Mozaiku i Muzeut Kombetar: Te hiqet apo jo?

[Kreksi]

deri me tani 79% jane qe te rrije aty mozaiku !

pakica e humbi te drejten...
Me ne fund e shpetuam ne kete mozaik...

[offspring]

Une jam i mendimit qe ai mozaik duhet hequr qe aty ku eshte por jo te prishet, duhet te ruhet ne ambientet e brendeshme te Muzeut Kombetar.

Ku e mbeshtes une mendimin tim per heqjen nga hyrja e Muzeut Kombetar te mozikut?

Atehere, ne hyrje te Muzeut Kombetar, prone kjo qe i perket te gjithe popullit Shqiptar, duhet te jete nje mozaik qe ti perkase te gjithe Shqiptareve dhe te reflektohen ne te pothuajse te gjitha etapat historike kryesore te Shqiperise.,.

ti thua duhet hequr.dakort por ai mozaik i paraqet te gjitha etapat e shqiperis,ashtu sic do dhe ti.po shtejm edhe 2 kryeplerat atje(fatos+sali)edhe jemi ne rregull

[donna76]

mua per politike s'ma ndjen hic,po mendoj qe mozaiku ben pjese ne historine tone dhe duhet ruajtur ...edhe Hitleri ka vrare me mijra veta ne Auschvicz ,po asnje s'ka shkaterruar kete burg,perkundrazi e mbajne per te kujtuar....

[BOKE]

GJAK DHE MYK MBI MOZAIK

Edison Ypi

Një babi rreth 50 vjeç me të bijën nja 15 vjeçe para Muzeut Kombëtar;- Cilët janë ata xhaxhat atje lart o babi ?!
- Paske nisur nga interesimet o çapkënia e babit ! Po ku të vajtën sytë tek ata vrromat xhanëm ?! Po ! Do të tregoj një herë e mirë ...për këtë pështirosje estetike, historike, patriotike, të pashembullt, të cilën un’ vet’ sa herë e shoh për të vjellë më vjen; Ja bija ime, ja pocaqia me ngjyra ndërtuar me pllakëza, ku vetëm 1 % e Historisë 3000 vjeçare të Shqipërisë zë 70 % të sipërfaqes ! Nga Perëndimi errësira ! Drita dhe perspektiva, të gjitha nga Lindja ! Gjithë botës drejtuar armët ! Perëndimit, shigjetat dhe ushtat ! Lindjes, pushkët dhe granatat ! Ngadhënjimtarët e bardhë marshojnë drejt Jugut, Afrikës së zezë. Shih si duket e gjitha si shpërthim, si yxhym ! Trembëdhjetë ! Dhjetë meshkuj, tre femra. Asnjë normal ! Të gjithë të çartallosur të armatosur ! Asnjë gjurmë besimi, përdëllimi, meditimi, vetëpërmbajtjeje, ose thjesht qetësie njerëzore ! Meshkujt, ata që të turbullojnë ty, ai i dyti nga e djathta, ai hermafroditi me pushkën drejt, ishte një bushtër që s’dinte të bënte asgjë tjetër veçse të llapte lart-e-poshtë dhe prandaj i thoshin “Revolucionari”. Kurva revolucionare sot është në krye të një OJF-je dhe vjedh miliona. Budallai me mustaqe me grushtin lart me granatë në brez, ishte një fshatar gdhë, aq gdhë sa s’ta rrëfej dot, se duhet të nis tani e të mbaroj dimrin tjetër. Tjetri, ai me mustaqe dhe flamur, ishte njëri të cilit i thoshin “proletar”, pra një cop’ mish, një tul, një i pa shpirt, një dallamango, si i tërë ky mozaik. “Proletari”, ishte një qen-bir-qeni që s’dinte të bënte asnjë punë, veçse të llapte dhe të thurte intriga të ulëta. Edhe dallamangua ka qenë i armatosur me një libër të kuq të cilin ia hoqën kur ti sapo kishe lindur. Ky “proletari” që e quante veten “klasë në fuqi”, u thoshte vajzave; “O bushtra, mos përdorni pampersa mikroborgjeze, përdorni lecka proletare”. Dhe ai zgërdhihej, dhe ato heshtnin. Me atë rilindësin me papion që mban në dorë një letër të cilën ia kanë mbledhur tub që t’i ngjajë tytës së pushkës, një herë na gjeti belaja. Një kushëririt tonë i rrëshqiti goja u tha disa miqve se ai rilindësi besonte Perëndinë. Mbledhje pas mbledhje, e the, po si e the, po kur e the, po kujt ia the, ke lakra në kokë, ke mbeturina të rrezikshme. Ti shpirti i babit nuk e njeh atë kushëri se ta kemi mbajtur fshehur kur në një nga ato mbledhjet i ndali së rrahuri zemra ulur në karrige tek e kritikonin. Po atëherë, xhaxhain e një mikeshës time që ishte historian, e internuan. E di pse ? Sepse u ngatërrua me atë ilirin me hark dhe shtizë, atë në cep nga e majta pranë atij kokëlakrës që nuk ngjan fare si shqiptar por si viking. Edhe xhaxhai i mikeshës, njëlloj si kushëriri yt që nuk e njohe kurrë, vajti tha diku se ilirët nuk rrjedhin nga pellazgët. Kaq deshën akademikët mjekërbardhët shpirtnxirët, dhe e kallëzuan dhe erdhën i vunë hekurat. A do ta dish edhe diçka o perria e babit ?! Kjo që sheh ti këtu nuk është veçse një e turpshme Pasaportë Çmendurie Kombëtare për të cilën ca tuhafë po thonë ta lemë aty ku është që të dëshmojmë Historinë, që të kenë ç’të fotografojnë turistët! Pra, të vinë turistët para kësaj vrrome me çapaçulë të thonë; O Perëndi ç’të kemi bërë që na solle të shpenzojmë paratë në vendin e budallenjve vrasës ! Mësoje; Qëllimisht nuk e fusin brenda Muzeut të qeshim ne dhe turistët, por e mbajnë jashtë që të qajmë edhe ne edhe turistët. Për të vetmet arsye; Të mos bllokohen ata përrenjtë e pa dukshëm brenda kokës së shqiptarëve në mënyrë që, përmes tyre, për interesa të ndyra klanore imediate, ende të mundësohet qarkullimi i llumrave propagandistikë të së kaluarës kriminale. E tëra përmes masturbimeve të pafundme reciproke nëpër ceremonira kujtim-dhe-lot-ndjellëse të kufomave gjoja “artistike” që sot qelbin ekranet me erë gjak dhe myk. Përmes shfaqjes nëpër ekrane të filmave me italianë qesharakë dhe gjermanë budallenj. Duke bërë sikur nuk dinë, sikur nuk kuptojnë, se krimit komunist të cilit ata sot i bëjnë hosana’, ishte më i zi, më gjakatar, më kriminal se të gjitha fashizmat dhe nazizmat bashkë. Me sfonde zyrash ku, si pa dashur, në mur rri varur portreti i diktatorit etj., etj. Dhe janë pikërisht ata të filmave, ceremonive, qokave, ekspozitave, teatrove dhe krejt xhinsi i tyre, ata që po thonë se nuk duhet hequr, ndërkohë që edhe vetë e dinë mirë se ka plot raste që vet’ autorët gjenialë kanë grisur dhe grisin me duart e veta kryevepra dhe nuk ka asnjë rast kur mediokrit të prekin plehrat e veta të cilat i quajnë të gjitha kryevepra. Dhe unë, o bija ime, nuk kam qenë gjithmonë si jam katandisur ! Kur isha i ri beqar isha i bukur. Një nga ato kurvat komuniste që sheh këtu lart në këtë përdhosje, njëra të cilën unë s’e përfillja, bëri një intrigë kundër meje lidhur me atë kushëririn gjuhërrëshqitës të cilit i pushoi zemra ulur në karrige. Dhe ajo u bë sebep që nuk munda të marr për grua atë që më deshte xhani mua, por, nga halli, mora atë e cila për këta përbindëshat këtu ka simpati, atë tarallaqen, mamin tënd. Kjo është arsyeja që ti sot duke mos qenë Bijë Pasioni nuk je dhe aq e bukur. Po mos u mërzit, se, s’po di si të ta them, kohët nuk mund t’i ketë njerëzit më të bukur se veten. Më kuptove besoj.
Aty pranë, një mami me të birin adoleshent;
- Mami, cilat janë ato tetat atje ?!
- Ta kallxon mami cilat janë ato tetat, ty o qefli i tetave të muzeumeve, refuzues i dhjetave të mësimeve. Ja, tre femra, të tria me pushkë ndër duar! Ajo nga e djathta, o xhan’i mamit, ishte një urruspie zborriste e përjetshme, aq telendare sa s’bën ta dish sepse çekuilibrohesh mendërisht për gjith’ jetën. Ajo katundarja që e mban pushkën poshtë, ishte dhe është thjesht një care. Kjo në mes, që duket aq e pafajshme, ishte aq edepsëze sa një të tillë nuk do ta gjesh dot në asnjë film e në asnjë libër tërë jetën. Para ca kohësh, një xhaxhi, tekstin e të cilit mami yt e ka shumë qejf, shkroi për këtë soc-llurbën aty lart; “Pafuqia dhe paturpësia, dhuna dhe përulja, padituria dhe padrejtësia, frikacakllëku dhe burracakllëku njerëzor, janë të gjitha atje. Sipas autorëve, deri aty nga mesi i shekullit të kaluar shqiptarët nuk kanë pasur fare femra. As nëna, as motra, as bija, as kushërira, as të dashura. Dhe rrjedhimisht as seksin nuk e kanë ditur çfarë ishte. Erdh’ u a mësoi ai proletari në mes me xhaketën supit. Nga mesi i shekullit të kaluar e tëhu, po. Prej atëherë kemi femra. Kemi tri femra. Të vetmet ndër gjithsej trembëdhjetë personazhet-simbole të historisë. Rrëqethje antiestetike unikale; Shpërpjesëtimi i kohës ngërç - Ainshtainian. Katër femra, tetë meshkuj - ndërlikim Darvinian. Burra me mustaqe, gra me pushkë - problem Frojdian. Proletar vetëm një, kazmë e lopatë asnjë - hall Marksist. I therur asnjë - pisk Stalinist. Sa kohë ka që rri varur atje ajo paçavure? Aty tek rreth pesëmbëdhjetë milionë minuta!”. Kuptove xhan’i mamit ?! Edhe diçka dhe s’të bezdis më se e shoh që t’u bë koka shkëmb si e atij me grushtin lart; Po të mos ishte ai proletari i gërrditshëm në qendër, i cili, meqenëse më kishte qejf vet, mu’ për këtë sajoi një intrigë të ulët, unë nuk do isha martuar me babin tënd, atë budallanë me brirë që vjen këtu e loton sepse kjo pamje i pëlqen, por me një tjetër që i thoshin “me biografi të keqe”, dhe ti biri im, nuk do ishe kaq i pa qartë sa të më pyesje për këto spiridhiçkat këtu, por do ishe më i fisëm, më i bukur, më shtatlartë dhe koka nuk do të kishte dalë me qoshe. Prandaj unë për tërë këtë pocaqi’ e kam një mendim. Eshtë krim që rrezaton aq ligësi sa bën të dridhet dhe të rrëqethet gjithçka. Jo vetëm super të ndjeshmit, shqiptarët nervozë nga natyra, ata që gjith’ kohën fërfëllojnë vetvetiu si fije bari, ata fantaziozët aq të djegur për të udhëtuar, lundruar dhe fluturuar, saqë shtëpitë gjigande po i bëjnë si tragete dhe aeroplanë, por edhe pllakat e bulevardit i rrëqeth, i lëviz, i shkul kjo ligësi ! Ky mallkim i kohës kur të bije në dashuri ishte njëlloj sikur të të ndodhte një fatkeqësi. Ky pisllëk që ndot më tepër se të gjitha petroliferat dhe të gjithë centralet bërthamore së bashku. Ky shëmtim i pa emër të cilin ca guakë e quajnë “Art”. Kjo mynxyrë ! Kjo vrromë !
Mund ta ndotni, ta përdhosni ose ta zhgarravisni. Dhe ashtu, të ndotur, të përdhosur apo të zhgarravitur, me shekuj aty ta lini. Por më e mira, për aq arsye sa kjo llahtari pllakëza ka, është - ta heqin !

gazeta "Panorama"

[Sa Kot]

ka dhe shtiza,shigjeta etj etj qe jan perdorur ne shqiperi

Po, ne kohen e Baba Qemos...nqs dikush eshte nostalgjik, te mesoje cfare eshte muzeumi dhe t'i beje nje vizite. Pse duhet te ndeshkohen edhe ata qe s'jane te interesuar te perballen me mjete te tilla dhune dite per dite?

[offspring]

Po, ne kohen e Baba Qemos...nqs dikush eshte nostalgjik, te mesoje cfare eshte muzeumi dhe t'i beje nje vizite. Pse duhet te ndeshkohen edhe ata qe s'jane te interesuar te perballen me mjete te tilla dhune dite per dite?

ore ti qe ste rruhet hic vec disa gjera per ty.mundesisht pergjigju.
1 a kan ekzistuar iliret
2a kan eksistuar arberit?
3a kan ekzistuar rilindasit?
4a kan ekzistuar komunistat?
5 a ka pas pun vullnetare?
6 a esht kjo nje permbledhje e historis shqiptare ne shekuj?
meqe ste plas te pyta jo per gje

[Sa Kot]

ore ti qe ste rruhet hic vec disa gjera per ty.mundesisht pergjigju.
1 a kan ekzistuar iliret
2a kan eksistuar arberit?
3a kan ekzistuar rilindasit?
4a kan ekzistuar komunistat?
5 a ka pas pun vullnetare?
6 a esht kjo nje permbledhje e historis shqiptare ne shekuj?
meqe ste plas te pyta jo per gje

Po, po, po, po, po, po.

Ka libra dhe ka muzeume te cilat merren me te tilla gjera.

Ndersa une do te pyesja:

Perse duhet te imponohet nje mesim historie mbi kedo qe kalon aty? Mbase dikujt i pelqen arti, mbase dikujt tjeter i pelqen matematika, mbase dikujt tjeter i pelqen biologjia. Mbase dikujt i pelqejne rrobat ne Fashion TV dhe jo kostumet kombetare.

Perse duhet te imponohet dicka jo-neutrale mbi publikun ne teresi?

Cfare sherbimi real kryen ky mozaik?

Perse duhet te imponohet ai mbi c'do kalimtar dhe vezhgues?

Perse s'kane mundesi ata te zgjedhin kohen dhe vendin e pershtatshem per t'u informuar per iliret, arberit, rilindasit, komunistat, vullnetaret apo historine ne pergjithesi?

Qendra eshte e te gjitheve, jo vetem e historianeve apo e te mallengjyereve!

[BvizioN]

Nuk eshte se mozaiku ndodhet ne fasaden e hotel Tirana's apo ne ballin e pallatit te kuluters.As ne fasaden e bankes apo ne muret e xhamise. Ndodhet ne ballin e muzeut historik kombetar qe flet per historine e kombit Shqiptar. Duke patur parasysh qe gjithcka ndodhet ne kete mozaik eshte nje simbolizim i pergjithshem i historise neper te cilen ka kaluar Shqiperia, atehere nuk e kuptoj ku qendron problemi? Tek ajo epoke e historise te cilen na pelqen te mos e pleqejme?

[xfiles]

Perse duhet te imponohet dicka jo-neutrale mbi publikun ne teresi?

Cfare sherbimi real kryen ky mozaik?

Perse duhet te imponohet ai mbi c'do kalimtar dhe vezhgues?

Perse s'kane mundesi ata te zgjedhin kohen dhe vendin e pershtatshem per t'u informuar per iliret, arberit, rilindasit, komunistat, vullnetaret apo historine ne pergjithesi?

ne fakt po ta shohesh ate mozaik, thjesht vetem ate, pa e ditur qe eshte ne tirane, te kujton kinen, nje i huaj besoj se do mendonte ne kete menyre.
Po meqe e duam aq shume historine, pse nuk vene aty nje mozaik qe flet per arberit,iliret, pellazget, se do na bente krenar me te vertete.
Po nuk e di, sa nga keta qe e mbrojne ate simbol kane vuajtur ne kurriz te vet vuajtjet e komunizmit, qe per fat te keq nuk duken ne ate mozaik, aty duket vetem hipokrizia e virtualizmit komunist, se realiteti ka qene ndryshe.
Pra ky mozaik , hakshe hakshe as cope historie nuk eshte, ç'histori tregon?

Sa per vullnetaret, vullnetare kane patur emrin.

[Kreksi]

Ky drejtori i ri mundet te qoje edhe me lart kete ndertese, mundet te ngris edhe dy kate apo 15 kate dhe perpos ketije mozaikut ai le te gdhend mbi guri si tek kolona e Trajanit ne rome tere historine e shqiptarve qe nga iliret, pse jo ?
Dhe nje dite pas ca dekadash do dali prap se prap nje tjeter drejtor si ky dhe do thote ; po çka na duhen ata ilirë aty ne krye me Teuten te veshur si gusar ? Do kerkoje edhe ai qe t'ia hjeki kolonen ketije drejtorit te tanishem...
Kjo eshte nje histori pa fund ore leni gjerat ashtu si jane sot, mos prishni as kisha as xhamija as mozaike por beni vepra e kryevepra ku edhe niper e sterniper do mburret me epoken tuaj...
Ndertoni e mos prishni §
Shkatrruesit nuk kane as vend as nder as dinjitet e as patri !