Ramiz Alia nderron jete

[DYDRINAS]

Peter Lucas komenton vdekjen e Alisë


Shkrimtari dhe gazetari shqiptaro-amerikan Peter Lucas, i cili vizitoi për herë të parë Shqipërinë në vitin 1988 dhe që ndoqi më pas rënien e komunizmit si korrespondent i Boston Herald, mendon se Alia ishte një njeri i mirë, por qe gjithashtu i burgosur nën prangat e trashëgimisë së Hoxhës.

Lucas, i cituar nga gazeta “Shqip”, thotë se Alia nuk diti të kuptonte se çfarë po ndodhte, por që gjithsesi duhet falënderuar për lëshimin e pushtetit pa dhunë.

Lucas është autor i disa romaneve dhe librave mbi Shqipërinë e kohës së komunizmit.

“Më vjen keq të dëgjoj për vdekjen e Ramiz Alisë. Gjatë shumë rasteve që jam takuar me të, ai qe i mirësjellshëm, me dinjitet dhe i rafinuar.

Gjithsesi, unë e gjeta atë tërësisht të papërgatitur për ndryshimet që po ndodhin në Shqipëri dhe gjithkund tjetër nëpër Ballkan e në Europën Juglindore, pasi ai zuri vendin e Hoxhës si udhëheqës i vendit.

Ndërsa forcat që kërkonin ndryshim po demonstronin nëpër rrugët e Tiranës dhe qyteteve të tjera të Shqipërisë dhe ndërsa komunizmi po binte, Alia nuk dukej i aftë për t’u përballur por u zu nën status quo-në e Partisë Komuniste.

Ai premtoi ndryshim, por qe shumë pak dhe shumë vonë dhe u gllabërua nga forcat që ai nuk i kuptonte. Kjo ishte për të ardhur keq në njëfarë mënyre. Ai trashëgoi një shtëpi që ishte e kalbur dhe po rrënohej përreth tij dhe ai nuk diti çfarë të bënte.

Mendoj se ishte një njeri i mirë, por mendoj gjithashtu se qe i burgosur në prangat e trashëgimisë së Hoxhës, - aq keq sa ç'qe dhe i burgosur nga Nexhmija dhe zyrtarët e Partisë Komuniste që e rrethonin atë dhe që interesoheshin vetëm për të mbajtur pozicionet e veta.

Rezultati në fund ishte që ata të gjithë u mënjanuan. Megjithatë, nuk pati dhunë të vërtetë përgjatë tranzicionit nga komunizmi te demokracia në Shqipëri, nuk pati luftë civile të përgjakshme apo grusht shteti, nuk pati ekzekutime në masë. Sa shumë e ndryshme qe kjo nga periudha kur komunistët e morën pushtetin!

Largimi i tij qe pa gjakderdhje dhe ai duhet të falënderohet për këtë. Ai thjesht u zhduk si mjegull me gjithë dinjitetin që mund të zotëronte. Mendoj se ky qe karakteri i tij.

Në rrethana të tjera dhe në kohë të tjera ai mund të kishte qenë një udhëheqës i mirë. Për fat të keq, ne nuk mund të zgjedhim kohën në të cilën ne e gjejmë veten mbi tokë”.

Ramiz Alia vdiq në orën 7.00 të ditës së premte në sanatoriumin e Tiranës, ku ndodhej i shtruar për shkak të komplikacioneve në mushkëri.

Nuk është e qartë nëse kryeministri Sali Berisha do të respektojë apo jo ceremonialin zyrtar, për t'i rezervuar ish-presidentit Alia një ceremoni zyrtare.

top-channel

[drague]

si mund te jesh "njeri i mire" kur i sherben nje diktatori!?

[Kavir]

si mund te jesh "njeri i mire" kur i sherben nje diktatori!?

Vetëm i shërbeu? Po në vitet '80 kur sistemi realisht u bë edhe më i egër, dhe kur Enveri ishte "30 mijë dollaro në 1938', KUSH e drejtonte vendin?

Në çdo intervistë shprehjet e të ndjerit ishin: "Kështu më thanë....kështu kam dëgjuar....kështu thuhej....ashtu ishte.....ashtu u bë". Të gjitha folje pasive.
Madje thoshte edhe "po edhe gabime janë bërë...se ashtu mendonim atëhere".
Në fjalorin e ish-kreut të shtetit përemri "unë" kurrë nuk shoqërohej nga folje aktive (vendimmarrëse).
Madje edhr për "vendosjen e pluralizmit" shprehej "Unë nuk doja të bëhej ashtu me rrëmbim....po të tjerët...".

Gjithmonë vetëm "dëshmitar" asnjëherë "vendimarrës". Madje edhe kur këtë ia kërkonte Kushtetuta.

[Brari]

Ceremonia mortore e Ramiz Alisë ditën e dielë, do prehet në Sharrë




TIRANË- Ish-udhëheqësi i fundit i regjimit komunist dhe ish-presidenti i parë pluralist pas viteve 90, Ramiz Alia do të përcillet për në banesën e fundit ditën e ditëlë në 9 tetor.

Në orën 10:00 të ditës së diel protokolli i shtetit ka vendosur që homazhet të bëhen në Shtëpinë Qëndrore të Ushtrise.

Vonesat për varrimin e Ramiz Alisë janë kushtëzuar nga ardhja e dy fëmijëve të tij që jetojnë jashtë.

Djali i të ndjerit gjendet në Francë, ndërkohë që vajza në Suedi. Institucioni i Protokollit të Shtetit i pyetur nga Gazeta Shqiptare shprehet se ish-presidentëve u takon t’ju mbahet ceremonia e homazheve, por gjithnjë në vullnetin dhe bashkëpunimin e familjes.

Trupi i pajetë i Ramiz Alisë qëndron në morgun e QSUT-së. Ish-udhëheqësi i fundit komunist Ramiz Alia u shua ne moshen 86-vjecare si pasojë e disa sëmundjeve kronike.

FAMILJA: RAMIZ ALIA DO PREHET NË SHARRË
Ora 11:18 Familjarët e të ndjerit Ramiz Alia kanë dhënë detaje për NEËS24 sa i përket ceremonisë mortore. Alia do të përcillet për në banesën e fundit të dielen në 9 tetor në orën 11:00 në varrezat e Sharrës. Në orën 10:00 të ditës së dielë Protokolli i Shtetit ka vendosur që homazhet të bëhen në Shtëpinë Qendrore të Ushtrisë.

(e.m/BalkanWeb)

[POKO]

"Pervecse na la nje jete te tere ne mjerim,na u desh qe te paguajme 20 vjet per pensionin e tij.Shpresoj qe te terheqi sa me pare edhe Mamadhine (Nexhmijen)"

[saura]

Vlerësime të historianit Michael Schmidt-Neke figurës së Ramiz Alisë

I intervistuar sot nga Doutsche Welle, historiani Michael Schmidt-Neke, njohës i mirë i Shqipërisë, jep vlerësimet e tij për figurën e Ramiz Alisë, që ka ndërruar jetë sot në mëngjes. Ai shpjegon se përse është e vështirë të bësh një vlerësim të qartë të jetes së ish Presidentit të Shqipërisë, Ramiz Alia.

Historiani vëren se “Ramizi në jetën e tij ishte njeri shumë i shkathët dhe shumë oportunist. Në vitet shtatëdhjetë ai kishte një simpati për një liberalizim në fushën e kulturës, por pas festivalit të këngës të viteve '72-'73 erdhi një erë shumë e ftohtë në skenën kulturore të Shqipërisë, duke përfunduar në një spastrim politik, i cili goditi njerëz si Todi Lubonjën e Fadil Paçramin etj. Por megjithatë Ramizi ishte si ngjalë ai diti të ruante jo vetëm kokën, jo vetëm lirinë, por edhe pozitën politike, e cila për të kishte përparësi të parë dhe në vitet 80-të ai nuk kishte ndërmend të vetëflijohej në emër të të ashtuqujaturit liberalizëm, por ai vepronte sigurisht në një mënyrë shumë oportuniste, që rezultoi në vitin 90-të, kur vala e ngjarjeve në Evropën Lindore kapi edhe Shqipërinë, me hir e pahir u detyrua të lejonte plurarizmin”.
Michael Schmidt-Neke kujton “Ramizi ishte një karakter krejt tjetër, po ta krahasosh me Mehmet Shehun për shembull, që ishte ushtarak i fortë gjithë jetën. Ai ishte njeri më i civilizuar, të themi. Ai nuk ishte i preokupuar nga idetë e jetës ushtarake, të forcave shtypëse represive, për mua ai është një karakter shumë enigmatik, do të ishte shumë interesant, kur një ditë të shkruhej biografia e Ramizit, por për sot ky moment nuk ka ardhur, duhet të presim ca dekada, që të mos jetë as propaganda, as denigrimi i plotë. Por është një karakter, siç thonë shqiptarët në dekadat e fundit, shumë poliedrik”

Historiani thotë se nga njëra anë “Ramiz Alia qysh nga vitet 50-të, 60-të ka qenë një funksionar shumë i rëndësishëm i sistemit komunist, duke u bërë trashëgimtar i Enver Hoxhës pas vekjes së tij në vitin 85, pra ai mban në supet e tij përgjegjësitë për të gjitha të metat dhe fajet e regjimit komunist për shkeljet e të drejtave të njeriut, për izolimin e Shqipërisë” e nga ana tjetër, në fazën e fundit të regjimit kur “në udhëheqjen e partisë së punës kishte një luftë mes dy fraksioneve, një fraksion i moderuar reformist, jo në shkallën e Gorbacovit, por në favor të reformave, kundër fraksionit tjetër konservator, i cili nuk lejonte asnjë lajthitje nga kursi i Enverit, ishte ramiz Alia ai që udhëhiqte të parin”.

Pyetjes nëse mund të konsiderohet meritë e Ramiz Alisë, fakti që ndryshimet politike në Shqipëri u zhvilluan pa gjakderdhje, Michael Schmidt-Neke i përgjigjet “Në një farë mase po, por në situata të tilla ka gjithmonë dy palë. Asnjë palë nuk kishte interes për gjakderdhje të madhe, për një luftë civile. Është edhe merita e udhëheqjes së kësaj kohe, edhe e popullit vetë, që nuk kreu akte dhune ndaj njerëzve, por vetëm kundër objekteve të regjimit, kam parasysh rrëzimin e përmendores së Enverit në shkurt 91. Pra çmimi për këtë tranzicion, në momentin e parë ishte një farë anarkie, një prishje e ekonomisë, por të paktën Shqipëria nuk përjetoi në këtë moment historik përvojën e Rumanisë me luftën civile të hapur, lufta civile pastaj ka ardhur në vitin '97, për këtë Ramizi nuk kishte përgjegjësi”.


Gazeta Shqiptari Italise

[saura]

Per ata qe mendojn se ramizi ka qene "reformator" api i "bute" apo ndihmoje "rrevolucionin" te behej ne paqe, e ku di une cfar analizash te tjera qe mundoheni ti beni. A nuk u "hapen" burgjet dhe u lane te gjithe ordineret te dilnin nga kafazi i tyre perpara se te liroheshin te burgosurit Politik. A nuk u vran me mijera te rinje ne Tirane, qe me vone u groposen ne nje varr masive, gjate te ashtu quajtur "rrevolucion" paqesor. A nuk u vran me dhjetra e dhjetra te rinje qe mundoheshin te kalonin kufirin, ne nje kohe qe "ligji" denonte vetem me 3 a 5 vjet heqje lirie. Si mund te jeni kaq naive, dhe mendoni se ne ate kohe ka pasur organe te pavarura dhe qe menrinin vendime pa dienin e Diktatorit. Si mund te ndodhnin gjera te tilla ne nje sistem Totalitar, gjakpires sic ishte ai i shqiperise. Juve e quani meriten e ramizit qe nuk u vra njeri gjate "revolucionit". Si jua ha mendja juve se Shqiperia qe perjetoj diktaturen me te eger, me Kriminele per nje gjysem shekulli, nuk denoj As edhe Nji person, nuk mbajti pergjegjes As edhe Nji per krimet qe iu ben ati populli, per gjakun qe u derdh si rreke!


Kush i dha urdherat? kush e drejtoje Qeverine? Si mendoni juve qe nji njeri qe u brumos me frymen ibrishte te komunizmit, si ramizi, dora e djathe te Xhahilit vet, u beka reformist brenda nates. Eshte nji injorance shtazarake te mendosh dhe te pretendosh se keta Ordinera ben "rrevolucionin" paqesor sepse iu dhimseshte populli. Per ke popull e keni fjalen juve per ate qe ata masakruan per nji gjysem shekulli sikur te ishin skllever porsonal?

Ata u munduan te mbanin gjendjen nen kontroll sepse , ben mekate pa hesape, dhe populli do ti linconte nji nga nji, po te mos kishin marre frenat ne dore vet. E ben per te ruajtu by*then e vet, dhe qe te vazhdonin te sundonin prap, ashtu sic po bejne edhe sote.

Nuk ja vlen te shkruash as edhe nje shkronje per kete Zagar, jo me gjithe keto debate dhe ngushellime qe i beni.

E dini juve qe ai ka qene as Shqiptare. Ka qene Boshnjak??????

Nuk ka qene boshnjak...

[Endri_]

le te behet gati klani i edi rames e gramos rucit e ilir metes per varrimin e babait te tyre

Mire e ke. Ndersa kuroren i takon doktorit t'a mbaje

[DYDRINAS]

Nuk ka qene boshnjak...

Ramiz Alia eshte shqiptar. Familja e tij eshte larguar nga Gjakova per ne Shkoder ku dhe ai ka lindur.

Punen me te mire qe ka bere gjate gjithe jetes se tij, ka qene fakti se arriti me mjeshteri te zhduke nga faqja e dheut monstra te tipit Hysni Kapo dhe Mehmet Shehu.

[landi45]

e quditeshme eshte se alia u vizitua ne spitale nga sali berisha,,,ilir meta,,,sabri godo,,,fatmir mediu,,,skender gjinushi,,,edi rama,,,,

dhe keta njerez na moren frymen ka 20 vjet demokraci,,,

ai na mori frymen po e pranonte qe ishte diktatore,,,


po keta qe jane diktatore
e ish komunista qe na hiqen demokrate