Policia pastron Lazaratin nga droga, kriminelet largohen ne drejtim te paditur

[goldian]

po cthot Edvin edskobar divjaka?

mire eshte
te futi prasin ty e shokeve tuaj e sot eshte krieminister

[smokkie]

Pse duhet t'i quajme fshatare?? Nuk eshte me e sjellshme t'i quajme FERMERE?

[prishtina75]

.......kjo tregon se sa debil jane keta njerez, a thua mendojn se mund te luftoin me nje shtet te tere, ky eshte idiotizem i llojit te vete.

[Wordless]

"Gafa", policia e shpall në kërkim, i riu në burg prej 12 vitesh


Erjon Haxhiaj, një prej personave të renditur në listën e policisë si i dyshuar se ka qëlluar me armë në drejtim të forcave speciale që ‘mësynë’ dje në Lazarat, ndodhet në burg, prej rreth 12 vitesh.

Zyrtarisht, Drejtoria e Përgjithshme e Burgjeve konfirmon se Haxhiaj ndodhet duke vuajtur dënimin në burgun e Rrogozhinës, për akuzën e vrasjes . Haxhiaj, sipas të dhënave të marra nga dosja në burgje, rezulton se është dënuar me 25 vite burg dhe ka shlyer pjesën më të madhe të dënimit. Ai ka për të shlyer dhe shtatë vite burg.

Fakti që emri i tij ndodhet i 25-ti në listën e publikuar nga policia, shton dyshimet se kjo listë ka pasaktësi. Madje, kjo dëshmon se Ministria e Brendshme, as nuk është në dijeni të faktit se Haxhiaj, i lindur në fshatin Zhulat e banues në Lazarat, nuk ndodhet në fshatin e hashashit, por përtej qelive.

“Në Lazarat është vetëm një familje Haxhiaj. Në fshat kanë ardhur prej disa vitesh, por nuk e di shkakun. Babai u ka vdekur ndërsa nëna ka ardhur në banesën e babait të saj, pasi është lazaratase. Sinqerisht nuk kam asnjë informacion për personalitetin e djemve të kësaj familjeje”, - tha Dasho Aliko, kryetar i komunës së Lazaratit, i cili konfirmon faktin se njëri prej dy djemve ndodhet në burg, por pa saktësuar emrin e tij dhe arsyet përse gjendet prapa hekurave.

Djali i ish-deputetes

Por, ndërsa Haxhiaj ndodhet duke vuajtur dënimin, në listë bie në sy dhe emri i Kostandin Xhuvanit, djalit të aktores së mirënjohur Luiza Xhuvani, ish-deputete e Partisë Socialiste legjislaturën e kaluar. Kostandin Xhuvani, renditet i 24-ti në listë nga policia, si pjesë e grupit kriminal, por vetë ai pretendon se ndodhet në Tiranë dhe nuk ka aspak lidhje me ngjarjen e rëndë. Ai thotë se mbrëmjen e së dielës, ka ndjekur ndeshjet e futbollit në një lokal tek ‘Piazza’, dhe përveç kamerave të sigurisë ka edhe një skedinë fituese që vërteton se ai ndodhej në Tiranë.

"Unë kur e pashë emrin u shqetësova. Nuk e kuptova pse ndodhi. Si tifoz i sportit, kam qenë duke parë ndeshjen në një lokal tek ‘Piazza’, në një ambient me kamera. Kam luajtur edhe një skedinë. Edhe sot jam në shtëpi. Nuk e di fare për çfarë ndodhi kjo. Mbase është një lapsus, një gabim, por unë nuk kam lidhje me këtë histori, do t’u lutesha të mos më përmendnin. Nuk kam asnjë lidhje me Lazaratin. Nuk më lidh asgjë me atë vend aty. Nuk kam përse të paraqitem në komisariat. Kam prova që jam këtu në Tiranë. Besoj do jetë ndonjë ngatërresë apo gabim, nuk e di. Unë nuk kam lidhje fare me emrin në listë dhe as me Lazaratin. Kam vënë skedinë rreth orës 4 të drekës, e kam dhe skedinën me vete; rreth orës 10:00 të mbrëmjes së djeshme kam qenë tek ‘Piazza’ në një lokal që ka kamera. Është thjesht një gabim. Nuk kam të bëj fare me Lazaratin apo Gjirokastrën. Nuk njoh askënd atje”, - tha Kostandin Xhuvani për “News 24”.

Gazeta Shqiptare/

[mario_kingu]

Nje Bravoo shtetit qe vendosi te hynte ne lazarat se na ishte ber lazarati shtet Brenda shtetit disa kantar pa shkoll

eshte per te ardhe keq kur edhe ketu ne forum lexhon disa veta qe akoma flasin per politiken edhe jo per policin qe hyri ne ate fshat baze droge
gjithmon pd pd pd ps ps ps

O shqiptar cdo lajm cdo gjest I mire qe vin nga shteti duhet te jemi nje me ligjin nje me sigurin e kombit
te vleresojm ato/a bije nenash polic qe kan ven jeten e tyre ne rrezik per vendin e tyre

Mbeshtetje mbeshtetje dhe vetem mbeshtetje per policin shqiptare

[Xinxerfilli]

Autoblindat hyjnë në Lazarat

Autoblindat e policisë avancuan në zonën jugore të fshatit Lazarat. Mëngjesin e sotëm në zonën ku dje kishte shkëmbim zjarri, policia ka pozicionuar më shumë forca me autoblindë.

Nga një grup personash pozicionuar në kodër ka nisur një breshëri armësh dhe plumbat kanë rënë në shtëpitë e banorëve të fshatit. Krismat kanë nisur gjatë natës e për pasojë nje punonjës i Forcave të Ndërhyrjes së Shpejtë, një 32-vjeçar efektiv i FNSH-së së Shkodrës është plagosur dhe është jashtë rrezikut për jetën.

Ndërkohë banorët e Lazaratit kanë vijuar të djegin në masë hashashin e prodhuar një vit më parë dhe raportohen edhe fusha me bimësi të shkulur. Policia pasditen dhe mbrëmjen e djeshme ngushtoi rrethimin duke marrë nën kontroll zonën e kultivuar me hashash pranë magazinës së shtetasit Gate Mahmutaj, ndërsa ky i fundit është zhdukur.

Në intervistën e fundit televizive ai u përpoq të shfajësohet, por policia në këtë magazinë konstatoi gëzhoja, fuçi me hashash që digjeshin, hashash nëpër thasë dhe bimë që ishin gati për mbjellje.

Një predhë murtaje është gjetur pranë magazinave të tij. Ndërkohë policia njofton se janë arrestuar 6 persona të akuzuar për sulmin ndaj gazetarëve të A1 Raport. Ata janë Matjas Muhamet Bocia, vjeç 23, banues në Lazarat Gjirokastër, Florian Nexhip Shurdhi, vjeç 29, banues në Lazarat Gjirokastër, Juxhin Avdul Bocia, vjeç 19, banues në Gjirokastër, Xhevahir Miftar Doçi, vjeç 29, banues në Dunavat Gjirokastër, Ali Mato Basha, vjeç 46, banues në Lazarat Gjirokastër dhe Emiljano Bejko Aliko, vjeç 31, banues në Lazarat Gjirokastër.

Këta shtetas janë paraqitur në Komisariatin e Policisë Gjirokastër gjatë pasdites së djeshme. Nga verifikimi i deklarimeve të tyre në polici, ku janë vërejtur mospërputhje dhe hetimeve të kryera nga policia këta shtetas janë në cilësinë e të dyshuarit dhe ndaj tyre është marrë masa e arrestit në flagrancë.

Këta shtetas, në bashkëpunim me persona të tjerë janë autorë të dyshuar të sulmit me armë ndaj forcave të policisë në datat 15 dhe 16 qershor, në momentin që këto forca po zhvillonin operacionin policor për identifikimin e sipërfaqeve të kultivuara me bimë narkotike dhe asgjësimin e tyre.

Policia mban të rrethuar gjithë zonën dhe sot në mëngjes nga disa banesa të fshatit dilte tym masiv. Bëhet fjalë për hashashin që banorët po vijojnë ta ridjegin në mëngjes pas reshjeve të shiut të mbrëmshëm.

Rreth 800 forca policie kanë rrethuar terrenin. Ato janë nga Policia e Gjirokastrës, forcave speciale RENEA, forca të FNSH-së së Fierit, Shkodrës dhe Tiranës, si dhe të Delta Forcë në Vlorë. Po ashtu në këtë operacion janë përfshirë dhe shërbime të tjera speciale të Drejtorive të Policisë së Qarqeve të tjera, si forcat elitë të shërbimeve të Tiranës, Shkodrës etj.

Këto forca janë të mbështetura nga mjete të posaçme. Bazuar në planin e hartuar do vijonë veprimet policore për asgjësimin e parcelave të kutivuara dhe kapjen e vënien para përgjegësisë ligjore të të gjithë personave të implikuar në kundërshtimin me armë të forcave të Policisë së Shtetit.

Po ashtu janë ngritur grupe speciale hetimi të orientuara nga Prokuroria për Krime të Rënda dhe Drejtoria për Krimet e Rënda në Policinë e Shtetit, të cilët po vijojnë veprimet paralel me veprimet operacionale të strukturave policore në terren për kryerjen e hetimeve dhe fiksimin e e provave materiale.

MB: Shmangni Lazaratin

Ndërkohë, Ministria e Brendshme permes nje njoftimi per shtyp u ben thirrje banoreve te Lazaratit qe per arsye te sigurise se jetes se tyre te mos dalin nga banesat, ndërsa qytetarëve të tjerë të shmangin fshatin.

“Te gjithe qytetaret e tjere, duhet te shmangin plotesisht hyrjen per ne fshatin Lazarat deri ne nje njoftim te dyte zyrtar te policise. Banoret e zonave perreth fshatit Lazarat keshillohen te bejne kujdes me levizjen jashte banesave te tyre, deri ne perfundim te ketij operacioni policor. Sherbimet e Policise se Shtetit jane ne gatishmeri te plote per t’u ardhur ne ndihme ne çdo kohe, te gjithe qytetareve qe do te kene nevoje”, thuhet ne njoftimin per shtyp.

Përshkallëzohen të shtënat

Në mesditë janë përshkallëzuar shkëmbimet e zjarrit mes policisë dhe elementëve kriminalë brenda dhe përreth fshatit Lazarat.

Korrespondentja e Top Channel në Gjirokastër, Kristina Fidhi raporton se disa autoblinda të Forcave Speciale të Policisë kanë hyrë në pjesë të fshatit duke ngushtuar zonën.

Raportohen të shtëna nga dy banesa të fshatit, por edhe nga anët e malit. Dyshohet se personat që po qëllojnë kundër policisë janë të armatosur rëndë.

Pritet që në orët në vijim të shtohet prezenca e forcave të policisë në operacion, ndërkohë që që prej pasdites së të hënës banorët e Lazaratit vazhdojnë të djegin sasinë e marijuanës “të mbetur stok”.

Raportohet se në Gjirokastër ka mbërritur Ministri i Brendshëm, Saimir Tahiri. Ai pritet të zhvillojë një takim me drejtuesit e policisë së Qarkut dhe drejtues të pushtetit vendor, përfshirë këtu kreun e Komunës së Lazaratit, Dasho Aliko.

Policia apel qytetarëve: Dorëzoni armët “Mos u bashkoni me elementët kriminalë”

Gjatë paradites së të martës, me anë të një njoftimi Drejtoria e Përgjithshme e Policisë së Shtetit deklaroi se uniformat blu janë të vendosura në arritjen e objektivit për asgjesimin e sipërfaqeve të kultivuara me bimë narkotike, vënien para përgjegjësisë ligjore të të gjithë personave që gjatë këtyre ditëve kanë kundërshtuar dhe qëlluar me armë forcat në terren, duke sjellë për pasojë dhe plagosjen e një punonjësi policie në orët e para të mëngjesit të ditës së sotme, si dhe vendosjen e rendit e të sigurisë publike në Lazarat.

“Polica e Shtetit u bën thirrje personave të armatosur që të dorëzojnë armët e të vihen në dispozicion të policisë, pasi policia është e vendosur në përmbushjen e misionit të saj dhe nuk do të mund ti shpëtojnë përballjes me forcën e ligjit”, thuhet në një komunikatë.

“Çdo kundërshtim dhe qëndresë me armë vetëm sa rëndon pozitën ligjore, duke u bërë dhe shkak i pasojave që Policia e Shtetit deri tani është munduar të parandalojë”, paralajmërohet në të.

Njëherazi Policia e Shtetit u bën thirrje të gjithë banorëve të fshatit Lazarat, të bashkëpunojnë me të dhe të bëjnë të mundur identifikimin e elementëve kriminalë që janë duke u konfrontuar me armë me policinë.

“Shërbimet e Policisë së Shtetit janë në gadishmëri të plotë dhe të vendosur për të përmbushur me sukses operacionin e ndërmarrë gjatë këtyre ditëve, duke kontribuar në sigurinë e banorëve të Lazaratit dhe të qytetarëve”, përfundon njoftimi.

--------------------------------------------------

Nuk ka me llafe. Ka shtet ketu!

PeDe-ja doli me ne fund ne deklarate, tha mbeshtesim policine por kjo eshte show banditesk

[Albo]

Lazarat, sulmi me armë ndaj policisë, arrestohen 6 nga 27 autorët e grupit kriminal

Policia e Shtetit ka vënë në pranga 5 nga 27 personat e shpallur në kërkim, të dyshuar si autorë të sulmit me armë ndaj policisë, si dhe nje te 6-te per te njejten akuze, por qe nuk ishte ne listen e Ministrise se Brendshme. Në prangat e policisë kanë rënë shtetasit:

1. Matjas Muhamet Bocia, vjeç 23, banues në Lazarat Gjirokastër (i shpallur ne kerkim)
2. Florian Nexhip Shurdhi, vjeç 29, banues në Lazarat Gjirokastër (i shpallur ne kerkim)
3. Juxhin Avdul Bocia, vjeç 19, banues në Gjirokastër (i shpallur ne kerkim)
4. Xhevahir Miftar Doçi, vjeç 29, banues në Dunavat Gjirokastër ( i ri, jo ne listen e MB)
5. Ali Mato Basha, vjeç 46, banues në Lazarat Gjirokastër (i shpallur ne kerkim)
6. Emiljano Bejko Aliko, vjeç 31, banues në Lazarat Gjirokastër (i shpallur ne kerkim)

6 personat janë paraqitur në Komisariatin e Policisë Gjirokastër gjatë pasdites së djeshme. Nga verifikimi i deklarimeve të tyre në polici, ku janë vërejtur mospërputhje dhe hetimeve të kryera nga policia këta shtetas janë në cilësinë e të dyshuarit dhe ndaj tyre është marrë masa e arrestit në flagrancë.

Nje nga te arrestuarit, Ali Basha, ne nje linje telefonike dje per Ora News, mohoi te kete lidhje me ngjarjen per te cilen akuzohet.

Këta shtetas, në bashkëpunim me persona të tjerë, sipas policise janë autorë të dyshuar të sulmit me armë ndaj forcave të policisë në datat 15 dhe 16 qershor, në momentin që këto forca po zhvillonin operacionin policor për identifikimin e sipërfaqeve të kultivuara me bimë narkotike dhe asgjesimin e tyre.

Po ashtu këta shtetas dyshohen se, në bashkëpunim me persona të tjerë, janë autorët e sulmit ndaj gazetarëve të televizionit A1 Report.

Gjithashtu rreth orës 08:30 të 16 majit në lagjen Pllakë, si pasojë e të shtënave me armë që vinin nga fshati Lazarat, është dëmtuar nga një plumb rigoshet automjeti në pronësi të shtetasit D.Sh.

Materialet procedurale në ngarkim të tyre i kanë kaluar për ndjekje të mëtejshme Prokurorisë së Rrethit Gjyqësor Gjirokastër pa dyshohen se kanë konsumuar veprat penale të “vrasje në rrethana cilësuese e mbetur në tentativë e kryer në bashkëpunim”, “vjedhje”, dhe “shkatërrim prone me zjarr”.

Ndërkohë në kërkim nga policia mbeten edhe 26 persona nga lista e emrave të publikuar dje nga Ministria e Brendshme, si pjesë e grupit të zjarrit që pritën me mortaja dhe antitank policinë.
1Albion Aliko
2. Alban Aliko
3. Jeton Kalemi
4. Abaz Rabi
5. Adem Sala
6. Shkelqim Krishti
7. Artur Gjini
8. Sherif Kazma
9. Sokol Skendi
10. Sevdi Shurdhi
11. Martin Muho
12. Adriatik Gaba
13. Carcan Gaba
14. Haki Buci
15. Hamza Buci
16. Agim Avduli
17. Syrja Sinani
18. Izmir Hebovija (Shkodrani)
19. Kostandin Xhuvani
20. Erjon Haxhiaj
21. Arsen Banaj
22 Razip Mahmutaj


ORA NEWS

[Albo]

Orë lufte në Lazarat, deri tani 2 të plagosur, Tahiri: Do shkojmë deri në fund. Ora e kriminelëve ka ardhur



Lazarat- Orë tensioni dhe “lufte” në Lazarat. Shënohet plagosja e dytë e operacionit për marrjen nën kontroll të policisë të çdo metër katror të Lazaratit.

Në orën 16:00 policia informon se nga “të shtënat e grupit kriminal në brendësi të fshatit Lazarat, ka mbetur i plagosur në dorë dhe në këmbë shtetasi D.R., vjec 19, nga Ura Vajgurore, Bari.

“ Ky është personi i dytë i plagosur pas mbrëmjes së djeshme të një efektivi të FNSH-së. Ministri i Brendshëm Saimir Tahiri deklaron se ka ardhur ora që të shkëputen të gjitha lidhjet e botës së krimit me Parlamentin e politikën. “Ora me lidhjet e botës së krimit në Lazarat me parlamentin e policinë kanë mbaruar gjithmonë” deklaroi ministri në orën 15:00 në prononcim për median nga qyteti i Gjirokastrës. Prej paradites së sotme forcat speciale kanë përparuar me autoblinda më shumë brenda fshatit të njohur për kultivimin e drogës dhe deklaron se operacioni do të përfundojë në momentin kur çdo metër katror do të vihet nën kontrollin e saj: “Do të asgjësohen parcelat me kanabis por edhe arrestohen personat që qëllojnë mbi policinë.” Sot në mesditë nga fshati Lazarat janë dëgjuar të shtëna të shumta me armë. Situata ishte tepër e tensionuar. Banorët të mbyllur në bodrume përmes lidhjeve telefonike me Ora News bënin apel për të ndaluar të shtënat. Policia deklaronte se nga banesa e Erik e Gurgaz Skenderi dhe Bajo Skendulit po qëllohej në drejtim të policisë dhe kanë grumbulluar shumë armatim. Policia ka lokalizuar vendin dhe është duke vepruar. Policia thotë se plumbat nuk janë të policisë por plumbat e grupit të armatosur që po vepron brenda Lazaratit, “plumba të atij grupi që plagosën avokatin para dy ditësh, që plagosën punonjësin e policisë së shtetit duke u gdhirë dita e sotme, janë po ato plumba që kanë shqetësuar fshatrat përrreth dhe lagjen Zinxhira e që kanë vështirësuar lëvizjen në aksin rrugor.Madje akuzoi dhe kryetarin e Komunës Dasho Alikoi se nuk kishte bashkëpunuar me policinë për të treguar grupin që vepron brenda në fshatin Lazarat. Drejtori i Përgjithshëm i Policisë Artan Didi deklaron se harta e parcelave me kanabis është shumë e gjerë në Lazarat, ndërkohë që banorët kanë djegur vetë parcelat me kanabis, madje kanë kanë djegur edhe sasi me kanabis që ishte i viti të kaluar. “Harta në Lazarat e kultivimit është shumë e gjerë. Dje janë asgjësuar 11 mijë rrënjë kanabis. Vetë banorët kanë asgjësuar bimët që kanë qenë gati për tu mbjellë. Mund të jetë asgjësuar dhe një pjesë e kanabisit të një viti më parë të ruajtuar. Kjo tregon se banorët janë me policinë dhe e kuptojnë rëndësinë e këtij operacioni. Por është grupi kriminal që kërkon të tërheqë pas vetes. Sepse duke pasur banorët ndihen më të fuqisëm po të jenë vetëm largohen nga Lazarati. Jemi futur në një pjesë nga Lazarati , nuk e menduam si gjë të lehtë dhe duke e cilësuar të tillë nuk menduam të ndërhymin më parë. Kemi nisur këtë operacion i cili mund të vazhdojë në varësi të situates. Policia do ta mbyllë me sukses dhe pa viktima. Policia është e detyruar nga ligji të mos luftojë krimin dhe për këtë policët janë të vetëdijshëm për sakrificat dhe ne i kemi dalë për zot kësaj pune dhe kemi të drejtë” tha Didi sot. Dje policia kishte avancuar deri në periferi të Lazaratit duke asgjësuar parcelat me kanabis në banesën e Razip Mahmutajt i cili së bashku me disa persona të tjerë fillimisht bëri rezistencë duke qëlluar me antitank e mortaja në drejtim të policisë. Ministri i Brendshëm Saimir Tahiri deklaron se janë të vendosur për t’i shkuar deri në fund operacionit. Ajo çfarë po ndodh konkretisht brenda fshatit mësohet vetëm nga informacionet e policisë së shtetit si dhe nga banorë të fshatit të cilët përmes kontaktit në redaksinë e Ora News Orë pas ore çfarë ndodh në Lazarat Ora 16o Plagoset një bari Policia njofton plagosjen e një bariu. “Rreth orës 16:00 nga të shtënat e grupit kriminal në brendësi të fshatit Lazarat, ka mbetur i plagosur në dorë dhe në këmbë shtetasi D.R., vjec 19, nga Ura Vajgurore, bari. Ky shtetas ka marrë mjekimin e nevojshëm pranë spitalit të Gjirokastrës dhe është jashtë rrezikut për jetën. Policia po heton per rrethanat.” Ora 15:00 Tahiri: Operacioni përfundon kur çdo metër katror i Lazaratit të jetë nën kontrollin e policisë Ministri i Brendshëm Saimir Tahiri deklaron pas takimit se ora e kriminelëve në Lazarat dhe ata që kanë marrë armën kundër policisë së shtetit ka ardhur. ”Ora me lidhjet e botës së krimit në Lazarat me parlamentin e policinë kanë mbaruar gjithmonë. Jemi të bindur që policia e shtetit do të bëjë detyrën pavarësisht se kjo zonë është konsideruar se nuk mund të veprojë policia. Të jenë të bindur se ata që kanë ngritur armët kundër policisë u ka ardhur ora. U kërkoj mirëkuptimin të jini në krah të policisë së shtetit. Jam këtu për të mbështetur ato bij nënash që po sakrifikojnë për të gjithë ne për të vendosur shtetin ligjor. Ora e kriminelëve në Lazarat dhe ata që kanë marrë armën kundër policisë së shtetit ka ardhur. Operacioni përfundon kur çdo metër katror i Lazaratit të ketë ligjin e shtetit. Ne po tregojmë qytetarëve që ligji vlen për të gjithë. Integrimi europian është lufta kundër krimit dhe trafiqeve “ tha Tahiri. Ora 13: 26 Tahiri: Të vendosur do i shkojmë deri në fund operacionit Ministri i Brendshëm Saimir Tahiri deklaron se janë të vendosur për t’i shkuar deri në fund operacionit. Në takimin që po zhvillohet në Drejtorinë e Policisë së Gjirokastrës ndodhet kryetari I komunës së Lazaratit Dasho Aliko, Drejtori I Përgjithshëm i Policisë së Shtetit Artan Didi, prokurori i rrethit prefektja,informon gazetarja jonë Brikena Metaj. Ora 12: 39 Aliko me Tahirin takohen në Gjirokastër Kreu i komunës Lazarat, Dasho Aliko mbërrin në drejtorinë e Policisë Gjirokastër në bashkëbisedimin me ministrin Tahiri. Në takim me ministrin Tahiri edhe kreu i Bashkisë Gjirokastër, Flamur Bime, prefektja Zamira Rami dhe kreu i policisë.

ORA NEWS

[Albo]

Lazarat, plagoset me armë efektivi i FNSH-së, jashtë rrezikut për jetën

Lazarat- Një efektiv policie është plagosur në Lazarat, nga të shtënat me armë që kanë shoqëruar gjatë gjithë natës fshatin.

Burime nga policia bëjnë me dije se ngjarja ka ndodhur rreth orës 02:00 pas mesnatës, ndërsa i plagosur ka mbetur punonjësi i policisë S.M, 32 vjeç, i Ndërhyrjes së Shpejtë Shkodër, i cili ishte i dislokuar me shërbim gjatë natës.

Sic bën me dije policia, efektivi ka mbetur i plagosur nga të shtënat me armë nga brendësia e fshatit Lazarat, ndërsa ka marrë plagë në dorë dhe në këmbë, por fatmirësisht është jashtë rrezikut për jetën.

Nga strukturat e policisë vijon kryerja e veprimeve hetimore dhe procedurale për identifikimin e kapjen e autorëve të kësaj ngjarje, si dhe dokumentimin e plotë ligjorë të saj. Materialet procedurale do ti kalojnë për ndjekje të mëtejshme Prokurorisë.

ORA NEWS

[Albo]

Noka për operacionin në Lazarat: Mbështesim policinë, jo aksionin. Show banditesk i Tahirit



iranë- Partia Demokratike në të parin prononcim publik lidhur me operacionin policor në Lazarat e ka cilësuar një akt banditesk të Ministrit të Brendshëm, Saimir Tahiri.

Deputeti i kësaj force politike, dhe ish-Ministër i Brendshëm, Flamur Noka, në një prononcim për mediat pas mbledhjes së komsionit të sigurisë tha se ky nuk është aksion, por një show, njësoj si terroristët e Farkut.

“ Jemi të prirur për tu dhënë mbështetjen forcave të policisë në çdo aksion, por ky nuk është aksion, është një show banditesk i Ministrit të Brendshëm. Atë lloj shoë ne e kemi parë vetëm tek terroristët e Farkut dhe në Irak dhe Afganistan kur marrin peng dhe dalin me maska prapa për tu dhënë mesazhe kriminale qytetarëve. Pra nuk është aksion por show. Të gjithë elementët që kemi parë tregojnë që është një show. Mbështesim policinë, por jo aktet banditeske të Ministrit dhe drejtuesve të tjerë deklaroi Noka.

Në mbështetje të argumentit të tij se ky është një aksion i gabuar, Noka shtroi pyetjen se a mund të ndërhyhet në të gjithë Shqipërinë me të njëjtën formë, pasi sipas tij i gjithë territori është shndërruar në Lazarat nga kjo qeveri.

“Nuk është thjesht çështja e Lazaratit, këta e kanë shndërruar të gjithë territorin e Shqipërisë në Lazarat. A mund t’ia dalin me këtë mënyrë në të gjithë territorin?Unë mendoj që ata që organizojnë operacione të tilla të kenë parasysh që jeta e çdo qytetari dhe polici është e shtrenjtë dhe përgjegjësia do të bjerë mbi ta”tha ai.

Reagon dhe Paloka në FB: Skenarë si në filmat e Kinostudios

Te dashur miq,dje në Lazarat propagandë, maska pranë ministrit e skenarë si në filmat e Kinostudios, ku sulmoheshin “armiqtë e klasës” dhe ata që s’e duan.EP.

ORA NEWS