Ish kreu i PS Nano: Konkurroj per postin e presidentit

[{A_N_G_E_L_69}]

Meta: Nuk e përjashtojmë Nanon si kandidat


Kryetari i Lëvizjes Socialiste për Integrim ,Ilir Meta, tha dje se nuk paragjykon emrin e Fatos Nanos për President. I pyetur dje nga “Panorama”, Meta tha se “nuk e përjashton Nanon si kandidat për President”. Gjatë një komunikimi me gazetarët, Meta deklaroi se LSI nuk paragjykon asnjë emër. “LSI nuk ka përjashtuar asnjë emër, sepse nuk paragjykon askënd. Lëvizja Socialiste për Integrim është investuar që në fillim të këtij procesi dhe do të investohet deri në fund për një proces kushtetues dhe për një President sa më konsensual”, pohoi kreu i LSI-së. Meta theksoi gjithashtu se LSI-ja nuk i ka përjashtuar në asnjë rast emrat politikë për t’u zgjedhur si kryetar shteti. “Nuk janë përjashtuar emrat politikë për arsye të paragjykimeve ndaj politikanëve të caktuar, por është bërë një përpjekje për emra dhe profile që mund të gjenin më lehtë konsensusin, pasi e theksoj që Shqipëria ka politikanë dhe politikane që mund ta realizojnë shumë mirë detyrën e Presidentit të Republikës, por konflikti politik që kemi pasur, sidomos gjatë viteve të fundit, e ka bërë të vështirë gjetjen e konsensusit për emra politikë. Nëse kjo gjë do të ishte e mundur, përse jo. Megjithatë ,do të tentohet ajo që është më e rëndësishmja, për emra sa më konsensualë”, theksoi Meta. Pas tërheqjes së kandidatit Xhezair Zaganjori nga gara presidenciale, kryetari i LSI-së deklaroi dje se duhet zhvilluar një tryezë e dytë e nivelit të lartë midis Kryeministrit Berisha dhe kryesocialistit Rama, për gjetjen e një emri konsensual. Gjatë një prononcimi për mediat, Meta ka lëshuar tone kritike për qëndrimin e kreut të opozitës për të mos pranuar me çdo kusht emrin e Xhezair Zaganjorit dhe duke i quajtur kapriço që duhet të marrin fund. Kreu i LSI-së pohoi se dita e diel është një mundësi që nuk duhet shpërdoruar nga partitë politike për të “kurorëzuar” një emër konsensual pas votimit në raundin e katërt që do të zhvillohet ditën e hënë. “Ndaj, theksoj rëndësinë edhe të një takimi tjetër të nivelit më të lartë, të z. Berisha dhe të z. Rama, një format që ata do ta gjykojnë të arsyeshëm dhe të pranueshëm, deri ditën e nesërme, në mënyrë që gjatë këtyre 48 orëve të arrijmë një konsensus, i cili natyrisht që nuk do të jetë i lehtë, por që nuk është i pamundur”, deklaroi Meta.


Panorama

[Duaje Siveten]

Do t'kemi presidentin e pare ne bote qe e nget
makinen vet, ndersa truprojat ulen mbrapa...
Nga X5 qe ka, meqe behet president le te marre X6.....

.

mos harroni Shkallnuerin e viteve me pare ... ky delenxhi pijetar i papergjegjshem nuk e ka problem ta beje gjithe Shqiperine Shkallnuer ... me vellain e tij siamez, salijevin, per hir te manise te pakufi dhe skrupull per pushtet ...

[Billy Joe]

pokermen-a koti, qesharake bile, dihet qe ne fillim qe As-at i kane nen menge
bejn gjasme si te komplikum, perdorin fanda spathi tip zaganjoresh, per te nxjerre "Ass"in-b'ythen fatos ne tavoline...dihej me kohe, corbe e shpifur komunistesh

[Brari]

KJ

-

Rama kunder Nanos: Japim vetem votat e konsensusit

Edi Rama foli dje ne emer te Kryesise se PS, duke deklaruar se kjo parti eshte e vendosur te mos propozoje emra per kandidature presidenciale dhe se qellimi i vetem eshte te jape numrin e nevojshem te votave per zgjedhje konsensuale. Kreu socialist ka nenkuptuar keshtu dje pas mbledhjes se Kryesise, ate qe me heret e kishte thene shkoqur ne intervista televizive se PS nuk deshiron te paraqese kandidatura. I pyetur ne daljen per media lidhur me kandidimin e Nanos, Rama konfirmoi pikerisht dhenien e votave thjesht per te plotesuar numrin e nevojshem per t'u konsideruar konsensual, presidenti i ri: Jemi shume transparente dhe shume te qarte. Ne duam konsensus dhe konsensusi gjendet ne komunikimin qe mundeson dakordesine mes paleve. Kjo do te thote se ajo cka eshte primare eshte principi baze i konsensusit dhe pastaj artikulimi i tij eshte nje ceshtje e dialogut dhe e dakordesise mes paleve. Partia Socialiste i ka qendruar dhe i qendron me konfirmim te plote te Kryesise se saj, bindjes se cka e con perpara kete proces eshte venia ne dispozicion e numrave ne parlament nga ana jone per konsensus, asnje devijim nga kjo linje e drejte parimore", - deklaroi z.Rama.

I pyetur a do ta votonte nje president nese do te ulej ne tavoline me bisedime me z.Berisha, z.Rama dha kete pergjigje: "Ne nuk kerkojme asnje ekskluzivitet ne autoresine e emrit te mundshem qe mund te prodhoje nje proces dialogu, por kerkojme vetem mundesine per te qene bashkautore dhe bashkepergjegjes per Presidentin apo Presidenten qe do te zgjedhim. Qe do te thote nje kornize e qarte brenda se ciles palet operojne ne harmoni me interesin qe i ul ne tavoline, pa asnje dyshim e nxjerr emrin e Presidentit apo Presidentes te Republikes. Une jam absolutisht i bindur per kete. Eshte vetem ceshtje vullneti politik per te vendosur interesin kombetar qe eshte i perputhur plotesisht si rralle me konkretesine e ceshtjes dhe qe do te thote nje president konsensual per nje prove te kaluar me sukses, per nje rruge te hapur drejt zgjidhjes se tre pikave te tjera dhe per nje adresim te paleve si perfaqesues te te njejteve shqiptare, qe qofshin socialiste, qofshin demokrate, qofshin cfaredoqofshin duan Bashkimin Europian. Ne nuk behemi pjese e nje procesi te njeanshem. Ketu ceshtja eshte se duke i shkuar verberisht rruges se parashkruar nga Kushtetuta ne kete moment kur germa eshte me pak e rendesishme se fryma per shkak te situates, ne te cilen ndodhemi, fatkeqesisht behet nje atentat kunder interesit kombetar qe lidhet me statusin e kandidatit. E per kete arsye besoj se nuk gaboj nese them se ndjej nje vetedijesim edhe te pales tjeter. Nuk e di se deri sa ky vetedijesim mund t'i coje ne zgjidhjen perfundimtare, por jam i bindur qe edhe fakti qe sot ne jemi perpara raundit te katert flet per nje situate qe deri nje muaj e gjysme perpara pakkush mund ta parashikonte, ne te cilen palet bejne perpjekjet e tyre per te mos u bere pergjegjese perpara historise europiane te ketij vendi".

Nje argument tjeter ne daljen e djeshme per media ishte dhe se nese PD zgjedh me aleatet e saj Presidentin e ardhshem te Republikes dhe ky do te jete nje kandidat nga radhet e mazhorances, a do te kete nje moment reflektimi PS perse nuk votoi Zaganjorin si kandidat jo politik. Rama tha se ne rast se keshtu do te ndodhe, "atehere PS do te ndjehet shume keq per faktin se u vra nje shans i madh qe ishte ne duart e te gjitha paleve per te shtyre perpara Shqiperine ne rrugen e integrimit evropian".

Ne fakt kryeministri diten e fundit ka folur shpesh per editorialin e z.Rama per bashkimin e votave per rrezimin e qeverise. A do t'i vazhdoje z.Rama t'i qendroje editorialit? "Vazhdoj t'i qendroj. Dhe sa me shume ai flet aq me shume une them qe nuk eshte keq qe te kesh kryeministrin lexues kaq obsesiv te atyre qe shkruan si kryetar i opozites. Keshtu qe eshte nje frymezim i shtuar per editoriale te tjera qe do ta lene kryeministrin pak pa gjume, por kjo eshte detyra jone, t'i prishim gjumin njeri tjetrit".



Fino: Kemi emra, nese na jepet mundesi per konsensus



Deputeti Bashkim Fino deklaroi pas mbledhjes se Kryesise se Partise Socialiste se opozita do te jape emra per postin e kreut te shtetit, vetem ne momentin qe mazhoraca do te jape mundesi per konsensus. Fino u shpreh se ne momentin qe nuk ka ende negociata, Partia Socialiste nuk do te dale me emra per kreun e shtetit. Ai theksoi se Kryesia mori vendimin per te mandatuar kryetarin e Grupit Parlamentar Gramoz Ruci per te negociuar me kreun e grupit te PD-se, Astrit Patozi. Sipas tij, negociatat duhet te vazhdojne me linjen e konsensusit per zgjedhjen e kreut te shtetit. "Vendosem qe kreu i grupit Parlamentar te PS t'i beje nje ftese kreut te grupit parlamentar te PD-se, Astrit Patozi, per te vazhduar ne ate linje, per te cilen PS ka qene per konsensus. Te ulemi ne tavoline dhe pastaj, nese ata na japin mundesine e konsensusit, do te kemi emra", - u shpreh dje deputeti i PS-se, Bashkim Fino.

Malaj: Diskutuam per me te miren e Shqiperise

Deputeti dhe anetari i Kryesise se Partise Socialiste, Arben Malaj, tha dje pas mbledhjes se kryesise se gjate zhvillimit te saj nuk ka pasur debate, por vetem diskutime. I pyetur nga gazetaret, Malaj u shpreh se nuk ka pasur debate me kreun e PS-se, por eshte diskutuar vetem per me te miren e Shqiperise. "Nuk kemi debatuar, kemi diskutuar per ate qe eshte me e mire per Shqiperine", - u shpreh dje Malaj. Deputeti Malaj eshte nje nga anetaret e Kryesise qe ka deklaruar ne menyre te hapur se PS-ja dhe kreu i saj duhet te kandidojne Fatos Nanon per ne krye te shtetit. Malaj gjithashtu ka mbrojtur qendrimin se PS duhet te kete nje strategji te qarte konkurruese ndaj mazhorances.

---------------



dridhe edvin dridhe..


-

[[HD]]

Nano, thirrje PS-së: Ta fitojmë këtë garë bashkë


TIRANË- Lëvizja “Nano për president” ka reaguar me një deklaratë për mediat pas zhvillimeve më të fundit në procesin e zgjedhjes së presidentit dhe tërheqjes nga gara të të zgjedhurit të maxhorancës, Artan Hoxha.
Duke kujtuar se Fatos Nano po ndjek me vëmendje kaosin e krerëve të partive politike, lëvizja thekson se ai mbetet i vetëofruar për klasën politike e publikun, për të pasur konsensusin e palëve ose për të fituar në garën në Kuvend.
Ai i ka bërë thirrje Partisë Socialiste që të vendoset në lartësinë që e kërkon momentin, që duke “bashkuar traditën, historinë, ta fitojmë këtë garë bashkë.”
Deklarata e plote
“Fatos Nano po ndjek me vëmendje të gjithë këtë kaos total që po shkaktojnë Kryetarët e Partive të cilët tashmë për shkak të llogarive e axhendave të tyre të ngushta partiake, po e kthejnë procesin e zgjedhjes së Presidentit të Republikës, në një proces të turpshëm dhe në një rrezik të madh për fatet e vendit dhe të integrimit europian.
Turp dhe vetëm turp mund të konsiderohet gjithçka po ndodh me procesin e zgjedhjes së Presidentit.
Turp sepse ka arratisje nga serioziteti.
Turp sepse ka arratisje nga përgjegjshmëria.
Turp sepse ka arratisje nga integrimi.
Turp sepse ka arratisje nga Europa.
Turp sepse ka arratisje nga gara e lirë dhe e ndershme.
Turp sepse ka arratisje nga konsensusi.
Turp sepse ka arratisje fatale nga atdhedashuria.
Ky është momenti, kjo është dita që përtej dështimit të derisotëm, Kryetarët e Partive, gjithsesi të ngrihen përmbi honet e llogarive të ngushta politike partiake që fundosin Shqipërinë, dhe të lartësohen me përgjegjshmëri të lartë kombëtare në nivelin e parimeve të atdhedashurisë për ta ngritur Shqipërinë në meritën e vlerën që i takon si një vend Europian.
Fatos Nano ka deklaruar e ripërsërit se mbetet i vetëofruar për klasën politike shqiptare dhe publikun shqiptar për të patur mundësinë për të synuar konsensusin, ose për të garuar e për ta fituar këtë garë.
Fatos Nano i bën thirrje Partisë Socialiste që të ngrihet në lartësinë që kërkon momenti, e të mos i shmanget e as druhet garës. Fatos Nano i bën thirrje Partisë Socialiste që së bashku me Fatos Nanon duke bashkuar traditën, historinë, vlerat më të mira të Partisë Socialiste në këto 22 vite, ta fitojmë këtë garë bashkë, bashkë, bashkë. Fitorja e përbashkët e sotme le të jetë parathënie e hyrjes në historinë fituese të mëtutejme për Partinë Socialiste, për të gjithë shqiptarët, për Shqipërinë. Së bashku të bëjmë fituese Shqipërinë,” thuhet në deklaratën e Nanos.


Panorama

[[HD]]

Idrizi: PS të kandidojë Nanon, liderin historik


TIRANË- Kreu i PDIU-së, Shpëtim Idrizi ka ftuar PS-në të kandidojë liderin e vet historik, Fatos Nano dhe ta paraqesë atë në seancën e pasdites së sotme.
Në një deklaratë për mediat, Idrizi ka pranuar se në takimin e djeshëm ai ka propozuar pikërisht Nanon, kandidat për president, me të cilin sipas tij ka pasur dakordësi edhe Meta, por kjo nuk është mbështetur nga kreu i PS-së, Edi Rama.
“Kemi një tërheqje të papritur për motive personale të Hoxhës. Po kalojmë një kalvar për nevojën për konsensus dhe jemi në limitet e kohës kushtetuese. Maxhoranca është e vendosur t’i japë vendit president, ai duhet të jetë me profil të qartë publik me eksperiencë shtetari, edhe dje kërkova që ky të ishte profili i kandidatit. Madje kërkova që kandidati të jetë Fatos Nano, figurë që ka marrë dakordësi, por ka edhe axhendë që e afron vendin në BE. Jam i zhgënjyer që nuk gjeta mbështetje te PS, por mendoj se ka kohë akoma, PS duhet t’i ofrojë kandidimin Nanos në seancën e ardhshme në orën 5”- tha ai.
Më tej Idrizi ka sqaruar se dje “pati dakordësi edhe nga Meta për Nanon. Nano di të qëndrojë mbi palët, kam mbetur i zhgënjyer që kjo kandidaturë nuk u mbështet nga ata që e kanë obligim moral e publik, pra PS, të kandidojë jo vetëm liderin historik, por në figurë që nderon gjithë shqiptarët.


Panorama

[[HD]]

Dule: Maxhoranca nuk e zgjedh dot vetëm Presidentin. Të propozohet Fatos Nano


TIRANE- Kryetari i Partisë Bashkimi për të Drejtat e Njeriut, Vangjel Dule ka dekalruar se maxhoranca ka deshtuar me zgjedhjen e presidentit dhe eshte koha qe PS-ja te kandidoje Fatos Nanon.
“Në këtë mungesë serioziteti dhe përgjegjshmërie të gjitha rrezikohen. Të gjithë e pamë se mazhoranca nuk e zgjedh dot e vetme presidentin,” tha Dule, teksa doli nga Kuvebdi i Shqiperise, pas terheqjes se Artan Hoxhes, kandidatures se dyte te maxhorances nga gara presidenciale.
“Opozita nuk mund t’i shmanget betejës politike. Ajo duhet të dalë përpara, të ofrojë kandidaturën e vet. Për PBDNJ është momenti që të shpëtojmë procesin, të shpëtojmë fatet integruese, të shpëtojmë atë që ka mbetur nga dinjiteti i politikës. Të propozohet Nano, që do ishte zgjidhja optimale në situatën që po kalon vendi,” tha Dule.


Panorama

[Duaje Siveten]

Lëvizja “Nano për president” eshte levizja per turp, korrupcion, frenim procesesh integruese, thellim korrupcioni, ri-kthim zhaqetash te vjetruara, aplikim katovice ne menyren me skandaloze ...

levizja per nanon ben thirrje per turp??!!???

[MaDaBeR]

Fatos Nano shpreh zhgënjimin e tij të thellë për, dështimin e turpshëm ku e kanë zhytur Shqipërinë, Kryetarët e Partive Politike.

"Zhgënjim i thellë për sjelljen e reagimin e liderit të shumicës qeverisëse Sali Berisha, i cili nuk ia doli dot që të shkëputet nga marifetet dhe llogaritë e ngushta partiake apo brenda koalicionit. Sali Berisha nuk ia doli dot mbanë që të sillet, flasë e veprojë si shtetar sikurse detyra e tij si Ish-President Republike dhe Kryeministër në detyrë e kërkon", thuhet në deklaratë.

"Po ashtu, - thuhet më tej,- në deklarate, Berisha dëshmoi se dashuria e tij për pushtetin e tejkalon dashurinë e tij për shtetin, dashuria e tij për partinë e tejkalon dashurinë e tij për kombin, dashuria e tij për koalicionin e tejkalon dashurinë e tij për integrimin europian dhe partnerët tanë euroatlantikë".

Nano: Kandidimi i Nishanit, gafë kushtetuese

Fatos Nano, i bën apel dhe i tërheq vëmendjen shumicës qeverisëse se kandidimi i fundit i paralajmëruar me kandidat te rradhës për President, Ministrin Bujar Nishani, është një gafë e rëndë kushtetuese dhe rrezikon të kthehet në një shkelje të rëndë kushtetuese.

"Sipas Kushtetutës së Republikës së Shqipërisë, një Ministër i Kabinetit Qeverisës nuk mund të kandidojë për President në rast se ai nuk ka dhënë më parë dorëheqjen. Dhe doreheqja e tij ka vlerë ligjore vetëm pasi është pranuar me dekret nga Presidenti i Republikės, per t'u votuar nga Kuvendi", thuhet në deklaratën e shpërndarë për mediat.

Sipas Nanos, ministri kandidat për President e ka të pamundur sipas Kushtetutës që të votojë për veten në Kuvend në cilësinë e tij si deputet.

Fatos Nano i tërheq vëmendjen shumicës qeverisëse që të mos e thellojë krizën duke bërë edhe shkelje kushtetuese përvec shkeljeve të rënda morale e politike që janë bërë deri sot.

Nano thirrje PS: Ta fitojmë bashkë këtë garë

Kandidati i vetëshpallur në garën për president, Fatos Nano, përmes një njoftimi për shtyp, e ka quajtur të turpshme situatën e krijuar së fundmi dhe i kërkon PS që ta kandidojë për të fituar bashkë garën për president.

"Ky është momenti, kjo është dita që përtej dështimit të derisotëm, Kryetarët e Partive, gjithsesi të ngrihen përmbi honet e llogarive të ngushta politike partiake që fundosin Shqipërinë, dhe të lartësohen me përgjegjshmëri të lartë kombëtare në nivelin e parimeve të atdhedashurisë për ta ngritur Shqipërinë në meritën e vlerën që i takon si një vend Europian".

Fatos Nano ripërsërit se mbetet i vetëofruar për klasën politike shqiptare dhe publikun shqiptar për të patur mundësinë për të synuar konsensusin, ose për të garuar e për ta fituar këtë garë.

Fatos Nano i bën thirrje Partisë Socialiste që të ngrihet në lartësinë që kërkon momenti, e të mos i shmanget e as druhet garës. "Ta fitojmë këtë garë bashkë, bashkë, bashkë. Fitorja e përbashkët e sotme le të jetë parathënie e hyrjes në historinë fituese të mëtutejme për Partinë Socialiste, për të gjithë shqiptarët, për Shqipërinë. Së bashku të bëjmë fituese Shqipërinë,” thuhet në deklaratën e Nanos.

Top Channel

[illyrian rex]

Po pres sa ta lexoj brari kete deklarimin e Nanos, se ne nje teme tjeter e propozoi per minister te qeshtjeve integruese