Xhelozija dhe dhuna e burrave shqiptar kunder grave/femrave...

[davidd]

http://www.top-channel.tv/artikull.php?id=223516&ref=fp

17 femra janë masakruar nga burrat e tyre, brenda 10 muajve të këtij viti. Vetëm më 20 nëntor, dy gra u vranë në mënyrë barbare nga burrat e tyre për shkaqe xhelozie.

56-vjecarja Resmie Myrteli u vra me dru, ndersa 48-vjecarja Arjana Serjani, nënë e tre femijëve u vra me cifte.

Rrjeti i organizatave te shoqerise civile, ne nje protestë paqesore te zhvilluar perpara kryeministrise kane kerkuar qe shteti te ndalet perpara ketyre viktimave dhe te marre masa me te ashpra ndaj autoreve te krimit.

"Dy vrasjet e tmerrshme që kanë ndodhur ne fundjave, si dhe shkaku shumë i madh është numri i rritur i grave të vrara nga dhuna shtëpiake nga dhuna në familje. Ndonëse ligjet mund të jenë, zbatimi i tyre është ende shumë larg", tha Fabiola Egro, drejtore e shoqatës "Në dobi të gruas".

Konstitucionalistja Aurela Anastasi tha se Kodi i Procedures Penale duhet te ndryshoje, ne menyre qe ndjekja penale e dhunuesve brenda familjes te ndiqet nga shteti, permes prokurorise.

"Do të kërkojmë që kjo vepër penale të ndiqet kryesisht nga prokuroria dhe jo të mbështetet vetëm në kallëzimin e viktimës. Kjo do të thotë që të kemi një lloj padie publike në Kodin tonë të Procedurës Penale, ku edhe në rast se viktima tërhiqet nga denoncimi dhe kallëzimi i veprës penale të dhunës në familje, prokuroria të vazhdojë punën dhe të mos lejojë më raste ku dhuna në familje, jo vetëm që nuk konsiderohet ashtu sikurse parashikon Kodi i Procedurës Penale, si rrethanë rënduese për veprën penale të kryer, por ndonjëherë është konsideruar edhe si rrethanë lehtësuese. Kjo nuk duhet lejuar më", thotë Anastasi.

Ne kete proteste eshte kerkuar qe ne Kodin Penal, ku te denohet dhunen sistematike qe ushtrohet kryesisht ndaj grave dhe femijeve. Por nje pike e rendesishme mbetet edhe zbatimi i kodit te familjes, per piken ku merren masa ndaj dhunes ne marredheniet familjare.

[kleadoni]

Ne mendojme qe jemi ne demokraci, por fatkeqsisht kemi mbetur ende shume shume mbrapa. Te ne ka akoma njerez qe e quajne dicka normale te vrasesh gruan nese ajo te tradheton, apo nese ajo nuk "zbaton urdherat e burrit". Sa te kemi kete nivel injorance, s'do mund te bej gje as prokuroria.

Gjithsesi e mbeshtes tersisht kete shoqate!

[Gameness]

(Mos me keqkuptoni, nuk kerkoj justifikime se cka ndodh tek ne. I imi eshte thjesht nje detyrim i informacionit te zgjeruar.)


Sipas nje statistike te vitit 1997, 20,7 % te grave ne Zvicer, gjat jetes se tyre, jan malltratuar sistematikisht nga partneri ne menyr fizike ose psiqike (raporti pra eshte 1 me 5).

Ne nje statistike te vitit 2004 raporti eshte 1 me 4.

Gjithnje gjat vitit 2004, ne spitalin e maternitet ne Cyrih, 43 % te grave te intervistuara kan deklaruar se kan qen te malltratuara fizikisht gjat jetes se tyre, dhe, 13% prej tyre thane qe jan perdhunuar seksualisht (gjat jetes se tyre).

http://www.ti.ch/CAN/SegGC/comunicaz...5violenza2.pdf

[kleadoni]

(Mos me keqkuptoni, nuk kerkoj justifikime se cka ndodh tek ne. I imi eshte thjesht nje detyrim i informacionit te zgjeruar.)

Asgje per t'u keqkuptuar, ne te gjithe boten mbare ka te tilla ndodhi. Ndryshimi qendron qe ka edhe shoqata te ndryshme per grate, ka shtet ku ato mund te bejne denoncime, kane psikolog etj etj, nderkohe qe te ne shume gra kane frike ti thone edhe prinderve te tyre nje gje te tille e jo me te shkojne te denoncojne burrin apo te shkojne te psikologia.

[Gameness]

Asgje per t'u keqkuptuar, ne te gjithe boten mbare ka te tilla ndodhi. Ndryshimi qendron qe ka edhe shoqata te ndryshme per grate, ka shtet ku ato mund te bejne denoncime, kane psikolog etj etj, nderkohe qe te ne shume gra kane frike ti thone edhe prinderve te tyre nje gje te tille e jo me te shkojne te denoncojne burrin apo te shkojne te psikologia.

Kjo nuk eshte dukuri shqiptare por vlen per te gjithat kombet dhe racat boterore. Per femren ne pergjithesi eshte e veshtire ta denoncoj nje akte barbar te till.
Kurse per sa i perket instituteve dhe qendrave te strehimit... mir e ki.

[the admiral]

Kjo nuk eshte dukuri shqiptare por vlen per te gjithat kombet dhe racat boterore. Per femren ne pergjithesi eshte e veshtire ta denoncoj nje akte barbar te till.

e vertete qe nuk eshte dukuri shqiptare, por perqindja e kesaj dukurie ne shqiperi eshte disa here me e larte se ne vende te tjera...
shume meshkuj ne shqiperi e shohin femran akoma si "prone".

[Edvin83]

23 Nëntor 2011 - 15:26 | Shqiperi


61-vjecari: Gruaja më tradhtoi, i preva kokën me motosharrë!BERAT- E vrava gruan se më tradhtonte, e këtë nuk mund ta duroja. Mora motosharrën që kisha në makinë dhe i preva kokën!".

Kështu ka deklaruar dje në gjykatën e Beratit në seancën e masës së sigurisë, 61-vjeçari Gani Myrteli, i akuzuar për vrasjen e bashkëshortes, 63-vjeçares Resmie Myrteli nga Lapardhaja.

Në fund të seancës, gjykata vendosi masën e sigurisë "arrest me burgim" për bashkëshortin vrasës. Krimi makabër ndodhi mëngjesin e tre ditëve më parë në fshatin Lapardha të rrethit të Beratit.
Rrëfimi i 61-vjeçarit dje në sallën e gjyqit për krimin makabër, ka shokuar të pranishmit. Myrteli rrëfeu motivin dhe detaje të krimit…
Rrefimi
Akuzoheni se keni vrarë bashkëshorten, e pranoni krimin?
Po e kam vrarë, e pranoj…
Përse e bëtë krimin?
E bëra se ajo më tradhtonte e unë këtë nuk mund ta duroja. Kemi pasur sherre, zënka për këtë e probleme të tjera, por ajo vazhdonte në të sajën… Kohët e fundit, ajo rrinte tek njerëzit e saj..
Kur dhe si e vrave?
Thash që ma kishte sjellë në majë të hundës, veçanërisht kur u kthyem nga emigracioni në Greqi. Atje kemi dhe fëmijët, tre djemtë e tri vajzat të martuara.
Ku e kryet krimin?
Në rrugë. Ajo doli nga shtëpia e njerëzve të saj ku rrinte dhe unë e prita. Isha me gjithë makinë. U takuam, e nisi sherri. Kaq u desh dhe u nxenë gjakrat. Nuk mund të duroja më. Thash ma kishte sjellë në majë të hundës. Dhe unë reagova dhunshëm, e vrava.
Me çfarë e vratë?
Nxora motosharrën që punon me karburant të cilën e kisha në makinë dhe e ndeza… E drejtova në kokë të saj ku e preva disa herë, derisa u shtri në tokë e po jepte shpirt.
Po më pas?
Nuk u largova. Prita i qetë. Erdhi policia dhe më arrestoi e më çoi në qeli.
Jeni penduar?
Ç´rëndësi ka kjo! Ajo u bë dhe nuk kthehet më. Po thash, më tradhtonte, ma kishte sjellë në majë të hundës dhe nuk mund ta duroja më.

(el.me/GSH/BalkanWeb)

[kleadoni]

Kjo nuk eshte dukuri shqiptare por vlen per te gjithat kombet dhe racat boterore. Per femren ne pergjithesi eshte e veshtire ta denoncoj nje akte barbar te till.
Kurse per sa i perket instituteve dhe qendrave te strehimit... mir e ki.

Eshte e veshtire te besh denoncimin, dakord, por te ne nje arsye per kete veshtiresi eshte e lidhur me mentalitetin. Prandaj % eshte me e larte te ne ne shqiperi sesa ne mbare boten.

Para pak ditesh me ka ndodhur te degjoj nje histori te tille nga nje vajze qe kam pak qe e kam njohur, madje u cudita qe kishte fituar aq shume besim te une sa te me tregoj dicka kaq personale. Me tregoj qe ish burri i saja e trajtonte shume keq, per nje fjale goje i kerciste shpulla... madje edhe kur kishte qene shtatzane e kishte humbur femijen "fale rrahjes se tija".
Prinderit e saj e dinin por nuk benin dot gje per mentalitet, se i ngelte vajza ne dere sepse quhej e martuar e s'do ia hidhte me syte njeri

[_MALSORI_]

(Mos me keqkuptoni, nuk kerkoj justifikime se cka ndodh tek ne. I imi eshte thjesht nje detyrim i informacionit te zgjeruar.)

mos me keqkuptoni as mua..por nga nje statistike qe kam lexuar ne cdo 4 sekonda perdhunohet nje femer ne USA..vendi me demokracine me te madhe ne bote..dhe a ka keqtrajtim me te madh per nje femer se sa ta perdhunojne..

Ne mendojme qe jemi ne demokraci, por fatkeqsisht kemi mbetur ende shume shume mbrapa.

Te ne ka akoma njerez qe e quajne dicka normale te vrasesh gruan nese ajo te tradheton

, apo nese ajo nuk "zbaton urdherat e burrit". Sa te kemi kete nivel injorance, s'do mund te bej gje as prokuroria.

Gjithsesi e mbeshtes tersisht kete shoqate!

pse sipas teje duhet ti thote burri bravo te qofte..apo ndoshta edhe ta nxise te tradhetoje..jo moj klea jo..gruaja nuk eshte placke por as nuk mund te beje ne koke te vet..perderisa pranon te jetoje me nje burre duhet ta nderoje dhe rrespektoje..nese nuk eshte e afte per nje gje te tille pse duhet te martohet..ka nje fjale te urte populli qe thote '' kur ne nje shtepi ka dy zot shtepie ajo shtepi nuk ben para..


per nje gje me vjen inat per meshkujt shqiptare..pse jan kaq budallenj te vrasin gruan e tyre..mua me duket idiotesia me e madhe..te tradhetoi ???..nuk e don ??..ndaje...a pak femra ka ne trojet shqiptare..ka aq shume saqe per te gjetur nje burre po na ikin ne shumadi..bile deri ne kine kane perfunduar...e njejta gje edhe per femrat..

asesi nuk ja vlen te kalbesh ne burg per nje femer..bile as te paguash gjobe

[Hyllien]

Shikoni, ky është brezi i vjetër, brezi që është martu në djep, apo me forcë apo i ka ngel njëri apo tjetri partner në dorë, e shumë gjëra të tilla si këto. Ai plaku apo plaka thotë me vete more qen të durova 40 vjet dhe as të desha tani më dredh dhe bishtin, bam dhe ndodh tragjedia edhe pse fëmijet e tyre janë për qejfin e tyre me jetën e tyre. Kjo është fryt e një ndryshimi të kohërave dhe ku ky brez, mosha 40-50-60 është kapur ngushtë. Disa janë ndarë e janë rimartuar, kryesisht pjesa biznesmene e politikane, pjesa tjetër ka akumuluar ndër vite urrejtje me njëri tjetrin dhe ndodhin këto tragjedira.
Me sa kam dëgjuar, mendoj se me një zyrë këshillimi këto gjëra do minimizoheshin. Njoh plot raste ku lokalisht njerëzit janë ndihmuar nga probleme të tilla familjare nga njerëz lokal dhe i kanë tejkaluar pa problem krizat.

Por ky problem duhet adresuar se ngelëm duke parë filma horror këtë vit.