Nderpritet ndeshja Serbi - Shqiperi: CAS i jep fitoren 3-0 Shqiperise

[freeopen]

Edhe une besoj qe ne asnje menyre shqiptaret nuk do bien ne nivelin e tyre !

Jo nuk do bien,nuk jane ne nivelin e tyre,ky fakt eshte i vertetuar ne historine e popullit shqiptar.

[Darius]

Dhuna në Beograd, një çështje europiane





Në datë 23 tetor UEFA pritet të japë vendimin për dhunën dhe ndërprerjen e ndeshjes Serbi-Shqipëri, për një nga konkurrimet më të rëndësishme europiane, që për shkak të masivitetit dhe të miliona teleshikuesve, e bën këtë konkurrim vitrinën më të madhe europiane, jo vetëm thjesht për europianët, por për të gjithë botën.

Ndaj, në datën 23 tetor, përballë kësaj çështjeje tashmë tejet të ndjeshme, që i ka kaluar kufijtë e sportit, veten në pasqyrë nuk do ta shikojë vetëm UEFA, si një organizëm i thjeshtë burokratik, por do ta shikojë dhe Europa, me gjithë mekanizmat e saj. Mbi të gjitha, 23 tetori do të konfirmojë ose do të shbëjë të ashtuquajturat vlera europiane, për të cilat investohet çdo ditë e çdo minutë.

Më 23 tetor nuk është në lojë thjesht reputacioni i UEFA-s, por reputacioni i vetë Europës. Më 23 tetor i gjithë opinioni publik europian do të ketë mundësi të shikojë ose Europën e vlerave dhe të drejtësisë, ose Europën qesharake të festivalit europian, në të cilin votimi bëhet në bazë të dashurive apo urrejtjeve historike. Fatkeqësisht, deri tani shenjat nuk janë të mira, madje janë të mbrapshta.

Një ditë pas dhunës në Beograd kemi një deklaratë të zëdhënëses së baroneshës Ashton, të cilën nuk dua aspak ta paragjykoj për çështje kombësie, por nuk mund të lë pa përmendur se mbiemri i mbaronte me “viç”, e cila nxitoi të thoshte, pa dalë mirë videot e ndeshjes dhe raportet e para, se policia serbe ishte sjellë në mënyrë profesionale. Nuk marr përsipër të jem ekspert i asnjë fushe, aq më tepër i rendit, por në të tilla raste syri dhe pamjet flasin më shumë se çdo ekspertizë. Të gjithë qytetarët e botës dhe jo vetëm shqiptarët, i panë skenat kur punonjës të sigurisë dhe të policisë goditën me dorën e tyre futbollistët shqiptarë. E gjithë bota i pa skenat se si policët serbë i mbanin shkopinjtë e gomës si tespihe në momentin kur futbollistët shqiptarë goditeshin jo vetëm me sende e objekte të forta, teksa hynin në tunelin prej mushamaje, që për ironi ishte vendosur në pjesën më agresive të tifozerisë.

Mbi të gjitha, ata goditeshin me shqelma nga jashtë, nga njerëz që, ndërkaq, mbaheshin në supet e policëve. Kishte mbetur vetëm që t’u merrnin me qira shkopinjtë e gomës policëve që nuk lëviznin dhe të vazhdonin goditjet. Shenjat nuk janë të mira, jo thjesht për shkak të mesazheve të njëanshme të presidentit Blater, i cili indirekt sheh më shumë si të dëmshme mesazhet politike të dhëna nga droni fluturues (avioni i telekomanduar) pa pronar, sesa nga dhuna me autorë, por për një arsye tjetër më madhore dhe fatkeqësisht fatale, që lidhet me cektësinë, në këtë rast, të pjesës më të madhe të medies europiane dhe të asaj botërore, që klonimin me sy mbyllur e ka më për zemër, sesa thellësinë dhe hetimin.

Për shumicën e medies europiane e botërore historia e shëmtuar e asaj që ndodhi në Beograd fillon dhe mbaron tek objekti fluturues dhe shpërfaqja në ajër e hartës së Shqipërisë etnike. Asgjë nuk shikohet në vijimësi, si nisi, si u zhvillua dhe si u bitis, sepse droni për medien nuk është thjesht një gjetje, por është një etiketë që shet. Ndaj, për këtë medie, që këtë herë në unison ishte më shumë një medie rozë sesa një medie serioze, thelbi i dhunës në Beograd nuk ka rëndësi. Përkundrejt kësaj gazetarie të verbër, numërohen me gishtat e dorës ata gazetarë të huaj që e kapën historinë nga koka. Ashtu sikurse nuk u gjet pronari i dronit, ashtu nuk u gjet edhe thelbi i çështjes.

Nuk u nënvizua aspak ose u vu në dukje fare pak represioni para ndeshjes. Droni I bëri të harrojnë se federata serbe nuk la asnjë tifozeri shqiptare dhe paralajmëroi se nuk do të linte asnjë simbol shqiptar në stadium. Droni i bëri të harrojnë të shohin se çfarë presioni virtual i bënë kombëtares shqiptare kur mbërriti në aeroportin e Beogradit me mijëra policë me skafandra që hynin e dilnin madje dhe në vetë autobusin e kombëtares.

Droni i bëri të mos shikojnë se si u mbajt me orë të tëra një grup biznesmenësh e gazetarësh në aeroport, vetëm e vetëm se një person mbante një shall të kuq në qafë. Droni i bëri të mos dëgjojnë thirrjet në kor të 30 mijë vetave në stadium: “t’i vrasim, t’i rrjepim shqiptarët”. Droni i bëri që të mos shikojnë se si para ardhjes së tij, në shkallët e stadiumit po digjej jo vetëm flamuri shqiptar, por edhe ai i Natos. Droni i bëri të mos shikojnë një fuçi baruti në shkallët e stadiumit. Duket qartë që droni ka efekt jo vetëm në kohë reale, por efekt para- dhe prapaveprues.

Sepse ishte po droni që i bëri të thonë në gazetat dhe televizionet e tyre se ndeshja u ndërpre prej shfaqjes në ajër të dronit dhe jo të vërtetën e madhe, që e pa kushdo, se ndeshja ishte ndërprerë për shkak të dhunës me sende të forta të hedhura në stadium përpara se të vinte droni. Ka një moment shumë domethënës, kur ndeshja ishte ndërprerë për shkak të sendeve të hedhura dhe një lojtar serb, duke ndier situatën që po rrëshqiste, pasi ishte ndërprerë loja, shkon tek arbitri dhe gjysmë i dëshpëruar tregon me gisht nga droni që ishte në ajër, ndërsa arbitri i tregon me gisht sendet e hedhura në fushë dhe arsyen e vërtetë pse është ndaluar loja.

Dhe më pas, kuptohet, s’ka si të mos merremi prapë me dronin. Kur lojtarët tanë hynë në dhomat e zhveshjes, policia pa mandate hyri në to për të gjetur pronarin e dronit. Edhe kur kontrolloi një për një çantat e futbollistëve të kombëtares, si të ishin kontrabandistë, tashmë jemi të gjitha palët në një mendje që ishte faji i dronit. Dhe telenovela nuk ka si të mbarojë me kaq, se dronit i duhet gjetur dhe pronari. Dhe pronarin e gjejnë lehtë, si autoritetet serbe, ashtu edhe media serbe. Që FIFA të marrë vendim “sa më të drejtë” dhe që Europa “ta kuptojë kush janë shqiptarët”, pronari i dronit është mirë të jetë vëllai i kryeministrit shqiptar!

Dhe pre e kësaj cektësie e propagande bajate bie dhe CNN-i, që edhe pse nuk ka kapur asnjë me presh në dorë dhe nuk zotëron asnjë fakt, sillet tamam si ato gazetat e vogla ordinere shqiptare, që duan të shiten thjesht dhe vetëm me tituj spekulativë, të tillë si “Vëllai i kryeministrit shqiptar pronar i dronit”, poshtë të cilit, te germat 11-she, ka një fjali: “i akuzuari e mohoi akuzën e autoriteteve serbe”.

Shkurt dhe shqip, ajo që shqiptarëve, apo kujtdo teleshikuesi tjetër në botë, iu duk një gjetje e zgjuar, një reagim i natyrshëm civil për të çarë bllokadën e represionin ndaj simboleve tona me një gërvishtje nga ajri ku nuk ka policë serbë, po kthehet në një fatalitet, jo vetëm thjesht për paragjykimet që na vinë si vend i vogël, por kryesisht prej cektësisë së pushtetit të katërt në kontinent. Ndaj, nuk është çudi që ky film dramatik me viktima 22 lojtarët e kombëtares shqiptare, të kthehet në një telenovelë rozë me 10 milionë viktima serbe.

Kjo do të ishte qesharake dhe e turpshme, po për shkak të arsyeve që rendita më sipër është e mundshme të ndodhë. Jemi në një moment të rrezikshëm, kur e padrejta mund të shitet si e drejtë, madje dhe plotësisht e besueshme. Edhe pse personalisht kam pak shpresa, se instrumentet e UEFA-s, rrjedhimisht dhe ato europiane, e kanë të vështirë të shpëtojnë pa ngrënë pjatën e njëjtë e të cekët të pushtetit të katërt, unë prapë them se ne duhet të shpresojmë, e për të tepër, se duke mbrojtur këtë herë “një të vërtetë shqiptare”, po mbrojmë ndërkohë një vlerë europiane; ta kuptojë kush të dojë, ta shikojë kush të dojë.

Në këtë kontekst duhet parë dhe vizita e kryeministrit shqiptar Edi Rama në Beograd, e programuar javën e ardhme. Është pa dyshim një vizitë europiane. Thirrjet për bojkot të kësaj vizite janë shtuar pas asaj që ndodhi në Beograd. Edhe pse personalisht hyj më tepër tek ata që mendojnë se Rama duhet të shkojë në Beograd, marr guximin t’i bëj një sugjerim kryeministrit të vendit tim: prit vendimin e UEFA-s, pastaj vendos. Ashtu sikurse vizita juaj, kjo është një çështje europiane.

Opozita.com

[Darius]

Birra e njohur “Clasberg” tallet me serbët

Është kjo reklama më e re e birrës më të njohur në botë Clasberg e cila në faqen e tyre zyrtare për në Danimarkë e ka publikuar një reklam ku disa birra janë duke u lëshuar në stadium me një fluturake të ngjajshme me atë të flamurit shqiptarë që u lëshua në Beograd.

Shtypi në Danimarkë është interesuar shumë për incidentin që ndodhi në Beograd pasi që të dy kombëtaret janë në të njejtin grup me kombëtaren daneze.

Ja si duket reklama e fundit e Clasberg:

[Darius]

Shume e vertete ajo qe thote Andi Bejtja.

Për shumicën e medies europiane e botërore historia e shëmtuar e asaj që ndodhi në Beograd fillon dhe mbaron tek objekti fluturues dhe shpërfaqja në ajër e hartës së Shqipërisë etnike. Asgjë nuk shikohet në vijimësi, si nisi, si u zhvillua dhe si u bitis, sepse droni për medien nuk është thjesht një gjetje, por është një etiketë që shet. Ndaj, për këtë medie, që këtë herë në unison ishte më shumë një medie rozë sesa një medie serioze, thelbi i dhunës në Beograd nuk ka rëndësi. Përkundrejt kësaj gazetarie të verbër, numërohen me gishtat e dorës ata gazetarë të huaj që e kapën historinë nga koka. Ashtu sikurse nuk u gjet pronari i dronit, ashtu nuk u gjet edhe thelbi i çështjes

Dmth ne duhet te pergatitemi shpirterisht qe edhe mund ta hame nga e gjithe kjo histori. Ne fund te fundit kemi eksperience me Europen qe ne Kongresin e Berlinit.

[Darius]

Po lexoj papushim online qe shqiptaret po krenohen me banderolen, madje e kane vendosur dhe neper postime duke vene dicituren Shqiperia e Madhe.

Shqiperia e Madhe nuk ekziston. Eshte nje term qe kane krijuar serbet dhe greket per te etiketuar shqiptaret si separatiste. Ekziston Shqiperia Etnike, pra te gjitha ato toka qe jane te banuara nga shqiptare dhe ku flitet shqip.

Duke perdorur termin Shqiperia e Madhe padashur po behemi pale me lojen serbe dhe demtuar emrin tone si shqiptare.

[freeopen]

Nga te paktet gazetare qe kane kapur tamam ate qe ka ndodhur


CALCIO – Serbia-Albania, colpa dell’Uefa




http://www.toscananews.net/home/calc...lpa-dell-uefa/

Ndersa ky eshte komenti per artikullin i nje te riu serb.

Sasa • 2 ore fa
I miei complimenti per questo articolo, molto dettagliato e vero rispetto ad altri. Sono un ragazzo serbo, il mio paese e molto malato, mi sono disgustato di quello che la tifozeria serba ha fatto contro la nazionale albanese. Io personalmente chiedo scusa ai nostri vicini albanesi. Ma di piu mi sono vergognato dalle dichiarazioni dei nostri politici che comandano la Serbia, vergogna vergogna vergogna, dei politici racisti, e meglio che la prossima volta quei politici come il premier, il ministro degli esteri e il presidente, vedano la partita insieme a quel porco di Ivan il terribile. A malincuore spero che UEFA condanni la serbia e sopratutto quei tifozi pseudo polizioti, perche la maggior parte di loro sono nazisti e hanno anche collaborazioni con la polizia, queto fatto velo garantisco. Di nuovo mi scuso per conto di quelli che stanno rovinando la Serbia. Albania non centra con questo episodio, rispetto per quella delegazione che insieme alla squadra e tifozi hanno sofferto molto, qua centra solo la malatia dei serbi che ancora oggi 2014 vivono nel passato ancora in guerra, non riusciamo a guardare avanti

[Darius]

Paksa si e forte si ndjese nga ana e nje serbi. Megjithate nuk habitem. Eshte papjekuri te mendosh qe cdo serb e mendon si ata ne stadium madje jam i sigurt qe edhe ne stadium ka patur qytetare serb qe jane turbulluar nga ajo pamje dhune dhe padrejtesie ndaj shqiptareve. Cdo komb ka forcat e tija progresiste dhe intelektuale por fakteqesisht ne rastin e Serbise zeri i tyre eshte i sfumuar nga huliganizmi i sponsorizuar shteteror, rracizmi i neveritshem ndaj shqiptareve dhe nacionalizmi i semure ndaj cdo gjeje jo serbe.

[Sirius]

Sikur te kishte pas kameren Droni kishte me qene e lehte me vertetu iniciatorin e ketij fenomeni qe na cmendi nga emocionet, mendoj se ngarkesa e flamurit ka obligu iniciatorin te largoj kameren nga Droni ne te kunderten kishte me qen nje video fenomenale.

http://www.dji.com/product/phantom-fc40

[Sirius]

Po lexoj papushim online qe shqiptaret po krenohen me banderolen, madje e kane vendosur dhe neper postime duke vene dicituren Shqiperia e Madhe.

Shqiperia e Madhe nuk ekziston. Eshte nje term qe kane krijuar serbet dhe greket per te etiketuar shqiptaret si separatiste. Ekziston Shqiperia Etnike, pra te gjitha ato toka qe jane te banuara nga shqiptare dhe ku flitet shqip.

Duke perdorur termin Shqiperia e Madhe padashur po behemi pale me lojen serbe dhe demtuar emrin tone si shqiptare.

E kame diskutu shume here me shume veta kete diference te paperfillshme.

Mendoj se duhet bere dicka ne kete drejtim, te hapet nje faqe ne fb me nje skjarim dhe te shperndahet qe ta kene te kjart sa me shume veta.


Ja nje fakt te asaj qe thuani.




Vuçiq Bidenit: Amerika të zgjedh mes një ‘Shqipërie të Madhe’ dhe një Serbie normale

Kryeministri i Serbisë Aleksandar Vuçiq ka zhvilluar një bisedë telefonike me zv.presidentin amerikan Joe Biden, pas incidentit në stadiumin e Partizanit në ndeshjen Serbi – Shqipëri.

Shefi i qeverisë serbe me këtë rast e ka njoftuar numrin dy të qeverisë amerikane, duke i thënë se Serbia është provokuar rëndë gjatë ndeshjes dhe për këtë e ka njoftuar edhe Bashkimin Evropian, transmeton reporteri.net, një shkrim të Informer.

Në fund të bisedës bëhet e ditur se Vuçiq i ka thënë Bidenit, se Amerika duhet të zgjedh në mes të një “Shqipërie të Madhe” dhe një Serbie normale.

Zv.presidenti amerikan Bident, thuhet t’i jetë përgjigjur duke thënë se SHBA-të nuk mbështesin një Shqipëri të Madhe, ndërsa e përkrahin Serbinë në rrugën e saj në integrimin evropian.


http://botasot.info/lajme/334947/vuc...erbie-normale/

[BlooD_VenoM]

Katastrofa me e madhe do jete perseritja e ndeshjes ne nje fushe neutrale,pa tifoze,si dhe zhvillimi i ndeshjes se dyte ne po te njejtat kushte.