Ish kreu i PS Nano: Konkurroj per postin e presidentit

[[HD]]

Berisha, opozitës: Lepuri fle te Fatos Nano


‘Topalli do ishte presidente e denje, por hoqa dore nga kandidatura politike. Lepuri fle te Fatos Nano’.

TIRANË- Kryeministri Sali Berisha ka ftuar sërish sot opozitën të japë mbështetje për kandidaturën e maxhorancës dhe të dalë me një kandidaturë të sajën. Berisha ka deklaruar prerë se Jozefina Topalli do të ishte presidente e denjë për vendin, por hoqi dorë prej saj vetëm për të dalë jashtë një kandidature politike e për të siguruar një president konsensual.
Gjatë fjalës së tij në seancën e sotme të Kuvendit, Berisha ka informuar për ecurinë e deritanishme të negociatave për presidentin. Ai ka rikujtuar marrëveshjen me LSI e më tej negociatat që sollën emrin e Xhezair Zaganjorit, që ka marrë edhe votat e opozitës në Kuvend për në Gjykatën Kushtetuese, madje ka votuar kundër tre ‘betejave’ politike të qeverisë; ligjin për lustracionin, pronën dhe detin.
“Për mua Topalli do përfaqësonte këtë vend në mënyrën më dinjitoze, por Rama më conte publikisht ultimatume se ajo nuk do jetë kurrë. Nuk kam vënë asnjë ultimatum. U ngrita nga bindjet e mia se PD do kishte presidentin nga radhët e saj dhe propozuam bashkë me Metën një njeri që s’ka qenë në asnjë nga forcat tona politike. I tejkaluam dhe këto nuk kanë rëndësi, se udhëhiqeni nga një filozofi, sipas juash, e tëra ose asgjë, por kjo nuk është filozofi në demokraci”- tha ai.
Sipas Berishës, lepuri fle te Fatos Nano. “Nuk ka gjë me të mençur se një pyetje popullore që shtrojnë shqiptarët, ku fle lepuri, ai fle te Fatos Nano. Po si ka mundësi ju kaq gojëkycur, kaq që s’mund të nxirrni një kandidat, po kush e futi, e ftova vallë unë, unë e deklarova që ne nuk e votojmë dhe këtë i kam thënë në takimin që kam patur me të. Ju keni një problem madhor se e keni ende në korridore, kultin e armikut, po Nano cfarë u ka bërë ju ai? Ai bëri një gabim 74 ministra dhe kryeministra, cfarë patë ju prej tij, kush ua solli, e sollët vetë”- tha Berisha.

Panorama

[drague]

Ate kam thene dhe une me pare se eshte si eshte, po te pakten mbajti fjalen dhe me e rendsishmja akoma u zhduk nga politika. Po mesa quket kishte ik me pushime vetem, nuk hoqi dore. Mire qe nuk eshte gjalle dhe Enveri se do ishte dhe sot o president o kryeminister.

nuk eshte me mire nje hajdut i meritum se nje i uritur?

[Qyfyre]

Me mire i uritur ne fakt, qe ta mbarojne same shpejt dhe ato ca kane mbetur dhe te vij koha kur te zgjidhen njerez qe nuk kane interes te vjedhin, ngaqe s'ka mbetur me c'te vidhet.

[Duaje Siveten]

salijevi e hapi siparin e turpit te radhes: Zaganjorin e hodhi tej - kaq ishte nevoja, aq e donte situata ...

tani i hapet rruga tos qylaxhi-sarhoshit, vellait siamez te salijevit ...

sa nuk po vdes salijevi, ne pritje te selise "roze" per ta propozuar tos shkalllnuerin e Levante Co, master-mind i korrupsionit sistemik ne Shqiperi ...

[Duaje Siveten]

Nano thirrje Ramës, Berishës, Metës:
Jepni zgjidhje shtetarësh (pazaresh - shenimi im), unë jam konsensusi

TIRANË- E ndërsa sot Kuvendi ezauroi, raundin e tretë të votimit për president, dhe kandidati i maxhorancës për kreun e shtetit, Xhezair Zaganjori u tërhoq, Fatos Nano i bën thirrje klasës politike, vecanërisht opozitës dhe kreut të saj që të gjejnë tek ai konsensusin.

"I bën thirrje, e inkurajon Edi Ramën që së bashku me Grupin Kuvendor të PS, por edhe me të gjithë përfaqësuesit politike në Kuvend, Kryetarët e Partive të tjera Kuvendore, ta gjejnë konsensusin tek dhe me Fatos Nanon. I bën thirrje dhe e inkurajon Sali Berishën që së bashku të vazhdojnë bashkëpunimin dhe japin zgjidhje prej shtetarësh duke mos cënuar ekuilibrat dhe duke mos dëmtuar asnjë aktor apo faktor politik në Shqipëri. Marrëveshjet dhe bashkëpunimet mes shtetarëve janë për zgjidhje në të mirë të vendit e kurrësesi në dëm të aktorëve e faktorëve të tjerë politikë. I bën thirrje Ilir Metës që të luajë rolin e tij të domosdoshëm pozitivizues në këtë moment të rëndësishëm për vendin. Shanset janë të mëdha për zgjidhje, e së bashku mund të vazhdojmë ti japim vendit zgjjidhjet më të mira",- thuhet në njoftimin e shperndare për mediat të "Levizja Nano per president".

lajmi vijon

[[HD]]

Nano: Tani është momenti im


Pas djegies edhe të raundit të tretë dhe tërheqjes së Xhezair Zaganjorit, Fatos Nano beson, më shumë se kurrë, se tani ka ardhur momenti i tij.



Nëpërmjet një deklarate për shtyp, zoti Nano thotë se tani vendi rrezikon seriozisht që të mos marrë statusin e vendit kandidat për në Bashkimin Europian.

Duke cituar At Anton Harapin, kur fliste për "adhetarizmin si dashuri e sinqertë për njerëzit", Fatos Nano i bën thirrje të gjithë deputetëve që ta dëshmojnë atdhedashurinë e tyre me atë që ai e quan "dashuri vepronjëse".

Më fjalë të tjera, ta votojnë zotin Nano
Zgjedhja e presidentit
Rama: U hap rruga për konsensus
Presidenti, Zaganjori: Tërhiqem nga gara
Meta rikthekson mbështetjen për Zaganjorin
si kandidatura që do t'i jepte zgjidhje ngërçit politik në vend. Deklarata e Fatos Nanos përmban në këtë sens tre thirrje të përsonalizuara për Edi Ramën, Sali Berishën dhe Ilir Metën.

Ai u kujton tre krerëve politikë se, nëse zgjidhej president do të përkushtohej për t'i zgjidhur konfliktet, e jo për t'i shtuar ato.

Deklarata përmban edhe një vlerësim për dorëheqjen e Xhezair Zaganjorit, që Fatos Nano e përshëndet si akt të përgjegjshëm dhe atdhetar, prej dinjitari shtetëror.

Një ditë më parë, lëvizja Nano për President, nëpërmjet një komunikate për shtyp adresuar mediave, i bëri thirrje Partisë Socialiste që të jepte mbështetje dhe të kandidonte kryetarin e saj historik për rolin e kryetarit të shtetit.

Ndërsa më herët ai komunikoi se do të largohej nga gara për president vetëm nëse zgjidhej dikush tjetër dhe paralajmëroi kthimin e tij në Partinë Socialiste, me argumentin se, “ajo po lëngon”.

Të njëjtën ditë, një grup prej 26 intelektualësh u bënë thirrje krerëve të grupeve parlamentare që të mbështesnin kandidaturën Fatos Nanos, duke e vlerësuar si personin e duhur për postin e Presidentit të Republikës


Top Channel

[Ziti]

le te ndjekin edhe nano shembullin e zaganjorit. le te tregohet edhe ai atdhetar. ne fakt zaganjori e tregoi veten qe eshte nje nga enveristet ashtu si nano, apo rama qe kerkojne te pengojne shqipetaret te ecin perpara.
pd-ja duhet te tregohet me e ashper.
zhozefina per presidente. le te votohet ashtu si e permban kushtetuta.

[skender76]

Do t'kemi presidentin e pare ne bote qe e nget
makinen vet, ndersa truprojat ulen mbrapa...
Nga X5 qe ka, meqe behet president le te marre X6.....



.

[Prudence]

E bene Nanon kta...Zaganjori ishte thjesht ne rol sic duket..... Oi

[{A_N_G_E_L_69}]

Nano hesht pas 10 ditë deklaratash

Kandidati i vetëshpallur për garën presidenciale, Fatos Nano, duket se ka zgjedhur heshtjen në situatën e re politike të krijuar pas tërheqjes nga gara të Xhezair Zaganjorit. Ndryshe nga çdo ditë tjetër, të paktën për 10 ditët e fundit, zyra e shtypit e lëvizjes “Nano për President” nuk shpërndau asnjë njoftim të qëndrimit apo aktiviteteve të ish-kreut socialist. Por, mësohet se Nano edhe dje ka vijuar takimet me aktorë dhe faktorë të rëndësishëm të politikës dhe diplomacisë në vend, me të cilët ka shkëmbyer mendime rreth zhvillimeve të ardhshme kur zgjedhja e Presidentit ka mbërritur në raundin e katërt dhe të pestë. Por, duket se faktori ndërkombëtar në Tiranë po lëviz dy ditët e fundit për të arritur më në fund në një kandidat konsensual e të gjithëpranuar. Negociatat e sotme do të tregojnë nëse ky objektiv do të arrihet apo jo.