Kuriozitete te ndryshme.

[Serioze]

FEMIJA ME I FORTE NE BOTE!




Giuliano Stroe eshte nje nga Bodybuilding me te rinj ne bote. Ai eshte nga Rumania dhe i lindur me 18/06/2004.
Me gjimnastike meret rregullisht cdo dite nga mosha 2 vjecare, ndersa me bodybuilding nga mosha 4 vjecare.

[Marya]

FEMIJA ME I FORTE NE BOTE!




Giuliano Stroe eshte nje nga Bodybuilding me te rinj ne bote. Ai eshte nga Rumania dhe i lindur me 18/06/2004.
Me gjimnastike meret rregullisht cdo dite nga mosha 2 vjecare, ndersa me bodybuilding nga mosha 4 vjecare.

kjo foto me duket fotoshop, nuk e besoj sepse lekuraa duket shume e vjeter ne trup dhe dhe ndryshon me ate fytyres,

[Gentian_gr]

kjo foto me duket fotoshop, nuk e besoj sepse lekuraa duket shume e vjeter ne trup dhe dhe ndryshon me ate fytyres,

Marya!

Te heqesh kureshtjen qe s'eshte fotoshop,mund te shohesh video te djalit ne fjale qe ka zgjuar kureshtjen e shumkujt qe e ka pare.Une kam pare nje emision te shkurter per te.

[AlbaneZ]

Qente e rraces Basenji jane te vetmit qen, te cilet nuk jane te afte te lehin!

[inez]

Princi Charles mëson arabisht për të lexuar Kur'anin

Princi Charles është shumë i vendosur dhe i interesuar për të mësuar gjuhën arabe dhe ka marrë për mbi 6 muaj leksione private, ka njoftuar një asistent i trashëgimtarit të fronit të Mbretërisë së Bashkuar, gjatë një vizite të princit në Katar.

Njohja e gjuhës arabe, do t'a lejonte princin Charles që të lexonte Kur'anin në versionin origjinal, rrethanë e quajtur shumë e rëndësishme në impenjimin e trashëgimtarit të fronit për promovimin e dialogut mes feve.

[inez]

Cila kafshë i ka sytë më të mëdhenj?

Kallamari gjigand (Architeuthis dux) që është nga llojet më të mëdha të kallamarëve i ka sytë më të mëdhenj se çdo kafshë tjetër në planet.

Sytë e tij kanë një diametër prej 25 cm, domethënë janë në madhësinë e topave të volejbollit. Me tetë këmbëzat e thjeshta dhe dy grabitqare, kallamari mund të arrijë deri në 18 gjatësi dhe 900 kg peshë.

[AlbaneZ]

Nuk e di ne jane te verteta!!

Fjalët e fundit më të famshme në shtratin e vdekjes

Cilat janë frazat që kanë lënë pas njerëzit e shquar në shtratin e vdekjes.Nga John Kennedy, Marilyn Monroe, Elvis Presley e deri tek Nënë Tereza.Para se të vdiste presidenti amerikan e kishte diskutuar vdekjen e tij. E fjalët e tij të fundit ishin, “Nëse dikush do të më vrasë, do të më vrasë”. Një mënyrë për të thënë që vdekja është e pashmangshme e nëse ka për të ardhur do vijë. Fjalët e fundit të njerëzve të famshëm përbëjnë një fond të artë të momentit të fundit edhe për arsyen se reflektojnë mendimet finale në prag të ndërrimit jetë.

John Kennedy
Data e vdekjes: 1963
Presidenti i 35-të amerikan më i ri në moshë konsiderohet si një prej folësve më frymëzues në histori.
Fjalët e fundit: Nëse dikush do të më vrasë, do të më vrasë.

Elvis Presley
Data e vdekjes: 16 gusht 1977
Presley ka qenë një prej yjeve të spektaklit më të famshëm të kohës së tij dhe vazhdon të mbetet një ikonë.
Fjalët e fundit: Shpresoj të mos ju kem mërzitur (duke i dhënë fund konferencës së tij të fundit për shty).

Marilyn Monroe
Data e vdekjes: 4 gusht 1962
Ajo ishte një seks-simbol dhe ikonë e Hollivudit. Thuhet se ajo kishte një marrëdhënie me presidentin Kennedy dhe vëllain e tij.
Fjalët e fundit: Thojini lamtumirë Patit, thojini lamtumirë Jack-ut dhe lamtumirë dhe ty sepse je një djalë i mirë.

Frank Sinatra
Data e vdekjes: 14 maj, 1998
Ai ishet një prej këngëtarëve më të famshëm të viteve ’40, aktor dhe gjithashtu një sipërmarrës i suksesshëm.
Fjalët e fundi: Po humbas. Burime të tjera thonë se ai ka thënë, “Po e humbas”.

Virginia Woolf
Data: 28 mars 1941
Një prej shkrimtareve më të rëndësishme të shekullit të kaluar, e cila ka revolucionarizuar letërsinë.
Fajlët e fundit: Jam e sigurt se po çmendem sërish. Besoj se nuk mund të kalojmë sërish nëpër ato kohë të tmerrshme. Dhe kësaj radhe nuk do e rimarr veten. Kam nisur të dëgjoj zëra.

Pablo Picasso
Data e vdekjes: 8 prill 1973
Disa e konsiderojnë piktorin, skulptorin dhe themeluesin e formës së tij të artit si artisti më i famshëm i shekullit të 20-të.
Fjalët e fundit: Pini për mua. Pini për shëndetin tim. Ju e dini se unë s’pi dot më.

John Lennon
Data e vdekjes: 8 dhjetor 1980
Lennon është një prej themeluesve të grupit dhe Beatles, i cili më pas u shfaq për publikun si vokalist e njëkohësisht figurë e përfolur.
Fjalët e fundit: Po, unë jam (Në një makinë policie gjatë rrugës për në spital, kur policët e pyetën nëse ishte John Lennon).

Bob Marley
Data e vdekjes: 11 maj 1981
Këngëtari dhe tekstshkruesi xhamajkan konsiderohet si babai i muzikës rege dhe ambasador i kësaj lëvizjeje shpirtërore që predikonte paqen.
Fjalët e fundit: Paratë nuk e blejnë dot jetën.

Malcolm X
Data e vdekjes: 21 shkurt 1956
Malcolm X ishte një aktivist dhe një prej liderëve me ngjyr ëmë me influencë e gjithashtu një ndër më të diskutuarit.
Fjalët e fundit: Qetësohuni vëllezër, ju lutem! Kjo është një strehë e paqes.

Robert F. Kennedy
Data e vdekjes: 5 qershor 1968
Vëllai i presidentit John Kennedy në kohën, kur u vra ishte Prokuror i Përgjithshëm dhe po përgatitej të kandidonte për president.
Fjalët e fundit: A janë të gjithë të tjerët mirë (bashkëshortes së tij).

Nënë Tereza
Data e vdekjes: 5 shtator 1997
Nënë Tereza është një prej njerëzve më të famshëm në botë, e njohur për bamirësinë e saj në Indi, ku kaluar më shumë se 45 vjet duke ndihmuar të varfrit e jetimit.
Fjalët e fundit: Jezus të dua. Jezus të dua.

Indira Gandhi
Data e vdekjes: 31 tetor 1984
Indira Gandhi ishte kryeministra e vetme femër e Indisë dhe qëndroi në atë post për 15 vjet, duke u përpjekur t’i sjellë progresin vendit të saj.
Fjalët e fundit: Nuk më vjen keq nëse jeta ime shkon në shërbim të kombit. Nëse vdes sot, çdo pikë e gjakut tim do forcojë kombin.

Ëinston Churchill
Data e vdekjes: 24 janar 1965
Ëinston Churchill është konsideruar si një prej liderëve më të mëdhenj në histori pasi drejtoi Britaninë e Madhe gjatë Luftës II Botërore.
Fjalët e fundit: Më ka ardhur në majë të hundës me të gjitha.

Princesha Diana
Data e vdekjes: 31 gusht 1997
Princesha Diana është një prej figurave mbretërore që ka shkaktuar më shumë bujë në botë dhe është bërë fokus i gjithë medias globale.
Fjalët e fundit: Oh zot! Çfarë ndodhi?

[AlbaneZ]

10 pengmarrjet më të famshme që kanë hyrë në histori

Praktika e pengmarrjes është shumë e lashtë, dhe ajo është përdorur në mënyrë konstante në negociata me vende të pushtuar, dhe në raste të tillë si dorëzime, armëpushime e të tjera situata si këto ku dy palët ndërluftuese merrnin pengje për të siguruar betimin e palës tjetër. Romakët ishin mësuar të merrnin bijtë e princërve haraçpagues dhe t’i arsimonin në Romë, duke i mbajtur kështu si pengje për të garantuar vazhdimësinë e besnikërisë së vendit të pushtuar dhe duke përgatitur gjithashtu një sundues të ardhshëm të mbrujtur me idetë e qytetërimit romak.

10. Ingrid Betancourt Pulecio
Ingrid Betancourt Pulecio është një politikane kolumbiano-franceze, ish-senatore, aktiviste kundër korrupsionit dhe një kandidate për Çmimin Nobel. Betancourt u rrëmbye nga Forcat e Armatosura Revolucionare të Kolumbisë (FARC) në 23 shkurt të vitit 2002 dhe ajo u lirua pas ndërhyrjes së forcave kolumbiane të sigurisë gjashtë vjet e gjysmë më vonë, në 2 korrik 2008. Operacioni i shpëtimit të saj, i pagëzuar me emrin Operacioni Jaque liroi betancourtin bashkë me 14 pengje të tjerë (tre amerikanë dhe 11 policë dhe ushtarë kolumbianë). Në total, ajo u mbajt peng për 2321 ditë, pasi ishte rrëmbyer në një kohë kur ishte duke bërë fushatë për Presidente e Kolumbisë, duke përfaqësuar të Gjelbërit. Ajo kishte vendosur të bënte fushatë në rajonet e kontrolluar nga rebelët, pavarësisht paralajmërimeve të qeverisë, policisë dhe ushtrisë për të mos e bërë këtë gjë. Rrëmbimi i saj bëri jehonë në të gjithë botën, sidomos në Francë, për shkak të nënshtetësisë së saj të dyfishtë franceze. Ajo ka marrë disa çmime ndërkombëtarë, si Legjioni i Nderit.

9. Terry Anderson
Në 16 mars 1985, terry Andersn sapo kishte përfunduar një lojë tenisi kur u rrëmbye nga rruga në Beirut, u fut me forcë në bagazhin e një makine dhe më pas u dërgua në një vend të fshehtë ku u burgos. Për gjashtë vitet dhe nëntë muajt e ardhshëm ai u mbajt peng, ndërsa zhvendosej në mënyrë periodike në vende të ndryshëm. Rrëmbyesit e tij ishin një grup myslimanësh shiitë të Hezbolahut që mbështeteshin nga Irani, në atë që supozohej se qe një kundërveprim ndaj përdorimit prej izraelit të armëve amerikane si dhe ndihmës së dhënë në vitet 1982-1983 në sulmet që Izraeli kreu kundër shënjestrave muslimane në Liban. Në të njëjtën kohë u mbajtën peng edhe shumë nënshtetas të tjerë amerikanë. Fillimisht, Anderson u mbajt i vetëm, ndonëse më vonë kuptoi se, pranë kishte edhe të rrëmbyer të tjerë. Anderson ishte pengu i fundit, i cili u lirua më në fund në 4 dhjetor 1991, duke u bashkuar kështu me familjen e tij pas shumë vitesh. Bija e tij, Sulome Anderson, kishte lindur tre muaj pas rrëmbimit të tij dhe nuk e kish parë të atin deri në këtë moment.

8. Kriza e pengjeve në Iran
Kriza e pengjeve në Iran ishte një krizë diplomatike ndërmjet Iranit dhe Shteteve të Bashkuara të Amerikës, ku 52 diplomatë amerikanë u mbajtën pengje për 444 ditë nga 4 nëntori 1979 deri në 20 janar 1981, pasi një grup studentësh islamikë pushtoi ambasadën amerikane në mbështetje të revolucionit iranian. Episodi arriti kulmin kur, pas përpjekjesh të dështuara për të negociuar lirimin e pengjeve, ushtria e SHBA u përpoq të realizojë një operacion shpëtimi, të pagëzuar me emrin “Kthetra e shqiponjës”, në 24 prill 1980, i cili rezultoi në një mision të dështuar, rrëzimin e dy helikopterëve si dhe vdekjen e tetë ushtarëve amerikanë si dhe një qytetari iranian. Ajo përfundoi me firmosjen e Marrëveshjeve të Algjerit në Algjeri në 19 janar 1981. Pengjet u dorëzuan në duart e amerikanëve një ditë më pas, disa minuta, pasi Presidenti i ri i SHBA, Ronald Regan kishte bërë betimin.

7. Patty Hearst
Pattu Hearst, tani e njohur si Patricia Hearst Shaë është një trashëgimtare e një gazete në SHBA, një personalitet shoqëror dhe herë pas here edhe aktore. Mbesa e manjatit të botimeve, Ëilliam Randolph Hearst dhe stërmbesa e milionerit George Hearst ajo fitoi famë në vitin 1974 kur, pas rrëmbimit të saj nga Ushtria Çlirimtare Simbioneze (SLA), ajo në fund u bashkua me rrëmbyesit e saj për të çuar përpara kauzën e tyre. Kur u kap, pasi kish marrë pjesë në grabitjen e një banke bashkë me bashkëpunëtorë të saj nga SLA, Hearst u burgos për pothuajse dy vite përpara se, dënimi i saj të zbutej nga Presidenti Jimmy Carter. Më vonë, asaj iu dha falja presidenciale nga Presidenti Bill Clinton, në aktin e tij të fundit zyrtar përpara se të largohej nga detyra e Presidentit. Veprimet e Hearst i janë atribuar shpesh herë sindromës së Stokholmit, sipas të cilës pengjet shpesh herë bashkohen me kauzën e atyre që i kanë marrë peng.

6. Kriza e pengjeve në Teatrin e Moskës
Kriza e pengjeve në Teatrin e Moskës, e njohur gjithashtu si rrethimi Nord-Ost i vitit 2002 ishte pushtimi i një teatri të populluar moskovit në 23 tetor 2002 nga afro 40-50 luftëtarë rebelë çeçenë që shpallën besnikërinë e tyre ndaj lëvizjes separatiste në Çeçeni. Ata morën peng 850 vetë dhe kërkuan tërheqjen e forcave ruse nga Çeçenia si dhe dhënien fund të Luftës së Dytë në Çeçeni. Rrethimi udhëhiqej zyrtarisht nga Movsar Barajev. Pas një rrethimi që zgjati dy ditë e gjysmë, forcat ruse Spetsnaz, hodhën brenda në teatër në sistemin e ventilimit një agjent kimik të panjohur dhe më pas hynë me forcë brenda. Zyrtarisht, 39 prej terroristëve u vranë nga forcat speciale ruse, bashkë me 129 e ndoshta më shumë pengje (përfshirë nëntë shtetas të huaj). Të gjithë pengjet që u vranë gjatë sulmit – përveç njërit – gjetën vdekjen për shkak të substancës toksike që u fut në teatër për të nënshtruar militantët.

5. Kriza e pengjeve në shkollën e Beslanit
Kriza e pengjeve në shkollën e Beslanit (e njohur gjithashtu si masakra e Beslanit) nisi kur një grup terroristësh të armatosur, që kërkonin t’i jepej fund Luftës së Dytë çeçene morën peng më shumë se 1100 vetë përfshirë 777 fëmijë në 1 shtator 2004, në Shkollën Numër Një në qytetin e Beslanit në Oshetinë Veriore, një republikë autonome në rajonin e Kaukazit Verior të Federatës ruse. Në ditën e tretë të kësaj situate, forcat speciale të sigurisë hynë me forcë në ndërtesë, duke përdorur tanke, raketa termobarike dhe armë të tjera të rënda. Pengmarrja u krye nga Batalioni i Zbulimit Ryadus-Salikkin i grupit të Martirëve Çeçenë që udhëhiqej nga Shamil Basajev, në atë kohë një luftëdashës i pavarur. Tragjedia çoi më pas në reperkusione sigurie dhe politike në Rusi, ku më të spikatura ishin një seri reformash të qeverisë që konsolidonin pushtetin në Kremlin dhe forconin kompetencat e Presidentit në Rusi. Deri vonë ka patur shumë aspekte të krizës ende të paqartësuara, duke përfshirë numrin e militantëve të përfshirë, përgatitjet e tyre dhe, nëse disa prej tyre kishin mundur të shpëtonin. Pikëpyetjet në lidhje me menaxhimin që qeveria i bëri krizës kanë vazhduar gjithashtu, duke përfshirë dizinformacione dhe censurë e lajmeve në media, represion ndaj gazetarëve që nxituan në Beslan, natyrën dhe përmbajtjen e negociatave me militantët, përgjegjësitë për gjakun e derdhur, si dhe përdorimin ndoshta të forcës së tepruar nga ana e qeverisë.

4. Eloá Pimentel
Kriza e pengjeve në Eloa Pimentel ka të bëjë me rrëmbimin, situatën e pengmarrjes dhe vrasjen e vajzës 15-vjeçare braziliane, Eloa Cristina Pimentel, që u shoqërua me goditjen e mikes së saj Nayara Silva, të dyja të kryera nga ish-i dashuri i Eloas, Lidemberg Alves. Incidenti u pasqyrua në mënyrë të zgjeruar në media jo vetëm për shkak të vrasjeve, por gjithashtu edhe për shkak të gabimeve që bëri policia e Sao Paolos, dhe gjithashtu sepse Eloa u mbajt peng për 100 orë – pengmarrja më e gjatë e rregjistruar ndonjëherë në shtetin e Sao Paolos. Në 13 tetor 2008, Eloa Pimentel, Nayara da Silva dhe dy miq të tyre ishin duke punuar për një detyrë shkollore, kur ish- i dashuri 22-vjeçar i Eloas, Lidemberg Fernandes Alves hyri në apartamentin e saj në Santo Andre me një pistoletë në dorë. Ai liroi shumë shpejt të dy djemtë, por mbajti Eloan dhe Nayaran. Grupi i Aksioneve Special Taktikë e ndoqi nga afër të gjithë situatën. Në 16 tetor, da Silva u lirua prej Alvesit, por nga ana e policisë asaj iu propozua që të rikthehej në apartament. Ajo pranoi dhe u mbajt sërish peng. Disa orë më vonë u dëgjuan të shtëna që vinin nga apartamenti, dhe forcat speciale vendosën të hyjnë. Ata arritën ta ndalin dhe ta bllokojnë, por jo përpara se ai të qëllonte me dy plumba, Eloan dhe një Nayara. Eloa, e plagosur rëndë, u dërgua në spital, por më pas ajo vdiq për shkak të dëmtimit në tru.

3. Gracia dhe Martin Burnham
Burnhamët ishin misionarë protestantë amerikanë në Filipine me Misionin e Fiseve të Reja për 17 vite, nga 1986. Çifti ishte mes një grupi më të madh që u mor peng nga Grupi abu Sayaff, një grup terrorist separatist islamik, që operon në Jug të Filipineve. Pengmarrja ndodhi në 27 maj 2001. Ndërkohë që pjesa më e madhe e grupit u vra prej pengmarrësve ose u liruan pas pagesës së dëmshpërblimit, Burnhamët u mbajtën peng për një vit dhe disa ditë. Rrëmbyesit kërkuan 1 milion dollarë për lirimin e tyre. U pagua një shpërblim 300 000 dollarë e megjithatë rrëmbyesit refuzuan që t’i lirojnë. Gjatë aksionit për shpëtimin e tyre të kryer nga Ushtria e Filipineve në 7 qershor 2002, Martin u vra me tre plumba në kraharor dhe Gracia u plagos. Që nga lirimi dhe vdekja e bashkëshortit, Gracia është rikthyer në Amerikë tek tre fëmijët e saj. Ajo ka shkruajtur dy libra mbi eksperiencat e veta “në praninë e armiqve të mi” dhe ‘Të fluturosh sërish”. Ajo ka krijuar gjithashtu Fondacionin Martin dhe Gracia Burnham.

2. Roy Hallums
Roy Hallums është një kontraktor amerikan që u rrëmbye në Irak në 1 nëntor 2004. Ai u mbajt në Irak për 311 ditë dhe u lirua në 7 shtator 2005. Në 1 nëntor 2004, 20 njerëz të armatosur hynë me forcë në ndërtesën ku Hallums dhe punëtorët e tjerë po punonin, në zonën e sipërme të lagjes Mansour në Bagdad. Hallums u mor peng bashkë me Roberto Tarongoyn nga Filipinet, Inus Devarin nga Nepali dhe tre irakenë. Devari dhe irakenët u liruan më vonë menjëherë pas rrëmbimit. Një kasetë filmike e Hallums u lëshua nga rrëmbyesit në 25 janar 2005. Është e paqartë se kur ishte realizuar. Hallums kishte një mjekër të gjatë dhe ishte i ulur me një tytë arme tek koka. “Jam arrestuar nga një grup i rezistencës në Irak”, thoshte Hallums në kasetë. “Unë kërkoj ndihmë, sepse jeta ime është në rrezik, sepse është vërtetuar që unë punoj për forcat amerikane”. Hallums nuk i bëri apel Presidentit amerikan Bush, por i bëri thirrje atij libian, Ghadaffi, që të ndihmonte për lirimin e tij. Gaddafi bëri më vonë thirrje për lirimin e Hallums, i cili u lirua në 7 shtator 2005 bashkë me një peng iraken, kur trupat amerikane sulmuan një shtëpi ferme 15 milje në jug të Bagdadit. Kur mbërritën trupat e koalicionit, irakenët ishin larguar. Në total, Hallums ish mbajtur peng për dhjetë muaj e shtatë ditë. Ai tha se ishte lidhur dhe mbyllur goja në pjesën më të madhe të kohës, por doktorët thanë se ishte në shëndet të mirë.

1. Atë Lawrence Martin Jenco
Atë Lawrence Martin Jenco, i lindur në Joliet, Illinois u mor peng në Beirut nga pesë burra të armatosur në janar 1985, teksa shërbente si Drejtor i Shërbimeve Katolike të Ndihmës atje. Ai u mbajt për 564 ditë përpara se të lirohej dhe të lejohej të rikthehej në SHBA. Në librin e tij, ‘I prirur për të falur” Jenco rrëfen eksperiencën e rrëmbimit dhe burgosjen, si dhe ofron portrete të myslimanëve shiitë që e mbajtën peng. Ai diskuton gjithashtu se si kish qenë besimi që e kish mbajtur gjallë. Pjesën më të madhe të kohës e kish kaluar me lutje dhe meditime. Ndonjëherë e kishin mbyllur me pengje të tjerë (përfshirë Terry Anderson). Pjesën më të madhe të kohës ai qëndroi i lidhur me zinxhirë dhe symbyllur dhe lejohej të përdorte tualetin një herë në ditë. Jenco pësoi infeksione të rëndë në sy si dhe probleme të tjerë shëndetësorë si rezultat i qëndrimit peng. Andej nga fundi i periudhës së pengmarrjes, Jenco u pyet nga një prej rojeve të tij, nëse i falte pengmarrësit. Atë Jenco thotë në librin e tij se, në atë moment ai kuptoi se po i bëhej thirrje “të falte, të linte mënjanë hakmarrjen”.

[AlbaneZ]

Skanerat mjekesore konfirmojne saktesine e vizatimeve te Leonardo da Vincit

Prej shume kohesh ai eshte vleresuar si nje prej artisteve me te jashtezakonshem te Rilindjes, duke punuar me nje largpamesi te cuditshme per kohen dhe duke prodhuar disa prej puneve me te njohura ne te gjithe boten.Por me ne fund Leonardo da vinci ka marre vleresimin qe meriton per saktesine e jashtezakonshme mjekesore, qindra vjet me pare nga koleget e tij. Aq i jashtezakonshem sa shkencetaret perputhen me vizatimet e tij me skanera te diteve moderne.Projekti i cili do te shfaqet ne Festivalin Nderkombetar ne Edinburg ne Gusht, krahason punen drejtperdrejt, per here te pare, duke zbuluar edhe detajet me te vogla te vizatuara nga artisti.Ne nje seri prej 30 pikturash, Royal Collection Trust do te tregoje vizatimet e dalleshme anatomike te da Vincit perkrah disa skanimeve te koheve te fundit.Krahasimi ka per qellim te tregoje se sa i sakte ka qene da Vinci,pavaresisht teknologjise se tij te limituar dhe mungeses se njohurive mjekesore te koheve te tanishme.
Vizatimet, qe ishin qindra vjet perpara nga koha e tyre ne disa fusha, kane qendruar neper gjerat personale te artistit kur ai vdiq, dhe kane qene 'te humbura' per disa qindra vjet.Nese do te ishin publikuar ne ate kohe, besohet qe do te kishin qene puna me me influence e prodhuar ndonjehere mbi trupin njerezor."Peseqind vjet me vone, krahasimet me skanerat moderne tregojne qe puna Leonardo's eshte ende shume e dobishme edhe ne ditet e sotme." Martin Klajton, pranoi qe ky kishte qene nje udhetim drejt se panjohures, qe mund te conte edhe ne konkluzionin tjeter qe puna e Leonardos kishte thjesht nje rendesi kurioziteti historik, dhe qe nuk kishte asnje rendesi per anatomistet e diteve moderne.Perkundrazi, doktoret vune re qe vizatimet e Leonardos ishin te habitshme per shkak te saktesise se detajeve te tyre.Nje vizatim i zemres eshte shume afer tregimit se si punon pompimi, me levizjen e gjakur shume te ngjashme me ate te nje video mjekesore te diteve moderne.Artisti ka prodhuar gjithashtu vizatimin e pare te sakte te shtylles kurrizore, si edhe vizatimin e nje femije ne barkun ne nenes ne pozicionin e sakte.Gjithshka bazohet ne ‘Anatomical Manuscript A’ te Leonardos, ne te cilen ai ka ruajtur me shume se 240 vizatime individuale dhe shenime ne me shume se 13.000 fjale te shkruara me shkrimin e tij te famshem, shkrim ne forme 'pasqyre'. "Per here te pare ne do te shfaqim punet e artistit se bashku me shembuj te imazheve mjekesore, duke treguar keshtu se sa te jashtezakonshme dhe te habitshme ishin hetimet dhe vizatimet e Leonardos. " Eshte shume e habitshme se si, ne kohen kur ka jetuar, Leonardo te kete mundur te beje vizatime aq te sakta dhe aq te detajuara.

[AlbaneZ]

7 fobi të çuditshme që nuk e dinit se ekzistonin

Arithmofobia - Frika nga numrat.

Frika e numrave është një faktor që e bën shumë të vështirë për njerëzit që vuajnë nga kjo, të mësojnë aritmetikën si duhet. Kjo është një gjëndje ku truri thjesht nuk mundet të kuptojë një numër shifrash dhe bëhet i frustruar, krijohet ankth, sepse ndërsa ata përpiqen të arrijnë më shumë, gjejnë se ka një pengesë të fshehur përpara dhe kjo është frika irracionale.

Hexakosioihexekontahexaphobia - Frika nga numri 666.


Fobia ka të bëjë me frikën intense dhe ekstreme ndaj numrit 666. Frika e ka origjinën nga Bibla në të cilën tregohet se numri 666 është numri i bishës, e lidhur me Satanain apo Anti-Krishtin.Jashtë besimit të krishterë, fobia është popullarizuar më tej si një motiv në filmat horror. Personat që vuajnë nga kjo fobi do të shmangnin fuqishëm çdo gjë që ka lidhje me këtë numër.

Decidophobia - Frika e marrjes së vendimeve.


Është një frike e madhe dhe anormale që ka të bëjë me marrjen e vendimeve. Personat që vuajnë nga kjo fobi kanë frikë të marrin vendime pasi mendojnë se mund të jenë të gabuara.

Coulrophobia - Frika nga kllounët.


Coulrophobia është një frikë irracionale dhe anormale nga kllounët. Nuk është e pazakontë në mesin e fëmijëve, por është gjetur nganjëherë edhe tek adoleshentët dhe të rriturit gjithashtu.Të rriturit që janë viktima të kësaj fobie, e dinë se frika e tyre është e paarësueshme dhe e palogjikshme, por ata nuk mund ti shpëtojnë kësaj rrethane.

Sesquipedalophobia - Frika nga fjalët e gjata.


Sesquipedalophobia ose Hippopotomonstrosesquippedaliophobia (për ironi ua kanë vënë emrat e gjatë?) është frika nga fjalët e gjata, fobi në të cilën personi dridhet dhe mbështillet nga një frikë e paarësyeshme e mendimit të shqiptimit të fjalëve me gjatësi të konsiderueshme.Edhe pse nuk ka të dhëna sa është numri i njerëzve që vuajnë nga kjo besohet se çdo vit ka një numër të konsiderueshëm njerëzish që vuajnë nga kjo gjëndje.Personi i shmang fjalët e gjata si nga përdorimi ashtu edhe nga mësimi i tyre. Madje ata i lidhin fjalët e gjata e të komplikuara me emocionet negative.

Hamartophobia - Frika e mëkatit.


Kjo fobi ka të bëjë me frikën e tepruar të kryerjes së mëkateve apo gabimeve, ose të bërit gjënë e gabuar dhe kryesisht prek personat që janë shumë besimtarë.

Gephyrophobia - Frika nga urat.


Gephyrophobia është një çrregullim ankthi që shkaktohet nga frika e urave. Si rezultat të prekurit e kësaj fobie i shmangin rrugët që do t′i çonin mbi ura. Kjo është një fobi relativisht e njohur por shumica e njerëzve që vuajnë nga kjo nuk e dinë se quhet gephyrophobia.