"Të krihem në sytë e tu"

[riza2008]

Vertet poezi te bukura z.Riza,c'dokush ne shkrimet e juaja gjen veten dhe ne nje fare menyre gjen relaksim...
bukur ,vertet bukur........

Respekte tetovarja87...Ju përshëndes me poezinë e mëposhtme......


Më duhet kjo jetë...


Që je shumë e bukur e di e gjith' bota
Nuk dallon aspak me një sklupturë guri.
Çdo e thënë tjetër,hyn në gjët' e kota,
Sa fjala në buzë i ngrin çdo lloi burri.

Ti je vet' pranvera,ti je manushaqja,
Ti je verë e kuqe,ti je poezia.
Ti je vetë ekrani, ku filmohet çfaqja,
Ti je frymëzimi,ti je dhe lakmia.

Kam një kohë të gjatë duke eksploruar,
Këtë bukuri që çmëndi dynianë.
S'e mora guximin për ta përqafuar,
Edhe kur m'u ndodh sa qepalla pranë.

S'janë të pakta ditët, që flasin për ty,
Foli dhe vetë Zoti,foli perëndia.
Ajo ta merr zemrën me të bukrin sy
Dhe me pavetëdije çmëndet dashuria.

Më duhet kjo jetë,nga kjo bukuroshe,
Siç më duhet ajri,uji,dashuria.
Si një lule prilli do ta mbjell në qoshe
Dhe do ta vadit me puthjet e mia.

[riza2008]

Ja vlen......

Ja vlem për ty, që të jetosh,
Jo në Tiranë,por dhe në mal,
Dhe pse s'e di, ç'do t'thotë kodosh,
Kodosh me ty, vetia më ngjan.

Sepse ti ke një hije pylli,
Të fut në gjoks dhe të freskon,
Larg teje nuk më ndriçon ylli,
Dhe zemra nuk më dashuron.

Ti e mban zgjuar ndjenjën time,
Si hënë çapkëne më thërretë.,
Më fut të gjithin në vegime
Si pëshpërim del dhe më pretë.

Ti je si vala tekanjoze,
Që e lag bregun pa mëshirë,
Si një mimozë me ngjyrë xheloze,
I thua dimrit lamtumirë.

Ti zgjon të vdekurit në varre,
Sjell tërmet në dashuri,
Si një bujkesh mëndjen m'a tarre,
Ti je vetshkrojtur në histori.

Ja vlen për ty që të jetosh,
Jo në Tiranë,por dhe në mal.
Me vetull t'a heq zemrën osh
Dhe nuk më lë të bëj skandal.

[riza2008]

Memorje çuditshme..

Po ta dërgoj me mall një puthje,
Nga largësia ku më vretë
Dhe bashkë me të, të mirën lutje
Më tradhëto, nëse s'më pretë.

Kam një memorie të çuditshme,
Sa më ngreh peshë edhe më zgjon.
Më thotë për ty, je gjë e frikshme
Edhe me shpirt nuk dashuron.

Jo nuk habitem nga ky fakt,
Se digjej shpirti, si shkarpë mali.
Dhe kur të puthja, si me takt,
Në shpirtin tënd strehoesh djalli.

Ndaj sot po t'i dërgoj të dyja,
Puthje malli edhe lutje.
Si një hajdut s'desha të hyja,
Por s'desha dhe të të them tutje.

[riza2008]

S'mjafton bukuria....


Nuk kam ndërmënd, më të të dua
Dhe pse je vajzë bukuroshe,
Shikimet, s'ti kërkoj më hua,
As buzët, si kumbull majhoshe.

S'di nga më erdhi ky mendim,
As veten time s'e besoj.
Në ndodhtë që është ndonjë gabim,
S'di kush mundet ta korigjoj.

Lutem,të jetë ndonjë lajthitje,
Se në Prill ndodhin këto gjëra,
Kur bukuritë kanë vetëm rritje,
Mundesh t'i humbësh që të tëra.

Bukuritë nuk njofkan hatër,
As dhimbshuri për një pik loti.
Prandaj dhe sytë i bëra katër,
Se dashuroja kot së koti.

Nuk ti them dot' çfar ndjen kjo zemër,
Ndaj preva shkurt: Më nuk të dua!
Je bukuroshe, si një femër,
Po nuk mjafton të të kem grua.

[riza2008]

Na digjen zemrat....

Kur kam kohë, ndonjë pasdite,
Nisem tek ty, të çmallem pak.
Se bashkë u rritëm nëpër vite,
Vonesat më vënë, në merak.

Kam parandjenjë,njëlloj si unë,
Mallohesh ti, për shpirtin tim.
Vështrimet ngul nga udha lumë,
Siç të mbaj unë në tru fiksim.

Takimet ndodhin krejt pa pritur,
Një befasi që shpesh na trëmb,
Më pret ashtu siç të kam pritur,
Të dhëmb në shpirt,siç më dhëmb.

Një thinj,një rrudhë na thonë u plakët,
Nuk e besoj as unë,as ti.
Sa sytë shikohen,ndizen flakët,
Na digjen zemrat si qiri.

[riza2008]

Më e mira....


Me më të mirat kam pozuar,
I bukur isha si ato.
Jam shtrirë gjatë mbi kraharuar,
I kam në zemër,e s'them dot' jo.

Peri e perla kanë qënë për mua,
Perëndi e Zotë e s'di ç'tju them.
Një nga këto e kam për grua
Dhe pse u plak', si mushti zjen.

U rritën sytë me bukurinë,
Me të jetuan, sa kjo jetë.
Në se shkarkon një psherëtimë,
Si vetëtimë shpirtin m'a vretë.

Me më të mirën kam jetuar,
Edhe vazhdoj ta dashuroj.
Aty si mbret kam mbretëruar
Dhe në parajsë nuk e ndërroj.

[riza2008]

I Lumtur jam

Kjo erë që fryn e përmbysë pemë,
Ky shi që tokën lag kalimthi,
M'i zgjon kujtimet m'u në venë
Dhe sytë nga ty i kthej rrëmbimthi.

Më vjen një mëndje anormali,
Në këmbë të vi dhe pse je larg.
Të vi të shuaj zjarre malli,
A ndoshta botën ta ndes flakë.

Kaluan vite,s'jemi takuar,
Po s'do të thotë s'ka dashuri,
Je ti që më ke torturuar,
Si një gardian më kyç në sy.

I lumtur jam që ndjej për ty,
Si ato vite largësie.
Dhe po të thuash u çmënd ky,
E quaj çmëndje dashurie.

Kjo erë që fryn e përmbys pemë,
Kjo zemër që rënkon çdo ditë,
Të gjith rrugët s'kanë nga venë,
Tek shpirti yt do ngrejnë pritë.

[riza2008]

Ku ishe....?!

Po ku ishe ti këtë fundjavë?
Se s'lash vënd dhe nuk të gjeta dot.
Isha ndezur flakë, si një llavë
Edhe sytë më pikojnë lot.

Bridhja rrugëve si një re e zezë
Dhe me lot i lava këto rrugë,
Qielli dukej sa një kokërr vezë
Dhe mërzinë rrufisja me lugë.

Binte shi,po mua nuk më lagte,
S'di kush e largonte me magji.
Kjo fundjavë gati po më plakte,
Se s'lash vënd e s'po të gjëja ty.

Nga meraku vëndi nuk më mbante,
Ecia ashtu kot, pa mënd në kokë.
Dhe vetë dielli për ty nis të qante
Edhe barin e thau kjo tokë.

Po ku ishje ti këtë fundjavë?!
Dhe pse mallin ma ktheve në zog.
Cep më cep i rash qiellit me krahë
Dhe u treta u ktheva në lot.

[riza2008]

Dashuri Nate

E kapa për dore natën e marrosur,
Me të shetita rrugicave të ngushta.
Se ç'kam një dëshirë me të për t'u llafosur
Dhe ëmbël ta puth tek gusha.

Kjo dashuri nate s'e di nga më erdhi
Dhe m'i ndryshoi dëshirat për botën.
Rrezet e hënës si ylber m'i derdhi
Dhe me to m'a hapi portën.

I tëri u futa në terrin e natës,
Çuditshëm kërkoja vetveten.
Dashuri të tilla ja vlen që ti zgjatësh,
Sa poeti të puthi poeten.

E kapa për krahu natën e marrosur,
Në heshtje me të u dashurova.
Se ç'kam një dëshirë që s'ka për t'u sosur,
Por ty asnjëherë s'ta tregova.

[riza2008]

Kam menduar


Kam menduar për ty,si përvete,
Ndërvite të kemi një rrugë.
Kam thënë se të mirën e gjete,
Kur buzën dhurove tek unë.

S'kam dashur më shumë se kaq,
Lakmitar kam qënë vetëm për ty.
Aty e shikoj veten në paq,
Aty e shikoj veten në sy.

Në krahun tim ti je princeshë,
Në krahun tënd unë mbreti vetë.
Një shpend i lumtur mes reshë,
Ku fund asnjëherë s'do të ketë.

Ky mendim është i pasur me shpresë
Dhe të strukur na gjeti të dy,
Si agimi mbi barin me vesë,
Kjo rrugë është për mua,për Ty.

Përshëndetje symphony...Respekte