A eshte ky Islami i vertete, (qe po na fshehin hoxhallaret dhe disa myslimane)?!

[mesia4ever]

Ekstremizmi fetar dëmton rëndë imazhin e Kosovës në botë

Bota Sot | 04.08.2014 17:01
Share on facebook Share on twitter Share on email Share on print More Sharing Services 2
Ekstremizmi fetar dëmton rëndë imazhin e Kosovës në botë
Predikuesit radikal të fesë janë e keqja e Kombit

Rrymat ekstreme fetare të përhapura së fundi po e dëmtojnë rëndë imazhin e Kosovës në botë.

Këto rryma po konsiderohen si armiqtë më të mëdhenj të imazhit dhe të ardhmes së shqiptarëve në Evropë.
Raporti vjetor Qeverisë amerikane lidhur me të drejtat dhe liritë fetare në botë gjatë vitit 2013, në segmentin për Kosovën i cili thotë se Qeveria, Kushtetuta dhe politika përgjithësisht kanë respektuar liritë fetare, mirëpo ka një rritje të gjuhës urrejtëse dhe antisemite në mesin e predikuesve fetarë,është i dëmshëm për të ardhmen e vendit.

Në raport apostrofohen imamët Shefqet Krasniqi, Irfan Salihu dhe Enes Rama, për të nënvizuar se rizgjedhja për herë të tretë e kreut të Bashkësisë Islame, Myftiut Naim Tërnava, ishte e manipuluar.
Si pasojë e këtij raporti këtyre imamëve dhe drejtuesve të Bashkësisë Islame të Kosovës SHBA-ja nuk do t’u lëshojë viza për një kohë.

Për analistin Jeton Kelmendi, ekstremizmi fetar është një prej armiqve më të mëdhenj të së ardhmes evropiane të Kosovës duke shtuar se puna e mangët e institucioneve përkatëse në këtë drejtim po ndikojnë në dëmtimin e imazhit të shtetit.

(Tekstin e plotë mund ta lexoni të martën në publikimin e shtypur të gazetës kombëtare “Bota sot” në Kosovë dhe diasporë)

[angmokio]

Ekstremizmi fetar dëmton rëndë imazhin e Kosovës në botë

Ti je kryesktremisti me i madh fetar qe une kam njohur. Dhe vertete ti je shume i rrezikshem per Kosoven dhe shqiptaret ne pergjithsi.

[Telegrafisti]

ekstremizmi i cdo lloji eshte i rrezikshem...
serbet ate thone... shqiptaret jane ekstremiste fetar...

[angmokio]

ekstremizmi i cdo lloji eshte i rrezikshem...
serbet ate thone... shqiptaret jane ekstremiste fetar...

Serbet kane vrane me qindra mijera kosovare , boshnjake e kroate ne emer te fese te tyre. Te flasin serbet per ekstremizem fetar eshte aq e ulet sa c'jane komentet e ketij kryekstremistit protestant ''mesia4ever''.

[Telegrafisti]

ceshte e verteta ka shune ngjarje qe e njollosin komunitetin mysliman ne Kosove dhe ne trojet shqiptare.dhe nuk kam pa ndonje deklarat serioze dhe te fort qe komuniteti myslyman te distancohet nga aktet terrorriste qe bejne shqiptaret ne lindjen e mesme.

distancimi duhet te jete i fote dhe keto akte barbare te denohen.sepse nuk behet pis vetem komuniteti mysliman por te gjith shqiptaret.

[mesia4ever]

Jahjaga: Luftimi i ekstremizmit, detyrë parësore

Presidentja e Republikës së Kosovës, zonja Atifete Jahjaga priti sot në takim ushtruesin e detyrës së Kryeprokurorit të Shtetit, Sylë Hoxhën.

Ajo fillimisht e përgëzoi për detyrën e besuar nga Këshilli Prokurorial i Kosovës, duke theksuar rëndësinë e angazhimit dhe të punës në krye të një institucioni të rëndësishëm shtetëror.

Duke shprehur mbështetjen për Prokurorinë e Shtetit, Presidentja Jahjaga theksoi rolin e jashtëzakonshëm që ka ky institucion në luftimin e krimit të organizuar dhe të korrupsionit, si dhe në sigurimin e sundimit të rendit dhe të ligjit në Kosovë. Presidentja Jahjaga theksoi se luftimi i ekstremizmit dhe radikalizmit është detyrë parësore e të gjitha institucioneve të vendit dhe angazhimi i plotë i prokurorisë së shtetit në këtë drejtim është i domosdoshëm dhe jetik në garantimin e stabilitetit dhe sigurisë për vendin.

Presidentja Jahjaga dhe ushtruesi i detyrës së Kryeprokurorit të Shtetit diskutuan edhe për punën e institucionit të Prokurorit të Shtetit, për mbarëvajtjen, angazhimet dhe sfidat e tij, si dhe për avancimin dhe profesionalizimin e këtij institucioni.

Ushtruesi i detyrës së Kryeprokurorit të Shtetit, zotëri Sylë Hoxha, duke e falënderuar Presidenten Jahjaga për mbështetjen dhënë Institucionit të Prokurorit, shprehu gatishmërinë që të ushtrojë detyrën përmes dëshmimit të rezultateve. Ai theksoi se Institucioni i Prokurorit të Shtetit është një hallkë e rëndësishme e mekanizmave të sigurisë në Kosovë dhe tha se ky institucion ka nevojë për rritjen e numrit të prokurorëve me qëllim të shtimit të efektshmërisë së punës së institucionit.

[mesia4ever]

Thaçi: Ekstremistët nuk do të gjejnë strehë në tokën e atdheut tonë


Kryeministri në detyrë, Hashim Thaçi nëpërmjet një postimi në profilin e tij në facebook ka shkruar se, Kosova nuk do të jetë tokë e plleshme për radikalët apo ekstremistët që tentojnë ta ndryshojnë synimet e qarta euroatlantike të shoqërisë, shtetit dhe kombit.

Ja postimi origjinal i Thaçit:
Kosova është shtet i krijuar bazuar në vlerat civilizuese euroatlantike, pra lirive të pacenueshme individuale, respektim dhe investim në ruajtje të diversitetit dhe pakicave, të drejtave të njeriut, ekonomisë së lirë të tregut dhe sekularizmit.
Kosova kurrë më parë nuk ka qenë më e lirë se sot dhe kosovarët kurrë më herët nuk kanë qenë më të lirë të ushtrojnë të drejtat dhe liritë e tyre, duke përfshirë të drejtën e besimit. Megjithatë, jam i brengosur se disa individë po mundohen të keqpërdorin këtë drejtë për të imponuar predikime që nuk i takojnë vlerave tona të vërteta kombëtare dhe civilizuese. Këto insistime për mbizotërim të një interpretimi mbi të tjerët kanë krijuar tensione në shoqërinë tonë sidomos gjatë viteve të fundit.
Mirëpo, më lejoni të them se Kosova kurrë nuk do të jetë tokë e plleshme për radikalët apo ekstremistët që tentojnë të na ndryshojnë synimet e qarta euroatlantike të shoqërisë, shtetit dhe kombit tonë. Urrejtja apo mosdurimi ndaj pakicave, tendenca të importohen fenomene të huaja si anti-semitizmi apo radikalizmi fetar, do të kundërshtohen me të gjitha kapacitetet e shtetit dhe të ligjit. Armiqtë e demokracisë dhe të vlerave civilizuese perëndimore, nuk do të gjejnë strehë në tokën e atdheut tonë - ky është premtimi im dhe besoj tërë lidershipit demokratik kosovar.
Institucionet e Kosovës do të mbesin besnike ndaj respektimit të Kushtetutës së Republikës dhe do të luftojnë çdo ditë dhe në çdo vend çfarëdo forme të shfaqur të ekstremizmit. Ky është premtimi që iu kemi dhënë edhe fëmijëve tanë - që liritë e tyre mos t'i cenojnë kurrë as armiqtë e jashtëm por as ata të brendshëm, ka shkruar Thaçi në fund.

[mesia4ever]

Islami eshte drite . Islamin e kuptojne vetem ata shpirtera qe jane te ndriquar me kete drite te Zotit . Kurse te tjeret me verbesine e tyre , te cileve i mungon drita e Zotit , Islamin e shohin vetem si erresire . Zoti i udhezofte te 'verberit' dhe te pa udhezuarit ,amin .

Alma Lama: Të distancohemi si komb ndaj monstrave si Lavdrim Muhaxheri

Deputetja e LDK-së, Alma Lama, ka reaguar pas lajmit ku Lavdrim Muhaxheri shihet duke ia këputur kokën një të riut në Irak.
Postimi i plotë i Alma Lamës në Facebook:
Lumenj gjaku ne Irak. Mes atyre monstrave qe po i shkaktojne keto lumenj gjaku, qe po vrasin mijera njerez te pafajshem ka edhe shqiptare nga Kosova, Shqiperia dhe Maqedonia. Keto monstra si Larvdim Muhaxheri po na bejne te ndihemi te turperuar si komb, edhe pse nuk jane perfaqesuesit tane, edhe pse nuk i kemi derguar ne atje.
Duhet te distancohemi ne menyre te fuqishme si shoqeri, i madh e i vogel nga keta kriminele qe vrasin ne emer te fese; duhet tju kerkojme falje familjeve te viktimave ne Siri apo Irak, edhe pse nuk e dime kush jane dhe nuk kemi informacione.
Kjo eshte me e pakta qe mund te bejme.
Une personalisht shpreh dhimbjen e thelle per viktimat e ketyre krimeve qe bashkekombasit e mi po i shkaktojne.

[mesia4ever]

Serbet kane vrane me qindra mijera kosovare , boshnjake e kroate ne emer te fese te tyre. Te flasin serbet per ekstremizem fetar eshte aq e ulet sa c'jane komentet e ketij kryekstremistit protestant ''mesia4ever''.

Mos thuaj te pa verteta. Serbia ka vrare ne emer te ideologjise kombetare e jo fetare. Milloshevici ishte ateist dhe ideologjia e tij ishte ateiste. Sikur Putini qe sot vret ne Ukraine madje pjesetare te fese se vet, po ta pyesesh Putinin se cfare je ai do te thote se eshte i krishtere. Por ne fakt ai vret ne emer te ideologjise se tij. I krishteri nuk mund te pranoje ideologji te botes nese ato ideologji te shtiejne te vrasesh e te besh padrejtesi.
Angkmokio nuk jam protestant as nuk prezantoj protestantizmin apo ndonje kishe protestante apo katolike apo edhe ortodoks, jam nje njeri qe vij nga nje familje myslimane shqiptare.
Ne gjithe shqiptarine nuk ka person me te denje se sa une qe te flas kunder ekstremizmit fetar qe po deshiron te shkatrroje edhe kete perparim te paket qe kemi bere.

[mesia4ever]

Si ta dallojmë ekstremizmin islam?


Debatet reth ekstremizmit fetar në Kosovë dhe në viset tjera të banuara me shqiptarë janë bërë temë e nxehtë kohëve të fundit.
Alarmin për paraqitjen e rrezikut real nga ekstremizmi islam e ndezi sidomos skena makabre e të riut shqiptar nga rethina e Kaçanikut, Lavdrim Muhaxheri, i rekrutuar në luftën e Sirisë, e publikuar në internet dhe mediet tjera, duke ekzekutuar me thikë një person.
Kjo skenë së shpejti mori dhenë dhe i ndezi dritat e alarmit për rrezikun e ekstremizmit fetar në Kosovë. Madje reagoi edhe Presidentja Jahjaga, e cila brenda pak ditësh mbajti dy takime me kreun shtetëror të Kosovës, me qëllim të mobilizimit të të gjitha institucioneve shtetërore të Kosovës për t'u mbrojtur nga kjo dukuri e rrezikëshme shoqërore.

Por, me këtë rast, shfaqet nevoja e dallimit midis ekstremizmit fetar dhe besimtarve të devotshëm fetarë. A thua, shoqëria shqiptare, veçanërisht ajo kosovare, e ka të qartë dallimin midis dy kategorive të përmendura?

Druaj se, sidomos kur bëhet fjalë për fenë islame, gjërat shpeshëherë ngatërrohen, ngjajshëm me situatën e viteve të tetëdhjeta, pas demostratave të vitit 1981, kur luftohej "nacionalizmi dhe irredentizmi shqiptar"dhe kur kufiri ndarës midis nacionales dhe nacionalistes, kur ishte fjala për shqiptarët, ishte shlyer fare!
Natyrisht, duke i futur në një kallëp të gjitha vlerat e mirëfillta kombëtare të shqiptarve dhe duke i cilësuar si negative dhe të dëmshme, që atëbotë përmblidheshin me termin me konotacion negative, "nacionalizëm".
Druaj se edhe tani, duke dashur që ta luftojmë ekstremizmin fetar në Kosovë, e veçanërisht ekstremizmin mysliman, mund të bijmë në grackat e përmendura sikur veprohej dikur me "nacionalizmin dhe irredentizmin shqiptar, poqese nuk e ndajmë qartë "shapin prej sheqerit", dmth poqese nuk e përkufizojmë në mënyrë eksplicite nocionin e "myslimanit të devotshëm", normal, etj., nga "ektremizmi islam".

Çka quajmë ekstremizëm islam?
Sipas mendimit tim, së pari duhet bërë një analize të shkrutër, qoftë edhe sipërfaqësore, të gjendjes së komunitetit mysliman të shqiptarve në përgjithësi, dhe të shqiptarve mysliman të Kosovës, në veçanti.
Prandaj, për këtë qëllim, për arsye metodologjike, mendoj se duhet ndarë disa kategori myslimanësh:
1.Myslimanët e rëndomtë
2.Myslimanët e devotshëm
3.Ekstremistët islamikë
1.Sa i përket kategorisë së myslimanëve të rëndomtë, të cilët përbëjnë shumicën absolute të komunitetit mysliman në përgjithësi, në Shqipëri, Kosovë, Maqedoni, Mal të Zi dhe në Luginë të Preshevës. Madje, kjo kategori përfshinë mbi gjysmën e shqiptarve, kudo që janë.
Në këtë grup përfshijmë shqiptarët myslimanë, të cilët kryesisht nuk e falin fare namazin, ose e falin vetëm ditëve të premte dhe pjesërisht ndonjëherë namazet tjera, nuk e agjërojnë fare, apo pjesërisht e agjërojnë Ramazanin, port ë gjithë, ose pjesa absolute e tyre i festojnë fetsat fetare, Bajramin, nuk e praktikojnë mbulesën fetare (shaminë)të femrave, kryesisht nuk e konzumojnë mishin e derrit dhe në fund fare, të gjithë varrosen me rite fetare islamike.
Ndoshta këto do të ishin karakteristikat e përbashkëta për këtë kategori besimtarësh myslimanë, edhepse ato dallojnë sipas viseve të ndryshme shqiptare.
2. Myslimanët e devotshëm, apo praktikuesit e rregulltë të normave dhe rregullave fetare islamike përfshijnë grupin e besimtarëve myslimanë të cilët në mënyrë strikte e falin namazin pesë herë në ditë, praktikojnë mbulesën e femrave, agjërojnë muajin e Ramazanit dhe faljen e namazit të teravive, një pjesë e tyre lëshojnë mjekrra tipike islame, absolutrisht nuk e konzumojnë alkoolin, nuk u përzihen të tjerëve, por të njerjtën e kërkojnë edhe nga të tjerët, absolutisht nuk e konzumojnë mishin e derrit, etj.
3. Eksrtremistët islamikë karakterizohen me agresivitet, jotolerancë, me gadishmëri që ta përdorin dhunën ndaj “pabesimtarëve”, bëjnë kategorizimin e njerëzve në “besimtarë” dhe “jobesimtarë”; pjesëtarët e sekteve dhe shkollave të tjera të islamit i quajnë të “pa fe” dhe “jobesimtarë”, prandaj edhe e konsiderojnë obligim luftën ndaj tryre dhe e konsiderojnë legjitime dhunën ndaj të tjerëve.
Ata janë të gatshëm të luftojnë “për Allah” dhe të kryejnë krime të rënda. Kanë prirje dhe synime ta fusin islamin në poltikë dhe kundërshtarët e tyre ideologjikë i quajnë si caqe legjitime për ushtrim dhune.
Duhet theksuar se,edhepse thirren në islam, veprimet e tyre makabre nuk kanë asgjë të përbashkët me normat islame.
Veprimi i tyre shkatërrues vërehet gjithandej në botën islamike, si psh. në Afganistan, në luftën e Sirisë, në Irak me formimin e të ashtuquajturit shtetit islamik ISSIS, në Libi, dhe pothuajse në të gjitha shtetet e tjera islamike.
Ata nuk hezitojnë të sulmojnë madje edhe xhamitë e sekteve të tjera islamike, duke hedhur shpeshë edhe bomba gjatë frekuentimit të tyre më të madh gjatë fetsave fetare apo gjatë faljes së namazit të xhumasë ditëve të premte.
Ekstremistët islamikë, edhepse thirren në islam, ata paraqesin pikërisht antipodin e islamit dhe normave të mirefilta të islamit si fe paqëdashëse dhe solidarizuese me të dobëtit dhe të vobektët.
Metodat e tyre të veprimit janë të papranueshme dhe ata thellë e kanë kompriomituar fenë islame në botë me veprimet e tyre terroriste, duke e etiketuar kështu në botë tërë fenë islame si fe terroriste.
Pra, dallojmë një spektër të gjërë të (mos) praktikimit të islamit tek ne dge kam përshtypjen se shpeshë i ngatërrojmë këto nocione.
Sidomos bien në sy prirja për të mos i dalluar myslimanët e devotshëm nga ekstremistët islamë në Shqipëri.
Kjo dukuri bien në sy sidomos në kulturën e të ushqyerit. Meqë në Shqipëri, për dallim nga shqiptarët myslimanë nga Kosova, Maqedonia, Presheva dhe Mali i Zi, që rreptësisht i përmbahen mosngrënies së mishit të derrit, myslimanët e Shqipërisë, në pjesën më të madhe, madje thuhet se mbi 90% e tyre nuk e përfillin fare, ose vetëm pjesërisht e respektojnë këtë tabu islam.
Kështu, gjatë pushimeve dhe qëndrimit në Shqipëri, shqiptarët myslimanë të këtyre trevave ballafaqohen me probleme reth ushqimit, duke u orientuar tek shitoret me ushqim "hallall" dhe në restoranet ku kanë besim.

Pikërisht ky fakt, më ka rënë shumëherë rasti që ta dëgjoj me veshët e mi se cilësohet si "ekstremizëm" islamikë, paçka se tek ne në Kosovë dhe viset e tjera të banuar me shqiptarë myslimanë, cilësohet si normë elementare e praktikimit të islamit.

Pastaj, agjërimi i Ramazanit dhe falja e rregulltë e namazit, gjithashtu shpeshëherë cilësohet si ekstremizëm, apo radikalizëm islamik.
Pra, i veçova vetëm disa shembuj sa për të ilustruar faktin se si ngatërrohen në jetën e përditëshme nocionet e myslimanit të devotshëm dhe normal, me atë të ekstremizmit, apo të radikalizmit islamik.
Natyrisht se ngatërrimi i tillë kategorisë së myslimanëve të devotshëm me ekstremistët islamikë, gjithashtu sjellë dëme të mëdha në shopqërinë tone.
Sepse, praktikuesit e devotshëm të islamit janë qytetarë të ndershëm të shoqërisë tone, të cilët kanë të drejtë që t’I shfrytëzojnë frytet e demokracisë dhe t’i praktikojnë lutjet fetare dhe besimin a vet fetarë, absolutisht të papenguar nga askush.
Ata janë kontribues të shoqërisë tone dhe paraqesin qytetarë shumë të dobishëm në shoqëri, meqë me pastërtinë e tyre morale e shpirtërore I kontribuojnë luftimit të dukurive negative në shoqëri, si psh. luftës kundër drogës, prostitucionit, dhunës, jomoralitetit, etj., kurse ekstremistët islamikë janë e kundërta e tyre, të cilët mbjellin gjithëkah dhunë e terror.


Bota Sot | 09.08.2014 13:28 • Nehat Hyseni