Veprat tona, sklleverve te Enver Hoxhes

[Brari]

DOSSIER

"Ja veprat e mëdha që ngritëm ne skllevërit e Enver Hoxhës"


-------------------------------------------------

Dashnor Kaloçi

Kur në tribunat e purpurta të kongreseve të Partisë së Punës së Shqipërisë numëroheshin me krenari veprat e planeve pesëvjeçarëe, të cilat ajo i quante si të vetat, populli e dinte se shumica e tyre mbante vulën e djersës dhe të gjakut të të burgosurve politikë, të këtyre "skllevërve të shtetit", që detyroheshin të punonin pa pagesë, nën kërbaçin e "vëllezërve" komunistë, në vendet më të vështira dhe në kushte tepër të rënda". Kështu shprehet për "Gazetën", 69-vjeçari Tanush Kaso, Kryetar i Shoqatës të Përndjekurve Politikë të Shqipërisë, i cili ka vuajtur për më shumë se dhjetë vjet në kampet e burgjet e regjimit komunist të Enver Hoxhës. Në dëshminë e tij ekskluzive, zoti Kaso rrëfen mbi shfrytëzimin që iu bëri regjimi komunist të burgosurve politikë, të cilët punuan në veprat më të mëdha që u ndërtuan që nga mbarimi i Luftës në vitin 1945 e deri në fundin e viteve '80. Në shkrimin e mëposhtëm, po botojmë një pjesë të dëshmisë së Tanush Kasos, e cila bën fjalë për veprat që ndërtuan të burgosurit politikë deri në mesin e viteve '50 dhe si u trajtuan ata nga shteti i diktaturës së proletariatit.


1945- Përfundimi i Stadiumit "Qemal Stafa"
Stadiumin Kombëtar "Qemal Stafa" në Tiranë, të cilin e kishin filluar italianët dhe të lënë përgjysmë për shkak të luftës, e mbaruan së ndërtuari të burgosurit politikë në vitin 1945. Rreth 300 të dënuar politikë shoqëroheshin çdo ditë me shumë roje të armatosura nga të dy burgjet e kryeqytetit për në stadium, ku punonin gjithë ditën si kafshët dhe po ashtu ktheheshin në mbrëmje në burg, për të vaëzhduar të nesërmen dhe për shumë muaj me rradhë, të njëjtin ritual të detyruar. Pas mbarimit të stadiumit, një pjesë e të dënuarëve u dërguan të punonin për krijimi i fermës së Kamzës, ku ropateshin në hapje kanalesh, sistemim tokash etj. Rreth 400 të burgosur të vendosur në kampin e punës së detyruar, të ngritur në disa barake të vjetra ushtrie, pranë fshatit Valias, (12 km në veriperëndim të Tiranës) punuan për afro dy vjet me rradhë të drejtuar e të mbikqyrur rreptësisht nga policët dhe rojet pa kurrfarë orari dhe kushtesh jetese. Në vitin 1946 të burgosurit politikë punuan në ndërtimin e Kanalit të Jubës, në Qarkun e Durrësit. Kampi me 800 të burgosur, u ngrit në afërsi të fshatit Jubë të Durrësit. Ata hapën një kanal të gjatë 5 km, me gjerësi 10 m dhe thellësi 6 m. Nga kushtet e rënda të terrenit me baltë, pamjaftueshmëria e ushqimit që përbëhej vetëm nga një supë e 600 gr bukë misri si dhe nga torturat e lidhjet pas shtyllave e rrahjeve shtazore, u sëmurën dhe vdiqën njëzet të burgosur politikë.

Tharja e Kënetës së Maliqit
Në vitet 1947-52,me qindra të burgosur politikë punuan për tharjen e Kënetës së Maliqit në Qarkun e Korçës. Në kushte jashtëzakonisht të vështira të një terreni moçalor, me shushunja e mushkonja, pa çizme e mjete të tjera mbrojtëse, me një ushqim shumë të dobët dhe nën trysninë e xhelatëve që u rrinin mbi kokë, kanë punuar për pesë vjet, më shumë se dymijë të burgosur politikë. Ata ishin ndarë në tre kampe: Vloçisht, Orman-Pojan dhe Nishavec, fshatra pranë Kënetës së Maliqit. Komandat i këtyre kampeve ishte Tasi Marko, një figurë më e tmerrshme se ajo e "SS"-ve gjermanë, vëlla i Rita Markos, funksionar i lartë komunist që arriti të bëhet anëtar i Byrosë Politike. Në këto kampe, janë përdorur tortura nga më mizoret e më primitivet, si zhytja gjer në fyt në gropën e nevojtores dhe varrosja për së gjalli në llucën e kënetës. Aty ka pasur shumë raste vetvrasjesh. Nga malaria dhe sëmundje të tjera kanë vdekur me dhjetra njerëz. Gjithsej nuëmrohen mbi gjashtëdhjetë vetë të vdekur. Tharja e kësaj kënete ishte planifikuar dhe projektuar shumë vjet më parë nga italianët. Pushteti komunist vendosi ta realizojë me punën e papaguar të skllevërve të vet. Për të drejtuar këto punime që kryeheshin në mënyrë primitive, pa mjetet e nevojshme dhe teknikën e duhur, u caktuar inxhinieriët më të aftë që kishte Shqipëria, të diplomuar në universitetet më të mira të Europës dhe me përvojë, por që nuk shiheshin me sy të mirë nga regjimi i Hoxhës. Kur ata, duke përballuar vështirësitë me një përkushtim profesional, po i afroheshin fundit dhe shpresonin të vlerësohej puna, për çudi Sigurimi i Shtetit kurdisi për ta akuzën e rreme të sabotimit ekonomik dhe i ndëshkoi që të gjithë tepër rëndë duke filluar nga burgimet e gjata e deri tek pushkatimet e varjet në litar. Për të ashtuquajturin "grup i inxhinierëve të Maliqit", është folur e shkruar shumë në ato vite e më pas. Por, si në romanin "Këneta" ashtu edhe në filmin me të njëjtin subjekt, produkte të "realizmit socialist", e vërteta tjetërsohet, nuk jepet ashtu siç është, po ashtu siç e lypte skema e caktuar që u pëlqente komunistëve, me "armikun e klasës" dhe "vigjilencën revolucionare". Për të burgosurit politikë, për punën e tyre prej skllevërish të mesjetës, nuk thuhet asnjë fjalë.

Ndërtimi i aerodromit të Kuçovës
Në vitet 1948-52 me qindra të burgosur politikë punuan për ndërtimin e Aerodromit Ushtarak të Kuçovës. Kampi i të burgosurve politikë, që punonin për ndërtimin e atij aeroporti, ishte ngritur në Urën Vajgurore. Për katër vjet me rradhë në atë vënd derdhën djersën më shumë se 2000 të dënuar. Punimet drejtoheshin nga inxhinierë ushtarakë sovjetikë, të cilët u shërbenin synimeve afatgjata për vendosjen e hegjemonisë së shtetit të tyre në Ballkan e më gjerë. Për t'u përmendur është një arratisje massive nga ky kamp. Disa mundën ta kalojnë kufirin jugor dhe dolën në "Botën e lirë". Të tjerët u kapën dhe u dënuan me afate të ndryshme burgimi e me pushkatim. Ndërsa në vitet 1949-51 u punua për ngritjen e fermës së Gosës në rrethin e Kavajës. Fronti i punës aty përbëhej nga kanalizime dhe sistemime tokash. Kampi ndodhej në afërsi të fshatit me të njëjtin emër, 12 km në jug të Kavajës. Për afro 2 vjet aty punuan mbi 600 të burgosur politikë, gjithmonë të uritur e të keqtrajtuar. Aty pati 15 të vdekur nga të dënuarit. Në vitet 1950-52 u punuan në hapjen e Kanalit të Bedenit, në rrethin e Kavajës. Kampi ngrihej pranë fsahtit Beden, disa kilometra në jugperëndim të Kavajës. Më shumë se 1000 të burgosur politikë për rreth dy vjet punuan si skllevër për hapjen e një kanali vaditës 15 km të gjatë, në një terren kodrinor me shtresëzime shtufi, që vende-vende mundën të çelen me përdorimin e minave, nga të cilat pati edhe aksidente. Nga vështirësitë e jetës dhe puna e rëndë, u sëmurën dhe vdiqën më shumë se njëzet të dënuar. E tmerrshme ka qenë në këtë kamp, vdekja e një mirditori krejtësisht të pafajshëm, të quajtur Nikollë Bardhoku, nga Bushkashi. Vetëm për kapricion e një polici, ai u xhvesh lakuriq, u lidh pas një shtylle në oborrin e kampit dhe u la nën saçin e diellit përvëlues të korrikut, gjersa trupi iu bë plagë. Ulërinte nga dhimbjet e kërkonte shpëtim, por askush nuk guxonte t'i afrohej e të pësonte fatin e tij. Të nesërmen vdiq aty, si një shenjtor i lidhur. Komandant i kampit ishte Haxhi Pela nga Qarku i Beratit. Në vitin 1950 u punua në ndërtimin e trasesë së hekurudhës Peqin-Elbasan Të vendosur në një kamp pranë Urës së Bonës, jo shumë larg qytetit të Peqinit, punuan për ndërtimin e trasesë së hekurudhës së dytë të vendit tonë, asaj Peqin-Elbasan (që ishte vazhdimi i hekurudhës së parë Durrës-Peqin), 700 të burgosur politikë. Po në vitin 1950, të dënuarit politikë punuan në hapjen e tunelit të Bishqemit, në hekurudhën Peqin-Elbasan (400 m i gjatë) Për një vit, 900 të dënuar politikë të vendosur në një kamp pranë fshatit Bishqem, që ndodhet rreth 15 km në perëndim të Elbasanit, punuan për hapjen e tunelit më të gjatë hekurudhor të vendit tonë. Aty mungonte teknika e nevojshme dhe askush nuk kujdesej për sigurimin e jetës së atyre njerëzve në kushtet e nëntokës, ku punohej në mënyrë primitive, me dalta e qysqi. Si rezultat i kësaj pati edhe të vdekur nga aksidentet në punë, për të cilat as përgjigjej dhe as paguante njeri. Në vitin 1950 u punua edhe për hapjen e rruga automobilistike Gramsh-Lozhan Kampi i të burgosurve politikë që punuan për çeljen e kësaj rruge, ndodhej në afërsitë e fshatit Lozhan, pranë Maliqit. Aty ishin rreth 900 vetë, të cilët bënin çdo ditë disa kilometra më këmbë, të shoqëruar me policë e qenër për të arritur deri tek vendi i punës. Lodhja ishte kapitëse dhe trajtimi shtazor. Shumica e tyre ishin çamë, të dënuar vetëm sepse kishin kundërshtuar propozimin e Qeverisë së Hoxhës që të luftonin kundër shtetit grek për llogari të komunistëve të EAM-it grek. Për këtë qëndrim të tyre, ajo qeveri ua hoqi përdhunisht shtetësinë greke, të gjithë të ardhurve nga Çamëria, duke u hequr kështu edhe mundësinë e kthimit në trojet amtare.

Miniera e Bulqizës
Në vitet 1950-1953 të burgosurit politikë punuan për nxjerrjen e mineralit të kromit në minierën e Bulqizës. Në vitet që pasuan, kanë qenë të burgosurit ordinerë që jaën dërguar në minierën tepër të vështirë të Bulqizës, për të nxjerrë nga thellësia e galerive primitive mineralin shumë të kërkuar të kromit. Por në periudha të caktuara, sidomos në vitet e para, atje kanë qëndruar për një kohë të gjatë edhe kontigjente të zgjedhura të burgosurish politkë, në moshë të re dhe fizikisht të fuqishëm. Nga ashpërsia e klimës, vështirësitë e punës dhe trajtimi çnjerëzor që i bëhej të burgosurve, të cilët punonin ditë e natë me tre turne, ajo minierë ishte bërë një tmerr, një ferr i vërtetë, aq sa emri i saj përdorej nga Sigurimi për të trembur njerëzit. "Kujdes!- i thonin ata ndonjë personi të padëshiruar, mund të të çojmë në Bulqizë…". Të tjerat kuptohen vetë. Ka pasur mjaft raste vrasjesh e vetëvrasjesh si dhe aksidente në punë. Disa i ka zhdukur vetë Sigurimi në thellësitë dhe humnerat e nëntokës, pa asnjë dëshmitar okular. Aty në atë kamp kanë ndodhur edhe shembje të mëdha, që kanë zënë dhjetra njerëz e për të cilat shtypi dhe radioja e asaj kohe, mbanin heshtje të plotë, pasi ato aksidente konsideroheshin si "sekret shtetëror". Më shumë humbje njerëzish ka patur nga të burgosurit ordinerë. Trupat e shumë të vdekurve nuk kanë mundur t'i varrosin familjen e tyre, disa as që janë gjendur dot. Fëmijët e tyre nuk kanë marrë kurrfarë dëmshpërblimi ose pensioni, siç e përcaktojnë konventat ndërkombëtare për të drejtat e njeriut. Janë bërë disa përpjekje të dëshpëruara për të shpëtuar nga ai ferr, për t'u arratisur që andej. Por gjatë 50 vjetëve, fare pak të burgosur kanë mundur ta kalojnë kufirin. Disa janë kapur e ridënuar, të tjerë kanë mbetur të vrarë nga plumbat e rojeve e të ndjekësve. Një nga më fatlumët, thonë se ka qenë një djalë trim nga një fshat i Korçës, i quajtur Isuf Lumi, i cili në një natë të errët e me shi, në vitet e para, mundi ta kalojë rrethimin përmes breshërive të plumbave e mbas shumë peripecive, arriti në tokën e ëndërruar, në Amerikë.

Kanali Peqin-Kavajë
Në vitet 1952-55 të burgosurit politikë punuan në hapjen e Kanalit Peqin-Kavajë, i cili ishte 50 km i gjatë. Kampi i punës, i çvendosur tre herë, gjatë tre vjetëve, në linjën midis Peqinit dhe Kavajës, kishte rreth 2000 të burgosur politikë të cilët me një punë tepër të rëndë, në kushte shumë të vështira, me mungesë uji dhe ushqim të keq, hapën kanalin vaditës më të gjatë të vendit tonë. Ashtu si në kampet e tjera edhe këtu praktikohej lidhja nëpër shtylla dhe rrahjet për ata që nuk e realizonin dot normën e punës së detyruar. Ka pasur tre të vrarë nga përdorimi i dinamitit në disa pjesë shkëmbore të kodrave. Aty në atë kamp nga torturat uria dhe sëmundjet kanë humbur jetën më shumë se 20 të burgosur. Po kështu në vitet 1952-54 u punua për hapjen e Kanalit të Vlashukut në fushën e Myzeqesë. Kampi u ngrit 10 km në veri-perëndim të qytetit të Kuçovës, me 1500 të burgosur politikë, të cilët gjatë dy vjetëve hapën një kanal prej vetëm 2 km të gjatë, por tepër të thellë. Kanali u çel për të marrë ujë nga lumi Devoll e për të vaditur fushën e Myzeqesë. Pak para përfundimit të punimeve, për shkak të shirave dhe të teknikës së keqe të përdorur, u shemb argjinatura dhe u desh të rifillohej nga e para. Në këtë kamp, veçmas, punonin edhe mjaft robër grekë, ish ushtarakë të ashtuquajtur "monarko-fashistë", të kapur nga forcat komuniste të EAM-it, gjatë luftës vllavrasëse të viteve 1945-49 në Greqi dhe të dorëzuar prej tyre qeverisë shqiptare. Më vonë, me kërkesën e qeverisë greke, ata që mbetën gjallë, u riatdhesuan. Nga dëshpërimi dhe humbja e shpresës së shpëtimit, disa kanë vrarë veten. Nga uria, lodhja e keqtrajtimi si dhe nga sëmundje të ndryshme, kanë vdekur rreth 40 shqiptarë. Numri i grekëve të vdekur nuk dihet me saktësi. Në vitet 1953-55, u punua për ndërtimin e pallateve "Agimi" në Tiranë. Rreth 600 të burgosur, të vendosur në kampin nr 4 në Tiranë, kanë punuar për dy vjet rrjesht për ndërtimin e pallateve "Agimi", që ndodhen pranë ish blloku të udhëheqjes. Ajo që kujtohet më tepër nga ky kamp ishte përpjekja për një arratisje masive, nëpërmjet një tuneli të nëndheshëm të hapur me kujdes e fshehtësi të madhe, të quajtur "Tuneli i lirisë". Pak përpara vendimit për të dalë andej, u arrestuan organizatorët kryesorë, në rrethana që ende mbeten të errëta. Ata që u mbyllën në qelinë e vdekjes, ishin: Mark Zef Pali, Isuf Velçani, Abdylla Bajrami, Zyhdi Mancaku dhe Besim Latifi. Këtij të fundit iu fal jeta. Ndërsa katër të tjerët kur i morën për t'i pushkatuar, u përleshën me xhelatët dhe mbetën aty të vdekur nën goditjet e levave të hekurit".

-----------------gazeta shqiptare-----------

[Toro]

Sa persona nga keta qe jane pergjegjes per gjitha keto vdekje kane dale ne gjyq pas 1991? ASNJE! Pse autoret e ketyre krimeve makabre do te ngelin te pandeshkuar? Sepse asnje qeveri ( si e PD, si e PS) nuk do te merret me drejtesine. Sala rrasi brenda Nexhmijen per kafe dhe Nanon per vjedhje per ti hedhur hi syve te popullit dhe per te hequr qafe kundershtare politike. La jashte vrases dhe kriminele qe i kane duart e lara me gjak.
Ndersa ish te perndjekurit politike e kane mendjen vetem tek demshperblimet qe deri me sot po u nxjerrin shpirtin per tiua dhene.
Eshte per te patur zili cifutet.Akoma dhe sot e kesaj dite ata ndjekin neper gjithe boten kriminelet naziste, tanime pleq pa dhembe si puna e Klaus Barbit. "Barbit" shqiptare jo vetem qe nuk i ndjek askush, por gezojne ate pension "lufte", bejne dhe politike nepermjet kelysheve te tyre te PS dhe shkruajne dhe historine e popullit shqiptar nga 1945 e ketej sipas qejfit.
Mire e ka Brari kur thote "Pis milet"...

P.S.
Autori i shkrimit ka harruar pa permendur dhe perdorjen e te burgosurve politike per ndertimin e aeroportit te Rinasit dhe te Kombinatit te Mishit ne Tirane.

[Brari]

Mo u merzit Toro..ka akoma...

--------
Dëshmia e ish-të dënuarit politik Tanush Kaso, lidhur me trajtimin që iu bëri regjimi komunist kundërshtarëve të tyre, duke i cfilitur në veprat e mëdha të pesëvjeçarëve

"Ja si na shfrytëzoi Enver Hoxha ne të burgosurit politikë"


--------------------------------------------------------------------------------

Dashnor Kaloçi

Në pjesën e parë të këtij shkrimi të botuar në numrin e së dielës, nëpërmjet kujtimeve të ish-të dënuarit politik Tanush Kaso, i cili aktualisht drejton Shoqatën Kombëtare të Përndjekurve Politikë të Shqipërisë, u njohëm me punën e madhe që bënë të burgosurit e ndërgjegjies gjatë regjimit komunist të Enver Hoxhës, duke marrë pjesë në ndërtimin e pjesës më të madhe të veprave industriale e buqësore që u ngritën nga viti 1945 e deri në fundin e viteve '80 kur u shemb ai regjim. Puna kolosale e të burgosurve politikë në atë regjim filloi me tharjen e Kënetës së Maliqit, ku nga kushtet tepër të këqia dhe nga trajtimi çnjerzor që u bëhej të dënuarëve, vdiqën me dhjetra persona të cilëve as sot e kësaj dite nuk iu dihet varri. Pas Kënetës së Maliqit, një nga veprat e mëdha që u ndërtua me gjakun e djersën e të burgosurve politike, ka qenë aerodromi ushtarak i Kuçovës. Punimet për zgjerimin e atij aeroporti që kishte nisur që në periudhën e Monarkisë së Zogut, rifilluan në vitin 1948 e vazhduan deri në 1952 dhe aty morën pjesë afro 2000 të burgosur politik. Pas këtyre veprave tepër të mëdha, të dënuarit politik morën pjesë në ngritjen e ndërtimin edhe të një sërë veprash të tjera siç ishin Ferma e Gosës dhe Kanali i Bedenit në Kavajë, Hekurudha Peqin-Elbasan, Tuneli i Bishqemit, Rruga automobilistike Gramsh-Lozhan, Miniera e Bulqizës, Kanali Peqin-Kavajë, Kanali i Vlashukut në Myzeqe, Pallatet "Agimi" në Tiranë etj. Të gjitha këto vepra u ndërtuan nga viti 1943 deri në vitin 1955, ndërsa për ato vepra të tjera që u ndërtuan nga ajo periudhë e deri në fundin e viteve "80, bën fjalë pjesa e dytë e këtij shkrimi që po botojmë më poshtë.
(vijon nga numri i kaluar)


Nga viti 1955 e deri në mesin e viteve '60 të burgosurit politikë morën pjesë në ndërtimin e shumë veprave të mëdha si Aeroporti i Rinasit, tharja e Kënetës së Tërbufit, bonifikimi i Fushës së Gjadrit, bonifikimin e Fushës së Thumanës, Uzina e Superfosfatit në Laç, Kombinatin e Autotraktorëve në Tiranë, Uzinës së Bakrit në Rubik, fabrikës së çimentos në Fushë-Krujë dhe Elbasan, ndërtimin e dhjetrave blloqeve të apartamenteve të banimit në qytete të ndryshme etj.

Uzina e Bakrit në Mirditë
Në vitet 1967-70 të burgosurit politikë punuan në ndërtimin e uzinës së pasurimit të bakrit, në Reps të Mirditës. Kampi me rreth 350-400 të burgosur politikë, të grumbulluar nga kampet ku kishin përfunduar ndërtimet e tjera si Elbasani, Rubiku, por edhe nga të porsadënuarit gjendej pranë vendpunimeve, në një rrafshinë rrëzë malit dhe në breg të njërës prej degëve të lumit Fan. Në atë grykë lumi, dimrit frynte një erë e ftohtë dhe ngrica ishte e përhershme. Rreth 15 km më në veri, përtej malesh pothuajse të çveshura, gjendej Spaçi, me të cilin policët i trembnin ata të burgosur që nuk punonin sa duhet ose bënin ndonjë shkelje disiplinore. Këta të burgosur nuk i kishin çuar në minierë, për arsye të moshës, të ndonjë sëmundjeje, apo të fizikut të dobët. Megjithatë puna këtu kishte vështirësitë e veta, për shkak të terrenit shkëmbor, mungesës së ujit të pijshëm, mushkonjave, ushqimit të dobët etj. Pati disa të vdekur nga sëmundjet, nga mosha dhe stërmundimi. Ky kamp ishte në varësinë e komandës së Spaçit dhe herë pas here merrnin të burgosur për dënim, ose sillnin për lehtësim, të sëmurë që nuk mund të punonin nën tokë. Edhe kjo uzinë e pasurimit të bakrit, u ndërtua me ndihmën e Republikës Popullore të Kinës.

Kampi i Torovicës
Në vitet 1967-91 me mijra të burgosur punuan në hapjen e tokave të reja dhe kanalizimeve në fushën e Torovicës të rrethit të Lezhës, e cila ndodhet në të majtë të rrugës automobilistike Lezhë-Shkodër. Për hapjen e tokave të reja, kanalizime dhe punë të tjera bujqësore, këtu u ngrit një kamp i punës së detyruar, me të burgosur të moshave të reja nga 14 deri në 20 vjeç. Fillimisht atje dërgoheshin të dënuar për çështje ordinere, pastaj edhe ata politikë. Ky kamp i "riedukimit", u krijua veç nga të burgosurit e vjetër, për të ruajtur moshën e brishtë nga veset dhe nga gjëra të tjera të papëlqyeshme. Po për mungesë të programeve edukative dhe të pedagogëve, këtu ndodhi e kundërta. Përveç kësaj, punët e rënda të bujqësisë, e cfilitën brezin e ri të dënuarve. Operativi i Sigurimit bënte të vetën. Pak nga ata që liroheshin, mund të rifillonin një jetë të re normale. Të tjerët përsërisnin burgun. Gjithsej në këtë kamp qëndronin rreth 500 të dënuar ordinerë e politikë. Ka pasur raste vdekjesh nga sëmundjet si dhe akte vetvrasjesh, nga dëshpërimi, nga streset e krijuara prej vështirësive, prej keqtrajtimit, mungesës së ushqimit e të ujit të pamjaftueshëm, izolimit etj. Në vitet 1967-90 të burgosurit politikë gjithashtu punuan edhe për hapjen e kanalizimeve bujqësore në Zejmen të Lezhës. Edhe në këtë kamp të punës së detyruar, ka pasur të burgosur politikë dhe ordinerë, të cilët ishin të ndarë dhe numri i tyre arrinte në rreth 300 vetë. Një pjesë e tyre ishin të moshuar ose fizikisht të dobët dhe i përdornin në punë bujqësie pa shumë sforcime fizike. Të tjerët i nënshtrohshin normave të punës në bujqësi, me kërkesë llogarie nga policët, që i shoqëronin nëpër fushën e gjerë, të rrethuar me roje të shumta të armatosur.

Hapja e taracave në bregdetin e Sarandës
Në vitet 1966-1991 të burgosurit politikë punuan edhe në ndërtimin e taracave në zonën bregdetare të Sarandës. Gjatë punës disavjeçare për hapjen e tokave të reja dhe për ndërtimin e taracve, në kodrat e malet pranë bregdetit Borsh-Sarandë, në një gjatë prej 50 km, kanë punuar disa mijëra të burgosur politikë dhe ordinerë, të vendosur në kampet e Borshit dhe të Përparimit (Shën Vasisë) së Sarandës. Kushtet e punës e të jetesës në këto kampe, kanë qenë tepër të rënda, kryesisht nga terreni malor me shkëmbinj, shkurre e gjemba, nga largësia, mungesa e ujit të pijshëm dhe të nevojave higjenike, ushqimi i pamjaftueshëm, vapa zhuritëse në kohën e verës, keqtrajtimi i policëve etj. Brenda dhjetëvjetëshit të parë, u panë frutet e punës së këtyre skllevërve. Mbi taracat u rritën portokallet, limonat, mandarinat e qitrot. Vizitorët e huaj mbeteshin të mahnitur përpara kësaj mrekullie, të gjelbërimit pa fund dhe të frutave të panumërta që vareshin nëpër degë. Por atyre nuk iu treguan kurrë se kush dhe me çfarë çmimi u bënë këto mrekulli. Atyre u thoshin se i bëri Partia e Punës dhe "vullnetarët", që sillnin nga qytete të ndryshme për një kohë të shkurtër e për zbavitje. Aty çdo i burgosur ka lënë një pjesë të jetës së tij. Disa prej tyre, si shoku ynë i mirë Riçard Riçi, mjeku Vojo Bilbija e ndonjë tjetër, humbën përjetësisht ndër ato vende.

Kriporja e Vlorës
Në vitet 1967-71 u punua për ndërtimin e kripores në Skrofotinë të Vlorës, në tharjen e pjesshme të kënetës së Nartës, ndërtimin e stacionit të pompimit në Pishporo etj. Për të kryer një varg punimesh të vështira, që ndodheshin relativisht larg nga njëra tjetra dhe nga vendbanimet, u ngrit një kamp me kapacitet 700-800 të burgosur politikë, pranë fshatit Skrofotinë, 14 km në veri të qytetit të Vlorës. Komandant i këtij kampi ishte emëruar Gani Vajza, nga qarku i Vlorës dhe komisar Kiço Gjançi, vllah nga qarku i Korçës. Komisari shquhej për punën propagandistike për "riedukimin" e të burgosurve. Nganjëherë ai merrte edhe kompetencat e operativit të Sigurimit të repartit. Me disa elementë të lëkundur, vegla të komandës, organizoi "orën gazmore" çdo të dielë, ku me pretekste të ndryshme, goditeshin ata që shiheshin me sy të keq, si të parehabilitueshëm, ata që nuk realizonin normën etj. Të burgosurit bënin disa kilometra rrugë në këmbë, nëpër baltë, nën pickimin e mushkonjave dhe të rrahjeve të panumërta, për të arritur gjer tek vendi i punës, tek kanali i thellë, i gjerë dhe plot llucë, që duhej vazhduar gjithnjë e më larg. Etja, uria, lodhja dhe kërbaçi na shoqëronin në çdo kilometër. Shumë veta u sëmurën. Për mosplotësimin e normës së punës, jepeshin dënime me izolim në birucë, nga 15 ditë deri në një ose dy muaj. Një i burgosur, i quajtur Lake Butka, nga Kolonja e Korçës, bëri vetvrasje.

Uzina e Naftës në Ballsh
Në vitet 1971-1984, të burgosurit politikë punuan edhe në ndërtimin e Uzinës së Pëprunimit të Naftës në Ballsh dhe në ndërtim pallatesh në atë qytet. Për trembëdhjetë vjet rresht, kanë punuar më shumë se njëmijë të burgosur, të vendosur në kampin e ndërtuar rrëzë një kodre, fare pranë luginës ku ishte piketuar uzina e përpunimit të thellë të naftës. Vendi ishte i tëri i rrethuar me tela me gjemba të ngritur lart e me trupa rojesh të shumtë. Të parët që erdhën për të hapur me krahë themelet e thella, ishin të burgosurit e kampit të Skrofotinës së Vlorës, të cilët sapo kishin mbaruar punë atje. Një autokolonë e gjatë prej më shumë se 35 kamionësh, shoqëruar nga makina me ushtarë të armatosur e qenë policie, duke kaluar nëpër qytetin e Fierit, për të ngjallur panik në popull, u ndal pranë atyre kodrave që ndodhen nja dy kilometra në lindje të Ballshit, atje ku do të nisnin punimet e kësaj "vepre të pesëvjeçarit" e cila do të ndërtohej me ndihmën e "motrës së madhe", Kinës. Mbas tyre, me autoburg, kohë pas kohe mbërritën edhe të tjerë, që sapo kishin marrë dënimet nga gjykatat dhe dilnin nga hetuesia gjysëm të vdekur. Ashtu siç ishin katandisur, kockë e lëkurë, dyll të verdhë dhe si të hutuar, kishin nevojë për disa ditë pushim, gjersa ta merrnin veten. Por, komanda s'kishte ndërmend t'u bënte trajtim. Ajo u jipte menjëherë nga një kazëm e lopatë, u caktonte brigadën dhe të nesërmen i donte në punë. Inxhinierët kinezë shihnin përditë skena të dhimbshme gjatë punës, e shprehnin në heshtje keqardhjen e tyre, por nuk mund të thoshin asnjë fjalë, se ashtu i kishin porositur. Njerëz të kthyer në skelete, tejet të lodhur nga puna e rëndë e krahut, që rropateshin nga një kamp në tjetrin, të sëmurë që vuanin nga azma, të tjerë që kolliteshin e pështynin gjak, burra të moshuar që po u sosej jeta në burg, të gjithë luftonin me vdekjen, e sfidonin atë, përpiqeshin të mbijetonin, gjersa të zbardhte një ditë aq shumë e pritur. Mjaft nga ata nuk arritën ta shohin dritën e lirisë. Ndër ta edhe piktori i mirënjohur Vangjush Tushi, i cili e deshi aq shumë jetën, lirinë, të bukurën, njerëzit dhe qytetin e tij të lindjes, Korçën romantike. Të burgosurit politikë të këtij kampi, kanë ndërtuar edhe një numër apartamentesh, për nevojat e strehimit të qytetarëve të Ballshit. Krahas të burgosurve politikë, por të veçuar, në këtë kamp kanë punuar edhe një numër jo i madh të burgosurish ordinerë. Objektet e punës dhe fjetoret ishin të ndara dhe nuk lejohej komunikimi midis tyre. Megjithatë, fshehurazi, ata gjenin rastin për të shkëmbyer ndonjë informacion. Kështu, p.sh. nga ana e të burgosurve politikë, u mor vesh arratisja dy herë, me mënyra të mençura e të guximshme, e të burgosurit të anës tjetër, Pëllumb Kasos. Në vitet 1977-1987 u punua edhe për ndërtimin e kompleksit sportiv "Dinamo" në Tiranë. Ky kompleks u ndërtua pranë liqenit artificial të Tiranës, për nevojat e Ministrisë së Punëve të Brendshme dhe për stërvitjen e sportistëve të inkuadruar në klubin sportiv "Dinamo" që varej nga kjo ministri. Gjithashtu u ndërtuan edhe disa qindra apartamente për strehimin e oficerëve dhe të punonjësve të tjerë të Ministrisë së Punëve të Brendshme. Kjo punë zgjati dhejtë vjet. Kampi i të burgosurve ishte ngritur pranë vendit të punës, afër kodrave të liqenit me rreth 400 vetë. Thuhej se ishin me fat ata të burgosur që i kishin caktuar për të punuar në këtë vend piktoresk të kryeqytetit, ku edhe vështirësitë nuk ishin si ato të kampeve të tjera. Më shumë kishte nga ata me dënime të vogla ose që ishin në mbarim të vuajtjes së dënimit. Por, kishte midis tyre edhe "të privilegjuar" të Ministrisë së Punëve të Brendshme.

Miniera e Spaçit në Mirditë
Në vitet 1982-1990 të burgosurit politikë punuan edhe në shfrytëzimin e minierës së bakrit e piritit në Qaf-bari të Pukës, e cila ndodhet në zonën verilindore të Pukës, 21 km në lindje të Fushë-Arrëzit, në thellësi të maleve. Atje në atë vënd ishte ngritur kampi i të burgosurve politikë me rreth 500 vetë, që punonin natë e ditë, me tri ndërresa, për nxjerrjen e mineralit të bakrit e të piritit prej minierës së Qaf-barit. Natyra e punës dhe vuajtjet këtu, ishin të ngjashme me ato të Spaçit, por izolimi ishte edhe më i madh. Të burgosurit e Shqipërisë së Mesme dhe ata të Jugut, pothuajse i kishin humbur lidhjet me familjet, të cilat e kishin të pamundur të përshkruanin atë rrugë të gjatë e të mundimshme, për t'i parë njerëzit e tyre të dashur. Automjetet ishin tepër të rralla. Nuk kishte hotele, për të kaluar të paktën një natë. Dimri ishte tepër i ashpër. Keqtrajtimi nga policët zemërzinj, i kishte egërsuar të burgosurit dhe po i bënte të humbnin durimin. Kështu ndodhi që në 24 maj 1984 (çuditërisht në të njëjtin muaj, si vite më parë, në Spaç), kur gardianët nisën të rrahin bashëkvuajtësin, Ndue Pisha, vetëm sepse nuk kishte mundur të plotësonte normën e punës, (mbase ishte i sëmurë) të gjithë shokët u hodhën në mbrojtje të tij dhe shpërtheu revolta. Mbas një përleshjeje të shkurtër, rojet e brendshme ikën me vrap dhe kërkuan ndihmën e rojeve të armatosura të rrethimit, të cilët hapën menjëherë zjarr me mitraloza kundër të burgosurve, duke plagosur disa prej tyre. Ndërkaq erdhën përforcime ushtarësh të armatosur me automatikë e bomba dore, nga repartet e afërme. Pa shumë vonesë erdhi me helikopter nga Tirana edhe vetë drejtori i përgjithshëm i Sigurimit të Shtetit, Agron Tafa, si dhe funksionarë të tjerë të lartë të Ministrisë së Punëve të Brendshme, të cilët i kërcënuan të burgosurit se po të mos e ndërprisnin revoltën brenda një ore, kundër tyre do të qëllohej me të gjitha armët që disponinin. Në këto rrethana, duke patur parasysh edhe përvojën e hidhur të Spaçit, drejtuesit e kësaj revolte, vendosën ta mbyllnin me kaq, për të mos shkaktuar viktima dhe gjak. Pas kësaj ushtarët dhe policët e armatosur, u vërsulën mbi të burgosurit me një egërsi të madhe. Mbasi i rrahën dhe i keqtrajtuan sa deshën, morën dhe izoluan dyzet prej tyre. Tre vetë: Sandër Sokoli, Tom Ndoja dhe Sokol Sokoli, i dënuan me vdekje dhe i pushkatuan. Katërmbëdhjetë të tjerë u ridënuan me shumë vjet burg. Mbas kësaj, jeta në kamp u bë edhe më e padurueshme nga torturat që u shtuan së tepërmi. Veç të tjerave të burgosurit duhej të bënin edhe dy orë vrapim brenda kampit, për çdo ditë, nën kërbaçin e policëve. Vetëm viti 1990, me ndryshimet e vrullshme politike që solli, i dha fund kalvarit të atyre vuajtjeve, që nuk mund të harrohen lehtë.


--------------


Megjithate te ngratet edhe sot Kurt Kola i Namik Dokles se Nano-Rucve i komandon keta te mjere..
Nuk jan te zot te jene grusht e te bejne nje profil te vecante politik me principe e forc organizuese per vete dhe Vendin..
Vazhdojne te kerkojne..prona e kompensime prej Blush-Neritan-Ruc-Gjinushave e kte me goj te Kurt Hajdut Koles..

Gjynaf..

[Zarathustra.]

Interesante.

Me sa di une edhe piramidat i bene sklleverit e Faraoneve, por Faraonet sot studiohen dhe vleresohen per qyteterimin, organizimin shoqeror dhe civil qe ata sollen ne vendin e tyre.

Per ironine tuaj historia nuk merret me sklleverit, as i trajton ata dhe as e shikon primare kerkesen per "drejtesi" per sklleverve.

Kriminele, duar me gjak, gjakatar etj etj quaj cte duash evolimi dhe civilizimet me madheshtore sot ne bote i detyrohen pikerisht ketyre individeve dhe angazhimeve te tyre qe per disa ishin fatale.

Por ndersa Hoxha ishte ne pushtet dhe beri te vuajne keta nejrez, po ashtu edhe gjate pushtetit te Rrumpalles, apo te Zogut shume njerez humben jeten nga konflikti i brendshem, intoleranca dhe urrejtja. Ne fakt fundi i shqiptareve ne 92 ishte shume here me tragjik dhe fatal se ai i 50 vjeteve komunizem, duke krahasuar demin ekonomik, shoqeror, social si dhe jetet e marra.

Vdiqen, u mjeruan, dhe u varferuan shqiptaret ne kohen e Hoxhes po ashtu vdiqen, u mjeruan dhe u varferuan edhe mbas 92. Dikur disa prej tyre ishin skllever te Hoxhes, mbas 92 ishin skllever te krimit, pasigurise, luftes civile etj etj. Fundi eshte i njejte, vetem rruga per te arritur aty ishte e ndryshme. Dhe sa shume ka rendesi se si arrihet ne falimentim dhe katastrofe kur qellimi eshte pikerisht ti evitosh ato!
Te pakten persekutimi i sklleverve ne kohen e Hoxhes, ndertoi dicka, kurse ai i mbas 92 vetem prishi, shkaterroi dhe nuk vuri qofte edhe nje tulle ne ekonomine dhe jeten shqiptare.


Ish-udheheqesit nuk mund te denoheshin sepse ata vetem zbatuan ligjet e kohes. Ligjet vrisnin dhe jo individet. Ligjet i votonte kuvendi popullor qe zgjidhej nga populli dhe udheheqesit e larte s'kishin pune fare me kete proces.

Ja pse asnjerit pre jtyre nuk iu provua dot asnje krim. Ne fakt edhe Shefqet Pecin e denuan per genocid, ligj ky i miratuar ne 1995 kur Peci e kishte bere "krimin" ne 1944. Dy norma baze te drejtesise moderne "due process" dhe "statu of limitations" kategorikisht te ndalojne ti gjykosh keta njerez. Ndryshe zezaket e amerikes do fusnin ne burg te gjithe ish-pronaret e sklleverve mbas heqjes se skllaverise ne amerike. Ja pse "drejtesia" e Sales u detyrua te denoi per kafe e bonbone.

Ne Gjermanine e pas luftes, ne ate perendimore, rreth 90% te administrates se re qe filloi punen ne institucionet e shtetit Gjerman ishin ish-antare te Partise Naziste. Te gjithe vrases te sprovuar.........

PS
Kujdes ndonje nga ju kur ti shkoje mendja te permende Nurembergun, sepse ne Nuremberg oficeret e larte Nazist u denuan sepse kishin shkelur 1) ligjet Gjermane, dhe 2) ligjet nderkombetare per agresion dhe vrasje ndaj shtetasve te huaj. Jane dy raste te ndryshme me ish-komunistet ne shqiperi.

[arber e.grant]

Meqe permend nurenbegun ligjshmeria e gjyqitle per te desheruar nga pikepampja e parimit "Nuk eshte fajtor pa krim.
Dhe fjala krim nenkupton qe vepra te jete parashikuar si kriminale ne momentin e kryerjes (DHE JO ME PAS)

[Fringo]

Do ishte mire qe qeveria ta fillonte dhe nje here kete program per kriminelet sot, se mjaft nejten neper burgje duke ngrit pesha e duke pare Tv E DUKE LEXUAR NE BIBLIOTEKE, DUKE NGRENE NE KURRIZ TE TAKSAPAGUESVE.
Kush denohet me me shume se 5 vjet burg, te cohet ne pune te detyruar, te na kanalizoje ndonje fushe, ose ti punoje bacen atij te cilit i vrau te birin ose dicka te tille krijuese.
Do e shifshe ti, sa do ulej krimi, kur e di qe po re mrena te ngelet fryma ne miniere ose te besh gure te vegjel duke thyer te medhenjte.
Efikase, apo jo?

[Toro]

postuar me pare nga Leshator:

Ish-udheheqesit nuk mund te denoheshin sepse ata vetem zbatuan ligjet e kohes. Ligjet vrisnin dhe jo individet. Ligjet i votonte kuvendi popullor qe zgjidhej nga populli dhe udheheqesit e larte s'kishin pune fare me kete proces.

Per cfare ligjesh e ke fjalen? Ne cilin ligj te Kushtetutes apo te kodit penal shqiptar parashikohej tortura? Ne cilet ligje parashikohej lenia e njerezve ne te ftohte ose ne mes te diellit derisa tu dilte shpirti? Ne cilin ligj te Kushtetutes se RPPSH parashikohej denimi familjar ( burgim ose internim)?
Do thuash ti me cinizmin dhe arrogancen tende komuniste : " Po ja pra pse nuk i denuan?" Sepse kurre ne Shqiperi nuk u vendos drejtesia. Sala me shoke jane njerezit tuaj. Sepse si Sala, si Fatosi dhe "kryetaret" e partive te tjera politike ne Shqiperi jane marionetat qe vuri Ramizi ne 1990.

Sa per Nyrembergun, lere me mire, se nuk merr vesh fare nga historia. Kokat kryesore te regjimit nazist u denuan per :1) Krime kunder paqes, 2)Krime kunder njerezimit 3) Konspiracion kunder paqes 4) Krime Lufte.
DHe sic tha arber e.grant me siper, keto akuza u formuluan ne marreveshjen e 8 gushtit 1945, kurse prokuroria anglo-franko-amerikoano-sovjetike perdori ligjet dhe rregullat nderkombetare te ishin ne fuqi ne kohen e kryerjes se ketyre krimeve.

Pas denimit nga gjykata nderkombetare e ketyre kokave, u erdhi rradha dhe veglave te tyre, te cilat pervec akuzave te mesiperme, perballuan dhe akuza nga gjykatat gjermane te denazifikimit ne baze te ligjeve gjermane.

Po kur vjen puna per kriminelet shqiptare, zotrote del i pari dhe i mbron duke thene "Ashtu ishte koha"...per te justifikuar krime te cilat ti i di. Kur vjen puna qe keta kriminele te dilnin para gjyqit ( qe ua kishin mohuar me mijera viktimave te tyre) del e na thua se nuk i paskan bere keto krime, perderisa impotentet dhe provokatoret qe mbajti Berisha mbas 1992, nuk arriten te provonin ne gjyq. Nuk ishin omoideatet e tu, ata qe mbas 1992 qanin si putanat kur i rreh pimpi dhe kerkonin te mos kene "hakmarrje". Sepse fjala DREJTESI eshte e huaj per zhargonin tuaj komunist. Sepse JU kishit zbatuar ligjin....Cuditerisht "zbatimin" e ligjit ne 1997 ua mohuat kundershtareve dhe i vrate dhe i masakruat....Kjo eshte 'drejtesia" juaj. Drejtesia e horrave, e hajduteve dhe e krimineleve.

[Brari]

Nuk i postova keto kujtimet e ish te burgosurit politik Tanush Kaso qe i boton gazeta Shqiptare per te hapur tem mbi ..a duhen denuar a jo lideret e Shtetit enverist.

Nuk ka asnji vlere me ajo pune sepse kan rrjedhur shum ujra e sot vendi ka tjera probleme.

Kryesore eshte qe te mos ndodhin me ato fenomene..pra te mos kemi me diktatura qe te burgosin mijra e mijra njerez e ti bejne Doktorat me diploma Sorbone e inxhinieret me Diploma Torinoje ose Prage a Peterburgu ne skllever te llojit te piramidave qe te mos kemi me "shancin " te shikojme se sa kenaqen "Leshatoret" e djeshem e te sotshem kur lexojne keto menxyra.

Ne kujtimet e zotit Tanush..(qe do ti uroja dite te qeta e te begatshme qe te kete mundesi te shkruaje me shume per ate epoke) lexova shum emra te burgosurish qe nuk paten fatin te shikojne driten e Lirise.
Mes tyre lexova dhe emrin e nje MJEKU.
Ai pra sic tregon Zoti Tanush vdiq i raskapitur gerxheve te Bregut ne hapjen e taracave..me te cilat mburrej Enveri e Biroja e tije.

Ai Mjek i burgosur kur vdiq nuk ish ne moshen e aksionisteve por ne moshen e Byroistave te asaj Kohe.
Pra ishte dikund tek 50-60 vjecet.
Ai mjek ..historine e familjes se te cilit e njof.. pati nje fat te tmershem familjar..
Kishte mbaruar studimet per Mjekesi dikund ne Universitete te njohura dhe gjat luftes u rreshtua ne levizjen Clirimtare e sherbeu jo vetem si luftar por dhe si MJEK.
Mbas lufte sherbeu si Mjek ne Spitalet ushtarake dhe civile te Shqiperise.
Ishte Baba i 4 femijve kur u arrestua e u denua me mbi 15 vjet burg.
Nuk u mjaftuan me burgosjen e doktorit , baba i 4 femijve te vegjel por mbas disa vitesh futen ne Burg dhe gruan e doktorit..pra Nenen e kater femijve.
Mbeten ne rrug te madhe 4 femije me Baba dhe Nene ne Burg me denime 15-20 vjecare kur keta femije ishin ne moshe per te shkuar ne Shkolle.
E madhja e femijve ishte vajze 12 vjece dhe mbas saje 3 vellezer me te vegjel.
Askush nuk mund ti ndihmonte sepse te gjithe kishin frike te jepnin jo buke e veshmbathje por as dhe nje fjal te ngrohte ketyre 4 femijve me Prinder ne Burg.
Por Njeriu qenka i forte..
Ajo vajza e vogel e bukur si yll e dobet sa mund ta merrte era u be heroine.
U fut ne pune ne bujqesi kur lopata e shati i vinin dy pellembe mbi koke. Nga mengjezi deri ne darke neper hapje kanalesh e prashitje arash punonte e bij e Doktorit e veshur me ato pantallonat e fustanet e shamine mbeshtjelle ne Koke mes vapes e acarit dhe mbrriti ti ushqeje tre vellezerit e vegjel.
Cfar nuk provoi kjo Femije-Burrereshe..nga fyerjet e talljet e zagareve te operativave e deri te ditet pa buke e zjarr..
Te gjitha i perballoi dhe ajo qe i jepte forc ishte se do te kish nje traste me buk tja conte prinderve ne Burgjet e Partise..
Ku nuk brodhi ajo trimereshe me vllezerit e vegjel per dore neper rrug pa rrug hyp me nji karroc e zbrit nga nje Zetor e o burra te shkonte ne orar ne Takimin tek hekurat e Burgut te Babai..pastaj o burra ne nje Burg tjeter ne cepin tjeter te Shqiperise ne burgun e Mamase..
Erdhi dita mbas 20 vitesh burg te te jatit qe ai do lirohej dhe Motra me Vellezer prisnin tu vinte Babai nga Burgu sepse Nena kishte akoma vite burg..por nuk qe fati..i tille te shikonin babane e tyre gjalle mes femijve.. Ai vdiq disa dite para se te lirohej..

..po e le me kaq..

[kacaku basket]

o brari e paske ba te tere gazeten copy paste per daje ne e paske pru ne forum.shkruaj mer dicka qe te kete vlerat e tuaja jo te gazetareve.

ps: te pakten thuaje qe e ke marr te gazeta shqiptare.

[Zarathustra.]

Kush i legjitimizoi torturat??

Qejfi i policit. Ec e vertetoje ti se polici ishte i autorizuar nga lart. Vdiqen 6 shiptare ne shqiperi nga 92 ne 97 nga huri i policise, pa llogaritur ketu qindra e qindra te torturuar, disa dhjetra prej te cileve, politikane, gazetare etj etj. Bardhok Lala, gazetar, ne 1996 u rrah nga policia e shtetit te PD dhe gjysem i vdekur u hodh diku ne kodrat e liqenit. Vetem fakti qe ai u gjet rastesisht i shpetoi jeten atij. Apo keto s’quhen se nuk ishte Enveri ne pushtet?! Ja pra vetem sasia dhe deri diku menyra ndryshon nga Hoxha tek Sala, apo nga dy periudhat dhe aspak qellimi.

Agjitacion e Propagande, vijonte me aplikimin e luftes se klasave, qe parashikonte internim apo burgosje te familjarve. Lufta e Klasave u kendua per 50 vjet rresht ne shqiperi, dhe ishte e kompletuar me paketa te tera ligjesh.

Kur nazistet kryen krimet e tyre ata shkelen ligjet e kohes, dhe per kete u denuan. Ne te gjitha akuzat e tyre gjendet kjo fraze -” in violation of international treaties, agreements, or assurances” Por edhe per kete gjyqi i Nurembergut la shume per te deshiruar dhe sot nuk paraqet aspak nje shembull te ekselences se drejtesise. Ai gjyq ishte larje hesapesh i hapur dhe jo aplikim drejtesie. Por KJO ISHTE KOHA. Sot kete s’te le njeri ta besh. Vete mbi Ameriken, Angline dhe Rusine aplikonin shume akuza qe ata ngriten ne ate gjyq, qe nga bombardimet e civileve ne Gjermani, hedhja e bombes atomike, pushtimi i Iranit nga Anglia ne 41, si dhe kampet e perqendrimit ne Amerike dhe Rusi. Gjyqet e mepasshme per Nazistet ishin te gjithe per pergjegjesi personale, dmth per krime te bera nga vetgjyqesia dhe aspak kur zbatohej nje urdher apo nje ligj. Drejtori i Kampit te Auzhvitz ku vdiqen 3 milione cifute psh nuk u denua aspak bile ishte deshmitar i lire ne Nuremberg.

Ish-komunistet nuk shkelen asnje ligj dhe nuk kishin per cfare te akuzoheshin dhe denoheshin. Nexhmijen e akuzuan fillimisht per terror e genocid, por amerika dhe europa nuk ia quajten PD kete, dhe ata iu drejtuan kafeve dhe bonboneve. Kush eshte ai trushkulur te besoje se Sala dhe PD nuk deshte ti denonte ish-udheheqesit per akuza te tilla te renda, kur Sala edhe sikur nje banane te vidhej ne shqiperi thoshte se e bene Komunistat. Berisha rrezoi qeverine e Stabilitetit pikerisht nen kerkesen absolute per arrestimin dhe burgosjen e Nexhmije Hoxhes.

Une nuk pretendoj se krime nuk jane bere, apo se persekutimi ishte i dicka positive per te miren e shqiperise. Ajo qe them une eshte parimore dhe jo morale apo emocionale. Me normat e drejtesise bashkohore ish-komunistet nuk u hapej dot as gjyq, le me pastaj te denoheshin.

Dhe krimet e komunizmit ne pergjithesi jane krime te shoqerise shqiptare qe kaq fort e mbeshteti ate pushtet per 50 vjet, ku nuk u pa asnje perpjekje serioze per ta permbysur Hoxhen.
Paaftesia juaj per te ballafaquar realitetin, dhe problemet qe ai shtron, per te qene te afte te jepni zgjidhje apo rrugedalje te problemeve reale dhe te presente qe kalon shoqeria shqiptare, ju ben kaq adapt-llagar per tu marre me ish-udheheqesit e fishkur, me Palrat e Lenkrat. Ja keta jane kundershtare tamam te nivelit tuaj, dhe per shqiperise ju I hyni ne pune vetem per tu marre me ish-birone e mbaruar. Shqiptaret e dine mire se jeta e tyre nuk do rregullohet nqs Pali apo Lenka futet ne burg, dhe rendja mbas tyre eshte humbje kohe dhe energjie per dicka te vet-diskriminuar.

1997 ne aspektin e zbatimit te ligjit, ishte njesoj se 1991. Ligji apo ata qe prezantonin ate ishin kthyer ne abuziv dhe i kushtuan shume indivit shqiptar. Dhe nje pushtet qe kaq shume demton ate te cilin ka detyre per te mbrojtur, qytetarin e vet, i jep te drejten qytetarit per ta hequr ate me cdo menyre. Fundi i cdo qeverisje eshte drejtesia, dhe ne 1992-97 drejtesia kishte kohe qe kishte falimentuar dhe degjeneruar ne nivele totalisht te papranueshme dhe drejtperdrejt te demtueshme per qytetarin shqiptar. E vetmja gje qe e mbante ate ne pushtet ishin fajdet, apo parate qyl, kur edhe ato dolen hajdute, cdo arsye per te qene ne pushtet u eleminua dhe kokefortesia per ta mbajtur ate ne ato kushte ishte diktatoriale. Diktaturat nuk ikin ndryshe pervecse me nje revolte te dhunshme. Por ne 1991 revolta e dhunshme nuk ndodhi sepse konfrontimi u evitua nga pushteti dhe u leshua pe, ne 1997 kjo nuk ndodhi. Sic del, edhe Adili dhe Ramizi u treguan politikane dhe diplomate me te afte dhe finoke se bajraktaro-mesjetari Sale dhe kokepalaret e Bjeshkeve te Namuna qe i shkonin nga pas.


Kujtimet e zotit Tanush sado te verteta nuk perfaqesojne asgje integruese, perparimtare dhe konstruktive per shoqerine shqiptare, pervecse mbajne ndezur gjakrat dhe deshiren per larje hesapesh, si dhe e trashegojne ate nder breza. Brezi i te persekutuarve kerkon te laje hesapet me brezin e persekutuesve. I pari ka moralin nga ana e tij, i dyti ka fuqine, dhe pushtetin ekonomik dhe politik. Ky konflikt nuk ka fitimtare. Nqs brezi i ish-te persekutuarve kerkon te integrohet, dhe te ece perpara ne shoqerine shqiptare, ai nuk mund ta beje kete duke demonizuar brezin tjeter qe ne fund te fundit aprovon kete integrim, dhe me te cilin kerkon te ndaje nje shoqeri. Shqiperia nuk ndertohet ne emr te konfliktit dhe as ne emr te larjes se hesapeve, qe ju keni qejf ta quani "drejtesi". 50 vjet Hoxhe duhet ta kemi mesuar kete. E vetmja rrugedalje eshte mbyllja e hesapeve te vjetra dhe ndalimi i referancave tek e shkuara, qe vetem ndjell konflikt dhe urrejtje. Dikush duhet ta kaperceje "padrejtesine" tashme te zhvleresuar nga koha dhe te ece perpara "move on" per nje shoqeri me te mire. Kete here kjo barre u bie viktimave te Hoxhes.

[Toro]

Postuar me pare nga Leshator:
Shqiperia nuk ndertohet ne emr te konfliktit dhe as ne emr te larjes se hesapeve, qe ju keni qejf ta quani "drejtesi". 50 vjet Hoxhe duhet ta kemi mesuar kete. E vetmja rrugedalje eshte mbyllja e hesapeve te vjetra dhe ndalimi i referancave tek e shkuara, qe vetem ndjell konflikt dhe urrejtje. Dikush duhet ta kaperceje "padrejtesine" tashme te zhvleresuar nga koha dhe te ece perpara "move on" per nje shoqeri me te mire. Kete here kjo barre u bie viktimave te Hoxhes.

Larje hesapesh? Kush foli per larje hesapesh? Ish te persekutuarit kerkojne ne rradhe te pare te gjejne varret e te afermeve te tyre se kane kaq vjet se nuk i dine se ku jane. Kerkojne te demshperblehen se u trajtuan si kafshe. Kerkojne djersen e tyre. Kerkojne te denohen ata qe i persekutuan vite me rradhe. Kerkojne tu rikthehen pronat qe ua moren me dhune .KJO QUHET NGA ish -punistet dhe "rozet" e sotem larje hesapesh? Te kerkosh ato qe te takon na mbjellka urrejtje? Dhe kjo qe kelyshet roze te baballarve te kuq te vjedhin dhe te rrjepin njerezit e thjeshte sic bene per 50 vjet rrjesht pa iu futur gjemb ne kembe? Dhe si gjithmone u bie barra dhe kesaj rradhe atyre qe e mbajten per 50 vjet me rradhe! Me pak fjale "sklleverit" e mesiperm duhet te vazhdojne te jene skllever , per hir te shoqerise se mire me kelyshet e kuq, per hir te progresit ( keshtu quhet nga te kuqte vjedhja me te dy duart e pasurise kombetare). Rregullojeni jeten ne Shqiperi zoterinj, po jo me krahet e atyre qe perdoret 50 vjet me rradhe. Rregullojeni Shqiperine ( te cilen ju e shkaterruat) , por me pare tu jepni demshperblimet njerezve( shqiptare jane dhe ata ) per vuajtjet qe u shkaktuat. Rregulloni qejfet dhe pasurite tuaja, por pasi te keni paguar detyrimet morale dhe materiale ndaj bashkeqytetareve tuaj. Deri dje i detyronit njerezit te heshtnn me dhune per hir te "atij progresit" tuaj. Sot i detyroni te heshtin per hir te "progresit" ( sic quhet vjedhja ashiqare, prostitucionet, kontrabandat etj)...Kjo eshte logjika juaj. Logjike qe kane pasur baballaret tuaj per 50 vjet rrjesht. Dhe ashtu si para 50 vjetesh dhe sot, aktualisht, e vetmja gje qe ju i ofroni kombit dhe popullit shqiptar jane vuajtjet, dhuna,mjerimi, injoranca dhe varferia. Dhe perketo "bema" ju kerkoni qe njerezit te heshtin , sic bene per 50 vjet me rradhe....
CONGRATULATIONS!


__________________

[Zarathustra.]

"Ju e shkaterruat Shqiperine?"

Pse o trim kur ka qene mire ndonjehere Shqiperia, qe ta shkaterronte Enveri??
Aq sa investoi, u perpoq dhe derdhi djerse shqiptari ne kohen e Hoxhes, nuk ka per ta pare edhe per nja 150 vjet te tjere. Hoxhes ia hengri koken CILESIA e investimeve, sepse i beri nen ideologjine e gabuar, se po te jete per sasi investimesh dhe dedikimi per progres dhe perparim, Hoxha i ve berrylin te gjitheve.

SIgurisht fjalet e tua, "Ju e shkaterruat, Shqiperine. Ju bete kete keq apo ate keq" jane fjale te nje tadite shterpe te te menduari.

Pushtetin Hoxhes nuk ia fali kush zoteri. Ai e fitoi ate me aftesi, duke luftuar betejen e duhur, duke u rreshtuar ne kahun e duhur dhe duke paraqitur idete e duhura per momentin (panvaresisht se si dolen ato 50 vjet me pas). Pushteti ishte aty per te gjithe, pse nuk e moren ate keta sklleverit e Hoxhes, por ishin kaq te paafte sa te dilte mbi ta nje "injorant" si Hoxha.

Ta them une o trim. Sepse ne cdo moment qe erdhi puna te sakrifikojne interesin personal per shqiperine, ata u hoqen menjane, u fshehen dhe i ben bisht pergjegjesive historike qe i koha i vuri perpara. U kthyen ne lavire apo puatana te cdo xhandari te huaj qe shkeli shqiperine, por kur vinte puna te kontribonin realisht per te miren e saj ata vetem shiten dengla.

Ja edhe ju sot. Shteti i kujtdo parti qofet shqiptar nuk ka para tiu jape. Dhe ju ne vend te shisni mend, dhe dengla, jo po e bere keq, jo po e bere mire, ne vend qe te mbillni urrejtje dhe meri ne shoqerine shqiptare, duke e plogeshtuar ate me vuajtjet tuaja qe nuk kthehen, ne vend qe te mesoni pasardhesit tuaj se si ta shikojne shokun e shkolles apo komshiun si "kelysh komunisti" apo "nipi i spiunit" do benit mire ta shtrengoni mendjen qe ajo tiu pjelle dicka me vlere.

Ne vend te referencave tek e shkuara dhe nje lufte per "drejtesi" qe ju s'keni as potencialin dhe as kapacitetin per ta fituar, dhe qe ndjell sherr e inat ne popull, ne emer te nje te shkuare nga e cila ne duam te shkeputemi nje ore e me pare, dhe qe ju nuk keni lene cep pa e shkruar, do benit ti mbushnit gazetat me alternativa zgjidhjesh apo rrugedaljesh te pranueshme per te gjithe ne Shqiperi.

Por ju jeni te mire vetem per dy gjera. Per te na thene se cfare u be keq, dhe per te na shitur dengla e kerkuar qiqra ne hell. Ja pse per mjerimin tuaj nuk ua ka fajin as Enveri, as Fatosi dhe as Saliu, por natyra dhe mentaliteti juaj qurrash dhe qarraman, qe nuk di kurre te shikoje perpara dhe te aftesohet e ta ktheje veten ne dicka te vlere e integruese per shoqerine qe ne kerkojme te ndertojme.

[Dita]

Kam kerkuar dje me mesazh privat tek njeri nga adminet qe te nderhyje ne kete teme, por sic duket qenka kaq i zene me pune sa te mos i pergjigjet thirrjes sime, ndaj po shkruaj si me poshte.

Orku ka shkruar se ke lesh ne vend te truve Leshator, por une do te guxoja te pohoja te kunderten. Ti je djallezor sikur nje gjakes i vertete, vecse vrases nga ata modernet me fjale elokuente te nje edukate te marre ne nje shkolle te shtrenjte. Perbuzja qe ti ke per pjesen e burgosur e te vrare te popullit shqiptar gjate regjimit te komunizmit eshte e permasave te medha, ndaj per mua eshte e pakuptueshme sesi ty te lihet fjala e lire e nuk te censurohet ne nje forum qe eshte mbareshqiptar dhe jo forum i komunisteve te regjur.

[Fringo]

Dita, pse dhe perbuzjen do tia ndalosh tjetrit ti?
Po ke ata qe e kundershtojne Leshatorin, e ke vene re perbuzjen per ate qe Leshatori perfaqeson?
ka kush i jep xhevap atij, ja Brari dhe Toro, po bejne punen e vet.
Per mendimin tim eshte debat shume interesant.
Pse ca te nenes e ca te njerkes Dita?
Me keto qe the, vetem provon tezen e Leshatorit, qe po te kishte pasur ajo pjesa e te perndjekurve fuqine, do ish sjelle ne te njejten menyre si komunistet.
Akoma me censure ti?
U bej thirrje admineve, te mos nderhyjne me censurim, ose ne se do te censurojne folesit, le ta bejne ate me te njejtat kritere per te gjithe, jo te nisur nga tifozlleku politik i njerit apo tjetrit admin e anetar.
Faleminderit!

P.S. Kur e censuron, ai fiton

[Taulant _NYC]

Postuar më parë nga Dita
Kam kerkuar dje me mesazh privat tek njeri nga adminet qe te nderhyje ne kete teme, por sic duket qenka kaq i zene me pune sa te mos i pergjigjet thirrjes sime, ndaj po shkruaj si me poshte.

Orku ka shkruar se ke lesh ne vend te truve Leshator, por une do te guxoja te pohoja te kunderten. Ti je djallezor sikur nje gjakes i vertete, vecse crases nga ata modernet me fjale elokuente te nje edukate te marre ne nje shkolle te shtrenjte. Perbuzja qe ti ke per pjesen e burgosur e te vrare te popullit shqiptar gjate regjimit te komunizmit eshte e permasave te medha, ndaj per mua eshte e pakuptueshme sesi ty te lihet fjala e lire e nuk te censurohet ne nje forum qe eshte mbareshqiptar dhe jo forum i komunisteve te regjur.

Une nuk jam moderator , por po te perjgigjem thjesht sepse shof nje mangesi ke mesazhi jot . Megjithese nuk jam i sigurt i urren apo jo leshatori te burgosurit politike , nuk eshte aspak e drejte ti heqesh atij apo ndonje tjetri lirine e fjales dhe shprehjen e mendimit te lire . Nuk po mundohem ketu te mbroj idete e tij apo te tuat , por liria e fjales dhe mendimit eshte themeli i cdo shoqerie demokratike. Nqs ti nuk je dakort me mendimin e tij , mund te shprehesh tendin dhe te kundershtosh te tijin me fakte . Une personalisht kam respekt per nje pjese te mire te ish te burgosurve politike dhe famljiet e tyre qe me vertet vuajten gjate regjimit , nje pjese e mire ishin nder intelektualet me te mire dhe me te shkolluar , me me kulture . Per kete jam i sigurt sepse kam njerez ne rethin tim familjar dhe shoqeror qe jane pushkatuar , internuar pa asnje lloj arsyeje . Por ama per nje gje tjeter jam akoma me i sigurt , pas vitit 92 termi " ish i burgosur politik " u abuzua ne kulm , aq sa nuk mund te abuzohej me . Statusi ju dha dhe femijeve te ish krimineleve , te atyre qe ishin denuar per vjedhje dhe krime ordinere , madje dhe nje pjese e atyre qe nuk qen denuar kurre biles kishin qen dhe anetare te PPSH . Fatkeqsisht nga kjo deme paten vetem ata qe vertet ishin te burgosurit politik , ata qe shoqeria Shqiptare duhet ti demshperblente per padrejtesine .
Me respekt
Taulanti .

[Brari]

Leshtor pse po hyn ne kte temen ktu kot.
Une po postoj kujtime te nje te burgosuri te kampeve te Punes te kohes Verit qe i ka gazeta Shqiptare dhe kto kan vlera per Historine. Kush i burgosur politik ka ardhur ne deren e babit tend per te kerkuar nje cop buk qe na derdellis ktu.

Pse flet per "qurraveca" e "investime"...

Eksodi eshte pasqyre per ty dhe babin tend e gjyshin tend qe ju tregon se Enver Hoxha megjith ndihmen e madhe te UNRRAS, Bashkimit Sovietik, Kines etj (akoma eshte shteti yne borxh tek ata) nuk e mbajti dot Shtetin. Edhe se punuan Shqipot qofte ata me biografi te mire qofte me te Keqe perseri Maunja Enverit e Ramizit perfundoj ne det.

E ke lexuar librin e Bashkim Shehut?
Lexoje e shiko si dridhej ajo familje me muaj te tera nga frika e grushtit te Enverit. I kishin sherbyer 45 vjet dhe perseri trembeshin. Pra aty ne Bllok dhe nuk behej fjal per burreri e jo me ne shtepin tende te ndonje drejtori NTSHUSI a shefi Kuadri NSHN-eje.
Me qe je na Pogradeci pse e vrau veten i biri Astrit Co....., vellait te Heroit te Pojskes ? Ishin krushqi ata me Kadri Hazbine e kur godiste Enveri "Armiqte" behej nami deri poshte. I biri i Kadriut vet i vuri vetes tritol e u hodh ne ere.. Nga ambjenti i frikshem qe krijoi PPSH ne Bllok e deri ne Konispol pra e ktu ska gje qe te kujtohet me gezim e lavdi as nga Armiqte e as nga ju qe rastesisht mbetet ne Frontin e Besnikve...
Te kenaqin ty kto gjera?
Ku i gjen ti qurravecet?
Tek ata qe perballuan birucat e ftohta apo tek Babi yt qe dridhej nga ndonje operativ ose hetues.
Me qe nuk je qurravec behu burre e thuaj profesorit ne Shkolle aty ne Amerik qe babi yt e gjyshi kur punonin per Xhaxhin Dulle pergjonin mos ndonje "burgjez" degjonte zerin e Amerikes dhe i fusnin brenda.
Nuk e thoni kte por propogandoni se ..O Amerik e Dashur ne gjithmon ishim me ju ..ne krahun tuaj..qe ne luften anti fashiste e gjithmone ju kemi dashur se ja ambasaden Amerikane e ruajtem per juve..e ja tani ne luft kunder bin ladenit jemi me ju.. etj ..pralla...pa fund.
Pra ju gjithmone jetuat me maska e me maska jetoni sot.

Investimet e Dulles thu ti..

Vertet investoi e po nen sundimin e Partise tije ato investime degjeneruan.
Jo se Ai investoi gabim ose mire ne industri a Bujqesi por ju nomenklatura ishit dembela dhe nuk ditet ta mirmbani ate djers e mund e hekur beton qe u derdh.
"Maloket" ose "Viktimat" ose "qurravecet" qe i quan ti bene Parti e moren Pushtet vetem mbasi Nomenklatura Puniste kapitulloi me gjithcka.
Ti thua asnje perpjekje serioze per ta rrezuar Enverin nuk u be. Po nuk duan lufte te brendeshme nacionalistet dhe demokratet dhe kjo nuk eshte dobesi por pergjegjsi.
Ju me 97-ten as qe pyetet se u rrezikua sovraniteti e qe po ikinin koka njerzish kudo..
Boll te vinit ne Pushtet pa c i q temen se c'behet pas.
3000 vetem ne Vlore te vrare qe ti vazhdimisht ja numron Berishes jane per shkakun tuaj .. per shkak te egersise per te marre shtetin perseri..dhe kte shum mire e dini e kjo nuk eshte Faqe e lavdishme.
Cfare Burrerie ose Trimerie ka treguar Gjyshi yt neper mbledhjet e Partise..asgje.. vetem servilizem e ulje koke e pertypje genjeshtrash.. ka perjetuar ai 45 vjet si militant fanatiko-fshataro-Mokrar a Devolli..se nuk e di..nga je.
Ja tani mbas 60 vjetesh Sofo Lazri guxoi e shkroi se kur ishte coban i ri me krrabe ne malet e Shushices njohu ne prapavijat e luftes nje vajze te bukur shkollare qe vinte nga Tirana dhe me qe ajo flirtoi me nje coban tjeter partizan..u cua tere brigada e Lavdishme luftarako-Cobano-Cjapore e Hyso-Shefqet Peco-Munushve dhe e pushkatuan vajzen e re.
Cfare karakteri ka mbajtur ki Burre me titull profesori 45 vjet neper kolltuqe duke prallisur e genjyer kur ska pas guxim te thote gjys fjale per nje akt Barbar bere nga Shoket e tije dhe ai u ka duartrokitur e sherbier si qen 50 vjet.
Mos kishin ardhur ndryshimet demokratike Ai kurre as sot as mot nuk do guxonte te thosh dy fjale njerzore per mikeshen e tij partizane.
40 vjet e ndaluan "agjenten" e Vatikanit, NEn TEREZEN, te vinte ne Atdhe e te shikonte Nenen e Motren dhe pastaj kur ju erdhi veza ne b-ithe e thirren dhe e priten me "dashuri".
Keto jane hipokrizira mo Leshator e nuk ju takon te etiketoni per "qurravecer" asnje kategori tjeter sepse qurraveclleku eshte veti e juaj genetike.

Shembull i fresket i djeshem..

Para dy javesh nje djal populli qe punonte shofer po hante dreke me te shoqen dhe te birin 4 vjecar. Eja na co ne Klub.. i tha ne CELULAR .. gruaja e Shefit e Ai i ngrati, Genc Sina, la pjaten pergjysem e iku ne sherbim.
Ne rruge kur ndalon makina tek Semafori i del nje Gango dhe e vret. Gango ja ish bashk me nje vajze dhe te dy ja mbathen.
Policia genjeu sa genjeu sepse e dinte kush eshte vrasesi i Shoferit te Prokurorit e sot arrestoi Vajzen ,bashkpuntoren e kapobandes se "HAKMARRJES".
2-3 jave kjo vajze u fshe nga Shteti dhe nuk e denoncoi gangon megjithse gango vrau nje njeri te mire, nje baba, nje shqiptar..
Perkundrazi ajo Vajza..cdo dite zbukurohej e vishej mire e shkonte ne zyre e "punonte".
E sot morem vesh se kush ish kjo vajze. Imelda.. punonjese ne Ministrine e Jashtme..
E kush punon sot ne MINISTRI te Jashtme te Paskal MILO-Dadeve? Sigurisht nje e seres tuaj.
E pra deri ku arrin karakteri i njeriut..
Eshte pjesmarrese ne VRASJE dhe terr syri nuk i ben..
Ky eshte produkti i asaj lagjes ku Banon ORIK SHYTI e ARTA DADE e kjo Imelda e tmerrshme.
ASNJI here ZP nuk ka denuar qoft simbolikisht Jaho Salihin ose Banden HAKMARRJA.
Pra eshte nje Bakrund Kriminal pa njerzillek qe i ben te afte te jene dashnore te nje banditi dhe per interesa te Klases Kriminale nga kan dale jan gati te vrasin cilindo qe u ze shtegun.
Edhe ti jam i bindur se po te ishe aty do e ndihmoje Altinin ose Orikun te zhdukej sepse ska rendesi se vrau 1 e 2 e 3 e 7 njerez.. mjafton se Ai eshte "i Juaji" dhe duhet mbrojtur.
Jemi ne epoken kur kerkohet humanizem ne Shoqeri dhe Shqiperia do vuaj dhe shum kohe sepse ju jeni shume qe u pergatitet genetikisht te jeni...o Sundimtare te eger mbi Popullin RAJA (se ashtu e konsideroni) ose shkaterrues te eger te Shtetit ne se nuk jeni ju nepunes te tije.

Gezojuni kesaj "mbjelljeje" te kujdeseshme qe beri PPSH per 50 vjet dhe korrini frytet sot e mot.

Sa tju shoje kungulli mbi uje beni qejf..

Une jam dakort me ty qe sduhet mbjelle urrejtje e as qe emendoj ate dhe ne jemi me nje anije te gjithe..se jemi shqiptare..
Por duhet pak gjeresinga ish nomenklatura..
Psh ata dhe zyrat i kan zene dhe bizneset dhe gjithcka..
Dje thosh gazeta qe tere sekretaret e Nanos ishin dhe biznesmene ne kompani te ndryshme..
Mendoni se nuk jemi KUAVIT ku Nafta u jep te tereve resurse per jet te mIRE..
Shqiperia eshte e varfer ne se ka egoizem sepse kur FINO-META CACET mbushin Kontot ne Zyrih me Euro-Tendero-Dollare kjo reflekton direkt ..ne baze te parimit te eneve komunikuese qe qindra gra e femije ne BELSH a Kurvelesh ngelen pa BUKE.

Pra duhet pak drejtesi..NGOPUNI dreqi ta haje..
Nuk te them ty po atyre qe i mbron si Balo besnik Terbaci...lol


Tung..

[Toro]

Se sa keq ishte Shqiperia para apo mbas lufte, kete mund ta thone gjysherit e tu, kur italianet me "papijon e me smoking dhe me kepuce llustrafine" qe kishin ardhur ne Shqiperi ne kohen e Zogut kishin nje bastun me maje qe mblidhinin bishtat e cigareve neper rruget e Tiranes. Te njejtet persona mund te te thone dhe per mireqenien dhe liresine e cmimeve qe kishte si para lufte, si gjate luftes.
Tani per sa i perket investimeve qe beri Hoxha! Investoi ne industrine e rende ( i bazuar mbi zhvillimin e industrise se rende ne SHBA) dhe i doli bllof. Shqiperia nuk kishte as treg per te perpire prodhimet me kosto super te larte te ketyre uzinave. Pra me miliarda leke u hodhen poshte. Me miliarda dollare ne vlere materiale dhe ajo djerese njerezish u hodh poshte per "kapriciot" enveriane.
Elektrifikimi i Shqiperise mbaroi ne 1972 ( kjo eshte data faktike, jo data zyrtare kur deklaruan komunistet ne 1971) ndodhi gati 30 vjet mbas clirimit, nderkohe qe shtete fqinje me nivel shume me te ulet se Shqiperia ne 1945, elektrifikimin e kishin mbaruar 2 dekada me pare ( po te permend Greqine, Rumanine dhe Bullgarine).
Mund te them dhe mijera fakte te tjera, po nuk ma lejon koha dhe vendi.

Pushtetin Hoxha e fitoi me ndihmen e jugosllaveve, duke eliminuar bashkepunetoret e tij. Te jesh mizor, i paskrupullt, kriminel,brutal, genjeshtar nuk eshte aftesi politikani, por vetem diktatoresh qe per hir te karriges se tyre personale jane gati te sakrifikojne cdo gje. Te qenit gjakpires dhe kriminel nuk eshte aftesi, perkundrazi pazotesi. Dhe aty qendron e keqja ne Shqiperi, se pushtetin nuk e moren me te aftet, por me dinaket dhe me kriminelet.


Ti dhe askush tjeter,nuk mund te fusni ish te perndjekurit politike ne nje thes dhe ti akuzoni per bashkepunim me pushtuesit. Ishin 10-15 , ja 200 vete ata qe bashkepunuan me italiane e gjermane. Po jua moret shpirtin qindra mijera vetave. Ju asgjesuat bashkepunetore tuajt, njerez krejtesisht te pafajshem, familjare te ndryshem qe kishin afersi me "keta kriminele e xhandare". Sa per te miren e vendit, keta te persekutuar duke punuar si skllever punuan faktikisht, ndersa xhalatet e tyre benin propagande. Eh pra ato investimet e Hoxhes per te cilat mburresh kaq shume u bene ne saje te punes se ketyre te sklleverve bashkekohore, jo ne saje te propagandes qe benin sekretaret e PPSH. Pra llafet dhe denglat i keni bere ju. Ata "qe nuk bene asgje" sipas teje, derdhen djersen dhe gjakun e tyre per Shqiperine.



Shteti nuk paska para tu jape ish te persekutarve? Ok! Jepuni mbrapsht pronat qe kishin. Jepini pasuri shteterore qe ata i ndertuan me gjak e djerse. Por ju nuk eshte se nuk keni. NUk doni. Se po tu ktheni pronat ish pronareve, po tu jepni per demshperblim ish te persekutuarve pasuri shteterore, per barkderrrat tuaj qe nuk ngopen nuk do ngeli gje. Dhe ju pervec mosdaljes ne gjyq per krime e gjenocide, nuk mund te pertypni qe tu lini ekonomine atyre qe masakruat nje jete te tere. Me nje fjale doni dhe pushtetin politik dhe ate ekonomik. Nje luge ne bakllava, nje ne kadaif dmth....Eh jo ashtu Leshator se trasheni ca si shume per tju mbajtur fukarenjte ne kurriz pastaj...Ja ku e ke alternativen pra....Nuk keni para te demshperbleni ....jepni prona ( mos i vidhni vete ).......


Sa per qaramanet, fillo e flit kur te shofesh veten dhe shoket e tu ne pasqyre... Sa trima jeni e pame ne 1998, kur 14 vjecare me kallashnikove vune perpara shtetin tuaj te fuqishem dhe "trimi" Nano perfundoi si leckaman i veshur ne Maqedoni. Iku dhe Zogu ne 1939, po u sulmua nga superfuqi boterore si Italia, jo nga kalamaj 14 vjecare pa iu mbire akoma mustaqja....

[Dita]

JO Taulant dhe Fringo!
Nuk jua pranoj c’keni shkruar, nuk eshte justifikim per ato qe shkruan Leshatori. Pse? Sepse krimi gjakatar 50-vjecar nuk mund te mbrohet dhe nuk mund te justifikohet. Kush e mbron ate ose mundohet t’i zbuse fytyren e vertete eshte bashkefajtor. Ndoshta nuk e dini, por ne Gjermani e Austri askush nuk guxon ta mbroje me ze te larte periudhen e mynxyrte te nazizmit. Gjermanet kane arritur t’i kerkojne falje cifuteve per ate qe iu bene ne kohen e persekutimit te llahtarshem dhe askush qe e quan veten te edukuar nuk guxon te shprehe ne Gjermani apo Austri mendime anticifute te tipit nazist, te cilat sic po i quani ju duhet ne fakt te ishin thjesht nje shprehje e lire e fjales.
Shprehja e lire e fjales censurohet nese ajo godet lirine dhe te drejten e tjetrit. Dhe ne kete rast po shkelet mbi te shkuaren e gjysmes se persekutuar te nje populli. Cfare doni me shume???

[Zarathustra.]

Problemi qendron ketu; qe te luftosh 14 vjecaret me kallashnikov ne dore, duhet te jesh apo te mendosh si 14 vjecar me kallashnikov ne dore. Ne cdo konflikt kundershtari qe zgjedh eshte i nivelit tend, ndryshe je ti ai qe e ul veten ne nivelin e tij, ku sigurisht do humbesh se kundershtari yt ka eksperience aty. Pra Nano evitoi konfliktin, shpetoi jete njerezish. 14 vjecaret dhe kokepalaret bene nje YRYSH ne kryeministri, e dogjen dhe e shkaterruan (e po pastaj?) dhe kur nuk gjeten gje, ngelen me gisht ne goje e me zjarr ne dore nderkohe qe bota i fotografonte dhe i shikonte cfare kafshesh ishin. Civilizimi dhe miresjellja zoteri nuk eshte dobesi. Udheheqesit dalin te suksesshem atehere kur dine se kur te luftojne, dine se kur te bejne politike dhe dine se kur ta dredhin. Ne 98 dikujt i takonte ti bente bisht konfliktit dhe kjo ishte detyra e me te pjekurit dhe me te mencurit. Sikur kjo te ndodhte ne 97 ne nuk do kishim perjetuar ate katastrofe.

Nejse mjaft me kete.

Mqs ne ketu po diskutojme veprat e ngritura ne ate kohe dhe kontributin e ish-te burgosurve politike ne to, une po fokusohem pak aty.

Se pari keto vepra nuk u ndertuan per te qene te falimentuara, dhe te dilnin me humbje. Sic te thashe falimentimi ekonomik eshte i pranishem ne cdo lloj sistemi. Cfare ti thua ne esence eshte se planifikimi ekonomik i Hoxhes ishte i deshtuar dhe kete e pranojne te gjithe. Por le te ndertonte Berisha dy uzina edhe pse te falimentuara, e le ti arrinte objektivat 1 apo 2 vjet me pas sic beri Hoxha me elektrifikimin, pa ne djalle te veje fakti se ato nuk jane fitimprurese, te pakten do ti japim kredi se u perpoq dhe u mundua sa mundi. Shqiperia ne 1960-1974 ishte shteti me rritjen ekonomike me te larte ne ballkan, edhe pse ajo nuk pranoi planin Marshall dhe edhe pse ne 1945 ishte 100 vjet pas, cdo vendi tjeter jo vetem ekonomikisht por edhe nga ana sociale dhe kulturore. Enver Hoxha te pakten justifikohet e mund te thote se ate e falimentoi ekonomikisht komunizmi, po Saliun qe mori 2 miliarde dollare cfare e falimetoi, se kapitalizmi u provua i suksesshem ekonomikisht?

Deshimia e autorit ketu thote se ata kane punuar si kafshe ne industrine e Hoxhes. A mos valle ne qe ishim jashte kemi dredhur zinxhirin dhe nuk i kemi dhene asgje atij vendi?? Cfare do te thote te lutem fakti se keta njerez kane punuar ne kushte te keqija? qe ne te tjeret kemi punuar ne kushte te rehatshme?? dhe per kete duhet ti mohojme vetes cdo vlere apo kontribut ne ate shoqeri?? Dhe mqs ata kane punuar ne kushte te keqija atyre u takon shume kompesim kurse te tjeret qe kane punuar ne kushte me pak te keqija u takon berryli??

Nqs autorit i digjet shpirti per ate shfrytezim, pse nuk shkruan valle dy rreshta ai per fushaten e shkaterrimit dhe mohimit qe ndermoren xhahilo-kokepalaret e PD ne 92 nen titullin "Ta shkaterrojme se e kane bere komunistat". Te pakten Hoxha i shfrytezoi keta njerez per te ndertuar dicka, kurse ne 92 emri dhe vuajtjet e tyre u perdoren per te shkaterruar gjithcka.Ku shkoi mundi dhe sakrifica e tyre ne 1992?

Mbas komunizmit shqiptaret dolen njesoj te vuajtur te gjithe. Askush nuk doli i pasur prej tij, dhe shteti ishte pergjegjes per te gjithe dhe jo vetem per ata qe persekutoi komunizmi. Ne nje situate te tille te aplikoje kthimin e plote te pronave, pra nje politike te djathte shume te eger, do te thoshte te lije me gisht ne goje dhe pa asnje mjet jetese 2/3 e shqiptareve (fshataresine). Dhe kur mendon ketu se ish-pronaret skishin para per te investuar fuqishem ne pronat e marra mbrapsht per te punesuar njerez, dhe se kultura e tyre ne biznes ishte zero, shperdarja e te ardhurave do ishte kaq e thelle ne shqiperi saqe do conte ne nje krize me te madhe akoma te ngjashme me ate te 29-32 ne amerike (dmth dy kriza te shtuara tek njera tjetra).

Krimi me i madh qe iu be ketyre njerzve mbas Hoxhes eshte abuzimi i tyre per interesa politike nga PD. Ata nuk u ndihmuan qe te ndihmonin veten, por u perdoren si monedhe per te ndihmuar PD. Ne vend qe ata te aftesoheshin per tu integruar dhe qene te suksesshem ne shoqerine shqiptare atyre iu mpi mendja dhe shpirti me politiken e ndyre te PD, qe vetem i plogeshtonte ata duke i treguar se sa shume kishin vuajtur, dhe duke i ndjelle kunder klases tjeter te shqiptareve, ne nje lufte qe atyre nuk i duhej dhe qe ata nuk e fitonin dot. Ata ishin si ujet e paket, por me identitetin e tyre u abuzua dhe u manipulua ne menyrat me te paskrupullta. Ata vuajten per nje shqiperi ku shqiptaret bashkjetojne dhe jetojne ne paqe e harmoni edhe pse mendojne ndryshe, ne nje shqiperi ku nuk ka larje hesapesh dhe mohime totale vlerash, sic beri Hoxha mbas 45 kur i mohoi meritat dhe lahu hesapet me kedo qe nuk u pajtua me te. Por ne 92 ndodhi po e njejta gje. Dhe figura e te peresekuturit me poshterine me te madhe u vu ne rradhen e pare te ketij konflikti, nga pseudo- te persekutuarit, krijesa te PD, kur ata duhet te ishin simbolet e paqes. Keshtu shqiptaret do ta kuptonin vertet diferencen e tyre nga sistemi katil i Hoxhes.

Nuk ka gje me te ndyre. Cdo gje u nda dhe nuk bashkjetoi dot ne kohen e atij kafshes Dr Rrumpalles. Ashtu si PD edhe te persekutuarit u ndane (ne dy shoqata), veteranet po ashtu, cdogje, ideal apo qellim i paster dhe i cilter u shqye dhe u nda ne ate kohe. Keta te persekutuar nga PD nuk u trajtuan aspak si kundershtare te denje te Hoxhes por si viktima te tij, si njerez te mire vetem per tu persekutuar dhe abuzuar. Atyre nuk iu dha asnje fije dinjitet por u perdoren si lolo duke i hedhur kocken e larjes se hesapeve me ish-birone, kur shpetimi i tyre u kerkua tek burgosja e Palit, Myftiut apo Lenkes dhe jo tek integrimi i tyre.

Prej tyre u ndertua nje kundershtar qe luftoi kunder ish- te privilegjuarve te Hoxhes qe tashme ishin profesoret me te mire, shkencetaret me te mire, profesionistet me te mire, por edhe kapitalistet me te suksesshem. Dhe ne vend qe ish te perndjekurit te viheshin e te bashkpunonin me keta per te miren e tyre, dhe te gjithe hsoqerise shqiptare ata u nxiten ti luftonin e ti urrenin keta ne nje lufte te pashprese.
Mekat, 100 here mekat.

[lis]

Sistemi yne ka kapitulluar perballe atij kapitalist, ndaj jemi te detyruar te ndryshojme strategji. Kjo strategji do te synoje ne dy drejtime:

1. Në respektimin e të drejtave të njeriut
2. Në krijimin e pluralizmit politik

Të drejtat e njeriut janë diçka brenda nesh dhe mund të abuzohet me to deri diku, por pluralizmi do të bëhet se s'bën.
Kundërshtarët tanë do t'i nxisim që të krijojnë parti sa të duan; të majta, të djathta dhe të qendrës, por gjithsesi këto parti duhet të kontrollohen e të drejtohen nga Ne.Programet e themelimit të këtyrepartive, do t'i formulojmë dhe do t'i miratojmë^Ne.Në krye të këtyre partive, duhet tënxirren njerëz që të përkrahin
Strategjinë Tonë.Partia që do të marrë pushtetin, do të shajë komunizmin në themel e në çati.
Në këtë mënyrë do të fitojmë Simpatinë e Perëndimit dhe të Disidencës Antikomuniste.
Ata që janë nëpër burgje të dënuarit dhe të persekutuarit politikë antikomunistë, do të flasin për ne dhe do të na shajnë. Dhe këta dihet
që e urrejnë komunizmin, por do të na afrohen e do të na përkrahin. Neve na intereson karta mprale e tyre. Këta do t'i afrojmë dhe do t'u
japim punë të parëndësishme; por kurrë nuk do t'i. lëmë të na marrin pushtetin, sepse Ata, sa të marrin fuqinë, do të fillojnë të hakmerren
dhe Ne, kështu, do të bëhemi Yzmeqare te tyre.
Në zbatim të të drejtave të njeriut, duhet që t'u japin një letër në dorë, që "t'u njihet prona" por asnjëherë nuk dp t'ua japim Pronën. e Tyre,
dhe, në forma të ndryshme, do t'i ngatërrojmë me njëri - tjetrin. Ata do të kalojnë nëper gjykata, ku do të zbatohet Rotacioni nga Gjykata e Shkallës së_Parë në te_Dyjën dhe, "difekte teknike", do të kthehen përsëri në të Parën.
Të burgosurit dhe të persekutuarit janë
të moshuar, nuk kanë fuqi dhe janë te parrezikshëm. Duhet të kemi kujdes nga femijët e tyre. Por këta, duke iu dhënë nga një pashaportë dhe duke u bërë presipn, do t'i largojmë nga
Shqipëria. Ata që do të pretendojnë,
kundërshtojnë apo do të këmbëngulin, do të lëndohen e do të ndëshkohen. Pasuria etyre na përket Neve, se Ne e bëmë. Materialin që më dërgoi
Gorbaçovi, kam dy vjet që e studioj.Ata(sovjetikët) kanë ecur shumë përpara. Për këtë, Ju jeni në dijeni sikundër edhe i kemi diskutuar më parë këto probleme. Neve kemi kuadro sa për shtatë komitete qëndrore, ndaj nuk ka asnjë
arsye që të kemi frikë. Ne i kemi studimet dhe platformat gati për zbatim. Do të ketë shumë intelektualëqë do të na kundërshtojnë, por këtyre
do t'ua mbyllim gojën dhe do t'u japim nga një copë punë. Një shqetësim mund të na krijojnë intelektualët pensionistë. Këtyre do t'u ofrojmë
krijimin e Shoqatës së Veteranëve të Luftës dhe të Punës, pastaj do t'u japim nga një minipension dhe do t'u mbajmë ison.

Kosova është në pragun e shpalljes së
Kushtetutës.
Le të bëjnë si të duan, sepse Ne kemi
platformën tonë.

Çdo gjë e kemi të programuar.Strategjinë e keni që të gjithë të qartë. Në përputhje me këtë strategji, kemi përcaktuar edhe rrugët për zbatimin e qëllimit dhe të misionit tonë. nën një propagandë ekstreme kundër komunizmit dhe me disa ndëshkime të vogla, sa. për _sy_e_faqe, ndaj Nomeklaturës së Lartë Komuniste, Ne, "Komunistët Reformatorë", do të zbatojmë Strategjinë Tonë në Ekonomi, sipas së cilës Kapitalistët dhe Pronarët e Ardhshëm në një vend socialist, të jemi Ne dhe Njerëzit Tanë. Me këtë strategji, brenda dy - tre legjislaturave, do të arrijmë që nga Klasa Komuniste të krijojmë Klasën Kapitaliste, e cila do të na përjetësojë në Pushtetin Politik të së Ardhmes që e kemi planifikuar dhe po e përgatisim Vetë.
Të jemi të sigurtë që e Ardhmja do te, jetë e Jona.Kurrë nuk do të lejojmë restaurimin e pushtetit politik të armiqve tanë.E ardhmja e femijëve tanë do të jetë e mrekullueshme, për këtë kemi derdhur kaq Gjakjdhe do të derdhim, persëri. potë jetë nevoja. Shqipërinë do ta gëzojmë Ne dhe Femijët tanë. Nëse do të ndodhë që të na marrin pushtetin dhe të na rrezikojnë, atëherë haram na qoftë nëse nuk do të dijmë t'i mbroimë Fitoret e arritura, qoftë edhe me grykën e pushkës, si_dikur, në Rininë tonë 'Prandaj, gjithmonë të jemi të përgatitur per të dyja rrugët e mbajtjes së pushtetit; rrugën paqësore dhe rrugën e luftës së armatosur.Ne jemi përgatitur për të dyja rrugët dhe për
kete këmi organet tona të dhunes dhe
njerëz tepër të vendosur e të aftë, që i
kemi përgatitur gjithë këto vite, me mund dhe sakrifica. Mjerë Ata që dotë guxpjnë te na dalin përpara e të na_kundërvihen. Ndaj mbajeni moralin lart dhe mos u frikësoni. Nëse lind nevoja do të kemi edhe mbështetjen e aleatëye të jashtëm ideologjikë në pushtet, të cilët nuk është nevoja t'ua përmend.
Pavarësisht problemeve që na ndajnë me ta, kini parasysh se na bashkon kauza jonë e përbashkët, që është pushteti i komunistëve, pavarësisht nga nuancat dhe diskordancat e përkohëshme. Përveç aleatëve ideologjikë, nëse do të lindë nevoja, do të kemi edhe mbështetjen e Aleatëve të tjerë në Perëndim, me të cilët kemi ruajtur fijet_e_lidhjeve të vjetra, për hir të interesave të mëdha. Shoku_ Enver dhe Unë, i kemi ruajtur këtolidhje të domosdoshme dhe jetike, që, në fund të fundit, garantonin pushtetin tonë popullor, të cilin do ta ruajmë si sytë e ballit, edhe tani. edhe në të ardhmen. dhe përgjithmonë, pavarësisht nga rrethanat e vështira aktuale, ndaj, sido që të rrokullisen punët, ujë do të rrjedhë në Mullirin Tonë. Për këtë jeni të garantuar, sot dhe përgjithmonë.
Kërkoj nga Ju që të shtrëngoni rradhët dhe të mos dekurajoheni nga këto situata të vështira që po kalojmë, sepse, në fund të fundit rëndësi ka Pushteti, që do të jetë përjetësisht i Yni. Ju ftoj punë të mbarë, mobilizim dhe mendje të kthjellët. Mbajeni mënd; Fitorja dhe Pushteti do të jenë përjetësisht tonat. Do të bisedojmë dhe do të vendosim përsëri, në përputhje me evolimin e situatave. Punë të mbarë. Me kaq mbledhja mori fund. Ditën e mirë dhe mirupafshim.



Burimi "Plaga" korrik 2002