--- La Madre dei IMBECILI e sempre in cinta...
---voudou.. ---
“Memecët” e qeverisë!
Flash, Opinion e Dielë, 17 Nëntor, 2013 | 10:12 am
HAMDI JUPE
Menaxhimi i situatës së protestave, të krijuar prej idesë së shkatërrimit të lëndëve kimike siriane në Shqipëri, nxori në plan të parë, krahas të tjerash, një dobësi të theksuar të punës së qeverisë: atë të memecërisë së zëdhënësve të saj. Ajo që ndodhi, në fakt, nuk ishte gjë tjetër veçse një betejë në fushën e informimit dhe të dezinformimit të opinionit publik, dhe këtë betejë qeveria e humbi me sukses të plotë.
Problemi ishte kompleks dhe ruajtja e konfidencialitetit të tij e bënin të vështirë komunikimin e gjerë me publikun për të. Por situata erdhi e tillë që asnjë nga zëdhënësit që paguhen nga qeveria për të folur në emër të saj nuk bëri asnjë përpjekje, sado të vogël, për të sqaruar opinionin se nuk bëhet fjalë për ndonjë hata apo komplot kundër atdheut, përkundrazi. As nga Ministria e Mbrojtjes, as nga Ministria e Jashtme, as nga ajo e Brendshme, as nga ajo e Shëndetësisë, që ka përgjegjësi për shëndetin e popullit. Është fakt se qysh nga mesdita e ditës së enjte, datë 15 nëntor, me mbylljen e punimeve të Parlamentit dhe deri në orën 17:00 të ditës së premte, 16 nëntor, që foli Kryeministri Rama para mediave, pra më shumë se 24 orë, hapësira informative e qeverisë për këtë çështje kaq sensitive ishte tërësisht bosh, me gjithë turmat e njerëzve nëpër rrugë. Ky vakuum i saj u la vend lloj-lloj spekulimeve të mediave të ndryshme dhe të thashethemnajave urbane, të dëmshme natyrisht për informimin e shëndoshë të publikut. Sjellja e medias shqiptare ndaj këtij rasti i dëshmoi të gjitha cilësitë pozitive dhe negative të saj deri në ekstrem. Aty pati edhe informim të shpejtë dhe korrekt, edhe spekulim me informacionin, edhe abuzim me emocionet e natyrshme të njeriut, edhe folklorizëm pa kufi në trojet e Mujit dhe Halilit, edhe keqpërdorim të mikrofonave dhe ekraneve për qëllime që nuk kanë asnjë lidhje me misionin e medias serioze etj.
Duket se disa grupe mediatike, me ndërrimin e qeverisë, kanë humbur mundësinë për të përfituar financime nga fondet e taksapaguesve shqiptarë. Nuk është e vështirë të kuptohet se cilat media u rreshtuan me zell më të tepruar sesa duhet në anën e atyre që i frynin erës së protestave, me shpresë se mund të nxirrnin ndonjë përfitim prej tyre, qoftë edhe duke u faktorizuar në jetën politike. Amerikanët që mbrojtën pavarësinë e territoreve shqiptare nga copëtimi pas Luftës së Parë Botërore, amerikanët që çliruan dhe shpallën shtetin e pavarur të Kosovës, amerikanët e vendit më demokratik në botë, papritur ishin gdhirë “imperialistë amerikanë”, antishqiptarë të tërbuar që deshën të zhduknin nga faqja e dheut me armë kimike popullin më proamerikan në Europë. Kjo ishte psikoza e krijuar në turmat e pafajshme të shqiptarëve 20-vjeçarë, të trullosura nga kjo makineri e manipulimit të opinionit publik në kohë moderne. Media jonë është ajo që është, pjesë dhe produkt i shoqërisë sonë, përgjithësisht pozitive, natyrisht. Qeveria nuk mund t’i korrigjojë veset e medias. Por qeveria, nga ana e vet, bën punën e saj për informimin e drejtë të publikut dhe këtu ajo lipset të korrigjojë disa nga veset e saj që u shfaqën në këtë rast. Ajo e ka për detyrë kushtetuese dhe ka në dispozicion mjetet e nevojshme për ta bërë një gjë të tillë. Ajo, qeveria, nuk ka përse të lejojë që qendra kryesore e informacionit për vendin dhe rreth fateve të vendit, të spostohet prej zyrave të saj në zyra të tjera, për shkak të interesave të caktuara të manipulimit të opinionit publik prej tyre, siç ndodhi në këtë rast.
Të paktën kur në qendër të ngjarjeve është vetë qeveria dhe aktiviteti i saj. Situata e informimit korrekt të opinionit në rastin konkret, doli jashtë kontrollit të qeverisë. Qendrat e informacionit u spostuan nëpër dhomat e lajmeve të televizioneve private që vepronin sipas orientimit dhe interesave (jo vetëm mediatike) të pronarëve të tyre. Ato ia arritën të krijojnë në popull psikozën e një rreziku ndërkombëtar që po i kërcënohej Shqipërisë prej amerikanëve, për qëllime të errta antishqiptare. Qeveria doli kështu jashtë loje në fushën e informimit të opinionit të cilin ajo pretendon se përfaqëson dhe mbron. Pati edhe disa analistë të pavarur që u përpoqën të kontribuojnë me mendimin “kundër rrymës”, d.m.th. të shpjegojnë se nuk ka arsye për panik nga ky rast etj. Por këta u lanë të vetmuar dhe pa ndihmën e nevojshme në fushën e informacionit nga ata që e kishin në dorë këtë monopol të informacionit, pra nga ana e qeverisë. Kështu që ky zë mbeti në minorancë. Një problem tjetër duket se doli në evidencë në këtë rast. Qeveria nuk ka komunikim të mirë me media dhe gazetarë seriozë (jo me spekulantët) që mund ta ndihmonin atë, qeverinë, për të përballuar situata të tilla komplekse në drejtim të informimit të opinionit publik.
Qeveria është gati–gati në raporte armiqësore me mediat e vendit. “Krushqia” midis tyre është e plevitosur, për të mos thënë e ngrirë. Qoftë i gabuar ky perceptim, por këtë mendim kam krijuar dhe arsyet për këtë le t’i gjejë qeveria. Për këtë problem bota ka përvoja të ndryshme pozitive të afrimit të qeverisë me media dhe gazetarë seriozë, të cilët janë po aq patriotë sa edhe anëtarët e qeverisë. Këta furnizohen me informacion konfidencial shtesë, që i ndihmon ata, gazetarët, të bëhen pastaj “zëdhënës” të mirë të qeverisë edhe pa qenë zyrtarisht të tillë. Nuk është hera e parë gjatë këtyre muajve të qeverisë së re që goja e saj rri e mbyllur për probleme të ndryshme të rëndësishme të vendit. Tashmë dihet se të gjithë ministrat kanë këshilltarë dhe zëdhënës. Këta “pëllumba të Rilindjes” duhet të jenë të paktën nja pesëdhjetë të tillë, duke filluar nga kabineti i Kryeministrit dhe deri te ministri më i thjeshtë. Por ne nuk pamë në asnjë rast që ndonjëri prej tyre të dalë në media. Dhe jo vetëm në këtë rast. Tani, pas gati tre muajsh qeverisje, ne nuk dimë akoma emrat dhe fytyrat e zëdhënësve të qeverisë, sepse ata praktikisht nuk kanë as zë dhe as fytyrë në publik. Ata nuk dalin në media, as në gazeta, as në televizione.
Ata janë “memecët” e paguar të qeverisë vetëm për memecërinë e tyre. Kjo nxjerr në plan të parë një pyetje tjetër të madhe: A janë zëdhënësit e qeverisë të paaftë të kryejnë detyrën e tyre ndaj publikut, apo atyre ua ka mbyllur gojën i famshmi Kodi i Etikës, i adoptuar nga qeveria në fillim të punës së saj? Sepse mirë për rastin e fundit që ata nuk dinin gjë dhe nuk kishin për të thënë gjë, siç mund të pretendohet. Por ka mjaft probleme të tjera për të cilat mund të flasin zëdhënësit e qeverisë. Uroj që atyre t’u vijë një ditë goja. Përndryshe, do të ketë përsëri situata të tilla, madje më të komplikuara se kjo që kaluam, duke bërë që qeveria të mbytet me një lugë ujë, si qeveria e Nolit.
panorama
Te lutem me thuaj qe e ke me ironi!xinxerfilli.....
Ja ca perfitimesh do kishte po tu kishim thene po:
“Bëjini një ofertë, të cilës nuk mund t’i thotë dot JO”
“I’m gonna make him an offer he can’t refuse”, që e shqipëruar do të thotë: “Kam për ti bërë një ofertë që ai se refuzon dot”. Kjo shprehje epike e artikuluar nga një personazh kinematografik të vjen e para ndërmend, kur njihesh me një ofertë gati të pabesueshme të shtruar dje nga pala amerikane në tryezën e tavolinës së negociatave me Shqipërinë për armët kimike. Burime diplomatike thanë dje për DITA se pala amerikane, ka hedhur në tryezë një ofertë me së paku 5 pika, nga të cilat duket qartë që kanë thyer çdo vetëkufizim; kanë ofruar maksimumin. Mes 5 pikave të ofertës bie menjëherë në sy premtimi amerikan për t’i dhënë Shqipërisë valencën e një shteti që është në marrëdhënie të veçantë me SHBA-të, përfshirë dhe heqjen e vizave. Por mes pikave të paketës së propozuar ekziston dhe një pikë e renditur e treta e cila premton mbulimin me ndihmë financiare në vlerën e 3-fishit të Buxhetit të Shqipërisë. Buxheti i Shqipërisë për vitin 2012 u llogarit në 4 miliardë dollarë.
Trefishi i kësaj shifre është 12 miliardë dollarë.
Paketa diplomatike
Të njëjtat burime diplomatike kanë konfirmuar dje për DITA -n se në paketë përfshihen dhe dy pika që lidhen me angazhimin amerikan për mbështetjen e Shqipërisë në proceset integruese, madje këto dy pika janë renditur të parat. Mbështetja amerikane dhe lobimi intensiv në të gjitha nivelet me të gjitha mënyrat për marrjen e statusit të vendit kandidat brenda muajit Dhjetor. Pika e dytë në rrafshin e premtimit diplomatik është lobimi për përfshirjen e Shqipërisë me të drejta të plota, pra përfshirje përfundimtare në BE, brenda mandatit të parë të qeverisë socialiste. Si pikë e fundit e premtimeve është angazhimi i Shteteve të Bashkuara të Amerikës për propozimin e vendit tonë për çmimin “Nobel” për Paqen. Kjo është paketa e 5 pikave të ofertës amerikane e hedhur ditën e djeshme në tryezën e bisedimeve, sipas burimit diplomatik të DITA -s. Edi Rama duhet ta shqyrtojë e të vendosë. Deri dje Edi Rama nuk ka thënë dot as Po e as Jo, ndaj kësaj oferte, por njerëz pranë rrethit të tij të ngushtë njoftuan se Rama anon për shumë nga “JO”. Një aludim të tillë bëri dje dhe “Zëri i Amerikës”, i cili ndërsa thoshte filllimisht se qeveria shqiptare po përgatitet për mos pranuar lëndët kimike, citonte më pas në një përditësim të lajmit duke shtuar se “qeveria nuk ka i ka ndërprerë negociatat”.
Paketa amerikane e hedhur dje në tryezë:
1. Ndihmë për sigurimin e Statusit të Vendit Kandidat brenda Dhjetorit
2. Ndihmë për aderimin e plotë të Shqipërisë në BE brenda mandatit të parë të qeverisë Rama
3. Mbulim financiar sa 3-fishi i Buxhetit të Shqipërisë (Buxheti i Shqipërisë ishte 4 miliardë USD për vitin 2012)
4. Garantimi dhe dhënia e një statusi të veçantë për Shqipërinë në raport me Shtetet e Bashkuara të Amerikës ku në proces përfshihet dhe heqja e vizave
5. Propozimin e Shqipërisë për çmimin “Nobel” për paqen.
Gazeta DITA
MOS I NDY TEMAT no name
Pika e ...
6. Fluturime turistike në hënë për çdo shqiptar.
Ngjeshur me brezin e se vertetës,parzmoren e drejtësisë,mburojën e besimit dhe shpatën e Frymës.
Joooo kermillo nuk duhet te jete vetem grek por duhet te jete prift i Kishes Greke kryministri i Shqiperise ! Me ke do te bejme qejf ne shqiptaret pastaj ? Vetem nje prift i Kishes Greke ka mundesine te jete "popullor" me cunat e Shqiperise ! Ka mundesi qe prifti te paguje edhe financimin e "buxhetit" .....Atehere kishe per ta pa te rinjte shqiptare ti ....nuk do te ikshin me ne emigracion por do te zinin rradhe tek kryministria !Postuar më parë nga Kermilli
ILKË Sala është 100 herë më i rrezikshëm se Rama , por thjesht ti po mundohesh të bësh atë që Grekët i thonë '' NA HRiSOSIS TO HAPI'' e përkthyer në Shqip '' Të bësh hapjet me ar'' Përse o ILKË ti nuk the gjë kur SALKA pranoi që ATDHEU YNË jo yt , TË BËHEJ KOSHI I PLEHRAVE ITALIANE????? DIKU LEXOVA SE KËTO PLEHRAT ITALIANE PASKAN QËNË ORGANIKE DHE JO KIMIKE DHE RADIOAKTIVE
E morre vesh ti qe Bracja kerkoi falje?
Albo Shqipëria tregoi se ka një KRYEMINISTËR SHQIPTAR dhe jo një KRYEMINISTËR KUKULL SIÇ ISHTE SALI BERISHA që ishte gati të shitej kur tia kërkonin, i cili PËR PAK SA NUK I DHUROI DETIN GREKUT, I LËPINTE BYTHË TURKUT DUKE KËRJUAR QË TË NDËRROHEJ HISTORIA SIPAS DËSHIRËS SË TURQVE, DUKE NDIHMUAR MILLOSHEVIÇIN ME NAFTË ME ANË TË FIRMËS ''SHQIPONJA'' E CILA DUHET TË QUHEJ FIRMA ''LARËSKA'', E PRA ALBO SIÇ E SHIKON TË PËLQEN APO JO TY OSE SHUMË TË TJERËVE KRYEMINISTRI MAJMUN ISHTE SALI BERISHA DHE JO EDI RAMA.
Qeveria e EDI RAmës është ndoshta e vetmja qeveri që kishte GUXIMIN TË FLISTE PËR ÇËSHTJEN ÇAMË HAPUR , në prani të PRESIDENTIT GREK PAPULIAS, asnjë qeveri tjetër nuk e ka bërë këtë gjë më përpara,ndoshta e ka bërë por jo kaq hapur qeveria komuniste e ENVER HOXHËS, pra Albo SALI BERISHA ËSHTË NDOSHTA KRYEMINISTRI MË I RREZIKSHËM mbas ESAT PASHË TOPTANIT PËR SHQIPËRINË DHE SHQIPTARËT
A ishte Rama i droguar në konferencën për shtyp?
Shtune, 16 Nentor 2013 21:36
Shkruar nga Rexhep Polisi
Shqiptarët u njohën ditën e premte jo vetëm me tërheqjen e Ramës për të sjellë në Shqipëri 1300 tonë helme kimike, por edhe me Kryeministrin, i cili drejton vendin.
Në 30 minuta të fjalimit të tij, Edi Rama shpalosi mendjen e sëmurë të një njeriu, që urren gjithkënd që i del kundër qoftë edhe qindra mijëra shqiptarë, që për 10 ditë protestuan ndaj mostransparencës së asaj që po ndodhte. Media, opozita, drejtuesit dhe mbështetësit e saj, si dhe shqiptarët që protestuan ishin ata që u sulmuan në fjalimin e gjatë të Kryeministrit. Për Ramën, asgjë nuk ishte e vërtetë dhe lajmi se, Shqipëria po shndërrohej një vend i asgjësimit të armëve kimike ishte një mashtrim i mediave. Në vorbullën e mediave, ai përfshiu edhe ato ndërkombëtare që për ditë me radhë dhanë lajmin se Kryeministri shqiptar ka pranuar asgjësimin e armëve në Shqipëri. Ai i ka cilësuar ato të korruptuara dhe nxitëse të protestave kundër qeverisë. Sipas Ramës, media u bë llogorja e hedhjes së një helmi pabesisht çoroditës për qytetarët. “Këta skenarë haluçinantë kanë kallur gjithë këto ditë në mendjen tuaj ultësisht, poshtërisht, kafshërisht, politikanë pa din e iman, që vetëm Shqipërinë nuk duan, pronarë mediash të zhytur në pazare e borxhe, që kanë humbur shtigjet e privilegjeve të tyre të deridjeshme apo të tjerë, ca me qëllim e ca nga padija, që janë turrur t’i hedhin benzinë zjarrit të imagjinatës suaj, duke nxjerrë nga goja gjithëfarë monstruozitetesh e absurditetesh”, tha Rama ditën e premte, ndërsa i referoheshe jo vetëm publikimit të negociatave për armët kimike, por edhe emisioneve ku specialistë dhe ekspertë informonin shqiptarët për efektet vdekjepryrëse të helmeve siriane. Për Kryeminstrin, ato nuk duhet të ishin transmetuar dhe opinioni publik nuk duhej të ushqehej me të ërtetën rreth vdekjes që shkakton Sarina, lënda mustardë, etj. Sipas Kryeministrit, media nuk duhet të fliste fare në mënyrë që armët kimike të Asadit, të hynin në Shqipëri pa u kuptuar nga shqiptarët. Fotot e djeshme të Ramës në konferencën për shtyp që nuk kishin aspak të bënin me një njeri normal, por me një të droguar që kishte marra dozat e një të çmenduri. Gjuha e urrejtjes ndaj shqiptarëve që protestuan ishin të mjaftueshme për të klasifikuar këtë Kryeministër përtfundimisht si një rrezik për shoqërinë.
Protestuesit ndollën antiamerikanizmin
Në fjalimin e tij në konferencën për shtyp, atakoi me radhë përfaqësuesit e opozitës, mediat dhe protestuesit, duke i akuzuar ata se implikuan një mallkim damkosës në trupin e Shqipërisë. “Lërini në marrinë e tyre ata që duan ta bëjnë përsëri lëmsh mendjen e këtij populli, duke nxitur një antiamerikanizëm që na turpëron si komb, si vend, si shoqëri, si shqiptarë e si qytetarë; ata që duan t’ju helmojnë e çorodisin përditë me shpifje, gënjeshtra e mllefe gjithfarë, siç kanë bërë me vite këtyre anëve; ata që duan t’ju ngopin me lugën bosh të injorancës e të ligësisë së tyre të njohur ndaj këtij vendi. Unë e di sa ju dhemb zonja e zotërinj opozitarë jo thjesht humbja e 23 qershorit, po ende më thellë, sa ju dhemb humbja e pushtetit mbi paratë e shqiptarëve dhe goditjet e njëpasnjëshme që po merr bota e ulët e krimeve ekonomike, të cilën e ndërtuat si një mallkim damkosës në trupin e Shqipërisë”, tha Rama.
Kundër shqiptarëve
Urrejtja e Ramës u drejtua edhe ndaj qytetarëve që protestuan. Sipas Ramës dalja në shesh kundër asgjësimit të armëve kimike siriane e ul Shqipërinë në arenën ndërkombëtare. Ai kritikoi edhe thirrjet e të rinjve, të cilët kërkonin një Shqipëri të bashkuar pa armët kimike. “Ne vërtet jemi të vegjël e të varfër, po ju siguroj se nuk bëhemi as më të mëdhenj as më të pasur, duke u ngutur të sillemi si të mëdhenj pa qenë të tillë dhe duke thirrur, “Shqipëri etnike pa armë kimike!”; As duke u kuturisur të krahasohemi kot më kot me të tjerë, më të mëdhenj e më të fortë se ne, të cilët për arsye krejt të tjera mbajnë qëndrime të tjera nga tonat”, theksoi Rama.
Kundër opozitës
Fjalimi i të premtes i Edi Ramës ishte vazhdimi i kërcënimit ndaj opozitës, se “ju skeni parë akoma se çështë dhuna”. Ndërsa, shqiptarët prisnin që Rama t’u thoshte “Jo” armëve kimike, në pjesën më të madhe të fjalimit Kryeministri kërcënonte opozitën, drejtuesit dhe mbështetësit e saj. Rama u përpoq ta vendoste opozitën kundër Shetetve të Bashkuara të Amerikës, duke tentuar rritjen e kredos politike të socialistëve. Me fjalë fyese, kërcënuese dhe ofenduese, ai do t’i drejtohej opozitës “Po pse, Shtetet e Bashkuara e shkaktuan Gërdecin, o “derra të kënaqun”. migjenianë që sot luani rolin e “Sokratëve të përvuejtun”. për këtë popull të cilin e latë rrugëve, mes plehrave, borxheve e përbuzjes së botës? Po pse, çfarë janë Kombet e Bashkuara, çeta juaj e zullumqarëve që vazhdon rend pas një të marri, i cili, pasi e ktheu Shqipërinë në një kosh plehrash importi, nxjerr Lulin e vet të vocërr të zullumeve të mëdha për të kërkuar referendum popullor kundër Amerikës?”, tha Rama. Ky reagim erdhi nga Kryeministri pas dështimit të planit për të helmuar Shqipërinë dhe shqiptarët. Ky dështim i ka rikthyer atij paranojat e hakmarrjes ndaj kundërshtarëve politikë.
Shqipëria vendi i plehrave
Dështimi i planit që deputetë të Parlamentit Eropian nuk nguruan ta cilësonin dyshues dhe korruptiv, irritoi Kryeministrin Rama, i cili nuk kurrseu ofendimet ndaj vendit të tij. Shqipëria u faktua nga mediat ndërkombëtare, se është vend i plehrave, tha Rama, ndërsa iu referua lajmeve për Shqipërinë ditët e fundit. Sipas Ramës, fakti është se tërë atë lumë poshtërues që u derdh nëpër media ndërkombëtare për ne si një vend plehrash, e prodhoi pikërisht e vërteta, se duke qenë vërtet e mbushur me plehra. “Jo, kjo pyetje më ka munduar, sepse Shqipëria që na kanë lënë është lehtësisht e atakueshme si një vend i varfër dhe i mbushur me plehra, e prandaj, edhe përfshirja e Shqipërisë si stacioni i vetëm më është dukur pengesa më e madhe. Fakti është se, tërë atë lumë poshtërues që u derdh nëpër media ndërkombëtare për ne si një vend plehrash, e prodhoi pikërisht e vërteta se, duke qenë vërtet e mbushur me plehra, Shqipëria kishte një kosto të caktuar nga publiciteti negativ i një operacioni të tillë. E kam ndarë me shumë sinqeritet me partnerët këtë pyetje”, tha Rama.
“Thashë “jo” se u tërhoqën dy
vende të tjera, jo për shqiptarët”
Vendimi për asgjësimin në Shqipëri të armëve kimike, sipas Kryeministrit Rama nuk u anulua si shkak i protestave apo dëshirës së shqiptarëve, por sepse dy vende të tjera që do të bashkëpunonin në këtë plan u tërhoqën. Këtë fakt e konfirmoi vetë Kryeministri Rama në fjalimin e tij para shqiptarëve. Sipas Ramës, nëse disa vende të tjera do të kishin përparuar në kohë për t’u bërë pjesë e operacionit, ai do të ishte pro futjes në Shqipëri të 1300 tonë helmeve kimike. “Pamundësia për t’u përfshirë brenda afatit të përcaktuar, edhe të një a dy vendeve të tjera në zinxhirin e operacionit të shkatërrimit të armëve kimike – jo thjesht financiarisht apo me ekspertizë, sepse të tilla ka, por flas për pjesëmarrje direkte. Nëse disa vende të tjera do të kishin përparuar në kohë për t’u bërë pjesë e operacionit, unë do të isha gati sot t’ju thosha ja plani ynë, ja marrëveshja me partnerët, ja sa pak do rrezikojmë dhe sa shumë do të fitojmë moralisht si komb po edhe fizikisht si vend, duke u bërë pjesë”, tha Rama ditën e premte, kur po i drejtohej shqiptarëve.
Citimet e fjalimit të Ramës
Mediat e korruptuara
“Në radhë të parë ata, të gjithë ata, që më dhanë besimin e tyre të paçmueshëm në 23 qershor, e që sot janë të frikur e të shqetësuar përpara skenarëve të një apokalipsi mbi Shqipërinë. Këta skenarë haluçinantë kanë kallur gjithë këto ditë në mendjen tuaj ultësisht, poshtërisht, kafshërisht, politikanë pa din e iman që vetëm Shqipërinë nuk duan, pronarë mediash të zhytur në pazare e borxhe, që kanë humbur shtigjet e privilegjeve të tyre të deridjeshme apo të tjerë, ca me qëllim e ca nga padija, që janë turrur t’i hedhin benzinë zjarrit të imagjinatës suaj, duke nxjerrë nga goja gjithëfarë monstruozitetesh e absurditetesh”.
Shqipëria vendi i plehrave
“Jo, kjo pyetje më ka munduar, sepse Shqipëria që na kanë lënë është lehtësisht e atakueshme si një vend i varfër dhe i mbushur me plehra, e prandaj, edhe përfshirja e Shqipërisë si stacioni i vetëm më është dukur pengesa më e madhe. Fakti është se, tërë atë lumë poshtërues që u derdh nëpër media ndërkombëtare për ne si një vend plehrash, e prodhoi pikërisht e vërteta se, duke qenë vërtet e mbushur me plehra, Shqipëria kishte një kosto të caktuar nga publiciteti negativ i një operacioni të tillë. E kam ndarë me shumë sinqeritet me partnerët këtë pyetje”.
Media u bë llogore
“Por as rritja e përgjithshme e tensionit këtu në vend, me ushqimin 24 orë në 24 të një pjese të medias (e cila nuk u mjaftua me pasqyrimin e protestës qytetare, po u bë llogorja e hedhjes së një helmi pabesisht çoroditës për qytetarët) dhe as afati që praktikisht skadon sot për një angazhim se qeveria e Shqipërisë do ta konsiderojë rrugën e miratimit ligjor të këtij operacioni, nuk na dhanë më shumë mundësi e kohë për të ezauruar këtë aspekt shumë delikat”.
Rama kundër protestuesve
“Ne vërtet jemi të vegjël e të varfër, po ju siguroj se nuk bëhemi as më të mëdhenj as më të pasur, duke u ngutur të sillemi si të mëdhenj. pa qenë të tillë dhe duke thirrur, “Shqipëri etnike pa armë kimike!”; As duke u kuturisur të krahasohemi kot më kot me të tjerë, më të mëdhenj e më të fortë se ne, të cilët për arsye krejt të tjera mbajnë qëndrime të tjera nga tonat”.
Mediat dhe protestuesit ndollën antiamerikanizëm
“Kështu që le t’i ndajmë gjërat miq. Lërini në marrinë e tyre ata që duan ta bëjnë përsëri lëmsh mendjen e këtij populli, duke nxitur një antiamerikanizëm që na turpëron si komb, si vend, si shoqëri, si shqiptarë e si qytetarë; ata që duan t’ju helmojnë e çorodisin përditë me shpifje, gënjeshtra e mllefe gjithëfarë, siç kanë bërë me vite këtyre anëve; ata që duan t’ju ngopin me lugën bosh të injorancës e të ligësisë së tyre të njohur ndaj këtij vendi. E për t’i ndarë gjërat, duke ndarë edhe gjënë për të cilën ju protestoni, ka vetëm një pikë, ku unë u ndala pa mundur ta kapërcej dot në diskutimet me partnerët tanë”.
Vendimi jo nga protestat, por mospërgjigja e dy vendeve të tjera
Pamundësia për t’u përfshirë brenda afatit të përcaktuar, edhe të një a dy vendeve të tjera në zinxhirin e operacionit të shkatërrimit të armëve kimike – jo thjesht financiarisht apo me ekspertizë, sepse të tilla ka, por flas për pjesëmarrje direkte. Nëse disa vende të tjera do të kishin përparuar në kohë për t’u bërë pjesë e operacionit, unë do të isha gati sot t’ju thosha ja plani ynë, ja marrëveshja me partnerët, ja sa pak do të rrezikojmë dhe sa shumë do të fitojmë moralisht si komb po edhe fizikisht si vend, duke u bërë pjesë. E askush s’do thoshte as pse vetëm Shqipëria dhe as që ky operacion kërkon një vend të varfër e të ndotur si Shqipëria e sotme.
http://ekspres.al/index.php?option=c...12:lajme-kryes
"They will not control us, We will be victorious"
Shansi qe nuk duhej humbur ishte gazsjellsi TAP. Ai shanc u kap, nuk u la te ikte. Eshte ky projekt qe do na mundesoje te ngreme koken lart energjitikisht dhe ekonomikisht. Projekti qe do ta beje shqiperine superfuqi energjitike rajonale. Qeveria e Sali Berishes e kapi kete shanc, nuk u tregua e pafuqishme dhe me shpatulla te vogla.
"Askush nuk eshte perfekt, une jam askushi"
xfiles (17-11-2013)
Përgjigju Duke Cituar
Krijoni Kontakt