Arrestohet gazetari Baton Haxhiu, Haga: Zbuloi identitetin e deshmitareve te mbrojtur

[Ujku'80]

Gazetari dhe analisti shqiptar Baton Haxhiu eshte arrestuar sot nga policia e Kosoves dhe eshte derguar menjehere ne Gjykaten e Hages per shkak te mosrespektimit te kesaj gjykate gjate procesit gjyqesor ndaj Ramush Haradinaj dhe te tjereve. Siç behet e ditur, Baton Haxhiu ka zbuluar identitetin e nje deshmitari ne nje artikull te botuar ne gazeten Express ne Prishtine ne vitin 2007.

HAGE- Çeshtja “Haradinaj” çon drejt gjykates gazetarin e njohur kosovar, Baton Haxhiu. Gjykata e Hages akuzoi publicistin e njohur per zbulimin e identitetit te nje prej deshmitareve ne gjyqin kunder ish-kryeministrit te Kosoves. Haxhiu eshte arrestuar te marten dhe do te paraqitet te merkuren para trupit gjykues, ben te ditur agjencia e lajmeve Associated Press. Gjykata ka bere te diturt se Haxhiu do te deklaroje sot nese eshte fajtor apo jo per akuzat e ngritura nga prokuroret e Hages. Sipas tyre, publicisti 42-vjeçar ka publikuar emrin e nje deshmitari, identiteti i te cilit ishte fshehur nga Haga, per arsye te mbrojtjes se tij. Deshmitari duhej te dilte para gjykates per te deshmuar kunder ish-kryeministrit Ramush Haradinaj. Ish-shefi i qeverise kosovare u lirua nga akuzat dhe u shpall i pafajshem ne nje gjyq, qe sipas gjykatesve u zhvillua ne nje atmosfere jo te qete per deshmitaret. Pak jave me pare edhe ish-ministri i Kultures ne Kosove, Astrit Haraçija si dhe bashkepunetori i tij, Bajrush Morina, u akuzuan nga Gjykata e Hages per frikesim te deshmitareve ne gjyqin kunder Haradinajt.
(a.r-news24/balkanweb)

[Edvin83]

Eh, fajin e kemi ne qe nuk vrame e preme, ndoshta tani do te na shperblenin me futjen ne BE dhe do te na i hiqnin vizat sic po ia bejne Serbise...
Ne nuk kane ku na kapin dhe na kapin gazetare se kriminela lufte nuk kemi, kurse serbet hedhin valle mbi malet me kufoma qe ata kane bere...

[NoName]

baton, e di se semundje e pasheruar osht spiunlleku ?? me keq se kanceri

[RTP]

\


ahahahahahahahahahahahaha

Xhelozia te mbyt turullaq!

Qe tash,i erdhe rendi Batonit me na u ba HERO me brina!
Edhe ate krejt pahiri!Jo qe e ka ba me qellim!...

Eshte mesu Batoni me nxjerr emra e mbiemra neper gazete pa asnje pike pergjegjesie.
Tash ka me `plas` Astrit Haraqiun me "popullaritet"

[Edvin83]

Gjykata e Hages eshte nje gjykate ku gjykohen vetem ata pjesetare te njesive apo ushtrive te armatosura qe kane kryer krime lufte, pra kane vrare ne kundershtim me rregullat konvencionale te luftes.
Batoni kriminel lufte? Sa vete ka vrare ai? Ku i ka masakruar? C'lidhje ka Haga me gjykimin e nje gazetari? Gazetari gjykohet nga nje gjykate e vendit ti tij, dhe jo Haga. Kjo tregon se Kosova nuk ka shtet, se ne te vertete eshte nje koloni e te huajve.

[Brari]

cka u ba me trimin e pendes.. bajrush morinen..
per ate merakosem vertet..
kurse batonin nuk e gjen gje se mafia paguan per te..

apo e kan shtrydh e nuk e duan me te ngratin..

[Brari]

ja dy komente nga gazeta tema per rastin "baton"..

kur ti lexoj do komentoj dhe une..



--

Fajtor si Batoni

Nga Andi Bushati

Pas pak ditësh kolegu ynë, Baton Haxhiu, do të jetë sërish i lirë. Dikush do ta duartrokasë, dikush do vazhdojë ta kritikojë dhe të gjithë ne do të vazhdojmë të ruajmë të njëjtin mendim për Batonin, siç e kemi pasur përpara shkuarjes së tij vullnetare në Hagë. Por të gjithë sot duhet të jemi solidarë me të. Të gjithë gazetarët sot duhet të bëjnë “FAJIN” e tij dhe të tregojnë në mënyrë të përsëritur emrin e dëshmitarit që rrëfeu Batoni, atë të Nazif Ramabajës, sepse ky akt ka të bëjë me thelbin e profesionit tonë: atë të nxjerrjes së sekreteve, jo atë të groposjes së tyre. Sepse ky akt ka të bëjë me të vërtetën, sado e rëndë qoftë ajo dhe jo me fshehjen e saj.

Në këtë kuptim, Baton Haxhiu ka pasur ndërgjegjen profesionale për ta bërë siç duhet punën e tij. Në këtë kuptim, ai ka dhe fatin që të bëhet një precedent shqiptar për të mësuar sesi ne, gazetarët, duhet të luftojmë për ta mbrojtur profesionin tonë.

Po çfarë faji ka bërë në fakt Baton Haxhiu?

Më 24 dhjetor të vitit që shkoi, ai ka botuar një shkrim në gazetën “Express”, drejtor i së cilës ishte ende në atë kohë, ku shpjegonte se pse për ish-ministrin e Kulturës së Kosovës, Astrit Haraçia, ishte hapur një çështje nga Gjykata e Hagës. Haraçia së bashku me një tjetër gazetar, Bajrush Morina, akuzohej se i kishin bërë presion njërit prej dëshmitarëve të Gjykatës së Hagës në procesin ndaj Ramush Haradinajt. Ky dëshmitar gjendej prej kohësh në Oslo, në Norvegji. Një ditë, ndërsa procesi kundër Ramush Haradinajt zhvillohej në Hagë, (këtij dëshmitari, pra Nazif Ramabajës, ish-pjesëtar i trupave të FARK) i shkon në shtëpi, atje larg, në Skandinavi, Bajrush Morina. Nafiz Ramabaja i kishte njoftuar autoritetet e Hagës për një gjë të tillë dhe si pasojë e kësaj, banesa e dëshmitarit ishte mbushur me mikrofonë të padukshëm.

Gjatë përgjimeve që u dëgjuan nga hetuesit e Hagës rezultonte se vizitori gjendej aty i dërguar nga ministri i Kulturës, Astrit Haraçia, me një qëllim. Të ndërronin dëshminë kundër Haradinajt.

Kur çështja kundër Haraçisë dhe Morinës ishte bërë publike, Baton Haxhiu vendosi ta tregojë atë në gazetën e referencës në Prishtinë, “Express”. Për herë të parë ai përmendi emrin e dëshmitarit që mbahej i fshehtë nga Gjykata e Hagës. Dhe bëri mirë. Së pari, sepse ai tha një të vërtetë, që nuk i takonte atij ta ruante. Për ruajtjen, e saj, sipas çdo tradite të demokracive botërore, janë të tjerë persona përgjegjës. Aspak gazetarët.

Së dyti, edhe sikur ky koncept i pranuar botërisht të mos merrej parasysh, përsëri Baton Haxhiu nuk ka faj. Ruajtja e emrit të dëshmitarit ka vlerë, për sa kohë atë nuk e ka marrë vesh personi i akuzuar, ai që mund të dënohet si pasojë e rrëfimit të këtij dëshmitari, ai që mund ta kërcënojë direkt apo indirekt këtë dëshmitar, por jo kur ky i akuzuar (në këtë rast Ramush Haradinaj) ka qenë në dijeni.

Ai, sipas akuzuesve të Hagës, ka dërguar edhe të tjerë për ta ndërruar dëshminë kundër tij. Ndaj, në këtë pikë, sekreti nuk ka më vlerë. Ai mbetet vetëm një raport midis gazetarit dhe publikut. Dhe këtë raport Baton Haxhiu e ka respektuar, duke respektuar njëkohësisht edhe secilin prej nesh, që kërkon ta ushtrojë ndershmërisht këtë profesion.

Deri këtu kemi të bëjmë me argumentet serioze të kësaj ngjarjeje, sepse për më tej ajo nuk është tjetër vetëm se një farsë qesharake. Sepse, një gjykatë e ngritur për të dënuar kriminelët e luftës në ish-Jugosllavi, përfundon të merret me Batonin. Do ishte e kotë të tentoje të tregoje dështimet e TPI. Është jashtë vendit dhe mundësive të këtij shkrimi. Por mendoj se nuk ka njeri që s’e kupton, nuk ka njeri që s’i duket qesharake, kur e mendon se Haga, që tashmë ka liruar vrasësit dhe zhdukësit e kriminelëve, po mëton të merret me ata që thjesht kanë shkruar në shtyp emrat e dëshmitarëve. Nëse dikush në Hagë e ka dashur në burg Ramush Haradinajn dhe nuk arriti ta bëjë këtë, për një gjë të tillë sot nuk mund të bëhet fajtor as Baton Haxhiu dhe as gazeta që publikoi emrin e dëshmitarit. Kjo është vetëm një shaka. Një farsë që nesër do të rrëfehet si një nga episodet e turpit në historinë e dështimeve të këtij tribunali. Ndaj dhe ne, gazetarët shqiptarë, duhet ta trajtojmë këtë histori si të tillë. Duke treguar ditë pas dite, deri në qesharakëzim, emrin tashmë publik të këtij dëshmitari, për të dëshmuar sesa joserioze është e gjithë kjo histori, që do të përfundojë shpejt; për të dëshmuar gjithashtu sesa solidarë jemi me njëri-tjetrin, për të mbrojtur një nga parimet e shenjta të profesionit tonë.



--------------







Dhe unë do ta kisha publikuar emrin e dëshmitarit

Nga Ilda Mara*

Kolegu im, Baton Haxhiu, gjendet sot në Hagë, nën akuzën se ka botuar në gazetën “Express” emrin e dëshmitarit kosovar, Nazif Ramabaja, një prej dëshmitarëve në gjyqin kundër ish-kryeministrit të Kosovës, Rramush Haradinaj.

Më erdhi keq, që përfundimisht Gjyqi i Hagës, pasi përzieu shumë emra, pasi shndërroi Millosheviçin në hero të patjetërsueshëm të Serbisë, pasi mbajti padrejtësisht në pranga ish-kryeministrin kosovar, Rramush Haradinaj, për ta shpallur më pas të pafajshëm, pasi ende s’ka kapur përgjegjësit e vërtetë të krimeve të luftës në ish-Jugosllavi Radovan Karaxhiç dhe Ratko Mlladiç, një nga arsyet për të cilat kjo gjykatë u ngrit, sot arreston një gazetar të pafajshëm nën akuzën se ka bërë punën e tij, sepse ka informuar publikun në lidhje me një çështje të rëndësishme për Kosovën.

Fjala e lirë, në pranga

Jo rrallëherë kam qenë në një mendje me të, madje kemi pasur shpesh mospërputhje idesh në të shumtën e rasteve, po ajo që nuk mund t’i mohohet Baton Haxhiut është kuraja e tij prej të marri për të nxjerrë në faqe të parë lajmin sensacional.

Sot, Gjykata e Hagës po shkel me të dy këmbët fjalën e lirë, ashtu si Millosheviçi shkatërroi dhe dogji në vitin 1999 gazetën që ai drejtonte, “Kohën ditore” dhe vrau rojen e saj, që e vërteta mbi Kosovën të mos dilte. Pikërisht sot, Gjyqi i Hagës po dhunon shtypin e lirë, duke arrestuar një gazetar, i cili s’ka bërë tjetër gjë veçse ka përmbushur misionin e tij të informimit të publikut. Sigurisht, mbajtja sekret e emrit të dëshmitarit vlen, për sa kohë atë nuk e ka marrë vesh personi i akuzuar, ai që mund të dënohet si pasojë e rrëfimit të këtij dëshmitari, sepse mund të paraqesë një kërcënim për këtë dëshmitar, por kur Baton Haxhiu e ka marrë vesh, kjo çështje nuk qe më sekret. Dhe ai s’ka bërë asnjë krim, ai ka thënë të vërtetën! Nëse emri i dëshmitarit ka dalë në shesh, kjo së pari është përgjegjësi e bashkëpunëtorëve të Hagës, të cilët e kanë nxjerrë këtë informatë e jo e gazetës, as e gazetarit që e botoi atë. A nuk ishte pikërisht Baton Haxhiu, që në vitin 1999, pas luftës së Kosovës, u nderua me Çmimin Ndërkombëtar të Lirisë së Shtypit në Nju-Jork, për kurajën e tij në pasqyrimin e krizës së Kosovës në gazetën që ai drejtonte, “Koha Ditore”, me gjithë kërcënimet serioze për jetën e tij?

Media dhe drejtësia, ndërthurje pushtetesh

Roli i shtypit, sidomos i atij të shkruar, është të bëjë kërkime, investigime dhe të shkojë sa më larg që të jetë e mundur. Në ndërthurjen e pushteteve reale apo të supozuara, pikëpyetjet etike dhe praktike përplasen me njëra-tjetrën. Një koncepsion “hermetik” i themeleve të demokracisë na shfaqet dhe na jep një konfiguracion të komplikuar. Të sakrifikosh informacionin, është të sakrifikosh nevojat vitale të çdo shoqërie. Kohët kanë ndryshuar dhe nevoja për informacion nuk është një ide në ajër, sidoqoftë “mediat” që përfshijnë pothuajse gjithçka në sferën e shoqërisë moderne, prekin ndonjëherë dhe “çështje” deri në zgjidhjen përfundimtare të tyre dhe pikërisht këtë mision Baton Haxhiu e ka respektuar.

Përplasjet e mediave me pushtetin e drejtësisë janë përplasje reale dhe nga dita në ditë sekreti i hetimeve dhunohet pa frikë përditë nga trupi gjykues, të cilët shpesh janë ata që informojnë gazetarët, para sesa drejtësia të bëjë punën e saj në qetësi, me rrezikun që të destabilizojë individët.

Çështja “Haradinaj” dhe “Haxhiu” nuk janë veçse derivate të rrënjëve të dobëta të drejtësisë ndërkombëtare, e cila për mendimin tim ende ndodhet në një fazë konsolidimi e ende s’e ka fituar një fizionomi të sajën, por, në vend të vërë drejtësinë e pritur nga popujt e vuajtur nga lufëtrat, ajo vazhdon të hedhë baltë mbi njërin apo tjetrin lider. Përfundimisht, mediat duhet të zgjedhin ose të heshtin mbi një ngjarje, ose t’i shkojnë deri në fund nxjerrjes të së vërtetës. Edhe unë, po ta kisha emrin e dëshmitarit, do ta kisha botuar atë në Francë. Liria e fjalës dhe e informacionit nuk mund të futet në pranga, ajo mbrohet me ligj.




Autorja është studiuese dhe këshilltare pranë revistës franceze “Politique Internationale”

[drenicaku]

Vazhdojm te vuajm nga budallellaku si komb,batoni po ti kishte dy kokrra mend ne kok dhe po te deshironte ti ndihmonte ramushit ai nuk do ta bente publike ne gazet deshmitaret e mbrojtur.
Kete e ka ber vetem nga fukaralleku i dijes,apo edhe me keq per ta demtu ramushin sepse nuk ka se si te kuptohet ndryshe e gjith kjo loj.
Frigohem shume qe nga batoni gjykata do mesoj me shume se kaq dhe radhe per tu rikethu prap ne hag i mbetet ramushit per fat te keq.
Jo vetem ky rast por edhe ne rastet me te renda gjat luftes shqiptaret i hangren koken njeri tjetrit,kjo po vazhdon edhe sot dhe kjo behet ne munges te vetedijes.
Te shpresojm qe kjo te perfundoj me pak dhimbje,por dhimbje gjithesesi do te ket deri sa kemi njerz qe punojn per djallin
Dikush kete ngjarje e quan cenim te drejtes se fjales se lir,nuk eshte ashtu fare edhe liria e te shprehurit e ka nje limit dhe po te kalohet(siq eshte rasti batonit)ateher denohet ne baz ligjit,tjeter eshte se ne shqiptaret nuk njohum ligj fare.

[Brari]

po sjell nje shkrim nga gazeta korrieri..


----

“Express” publikon artikullin e plotë, për të cilin akuzohet nga Gjykata e Hagës gazetari kosovar Baton Haxhiu

Prej tri ditësh, gazetari kosovar, Baton Haxhiu, ndodhet në Hagë, i akuzuar për shpërfillje të gjykatës, duke publikuar emrin e një dëshmitari të mbrojtur në gjykimin ndaj ish-kryeministrit kosovar, Rramush Haradinaj. Nëse shpallet fajtor nga Gjykata Ndërkombëtare e Krimeve për ish-Jugosllavinë, redaktori i të përditshmes kosovare “Express” përballet me një dënim minimal prej 7 vjetësh heqje lirie dhe një gjobë deri në 100 mijë euro. Ndërsa u paraqit në gjykatë dje, ai mohoi akuzat, duke deklaruar pafajësinë. “Nuk jam absolutisht fajtor”, -është cituar të ketë thënë ai nga “Associated Press”. Sipas prokurorëve, raportimi i tij ndaj gjyqit kundër Haradinaj dhunoi urdhrin e gjykatës për të ndaluar publikimin e identitetit të njërit prej dëshmitarëve. Bërja publike e emrit të tij është ende e ndaluar nga gjykata. Gazeta e tij “Express” publikoi dje artikullin për të cilin akuzohet ish-drejtori i saj. Sipas gazetës, Gjykata e Hagës kërkon të mbrojë identitetin e një dëshmitari, emrin e të cilit e kanë ditur të gjithë ata që kanë qenë të interesuar, muaj përpara publikimit të këtij artikulli, të cilin po e publikojmë të plotë.

Shkrimi i botuar më 23 dhjetor 2007 në “Express”, për të cilin Tribunali i Hagës akuzon Baton Haxhiun.

Emri i dëshmitarit të mbrojtur, shteti dhe qyteti ku ndodhet ai “ka rrëshqitur” nga teksti. Rrëshqitja është e qëllimshme, për të evituar edhe ndonjë udhëtim tjetër për në Hagë, sepse Tribunali, pas dështimeve spektakolare, me krejt forcat i ka shpallë luftë mediave dhe jo kriminelëve.

Gjykohet në Hagë

Ministri Astrit Haraqija do t’i përgjigjet Tribunalit të Hagës më 10 janar, me akuzën për “presion në dëshmitarët” e rastit Ramush Haradinaj. Nëse vërtetohet kjo, ai mund të dënohet me 4 vjet burg, ose me 100 mijë euro. Në një prononcim për “Express”, Haraqija konfirmon pjesëmarrje në Hagë, por mohon akuzën.

Prishtinë, 23 dhjetor, ditën kur po hapej fushata zgjedhore e LDK-së, njëri nga anëtarët e kryesisë mungonte në sallën “1 Tetori”. Astrit Haraqija. Dikush e quajti si protestë mungesën e tij, ndërsa të tjerët e cilësuan si mungesë përgjegjësie. Ministri i Kulturës për dy ditë iu përgjigj dhjetëra pyetjeve të hetuesve të Tribunalit të Hagës, për atë që tashmë kishte rrëfyer N. N. dhe Bajrush Morina, lidhur me aktakuzën e ngritur ndaj Ramush Haradinajt. As vetë nuk kishte besuar se një dëshirë e mirë për të ndërmjetësuar për paqësim, do të shndërrohej në një hetim të gjatë kundër tij, dhe më pas në akuzë për presion ndaj dëshmitarëve të mbrojtur. Burime të “Express”-it nga Tribunali kanë pohuar se N. N., që përfaqësonte krahun e “FARK”-ut, ishte mbuluar me mikrofona të vegjël incizues, në një shtëpi në…, derisa kishte pritur në vizitë një mysafir nga Kosova. Ai kishte lajmëruar policinë se po priste një të njohur të tij që vinte nga Prishtina, Bajrush Morinën. E kishte njohur gazetarin kosovar prej kohësh dhe ishte habitur sesi i kishte rënë në gjurmë vendndodhjes së tij. Prej muajsh nuk i kishte treguar askujt se… ishte vendi i tij i së ardhmes, i jetës dhe familjes së tij. Emri i tij ishte gjendur në konfidencialitet të plotë në listën e atyre që do të dëshmonin kundër grupit të Ramush Haradinajt. Por as që i kishte shkuar ndërmend se dikush nga LDK-ja do t’i kërkonte atij që të heqë dorë nga lista e dëshmitarëve. Një zyrtar i Tribunalit ka thënë se dy bileta avioni, në relacion Prishtinë-Vjenë-…, ishin rezervuar në emër të ministrit Astrit Haraqija dhe redaktorit të së përditshmes “Bota sot”. Udhëtimi për në… e kishte një mision: për ta bindur mikun e vjetër që të hiqte dorë nga dëshmia e tij. Vetëm disa ditë më herët, para udhëtimit për në…, thuhet se ministri i Kulturës kishte mësuar emrin e N. N.-së si dëshmitar i mbrojtur në rastin Haradinaj. E kishte takuar shumë herë gjatë luftës. Si militant i LDK-së, Haraqija kishte njohur të gjithë njerëzit e “FARK”-ut. Edhe pas luftës, kishte qëndruar afër tyre. I kishte takuar me Presidentin Ibrahim Rugova dhe u kishte dhënë kurajë, duke ua hequr frikën se mund t’u ndodhë ndonjë hakmarrje nga njerëzit e UÇK-së. Por N. N., me gjasë, kishte mbetur i betuar se do të përballej në çfarëdo momenti kohor me krahun tjetër të luftës, UÇK-në. Mllefi i tij ishte zbrazur me mijëra herë gjatë pasluftës, por nuk kishte pasur fuqi që të bënte asgjë më shumë se aq. E kishte gjetur momentin e tij: në procesin kundër Daut Haradinajt dhe më vonë kundër Ramush Haradinajt. Paslufta atij i kishte dhënë fuqi tjetër: fitorja e Rugovës dhe e LDK-së, por dhe afërsia me stafin e Presidentit. Por në politikë, siç dihet, nuk ka armiqësi të përhershme dhe miqësi të përhershme. Ramush Haradinaj bëhet kryeministër i qeverisë, pas një koalicioni të pagëzuar nga Ibrahim Rugova. Rrëfimi i N. N. tashmë ishte shkruar dhe incizuar në tërësi nga hetuesit ndërkombëtarë. Nuk mund të hiqej se nuk kishte deklaruar asgjë. Pas 100 ditësh, një fotografi e habitshme përshkroi mediat nëpër botë. Kjo foto e kishte befasuar edhe N. N. Ishte Astrit Haraqija me lot në sy, derisa Ramush Haradinaj po i dorëzohej Hagës. Ata që e njihnin ministrin Haraqija, nuk mund të besonin se po qante për një kryeministër, të cilin s’e kishte pëlqyer aspak para, gjatë dhe pas luftës. Ishin lot të dhembjes për njeriun që e kishte ndërprerë mandatin e kryeministrit të Kosovës. Por, kush ishin ata që do të dëshmonin kundër Ramush Haradinajt? Askush nuk mund të thoshte emra konkretë dhe 100 për qind të sigurt, njësoj siç askush nuk mund të dinte se kush kishte dëshmuar gjatë muajve të pasluftës. Një natë të gjatë bisede, në një ndejë kosovare, siç pohojnë burime të gazetës, një emër ishte lakuar nga zëvendësshefi i UNMIK-ut, Steven Schook, i cili po ashtu është duke u hetuar për presion ndaj dëshmitarëve të rastit, Ramush Haradinaj. Ai kishte pyetur nëse njihte dikush një njeri me emrin N. N., për të cilin thuhej se kishte dëshmi të rëndë kundër Ramush Haradinajt. Kjo fjali kishte rënë në veshët e ministrit Astrit Haraqija. E kishte konsultuar Bajrush Morinën dhe kishte marrë vendimin që të bëjë misionin e paqësimit midis N. N. dhe Ramush Haradinajt. Bajrush Morina niset për në Vjenë dhe pastaj në…, kurse Haraqija lakon rrugën dhe merr drejtimin për në Tiranë. Nuk dëshiron të takohet me N. N., por i dërgon një mesazh miqësie në emër të tij dhe familjes Rugova. “Mos e bëj atë që nuk duhet ta bësh”, kishte qenë porosia e ministrit Haraqija. Kaq i është dashur Bajrush Morinës, që ta përforcojë pozitën e tij negociuese me njeriun që e njihte prej kohësh. N. N. e kishte pritur me kënaqësi mikun nga Prishtina. Kishte qenë i afërt, miqësor dhe dashamirës, por asnjëherë nuk kishte menduar se do t’i shkonte dikush me një propozim për dëshminë e tij që i kishte dhënë Tribunalit të Hagës. I armatosur me mikrofona përgjues para vetes, ishte gjetur përballë një kosovari që kishte shkuar në mision paqësimi: Bajrush Morinën. Ai po fliste me emra dhe po jepte porosi në emër të ministrit Haraqija. I gjithë muhabeti ishte incizuar nga policia… N. N. kishte premtuar se nuk do të dëshmonte asgjë, për shkak të respektit për njerëzit e Presidentit Rugova. Pas një kohe, hetues të Tribunalit të Hagës i nxjerrin Bajrush Morinës përballë bisedën e incizuar në… E dëgjon me veshët e tij atë që kishte thënë. Tutje tregon gjithë historinë e shkuarjes tek dëshmitari i mbrojtur N. N. Në katin e pestë të ndërtesës së UNMIK-ut, javën e kaluar, ministri Astrit Haraqija ka kaluar orë të tëra për të dëshmuar edhe për dy persona tjerë që nuk i kishte dëgjuar asnjëherë. Mirëpo, në një prononcim për “Express”, Astrit Haraqija ka thënë që asgjë të mos jetë e vërtetë. “Nuk kam bërë asnjë gabim dhe nuk kam marrë pjesë në asnjë mënyrë në atë që quhet presion ndaj dëshmitarëve”, ka pohuar ai. Por ai ka pranuar se së shpejti do të shkojë në Hagë për gjykim dhe atje do të përgjigjet për atë që akuzohet. Më 10 janar, ministri Haraqija pritet të dërgohet në Hagë. Nëse vërtetohet ajo për çfarë akuzohet, ai mund të dënohet më 4 vjet burg, ose me 100 mijë euro. Ministri i Kulturës së Kosovës do të bëjë pushimin e vitit të ri. Pastaj, rrugëtimi i tij është Haga.



“EXPRESS”

--



desha tju pyes..kur e ka botuar ekspresi kte shkrim a e ka vu emrin e vet batoni apo ka qen anonim shkrimi..
sic shihet nga artikulli lart.. shkrusi..pra batoni ka qene krejtesish qellim keq. ndyresisht i lig ne ate shkrim..

pra me perforcohet bindja qe kam pasur se ky batoni pamvaresisht se pse vajti ne hage.. ka qene dhe do mbetet nje funderrine.. e plehut kosovar e shqiptar ne pergjithsi..

ketyre pisave nje dit do tu behet gjyqi nga vet shqiptaret.. se hagave keta u shpetojn lehte..

[Preng Sherri]

Unë në Hagë para gjykatës do ta vëja vet Tribunalin e Hagës!
S'po mundem me kuptuar një gjë: Nëse ky Nazif Ramabaja ka qenë dëshmitar i Mbrojtur i Tribunalit të Hagës atëherë si ka mundësi që një gjë të tillë ta marrin vesh Bajrush Morina dhe Astrit Haraqija?
Pra kush u tregojë këtyre dyve se cili qenka dëshmitari dhe atë para se të dal ai në gjyq për të dëshmuar!
Nëse, kjo gjë do të ngjante pas dëshmis së Gjyqit, do të ishte normale që të kuptohej sepse gazetarët hulumtues, kanë mundesin e zbulimit apo marrjes së informatave, nepermjet kanaleve të ndryshme siq janë: Të afërmit e të të gjykuarve, përkthyesit, gardianët, intuita!
Pra, Baton Haxhiu ka pas mundësi të informohet direkt edhe nga vet Haraqija apo Morina!
Por ajo që mua do t'më interesonte është kjo gjë: Si e diten Bajrush Morina dhe ASTRIT HARAQIJA akoma pa dal në gjyq Ramushi dhe të tjerët se cilët janë dëshmitarët Sekret dhe të Mbrojtur të Hagës?

Si e kuptuan këta dy këtë gjë?
Ekziston vetëm një alternativë e ajo është që këtë dëshmitarë e kanë udhëzuar për ta bërë atë gjë klani politik i këtyre dyve sepse ky klanë ka qenë i vetmi që ka ditur vend-ndodhjen e Ramabajës!
Baton Haxhiu vetëm ka bërë detyren e gazetarit po njësoj sikur gazetarët amerikan të cilët me aferën Uotergejt e rrëzuan Niksonin nga posti i Presidentit!