Historia ndryshe

[karaburuni]

Historia ndryshe
http://historia.balli-kombetar.org/

Historia e 50 vjetëve të fundit të shekullit të kaluar, është një nga periudhat më të diskutuara dhe më kontradiktore të historisë së Shqipërisë. Kjo periudhë u karakterizua nga një propagandë intensive e aparatit shtetëror komunist, e cila synonte që t'ua paraqiste shqiptarëve si një parajsë diktaturën komuniste. Nga ana tjetër për të justifikuar Luftën Civile të viteve 1943-1944, për të cilën ishin shkaktarë të ndërgjegjshëm, komunisëtët bënë një propagandë të fuqishme kundër të gjithë kundërshtarëve të tyre politikë dhe në veçanti kundër Ballit Kombëtar, duke e paraqitur këtë të fundit si "tradhëtar" dhe "bashkëpunëtor të të huajve". Por si qëndron e vërteta e Luftës Civile? Cilat ishin shkaqet e fillimit të saj? Si u zhvillua dhe si përfundoi kjo luftë vëllavrasëse? Përse komunistët e vazhduan për 50 vjet me radhë propagandën kundër Ballit Kombëtar, në një kohë që e fituan luftën dhe pushtetin që në vitin 1944?

Nëse dëshironi të mësoni mbi këto ngjarje që përcaktuan historinë e 50 viteve të fundit të shekullit XX-të, ju ftojmë të lexoni dokumentet dhe artikujt e mëposhtëm. Qëllimi ynë është që t'i japim lexuesit të paanshëm mundësinë dhe informacionet e duhura që ta gjykojë vetë dhe jo nëpërmjet mbeturinave të propagandës komuniste, historinë e Luftës Civile dhe të diktaturës komuniste.

http://historia.balli-kombetar.org/

PERIUDHA 1939-1944
- Historia e Luftës Civile në Shqipëri - Abas Ermenji
- Procesverbali i mbledhjes parapërgatitore të Mukjes në Tapizë
- Teksti origjinal i Marrëveshjes dhe i Proklamatës së Mukjes
- Kush e drejtonte partinë komuniste shqiptare? - Fotodokumente
- "Sazanë e Karaburunë i kam vatanet e mia..."
- Lufta e Shqiptarëve të Maqedonisë në radhët e Ballit Kombëtar


PERIUDHA 1944-1990
- Nën terrorin komunist - Luan Myftiu
- Një dritare burgu - Petrit Velaj


Për më tepër lexoni tek:
http://historia.balli-kombetar.org/

[ademur]

Historia ndryshe
http://historia.balli-kombetar.org/

Historia e 50 vjetëve të fundit të shekullit të kaluar, është një nga periudhat më të diskutuara dhe më kontradiktore të historisë së Shqipërisë. Kjo periudhë u karakterizua nga një propagandë intensive e aparatit shtetëror komunist, e cila synonte që t'ua paraqiste shqiptarëve si një parajsë diktaturën komuniste. Nga ana tjetër për të justifikuar Luftën Civile të viteve 1943-1944, për të cilën ishin shkaktarë të ndërgjegjshëm, komunisëtët bënë një propagandë të fuqishme kundër të gjithë kundërshtarëve të tyre politikë dhe në veçanti kundër Ballit Kombëtar, duke e paraqitur këtë të fundit si "tradhëtar" dhe "bashkëpunëtor të të huajve". Por si qëndron e vërteta e Luftës Civile? Cilat ishin shkaqet e fillimit të saj? Si u zhvillua dhe si përfundoi kjo luftë vëllavrasëse? Përse komunistët e vazhduan për 50 vjet me radhë propagandën kundër Ballit Kombëtar, në një kohë që e fituan luftën dhe pushtetin që në vitin 1944?

Nëse dëshironi të mësoni mbi këto ngjarje që përcaktuan historinë e 50 viteve të fundit të shekullit XX-të, ju ftojmë të lexoni dokumentet dhe artikujt e mëposhtëm. Qëllimi ynë është që t'i japim lexuesit të paanshëm mundësinë dhe informacionet e duhura që ta gjykojë vetë dhe jo nëpërmjet mbeturinave të propagandës komuniste, historinë e Luftës Civile dhe të diktaturës komuniste.

http://historia.balli-kombetar.org/

PERIUDHA 1939-1944
- Historia e Luftës Civile në Shqipëri - Abas Ermenji
- Procesverbali i mbledhjes parapërgatitore të Mukjes në Tapizë
- Teksti origjinal i Marrëveshjes dhe i Proklamatës së Mukjes
- Kush e drejtonte partinë komuniste shqiptare? - Fotodokumente
- "Sazanë e Karaburunë i kam vatanet e mia..."
- Lufta e Shqiptarëve të Maqedonisë në radhët e Ballit Kombëtar


PERIUDHA 1944-1990
- Nën terrorin komunist - Luan Myftiu
- Një dritare burgu - Petrit Velaj


Për më tepër lexoni tek:
http://historia.balli-kombetar.org/

Komunizmi nuk ishte sistem shqiptar por botëror!Ky nuk lindi në shqipëri as nuk vdiq në shqipëri!Meqenëse ishte sistem botëror,i përhapur nga i forti e jo nga i dobëti(sepse i dobëti asnjëherë nuk ka vlera dhe dituri pasi që është i dobët)ai edhe u përhap gjithandej ku i forti kishte pushtuar botën!...Njëjtë si me fetë tjera krishterimin,islamizmin etj.
Balli Kombëtar kishte parime të drejta sa i përket qashtjes kombëtare por ireale për situatën e interesave të të fortëve USA dhe BRSS!Përderisa Partia Komuniste e Shqipërisë përpiqej që shqipërinë ta ruaj duke i patur parasysh (me dhunë)interesat e të mëdhenjve,Balli donte të njëjtën gjë apo dhe më mirë,por duke injoruar interesat e të Mëdhenjve dhe forcat e tyre në teren!Veprimi i Partisë Komuniste shqiptare ishte i vetmi i mundëshmi ndersa ai i Ballit ishte i vetmi i dëshirueshmi!Se dëshira dhe mundësia,janë dy gjëra jo të përbashkëta,këte po e shohim edhe sot me zhvillimet në ballkan dhe më gjërë!...Sidomos lufta e Kosovës e tregon shumë qartë dëshirën dhe mundësinë si gjëra jo të përbashkëta,por edhe nganjëherë krejtësisht të kundërta!

Ky ishte edhe mendimi i të ndjerit Halim Mula,ballist dhe ish oficer i lartë ushtarak në qeverinë e A.Zogut!

(Bisedova vet me te për këtë qashtje në verë të vitit 1988 në mërgim!)

[Veshtrusja]

karaburuni, faleminderit qe e hapet kete teme.

Ju pershendes.

p.s. ohhh dhe sa e sa vepra jane akoma te pabotuara qe japin nje kendveshtrim tjeter nga ai me te cilin ishte mesuar vendi yn gjate atyre 50 vjeteve... por koha do ti tregoj te gjitha...

[karaburuni]

Procesverbal i takimit midis delegacioneve të Këshillit të Përgjithshëm NÇ dhe të Ballit Kombëtar në Tapizë, 26 korrik 1943

Sot më 26 korrik 1943, ora 11 p.dite, u mblodhën në shtëpinë e Z. Dr. Ilisan Toptani në katundin Tapizë të Tiranës, Delegacioni i Këshillit të Përgjithshëm Nacionalçlirimtar, i përbërë prej Z. major Abaz Kupi. Myslim Peza, Dr. Ymer Dishnica, Kamber Qafmolla dhe Mustafa Gjinishi dhe Delegacioni i organizatës "Balli Kombëtar", i përbërë prej Z. Mithat Frashëri, Hasan Dosti dhe Faik Quku. Me vendim të përbashkët u zgjodh Z. Mithat Frashëri si kryetar i mbledhjes dhe Z. Mustafa Gjinishi si sekretar. U vendos të pranohen si dëgjues Z. Pater Lek Luli, Dr. Ihsan Toptani, Xhemal Herri, Gogo Nushi, Sali Vata dhe Abdullah Ymeri. Delegatët e të dyja organizatave, duke interpretuar dëshirën dhe vullnetin e popullit shqiptar për me ndjekë një luftë të përbashkët kundër okupatorit fashist dhe atë të dy organizatave përkatëse, vendosën:

Neni 1: Të formohet një komitet i përbashkët lufte me emrin "Komiteti i Shpëtimit të Shqipërisë".
Neni 2: Komiteti për shpëtimin e Shqipërisë ka për qëllim realizimin e këtij programi:
1- Luftë imediate kundër armikut okupator për çlirimin e Shqipërisë.
2- Indipendencën e plotë të Shqipërisë në kufijtë e 1913-ës dhe realizimin e bashkimit me atdheun shqiptar të viseve të banuara prej shqiptarësh, në virtut të parimit të përgjithshëm të vetëvendosjes së popujve, të njohur universalisht dhe garantuar prej Kartës së Atlantikut.
3- Një Shqipëri të lirë independente, demokratike të vërtetë.
4- Forma e regjimit do të caktohet prej vetë popullit me anën e një asambleje konstituante, të zgjedhur me sufrazh universal.
5- Komiteti i Shpëtimit të Shqipërisë pushon të ekzistojë me formimin e një qeverie provizore.

Komiteti i Shpëtimit të Shqipërisë do të formohet sa më shpejt që ta lejojnë rrethanat.

Delegatët e Ballit Kombëtar për deri në aprovimin e organizatës së tyre e nënshkruajnë këtë rezolucion "Ad referendum".

Delegatët

K. i Përgjithshëm Nacionlaçlirimtar (5 firmat)

Balli Kombëtar (3 firmat)

AQSH. F. 14. dos. 21

[karaburuni]

Proces-verbal
Sot më datë 1 gusht 1943 u mbajt në katundin Mukje, mbledhja e dytë e delegacioneve të Organizatës B.K. dhe të Organizatës Nacional-Çlirimtare.
Kryesia e mbledhjes me vota unanime iu ngarkua Z. Thoma Orollogajt dhe sekretaria Z. M. Gjinishi. Bisedimet i hap Z. Dosti, delegat i B.K. i cili deklaron se pas bisedimesh që bëri qendra e Ballit proces-verbalit të marrëveshjes së bërë më 26 korrik 1943, të nënshkruar ad-referendum prej delegacionit të Ballit, e gjen të nevojshme të bëhet një shqyrtim disa pikave të akordit të arritun.
Bisedohet dhe vendoset që pika 1 e nenit 2 të ndryshohet dhe të qëndrojë në këtë mënyrë:
Pika 1. Luftë imediate kundër armikut okupator dhe kundër çdo armiku tjetër eventual okupator
Pika 2. Luftë për një Shqipëri independente dhe për zbatimin e parimit të njohur universalisht e të garantuar nga Karta e Atlantikut të vetëvendosjes së popujve për një Shqipëri Etnike.
Pika 3. ndryshohet dhe pranohet në këtë mënyrë:
Një Shqipëri të lirë, indipendente, demokratike, popullore.
Pika 4. ndryshohet dhe pranohet në këtë mënyrë:
Komiteti për Shpëtimin e Shqipërisë bie me formimin e një qeverije provizore.
Pika 5. ndryshohet dhe pranohet në këtë mënyrë:
Forma e regjimit do të caktohet prej vetë popullit me anën e një asambleje konstituante, të zgjedhur me sufrazh universal direkt.

Delegacionet:

B.K.
1. Hasan Dosti
2. M. Frashëri
3. Th. Orollogaj
4. Sk. Muço
5. Hysni Lepenica
6. Jusuf Luzaj
7. Kadri Cakrani
8. Major Raif Fratari
9. Nexhat Peshkëpija
10. Halil Mëniku
11. Ismail Petrela
12. Vasil Andoni



K.P.N.Çlirimtar

1. N.Kolonel Jahja Çaçi
2. Myslim Peza
3. Abaz Kupi
4. Ymer Dishnica
5. M. Gjinishi
6. Omer Nishani
7. Sulo Bogdo
8. Shefqet Beja
9. Medar Shtylla
10. Stefan
11. Haki Stërmilli
12. G. Nushi





--------------------------------------------------------------------------------

[karaburuni]

Proklamatë

Popull Shqipëtar!

Po bëhen afro 5 vjet që Italia fashiste ka pushtue vendin tonë të shtrenjtë dhe po mbjell kudo zi e mjerim.

Barbarizma ka arritur kulmin. Në këto kohë të fundit ka djegë e ka shkatërrue fshatra e qytete dhe me një etje të tërbueme ka vra e ka therë burra e gra, djem e vajza, pleq e të rinj dhe fëmi të vegjël shqiptar që ende thithin qumështin e nënës... Komiteti për Shpëtimin e Shqipërisë, shprehje e gjallë e fuqive të kombit, paraqet këtë program:

1. Luftë të përbashkët dhe të menjëhershme përbri aleatëve më të mëdhenj, Anglisë, SHBA dhe Bashkimit Sovjetik si dhe popujve të shtypur kundra pushtuesit barbar.
2. Luftë për një Shqipëri të pamvarme, luftë për zbatimin e parimit të njoftun botërisht e të garantuar nga Karta e Atllantikut të vetvendosjes së popujve për një Shqipëri etnike.
3. Luftë për një Shqipëri të lirë, demokratike e popullore.

Shqiptarë!

Nuk keni ç'të prisni ma. Armiku është akoma në vatrat tona.

Erdhi koha që të çohemi të gjithë të vegjël e të mëdhenj, burra e gra, intelektualë e patriotë qytetarë dhe katundarë dhe të rrokni armët për dëbimin sa më të shpejtë të pushtuesit të huaj nga toka e shenjtë shqiptare.

Ngrihuni të gjithë pra, betohuni rreth flamurit të Skënderbeut, bashkohuni rreth Komitetit për Shpëtimin e Shqipërisë dhe sulmoni në çdo vend e kënd, me armë e çdo mjet armikun pushtues, zgjidhni prangat e robërisë që i kini në duar afër 5 vjet dhe merrni gjakun e martirëve tanë që ditën të vdesin në fushën e nderit për lirinë e Shqipërisë. Dita e shpëtimit erdhi!

Jashtë armiku zaptues!

Rroftë Shqipëria e bashkueme në luftë kundër pushtuesit!

Rrofshin aleatët tanë të mëdhenj, Angli, Shtetet e Bashkueme e Bashkimi Sovjetik!

Rroftë Shqipëria e pavarme, demokratike popullore!

Komiteti për shpëtimin e Shqipërisë

[karaburuni]

Letra origjinale klikoni tek lidhja për ta parë.





1. Letër e Enver Hoxhës drejtuar Dushan Mugoshës
Shok i dashur Dushan Mugosha ( ?)
Tash jam më i fortë nga atë ditë që u ndamë po malli është kurdoherë i madh. Aliu qënkësh më i fortë nga ne, sidoqë sigurisht e marr me mënd ay e dinte se sa e preku ndarja. Jo ne por të gjithë ishin të prekur. Dr. Nishani zuri të qarët duke thënë ?kujtoj poshtërsitë që ka thënë armiku për Dushanë e Alinë për këta dy shokë, aq të mirë, të vendosur, që kanë lënë familjet, vendin e tyre dhe erdhën të na ndihmojnë ne, të luftojnë tok me ne?.

Por të flasim për punë pak. Këtu kanë ardh gati të gjithë Tuk, Besnik, Hodo, Dali, Beqir Balluk, Nexhip, Pullumb etj. Nakua me Shulen s'kanë ardh ¤¤¤1 . Me ta kemi fillue me ba disa konferenca. E filloi Tuku me Besnikun, konferenca publike për mbi aksionet e Brigadës, qëndrimin e partizanëve etj.. Do të fillojmë dhe një kurs të vogël, ne kemi konferenca me këto tema.


Lufta imperialiste e para, dhe e dyta, luftë e drejtë dhe e padrejtë.
Partia në Ushtri.
Organizimi i pushtetit.
Lufta Nacional-çlirimtare.
Do të organizojmë edhe disa kurse ushtarake. Tuku nuk është shumë i kënaqur nga Mehmeti (mos e merr se po të shkruaj apostafat për këtë gjë dhe me tendencë). Por Tuku na priste dhe thotë se qëkur ka ikur Sala Mehmeti s'peshon njeri, përpara mbledhjes së brigadës ka nënvleftësuar aksionin kundër Haki Blloshmit dhe atë të ¤¤¤. Urdhëra të çuditshme dhe jo shoqërore i ka dhënë Tukut e mjaft gjëra të tjera. Të gjitha këto, mos ki frikë se do t'i shohim me gjakftohtësi, pa paragjykime dhe do të veprojmë ashtu si vendosëm.

Zgjedhjet në Korçë po bëhen me sukses në zonat e lira, por kemi frikë se do të na vinë shumë pak nga zonat e okupuara. Do të të lajmërojmë për zhvillimin e gjërave. Dushan na shkruaj dhe ti kurdoherë.

Të përqafoj me shumë mall

Taras

[karaburuni]

Letra origjinale


2. Letër e Nexhmije Hoxhës drejtuar Dushan Mugoshës
7/5/44

I dashur shoku Dushan.

Me keqardhje të madhe mora vesht largimin tënd nga Shqipnija. Veçanërisht më erdhi keq që nuk mundëm të takohemi para se t'iknje. Me gjithë se kemi ndenjur pak kohë bashkë e ndjej mungesën t'ënde në mes t'onë ashtu si edhe shokët më t'afërt.

Sigurisht do të kujtojsh jo vetëm shokët që jetove dhe bashkëpunove gjatë këtyre dy vjetëve e mâ, por sigurisht do të marrë malli dhe për malet e fushat e Shqipërisë që i lave me djersë dhe që u pive dhallën. A po jo ?

Jo vetëm ne, por gjithë populli Shqiptar do të ketë një mik të dashur të tij e sigurisht kur të sjellë rasti të kthehesh ndonjë herë në vendin t'onë, do të shohësh se me punë do të të shpërblejë atë që ke bërë për shpëtimin dhe naltësimin e tij.

Sigurojmë me bindje të plotë që do të shtojmë gjithnjë hovin e punës që të forcojmë e të naltësojmë Partinë t'onë dhe ti sigurojmë dhe popullit t'onë pushtetin e tij. Se vetëm kështu do të shpërblejmë dhe ndihmën t'uaj të vlefshme.

Dushan, thuaju shokëve të Jugosllavisë, se shokët Shqiptarë ndjekin me admirim hapin e tyre dhe kërkojnë emra që të ndjekin dhe shembullin e tyre heroik. Thuaju që gjithë populli Shqiptar ndjenë për popujt e Jugosllavisë dhe për luftën e tyre një dashuri të madhe. Të gjithëve të fala shoqërore. Mos na harro. Po të mundësh na kujto dhe me ndonjë cop letër. Udhë e mbarë dhe u pjekshim për së shpejti në botën e lirë. ?Vdekje fashizmit - Liri popullit?.

Të fala shoqërore Nexhmija

[ademur]

Thënia Historia ndryshe është (për mua,ademur)e gabuar!Nëse thuhet e arthmja ndryshe,atëherë do të e pranoja!Historinë nuk mundet t`a ndryshojë askush,por vetëm ta mësojë si të tillë...
Ata që dëshirojnë t`a shohin Historinë ndryshe nga që ka qenë,atyre u uronj argëtim të këndshëm me ëndërrat dhe iluzionet e tyre.Sa i përket asaj se kush ishin Komunistët dhe kush ballistët,këtu është fare lehtë të sqarohet kjo temë:
Ata që e quajnë Ballin Kombëtar të mirë për Shqipërinë,të më tregojnë se cili shtet në botë e ka mbështetur Ballin Kombëtar dhe programin e tij që në Shqipëri të vie në pushtet? Nëse ka ju lutem m`a tregoni!Për mendimin tim përsonal,duhet të ndjehemi krenarë që partia komuniste e Shqipërisë dhe populli shqiptar në Ballkan nuk u gjet në Luftën e dytë botrore në kampin Nazi-fashist por me Aleatët Botror(Amerikë,Angli,Francë,Rusi etj)kundër tij,se përndryshe shqiptarët që moti do ishin fshier edhe nga faqet e Historisë Ballkanike dhe botërore, mendoj këtu duke ua fshier edhe të kaluarën se jo më vetëm të arthmen e tyre!

Kur njeriu shpëton nga zjarri vajton se i janë djegur rrobat!...

Eshtë mirë që Historinë nuk munden ta vlerësojnë të marrët!

E kam thënë edhe më parë: Balli ishte më i dëshirueshmi,ndërsa Partia Komuniste ishte më e mundshmja dhe më pak e dëmshmja për Shqipërinë dhe shqiptarët!Pikë!

Drejtësia vonon,por nuk harron...
Kjo thënie më duket fare e pabazë dhe e dëmshme!Kjo si e tillë i inkurajon kriminelët për të bërë krime,sepse secili e di se në këtë botë nuk është i përhershëm, pra formohet motoja "un po bënj krime ndaj të tjerëve për të jetuar vet i lumtur, e për këte le të më gjykojnë pas vdekjes"!
Po përsëris: E kaluara nuk gjykohet!Drejtësia e vonuar nuk e përmirëson dëmin e shkaktuar më parë sepse secili jeton jetën e tij e jo të të tjereve!

përshëndetje
ademur,

djalli,më i dashuri i Zotit!

[karaburuni]

ademur,
me vjen keq por kam frike se te kane shpetuar disa gjera nga historia e gjysme-shekullit te kaluar.
Balli Kombetar ka qene ne anen e Aleateve te Perendimit gjate luftes. Mjafton te lexosh librat e oficereve te misioneve angleze gjate luftes ne Shqiperi si p.sh "Me mision ne Shqiperi" (Albanian Assignment) te David Smiley-t apo "Sons of the Eagle" te Julian Amery-t. Do te gjesh gjera te reja dhe te ndryshme nga historia apo me sakte propaganda zyrtare e PPSH-se nepermjet se ciles fatkeqesisht shqiptaret e njohin historine akoma edhe sot.
Sa per mos-perkrahjen e Ballit nga te huajte po ta vrasesh pak mendjen eshte me se normale se Balli eshte nje parti NACIONALISTE: te huajte kane qejf partite internacionaliste.