Ish-ambasadori Withers: Qeveria sundimtare qe vjedh zgjedhjet

[Maqellarjot]

Kryesia e Partisë Socialiste ka vendosur që të thërrasë mbledhjen e Asamblesë Kombëtare me 22 janar. Nën përfundim të takimit të sotëm kryesia e PS-së doli me një komunikatë ku vendimi i Gjykatës së Lartë për shpalljen të Ilir Metës, konsiderohet provë e kapjes së drejtësisë nga pushteti i Berishës.

Kultura e pandëshkueshmërisë është faktuar gjatë qeverisjes së kësaj maxhorance në tre raste konkrete sipas PS. Raste të cilat kanë të bëjnë me funksionarë të lartë të shtetit siç ishin hetimet për Lulzim Bashën, Fatmir Mediun dhe së fundmi Ilir Metën.

Kryesia e PS-së ka theksuar se për të gjitha këto raste ku nuk ka pasur drejtësi do të ketë rihetim. “Do bëjmë të mundur nxitjen me fakte e prova të rihetimit dhe gjykimit të çdo çështjeje gjyqësore me objekt korrupsionin e nivelit më të lartë qeveritar, mbyllur arbitrarisht nga gjykata në refuzim të qartë të fakteve të njohura botërisht, ekspertimeve profesionale kombëtare e ndërkombëtare”, thuhet në komunikatën e kryesisë së PS-së.

Exxon...pershendetje

Nje qendrim i drejt ky i Socialistave kundrejt elementin korruptues madje edhe kriminal. Nji pyetje kisha une per keta Socialistat. Ne qoftese keta jane kaqe shume te ndergjegjshem dhe te Drejt sote, perse nuk hetojn Krimet qe "paraardhesit" e tyre ben para 22 vjeteve!

"Do bëjmë të mundur nxitjen me fakte e prova të rihetimit dhe gjykimit të çdo çështjeje gjyqësore me objekt korrupsionin e nivelit më të lartë qeveritar, mbyllur arbitrarisht nga gjykata në refuzim të qartë të fakteve të njohura botërisht, ekspertimeve profesionale kombëtare e ndërkombëtare" Nje veprime i tille do te ishte me se i drejt nese do te hetonte te dyja kahet e politikes ne menrye te barabarte. Ne se ata jane me te vertet te sinqert kur deklarojn se do te implementojn Drejtesine ne shqiperi duhet te fillojn qe na e kaluara, para 22 vjeteve. Vetem atehere mund ekspozohen kriminelet dhe trashegimtaret e tyre qe kane zaptuar politiken e te dyja Kraheve. Vetem ateher ka ndryshim te vertet ne shqiperi. Asnji nga elementi drejtues i te dy partive nuk ka fytyre per te folur per korrupsione dhe krime. Persa kohe gjendja mbetet pezull ashtu sic ka qene keto 22 vjetet e fundit, Ne me te shumten behet vetem nje vrime ne Uje!

[puroshkodran]

Iiiiii çfar me ke kujtu ! A e di kush osht kulmi i varferise ?

Me shtyp me klluf te arnum !

mire se u ktheve
vallai m'ka ardh keq qe t'perjashtun
je komunist po i lezetçem

[Shkelqesia_E_Tij]

Sa e ka honorarin Withers per intervista ??? Nuk e kuptoj pse nuk e ftojne ne Shqiperi neper konferencat dhe kongreset qe organizon PS dhe OJQ-te prane saj.

Nuk ke faj qe ben kete pyetje se dhe ne Bruxel kishte plas xhelozia sa dhe Doris Pack urgjent kish mare ne mobile Zhozefinen tu i thene: Thuji doktorit te me nis çekun nji tash se ja kam qendis nje komunikate Made in Europe

[Edvin83]

Politikë, Shekulli Sot|19/01/2012 07:40
Uidhers: Në Shqipërinë e sotme nuk ka Skënderbegë

Intervista e plotë e ish-ambasadori të SHBA-së në Tiranë John L. Withers II



Ambasador Withers mirëseerdhët. Le të flasim pak për mendimet tuaja për Shqipërinë sot pothuajse dy vjet pasi ju jeni larguar…



Unë e kujtoj vazhdimisht Shqipërinë. Jam i kënaqur që jam kthyer në vendin tim, por me merr malli për Shqipërinë, më merr malli për shumë gjëra sidomos të lidhura me miqtë e shumtë atje. Si ta shpreh me pak fjalë: më merr malli të pi një kafe, një kafe me gjithë kuptimin që ka ky ritual në Shqipëri, përfshirë bisedat dhe miqësitë. Më merr malli për malet, për qiellin e Shqipërisë.



Si e shihni vendin sot, për aq sa e keni ndjekur këto kohë?



Është e vështirë ta ndjek aq afër sa ç’e ndiqja më parë. Tani unë nuk kam më pozitë zyrtare, jam thjesht një qytetar amerikan, por jam i shqetësuar për Shqipërinë, jo përsa i takon energjisë dhe talentit, apo vullnetit të mirë të popullit shqiptar. Unë kam besim të plotë në gjenialitetin e popullit shqiptar, por shqetësohem për mënyrën sesi po shkon demokracia në Shqipëri. Shqetësohem se më duket se Shqipëria nuk po ndjek rrugën e demokracive perëndimore, por po shkon në drejtimin që po shkon Hungaria e cila po merr masa shtypëse ndaj medias, apo në drejtimin e Ukrainës, që përdor gjykatat për të sulmuar udhëheqës të opozitës apo për të mbrojtur aleatë politikë dhe miq. Mendoj se po ndjek drejtimin e Rusisë, ku zgjedhjet nuk janë në standardet ndërkombëtare, ashtu siç ne presim që t’i ketë një demokraci e zhvilluar. Këto gjëra më shqetësojnë.



Në kabllogramet që ju dërgonit nga Shqipëria në Departamentin e Shtetit, ju ngrinit pikërisht këto shqetësime, për gjendjen në të cilën ndodhet drejtësia, për korrupsionin në vend, problemet të tilla të rrënjosura në shoqërinë dhe politikën shqiptare. Pse mendoni se nuk ka qenë në gjendje Shqipëria t’i zgjidhë këto probleme?



Më vjen keq ta them, por mendoj se ky është problem i udhëheqjes politike. Për Shqipërinë kjo është diçka për të ardhur keq, por edhe ironike njëkohësisht sepse Shqipëria ka një nga shembujt më të mëdhenj të udhëheqjes në gjithë historinë, që ishte Skënderbeu. Mjafton t’i hedhësh një sy modelit që ai ka lënë pas: ai ishte një udhëheqës që solli bashkimin, në Besëlidhjen e Lezhës në vitin 1444. Ai i bashkoi të gjitha palët rivale për interesin kombëtar. Udhëheqësit e sotëm nuk janë bashkues, janë përçarës. A përfaqësojnë ata interesin kombëtar? Mua më duket se ata përfaqësojnë interesat e fraksioneve dhe partive, përfaqësojnë interesin e ngushtë të mbajtjes së pushtetit, jo të qeverisjes në shërbim të popullit. Shqipërisë i duhet një Skënderbe sot, më shumë se kurrë ndonjëherë më parë. Por në Shqipërinë e sotme nuk ka Skënderbegë dhe mua më vjen keq për një gjë të tillë.



A mendoni se udhëheqësit që ka Shqipëria nuk janë në gjendje ta çojnë vendin përpara, apo është mjedisi që ushqen këtë lloj fryme?



Nga ajo që kam parë unë, nuk besoj se është mjedisi. Ajo që pashë unë në Shqipëri, ishte një dinamizëm i madh, aftësi krijuese, njerëz që përpiqen për shanse dhe mundësi të shumta, për mënyra për përmirësimin e tyre. Unë mendoj se sistemi politik – ta them shumë hapur – po dështon. Nuk është në gjendje të krijojë konsensus, nuk është në gjendje të identifikojë atë që do publiku dhe të punojnë për publikun. Më lejoni përsëri t’ju sjell një shembull të historisë. Një nga shprehjet më të famshme të Skënderbeut ishte: “Lirinë nuk ua solla unë, atë e gjeta në mesin tuaj”. Ai i kuptonte aspiratat e publikut dhe këtij synimi ju përkushtua për ta arritur. Në Shqipërinë e sotme, një frymë e tillë është ende e pranishme: aspiratat e shqiptarëve për liri, për përparim. Pyetja ime është: Pse ata që janë në pushtet nuk e përqafojnë këtë frymë dhe ta çojnë përpara, pse pothuajse në çdo veprim që bëjnë, ata e thyejnë këtë frymë, që është kaq e qartë mes shqiptarëve në përgjithësi.





Cila mendoni ju se është përgjigjia ndaj kësaj pyetjeje?



Mendoj se bëhet fjalë për polarizim, për udhëheqës që thjesht nuk kanë në vetvete instinktin demokratik, për ta demokracia është diçka jashtë tyre, është diçka që nuk u vjen për shtat, diçka që ata duhet ta manipulojnë për botën e jashtme, por jo që ata vetë ta praktikojnë, demokracia nuk u vjen nga zemra. Mendoj se ky është problemi më i madh. Abraham Lincolni ka bërë përkufizimin më të thjeshtë dhe të përmbledhur për demokracinë: “Demokracia është qeveria e popullit, që buron nga populli dhe për popullin”. Dhe pyetja që i drejtoj popullit shqiptar është: “A e shihni ju një gjë të tillë tek udhëheqja juaj? A shihni një qeveri të popullit, apo shihni një qeveri të grupeve të vogla klanore, që votohet për të mbajtur vetveten në pushtet? A shihni një qeveri të dalë nga populli, apo një qeveri që është e shkëputur nga populli, që ndjek interesat e veta, apo të partisë së vet dhe jo të gjithë popullit? Dhe a shihni një qeveri për popullin, një qeveri që punon për çfarëdo partie që përfaqëson një udhëheqës politik, apo një qeveri që thjesht i dedikohet ruajtjes së pareshtur të pushtetit dhe jo një angazhim të fortë dhe të përkushtuar ndaj qeverisjes?”



Nuk është sekret që gjatë mandatit tuaj, ju e keni kritikuar qeverinë dhe kryeministrin e saj zotin Berisha. Çfarë mendoni për stilin e tij të udhëheqjes?



Më lejoni të them në fillim se kam dëgjuar që kryeministri ka pasur një rast kur nuk është ndjerë mirë me shëndet kohët e fundit dhe dua të përfitoj nga rasti t’i uroj të jetë mirë. Shpresoj që ta marrë veten shpejt dhe plotësisht. Ai ka një përgjegjësi të madhe dhe duhet të ketë të gjitha forcat për t’i kryer ato.

Do ta riformuloja pyetjen tuaj. Nga këndvështrimi im nuk ishin kritika ndaj kryeministrit, apo ndaj udhëheqësit të opozitës, apo ndaj ndonjë personaliteti tjetër në Shqipëri. Bëhej fjalë për politikat e tyre, bëhej fjalë për temën më të gjerë të parimeve të demokracisë, kjo ka rëndësi. Dhe nuk bëhet fjalë për të veçuar një individ as andej as këtej, sepse nuk është asgjë personale. Bëhet fjalë për të analizuar veprimet që nuk janë në përputhje me parimet e demokracisë. Mbështetja ime është për parimet demokratike në Shqipëri, gjë që mendoj se pasqyron si interesat e popullit shqiptar, ashtu edhe atij amerikan. Ne duam të shohim një demokraci të shëndetshme në Shqipëri. Pra nuk është fjala tek individë të caktuar, por tek strukturat, parimet, është fjala për krijimin e institucioneve të shëndetshme.



Por dikush është në krye të qeverisë dhe dikush është në krye të opozitës, dhe mënyra sesi dikush e drejton një qeveri, apo parti politike ka ndikim në drejtimin që marrin gjërat?



E kuptoj por doja ta bëja të qartë dallimin që dikush mund të mos jetë dakord me një mendim dhe një qëndrim, pa a humbur respektin për personin që e ka këtë mendim apo qëndrim. Përsa i takon qëndrimit të qeverisë aktuale, unë do ta këshilloja që ta mendonte edhe një herë se Shqipëria ka mundësi dhe nevoja, një të ardhme për të cilën duhet menduar, jo vetëm për qytetarët e sotëm të Shqipërisë por për fëmijët e tyre. Kur qeveria sulmon institucionet e demokracisë dhe kur injoron parimet e demokracisë, kjo është diçka që më shqetëson thellësisht. Më lejoni t’ju jap një shembull: Jemi shumë pranë një vjetorit të ngjarjeve të 21 janarit. Katër vetë vdiqën, u derdh gjak në rrugët e Tiranës, gjak i çmuar shqiptarësh. Të shkon mendja që në rrethana të tilla, qeveria do të ishte e para që do të donte të zbulonte se çfarë ndodhi në të vërtetë, që do të donte t’u jepte gjithë mbështetjen e mundshme hetuesit dhe prokurorëve për të zbuluar të vërtetën e asaj që ndodhi atë ditë. Por në vend që të bënte këtë, qeveria i sulmoi prokurorët dhe në këtë rast kryeministri përdori një gjuhë të tmerrshme kundër Prokurores së Përgjithshme, një gjuhë, e cila që të flasim hapur ishte e padenjë. Ishte turpëruese për vendin. Një kryeministër nuk duhet t’i bëjë gjëra të tilla. Por çka është më e rëndësishme pse duhet të sulmonte kryeministri ata që kishte emëruar dhe u kishte dhënë forcë, në vend që të përpiqej t’i ndihmonte për të zbuluar të vërtetën. Kush i dha ato urdhra? Në gjithë botën policisë i jepet fuqi e madhe. Kush e dha urdhrin për të hapur zjarr? A po i mbahet ndonjë gjë e fshehtë publikut shqiptar lidhur me arsyet që e bëjnë qeverinë që të sulmojë ata që mund ta zbulojnë të vërtetën në vend që të bëjnë të kundërtën?

Presidenti i Francës (Nicolas) Sarkozy foli për këtë. Ai po fliste për veprimet e qeverisë siriane ndaj popullit të vet dhe kur u pyet për ndryshimin mes sirianëve dhe shqiptarëve, përsa i takon incidentit të hapjes së zjarrit, ai tha se nuk ka asnjë ndryshim. Një jetë shqiptare është po aq e vlefshme sa edhe një jetë siriane, apo çdo jetë tjetër. Pse është Presidenti i Francës më i shqetësuar për gjakun e shqiptarëve sesa udhëheqja e Shqipërisë?



Kryeministri ju ka akuzuar për qëndrime të personalizuara. Cila është përgjigjia juaj?



Kjo është absurde. Pasi dola në pension, Sekretarja Clinton më dërgoi një certifikatë vlerësimi për punën time dhe vetëm para disa ditësh, në një ceremoni për diplomatët, që sapo kanë dalë në pension, shtrënguam duart dhe ajo më falenderoi për shërbimin tim. Mendoj se është gabim kur udhëheqësit përpiqen të bllokojnë mendimet e ndryshme dhe kritikat duke bërë lojra, ose manipulojnë të vërtetën për mënyrën sesi funksionon qeveria amerikane. Në gjithë botën qeveria amerikane punon në të njëjtën mënyrë, në gjithë botën ambasadorët amerikanë funksionojnë njëlloj. Ne përfaqësojmë Presidentin e Shteteve të Bashkuara, ne jemi përfaqësuesit e tij personalë dhe përfaqësojmë interesin e popullit amerikan, pavarësisht se cila parti është në pushtet.



Por toni i pasuesit tuaj, ka qenë i ndryshëm për sa i takon qeverisë dhe megjithë kritikat tuaja nga qeverisë, ka pasur një mospërputhje mes qëndrimit tuaj të fortë dhe mënyrës sesi Departamenti i Shtetit është shprehur për Shqipërinë si mike dhe jo vetëm ndaj vendit, por edhe qeverisë që ka bashkëpunuar me qeverinë amerikane…



Kjo është diçka tjetër, shumë e ndryshme. Çdo ambasador ka personalitetin e vet, mënyrën e vet të të shprehurit…



Pra personaliteti ka rëndësi…



Po ka rëndësi kur bëhet fjalë për formën e të shprehurit. Kryeministra të mëparshëm të Shqipërisë kanë qenë shumë të afërt me Shtetet e Bashkuara, mënyra e tyre e të shprehurit ishte shumë e ndryshme nga ajo e tanishmja. Ambasadorja Ries, që ishte para meje, një ambasadore e mrekullueshme, kishte mënyrë të ndryshme të shprehuri nga unë dhe ambasador Arvizu, që po bën një punë të mrekullueshme, që është një ambasador shumë i mirë, toni i tij, mënyra e tij të shprehurit është shumë e ndryshme nga e imja dhe ai që do të vijë pas tij do të jetë ndryshe, por pika themelore është kjo: nëse ambasadorët Ries dhe Arvizu do të ishin këtu pranë meje tani, ne do të ishim absolutisht në një zë për mbrojtjen e parimeve demokratike dhe sjelljes demokratike në Shqipëri. Nuk do të kishte asnjë mospërputhje në këtë drejtim. Pra cilado qoftë mënyra jonë e të shprehurit, politika është njëlloj dhe nuk ka ndryshuar.



Por nëse ju jeni aq i shqetësuar për nivelin e demokracisë, korrupsionin, siç jeni shprehur edhe për njerëz që janë afër kryeministrit Berisha, për nepotizëm në qeveri, nuk mendoni që nga këto shqetësime kaq të mëdha qeveria amerikane do të kishte marrë masa, por nuk duket se ka pasur ndonjë gjë të tillë.



Më besoni, qeveria ka shumë mënyra për të shprehur këndvështrimet dhe opinionet e veta. Megjithëse Wikileaks ishte diçka negative, sepse diplomacia nuk mund të funksionojë pa besimin e ndërsjelltë të shkëmbimeve tona diplomatike, një gjë që treguan shumë qartë dokumentat e bëra publike. Si kur unë isha atje, apo kur ambasadorja Ries ishte atje dhe tani që është ambasadori Arvizu – të jeni të sigurt që ne themi të vërtetën, ashtu siç e shohim. Ne nuk kemi njerëz të preferuar, ne nuk lejojmë çështje personale që të ndërhyjnë tek ajo që shohim në realitetin e vendeve për të cilët jemi përgjegjës. Dhe përsa i takon marrëdhënieve me kryeministrin, ajo që tregojnë (këto dokumenta) është se kishte plot mosmarrëveshje edhe me udhëheqës të tjerë, me udhëheqësin e opozitës, me ata të partive të vogla…



Ku konsistonin këto mosmarrëveshje? Ju u larguat sapo filluan mosmarrëveshjet për zgjedhjet lokale. A patët atëherë bisedime me udhëheqësin e opozitës për klimën e konflikteve të vazhdueshme politike?



Diskutimet që unë kisha me opozitën për strategjinë e tyre për bojkot të përhershëm, ishin shumë të hapura. Këto nuk janë aq të njohura, thjesht sepse natyra e opozitës është e ndryshme nga ajo e qeverisë, por të jeni të sigurt që unë nuk jam ndryshe kur flas me këto për ato që unë i konsideroj praktika dhe sjellje themelore në demokraci.



A pati një transformim në qëndrimin tuaj pas ngjarjes së Gërdecit, sepse vetë kryeministri e ka pranuar që më parë marrëdhëniet ishin të mrekullueshme dhe diçka ndryshoi pas kësaj ngjarjeje. Si do ta karakterizonit këtë ndryshim?



Pa dyshim që diçka ndryshoi, por nuk isha unë që ndryshova. Mendoj se ai incident ishte një pikë kthese për këtë qeveri, sepse deri atëherë, ndoshta ngaqë anëtarësimi në NATO nuk kishte marrë fund, por deri atëherë qëndrimi i qeverisë ndaj institucioneve, veçanërisht atij të drejtësisë, kishte qenë shumë më pozitiv. Menjëherë pasi ndodhën shpërthimet e Gërdecit, qeveria ndryshoi qëndrim. Sulmet ndaj gjykatave, ndaj prokurorëve, kundër medias u bënë dominuese dhe për një person si unë, që nuk isha mësuar me një gjë të tillë, të pamundura për ta kuptuar. Letrat që Kryetarja e Parlamentit i dërgonte Prokurores së Përgjithshme, shkelnin në mënyrë flagrante kufirin mes dy pushteteve: atij legjislativ dhe gjyqësor, që në thelb, ishte një përpjekje për të imponuar se ç’duhet të bënte prokuroria. Sulme si ato ndaj Prokurores së Përgjithshme nuk i kisha parë kurrë. Dhe që nga ai moment përpjekjet për të kontrolluar se kush do të bëhej anëtar i gjykatës së lartë, sulmet ndaj asaj pjese të medias që thjesht po përpiqej të bënte punën e vet për të zbuluar se çfarë kishte ndodhur. Pastaj ishte situata e pazakontë që ministri i atëhershëm i Mbrojtjes, për të cilin u gjykua që duhet të linte postin, u risoll në qeveri me një portofol tjetër. Pra përsëri mendja të shkon që këto veprime bien ndesh me mënyrën sesi funksionon demokracia. Po pse duhet ta bëjë një qeveri një gjë të tillë, pse nuk duhet të jetë organizmi kryesor, që të jetë i interesuar të zbulojë se çfarë ndodhi. Ne të gjithë pamë me tmerr pamjet, ambulancat, njerëzit, të mbuluar me gjak, të rinj, të moshuar u transportuan në spital, me ato plagë të tmerrshme dhe të gjithë shtruan pyetjes: Si ka mundësi që të ndodhë një gjë e tillë? Por në vend që të fillonte një përpjekje të pareshtur për të zbuluar të vërtetën, qeveria u kthye kundër institucioneve që kishin detyrën të zbulonin të vërtetën. Dhe të lind pyetja: Çfarë nuk donin ata të zbulonte publiku?

Kur vizitova Gërdecin, unë takova një grua që mbante një varëse me një medalion ku kishte vënë fotografinë e të birit që kishte humbur jetën nga shpërthimi dhe më tha: “Zoti Ambasador, a do ta shoh drejtësinë të vënë në vend?” Dhe unë i detyrohem asaj një ndjesë të thellë dhe nëse do të mund ta takoja, do t’i kërkoja falje sepse unë i thashë: “Po, drejtësia do të vihet në vend”. Por kaq vjet më pas, nuk ka pasur drejtësi për këtë zonjë, apo për të tjerët që u dëmtuan, apo u plagosën dhe kjo është diçka shumë e trishtueshme. Më vjen keq që i premtova një gjë të tillë. Kisha më shumë besim tek qeveria dhe institucionet, sesa ishte e justifikueshme.



Gjykata e lartë mori vendimin për pafajësi për ish-kryeministrin Ilir Meta. Keni ndonjë koment?



Nuk e kam parë vendimin dhe tani këtu po e dëgjoj prandaj nuk mund të komentoj konkretisht. Por ajo që mund të them është se përtej anës ligjore, është e rëndësishme që perceptimi për politikanët në udhëheqje të jetë në një standard më të lartë se gjithkush tjetër dhe shpresoj që perceptimi për këtë përfundim të mos jetë negativ as për veprimet e zotit Meta, dhe as për gjykatën. Parimi që duhet aspiruar është: a janë udhëheqësit vërtet të angazhuar ndaj demokracisë. A është ajo pjesë integrale e tyre? Një provë e kësaj do të jetë votimi për presidentin. Sipas Kushtetutës, kjo mund të bëhet me një shumicë të thjeshtë. Por me shpirtin e demokracisë, një udhëheqës nuk do të fshihej pas anës ligjore, por do të ishte i pari që të dilte dhe të thoshte se në një kohë kur Bashkimi Evropian dhe miqtë tanë amerikanë janë aq të shqetësuar për ndasitë e thella politike, unë do të jem i pari që të këmbëngul për një president konsensual. Kjo do të ishte udhëheqje.

* * *

Ish-ambasadori amerikan në Shqipëri, John L. Uithers II ka hequr për herë të parë dorashkat diplomatike dhe ka folur hapur për qeverinë shqiptare dhe të ardhmen e vendit, e cila nuk duket fare e ndritur. Në një intervistë të dhënë për edicionin shqip të “Zërit të Amerikës” (Voice of America), Uidhers ka shprehur shqetësimin për gjendjen e demokracisë në Shqipëri. Intervista e plotë do të transmetohet sot, por “Shekulli” ka siguruar disa pjesë të saj.

Madje ambasadori amerikan e ka krahasuar vendin tonë me dy nga vendet e tjera të Europës që kanë bërë hapa pas në lidhje me demokracinë dhe janë bërë shembulli negativ i dhunës shtetërore. “Shqetësohem se më duket se Shqipëria nuk po ndjek rrugën e demokracive perëndimore, por po shkon në drejtimin që po shkon Hungaria, e cila po merr masa shtypëse ndaj medias, apo në drejtimin e Ukrainës që përdor gjykatat për të sulmuar udhëheqës të opozitës apo për të mbrojtur aleatë politikë dhe miq. Mendoj se po ndjek drejtimin e Rusisë, ku zgjedhjet nuk janë në standardet ndërkombëtare, gjë që ne presim t’i ketë një demokraci e zhvilluar”, tha ambasadori Uithers në intervistën e parë që jep që kur përfundoi mandatin në Shqipëri. Në Hungari qeveria ka përdorur gjykatat për të mbyllur dhe sulmuar mediat opozitare; në Ukrainë është arrestuar kryetarja e opozitës dhe një sërë përfaqësuesish të tjerë ndërsa në Rusi zgjedhjet u manipuluan dhe Putin ka shtypur përdhunisht protestat e opozitës duke kërkuar që të marrë vetë një mandat tjetër në krye të shtetit. Një situatë të ngjashme me këto tre vende, Uidhers po e shikon edhe në Shqipëri.

Në intervistën për VOA, ish-ambasadori amerikan në Tiranë thotë se fakti që Shqipëria nuk po arrin të zgjidhë dukuri të tilla si korrupsioni, problemet në sistemin e drejtësisë dhe konfliktet politike, janë probleme të shkaktuara nga udhëheqësit politikë në vend që i quan përçarës dhe jo bashkues. “Problemet e politikes nuk vijnë nga ambienti, por polarizimi politik i udhëheqësve që thjesht nuk kanë në vetvete instinktin demokratik, për të cilët demokracia është diçka jashtë tyre, demokracia është diçka që nuk u vjen për shtat diçka që ata duhet ta manipulojnë për botën e jashtme, por jo që ata vetë ta praktikojnë, nuk u vjen nga zemra”.

Kryeministri Berisha dhe zyrtarë të tjerë të mazhorancës i kanë vlerësuar qëndrimet e ambasadorit amerikan si personale dhe jo si politika zyrtare të SHBA-së, por Uidhers i ka hedhur poshtë këto zëra duke shpjeguar se qëndrimet e tij ndaj kryeministrit, apo ndaj udhëheqësit të opozitës, apo ndonjë personaliteti tjetër në Shqipëri, nuk ishin personale por një analizë për veprimet që nuk ishin në përputhje me parimet e demokracisë.

[Maqellarjot]

“Bie shkalla e lirisë në Shqipëri”


Raporti i Freedom House për Shkallën e Lirisë gjatë vitit 2011 ka adresuar drejtpërdrejt çështje, që kanë dominuar edhe jetën politike në Shqipëri, për të treguar renien e shkalles se lirise.

Sikurse edhe në raportet e mëparshme Shqipëria për vitin 2011 vijoi të mbetet një vend me liri të pjesshme duke u renditur në të njëjtin klasifikim me vende si Afganistani, Azerbajxhani, Bangladeshi dhe Kina.


Raporti Freedom House jep edhe shkaqet përse liria në Shqipëri ështe e pjesshme.

“Shqipërisë i është vendosur shigjeta e rënies së lirisë pas vrasjes së protestuesve të opozitës në muajin janar, polarizimi makanizmit elektoral që shoqëroi zgjedhjet lokale në Maj


Shqipërisë i është vendosur shigjeta e rënies së lirisë pas vrasjes së protestuesve të opozitës në muajin janar, polarizimi makanizmit elektoral që shoqëroi zgjedhjet lokale në Maj dhe dështimi gjykatave në paanshmërinë gjatë një procesi korruptiv të një politikani të lartë në qeveri”, thuhet në raport.



Në kategorinë e vendeve pjesërisht të lira, së bashku me Shqipërinë renditen edhe Kosova, Bosnja dhe Maqedonia, kurse Serbia dhe Mali i Zi janë renditur në kategorinë e vendeve të lira.

Freedom House nënvizon se kryengritjet në botën arabe në vitin 2011 kanë inspiruar njerëzit e shtypur kudo nëpër botë. “Lëvizjet reformuese që ndodhën vitin e kaluar në Lindjen e Mesme dhe në Afrikën e Veriut kanë shënuar sfidën më të madhe për sundimin autoritar, që nga rënia e komunizmit sovjetik para 20 vjetësh", thekson raporti.

TCH

[juanito02]

Mire keta te huajte qe konstaojne realisht ca eshte Albania sot

Degjoni me mire shqiptarin tone ca thote:
Ish gazetarin e Klan Krimit dhe mos pyesni me kush i vrau ata 4 vete.

Gazetari Mahmutaj: Berisha urdhëroi vrasjet, do kthehem në Shqipëri kur të iki nga pushteti

Pasojat tragjike që 21 janari i vitit të shkuar la nuk ishin vetëm katër viktimat por dhe shumë të tjerë të cilët u rrahën nga policia apo dhe u plagosën nga plumbat e Gardës Republikane. Një prej tyre është dhe gazetari Fatos Mahmutaj, i cili përveç se mori një plumb në dorë gjatë raportimit në televizionin ABC News iu desh që të vuante dhe kërcënimet pushtetit për të mbyllur gojën për ngjarjen që për pak i mori jetën. Me rastin e një vjetorit të kësaj ngjarja, gazetari Mahmutaj flet për agjencinë “AMA-NEWS” duke thënë se ka humbur besimin te drejtësia dhe në Shqipëri do të kthehet vetëm pasi nga pushteti të ketë ikur Sali Berisha dhe shpura e tij. Ai aktualisht ndodhet në Belgjikë dhe vuan ende kërcënimet e regjimit të Tiranës. Gazetari është i qartë se vrasja e katër protestuesve dhe plagosja e tij kanë ardhur nga garda republikane me urdhër të Lulëzim Bashës dhe Sali Berishës.

AMA-NEWS: Jemi një vit nga ngjarja tragjike e 21 janarit 2011, mund të na bëni një përshkrim të asaj dite ku mbetën të vrarë katër protestues dhe ju u plagosët?

21 janari 2011 padyshim që do të mbetet dita që më solli dëmet më të mëdha në jetë. Është një ditë e zezë për mua, dhe për më tepër pasojat negative të saj po më ndjekin nga pas. I lutem të Madhit Zot që të shpëtoj nga kjo, por sicc duken gjërat edhe më pas, do vazhdojnë në të njëjtën rrjedhë. Atë ditë ndodhesha në punë, njëlloj si ditët e tjera. Po zhvilloheshin protestat e opozitës dhe kisha zgjedhur vendin më të pafavorshëm për raportim. Ndodhesha sipër një platforme të vendosur nga gazetarët e Top Channel, por që ishte «pushtuar» nga disa qytetarë
që thjesht po vëzhgonin protestën. Për fatin e keq të timin dhe të ndjerit Hekuran Deda, «Garda Revolucionare» e nisi qitjen nga neve. Mua me kapi plumbi në dorë teksa po raportoja direkt në televizion, ndërsa plumbi i radhës kapi në kokë të ndjerin Hekuran Deda duke i shkaktuar vdekjen. Pamje makabre dhe tmerri, ishin ato momente të cilat nuk i shlyej dot nga kujtesa.

AMA-NEWS: Ku ndodheni aktualisht dhe me çfarë jeni duke u marrë?
Prej një viti ndodhem në Belgjikë, si azilant politik. Aktualisht po mësoj dy gjuhët kryesore të këtij vendi, frengjisht dhe flamisht, ndërsa ndoshta më vonë do më duhet edhe gjermanishtja. Jetoj në një banesë në njërën nga lagjet kryesore të Brukselit.

AMA-NEWS: Ju atë kohë publikisht deklaruat se qëlloi garda republikane drejtimin tuaj, ku mbettë i plagosur në dorë dhe humbi jetën protestuesi Hekuran Deda, vijoni të keni të njëjtin qëndrim?
Sigurisht që i qëndroj këtij mendimi. Nuk kam pasur dhe nuk kam asnjë mendim ndryshe. Vrasësi jonë është Sali Berisha dhe Lulzim Basha. Për mua nuk ka rëndësi se kush e tërhoqi këmbëzën, ndonjë nga gjashtë të akuzuarit apo dikush tjetër nga garda. Urdhri për të qëlluar mbi neve ishte direkt i Berishës, transmetuar gardistëve nëpërmjet syrit të
nxirë të Ndrea Prendit nga badigardi i kryeministrit.
Ju u përballët me rrezikun e humbjes së jetës kur vetëm rastësia ju shpëtoi, cili ishte reagimi i eprorëve tuaj?
Eprorët! Ehh, fillimisht fshehën lajmin e plagosjes time. Pastaj u munduan të ndryshonin dëshminë time. Sedra më detyroi të jepja dorëheqjen nga «TV Turpi».

AMA-NEWS: A morët një dëmshpërblim për dëmtimin që patët në punë?

Nuk më paguan asgjë veç rrogës deri ditën kur kisha punuar. Nuk më paguan edhe një muaj raport që më dhanë në spital. Por edhe unë nuk u kërkova të më paguanin. Nuk doja asgjë prej atyre. Madje edhe rrogën ma paguan në bankë se përndryshe do ua refuzoja. Le ta mbanin si kujtim prej meje.

AMA-NEWS: Ju gjatë kësaj periudhe jeni shprehur se keni pasur kërcënime si personalisht por dhe familjarë tuaj, si është e vërteta e këtyre kërcënimeve, nga ju kanë ardhur?
Fillimisht, një javë pas 21 janarit u kërcënova nga një polic, i cili i përket strukturë që i bëjnë fresk familjes Berisha. U detyrova të ikja me mendimin se do mbetesha i qetë. Por nuk ndodhi një gjë e tillë. Më 20 shtator 2011 një tjetër polic i të njëjtës strukturë, qëlloi 6 herë
me pistolete tim vëlla. Veç Zoti e shpëtoi. Kjo u bë shkak që familja ime të rikthehej në fshatin e origjinës në Mallakastër.

AMA-NEWS: Si e shikoni situatën në të cilën ndodhet sot Shqipëria?
Ku thërret qameti. Një vend që nëpërkëmbet nga një njeri i vetëm dhe klanet e tij. Pa pikë turpi në mes të ditës ai gënjen, tallet, dhe ofendon gjithë shqiptarët. Më tepër se kaq gjendja nuk ka ku të shkojë.

AMA-NEWS: A do te ktheheni ndonjëherë ne Shqipëri dhe kur? Nëse jo, përse ?
Në Shqipëri do të kthehem menjëherë ditën kur Berisha dhe klanet e tij të mos jenë në pushtet.

AMA-NEWS: Çmendoni për kolegët tuaj gazetarë aktualisht në mediat e ndryshme. Si ju duket realiteti mediatik, a përkon me situatën, a ka ndryshuar dhe çfarë duhet bërë?
Media shqiptare aktualisht ndodhet nën presion të madh. Qeveria Berisha me të gjitha mënyrat vazhdon të masakrojë të gjitha mediat që nuk i bëjnë fresk atij dhe familjes së tij. Gazetarët sot në Shqipëri poshtërohen, hiqen nga puna, nuk u paguhen rrogat, u bëhet presion i hapur apo indirekt, dhunohen apo si në rastin tim u futet edhe ndonjë plumb. Kjo është fytyra e vërtetë e Berishës ndaj medias, ndërsa ky kryeministër palaço deklaron se mbështet lirinë e medias. Natyrisht duke bërë njehsim ndërmjet gaztorëve të medias me gazetarët.

[juanito02]

Sa keq Withers mer mesime nga selia roze
Shifni ju te skupstina obshtines

BOMBA e Withers: Kjo qeveri nuk qeveris, por sundon. Zgjedhjet në Tiranë ishin një farsë
AMA

Ish- ambasadori amerikan shigjeton rëndë qeverinë: Basha e Berisha nuk besojnë tek idealet demokratike. Në Shqipëri është cenuar e drejta themelore, ajo e votës

Ish- ambasadori amerikan në Tiranë, John Withers, ka dhënë një intervistë me tone jashtëzakonisht të forta për revistën JAVA. Revista do dalë në treg të shtunën, ndërkohë që paraprakisht po u sjellim disa pjesë nga intervista e fortë e Withers. Ai thotë se në Shqipëri qeveria sundon dhe nuk qeveris. Ai thotë se zgjedhjet në Tiranë ishin një farsë dhe në vend është cenuar e drejta themelore, ajo e procesit elektoral. Withers thotë se Berisha e Basha nuk besojnë tek idealet demokratike. Withers flet me tone të ashpra për çështjen e Gërdecit. Më poshtë pjesë nga intervista e Withers:



Qeveria nuk lejoi të dalë në shesh e vërteta e Gërdecit

- Reagimi i qeverisë ndaj tragjedisë së Gërdecit mbetet një prej dështimeve të saj më të mëdha. Nuk duhet harruar kurrë se në radhë të parë Gërdeci është një tragjedi njerëzore. Teksa fragmentet e mprehta e të përvëluara të metalit ranë si shi nga qielli, njerëzit humbën të dashurit e tyre, përfshirë fëmijët, në një ngjarje që mund të përshkruhet vetëm si një akt kriminal. Të tjerëve, që u plagosën rëndë nga ciflat, iu ndryshoi jeta përgjithnjë. Askush nuk mund t’ua kthejë më të vrarët familjeve apo t’i shërojë sërish ato trupa të dërrmuar. Por, është një përgjegjësi themelore e qeverisë që të garantojë që drejtësia të vihet ne vend dhe që viktimat e kësaj bëme të tmerrshme të shohin, që ata që mbajnë përgjegjësinë ligjore e morale për këtë krim, të japin llogari për veprimet e tyre. Por, qeveria shqiptare jo vetëm që ka neglizhuar zbardhjen e të vërtetës së Gërdecit, por në fakt, ka ushtruar në maksimum pushtetin e saj, për të mos lejuar që e vërteta të dalë në shesh.



- Gjatë ditëve të fundit, në kontekstin e vendimit të Gjykatës së Tiranës në gjyqin e Gërdecit, janë ngritur pikëpyetje të tjera. Askush nuk e ka mbrojtur më fuqimisht sesa unë pavarësinë e gjyqësorit shqiptar. Por edhe për ata që besojnë fort në autonominë e gjykatave, këto vendime janë të çuditshme, e madje zhgënjyese. Rast pas rasti, Gjykata dha vendime për “dhunimin e rregullave të sigurisë në punë” dhe “shkatërrimin e pronës për shkak të neglizhencës.” Por si ka mundësi që ajo iu shmang me kaq përpikmëri elementit kyç, faktit qendror të tragjedisë së Gërdecit: që 26 njerëz të pafajshëm u vranë nga ato shpërthime dhe që dikush është përgjegjës për ato jetë?



Vepra e kësaj qeverie shkon kundër konceptit të ndërtimit të demokracisë

- Ajo që duhet të ndryshojë më shumë se çdo gjë tek elita politike shqiptare është mentaliteti. Sot, klasa qeverisëse shqiptare i përmbahet një koncepti të vjetër, e madje regresiv, se gëzon privilegje në raport me njerëzit e zakonshëm, se ka imunitet nga sundimi i ligjit, se nuk i nënshtrohet vullnetit të popullit. Asgjë nuk ka influencuar për të minuar progresin drejt demokracisë që i duhet vendit, më shumë sesa këto qëndrime arkaike të njerëzve me pushtet. Shqipëria është një demokraci e re. Gjatë më shumë se njëzet vjetëve që kanë kaluar që prej rënies së komunizmit, nevoja e saj më e madhe ka qenë ndërtimi i institucioneve kyçe të një demokracie: një gjyqësor të pavarur dhe të besueshëm, një media të çliruar, një sistem elektoral që është realisht i lirë dhe i ndershëm, një shtet ligjor që e lufton realisht korrupsionin dhe që është njësoj i vlefshëm si për ata me pushtet, ashtu dhe për ata pa pushtet, një kulturë politike që është e aftë të arrijë konsensusin për çështjet e mëdha që lidhen me interesin kombëtar, një përqendrim i pareshtur për t’iu përgjigjur nevojave të popullit.



- Asgjë prej këtyre nuk është arritur. Shikoni qeverinë aktuale. Vepra që ka lënë pas shkon tërësisht kundër konceptit të ndërtimit të demokracisë. Ajo ka kanosur gjykatat në mënyrë rutinë, madje edhe nën fasadën e një ligji antikushtetues lustracioni. Ka sulmuar në mënyrë poshtëruese zyrën e Prokurores së Përgjithshëm, teksa ajo përpiqej të gjente përgjigje për tragjeditë që ndodhën në Gërdec dhe në 21 Janar 2011. Është përpjekur të kufizojë liritë e medias, përmes ligjeve shtrënguese dhe jodemokratike dhe përmes presionit ndaj ambienteve në të cilat funksionon media. Dhe rast pas rasti, ajo ka manipuluar dhe të drejtën demokratike më themelore, procesin elektoral. Është e trishtueshme, që përkundrejt gjithë punëve të mira që mund të kishte bërë një qeveri largpamëse, reformiste dhe pro demokracisë, kjo qeveri ka treguar një interes aktiv, e madje obsesiv, vetëm për një objektiv: pushtetin, me çdo mënyrë që ka në dorë.



- Ajo që i nevojitet Shqipërisë nuk janë thjesht politikanë më rinorë, por një mentalitet i ri. Burrat e vërtetë të shtetit, si Nelson Mandela në Afrikën e Jugut apo i ndjeri Vaclav Havel i Republikës Çeke, ishin burra në moshë mjaft të madhe, por besimi tek idealet demokratike ishte thelbi i karakterit dhe qenies së tyre. Ky besim udhëhiqet çdo veprim që bënin dhe çdo vendim që merrnin. Për fat të keq, sot udhëheqësve shqiptarë, qoftë kur janë në moshën e Kryeministrit Berisha apo të Lulzim Bashës, ky besim ju mungon. Është me rëndësi jetike për Shqipërinë, që të gjejë të tjerë udhëheqës – burra dhe gra, të vjetër apo të rinj, të çfarëdo feje apo etnie – tek të cilët flaka e demokracisë vazhdon të shndrijë.

[Kermilli]

Ja prit sa ta lexoje BRARI kete artikull, dhe te nise te akuzoje Withersin ,si Sigurims te Enver Hoxhes

HAHAHAHHAHAHAHAHHAH

[Helikranon]

Ish-ambasadori amerikan nuk tha asgje tjeter vec asaj qe dime te gjithe.Por si do te bejne disa qe na shkruanin me germa blu(biles dhe kafene e donin me qumesht blu) ?
Me siguri do te kthehen te ngjyra e tyre qe ruajne me fanatizem brenda vetes,dhe te tille kemi me teprice ketu ne Amerike qe na mbajne "leksione" neper Burger-kinge mbi demokracine ,dhe jane pikerisht ata qe ne kohen e diktatures mbanin poste drejtuese ,keta ishin me te rrezikshem dhe me te besuar sepse s'ishin anetar partie pas se ciles ata justifikojne veten sot.Por mos merakosni do hapen dhe dosjet e me pas c'do thoni ju vigjelentet e partise?

[Brari]

ja ka dhen brari vidhersit vulen shum koh perpara..
ai ishte jo ambasador por ..

nje kimfilbist i qelbur qe perkrahu bolshevizmin polpotist te edvin rucit..
nje qelbanik .. qe bekoj reprezaljet e hordhive te stalinizmes enveriste m.utaviste.. ed ruco paskalo tom doshiste erion ballo khmer ruzhoiste.. ne perpjekjet per te marre 97-toisht pushtetin.. gjat 21 janareve te ed rucit..

un e kam ditur se cdo thot widhersi qe ne javet e para te zbarkimit te tij ne shqiperi..
ai ishte nje i derguar i mariz linose asaj putanes qe i shkaktoj shqiperise tragjedin e 97 tes me pabesin e saje per te ri-sjelle ne pushtet bllokqenerine..

withja do luft civile ne shqiperi.. don te shoh tym e flake nga vlora ne koplik.. qe demokracia te marr fund e ai shtabi kim filbist ne usa te qetsohet mbasi te ken instaluar ne pushtet ne tirane kulishet me te qelbur te bllokmenve..

por.. nuk besoj se shqiptaret do pranojne enver hoxhizmin dhe nji here..

..



..