presidentin e Gjeorgjisë, Mikhail Saakashvili si dhe me Presidentin francez, Nicolas Sarkozy, i cili është angazhuar në përpjekjet e paqes mes Rusisë dhe Gjeorgjisë.

Zoti Bush njoftoi se Sekretarja amerikane e Shtetit Condoleezza Rice do të shkojë në Francë për t’u takuar me zotin Sarkozy, dhe pastaj do të shkojë në Gjeorgji për të vazhduar përpjekjet, siç u shpreh presidenti, për të siguruar mbështetjen e Amerikës në mbrojtje të një Gjeorgjie të lirë. (ze)

[Apollyon]

Pushoi lufta aq e pati? Viktima Gjeorgjiane as 3 dite nuk rezistuan.

[Darius]

"It's time to stop this so that Russia can dig out of the hole it's gotten itself into," Rice said. "Russia has seriously overreached."

Shume flluske sapuni kjo retorika e Rice. Power that be prape po bejne show-n e rradhes dhe masat po hedhin bastet se babai i kujt eshte me i forti

[artful dodger]

mua me pelqeu Putini kur tha "pse nuk mund ti bejme ne Shakazvilit sic i beri SHBA Sadamit?"... lol... kjo qe nje 'clue' i madh per ata qe i benin pyetjen vetes "ku e shihni Shakazvilin 1 vit prej sot?"

[Lioness]

Shume flluske sapuni kjo retorika e Rice. Power that be prape po bejne show-n e rradhes dhe masat po hedhin bastet se babai i kujt eshte me i forti

Epo c'grijne sallate keta o Darius.

Del Sakashvilli dhe thote qe US do marri persiper mbrojtjen e porteve dhe aeroporteve ne Gjeorgji. 5 min me vone del Pentagoni me deklarate e thote qe s'eshte e vertete.

Mire me Rusine, po ketij i kruhet dhe me US.

[Darius]

Po ca do humbi me shume ai? I mbaruar qe i mbaruar eshte, tha ta bej dhe une njehere si xhaxhi qe pa breke ne mendere dhe i kercellonte dhembet gjithe dynjase