Kryeministri: Kombëtarja e futbollit shiti flamurin

[Xhuxhumaku]

UEFA heton Besën e Kavajës


(Vendosur: 03/12/07) Skuadra shqiptare e Besës së Kavajës po hetohet nga UEFA për trukim të ndeshjeve në garat evropiane.

Jetmir Halilaj

Revista gjermane “Der Spiegel” ka zbardhur dosjen që ka përgatitur UEFA dhe të cilën ia ka dorëzuar Europolit për hetime të mëtejshme. Bëhet fjalë për dy ndeshjet që verdhezinjtë luajtën në turin paraeliminator në UEFA kundër Bezhanijas, ku Besa barazoi 2-2 në transfertë dhe 0-0 në fushën e saj, duke eliminuar ekipin serb. Ndër skuadrat janë përmendur edhe Besa e Makedonija. Lajmi është konfirmuar edhe nga gazeta gjermane “Bild”, të dielën. “Njerëzit kanë futur nga një deri dy milionë euro në një ndeshje dhe kanë nxjerrë fitime kolosale”, thuhet në dosjen e UEFA-s, të zbardhur nga versioni online i revistës “Spiegel. Gjithsej janë 26 ndeshje që po hetohen nga UEFA, 15 të këtij sezoni dhe 11 të periudhës korrik 2005 - nëntor 2006. Sipas revistës “Der Spiegel”, bëhet fjalë për të tri kompeticionet që organizon ajo në nivel klubesh: Ligën e Kampionëve, Kupën UEFA dhe atë Intertoto, si dhe kualifikimet për Euro 2008. UEFA ka konfirmuar hetimet për garat në nivel klubesh, por edhe në nivel përfaqësuesesh.
Mafia e basteve
Sipas revistës “Spiegel”, së shpejti do të angazhohet edhe Interpoli për gjetjen e mafiozëve të kompanive të basteve, kryesisht në Azi, ku kontrolli është më i zorshëm në krahasim me Evropën. “Më konkretisht, bëhet fjalë për 14 ndeshje kualifikuese të Kupës UEFA, 8 të Intertotos, 3 kualifikuese në Champions dhe një ndeshje kualifikuese për Euro 2008”, shkruhet në versionin online të revistës “Spiegel”. Raporti 96-faqesh i UEFA-s do të zbulohet në detaje në numrin e sotëm (e hënë) të kësaj reviste. Kjo është hera e parë që UEFA ndërmerr një iniciativë të tillë, pra hetimin e një numri të madh skuadrash, të cilat dyshohen se kanë fiksuar që më parë rezultatet e ndeshjeve. Kjo është hera e parë gjithashtu që një klub shqiptar i nënshtrohet hetimit të UEFA-s, pasi megjithëse ka pasur vazhdimisht zëra se ndeshjet e ekipeve shqiptare luhen në Evropë, ato asnjëherë nuk janë hetuar, jo vetëm nga institucionet vendëse, por as nga strukturat vendëse. Përveç skuadrës së Besës do të ketë edhe shumë ndeshje të tjera (25), të cilat do të hetohen nga Europol (Agjenci Policore e Bashkimit Evropian). Nëse vërtetohet se ndonjë nga skuadrat që janë nën hetim kanë trukuar takimet, atëherë ato do të ndëshkohen shumë rëndë.
Dragusha
“Jam i sigurt se nuk ka pasur asnjë trukim apo shitje të ndeshjes. Ne në atë takim dhamë maksimumin dhe e nxorëm me djersë rezultatin pozitiv. Unë kam qenë mbrojtësi i fundit dhe, sigurisht, nëse do të kishte ndonjë aferë të pistë, atëherë unë do të isha në dijeni”, ka thënë për “Kohën Ditore” ish-kapiteni i Besës, Alban Dragusha. Ai tani ndodhet në Kosovë, pasi është pezulluar nga UEFA dhe nga Federata Shqiptare e Futbollit për përdorim dopingu, madje rezultoi pozitiv pikërisht pas testit antidoping që iu bë në përfundim të ndeshjes Bezhanija-Besa 2-2.


Bizhdili: Pro hetimeve të UEFA-s

Presidenti i klubit të Besës, Nexhat Bizhdili, e ka pritur me mjaft qetësi faktin se ekipi që ai drejton është nën hetim nga UEFA, sepse dyshohet për trukim të ndeshjes me Bezhanijan. “Nuk jam aspak i shqetësuar për iniciativën e UEFA-s, madje mendoj se kjo është një gjë e mirë, e cila i shërben futbollit, ka thënë Bizhdili për ‘Panorama’. Unë nuk jam kundër hetimeve, madje mendoj se do të ishte mirë që ato të mos përfshinin vetëm skuadra shqiptare, por të shtriheshin edhe në klube të kampionateve të tjera. Mendoj se përgjegjësit për ata që përfshihen në të tilla afera duhet të vihen para përgjegjësisë. Unë si president i Besës jam shumë i qetë, sepse mendoj se skuadra dha maksimumin në ndeshjet që luajti në arenën evropiane”.


Rreli përshëndet deklaratën
“Dëgjova me vëmendje deklaratën e kryeministrit dhe jam i kënaqur nga ajo që tha, sepse në fund të fundit ky është një fakt që shpeshherë nuk e pohojmë në Shqipëri. Ajo që ndodhi me përfaqësuesen ishte një turp dhe degjenerim jo sepse humbëm 6-1 apo 4-2, pasi në futboll pranohen humbjet, por për shkak të atyre fjalëve që qarkulluan para apo pas takimit për fiksime ndeshjesh qoftë për qëllime dytësore, siç janë bastet apo largimi i trajnerit. Besoj se ekziston potenciali si nga ana e shtetit, komunitetit futbollistik dhe FSHF për t’i rikthyer dinjitetin”.

Birçe kërkon masa konkrete
“Deklarata e kryeministrit është mjaft e goditur, vjen në çastin e duhur, pasi vetë futbolli shqiptar është në rrezik, e jo vetëm kombëtarja, nga ky keqmenaxhim që po i bëhet këtij sporti popullor në vendin tonë. Është për të ardhur keq se para se të fliste kryeministri, duhej të kishin folur instancat poshtë tij, siç është MTKRS apo të tjera. Ajo që unë shpresoj është që këto të mos mbeten vetëm deklarata, por të kalohet në veprime konkrete dhe me plan të gjerë. Këto fjalë të vlejnë si një promotor për shkuljen e korrupsionit nga sporti dhe shpëtimin e tij”.

Bajko: Koha për dorën e shtetit
“Është hera e parë në këto 20 vitet e fundit që një kryeministër flet kaq hapur dhe drejtpërdrejtë për një problem që po bëhet gjithnjë e më evident. Z. Berisha ka folur si një kryetar qeverie me legjitimitetin e plotë që i jep detyra, sepse në fund të fundit sporti është një sektorët e jetës në Shqipëri dhe si i tillë është edhe detyrim i qeverisë. Unë mendoj se zgjidhja për këtë problem është se ka ardhur koha t’i kthejmë futbollit vlerat, profesionalizmin; Është koha për dorën e shtetit dhe për të vënë para përgjegjësisë shkaktarët e kësaj gjendjeje”.


“Berisha akuzon si Enver Hoxha”
Nënkryetari i grupit parlamentar socialist Erion Braçe e cilësoi të turpshme deklaratën e kryeministrit Berisha për klane mafioze në ekipin kombëtar të futbollit. Braçe e cilësoi Berishën djalin politik të Enver Hoxhës, i cili ashtu si Berisha e ka cilësuar ekipin kombëtar në një nga ndeshjet e tij në vitet ’70 si armiqësor. “Me fjalor të tillë, me sulme të tilla, apo me një prezantim të tillë, nuk shfaqet as presidenti i Kolumbisë Uribe. Babai i tij politik në vitin 1973 ka bërë të njëjtin prononcim dhe ka bërë të njëjtin veprim pas humbjes së kombëtares sonë kundër Gjermanisë Lindore”, tha Braçe.

“Berisha, diktator edhe në sport”
Sekretari i Përgjithshëm i LSI-së Petrit Vasili tha dje se “deklarata e Kryeministrit Berisha për kombëtaren e futbollit është një deklaratë që nuk kanë guxuar ta bëjnë as diktatorët më të egër të vendeve më të praprambetura. Berisha ka dhunuar ndjenjat sportive të komunitetit sportdashës shqiptar, pavarësisht nga preferencat politike”. “Gjithë opinioni sportdashës duhet të vihet në alarm sepse po synohet instrumentalizimi dhe shpërdorimi i futbollit , këtij sporti të dashur për mijëra e mijëra shqiptar, për qëllime të ulëta politike si dhe për vendosjen e diktaturës politike dhe në sport”, tha Vasili.

http://www.panorama.com.al/newsadmin...ew.php?id=8236

[skampin]

Berisha nuk ka bere akuza kunder lojtareve por kunder atyre qe komandojne lojtaret
edhe ky debat ka dale nga rruga,çfar rendesie ka se kush e tha llafin Rama apo Berisha kur te gjithe e dime qe ndeshjet e kombetares nuk eshte hera e pare qe shiten.
neve mezi presim ndeshjet e kombetares kurse ca plehra qe nuk fryhen me leke i shesin pa te keq fare dhe hec te behet me te shofesh ndeshje futbolli me.
ai thote ujku kurse ca duan gjurmet.
se desh harrojta pse pas akuzes nga Berisha doli FSHF ja te kerkoje falje tifozeve apo nga halli se mos zgjohen delet(tifozet)qe nuk dine te bejne asnje lloj proteste ndaj nje fyerje kaq te madhe te dinjitetit kombetar dhe te tyrin personal. neve jemi mesuar te dalim vetem per mitingje politike se per gjera te tjera si dinjitet apo drita rruge uje as qe i ha njeriu palla.

[Lioness]

UEFA: S'ka hetim, ndeshjet nuk u shitën

Institucioni që drejton futbollin evropian, ka hedhur poshtë dyshimet se në eliminatoret e Euro 2008, të ketë pasur ndeshje të fiksuara

Deklarata UEFA-s mohon në këtë mënyrë edhe mundesinë që dy ndeshjet e fundit të Shqipërisë të hetohen si të shitura

Dyshimet se dy ndeshjet e fundit të kombëtares shqiptare ishin të shitura, kërkesa e ministrit Pango për hetime nga UEFA dhe akuza publike e tre ditëve më parë e kryeministrit Berisha, janë hedhur poshtë nga organizata që drejton futbollin evropian. UEFA edhe pse nuk ka përmendur konkretisht Shqipërinë, ka pohuar se në listën e ndeshjeve që hetoheshin apo dyshoheshin për fiksim rezultati, nuk kishte asnjë nga ndeshjet eliminatore të Euro 2008. Përgjigjja e institucionit që drejton futbollin Evropian është publikuar në faqen zyrtare dhe ka të bëjë me dyshimet e hedhura nga revista gjermane der Spiegel (Pasqyra), rreth hetimeve mbi ndeshje me rezultat të fiksuar në baste për 15 ndeshje. "Për të shmangur dyshimet, duhet të themi që asnjë nga ndeshjet nën hetim nuk i përket takimeve të zhvilluara për eliminatoret e Euro 2008", thuhet në një deklaratë zyrtare të UEFA-s.

Reagimi

E përditshmja gjermane "Spiegel" në një investigim të sajin kishte zbuluar se UEFA, po hetonte 15 ndeshje të kupës Intertoto, të luajtura kryesisht në vendet e Lindjes. Por sipas saj, në listën e ndeshjeve të dyshuara ishin edhe rreth 26 takime të tjera edhe pse nuk saktësohej se cilës garë Evropiane i takonin këto ndeshje. Në përgjigjen e saj UEFA, ka saktësuar se asnjë nga këto ndeshje të dyshuara nuk i përkiste fazës eliminatore të Euro 2008. "UEFA ka ngritur një vit më parë një sistem për monitorimin e basteve të paligjshme, dhe bashkëpunon me autoritetet policore të specializuara në këtë fushë,"- thuhet në deklaratën e institucioni. Këtu sqarohet se ka qenë pikërisht ky institucion i posaçëm që ka ngritur dyshimet edhe për 15 ndeshjet në fjalë. Tani për tani UEFA vetëm sa ka shqyrtuar dyshimet e ngritura nga inspektorët e saj dhe në mbledhjen e 29 nëntorit ka kërkuar hetim të mëtejshëm në lidhje me ndeshjet në fjalë.

Eliminatoret e Evropianit

"Në hetim nuk ndodhet asnjë nga ndeshjet e zhvilluara në fazën kualifikuese të Euro 2008", thuhet në deklaratën e UEFA-s në lidhje me këtë rast, ndërsa janë mohuar gjithashtu kategorikisht edhe mundësitë që skuadra e Kroacisë të jetë e përfshirë në fiksim rezultatesh. Reagimi i UEFA-s mohon në një mënyrë edhe mundësinë e një hetimi në lidhje me 2 ndeshjet e fundit të ekipit tonë kombëtar. Fakti që asnjë ndeshje e eliminatoreve të Evropianit nuk është në hetim, do të thotë edhe që kërkesa e Ministrisë së Turizmit, Kulturës, Rinisë dhe Sporteve e bërë publike 2 ditë më parë për të hetuar dy ndeshjet e Kombëtares sonë, të mos jetë marrë parasysh nga organizmi më i lartë i futbollit në Evropë. "Si njëinstitucion i përgjegjshëm qeverisës UEFA është duke monitoruar në mënyrë të vazhdueshme bastet mbi futbollin dhe do të marrë masa disiplinore në rastet kur një shkelje e tillë do të vërtetohet," thuhet në deklaratën zyrtare.

UEFA i dorëzon europolit 15 dosje ndeshjesh të shitura

Hetimi nga UEFA i 15 ndeshjeve të aktiviteteve që ajo organizon, pritet të jetë skandali më i madh në botën e futbollit. Agjencia e lajmeve "Reuters" në një lajm të publikuar dje, pohon se ishin konfirmuar dyshimet për 15 ndeshje, dokumentacioni për të cilat i ishte dorëzuar Europolit. Paraprakisht mësohet se bëhet fjalë kryesisht për ndeshje në fazat eliminatore të Intetototos, UEFA-s dheLigës së Kampioneve. UEFA njoftoi se të gjitha informacionet e mbledhura për këto ndeshje të dyshuara si të shitura dhe ku janë të përfshira kryesisht skuadra të vendeve të Lindjes si Bullgaria, Estonia, Rumania, Maqedonia, i janë dorëzuar autoriteteve përkatëse.Paraprakisht mësohet se bëhet fjalë për ndeshje të zhvilluara në vitin 2005 dhe atë 2006 dhe kryesisht mes skuadrave jo mjaft në zë. Të përfshirë në këtë aferë që mund të jetë edhe më e rënda që ka kaluar ndonjëherë futbolli evropian duket se janë përfshirë disa grupe mafioze aziatike. Ky nuk është skandali i vetëm me bastet në zonën evropiane. Në tre vitet e fundit, skandale të ngjashme kanë përfshirë Gjermaninë, Belgjikën dhe në fund Italinë, ku procesi dënoi një pjesë të mirë të skuadrave më në zë të vendit.

[Lioness]

PS: Thua te mbaroje kjo pune me kaq?!

[Zarathustra.]

Ju nuk dini gja zotri. Lidhjet e klubit t'Zemunit jan shtri tash deri n'France, atje ku un'e i here kam taku zonjn Lalymieeeer qy m'tha "sa t'bukur e ke ket kostum", qy ma kishte dhan nji i persekutuum.

UEFA asht nji organizate mafioze, dhe e korruptume, pjes e s'ciles esht edhe Duka i krimit shqiptaaaar.

Po po, ta dij mire Platini se kam me e denoncue te Solana, do i them edhe atij kinezit n'OKBe. Nuk mund me e mbajt ket turp kur jam un'e kryeminitser. O fitojme o s'ka. Po nuk ban gola mafia do i baj vet me fitue.

[Darius]

“Berisha akuzon si Enver Hoxha”
Nënkryetari i grupit parlamentar socialist Erion Braçe e cilësoi të turpshme deklaratën e kryeministrit Berisha për klane mafioze në ekipin kombëtar të futbollit. Braçe e cilësoi Berishën djalin politik të Enver Hoxhës, i cili ashtu si Berisha e ka cilësuar ekipin kombëtar në një nga ndeshjet e tij në vitet ’70 si armiqësor. “Me fjalor të tillë, me sulme të tilla, apo me një prezantim të tillë, nuk shfaqet as presidenti i Kolumbisë Uribe. Babai i tij politik në vitin 1973 ka bërë të njëjtin prononcim dhe ka bërë të njëjtin veprim pas humbjes së kombëtares sonë kundër Gjermanisë Lindore”, tha Braçe.

“Berisha, diktator edhe në sport”
Sekretari i Përgjithshëm i LSI-së Petrit Vasili tha dje se “deklarata e Kryeministrit Berisha për kombëtaren e futbollit është një deklaratë që nuk kanë guxuar ta bëjnë as diktatorët më të egër të vendeve më të praprambetura. Berisha ka dhunuar ndjenjat sportive të komunitetit sportdashës shqiptar, pavarësisht nga preferencat politike”. “Gjithë opinioni sportdashës duhet të vihet në alarm sepse po synohet instrumentalizimi dhe shpërdorimi i futbollit , këtij sporti të dashur për mijëra e mijëra shqiptar, për qëllime të ulëta politike si dhe për vendosjen e diktaturës politike dhe në sport”, tha Vasili.

Ja dhe gomeret e tallashit. Ska rendesi nese eshte e vertete akuza e Berishes apo fakti qe sporti (futbolli) ne Shqiperi eshte i mbytur nga korrupsioni dhe matrapazlleku. Vetem pse e tha Berisha duhet kundershtuar dhe duhet quajtur diktature. Si nuk u sosen njehere gomeret ne ate vend. A thua se kombetarja do fitonte per PD apo Berishen dhe jo per gjithe shqiptaret. Jo mer po keta te kuqte nuk behen njerez. Mjer ai vend...

[brooklyn2007]

Per mendimin tim, fakti qe kryeministri i Shqiperise mori mundimin te beje akuza direke per futbollin shqiptar do te thote qe kjo ceshtje ka filluar te qelbet ere shume. Nuk ka arsye tjeter pse nje kryeminister te dali e te humbasi kohe me te tilla deklarata ndaj sportit, aq me teper me gjithe ato halle qe ka ai vend.

[Albo]

Raporti i UEFA-s, 1.5 mln euro për Bezhanija-Besa

Altin Latifi

Zbulohet raporti i UEFA-s dhe policisë europiane në lidhje me ndeshjen Bezhanija e Beogradit-Besa, e cila dyshohet si e manipuluar nga institucioni qendror i futbollit europian. Relacioni i hartuar nga specialistë të Europolit dhe që hedh dritë mbi trukimin e kësaj ndeshje, përmban në brendësi fakte skandaloze si edhe shuma që kalojnë 1 milionë eurot. Ndërkohë që Europol bën të ditur se dyshimi i parë ka lindur ngaqë "skuadrat shqiptare kanë një histori të gjatë manipulimesh. Ndeshja e luajtur më 19 korrik të këtij viti, në fushën e Bezhanijës, ka përfunduar në barazim, 2:2. Ajo e kthimit e luajtur në Kavajë u mbyll pa gola. Hollësi rreth kësaj ndeshjeje dhe dyshimeve të tjera ka sjellë në edicionin e së hënës gazeta gjermane "Der Spiegel", e cila i referohet pikërisht raportit të hartuar nga policia europiane.

Raporti
Më pak se një orë para se të fillonte ndeshja e parë e Kupës së UEFA-së në mes skuadrës serbe Bezhanija dhe asaj shqiptare Besa nga Kavaja, kompanitë aziatike të basteve janë bombarduar me shuma parash nga "investitorët" që kanë piketuar pikërisht këtë takim. Përshkrimi i kësaj pjese të historisë, jo rastësisht bëhet katër muaj më pas nga policia evropiane "Europol", shërbim ky i angazhuar nga UEFA për të hetuar ndeshjet e dyshuara të rangut ndërkombëtar. "UEFA ka detajuar një rast më të zhurmshëm për manipulim të mundshëm nga mesi i korrikut në ndeshjen mes skuadrës serbe Bezhanija dhe asaj shqiptare Besa. Shumë para janë futur nëpër kompani për këtë ndeshje dhe kjo meqë skuadrat nga Shqipëria kanë një histori të gjatë për të manipuluar ndeshje", shkruhet në "Der Spiegel", referuar relacionit. "Por, 45 minuta para ndeshjes ka ndodhur diçka shumë e çuditshme: Kompanitë në Azi janë sulmuar nga shuma të mëdha të basteve për tipet: skuadra serbe do të fitojë me një gol diferencë, do të barazojë, apo do ta humbë ndeshjen me paaftësi", shkruan "Der Spiegel". "Këto baste kanë bërë që tregu aziatik praktikisht të kolapsojë. Ndeshja ka përfunduar me rezultat 2:2 dhe shqiptarët kanë arritur ta nxjerrin barazim këtë ndeshje. Ka pasur fitime të basteve mesatarisht rreth 1.5 milionë euro", thuhet më tej në raportin shumëfaqësh të publikuar nga "Der Spiegel", e që mbështetet në burime të besueshme të Europolit.

Dyshimi te serbët
Ndonëse njëra nga dy skuadrat ishte nga Shqipëria, UEFA dyshimin e ka vënë tek njerëzit e skuadrës serbe. "UEFA është e bindur se në ekipin serb kishte njerëz që dinin diçka për këtë. Kjo ndeshje i ka të gjitha dukuritë e një ndeshjeje të manipuluar", shtohet tutje në raport. UEFA ka vënë nën hetim 26 ndeshje mes Ligës së Kampioneve, Kupës UEFA, Intertotos dhe një ndeshje të Euro 2008.

Balkanweb

[brandon]

Zarathustra, si mundet ti thoni gjith ato ofendime, fjal te renda, Berisha esht zgjedh nga populli, pastaj Berisha nuk esht prej dje ne politik . E cka nese prap ne zgjedhjet e ardheshme fiton Berisha ? Ateher ke ofendu gjith shqipetaret
Cmimet jan te larta ne gjith Europen e sidomos ne Ballkan, kjo per shkak te thatesis qe mbizotroj , ktu ne Maqedoni secili produkt eshte rrit e disa jan dyfishu ne cmim, ne Bosnje nje liter vaj ushqimi kishte arrit ne 2,6 euro per liter ndersa ka qen 1 euro , kupton ??
A mos ka per ty faj Berisha qe nafta ka arrit ne 96 dollar per barel ne gjith boten ?

Edhe Hitlerin , populli e zgjodhi ,me shumice votash.
Kjo per te kuptuar jo se jane njesoj (s ka dyshim per kete ) ,por se edhe populli apo shumica mund te gaboje, dhe eshte gabim ta vesh kete si kriter vleresimi dhe ta quash popullin mesues te madh dhe te pagabueshem, apo bussull orientuese.
Vota shpreh gjykimin ne kohen e zgjedhjeve dhe vetem kaq.
Vleresimi i punes se nje qeverie behet vetem pasi ajo ka mbaruar mandatin, ku peshohen gjerat, shikohet ne i jane bere vendit me shume te keqia apo te mira.

[Zarathustra.]

Per mendimin tim, fakti qe kryeministri i Shqiperise mori mundimin te beje akuza direke per futbollin shqiptar do te thote qe kjo ceshtje ka filluar te qelbet ere shume. Nuk ka arsye tjeter pse nje kryeminister te dali e te humbasi kohe me te tilla deklarata ndaj sportit, aq me teper me gjithe ato halle qe ka ai vend.

Ncuq, - ke shume te drejte, nuk e kemi pare kurre Kryeministrin tone ne gjendje ekstaze te tille duke harxhuar kohe me akuza e deklarata boshe nderkohe qe populli ka halle.....

..... si i le Marsianet atje mire?