Zhdukja e ditarit të Enver Hoxhës, Arkivi i Shtetit: S`kemi pasur origjinalin

[PLAKU]

http://lajmifundit.com/wp/lajmifundit_lajme.png


Zhdukja e ditarit të Enver Hoxhës, Arkivi i Shtetit: S`kemi pasur origjinalin
Publikuar në: Thu, Feb 2nd, 2012

Arkivi Qëndror i Shtetit ka reaguar sot ndaj akuzave të Nexhmije Hoxhës, e veja e ish-diktatorit Enver Hoxha, e cila një ditë më parë pretendoi se nga arkivi i shtetit është zhdukur ditari original i bashkëshortit të saj.
Në një deklaratë, Arkivi i Shtetit thekson se nuk ka disponuar kurrë dorëshkrime origjinale të ditarëve të diktatorit Enver Hoxha. Ky është konfirmimi i drejtoreshës së Arkivit, Nevila Nika, pas akuzave të hedhura nga familjarë të Hoxhës për zhdukje të dorëshkrimeve origjinale.
Nika bën të ditur se kur arkiva e Partisë së Punës, është dorëzuar bruto në vitin 1992, nga qyteti i Skraparit, janë marrë vetëm fotokopjet e tyre, pasi origjinale nuk kishte.
Drejtoresha e Arkivës së Shtetit, Nevila Nika, shton se një pjesë e mirë e ditareve politikë, që kanë të bëjnë me Enver Hoxhën ishin zbardhje të zërave të marra nga kasetat e regjistruara, ku bie në sy fakti, që Hoxha ishte gjithmonë i shoqëruar nga të tjerë dhe asnjëherë nuk ishte vetëm.

[PLAKU]

Kush i zhduku kush i ndyshoj kush e sakatoj historin per pos klikes diketatoriale

[landi45]

mos ka pas gje per saliun e berishajve dhe i ka djeg

[PLAKU]

Po kush i zhduku mi nexhi, ti dhe enveri i keni shkru si keni dashte vete dhe i keni zhduk vete! Keni lene ato qe doni te ndegjohen. Keni zhduk sa keni mund, te verteten smund ta zhdukeni. Ku jan letrat qe shkemebyet me vlleznit jugosellav atehere kur ju gjenden afer ne kohet me te veshtira?!


Nexhmije Hoxha: Padi në prokurori për zhdukjen e dorëshkrimeve të Enverit

Nexhmije Hoxha, e veja e ish-diktatorit të Shqipërisë Enver Hoxha, me anë të një deklarate ka denoncuar “zhdukjen” e dokumenteve origjinale të bashkëshortit të saj nga Arkiva e shtetit.
Nexhmije Hoxha thekson se bëhet fjalë për dorëshkrime origjinale për vjedhjen e të cilave do të bëjë padi në Prokurori. Më poshtë, deklarata e Nexhmije Hoxhës:
Me anë të kësaj deklarate, vë në dijeni median dhe opinionin publik të Shqipërisë dhe të gjithë shqiptarëve, kudo ndodhen, se:
Në Arkivin e Shtetit të Republikës së Shqipërisë janë zhdukur dorëshkrimet origjinale të ditarëve politikë e familjarë të Enver Hoxhës, si dhe dorëshkrimet origjinale të kujtimeve të tij.
Kur ka ngjarë ky akt kriminal i pashembullt, ne nuk e dimë.
Ky fakt u konstatua vetëm kohët e fundit, kur familja e shqetësuar që në disa emisione televizive e në shtyp po flitej e shkruhej nga ndonjë publicist se dispononte dokumente nga arkivi personal i Enver Hoxhës, dërgoi në AQSH pjesëtaren e saj, Teuta Hoxha, që kërkoi në fondet e dosjet përkatëse, ku rezultoi se mungonin dorëshkrimet origjinale.
Ky konstatim iu bë me dije drejtores së Arkivit të Shtetit, e cila pasi bëri verifikimet e saja, na komunikoi zyrtarisht me shkresat nr. 5336/1, më datë 14-12-2011 dhe nr.3112/11, më datë 27-12-2011, për mosekzistencën e këtyre materialeve në fondet e këtij Arkivi.
Kjo zhdukje, vjedhje a përvetësim qoftë, flet për një gjendje jo normale në Arkivin e Shtetit. Është një shkelje flagrante e ligjeve që përcaktojnë funksionimin rigoroz të Arkivit të Shtetit, ku theksohet qartë Neni 63.)
“Arkivat mbrojnë jetën intime të personit. Ndalohet njohja, shfrytëzimi dhe publikimi i dokumenteve që përmbajnë të dhëna me karakter vetjak dhe që cenojnë jetën private të personit. Dokumentet që përmbajnë të dhëna me karakter vetjak dhe cenojnë jetën intime të personit, shërbehen vetëm pasi kanë kaluar, sipas rastit, 50 deri në 150 vjet nga data e krijimit të tyre.”
Përmbajtja e këtij neni është në përputhje me parimin bazë të njohur në gjithë ligjet e shteteve të përparuara mbi arkivat, ku këta trajtohen si tempuj, ku ruhet e mbrohet dokumentimi i historisë së një vendi, të një shteti a personaliteti të shquar, qoftë politik, shoqëror a kulturor.
Enver Hoxha ditarët e tij i dorëzonte, vit pas viti, në Arkivin e Komitetit Qendror të Partisë së Punës, me anë të sekretarit të tij personal, Haxhi Kroi. Ne, si familje, kemi në dispozicion kopjet e këtyre ditarëve.
Arkivi i KQ të PPSH kaloi tërësisht në Arkivin e Shtetit pas ndryshimit të sistemit monist me atë pluralist, menjëherë kur PPSH u transformua në Parti Socialiste.
Përveç sa u parashtrua më sipër lidhur me zhdukjen e dorëshkrimeve origjinale të ditarëve e shumë shkrimeve të tjera, shohim që nga ndonjë stacion televiziv transmetohen fragmente filmash dokumentarë nga jeta private e Enver Hoxhës, pa marrë leje nga familja, siç kërkohet në ligjin përkatës për këtë lloj dokumentarësh. Nuk është fjala aspak për dokumentarë që i përkasin jetës zyrtare, politike e shoqërore të Enver Hoxhës.
Para këtyre shkeljeve të ligjeve, me humbje tejet të rënda për mua si bashkëshorte, si dhe për fëmijët tanë, rrjedhimisht trashëgimtarë të këtyre dokumenteve të Enverit, unë menjëherë pas këtij njoftimi publik do t’i drejtohem institucionit përkatës shtetëror, Prokurorisë së Përgjithshme, të bëjë punën e saj, të hetojë e të zbulojë çfarë lëshimesh janë bërë nga drejtuesit e AQSH dhe të vihet gisht mbi përgjegjësit, kushdo qofshin këta, direkt a indirekt, të brendshëm e jo më pak të jashtëm, të vjetër apo të rinj.
Denoncimi i këtyre shkeljeve në Prokurorinë e Përgjithshme do të bëhet nga djali ynë i madh, Ilir Hoxha.
Familja për këtë humbje të madhe do të njoftojë edhe Qendrën Ndërkombëtare të Arkivave, anëtare e së cilës është edhe AQSH.
Zbulimi i këtij akti të shëmtuar, tepër i dhimbshëm për familjen tonë, duhet trajtuar jo si një ngjarje e rastit, që lidhet vetëm me një person, kundër të cilit, gjatë këtyre 20 vjetëve të demokracisë, është hedhur një mal me baltë dhe janë kurdisur shpifje e falsifikime të paimagjinueshme.
Akti i zhdukjes së dorëshkrimeve origjinale të Enver Hoxhës nga Arkivi i Shtetit duhet parë si pjesë e strategjisë antikombëtare e antihistorike të pushtetarëve demokratë, për asgjësimin e çdo gjëje që i përket së kaluarës 50-vjeçare, përfshi Luftën e lavdishme për Çlirimin e atdheut dhe, pas saj, për ndërtimin e një Shqipërie të re, të pavarur, sovrane dhe me një shoqëri të emancipuar.
Në këtë vit të 100-vjetorit të Pavarësisë e krijimit të shtetit shqiptar, qeveria e Sali Berishës dhe forcat që e mbështesin atë, janë në dilemë të madhe si të mënjanojnë këtë periudhë historike gjysmëshekullore.
Këta njerëz, për të mbajtur fort majat e pushtetit që kanë kapur, bëjnë marrëzira, por sidomos bëhen të rrezikshëm, jo vetëm për një rast të veçantë a persona të caktuar, ata bëhen gjithnjë e më të rrezikshëm për të ardhmen e Shqipërisë e të kombit shqiptar.
NEXHMIJE HOXHA

[mesuesi_1]

Po kush i zhduku mi nexhi, ti dhe enveri i keni shkru si keni dashte vete dhe i keni zhduk vete! Keni lene ato qe doni te ndegjohen. Keni zhduk sa keni mund, te verteten smund ta zhdukeni. Ku jan letrat qe shkemebyet me vlleznit jugosellav atehere kur ju gjenden afer ne kohet me te veshtira?!

si i thone fjales, "u be deti kos, ta marre edhe une nje luge" ....

po tani edhe nexhi kerkon te perfitoje nga rasti unikal qe ne Prokurori ka ulur te ndenjurat nje bjonde .... eshte rasti me i mire ..... pastaj keto "perendimoret" jane shume "sensibel" per shkeljet e te drejtave te njeriut dhe uroj qe te mos te dalin ne krah edhe te nexhit kete radhe ....



.

[BlueBaron]

Pse, paska pas Dulla ditar ???!!!???

Une gjithmone kam pas pershtypjen se ka pas nje bllok te zi, me gjysem lapsi marangozesh, dhe e mbante te xhepi brendshem i xhaketes ...

[mardo]

pse cuditesh mi Nexhi !!!!!!!
Ditarin e ka marr Saliu qe te mesoj nga veprat e te "madherishmit" DULL......

[Kosovar.Pr]

Hala po mirri me qitfare Enver Kllosharin a?

[medaur]

Enveri klloshar ??? Je imformuar keq,te kane genjyer te keqen xhaxhi....

[POKO]

ALBANIAN DIVORCE STYLE


kush ishte enver monstrumi e kush ishin ato qe i sherbyen,me kte dokumentar mund te kuptoni mjafte nga ajo kohe,por edhe nga kjo e sotmja.

shpirti i keq,e roberoj ate popull per 50 vjet,do ia shoh sherrin edhe per 500 te tjera,nga ajo fare qe mbolli!

http://tvklan.al/emisioni.php?id=4199#


pandi konomi

dolores veliaj

ylli hila

sot rrojne e gezojne jeten akoma,pa pasur piken e ndergjegjes e te kerkimit te faljes...monstra te pa para!