Dokumente
Zoi Themeli: Torturat me litarë e çengelë në hundë mbi kosovarët që i dorëzuam Titos
Tiranë, 9 gusht - Ish-drejtori i Zbulimit politik dëshmon në procesin kundër Kadri
Hazbiut se ky i fundit i kishte dorëzuar Jugosllavisë një grup patriotësh kosovarë. “Njëri
prej tyre u hodh nga makina në Hanin e Hotit, pasi nuk donte të binte në duart e serbëve.
Shumë të tjerë u lidhën me litarë dhe çengelë në hundë e u torturuan kafshërisht”,
shkruan gazeta MAPO e Tiranës.
Spastrimet në Kosovë, si u dëbuan me dhunë në Turqi 390 mijë shqiptarë
Në dëshminë e tij Zoi Themeli fajësonte Kadri Hazbiun për heqjen e veprimtarisë
agjenturore ndaj Jugosllavisë, çka solli edhe një operacion të gjerë spastrimesh në
Kosovë. “Titistët kishin bërë marrëveshje me qeverinë turke, që Turqia të pranonte “turq
në Turqi”. Titistët shpërthyen operacionin dhe detyruan me forcë të ndërrojnë
nënshtetësinë nga shqiptarë në turq rreth 390 mijë njerëz”
Ish-drejtori i Zbulimit politik deri më 1966, Zoi Themeli, i degraduar më 1967, vinte për
të dëshmuar në njërën prej seancave të procesit. Në dëshminë e tij kundër Kadri Hazbiut
dhe të pandehurve të tjerë dalin fakte rrëqethëse për kosovarët që Sigurimi u dorëzonte
forcave jugosllave, të cilët më pas torturoheshin në mënyrë çnjerëzore, e madje edhe
vriteshin. Para procesit të drejtuar nga Aranit Çela, Zoi Themeli tregonte rastin e një
kosovari, i cili u hodh nga makina gjatë dorëzimit, vetëm për të mos rënë në duart e
serbëve. MAPO boton sot dëshminë e Themelit dhe përballjen e tij me Kadri Hazbiun e
Feçor Shehun, sipas librit “Kadri Hazbiu, krimet dhe vrasja” i Kastriot Dervishit.
ARANIT ÇELA: Gjykata të ka thirrur si dëshmitar dhe kërkojmë të na thuash të vërtetën
në lidhje me këto dhe në rast se thua gjë të rreme, të vë me përgjegjësi në bazë të nenit
202 të Kodit Penal. E ke parasysh këtë? Ne të kemi thirrur ty si dëshmitar, të na flasësh
lidhur me dy probleme: E para, lidhur me ndërprerjen e veprimtarisë agjenturore, kur ti
ke qenë drejtor i Zbulimit në atë kohë, fjala është për atë periudhë në drejtim të
jugosllavëve, ky është problem i parë dhe e dyta, lidhur me mbledhjen e Pragës me
ministrat e Punëve të Brendshme. Atje është bërë një propozim nga ana e delegacionit ku
ke qenë edhe ti, lidhur me çështjen e organizimit të agjenturave midis shteteve edhe
vendit tonë. Si e di ti, si ka qenë kjo, këto dy çështje duam. Qartë?
ZOI THEMELI: Qartë. Më 1954, mbasi ne ishim të përgatitur në fund të pranverës, për të
vepruar në drejtim të Jugosllavisë, e kam fjalën për punën e zbulimit dhe asnjë veprimtari
të mos kryhet prej zbulimit në Jugosllavi. Me një fjalë, të ndërpritet puna e grupeve që
kishim neve në thellësi, të ndërpriteshin veprimet e grupeve territoriale dhe të ndërpritej
puna e agjentëve individualë. Ky është urdhër tha dhe këtë urdhër duhet ta zbatoni. Unë
sigurisht u mahnita, se një gjë të këtillë nuk e prisja kurrë, atëherë thashë si është e
mundur, ky është urdhër dhe juve duhet
Te plot ketu: http://kohaditore.com/repository/docs/Documents.pdf
Përgjigju Duke Cituar
Postuar më parë nga Sharri-Liburna
Krijoni Kontakt