Vendim Kanunor Kishtar i at Nikolla Xhufka

[Besimi Dardani]

Ne nje postim ne facebook At Nikolla Xhufka shkruan:
Vendim Kanunor Kishtar! 🔴
Me vendim të Këshillit të Kishës Ortodokse Kombëtare Shqiptare dhe me bekimin e kreut të Kishës sonë, zotit at Nikolla Xhufka, është vendosur:
1- Kisha jonë mallkon kishen serbe dhe kreun e saj, Patriarkun Profire.
2- Ndarja kanunore me çdo kishë serbe në Serbi ose në mbarë botën.
3- Shpalljen heretik të çdo kleriku serb.
4- Mosnjohjen e kishës serbe si kishë paqësore të krishterë.
5- Mosnjohjen e asnjë dokumenti që lëshohet nga kisha serbe (certifikata pagëzimi, kurorëzimi etj.)
6- Ndalimin e hyrjes se çdo prifti serb në kishën shqiptare.
Ky vendim hyn në fuqi menjëherë.

[Albo]

Mitropolia e Shenjtë e Elbasanit, Shpatit dhe Librazhdit,

Deklaratë.

Zoti Jisu tha: “Në të vërtetë, në të vërtetë po ju them: Ai që nuk hyn nëpër derë të vathës së deleve, por ngjitet nga një anë tjetër, ai është vjedhës dhe kusar.” Ungjilli sipas Joanit 10:1.

Këto ditë u informuam përmes mediave televizive lokale dhe rrjeteve sociale për “vizitën” e papritur në qytetin e Elbasanit, të një personazhi sa enigmatik aq edhe qesharak, i prezantuar si “Kryepeshkopi i Rumanisë” i kalendarit të vjetër për të gjithë vllenjtë në botë me emrin Vasic Moisije.

Personi në fjalë kryen një “ceremoni” fetare të çuditshme në qilarin e shtëpisë së mikpritësit të tij Nikolla (Bllazhde) Xhufka, që ky i fundit kërkon ta paraqesë si “kishë katakomb”, e në fund të saj, nën flamurin kombëtar të Rumanisë varur në murin e shtëpisë pretendohet se tashmë Nikolla është dorëzuar “prift” prej tij.

Një skenë e tillë do të ishte e përshtatshme për një komedi satirike, por fatkeqësisht gjithçka kryhet nën emrin e ortodoksisë dhe të simboleve të shenjta që Kisha jonë Ortodokse i ruan me aq fanatizëm dhe i nderon me përkushtim. Gjithçka e paraqitur dhe kryer aty nuk ka asgjë të shenjtë dhe kanonike, përkundrazi, provokojnë vetëm indinjatë dhe zemërim tek besimtarët dhe kleri ortodoks në Shqipëri.

Kleriku në fjalë, prezantuar si “Kryepiskopi i Rumanisë”, i cili bën deklarata në gjuhën serbe, me flamurin e Rumanisë në sfond, si përfaqësues i vllenjve dhe jep leksione atdhetarie për shqiptarët, është jo vetëm një ironi e tepruar, por sinjalizon dhe një rrezik të përfshirjes së çështjeve politike me sfond fetar dhe axhenda të dyshimta në zemër të vendit tonë, në qytetin e Elbasanit.

Shprehim keqardhjen tonë, që në këtë rrugë të gabuar dhe të rrezikshme, është përfshirë i riu Nikolla (Bllazhde) Xhufka, i cili ka qenë për një kohë pranë Kishës sonë, ende pa mbushur moshën e duhur, pa arsimimin fetar, injoron dhe shkel katërçipërisht kanonet dhe rregullat e Kishës Orthodhokse, kërkon të prezantohet si klerik dhe prift ortodoks!

Ju bëjmë me dije; besimtarëve ortodoksë të Mitropolisë tonë të Elbasanit, Shpatit dhe Librazhdit, autoriteteve dhe institucioneve vendore, komuniteteve të tjera fetare dhe opinionit të gjerë publik se: Nikolla (Bllazhde) Xhufka nuk konsiderohet klerik dhe as prift nga ana e Kishës Orthodhokse Autoqefale të Shqipërisë. Dorëzimi i tij konsiderohet i pavlefshëm dhe në kundërshtim të hapur me Kanonet e Kishës Orthodhokse.

Gjithashtu, ju kërkojmë organeve kompetente ligjore dhe administrative, që ta shohin me shumë vëmendje këtë incident dhe të ndjekin sipas kompetencave që u jep ligji dhe detyra, që fenomene të tilla të përçarjes me bazë nacionaliste, fetare dhe politike të merren seriozisht në konsideratë dhe të parandalohet përshkallëzimi i tyre.

Mbarëvajtja e Kishës Orthodhokse Autoqefale të Shqipërisë nuk mund të jetë në dorën e një personi anonim dhe as të një aventurieri djaloshar, të cilët për ambicie e delire personale janë të gatshëm të përfshihen në lojëra dhe axhenda të rrezikshme me pasoja të rënda për Kishën dhe vendin tonë.

Mitropolia e Elbasanit, Shpatit dhe Librazhdit, drejtohet prej disa vitesh nga Imzot Andoni, një shqiptar i formuar me edukim fetar dhe të përgjithshëm, i cili me devocionin dhe përkushtimin e tij gëzon respektin dhe vlerësimin e besimtarëve dhe të gjithë shoqërisë sonë në Elbasan dhe në mbarë vendin. Përpjekjet për të përçarë Kishën Orthodhokse, edhe në këtë rast, me hirin dhe ndihmën e Zotit, do të dështojnë. Amin.

Burimi: KOASH

[Besimi Dardani]

Mitropolia e Shenjtë e Elbasanit, Shpatit dhe Librazhdit,

Deklaratë.

Zoti Jisu tha: “Në të vërtetë, në të vërtetë po ju them: Ai që nuk hyn nëpër derë të vathës së deleve, por ngjitet nga një anë tjetër, ai është vjedhës dhe kusar.” Ungjilli sipas Joanit 10:1.

Këto ditë u informuam përmes mediave televizive lokale dhe rrjeteve sociale për “vizitën” e papritur në qytetin e Elbasanit, të një personazhi sa enigmatik aq edhe qesharak, i prezantuar si “Kryepeshkopi i Rumanisë” i kalendarit të vjetër për të gjithë vllenjtë në botë me emrin Vasic Moisije.

Personi në fjalë kryen një “ceremoni” fetare të çuditshme në qilarin e shtëpisë së mikpritësit të tij Nikolla (Bllazhde) Xhufka, që ky i fundit kërkon ta paraqesë si “kishë katakomb”, e në fund të saj, nën flamurin kombëtar të Rumanisë varur në murin e shtëpisë pretendohet se tashmë Nikolla është dorëzuar “prift” prej tij.

Një skenë e tillë do të ishte e përshtatshme për një komedi satirike, por fatkeqësisht gjithçka kryhet nën emrin e ortodoksisë dhe të simboleve të shenjta që Kisha jonë Ortodokse i ruan me aq fanatizëm dhe i nderon me përkushtim. Gjithçka e paraqitur dhe kryer aty nuk ka asgjë të shenjtë dhe kanonike, përkundrazi, provokojnë vetëm indinjatë dhe zemërim tek besimtarët dhe kleri ortodoks në Shqipëri.

Kleriku në fjalë, prezantuar si “Kryepiskopi i Rumanisë”, i cili bën deklarata në gjuhën serbe, me flamurin e Rumanisë në sfond, si përfaqësues i vllenjve dhe jep leksione atdhetarie për shqiptarët, është jo vetëm një ironi e tepruar, por sinjalizon dhe një rrezik të përfshirjes së çështjeve politike me sfond fetar dhe axhenda të dyshimta në zemër të vendit tonë, në qytetin e Elbasanit.

Shprehim keqardhjen tonë, që në këtë rrugë të gabuar dhe të rrezikshme, është përfshirë i riu Nikolla (Bllazhde) Xhufka, i cili ka qenë për një kohë pranë Kishës sonë, ende pa mbushur moshën e duhur, pa arsimimin fetar, injoron dhe shkel katërçipërisht kanonet dhe rregullat e Kishës Orthodhokse, kërkon të prezantohet si klerik dhe prift ortodoks!

Ju bëjmë me dije; besimtarëve ortodoksë të Mitropolisë tonë të Elbasanit, Shpatit dhe Librazhdit, autoriteteve dhe institucioneve vendore, komuniteteve të tjera fetare dhe opinionit të gjerë publik se: Nikolla (Bllazhde) Xhufka nuk konsiderohet klerik dhe as prift nga ana e Kishës Orthodhokse Autoqefale të Shqipërisë. Dorëzimi i tij konsiderohet i pavlefshëm dhe në kundërshtim të hapur me Kanonet e Kishës Orthodhokse.

Gjithashtu, ju kërkojmë organeve kompetente ligjore dhe administrative, që ta shohin me shumë vëmendje këtë incident dhe të ndjekin sipas kompetencave që u jep ligji dhe detyra, që fenomene të tilla të përçarjes me bazë nacionaliste, fetare dhe politike të merren seriozisht në konsideratë dhe të parandalohet përshkallëzimi i tyre.

Mbarëvajtja e Kishës Orthodhokse Autoqefale të Shqipërisë nuk mund të jetë në dorën e një personi anonim dhe as të një aventurieri djaloshar, të cilët për ambicie e delire personale janë të gatshëm të përfshihen në lojëra dhe axhenda të rrezikshme me pasoja të rënda për Kishën dhe vendin tonë.

Mitropolia e Elbasanit, Shpatit dhe Librazhdit, drejtohet prej disa vitesh nga Imzot Andoni, një shqiptar i formuar me edukim fetar dhe të përgjithshëm, i cili me devocionin dhe përkushtimin e tij gëzon respektin dhe vlerësimin e besimtarëve dhe të gjithë shoqërisë sonë në Elbasan dhe në mbarë vendin. Përpjekjet për të përçarë Kishën Orthodhokse, edhe në këtë rast, me hirin dhe ndihmën e Zotit, do të dështojnë. Amin.

Burimi: KOASH

Albo tani ju jeni pro apo kunder asaj qe ndodhi ne Kosove ?

[Albo]

Albo tani ju jeni pro apo kunder asaj qe ndodhi ne Kosove ?

Unë jam pro të vërtetës dhe kundër gënjeshtrës. Pro paqes dhe kundër luftës.

Dhe njeriu që ti na e ke sjellë në forum si "peshkop" nuk është gjë tjetër veçse një sharlatan çoban me gjak rumuni e jo shqiptari.

Shqiptarët orthodhoksë autoktonë u kanë vënë emrin këtyre minoritarëve të ardhur nga Rumania në Shqipëri për të ruajtur bagëtitë në male, si "çobenë".

Sot çobenët e Elbasanit dhe të Shqipërisë na hiqen më patriotë se orthodhoksët me gjak shqiptari.

Ajo që ndodhi në Kosovë nuk ka lidhje me Kishën apo me fenë. Ajo që ndodhi në Kosovë ka prapaskenë politike. Dhe të gjithë shqiptarët që i japin konfliktit politik ngjyra fetare, janë duke rënë në kurthin e politikave të Beogradit.

Albo

[Albo]

[Albo]

Dy priftërinj ortodoksë shqiptarë akuzohen në Kosovë për meshë në “kishën serbe”

Dy priftërinj ortodoksë shqiptarë pretenduan juridiksion mbi një kishë të pashfrytëzuar në verilindje të Kosovës, duke zemëruar Kishën Ortodokse Serbe.

Nga Përparim Isufi



Prokuroria Speciale e Kosovës njoftoi të martën një padi kundër dy priftërinjve ortodoksë shqiptarë – Niko Bllazhde, i njohur më mirë si Nikolla Xhufka, dhe Lejdi Zagalli – me akuza për nxitje të urrejtjes kombëtare, fetare dhe etnike që rrjedh nga një hyrje pa leje në një kishë ortodokse serbe të pashfrytëzuar në nëntor të vitit të kaluar.

Bllazhde dhe Zagalli dyshohet se kanë mbajtur një liturgji në kishën në verilindje të Kosovës dhe kanë paralajmëruar Kishën Ortodokse Serbe se rrezikon “zjarret e ferrit” nëse përpiqet të ndërhyjë.

Pas ngjarjes, Bllazhde ka bërë të ditur në Facebook se “kisha 500-vjeçare tashmë mban emrin ‘Fan Noli' dhe është nën juridiksionin e Kishës Kombëtare Ortodokse Shqiptare ‘Shën Kozmai' të Elbasanit”. Bllazhde ka lindur në Elbasan, në Shqipërinë e mesme.

Dioqeza Rashkë-Prizren e Kishës Ortodokse Serbe denoncoi veprimet e tyre, duke thënë se mësymja ishte një “akt kriminal” dhe “një tjetër në serinë që synon uzurpimin e trashëgimisë shpirtërore dhe kulturore të Kishës Ortodokse Serbe në Kosovë”.

“Dioqeza Rashkë-Prizren ka vite që e ka theksuar procesin e përvetësimit kulturor të trashëgimisë sonë”, thuhet në të. “Ky incident i fundit konfirmon pretendimet tona, këtë herë në një mënyrë të pamohueshme dhe jashtëzakonisht shqetësuese.”

Në një deklaratë për Kosova Online, tre ditë pas liturgjisë, Kisha Ortodokse Shqiptare u distancua nga Bllazhda, duke e quajtur atë “mashtrues dhe një person që nuk është prift”.

Sipas prokurorëve, të dy personat i kanë mohuar akuzat.

BIRN

[Albo]

Nikolla Xhufka, kleriku ortodoks shqiptar i vetëshpallur, nxit polemika në Kosovë

Një burrë shqiptar pretendon se drejton "Kishën Ortodokse të Kosovës" nga një çerdhe e dikurshme në qendër të Prishtinës, por autoritetet ortodokse serbe dhe shqiptare thonë se ai nuk është gjë tjetër veçse një mashtrues.

Nga Serbeze Haxhiaj


Nikolla Xhufka brenda Kishës Ortodokse të sapothemeluar të Kosovës në Prishtinë. Foto: BIRN.

Në një rrugë të ngushtë në qendër të Prishtinës, në atë që dikur ishte një çerdhe private, Nikolla Xhufka pretendon se ka themeluar Kishën Ortodokse të Kosovës. Ai e quan atë “shtëpia e Zotit dhe e së vërtetës”. Por jo të gjithë e besojnë atë.

Kosova, që dikur ishte një krahinë jugore e Serbisë, njeh vetëm një Kishë Ortodokse brenda kufijve të saj – Kishën Ortodokse Serbe, e cila zotëron dhjetëra kisha dhe manastire shekullore në të gjithë vendin e vogël.

Kosova është me shumicë shqiptare dhe shumica e shqiptarëve janë myslimanë, megjithëse ka edhe besimtarë katolikë dhe ortodoksë. Pakica serbe është në shumicë dërrmuese ortodokse.

I etiketuar si mashtrues nga Kisha Ortodokse e Shqipërisë, nga e cila ai e ka origjinën, Xhufka nuk duket të jetë i lidhur me asnjë institucion të njohur ortodoks, dhe në një intervistë për BIRN refuzoi të specifikonte se nga i siguron fondet për ambientet e shtrenjta në kryeqytetin e Kosovës, që i ka zënë që nga prilli.

Prokuroria publike në Kosovë po e heton Xhufkën për dyshime për keqpërdorim dhe përdhosje të objekteve fetare dhe për nxitje të urrejtjes fetare dhe etnike. Veprimet e tij rrezikojnë të ndezin më tej tensionet fetare dhe etnike, por Xhufka tha se nuk do të tërhiqet.

“Kemi 5,000 ndjekës dhe po u themi shqiptarëve të dalin nga errësira”, tha ai për BIRN.

I arrestuar për hyrje keqpërdorim të kishës


Një kishë ortodokse e papërdorur në Rakinicë ku Nikolla Xhufka mbajti një shërbesë pa leje. Foto: Dioqeza Rashkë-Prizren

I lindur si Niko Blazhde në rajonin qendror të Elbasanit, Xhufka u bë lajm kur ai dhe disa ndjekës të tij hynë në një kishë ortodokse serbe të braktisur në fshatin Rakinicë, në verilindje të Kosovës, më 28 nëntor 2023, në Ditën e Pavarësisë së Shqipërisë, dhe mbajtën një shërbesë fetare. Ndjekësit e tij mbanin flamuj me simbole nacionaliste shqiptare, duke shkaktuar një reagim të ashpër nga Kisha Ortodokse Serbe.

“Nuk e dija që kjo kishë ekzistonte”, tha Xhufka.

“Në Elbasan, ku jetoja, disa ish-banorë të këtij fshati që kishin ardhur nga Kosova më kërkuan të mbaja një meshë dhe më thanë se donin që kjo kishë të kalonte në varësi të Kishës së Elbasanit.”

“Ne duam kishat që historia thotë se janë tonat”, tha ai për BIRN.

Gjashtë muaj pas hyrjes në kishën e Rakinicës, afër Podujevës, policia e Kosovës arrestoi Xhufkën; ai u mbajt në paraburgim për tre ditë dhe më pas u lirua.

Xhufka mohoi se ishte arrestuar vërtet.

“Policia nuk më arrestoi”, tha ai. “Më thanë të mbaja duart nën rroba që të dukej sikur isha me pranga.”

Muajin e kaluar, misioni i OSBE-së në Kosovë dënoi atë që e quajti “hyrja e tretë e paautorizuar” e Xhufkës në të njëjtën kishë ortodokse.

“Të tilla veprime minojnë të drejtat e komuniteteve fetare të njohura për të menaxhuar lirshëm vendet e tyre të adhurimit dhe për të ruajtur pronën e tyre pa ndërhyrje”, shkroi misioni në Facebook. “Kisha Ortodokse Serbe, si të gjitha komunitetet fetare në Kosovë, ka të drejtën për mbrojtje ligjore.”

“Kthejmë faqen tjetër”


Nikolla Xhufka jashtë zyrës së Kishës Ortodokse të Kosovës në Prishtinë. Foto: BIRN.

Edhe përpara përplasjes me policinë e Kosovës, Kisha Ortodokse e Shqipërisë e kishte denoncuar Xhufkën si mashtrues, duke kundërshtuar pretendimin e tij se kishte përfunduar studimet në teologji dhe duke thënë se në të vërtetë ai kishte mbaruar një shkollë profesionale për teknologji ushqimore.

Xhufka, tha ajo në vitin 2022, “nuk është klerik ortodoks dhe nuk njihet si i tillë nga asnjë Kishë e Krishterë në asnjë vend. Ai pretendon se është shuguruar nga një individ serbo-rumun që nuk ka asnjë lidhje me Kishën Ortodokse dhe nuk është klerik. Ky është thjesht një rast mashtrimi publik.”

I pyetur për përgjigjen e tij, Xhufka tha: “Ne ecim në rrugën e Zotit. Nëse dikush na godet në fytyrë, ne i kthejmë faqen tjetër.”

Ikona që paraqesin peshkopë ortodoksë dhe klerikë ortodoksë shqiptarë zbukurojnë muret e ambienteve të Xhufkës në kryeqytetin e Kosovës, por aty ka vetëm katër karrige për meshë.

Megjithatë, Xhufka tha se kishte filluar të pagëzonte fëmijë dhe të kthente të rriturit në besim. Ai pretendoi se “Mitropolia e Kosovës” ka një prani në qytetin jugor të Prizrenit si dhe në Gjakovë në perëndim dhe se ka kërkuar leje nga Komuna e Prishtinës për një parcelë toke për të ndërtuar një kishë.

Sipas Kushtetutës së Kosovës, megjithatë, vetëm Kisha Ortodokse Serbe njihet si komuniteti i vetëm fetar ortodoks.

Kosova ende nuk ka një ligj që rregullon komunitetet fetare në vend; një projektligj ka mbetur pezull në parlament për 13 vjet. Ai parashikon që një komunitet fetar mund të regjistrohet nëse ka të paktën 100 anëtarë, por gjithashtu që vetëm një komunitet fetar ortodoks mund të regjistrohet.

Në ballkonin e ndërtesës së Xhufkës bie një kambanë e vogël.

“Po luftoj për Kosovën”, tha ai. “Si mund të jem armiku i saj?”

BIRN