Perfundon greva e urise e te perndjekurve politike

[POKO]

ke ka vendose si menaxher te greves edvin ruci ne fakt ???


Greva e ish-të dënuarve, protestë para kuvendit

http://www.balkanweb.com/TV/index.ph...ansalive=16849

Një grup ish-të burgosurish politikë kanë nisur të protestojnë para parlamentit ku po zhvillohet seanca e radhës. Ish-të burgosurit i bënë thirrje politikës të ndihmojnë shtresën e personave që kanë kryer burg në vitet e diktaturës duke i dëmshpërblyer. Protestuesit deklaruan se nuk do të reshtin grevat e urisë, pavarësisht vendimeve të Gjykatës që kërkon shpërndarjen e grevës së urisë së nisur prej 27 ditësh. (er.cu/BalkanWeb)

http://www.youtube.com/watch?v=-IvVbtF_Pqw




Përçudnimi i vlerave


GENTIAN HOXHA
Berisha mund të mos ketë bërë maksimumin për ish-të përndjekurit, por gjithsesi mbetet politikani shqiptar që ka bërë më shumë se gjithë të tjerët së bashku për ta. Në janar-shkurt 1991, Berisha e vuri çështjen e lirimit të tyre në programin politik të PD dhe kusht për të pasur zgjedhje sadopak të lira. Pra, PD dhe Berisha u bë promotori i lirisë së tyre. Pas ardhjes në pushtet në 1992-shin, Berisha i mbështeti me punë në administratë edhe kundër rregullave, i mbështeti me bursa studimi fëmijët e tyre ndonëse universitetet kishin kapacitete të kufizuara. Ju ndërtoi të paktën 2000 apartamente, ju njohu dhe ju dha para për vite burgu, ndonëse disa nga ato para ishin në formë letrash me vlerë për bono privatizimi e, kush ish i zgjuar, aktiv dhe punëtor, përfitoi mjaft.
Berisha për të balancuar disi edhe Gjyqësorin, organizoi deri edhe kurse të përshpejtuara për gjyqtarë përmes programit 6-mujor të kualifikimit në plepa, të kritikuar me të drejtë nga PS.
Pasi Berisha humbi pushtetin më 1997-n, të përndjekurit u pushuan nga puna masivisht, e në pjesën më të madhe të tyre u zbuan pa asnjë motivacion, kompensimi financiar u ndërpre me magji (ndërsa PS u kujdes që Ramiz Alia dhe Nexhmije Hoxha të rimbursoheshin për kinse burgosjen e padrejtë që u kish bërë Berisha atyre). Në mënyrë të ngjashme programet e strehimit, ato të privatizimeve apo bursave të studimit u ndërprenë menjëherë. PS u kujdes mirë vetëm për 2-3 ish-të përndjekur, si Kurt Kola, Fiqiri Xibri apo ish-sekretari i Presidencës së Meidanit. Ish-të përndjekurit nuk u përfillen për asgjë, atyre edhe drejtorin ua caktoi PS dhe askush nuk doli as të rrihte kënd e as të digjej, ndonëse kishte 100 arsye.
Pasi Berisha u kthye në pushtet në 2005-n, ai miratoi ligjin për ish-të përndjekurit, parashikoi kompensim financiar dhe miratoi një kalendar për këstet e pagesave të tyre dhe kësti i parë u pagua për të gjithë. Ndërsa këstet e tjera, sipas një renditjeje që u jep përparësi ish-të përndjekurve mbi 65 vjeç. Kjo u krye në kushtet kur PS nuk e votoi ligjin për ta, ndërsa gazetarët pranë PS tallnin qeverinë për këtë vendim dhe përpiqeshin t’u kujtonin qytetarëve të thjeshtë që nuk ka pse taksat e tyre të shkonin për kompensimin financiar të ish-të përndjekurve 20 vite më pas.
Të vjen keq kur sheh përçudnimin e tanishëm të vlerave në demokraci. Del një ish-i përndjekur dhe godet deputetin demokrat, kryetar të Komisionit të Ligjeve, ndërkohë që ai ende nuk ka guxuar as të shajë e jo më të godasë atë që e futi në burg, atë që e dënoi apo atë që e talli për shumë vjet. Del një i dënuar për prostitucion si kryetar i grevës së vlerave të ish-të përndjekurve? Del PS si mbrojtëse e të përndjekurve? Janë thjesht paradokse të kohës së sotme.
Del në mbrojtje të të përndjekurve ministri i Brendshëm i komunizmit, megjithëse u thotë me përkëdheli se “edhe ju diç duhet të keni bërë që ju futën brenda”. Dalin ish-sigurimsat në shfaqje tallëse me megafon mu pranë çadrës së gjynahqarëve. Kjo është t’i shtosh tallje dhimbjes. Duket se ndihma kryesore e PS ndaj ish-të përndjekurve vjen vetëm në formë bidonësh benzine dhe çakmakësh me logo të PS.
Natyrisht që zgjidhje mund dhe duhet të ketë. Një zgjidhje mund të jetë që të përshpejtohet disi kalendari i kësteve të ardhshme, por që kjo natyrisht prek buxhetin dhe do duhet të shkojë në Parlament, ku opozita nuk votoi as ligjin për ish-të përndjekurit dhe as buxhetin. Veç duhet që të kemi ndershmëri dhe jo presion. Pasi Berisha është parë të lëshojë jo pak nga vetja në bisedime të hapura dhe të ndershme, por nuk ka lëshuar kurrë pe nën presion, e ca më pak kur presionit i vjen erë.

[VOLSIV]

ndigjo mor bir :::Shqiperia nuk eshte Gjermani

ne 1990 dolem nga hici. pse nuku i thua papes te na dergoj ca leka

O drague, po ti pin para se te flasesh apo jam une tap.

[ulne]

Mendoj qe ps duhet te ket nje program te qarte kompensimi me ish te burgosurit politik ne rast se vjen ne pushtet. ne zgjedhjet e 2009 blendi klosi u premtoj ish te burgosurve politik nje shifer te arsyeshme kompensimi qe nuk e rendonte buxhetin e shtetit, por serial mashtruesi s.berisha e dyfishoj kete shifer e kombinuar kjo me shum propagande per te marr voten e djathte, fjale boshe fukarallek. PD ka per te pesuar hemoragji votash aq sa do mjaftoj te humbas pushtetin.

[drague]

O drague, po ti pin para se te flasesh apo jam une tap.

E verteta gjithmone eshte e hidhur mor bir

[Akili-A]

Mendoj qe ps duhet te ket nje program te qarte kompensimi me ish te burgosurit politik ne rast se vjen ne pushtet. ne zgjedhjet e 2009 blendi klosi u premtoj ish te burgosurve politik nje shifer te arsyeshme kompensimi qe nuk e rendonte buxhetin e shtetit, por serial mashtruesi s.berisha e dyfishoj kete shifer e kombinuar kjo me shum propagande per te marr voten e djathte, fjale boshe fukarallek. PD ka per te pesuar hemoragji votash aq sa do mjaftoj te humbas pushtetin.

Shuma e Klosit ishte tallese, kurse keto shuma qe jane tani, jane llogaritur ne baze te nje mesatare se rroges ne shqiperi, diku te 250-300 mije leke te vjetra ne muaj.
qe jane perseri SHUME PAK.
megjithate, problemi qendron se qeveria aktuale po tallet. pasi buxheti i shtetit
eshte 3 miliard dollare ne vit, kurse shuma qe kerkojne ish te perndjekurit eshte
50 milion dollare ne vit kesti. pra 1.8% e buxhetit.
ketu kemi te bejme me vullnet te paster politik, pasi qeveria nuk po ve ne prioritet
kete 1.8%.
pra nuk eshte problemi se nuk ka leke.

[smokkie]

Nuk e kuptoj si mund te qendroje robi 1 muaj pa ngrene!
Une hengra recel me gjalp ne mengjes dhe pa ardhur mire dreka kam uri...
Po vuajne ata njerez!

[Duaje Siveten]

respublica.al 19 TETOR, 2012

Kur gazetarët bëjnë raportime të trukuara

MUSTAFA NANO

Ambasadori i SHBA-ve, Alexander Arvizu, dha pardje pasdite një intervistë për televizionin “ABC News”. Ishte një intervistë e fokusuar te vetëm një argument, te greva e urisë e një grupi ish të përndjekurish, e cila ka tërhequr vëmendjen e të gjithëve edhe (sidomos) për gjestin e Gjergj Ndrecës e Lirak Bejkos, që i vunë flakën vetes. Ambasadori amerikan ka shkuar në çadrën e grevës, është takuar me ta, i ka dëgjuar, u ka thënë çfarë ai mendon lidhur me këtë gjë, dhe për të gjitha këto mass-media e Tiranës ka informuar, ashtu siç ka informuar dhe për vizitën që ai i bëri Gjergj Ndrecës në spital, në reanimacion.

Megjithatë, ftesa që Sonila Meço e “ABC News”-it i ka bërë është e kuptueshme dhe logjike, pasi në këtë mënyrë ai mund të shpjegonte më qartë e më hollësisht qëndrimin e vet lidhur me këtë grevë, të cilën qeveria shqiptare, mbi të gjitha Kryeministri Berisha, e ka etiketuar si politike. E vërteta është se Berisha nuk është ndalur këtu; ai ka denigruar publikisht grevistët si trafikantë, pijanecë, të blerë nga opozita, dhe në gjithë këtë histori është mbështetur në radhë të parë nga vartësit e tij, e më tej edhe nga intelektualë publikë (para dy ditësh ish Agron Tufa, e dje ish Amik Kasoruho, që merrnin distancë të qartë nga kjo grevë e nga vetë grevistët) e nga zëra të tjerë të kategorisë së ish të përndjekurve (dje publikohej në një gazetë një deklaratë e ish të përndjekurve të Korçës, me anë të së cilës këta të fundit demonstronin solidaritetin e tyre me qeverinë dhe denonconin bashkëvuajtësit e tyre që ishin futur në këtë grevë).

Në këtë kontekst pra, ftesa që i është bërë Arvizusë është një ide shumë gazetareske. Me siguri, Arvizunë e kanë ftuar për këtë çështje dhe të tjerë në studiot e tyre, por ai duhet ta ketë zgjedhur televizionin “ABC News” me një synim të qartë: ka dashur të përcjellë mesazhet e njohura tanimë pikërisht atje, në atë televizion që dallohet për një linjë editoriale të afërt e ledhatuese me qeverinë e me mazhorancën. Dhe mesazhet e tij ishin shumë të forta. Më kryesori i mesazheve ishte ai që gazetat e kishin sintetizuar me frazën e përdorur si titull “S’je i aftë të negociosh me ata që s’i sheh dot me sy? Ik, lëre politikën, dhe hapu rrugë të tjerëve ta bëjnë atë punë”.

Një pjesë të intervistës, tok me kumtet e rëndësishme, e lexova në të përditshmet e djeshme, por dikush më cyti të futesha në versionin online të televizionit “ABC News” për të parë raportimin që gazetarët e atjeshëm i kishin bërë intervistës që anchorwoman-ja e tyre i kish marrë personalitetit më të rëndësishëm në Shqipërinë e këtyre kohëve (është i tillë, apo jo?). Me shumë gjasë, është i njëjti raportim që është lexuar nga folëset e lajmeve të këtij televizioni. U futa në sitin www.abcnews.al, klikova tek intervista e Arvizusë, dhe ja se ç’gjeta (po e publikoj të plotë, me një redaktim të lehtë ortografik):

“Ambasadori i SHBA-së, Aleksandër Arvizu i ftuar në studion [e televizionit] “ABC News”, ka komentuar lidhur me grevën e ish të përndjekurve politikë. Sipas tij, vizita në tendën e grevistëve kishte si synim njohjen nga afër të kërkesave të tyre. ‘Çështje e ndjeshme për shumë shqiptarë, njëkohësisht dhe për mua dhe ndaj theksoj se grevistët duhej të ishin vizituar nga të gjithë përfaqësuesit politikë. Vizita ime ishte humane’, vlerësoi Arvizu. Në gjykimin e ambasadorit, dialogu është zgjidhja e vetme e çështjes. ‘Kjo u përket shqiptarëve, SHBA mund të luajë rolin e një ure që të lartësohet komunikimi, dhe jo ndërmjetës i saj. Qeveria të bëjë një punë më të mirë, duke kontaktuar me njerëzit që kanë këto kërkesa’, deklaroi ai. Sipas ambasadorit, pozita dhe opozita duhet të bëhen pjesë e zgjidhjes, dhe jo e problemit. ‘Përdorimi politik i grevës nuk është zgjidhje. Si qeveria ashtu dhe opozita duhet të zhvillojnë kontakte me grevistët, për të gjetur zgjidhje. Në një shoqëri demokratike, njëri prej detyrimeve është të zhvillosh dialog, pavarësisht se me cilën palë”, vuri në dukje ambasadori. Njëkohësisht në gjykimin e tij, është se pikërisht kapërcimi i grevës do ta ndihmonte Shqipërinë në rrugën e saj drejt BE-së. ‘SHBA mbështet integrimin e Shqipërisë në BE dhe theksoj se plotësimi i tre kushteve të KE kërkon domosdoshmërisht vullnet nga palët politike. Por njëkohësisht i mëshoi faktit se kapërcimi i grevës dhe zgjidhja e këtij problemi do ta ndihmonte Shqipërinë në rrugën drejt BE’, deklaroi Arvizu, gjatë intervistës së tij.”

Ky raportim nuk ka poshtë emrin e gazetarit, dhe shyqyr që s’e ka. Është turp të vësh emrin poshtë raportimeve të tilla, që s’kanë asnjë lidhje me ngjarjen që ato kanë në fokus. Është aq e vërtetë kjo këputje mes raportimit e ngjarjes reale sa të vjen të besosh se nuk bëhet fjalë për intervistën e ambasadorit amerikan, Alexander Arvizu dhënë Sonila Meços së televizionit “ABC News”, më datë 16 tetor 2012, por për ndonjë intervistë të dhënë nga dikush tjetër. Vetë Arvizu do jetë skandalizuar nga ky fakt, nëse ia kanë bërë me dije. Dhe në fakt është tamam një skandal.

Ambasadori duhet të jetë menduar gjatë para se të shkojë atje, dhe me siguri që i ka shoshitur gjerë e gjatë, tok me këshilltarë të vetët, mesazhet e forta që ka dashur të përcjellë. Ai nuk është se i lëshon ditë për ditë mesazhe të tilla. Përkundrazi, ai ka 100 vjet që nuk i jep gojës në këtë fare feje me kritika në adresë të Kryeministrit, e për ta dëgjuar të flasë në këtë mënyrë do na duhet të presim nja 100 vjet të tjera. Dhe keni parë ju? Pikërisht në këtë moment atipik e tekanjoz të jetës së vet, dalin reporterët e televizionit “ABC News” dhe ia zbutin, qullosin e sheqerosin fare atë intervistën, aq sa ajo duket si e dhënë prej Patozit, Nishanit, Pollos etj., apo nga vetë Arvizuja i 100 viteve më parë.

Personalisht, nuk kam ndonjë gjë me orientimin editorial të këtij televizioni. Është punë e tyre, dhe pikë. Madje, s’kam gjë kundër edhe në rrethanat, kur një televizion do ta shihte të udhës të mos e jepte fare si lajm këtë intervistë me një ambasador. Por nga momenti që e thërret ambasadorin me bujë të madhe të japë një intervistë në një program të rëndësishëm tëndin, dhe nga momenti që ti vendos të informosh mbi këtë ngjarje, është krejt e pajustifikueshme të bësh këtë raportim të trukuar dhe është krejt e pafalshme që një gjuhë denoncuese të dikujt ta përcjellësh te spektatori si të kundërtën e vet, d.m.th si një mesazh mirëkuptimi, empatie e simpatie.

“Qofshi ju që jeni!”, më vjen t’u them atyre që i kanë bërë, apo urdhëruar, raportime të tilla.

[juanito02]

Hahahaha sa te trashe jane policet maloke te sales.
Kan mare nje trafikant italian dhe e kane quajtur konsull qe gjoja i paska shitur makinen drejtuesit te greves e ky si ka dhene leket e e kane arrestuar.
Eshte mbush shtypi italian me kete konsullin e rreme te Salisut.

[BlueBaron]

Emrat e byroistëve që morën 55 mijë USD nga PS


Ministri i Drejtësisë, Eduard Halimi dhe ai i Financave, Ridvan Bode, iu përgjigjën pyetjeve të një grupi deputetësh për dëmshpërblimin e ish-të përndjekurve. Halimi tha se gjatë viteve 1997-2005, kur në pushtet ishin socialistët, nuk është dhënë asnjë fond për dëmshpërblimin e ish-të përndjekurve, me përjashtim të 15 personave, ish- udhëheqës të lartë të nomenklaturës komuniste dhe prokurorëve të regjimit, shumë që arrin në 55 mijë USD. “Gjatë viteve 1997-2005, për ish-të përndjekurit politikë të regjimit komunist nuk është dhënë asnjë lloj dëmshpërblimi. Shuma e dhënë në favor të tyre është zero. E përsëris, zero. Në programet e kryeministrave që ndërroheshin ka pasur zero fjalë për ish-të dënuarit politikë. Ndonjë çudi të madhe nuk ndiej, me thënë të drejtën, por sigurisht, çudia më e madhe ishte kur ndërkohë që u dhanë zero lekë për ta, janë shpërndarë dëmshpërblime për burgim të padrejtë për ish-bllokmenët e regjimit komunist, pikërisht për ata persona, të cilët ishin persekutorët e atyre 20 000 të dënuarve dhe internuarve politikë. Si në asnjë vend të Lindjes, këtu qeveria socialiste e vitit 1999 dëmshpërbleu jo të persekutuarit, por persekutorët”, u shpreh Halimi.



Demshperblimet per ish-udheheqesit komuniste


1- Ramiz Alia 6.060.000 lekë
2- Arianit Çela 7.300.000 lekë
3- Rapi Mino 3.350.500 lekë
4- Lenka Cuko 5.575.000 lekë
5- Prokop Murra 9.040.000 lekë
6- Simon Stefani 6.200.000 lekë
7- Qirjako Mihali 5.625.000 lekë
8- Rita Marko 1.790.000 lekë
9- Sokrat Plaka 10.650.000 lekë


Marre nga Panorama.com.al

[Duaje Siveten]

TemA Online, 17 Tetor, 2012

Indiferentizmi i fajshëm ndaj ish- të përndjekurve politikë

Nga Albert Pali*

Si shumë shqiptarëve të tjerë, ajo që më ka bërë një përshtypje të madhe këto javë të grevës së ish- të përndjekurve politikë, është indiferenca e mbarë shoqërisë shqiptare ndaj vetëflijimit të tyre.

Nga emrat dhe nga historitë e tyre kuptohet se mes tyre ka katolikë, myslimanë dhe ortodoksë. Duke parë sesi këto njerëz po bënin edhe hapin më ekstrem, duke treguar një “përbuzje” ndaj jetës për të afirmuar të drejtat e tyre, do të kisha pritur që eksponentët e kishës katolike shqiptare të kishin shkuar për t’u ndenjur afër dhe për t’u dhënë forcë e kurajë, por kjo gjë nuk ndodhi.

Kemi parë në televizion sesi Berisha ka marrë mikrofonin brenda në kisha katolike (rasti i rivarrimit të eshtrave të mons. Nikollë Kaçorrit në Durrës) si dhe në mbledhjen e konferencës së ipeshkvinjve të Shqipërisë për të shpalosur si gjithmonë sukseset e qeverisë së tij dhe askush nuk ka reaguar, ndërsa sot kisha katolike nuk prononcohet për vetëflijimin e bijve të saj.

Nga ana tjetër një hap i tillë nuk u krye as nga drejtuesit e komunitetit mysliman dhe ortodoks. Është shumë e trishtë po të mendojmë se disa komunitete fetare në Shqipëri ngrenë zërin vetëm kur bëhet fjalë për marrjen e pronave të tyre, apo janë të gatshme të reagojnë për ngjarje që ndodhin në Palestinë apo në Amerikë, ndërsa për njerëz që digjen në mes të Tiranës nuk kanë asnjë fjalë të vetme.

Lexova këto ditë në gazeta sesi njerëz të afërt me pushtetin e Berishës bërtisnin me të madhe se ish- të burgosurit nuk përfunduan në burgjet e Enver Hoxhës për të marrë sot shpërblime dhe para.

Këta zotërinj që mundohen me retorikën e tyre të demaskojnë veprimin politik të grupit të grevistëve injorojnë faktin që ligji kudo në botën e qytetëruar parashikon për çdo sasi dëmi që pëson një individ një dënim dhe një dëmshpërblim. Fajtorët duhet të paguajnë shpenzimet e procesit gjyqësor dhe njëkohësisht ndodh që duhet të dëmshpërblejnë medoemos të dëmtuarin. Në rastin e ish të burgosurve politikë kemi jo vetëm dëmshpërblimin për privacionin e padrejtë të lirisë nga ana e një partie/shtet por edhe shpërblimin e viteve të punës së detyrueshme që kanë bërë. Dëmshpërblimin e parashikon ligji dhe jo ana subjektive e individit, prandaj dhënia e tij është krejtësisht e pavarur nga vullneti i të dëmtuarve. Kërkesat e tyre janë plotësisht të drejta, në linjë me ligjin në fuqi dhe me të gjitha konventat ndërkombëtare.

Nga ana tjetër këto dëmshpërblime nuk mund të dilacionohen pafundësisht në kohë, pse arsyeja e legjislatorit ka parasysh kufizimet kohore brenda të cilave i dëmtuari duhet të zhdëmtohet, duke qenë se është e drejta e tij të gëzojë në këtë jetë atë që i takon me ligj.

Kujtoj sesi para disa muajsh brenda një nate u sajua një grup intelektualësh, mes tyre edhe ndonjë nëntëdhjetëvjeçar që zor se kupton se në ç’botë ndodhet, dhe u firmos një peticion që kërkonte Fatos Nanon si president të Shqipërisë. Sot në Tiranë nuk është e mundur që elitat shqiptare të firmosin një peticion për të drejtat e grevistëve? Vallë ata njerëz që prej javësh vuajnë në tenda dhe durojnë talljet e fyerjet e makinës propagandistike të Berishës kanë më pak dinjitet se Nanoja?

E gjithë kjo nuk e nderon shoqërinë shqiptare, pse tymi i atyre njerëzve që digjen në Tiranë tashmë ka nisur të shihet edhe në Bruxelles e gjetkë e kjo gjë nuk sjell asnjë shpresë të mirë për ne.

*Autori është cand. jur. në Universitetin e Kopenhagenit