Nga orteku i borës në Restelicë të Dragashit 9 të vdekur.

[Nete]

Ngushllime familjes,shpresoj mos te kete orteqe te tilla me ne ate fshate!Zoti iu ndihmofte te gjitheve

[Lexuesi_]

Ngushellime familjes dhe gjithe farefisit te te humburve.

[Meriamun]

Kesaj ske ca ti thuash. . .

Kjo eshte tragjedi e madhe.

Zoti i meshirofte.

[bindi]

Ngjarje shume e tmerrshme, ishalla kurr nuk persriten ngjarje te tilla!

[Poeti]

Ngushellime familjes se te vdekurve. Nje vdekje e tmerrshme o Zot!

[Pika-Kufi.1-31]

Deklaratë e kryekuvendarit Krasniqi me rastin e tragjedisë në fshatin Restelicë të Dragashit

2012-02-12 në orën 1:13.MD ·
Kryetari i Kuvendit të Kosovës,dr. Jakup Krasniqi, me rastin e fatkeqësisë tragjike, që ndodhi në fshatin Restelicë të Komunës së Dragashit, ku humbën jetën nga orteku i borës 9 anëtarë të familjes Reka, dha këtë deklaratë:" Me shqetësim dhe dhembje të thellë morëm lajmin për vdekjen tragjike të 9 qytetarëve, shkaktuar nga orteku i borës. Kjo tragjedi ka prekur thellë, jo vetëm familjarët e të afërmit, por edhe tërë qytetarët e Kosovës. Në emër të Kuvendit të Republikës së Kosovës dhe në emrin tim personal, ju shpreh ngushëllimet më të sinqerta familjarëve dhe të afërmeve të familjes Reka. Në këto momente shumë të dhembshme, vlerësoj lart angazhimin e jashtëzakonshëm që bënë dhe po bëjnë pjesëtarët e Forcës së Sigurisë së Kosovës, të Policisë së Kosovës, të trupave të KFOR-it, si dhe qytetarët, që në këto kushte tejet të vështira atmosferike po bëjnë gjithçka që është e mundur për të nxjerrë dhe shpëtuar të goditurit nga orteku i borës", theksohet në deklaratën e kryekuvendarit Krasniqi.

[Pika-Kufi.1-31]

Qeveria e Republikës së Kosovës ka vendosur që dita e nesërme, 13 shkurti 2012, e hënë, të shpallet Ditë zie në Republikën e Kosovës

Prishtinë, 12 shkurt 2012

Qeveria e Republikës së Kosovës është duke përcjellë nga afër zhvillimet në fshatin Restelicë të komunës së Sharrit (Dragashit), ku si pasojë e motit të ligë, të përcjellë me ortek bore, kanë humbur jetën 9 qytetarë dhe një është në kërkim.

Qeveria ka vendosur që dita e nesërme, 13 shkurti 2012, e hënë, të shpallet Ditë zie në Republikën e Kosovës.

Qeveria edhe njëherë i shpreh ngushëllimet më të thella familjarëve të viktimave, dhe rithekson gjithë përkushtimin dhe vendosmërinë institucionale për ndihmë dhe shpëtim të qytetarëve, të rrezikuar nga gjendja e rëndë klimatike.

Qeveria falënderon pjesëtarët e Forcës së Sigurisë së Kosovës, Policinë e Kosovës, zjarrfikësit dhe të gjithë qytetarët për sakrificën që janë duke bërë për t’iu dalë në ndihmë qytetarëve të Restelicës.

[Pika-Kufi.1-31]

Kryeministri i Republikës së Kosovës, Hashim Thaçi është duke vizituar dhe ndjekur për së afërmi gjendjen në fshatin Restelicë të komunës së Sharrit (Dragashit)...

[Meriamun]

Paj Zotin, ca doni me tregu me kete qe kryeministri i Kosoves Thaci po e ndjek gjendjen per se afermi.

Doni te tregoni qe eshte human. Qe i vjen shume keq. Apo qe po detyren e tij.

Jane me te sinqerta ngushllimet tona te thjeshta ne kete forum se frazat e ftohta dhe boshe te ketyre zagareve.

Qe edhe raste te tilla i perdorin per sensibilizim elektorati.

Atje duhet te kontribojne te gjithe, ndersa kryeministri duhet jete sherbetori i pare i popullit.

[toni54]

ngushllimet me te sinqerta familjes ....me te vertet nje rast i rende ....qe ka prekur tere kosoven....