Vjeshta politike e PS. Debate apo larje hesapesh?

[DYDRINAS]

Debate brenda PS

Deputetët Socialistë, Arben Malaj dhe Andis Harasani janë takuar me një grup socialistësh në qytetin e Vlorës, ku kanë diskutuar për zhvillimet politike dhe qëndrimet e tyre.

Malaj dhe Harasani kanë kritikuar pushtetin absolut të kryetarëve që kanë krijuar partitë e besnikëve të tyre.

”Çfarë solli disiplina formale e 125 deputetëve në Parlament, që votuan ndryshimet kushtetuese? Si mundet që të mos ta kuptoni se ku s’ka transparencë, ku nuk diskutohet dhe nuk pyetën ekspertët e aftë të vendit, bëhet fjalë vetëm për një marrëveshje individuale. Në fakt, ajo ishte një marrëveshje vetjake Rama-Berisha”, theksoi Malaj.


Malaj, gjithashtu, kritikoi përqendrimin e pushtetit në pak duar, ndërsa iu përgjigj pyetjeve për parti të re, duke thënë se ai ka qenë në krijimin e një partie të re në vitin 1991. Gjithashtu, edhe deputeti Harasani mbështeti idenë e më shumë demokraci brenda partive.

Deputetët socialistë deklaruan se Shqipëria do të marrë një refuzim të dyte nga Brukseli për shkak të politikanëve.

Sipas tyre, humbja e statusit kandidat do të sjellë një sherr të madh në radhët e politikës. “Në realitet, peshën më të madhe e ka maxhoranca, por opozita nuk duhet të krijojë asnjë alibi me bojkotin e saj”, shtuan ata.

top-channel

[Brari]

nuk zihen ata o Dydrins.

ashtu luajn thejatro.

cdo antar i ps-se eshte nje qelbanik.

ne PPSH ka pasur plot njerez te mire.
kurse pS i ka te hurit e litarit.

. nejse..

ja cthot ki kryepisi i ps-se..

---

08 Tetor 2011 - 20:10 | Shqiperi TRANSLATE



Rama për Withers: Letra juaj u tregoi të vërtetën shqiptarëve




TIRANE-Kryetari i Partisë Socialiste dhe njëherazi i opozitës së bashkuar ka falenderuar ish-ambasadorin amerikan John Withers për letrën dërguar 2 ditë më parë shqiptarëve mbi kabllogramet duke theksuar se kjo ndihmoi shqiptarët të kuptojnë të vërtetën ndersa vertetoi dhe njehere se SHBA-te jane miku më i madh i këtij vendi.

“Letra juaj publike ceku një çështje delikate, shumë të nxehtë e të shumëdiskutuar në mjedisin shqiptar, por çka vlen si fjalëkyçi i saj është nënvizimi prej Jush i faktit të patjetërsueshëm se Shtetet e Bashkuara thonë të vërtetën. E në të vërtetë kjo i ka bërë Shtetet e Bashkuara mikun më të madh të të gjithë qytetarëve të kësaj bote që aspirojnë liri, të drejta, demokraci e mirëqeverisje, dhe armikun e të gjitha forcave e individëve që ushtrojnë influencë, presion, terror, mbi liritë njerëzore e mbi shoqëritë ende të paçliruara prej regjimeve antidemokratike apo pushteteve hibridë kudo në botë. Kjo e vërtetë i ka bërë Shtetet e Bashkuara edhe mikun më të madh shpirtëror të shqiptarëve, kohë më parë sesa Ambasada Amerikane të riçelte dyert e saj në Tiranë njëzet vjet të shkuara, përvjetor që u kremtua para pak ditësh në një pritje të bukur të dhënë nga Ambasadori Arvizu, po dhe në aktivitete të tjera e në biseda të lira mes njerëzve të zakonshëm”, thuhet në letrën e hapur në blogun e Ramës.

Rama thekson se tani mbetet që të adresohen politikisht shqetësimet serioze të konstatuara nga SHBA për t’u lehtësuar populli, pasi sic thekson Rama, barra e fajësisë nuk mund të jetë kolektive.
"Në këtë sens edhe çka u botua dhe komentohet mes shqiptarëve, prej konstatimeve e shqetësimeve shumë serioze të shtetit Tuaj, meriton sipas nesh të adresohet politikisht, me një gjest publik të të gjithë të zgjedhurve shqiptarë, për të lehtësuar veten e popullin tonë nga barra e padurueshme e një fajësie që s'mundet në asnjë mënyrë të mbetet kolektive, ndërkohë që Shqipëria vuan triumfin e kulturës së pandëshkueshmërisë".

Sipas kreut te PS, faktet e botuara nga Withers në kabllograme bindën më shumë se kurrë shqiptarët se SHBA ka vëmendjen tek Shqipëria.
“Dalja në dritë e shumë fakteve rrënqethëse prej publikimit të kabllogrameve të Ambasadës Amerikane, shkak për të cilën u bë një pirateri e dënueshme dhe e dënuar me të drejtë botërisht nga shteti juaj, e ka pështjelluar opinionin publik shqiptar me të vërteta të njohura botërisht e fakte të paditura më pare. Por mbi të gjitha u ka dhënë gjithë shqiptarëve një provë të re, të qartë si drita e diellit, për vëmendjen e jashtëzakonshme të Shteteve të Bashkuara të Amerikës ndaj vendit tone. Për seriozitetin mbresëlënës me të cilin shteti Juaj vlerëson çdo detaj të problematikës së zhvillimeve në vendin tonë”.

Kreu i socialistëve thekson ne letren per Withers se Shqipëria humbi dhe një vit plot me shanse për qytetarët, ndërsa vë në dukje përpjekjet e opozitës për t’i dhënë fund krizës në emër të qytetarëve që duan ndryshimin.
“Fund i hidhur i një tjetër viti shansesh e mundësish të humbura në një krizë që është njëkohësisht edhe një mundësi e jashtëzakonshme ndryshimi në drejtimin e duhur. Kjo mundësi s'duhet humbur, kjo krizë s'duhet as të zgjatet dhe as të mbetet pa hapur rrugën e ndryshimit të duhur, për të cilën ne kemi propozuar një pikënisje, një hap, një drejtim të përbashkët me disa stacione lehtësisht të arritshme, ku duhet të gjejmë mirëkuptimin e munguar në dobi të Shqipërisë e për të e të gjithë shqiptarëve. Të cilët meritojnë një përpjekje sinfonike të klasës politike për zgjedhje vërtet të lira e të ndershme; për një parlament funksional; për reforma shtetndërtuese me standartet e Bashkimit Europian; për institucione të pavarura; për një drejtësi të çliruar nga thonjtë e pushtetit e të korrupsionit dhe për lirinë e garantuar të gojëve të hapura të kundërshtisë”.

(d.b/BalkanWeb)
Lidhje te tjera
Letra e plote e Rames per Withers



Kthehu Dërgo Printo Home
Komento


Dërguar nga Avni Rustemi, Vlore më 08-10-2011 në 21:38

Ti djali nga Bostoni, me qe Zoti Rama eshte shume i zen te te pergjigje ty, po te pergjigjem un. Per dy pyetjet e para pergjigja eshte shume e lehte. Eshte e lehte se ato 20% e tan lepra ekzistojne vetem ne trurin e berishes dhe ca ish-shikesave qe tani ndoshta jetojne ne boston sepse ne vlore ua vume flaken ne populli i vlores. Sa per pyetjen e trete, zoti Rama duhet te na e vertetoj ne vazhdim me qendrim qe ai do marre kundrejt Rucit.






Dërguar nga Rama, Ruci Dhe E Verteta, barcelone spanje më 08-10-2011 në 21:34

Kryetari i PS Edi Rama falenderon ish ambasadorin Withers qe u tregoi Shqipetareve te verteten.
Ne nje nga kabllogramet e botuara ne shtyp Withers shkruan se Gramoz Ruci kryetari i grupit parlamentar te PS eshte perfshire ne vrasje biznesmenesh, trafiqe dhe se i eshte ndaluar hyrja ne Amerike.
Kryetari Rama thote se Withers ka treguar te verteten.
Ne qofte se Withers ka treguar te verteten sipas Rames, atehere perse zoti Rama mban si kryetar te grupit parlamentar nje trafikant ose vrases?






Dërguar nga Pashko më 08-10-2011 në 21:13

Edhe nje hap tjeter prej nje politikani teresisht medioker.
Pa dashur te paragjykoj z.Withers, ai tashme nuk perfaqeson as shtetin e as dipllomacine amerikane pasi ka mbi nje vit qe nuk i sherben ketij shteti.
Nuk eshte fjala per ndonje politikan qe ndrohet me rotacione pushtetesh, por per nje dipllomat kariere qe e ka nderprere kete kariere e eshte marezi politike qe nje politikan qe aspiron te behet kryeminister i Shqiperise,ti referohet nje ish dipllomati duke injoruar ambasadorin aktual.






Dërguar nga Dale ngadale, Tirane më 08-10-2011 në 20:59

Dale ngadale more djale se USA eshte vendi me inteligjent e do ti gjeje parate e fshehura te tuaj. Nuk shpeton dot se tani je ne liste. Kush ka bere pare te pista eshte atje ne liste, por dale ngadale. Do ta ndjesh doren dhe i kontrolluar do jesh gjithe jeten deri sa te dalin theset me para e florinj... Parate e florinjte do sekustrohen se ato kane vetem nje vend USA. Nuk ja hedhen dot asaj administrate e di mire ti e shoket e tu. Faleminderit






Dërguar nga Labi Vlore më 08-10-2011 në 20:46

Zoteria me pseudonimin."Per c'fare te vertete e ke fjalen"dyshon se perse ambasadori uidhers nuk ka thene asgje per 20% e Rames e te tjera si keto,si per Tan Leprin,Ginet etj.
Ta kthej une pergjigjen.
Sepse ato ajne thjesht shpifje te baces tend Sali.






Dërguar nga Withers Dhe Gramoz Ruci, toronto canada më 08-10-2011 në 20:39

Ndjej krenari qe Rama me se fundi po falenderon nje ambasador Amerikan. Ambasadori Withers shkruan ne kabllot e Wikiliks se Gramoz Ruci eshte perfshire ne vrasje dhe trafiqe.
Ne qofte se Rama e falenderon Withers per te vertetat e Wikiliks, atehere perse mban si kryetar te grupit parlamentar nje vrases dhe trafikant si Gramoz Ruci?!
Besoj se kryetari Rama duhet te jete me i sinqerte me publikun Shqipetar.






Dërguar nga Shaban, Tirane më 08-10-2011 në 20:34

Zoti Rama duhet te largoje z. Ruci si kryetar i Grupit Parlamentar, pasi sipas ketyre kabllogramve atij nuk i lejohet hyrja ne SHBA. Ne te kundert z. Rama ose ben demagogji ose eshte nje lider i dobet qe nuk i duhet shqiperise.






Dërguar nga Per C'fare Te Vertete E Ke Fjalen?, boston ma më 08-10-2011 në 20:29

Zoti Rama meqe more mundimin te falenderosh Withers dhe te ofendosh amabasadorin aktual te Amerikes ketu si qytetar kam disa pyetje per ty.
1. Si eshte e mundur qe Withers nuk shkruan asnje fjale per 20 per qindeshat e Bashkise?
2. Si eshte e mundur qe Withers nuk shkruan asnje fjale per lidhjet e tua me boten e krimit si p.sh Tan Leprat,Ginet dhe Tan Tullaket?
3. Falenderimi yt per Withers a perfshin deklaraten e tija se "Ruci eshte perfshire ne vrasje biznesmenesh"?





--
balkanwebi

.

[DYDRINAS]

Malaj: Krijuam PS në 1991, kur të tjerët bënin pazare


Deputetët e PS-së, Arben Malaj dhe Andis Harasani, vijojnë takimet me intelektualët në qytetin e Vlorës, ku e kanë vënë theksin sërish te kufizimi i pushteteve të tejzgjatura dhe të pakufizuara në pak individë. Malaj, deputet i qarkut të Vlorës, u shpreh gjatë fjalës së tij se zërat kundër në PS nuk kanë qenë dakord për bllokimin e rrugëve dhe djegien e gomave një vit më parë. Sipas tij, reagimi i selisë rozë ishte se për tri ditë, Kryeministri Berisha do të rrëzohej nga pushteti. “Nuk kemi qenë dakord me protestat në urën e Mifolit dhe duke djegur goma. Protestat bëhen në sheshet kryesore, por dhe atëherë jo për këtë qëllim, por për çështje të tjera, ekonomike etj. Kur ne ishim zë kundër në PS, na thoshin ‘rrini urtë se për tri ditë do të rrëzojmë Berishën nga pushteti’. Ndenjëm urtë për të parë se deri ku do të arrinin. Doli ajo që thoshim dhe parashikonim ne zëri ndryshe. Berisha jo që nuk u rrëzua, po mori më shumë”, u shpreh Malaj.
Gjatë bashkëbisedimit me studentë e pedagogë ai u pyet edhe për paktin e ofruar nga Rama për maxhorancën, apo për përjashtimin e mundshëm të tij dhe një grupi deputetësh nga kongresi i Partisë Socialiste që do të mbahet në nëntor. I pyetur nëse do të krijojë një parti të re, ish-ministri i socialistëve u shpreh: “Unë e kam krijuar një parti të re në ’91-shin. Atëherë kur të tjerët strukeshin dhe bënin pazare, krijuam Partinë Socialiste. Ajo që ne kërkojmë është që PS të mos radikalizohet. Kjo është edhe strategjia jonë. Ne nuk kemi bërë qëndrime populiste, por kemi thënë atë që ju e keni të qartë. PS nuk duhet të qeverisë me modelin Berisha. PS ka qenë forca më demokratike në Shqipëri. Nuk jemi angazhuar për një parti të re, por për të bërë një cilësi të re në PS. Nëse disa mendojnë se janë pronarë të PS, ata janë pronarë të një karrigeje. Dështimet e PS-së kanë bërë që partia tjetër të rrijë gjatë në pushtet dhe, sa më gjatë të qëndrojë, aq më arrogante bëhet ajo. Të mos merret, kontrollohet edhe keqpërdoret PS”. Sa u përket politikave të brendshme të Partisë Socialiste, Malaj tha se Kryeministri Berisha duhet të mundet me avantazhet që ka PS. Sipas tij, selia rozë nuk duhet të ketë aleatë për karrige apo për të mbijetuar, teksa shtoi se në vitin 2013, që Berisha të ikë nga skena politike, duhet të ketë më shumë demokraci brenda vetë PS-së. I pyetur se çfarë qëndrimi do të mbajnë deputetët nëse do të përjashtohen nga kongresi, Malaj tha se “ne kemi deklaruar që përgjegjësia jonë është ndaj Partisë Socialiste, jo ndaj individëve të caktuar. Ne do të protestojmë për gjithçka që bie ndesh me interesat e vendit tonë, por nuk duhet të kalojmë në veprime radikale. Nuk ka nevojë në Shqipëri të bësh opozitë me bojkot. Nuk kemi frikë nëse do na përjashtojnë, apo do të ishim jashtë forumeve politike”. Sa i përket paktit të propozuar nga kreu i PS-së për maxhorancën, Malaj tha se “tashmë është krijuar mundësia që edhe ne të konsiderohemi pjesë e përgjegjësisë që pse të mos jemi kandidat. Sigurisht që qëndrimi kategorik i maxhorancës nuk mirëkuptohet as nga ne, por në këto kushte, palët duhet të ulen. Nuk jemi aq naivë të kuptojmë që kur kanë dashur dy politikanët janë ulur, ndërsa tani për ngërçin nuk pranojnë”.

Harasani: Ne, fajtorë që po qeveris Berisha-Meta

Deputeti socialist, Andis Harasani, në fjalën e tij tha: “Tema madhore që shqetëson Shqipërinë në këto vite është se kemi 20 vite tranzicion që mbahemi peng nga dy parti që nuk kanë demokraci të brendshme. Fajtorë që Shqipëria qeveriset nga Berisha-Meta jemi vetëm ne, Partia Socialiste. PS të mos bëhet OJQ, që herë bojkoton, herë hyn në grevë urie. Bojkoti duhet hequr si praktikë, Parlamenti është fusha e betejës”.

QEMAL BIRAKU

panorama

[DYDRINAS]

Partia e re, Malaj takon Fatos Nanon

14 Tetor 2011

Malaj dhe Nano

Anëtari i Kryesisë socialiste, Arben Malaj dhe ish-kreu i PS, Fatos Nano, kanë qenë dje në një drekë miqësore mes tyre. Dreka është zhvilluar te vila “Alejandro”, pranë Ambasadës Amerikane, ndërsa restoranti nuk ka pasur shumë njerëz në atë kohë. Asnjëri prej bashkëbiseduesve nuk dha dje detaje rreth temave të zhvilluara, por si politikanë, kuptohet që në qendër ka qenë situata politike në vend. Kjo situatë vazhdon, edhe pse u krijua përshtypja që me hyrjen e deputetëve socialistë në Parlament, do të niste puna për miratimin e ligjeve të bllokuara prej shumë kohësh dhe përmbushjen e prioritete të BE-së. Si dy socialistë të vjetër, në qendër të bisedës ka qenë dhe situata e brendshme në Partinë socialiste, e cila, në këtë periudhë ndodhet në proces zgjedhor të të gjitha strukturave, me përjashtim të kryetarit të saj, Edi Rama dhe krerëve të rretheve që u zgjodhën një vit më parë. Dreka mes dy figurave të njohura të së majtës, ish-kryeministrit dhe ish-ministrit të Financave, u zhvillua dhe një ditë pas dorëzimit nga Komisioni Europian i progres-raportit të Shqipërisë dhe mosrealizimit të 12 prioriteteve për të marrë ftesën e vendit kandidat. Rrëzimi i Shqipërisë për herë të dytë nga Komisioni Europian për integrimin e vendit për në BE, e shprehur në progres-raport, bën përgjegjëse klasën politike shqiptare dhe krizën politike në dy vitet e fundit. Kjo duket se ka shqetësuar dy politikanët, të cilët e kanë vënë këtë çështje në qendër të bisedës së tyre. Por, situata e brendshme në PS duhet të ketë qenë kryetema e bisedës së tyre, pasi ajo është bërë dhe shkaku i nisjes së turit të bashkëbisedimeve të Arben Malajt në qytete kryesore të vendit me të rinj dhe të socialistë. Në platformën e tij të paraqitur para të rinjve, Malaj kërkon hapjen e PS, modernizimin e saj, ndarjen e mandateve të të zgjedhurve të socialistëve dhe kufizimin e mandateve të kryetarëve qendrorë dhe lokalë të saj. Platforma e Malajt, e cila është pritur pozitivisht në bazën socialiste, është vlerësuar dhe nga faktori ndërkombëtar në Tiranë, të cilët janë njohur me të disa javë më parë. Platforma është parë si kyçi i hapjes së partive politike që do të çojë në rritjen e demokracisë së tyre. Por, zgjedhjet në PS, përzgjedhjet e delegatëve të kongresit, për të cilët Malaj është shprehur në takimin e fundit në Vlorë se do të miratohen në Kryesinë e PS, duket se ka sjellë shqetësim për një frymë centralizuese në PS dhe pushtetin e të gjithë partisë në duart e kryetarit. Në një intervistë për një media, Malaj la të hapur krijimin e një partie të re nëse situata në PS bëhet përjashtuese dhe mbytëse. “Opsioni i parë duhet të jetë një funksionim sa më demokratik i PS-së, ku hapësirat dhe mundësitë rriten, ku vlerësimi vjen nga meritokracia dhe jo klientelizmi. Kjo është mundësia më e mirë jo vetëm për PS-në, por nëse zhvillimet e ardhshme nuk do të jenë pozitive, ajo nuk mbetet mundësia e vetme. Thelbi i bashkëbisedimit dhe angazhimit tim nuk është ndarja e PS-së, por modernizimi i saj”, është shprehur Malaj në intervistën e tij.

Takimet

Anëtari i Kryesisë socialiste, deputeti Arben Malaj, ka disa javë që po zhvillon takime në qytetet kryesore të vendit, për të paraqitur platformën e tij për modernizimin e partive politike shqiptare, e kryesisht të Partisë Socialiste. Në takimet e tij, ku kanë marrë pjesë kryesisht të rinj, Malaj ka kërkuar hapjen e PS-së, ndarjen e mandateve të të zgjedhurve socialistë, por dhe kufizimin e mandateve të kryetarit të PSSH.

ARISTIR LUMEZI

panorama

[DYDRINAS]

Malaj, debat në Kombinat

22/10/2011 00:15


Në përfundim të turit nëpër Shqipëri, nga ku deputeti socialist Arben Malaj ka prezantuar platformën për modernizimin e PS, mbrëmjen e së premtes i shoqëruar edhe nga deputeti Andis Harasani, ata janë takuar me banorë të Kombinatit në Tiranë.

Sikurse edhe në takimet e tjera deputeti Malaj ka kritikuar lidershipin e PS për mënyrën e drejtimit të kësaj partie dhe për nevojën, sic tha Malaj, të reformimit të partisë në bazë të meritokracisë e jo të influencave negative të biznesit.

“Është e pafalshme që Partia Socialiste të jetë e vonuar në krijimin e modelit pozitiv. Aq sa në lidershipin e kesaj partie shohim që ka humbur guximi për të debatuar, për të bërë mirë në këtë vend, aq sa u arrit që bashkë me Partinë Demokratike të bëheshin rreth 130 deputetë, që ndryshonin kushetutën e tyre dhe t’i jepnin pushtet absolut Sali Berishës si Kryministër i vendit dhe Edi Rama të merrte pushtet absolut në Partinë Socialiste, me sistemin e listave të mbyllura. Për çfarë u shërbeu ky unitet dhe bensikëri shqiptarëve? Pse pikërisht një vit e gjysmë që pasi e ndryshuam me aq shumë solidaritet sot themi që kemi bërë gabim? A mund t’i lejohet një lideri politik që thjesht të gjej kompromisat e rastit që e lejojnë ta kontrollojë më mirë partinë e tij dhe kur ajo nuk e çon në një fitore politike të kujtohet që paska bërë një gabim?”, u shpreh deputeti i PS, Arben Malaj.

Në momentin kur pjesëmarrësit kanë nisur t’i drejtojnë pyetje dy deputëve disa prej të pranishmëve kanë shprehur shqetësimin me pretendimin se në sallë ndodheshin simpatizantë të LSI-së dhe PD.

Përballë situatës së krijuar deputetët Malaj dhe Harasani kanë preferuar ta ndërpresin takimin në mënyrë që situata mos të përshkallëzohej.

Jashtë ambienteve të sallës u vunë re tentativa për përplasje mes grupe të pranishmëve në sallë, por prezenca e menjëhershme e forcave të policisë ka shmangur incidentet.

top-channel

[DYDRINAS]

Kreu i PS së Vlorës bashkohet me LSI: Rama drejton pa pyetur

Politike e Shtunë, Tetor 22nd, 2011

Ish-kryetari i PS-së së rrethit të Vlorës, Kujtim Sulçe

Kryetari i PS-së së rrethit të Vlorës, Kujtim Sulçe, u largua dje nga kjo parti për t’iu bashkuar LSI-së. Shkak i këtij vendimi, sipas Sulçes, është mënyra se si Edi Rama po drejton PS në mënyrë të personalizuar dhe pa u konsultuar me strukturat e PS të zgjedhura. “Në këto vite që Partia Socialiste drejtohet nga z. Rama, mund të deklaroj prerazi që demokracia në parti nuk ekziston, që strukturat partiake nuk funksionojnë, që mendimi kolegjial nuk merret në konsideratë, që vendimmarrja për të gjitha problemet bëhet nga një njeri dhe ky është z. Rama. Për ta bërë më konkrete, po ju jap disa shembuj. E para, Kryesia e Partisë Socialiste të Shqipërisë nuk funksionon prej shumë kohësh dhe vendimmarrja në emër të saj bëhet nga kryetari. E dyta, përzgjedhja e kandidaturave për kryetar bashkie e komunash nuk u bë nga strukturat e partisë, por nga kryetari dhe deputetët e zonave. E treta, në një vit e gjysmë që unë jam kryetar i partisë për rrethin, z. Rama nuk ka ardhur asnjëherë në selinë e Partisë Socialiste, nuk më ka marrë asnjëherë në telefon, dhe kjo situatë është e njëjtë për të gjitha rrethet. E katërta, punët e partisë z. Rama i bën me të zgjedhurit vendorë. Ata janë të deleguar në fushata partie. Ata caktojnë delegatët e kongresit. Madje kanë arritur deri aty sa të caktojnë edhe kryetarin e partisë, të bashkisë apo komunës”, u shpreh Sulçe dje përmes një deklarate për mediat. Ai tha se “deklaron dorëheqjen nga të gjitha funksionet që mban në Partinë Socialiste dhe largimin e tij nga radhët e kësaj force politike, pasi “e shikoj të pamundur për të vazhduar punë normale dhe kjo për shkak të drejtimit personal të Partisë nga z. Rama. Dorëheqja nga partia nuk ka qenë e lehtë”. Sulçe deklaroi bashkimin e tij me LSI-në. “E zgjodha këtë parti për të vazhduar politikën si një parti e re progresiste e majtë, një parti që mbron idealet e luftës Antifashiste Nacional-Çlirimtare, një parti që lufton për integrimin e Shqipërisë në BE, për të dhënë dhe unë ndihmesën time modeste në politikë”, u shpreh Sulçe.
Dje, deputeti i qarkut të Vlorës, Fatmir Toçi, reagoi ndaj dorëheqjes së kreut të PS së rrethit Vlorë duke e quajtur “një shitje të shëmtuar dinjiteti”. “Kujtim Sulçe, akoma i turbulluar nga oferta zhburrëruese e atyre që e shohin politikën si merkato dhe si fushë interesash e përfitimesh të paskrupullta, nuk e ka kuptuar akoma se ç’ka humbur. Ka humbur dinjitetin dhe personalitetin e njeriut, ka humbur shokët e vërtetë dhe miqësitë e sinqerta, ka humbur dashurinë dhe simpatinë e vlonjatëve të zhgënjyer prej tij. Dhe përse? Për një vend pune dhe përfitime të tjera. Si mik i tij ia kam thënë dhe ia them përsëri: nuk shitet dinjiteti dhe ideali me para”, shprehet Toçi në një deklaratë të shpërndarë për mediat.

ARISTIR LUMEZI

panorama

[DYDRINAS]

Zgjedhjet ne PS, Rama kundër Malajt: S’di ç’të bëjë me lirinë

23 Tetor 2011

Kreu i PS reagon pas kritikave të deputetëve, Malaj dhe Harasani

Kryesocialisti Rama u është përgjigjur dje pretendimeve të deputetëve socialistë se në PS mungon liria. Rama e ka konsideruar procesin e votimit të djeshëm demokratik, ndërsa ka hedhur poshtë çdo pretendim për mungesë lirie dhe demokracie në Partinë Socialiste. “Teksa PS voton demokratikisht Kongresin, një fjalë për ata që thonë s’ka liri në PS: Kush s’di ç‘të bëjë me lirinë, ankohet nga mungesa e saj”, shprehet Rama në një koment të tij në rrjetin social “Twitter”. Është hera e parë që kryesocialisti reagon ndaj akuzave të ngritura ndaj tij përmes deklaratave dhe takimeve me anëtarë dhe simpatizantë. Zërat për ngushtim lirie dhe mungesë kolegjialiteti në vendimmarrje kanë ardhur duke u rritur në PS.
Dy ditë më parë, ish-kryetari i PS-së së rrethit Vlorë, Kujtim Sulçe, dha dorëheqjen dhe iu bashkëngjit LSI-së, pasi sipas tij, “Edi Rama nuk pyet më partinë, por vendos çdo gjë personalisht”. Malaj, përmes një platforme ka kërkuar modernizimin, hapjen e Partisë Socialiste dhe sanksionimin e disa rregullave të qarta që lejojnë një vlerësim sipas meritokracisë, dhe jo servilizmit në këtë parti. “Në Partisë Socialiste po të njihen dhe respektohen më mirë të gjitha kontributet e çdo socialisti dhe mbështetësi të PS-së, do të inspirohen më mirë të rinjtë dhe gratë, do të dëgjohen më shumë grupet e interesit, do të bëhet një opozitë e qartë politike kundër keqqeverisjes së vendit, do të kemi votat e mjaftueshme për të fituar dhe për ta qeverisur sa më mirë vendin tonë”, u shpreh Malaj dy ditë më parë në një takim në Kombinat.

Braçe: Në PS njerëzit zgjedhin dhe zgjidhen lirisht

Deputeti socialist, Erjon Braçe, ka replikuar dje në faqen e tij në rrjetin social “Facebook” me anëtaren e Asamblesë Kombëtare, Silva Bino, rreth cilësisë demokratike të zgjedhjeve të djeshme në PS. Erjon Braçe, i deleguar në Berat për zgjedhjet për delegatë të Kongresit, ka shprehur në statusin e tij se demokracia në zgjedhje që mbisundon në PS nuk ka të krahasuar me partitë e tjera. “Vota e anëtarësisë është ajo që bën diferencën mes partive. Që i dallon dhe i ndan në: parti demokratike-institucionale dhe parti private-individuale. Deri tani, në Berat, nga qyteti në çdo komunë kam parë qindra socialistë që votojnë lirisht, paqësisht, zgjedhin dhe zgjidhen! Kjo është Partia më e madhe në vend, më demokratikja! Partia e socialistëve, jo ndërmarrja private e Saliut, Ilirit, Fatmirit etj!”, shprehet Braçe në statusin e tij. Komentues të ndryshëm ndajnë të njëjtin mendim me deputetin socialist, por kanë dhe mendime të tjera. Anëtarja e Asamblesë Kombëtare socialiste, Silva Bino, shpreh rezervat e saj për një proces jotransparent, që sipas saj nuk ka dallim nga zgjedhjet në PD. “Erjon, vetëm proces transparent nuk është, prandaj më mirë mos flisni fare, pasi nuk ka asnjë dallim nga zgjedhjet në PD. Jam thellësisht e zhgënjyer, votat vidhen kur votojmë për zgjedhje, këtu na thuhet të votojmë për ata që duan të tjerët e nuk dihet si shkon vota? Kështu që, Erjon, më mirë të rrimë shoqëri civile dhe të mos votojmë më asnjë parti”, shprehet në komentin e saj përfaqësuesja e Asamblesë Kombëtare socialiste duke kundërshtuar Braçen.
Bino, në një nga mbledhjet e Asamblesë Kombëtare socialiste, është zgjedhur kryetare e Komisionit për Punën, Çështjet Sociale dhe Shëndetësinë, komision që nuk ka raportuar ndonjëherë për punën që ka bërë. Por, në replikat e Braçes dhe Binos në Facebook është bërë pjesë dhe deputetja socialiste e Tiranës, Ledi Shamku, e cila i kujton Binos se çështjen e transparencës e ka perceptim të gabuar. “Silva, u bënë ca vjet që nuk të shoh në një mbledhje partie në njësinë tënde. Ndoshta këtë idenë për mungesën e transparencës e ke prej së largu, se me partinë e njësisë nuk je marrë asnjë ditë”, i përgjigjet Shamku anëtares së Asamblesë Kombëtare. Nga ana e saj, Bino nuk ka vazhduar replikat me deputetët socialistë, ndërsa Erjon Braçe ka vijuar bashkëbisedimin me miqtë e tij duke i kërkuar të bëhen pjesë e procesit nëse besojnë tek PS. “As mos prisni t’u përjashtojë kush. Por dhe mos prisni t’ju marrë njeri për dore. Partia është e militantëve, ndaj silluni si të tillë. Nga dje sot kam parë, pritur, dëgjuar e sqaruar dhjetëra të interesuar. Pra që kanë interes, që angazhohen dhe kërkojnë edhe në parti atë që u takon. Pra angazhohen, nuk pritën të shkoj e t’u bëj temena unë”, shprehet Braçe në faqen e tij në Facebook.

Harasani: “Parti e re? Çdo opsion është i mundshëm”

Deputeti socialist, Andis Harasani, denoncoi dje problemet që janë vërejtur në zgjedhjet për delegat në PS. “Të gjitha problemet për ato që kanë ndodhur, kam folur me miq në Vlorë, Lezhë, Shkodër, Kukës, Rrëshen, janë fenomene negative që e dëmtojnë PS si forcë demokratike”, u shpreh sekretari për Programin në PS gjatë një prononcimi për mediat. I pyetur nëse i konfirmon zërat se Arben Malaj është në prag të formimit të një partie të re dhe nëse Harasani do ta ndjekë në këtë lëvizje, deputeti socialist theksoi se do të vazhdojë përpjekjen për modernizimin e Partisë Socialiste. “Çdo opsion është i mundshëm, por ne kemi disa vite që luftojmë për demokratizimin e PS dhe sot jemi shumë më pranë këtij demokratizimi se 3 vjet më parë dhe nuk shoh arsyet se pse duhet të krijohet një parti e re dhe pasojat e një përçarjeje të re të PS do të ishin shumë evidente për të gjithë”, u shpreh deputeti socialist. Harasani tha dje se askush nuk është i përjetshëm në një post. “PS është godina ndërsa njerëzit shkojnë e vijnë, çdokush e kupton pse ne nuk kemi fituar votat që kemi menduar, pse nuk mund të vijmë në pushtet, problemi është si do arrijmë t’i marrim këto vota, jo duke bërë struktura policore në PS, por duke i kërkuar çdo qytetari shqiptar votën përmes një alternative që sot i mungon”, u shpreh deputeti socialist i Tiranës.

Platforma “Malaj” për modernizimin e PS

Anëtari i Kryesisë socialiste, Arben Malaj, përmes një platforme, kërkon modernizimin e PS. “Zgjerimi i demokracisë së drejtpërdrejtë, funksionimi dhe drejtimi i partive mbi parime institucionale”, janë parimet kryesore për deputetin socialist, mbi të cilat duhet të ndërtohet një parti. Por, anëtari i Kryesisë socialiste, duke evidentuar defektet në drejtimin e PS-së, kërkon kufizim të mandatit të drejtuesit të saj, duke e mbrojtur pozicionin drejtues të tij nga personalizimi dhe injorimi i institucioneve.

Kreu i PS-së së Vlorës u bashkua me LSI

Kryetari i PS-së së rrethit të Vlorës, Kujtim Sulçe, u largua të premten nga kjo parti për t’iu bashkuar LSI-së. Shkak i këtij vendimi, sipas Sulçes, është mënyra se si Edi Rama po drejton PS në mënyrë të personalizuar dhe pa u konsultuar me strukturat e PS të zgjedhura. “Në këto vite që Partia Socialiste drejtohet nga z. Rama, mund të deklaroj prerazi që demokracia në parti nuk ekziston, që strukturat partiake nuk funksionojnë, që mendimi kolegjial nuk merret në konsideratë, që vendimmarrja për të gjitha problemet bëhet nga një njeri dhe ky është z. Rama”, u shpreh Sulçe.

Ish-kreu i Lezhës: “Më kanë përjashtuar nga lista”

Ish-kreu i Partisë Socialiste në Lezhë, Ndoc Lleshi, nuk është lejuar që të votojë për delegatët që do të përfaqësojnë Lezhën në Kongresin e nëntorit. Pasi ka mësuar se nuk ishte pjesë e listave të anëtarëve në votim, Lleshi ka deklaruar se kjo është një filozofi që investohet nga drejtuesit e Partisë Socialiste në qendër dhe është një farsë e radhës e Partisë Socialiste.
Menjëherë ka reaguar deputeti socialist Gjovalin Kadeli, sipas të cilit, “deklarata të tilla janë individuale, dhe jo në emër të Partisë Socialiste, ndërsa ka deklaruar se nuk ka pasur largime, por vetëlargime nga radhët e PS–së në Lezhë. Ndoc Lleshi është larguar para votimeve për zgjedhjet vendore, ku ai nuk ka qenë as pjesë e stafit të PS–së në mbështetje të kandidatit Gjok Jaku, por ka qenë mbështetës i kryebashkiakut aktual Viktor Tusha, që përfaqësonte LSI–në”.

ARISTIR LUMEZI

panorama

[DYDRINAS]

Malaj: Ka liri vetëm për kryetarin

24 Tetor 2011

Anëtari i Kryesisë socialiste, Arben Malaj, iu përgjigj dje reagimit të Edi Ramës rreth lirisë në PS. Përmes faqes së tij në rrjetin social Facebook, Malaj shprehet se “Frika nga liria e shprehjes, kjo e drejtë universale e shoqërive demokratike, është frika nga dështimet personale”. “Kufizimi i lirisë së shprehjes përmes prishjes së takimeve të lira me anëtarë e simpatizantë janë një dëshmi publike e mentaliteteve të frikshme të lidershipit. Ndryshimi i Kushtetutës pa kurrfarë transparence publike dhe debati politik nuk ka asnjë lidhje me lirinë, por është një përpjekje e rrezikshme për instalimin e partitokracisë dhe lobingjeve të biznesit të lidhura me lidershipin, shenjë e frikës së lidershipit politik aktual nga mendimi ndryshe dhe ekspertiza profesionale”, shprehjet Malaj.
Teksa ka komentuar procesin zgjedhor për delegatët e Kongresit ditën e shtunë, Edi Rama ka hedhur poshtë çdo pretendim për mungesë lirie dhe demokracie në Partinë Socialiste. “Teksa PS voton demokratikisht Kongresin, një fjalë për ata që thonë s’ka liri në PS: “Kush s’di ç‘të bëjë me lirinë, ankohet nga mungesa e saj”, shprehet Rama në një koment të tij në rrjetin social “Twitter”. Në reagimin e tij, Malaj shprehet se mungesa e lirisë shfaqet kudo në PS. “Sistemi elektoral me lista të mbyllura, që erdhi si rezultat i marrëveshjes okulte për ndryshimet kushtetuese, nuk çoi në shprehjen e vullnetit të lirë të votuesve, por rriti lirinë e pakontrolluar të kryetarëve për të abuzuar me vullnetin dhe interesat e qytetarëve. Mosfunksionimi institucional, paraliza totale e forumeve partiake nuk zgjeron liritë e anëtarëve të tyre, por shton risqet për dështime të përsëritura të lidershipit në dëm të interesave themelorë të tyre”, vijon Malaj. Sipas tij, shpërdorimi me lirinë ka sjellë pasoja të rënda për vendin. “Klasa politike dështoi në përpjekjet për integrim në Europën e bashkuar të lirive themelore pa kufij, jo sepse në Shqipëri liria qenka me tepricë për shkak të kryetarëve, por sepse kryetarët ndihen pronarë me të drejta të pakufizuara mbi lirinë e qytetarit dhe aspak si menaxherë të përkohshëm të deleguar të fateve të vendit”, shprehet Malaj.
Sipas tij “E keqja e një shoqërie nuk qëndron tek njerëzit e këqij që aksidentalisht mund të dalin edhe në krye për një periudhë kohe të caktuar, por te mirëbesimi pa kufi e heshtja e njerëzve të mirë, kjo aksiomë filozofike ka shumë vlerë sidomos për të ardhmen europiane të shqiptarëve”.

panorama

[DYDRINAS]

Mbledhja, PD merr kreun e qarkut të Vlorës

Anesti Dhimojani është zgjedhur në postin e kreut të qarkut të Vlorës. Me një diferencë prej 15 votash, kandidati i Partisë Demokratike, është zgjedhur në krye të qarkut pas mbledhjes së tensionuar që i parapriu votimit.

Edhe pse pas 8 majit pati një ndarje mandatesh 36 me 23 në favor të Aleancës për të Ardhmen, ndryshimi i konfigurimit, por edhe tensioni që u ndie mes përfaqësuesve të të dy kaheve, mbajti pezull rezultatin përfundimtar.

Mbledhja e parë e këshillit të qarkut është drejtuar nga kryebashkiaku Gjika, i cili nuk ka lejuar madje të ndërhyjë edhe zv.ministrin e Brendshëm, Pone. “Këtu drejtoj unë”- i është përgjigjur menjëherë Gjika, tentativës së zv ministrit për të sqaruar një proccedurë.

Kryebashkiaku i Vlorës gjithashtu ka kërkuar ndryshimin e fletëve të votimit, të cilat ishin përgatitur më parë nga përfaqësues të djathtë, duke kërkuar që të evitohej çdo manipulim i mundshëm dhe votimi të ishte i lirë e i fshehtë.

59 anëtarët e këshillit të qarkut Vlorë votuan për kreun e qarkut emrat e Brunilda Mersinit, kandidate e PS, si dhe Anesti Dhimojanit, kandiat i PD.

Anila Peçi



19 Komente

Alpini 24/10/2011 14:05

po vertetohen llafet e edvinit qe saliu do te humbase edhe ne fshatra.ashtu po del por po merr kryesin e qarqevet.shpresojme edhe ne vlore,mbasi aty kane mbetur fare pak qe e duan ps.Alpini

mira 24/10/2011 16:53

Komenti u fshi nga moderatori per arsye etike.

Alpini 24/10/2011 17:36

Mira.,./,.,diference e madhe ,mos u merzit.meso shqip ka thene presidenti.

alban 24/10/2011 14:06

Shpetim Gjika e nderon Vloren jo si langaraq sulce !

vlonjatja 24/10/2011 18:37

Ata kane humbur me me shume se 5 vota!! Keshtu qe nuk eshte Sulcja qe ua ka bere, por ato aleancat e mbaruara te PS!!!!

Otoni 24/10/2011 14:41

Shpetim Gjika sot per sot mbetet nje nga personalitetet e nderuara te se majtes. Sa mire do te qe sikur Shqiperia (nuk them thjesht e majta) te kishte disa Shpetim Gjiker!
Ju uroj shendet dhe te tjera kontribute ne dobi te popullit, i madhi Shpetim Gjika!

Kaltra 24/10/2011 18:36

Na u be Shpetim Gjika si Hysni Kapua ne kohe!! Vlra nuk eshte Terbaci!!!Kush ai mor Oton?? Eshte nje hajdut dhe imoral qe nuk ka kandar qe e ngre!! Por sot jo qe nuk i kaloi miu nen mustaqe, por i kaloi nje elefant( sepse kishte deklaruar shume i lumtur qe nuk i kalon miu nen mustaqe)Turp per PS qe mban njerez te tille si Shpetim hajduti!!!

DINOS7 24/10/2011 15:09

shyqyr qe nje GREK si ANESTI po behet kryetar qarku,tani presim edhe AUTONOMI lokale.Urime DHASKALE.

opozitari 24/10/2011 15:18

O aiban! Shpetimi eshte mafjoz, futi lekun ne PS prandaj e humbi qarkun

Henri 24/10/2011 18:43

ke sh te drejte !!!ishte nje mesim i mire qe mori.

himarjoti 24/10/2011 15:36

Ku e njeh Nestin ti o Dinost, eshte i vetmi demokrat ne Himare qe su be asnjehere me PDNJ dhe me nje figure te paster morale, per njerez si ky ka nevoje vendi dhe jo si mafia e Terbacit qe e beri Vloten camur

Sportisti 24/10/2011 18:13

O zoti himariot, d.m.th. krutan i greqizuar, po na trego njehere o derezi kush jane camet qe ka perkrahur Peta? Ti do jesh ndonje derdimen qe nuk e ka haberin e Vlores sepse do ta dije qe ne bashkine e Vlores nuk ka punuar qofte nje person me origjine came qe prej te pakten viti 97′.

vlonjat 24/10/2011 15:41

Legenat dhe Sahanelepiresat e Partise Socialiste te Vlores u shiten edhe kesaj rradhe si gjinje! Bravo PS e Vlores mban ne gjirin e saj njeres te tille, pa dinjitet! Mos valle eshte pa dinjitet dhe PS e Vlores, me sa duket PO!

vlora 59 24/10/2011 16:53

Vlora e ka kuptuar se me Shpetim Gjiken ka bere gabimin me te madh. Tani qytetaria mundohet te rregulloje sadopak poziten e Vlores ne rang Republike.

tani 24/10/2011 16:56

Per nje grua u be kurban edhe qarku i Vlores ,por a ja vlejti qe kjo doktoreshe te bente qe qytetaret e Vlores dhe gjithe qarku i Vlores te humbase drejtimin megjithese ishte ne shumice ne zgjedhjet e 8 majit ,JO per te vetemen arsye sepse kjo doktoreshe qe kerkon nje poste publik nuk e meriton kete dhe beri cmos qe e dhe socialistet te hmbasin ,Brunilda e ardhur nga Fieri dhe nuk kam asgje per punen qe ajo ushtron Doktoreshe por kur kerkon ma kaq insistim nje post pubulik dhe qe eshte e gateshem te beje te ik dhe kryetari i PS tek LSI per kete gje eshte e pa pranueshem sepse kur kerkon nje post publik duhet te jeshe e paster edhe kete ajo se ka kushe eshte Brunilda Mersin
Brunilda Nallbani ,me te shumtit e familjes se saj i ka ne burg per trafikim droge dhe vrasje dhe organizimte bandave te armatosura vellain e ka ne burg per trafik droge aktualisht ne burgjet shqipetare ,kushurinjte e pare Aldo Baren kriminel i akuzuar per nje ser vrasjesh dhe trafik droge ne burgjet shqipetare si dhe nje kushuri tjetr te saji po per keto akuza
A ja vlen qe socialistet e Vlores e te qarkut te benin kurban postin e Kryetarit te Qarkut te Vlores numerikisht te fituar per kete doktoreshe
Jo
dhe PD mesa shoh nuk e la kete rast ti ikte
Urime atyre socialisteve qe i dhuruan Qarkun PD-LSI sepse nuk e meritonin me kete kandidature

Anila 24/10/2011 18:42

Bruna do te ndante buxhetin e qarkut me Shpetim mustaqemiun dhe Edi Ramen. Prandaj e beri kurban Edi Rama qarkun dhe ua dha PD-LSI. Edi do hajdut dhe kriminel ne partine e tij nuk do njerez te ndershem. Dhe tani si mafioze pagujne njerez per te shkruar komente te ndyra qe te denigrojne figura te njerezve te ndershem!! PS e Vlores mori ate qe meritonte!!!

Henri 24/10/2011 18:48

Eshte nje nga komentet me te bukura dhe realist,te pergezoj.Jane te verteta te gjitha keto qe the nga A deri ke Zh.Te pergezoj…..Henri

Alpini 24/10/2011 17:34

VLORA po i njeh se kush jane komunistet.
jepi Vlora te lumte dora per ato vota.
ne komentin e meparshem une Alpini shpresoja,une shpresoj per me shume por te mbahet njehere kongresi i PPSH,me 5 nendor

Henri 24/10/2011 18:52

hahahahahhahahhahaha urime ta gezoni Qarkun,Bruna precedent penali,kushurira e pare e Aldo Bares,Bruna e teser PD deri ne 2009,Bruna pa as nje lloj kontributi ne PS dhe Bruna tatuazhi,Elkar Deda dhe Shpetim mustaqe percja hahhahaahahahahahhahahahahahahahahah


shekulli

[medaur]

Sali Berisha e mprehu shpaten
dhe nje here o per situaten......u pika ne koke ty,shpirtit tend ,Oneginit tend..