Fshati shqiptar ne kontrast te thelle. Çfare reformash duhen ndermarre?

[TetovaMas]

Fshati shqiptar (anekend trojeve shqiptare) ne kontrast te thelle.

Çfare reformash duhen ndermarre?

Duhet te behet reforma e tokes . Te ndahet toka pjellore nga zonat industriale .

Te ju jepen tokat buqeve,blektoreve , qe do te prodhojne me shumice . Shteti ta ndihmoje dhe ta mbroje bujkun nga konkurretne te jashtem.

Ne fshatin time nga une vije , jane te regjistruare permby 300 traktora ,dhe ata traktora perdoren vetem per te dale femijet te blejne cigare ne shitore dhe per asgje tjeter.

[DYDRINAS]

‘Pasdite’, fermerët e injoruar

26/04/2012 19:30


Javën e kaluar lajmi që pushtoi gati të gjithë të përditshmet ishte i disa fermerëve që po hidhnin dëm qepët e patatet sepse nuk mund t'i shisnin dot.

Pamjet ishin dramatike sepse po ta mendosh, me qindra kilogramë perime të prodhimit vendas hidhen në lumë e ndërkohë të njëjtat produkte, por të eksportit shiten në treg.

Këtë fenomen e shpjegoi zv/ministri i Bujqësisë, Ndoc Fasllia, i ftuar në emisionin ‘Pasdite në Top Channel’:“Nuk është fenomen që karakterizon të gjithë bujqësinë, megjithatë ka dy faktorë kryesorë: ecuria e prodhimit bujqësor dhe orientimi i fermerëve tek ekonomia private.
Para 6-7 vitesh ky fenomen nuk ka ekzistuar. Prodhimi i perimeve dhe frutave është rritur me 40%. Fermeri duhet të mendojë për magazinimin, ruajtjen dhe përpunimin e produkteve bujqësore. Prodhimi mund të ruhet dhe të tregtohet më vonë. Problemi është se rritjes së shpejtë të prodhimit nuk i janë përgjigjur as investitorët dhe as institucionet përkatëse.”

Ndërsa përsa i përket orientimit të fermerëve zoti Fasllia thekson: “Fermeri shqiptar në këto vite prodhon mirë dhe me cilësi, por nuk është përshtatur me lojën e tregut, me kërkesën dhe ofertën. Duhet nxitur kooperimi në sektorin bujqësor dhe Ministria e ka nisur punën për këtë sepse fermeri nuk mund t’ia dalë i vetëm.”



Më tej zëvendësministri shton: “Bujqësia shqiptare ka një problem: është sezonale. Ne nuk arrijmë dot të prodhojmë me vazhdimësi për shkak të kushteve klimaterike dhe për këtë arsye importojmë në dimër. Për shembull tani i gjithë prodhimi është vendas dhe çmimet janë të lira. Dhjetor-mars është periudha ku importojmë.”

Ndërsa profesori Zef Gjeta, pedagog dhe agronom, nënvizoi: “Shumë fermerë nuk e punojnë tokën, nuk e japin në përdorim e as nuk e shesin, por toka është një pasuri kombëtare dhe nuk duhet lënë djerrë. Këta fermerë janë individualistë dhe as kryetarët e komunave nuk bashkohen me njëri-tjetrin e të gjejnë zgjidhje për këtë çështje.”

Mungesa e organizimit është faktori që pengon bujqësinë tonë sipas Zana Vokopolës, nga Instituti i Kërkimeve Urbane: “Zëri i fermerëve dëgjohet sepse bujqësia na prek të gjithëve. Fermerët janë të organizuar, por ende në hapat e parë të organizimit për të bërë mjete frigoriferike etj. Situata do ishte ndryshe po të kishim organizim.”


top-channel

[xhori]

me e mira eshte qe gjith bukmisrit qe na kan mberthyer parlamentin te kthehen ne vendlindje

[Bel ami]

Personalisht jam kundra Kooperativave dhe ideve te tilla kolektiviste qe jon burim parazitizmi

Fshatarit duhet ti jepet toka DE JURE ( me dekumentacion te rregullt ne baze familje), te taksohet ne baze cilesise tokes dhe te LIHET I LIRE

Kooperativizim nuk do te thote kolektivizim me dhune.Kooperative do te thote bashkepunim ,pra bashkepunim mes fermeresh per te aritur dicka.Kooperativat mund te krijohen nga 2-3 apo me shume fermere,qe bashkojne tokat ,i punojne dhe ndajne fitimet ne baze te perqindjeve qe ka secili.Ne shqiperi duhet bere nje reforme e tere ne bujqesi,ku cdo gje duhet te filloje nga tatimi i tokes qe eshte djere.Vetem kur fermerit i leverdis me mire ta shese token sesa ta mbaje djere, atehere bujqesia do te kete perparim.Por edhe qeveria duhet te shikoje mundesite qe patatja e Egjyptit te mos mbyte prodhimin vendas, te zhduke monopolet si dhe te stimuloje prodhimin vendas.

[BlueBaron]

Kooperativizim nuk do te thote kolektivizim me dhune.Kooperative do te thote bashkepunim ,pra bashkepunim mes fermeresh per te aritur dicka.Kooperativat mund te krijohen nga 2-3 apo me shume fermere,qe bashkojne tokat ,i punojne dhe ndajne fitimet ne baze te perqindjeve qe ka secili.Ne shqiperi duhet bere nje reforme e tere ne bujqesi,ku cdo gje duhet te filloje nga tatimi i tokes qe eshte djere.Vetem kur fermerit i leverdis me mire ta shese token sesa ta mbaje djere, atehere bujqesia do te kete perparim.Por edhe qeveria duhet te shikoje mundesite qe patatja e Egjyptit te mos mbyte prodhimin vendas, te zhduke monopolet si dhe te stimuloje prodhimin vendas.

Per kooperimin mes fshatareve jam shume dakort. Por gjithashtu jam shume skeptik, per natyren e inatqarit qe e karakterizon fshatarin zakonisht.

Ndersa per vendosjen e barrierave doganore tek produktet bujqsore nuk jam aspak dakort.
Nqs qeveria do t'a ndihmoje bujkun patate-prodhues, eshte te kuptoje menyren se si egjyptiani arrin te shese patate me çmim me te ulet se shqiptari ne Shqiperi, duke qene disa "detra" larg.

Menyra tjeter eshte obligimi me ligj i deklarimit te origjines se produkteve. Keshtu konsumatori ka mundesi zgjedhje mes patates shqiptare dhe asaj egjyptiane. Ne kete menyre nuk demtohet as konsumatori i varfer, i cili per leverdi ekonomike (jetike ne kete rast) zgjedh pataten egjyptiane.

[OPARI]

po nuk u zgjidh problemi i prones ne shqiperi asnjeher nuk do kete zhvillim fshati apo dhe shqiperia

dikush ka marr token me ligjin 7501 dhe dikush ka marre token e vete (babait gjyshit etj etj) e dikush tjeter e ka zaptuar sipas deshires d m th eshte bere nje lemesh qe asnjeri nuk ka per tia gjetur anen


gjithashtu per aty ku ka gjetur zgjidhje prona shteti duhet te beje lehtasira per bujkun ,karburanti farerat ilacet etj etj duhet qe shteti te nderhyje



megjithese tani kame shume shpres se do zgjidhet problemi pasi sic e pash ne lajme RULI ka nenshkruar kontrat me SERBET per blektoret u zgjidhe problemi

[i humburi]

jo vec per kte e kaq po per totalin e ceshtjes e ceshtjeve....duhet rregullu menja mo par,masnaj duhet bo pendim general ,,qe nga tradhtija me hek dor i her e pergjithmon,,

cer o tradhtija?

[loni-loni]

Kooperativizim nuk do te thote kolektivizim me dhune.Kooperative do te thote bashkepunim ,pra bashkepunim mes fermeresh per te aritur dicka.Kooperativat mund te krijohen nga 2-3 apo me shume fermere,qe bashkojne tokat ,i punojne dhe ndajne fitimet ne baze te perqindjeve qe ka secili.Ne shqiperi duhet bere nje reforme e tere ne bujqesi,ku cdo gje duhet te filloje nga tatimi i tokes qe eshte djere.Vetem kur fermerit i leverdis me mire ta shese token sesa ta mbaje djere, atehere bujqesia do te kete perparim.Por edhe qeveria duhet te shikoje mundesite qe patatja e Egjyptit te mos mbyte prodhimin vendas, te zhduke monopolet si dhe te stimuloje prodhimin vendas.

Jam dakord per ekzistencen e nji legjistacioni per coorporatat, kaq,,,,,,,,por jo te stimulohet ngritja e kooperativave, biznesi i vogel eshte biznesi i cilesise dhe cilesisa eshte e ardhmja e prodhimit

nuk mund te krahasohet cilesia e bukes se fabrikes me furrat familjare

[DYDRINAS]

Berisha dhe Rama e kane nisur fushaten e ardhshme zgjedhore nga fshati.

Megjithate asnjeri nga te dy nuk ka vene gishin mbi plaget e verteta te fshatit shqiptar.

Cilat jane plaget e verteta te fshatit shqiptar?

[DYDRINAS]

Edi Rama: Fshati në falimentim, do të ndërrojmë 100% politikë

29 Tetor, 2012 | Postuar në: Kryesore | Shkruar nga: TemA


Sot produkte blegtorale Shqipëria importon 10 herë më shume se ç’eksporton! Ky raport do përmbysur. Ky ka qenë mesazhi që kryetari i Partisë Socialiste, Edi Rama ka dhënë gjatë takimeve të tij me fermerë të zonës së Lezhës.

Rama është ndalur fillimisht në një fermë lopësh në Balldre të Lezhës. Me lekët e fëmijëve emigrantë pronari i kësaj ferme investoi për stallën dhe 70 viça. Por sot ai ka mbetur vetëm me 5 lope.

“Kena falimentu me qumështin. Nafta na ka gri krejt. Kostoja e mishit është shumë e lartë. E kena dhënë më lirë se e kena prodhu. Tokat i kemi të përmbytme nga Torovica. Tash 20 vjet nuk është bërë punë me kanalet e kullimit. Jena në gjendje shumë të keqe. Nuk mund të rrimë me këtë gjendje. Tokat na janë përmbytur. Kena mbjellë dhe s’kena korrur. Ça me bo, nuk ja vlen me vazhdu me këtë punë. Të gjitha kanë falimentu si unë. Kena dash me punu, kena pas vullnet të madh, me këtë gjendje na ka ik vullneti të gjithëve”, është shprehur shumë i zhgënjyer pronari i fermës.

Sipas Ramës pa hequr akcizën, TVSH-në dhe taksen e qarkullimit të naftës si dhe TVSH e inputeve bujqësore nuk mund të ketë rilindje të fshatit!

Më pas takimet e kreut të PS-së janë zhvendosur në një fermë gjelash deti në Mape të Lezhës, ku situata është pak a shumë e ngjashme. “Te gjelat e detit, nai ndihmë nga shteti nuk kena pas tash 20 vjet. Nëse do kisha ndihmën e shtetit nga 500 krerë do ti çoja 2000, por s’kena pas. Me këto çmime që kanë shku, punimi i tokës, farërat, plehrat kimike, keq e më keq po bëhet. Fitimi është pothuajse zero. Tregu shumë i dobët. E rrit me tepër sakrificë, por s’ka treg. Detyrohemi të dalim në rrugë. Çmimi për aq sa shpenzohet është shumë i dobët”, i ka thënë kryesocialistiti fermeri.

Edhe fshatarët e tjerë të zonës janë ankuar për mungesën e kanaleve të kullimit, ndërhyrjen zero nga shteti në hidrovorin. “Në 22 vjet demokraci nuk është pastruar asnjë kanal, nuk është bërë asnjë vaditje dhe uji është qelbur. Ca të bëjmë jemi në mëshirë të fatit. 22 vjet demokraci dhe është turp”, është shprehur një prej fshatarëve.

Ndërsa një bashkëfshatar i tij shton: “90 mijë lekë një kuintal farë gruri. Unë punoj në bujqësi qysh 15 vjeç, tash 3 vjet asnjë fitimi s’kam. Asnjë kanal nuk punon në kënetën e Kakarriqit, tash 15 vjet. Na dhanë 200 kile naftë për të pastruar hidrovorin vjet dhe ato na i vodhi prapë. Është 14 mijë lekë një dynym toke me e ba plug e 14 mijë lekë me e ba frezë dhe 7 me e mbjellë. I thonë një dynym tokë, vetëm 1 dynym. Vetëm kashta na mbetet falë. Hidrofori i Balldrenit mbahet vetëm me gjuajt peshk, absolutisht për asnjë punë tjetër, për peshk e për ngjala, për asnjë punë tjetër”.

Duke ju përgjigjur interesimit të fshatarëve lidhur atë se çfarë parashikon të bëjë PS për të ndryshuar këtë situatë Kryetari i PS-së është shprehur: “Është i gjithë cikli i bllokuar, se ata që ju japin ju e prodhojnë me kosto shumë të lartë për shkak të naftës, ju e merrni me çmime shumë të larta dhe nuk zhvilloheni dot, por vetëm mbijetoni. Është e domosdoshme të ndërrojmë 100% politikë në mënyrë që të ulen kostot. Pa ulur kostot, pa hequr akcizën e naftës, TVSH e naftës, taksën e qarkullimit të naftës, pa ulur në zero TVSH e plehrave, pa e ulur TVSH e farërave të paktën 10% dhe pa i dhënë një shtytje direkte çdo blegtori sipas krerëve, por jo duke thënë që mbështesim vetëm ata që kanë shumë krerë, por duke filluar nga mbështetja e gjithsekujt që merr përsipër këtë punë, ky është falimentimi ekonomik i gjithë familjeve në fshat. Është edhe falimentimi i ekonomisë kombëtare që pa pasur mbështetjen të fortë në fshat nuk ka asnjë mundësi. Ne sot kemi 1 me 10 import eksportin e prodhimeve blegtoral. Një vend si yni që importon 10 fishin e atyre që eksporton për prodhime blegtorale ushqim direkt, është e paimagjinueshme, skandaloze”.


tema