Sulm terrorist ne Norvegji

[Vidasusi]

Kjo po se po eshte e palogjikshme. Por edhe me e pa logjikshme eshte se si eshte e mundur qe ne nje shtet perendimor dhe te zhvilluar e te pasur si Norvegjia dikush mund te terrorizoje per nje ore pa e penguar askush. Dhe nuk eshte 10 minuta, 20 minuta apo 30 minuta, por per nje ore e me shume dhe perseri nuk ndodhe ne nje shtet afrikan kjo, apo ne nje shtet te prapambetur. Blen material te ndertoje bombe te fuqishme, policia nuk e pyet se pse i duhet ai material, apo ta veje nen vezhgim nje person qe blen materie te rrezikshme. Po ta qiste ate bombe ne nje miting te kesaj partie se paku nja 300 veta do te vdisnin. 700 veta merrnin pjese ne ate kamp, s'kishte sigurim, s'kishte polici, aq me keq ky i kishte armet me leje. Dhe perseri nuk eshte ne pyetje nje pistolete, me te ndoshta do te mund te vriste 30 veta, por ky ka pas leje te mbaje automatik. Thuhet se ky eshte ndalur te vrase njerez vet se ka mundur te vrase edhe me shume. Nese nje islamik thote se po vret armiqte e Allahut duke u mbeshtetur ne fene islame e cila qartazi therret per terrorizem per te thuhet se nuk ka te beje me fene islame, nese nje person thote se eshte krishter dhe del vret njerez duke thyer ligjet e besimit krishter ai konsiderohet i krishter. Asgje s'kuptohet ketu po te kuptoj.

Nuk të kuptova shumë çka dëshirove të thuash me "islamik... krishter", po sidoqoftë, unë besoj që çdo fe që të ndjekish, po e ndoqe me mendje të shëndosh, të thërret në paqe dhe dashuri. Njerëzit po përdorin religjioni vetëm për ti arsyetuar më lehët veprimet e tyre të smura!

A sa për pjesën pse nuk kishte polici atje, pse nuk u vu në mbikëqyrje... përgjigjëja është e thjeshtë - sepse askush nuk e priste!
Norvegjia është një shtet shumë i qetë. Nuk ndodh që çdo 2 javë të vriten nga 70-80 njerëz! Askush nuk mund ta kishe menduar se mund të ndodh diçka e tillë.
Tani do ta mendojnë - por pasi ndodhi! Si puna e kosit që i fryejm pasi digjemi edhe me qumështin!

[Vidasusi]

e kam gjetjen si te denohet
te ju leshosh ne duar te familjarve te atyre femijeve!

Po atëherë vëtëm që ke bërë edhe 160 vrasës të tjerë (80 fëmijë = 160 prindër).
Nuk është zgjidhje. Në fakt, nuk ka dënim ideal për raste të tilla. Asnjëherë. As edhe vdekja nuk është zgjidhje. Vetëm nësë mund ta vrasin dhe ai të shijoj vdekje 80 herë.

[~Geri~]

Kjo ngjarje ka per tu kthyer ne nje fenomen shume i shpeshte ne europe prej grupimeve ekstremiste krishtere, cifute dhe fashiste, komuniste etj.Eshte nje lloj etje qe kane europianet qe mbas perfundimit te kryqezatave per gjak.

[Anesti_55]

Kjo ngjarje ka per tu kthyer ne nje fenomen shume i shpeshte ne europe prej grupimeve ekstremiste krishtere, cifute dhe fashiste, komuniste etj.Eshte nje lloj etje qe kane europianet qe mbas perfundimit te kryqezatave per gjak.

Po e marrim si te vertete, por nuk na the se ti cfar ke mendu? Mos do me shku per lesh arapi?

[fattlumi]

Në rolin e përbindëshit shpëtimtar

nga Enver Robelli

A mund të shpjegohet një ngjarje, të cilën nuk e përthekon as arsyeja e shëndoshë, as logjika njerëzore, as rrethanat politike botërore, sado të errëta qofshin ato? Në shikim të parë krimi masiv i Anders Behring Breivik në Norvegji duket i pakapshëm nga mendja e njeriut racional. Gati 100 njerëz të vrarë, kryesisht të rinj, të cilët po merrnin pjesë në një piknik politik të Partisë Socialdemokrate të Norvegjisë në ishullin Utoya. Bashkë me këto viktima të pafajshme numërohen edhe të vrarët në Oslo, të cilët u goditën së pari nga Anders Behring Breivik; pastaj ai mori rrugën drejt Utoyas. Shpjegimi më i lehtë është ky: Behring Breivik është i çmendur. Nuk është me rëndësi nëse atij i është lëshuar diagnoza përkatëse nga mjeku. Përballë pamjeve të masakrës përfundimi është ky: një i çmendur, i hallakatur në tru, ndoshta edhe i droguar, vret çfarë gjen përpara. Për motivet e kriminelit mund të spekulohet pa hesap. Në luftërat e fundit në Ballkan shpesh kemi parë se si rojtarë hotelesh, shoferë të fermave të pulave, kontabilistë dhe poetë të dështuar janë shndërruar në vrasës dhe përdhunues. Tipa të tillë luftën e shohin si rast të mirë për t’u bërë padron të jetës dhe vdekjes. Kësodore ata, deri dje persona krejt të padukshëm në shoqëri, dalin në sipërfaqe, befas gjenden në qendër të vëmendjes së opinionit botëror, madje japin edhe intervista cinike për gazeta e televizione. Të dalldisur nga madhështia e rrejshme, të cilën e kanë arritur me armë, këta njerëz ushqejnë instinktet më të ulëta.



Terroristi antimysliman



Si qëndron puna me Anders Behring Breivik? Vetëkuptohet se pa një dalldisje mendore ai nuk do të kishte mundur të kryente këtë krim aq monstruoz. Por, çmenduria e supozuar e Breivikut nuk mjafton për të shpjeguar këtë ngjarje. Në bazë të informatave të deritanishme shihet se Breivik e kishte përgatitur sulmin me vetëdije me vite të tëra kundër një armiku, të cilin ai e kishte skicuar vetë. Në një vëllim prej 1500 faqesh ai kishte përmbledhur, sipas tij, të gjitha anomalitë e shoqërive moderne, liberale dhe të hapura perëndimore. Norvegjezin e pengonte ideja e shoqërisë multikulturore, e cila përpiqet t’i integrojë të gjithë të ardhurit nga vendet tjera në një komunitet të barabartë – me të drejta dhe obligime, por edhe me shanse të njëjta. Behring Breivik mendonte se Perëndimi dominohet nga politikanët majtistë, marksistë, komunistë, naivë, të cilët i kanë hapur dyert dhe portat për myslimanët e rrezikshëm dhe pushtues. Në sytë e terroristit norvegjez myslimanët infiltrohen në Perëndim me të vetmin qëllim: të shkatërrojnë krishterimin dhe kulturën oksidentale. Për të shmangur apokalipsin ai e përqafoi rolin e përbindëshit gjoja shpëtimtar. Daniel Poohl, kryeredaktor i gazetës antifashiste suedeze Expo, deklaroi se Breivik është terroristi i parë antimysliman. Për të shpërndarë ideologjinë e tij vrastare ai përdori intensivisht internetin, këtë hapësirë të ndritshme dhe të errët njëkohësisht, ku në thellësitë e anonimitetit gjejnë vend edhe figurat më të pështira njerëzore.



Doracakët pseudofetarë



Nëpër forume interneti të qarqeve ekstreme myslimane nuk fshihet satisfaksioni se, ja, edhe të krishterët kanë njerëz të degjeneruar në mesin e tyre. Madje të tillët nuk sulmojnë, ta zëmë, vendet arabe, por shoqërinë e tyre, bashkëqytetarët e tyre të pafajshëm. Ky lloj refleksioni popullist është tepër bajat për t’u marrë seriozisht. Më i dobishëm për shpjegimin (dhe kurrsesi arsyetimin!) e krimit në dukje të pashpjegueshëm të Breivikut është shikimi retrospektiv. Më 11 shtator do të mbushen 10 vjet nga sulmet e rrjetit terrorist Al-Kaida në New York dhe Washington. Gjatë këtyre viteve rrjeti i njëjtë kriminal, i cili vret në emër të fesë islame, ka lënë gjurmë gjaku në Madrid, Londër dhe gjetiu nëpër botë. Prandaj, është e lejueshme pyetja: a do të shndërrohej Breivik në terrorist antimysliman sikur të mos kishte ndodhur 11 shtatori 2001? Gazeta gjermane “Süddeutsche Zeitung” me të drejtë e krahason veprën prej 1500 faqesh të norvegjezit me një pamflet tjetër: “Doracaku pseudokrishter i Breivikut në shumë paragrafë i përngjan një pamfleti pseudomysliman nga viti 1998, një teksti të vrasësit masiv Osama Bin Laden, ish-prijësit të Al-Kaidës. Aty theksohet se ‘me urdhër të Allahut i njoftojmë të gjithë myslimanët për këtë fetfa (ekspertizë juridike islamike, v.j.): të vriten amerikanët dhe aleatët e tyre civilë dhe ushtarakë – ky është obligim personal për secilin mysliman’. Vrasësi masiv Bin Laden dhe vrasësi i dyshuar masiv Breivik përdornin nocione të njëjta. Historia e kryqëzatave duhej, nga perspektivat e ndryshme, të ofronte shkakun e njëjtë për një luftë mes kulturave”. Së pari shkrimi dhe pastaj krimi e bëjnë terroristin norvegjez antipod të nihilistëve pseudoislamikë.

Ndonëse ende është herët për një analizë shteruese të ngjarjes në Norvegji, me gjasë Anders Behring Breivik është modeli i një fanatiku të krishterë, i cili për çdo gjë i bën përgjegjës myslimanët. Nuk janë vetëm qarqet ekstreme të djathta që e kanë shndërruar në sport stigmatizimin e të gjithë myslimanëve. Të frikësuar nga rreziku i sulmeve terroriste shumë politikanë në Evropë dhe Amerikë i shikojnë myslimanët me mosbesim të skajshëm. Kur politikanë me përgjegjësi të madhe për paqen thonë se ka vdekur ideja e multikulturalizmit, atëherë nuk është fare befasi që persona si Breivik këtë e shohin vetëm si dëshmi se sa e drejtë është lufta e tyre. Breivik si cak sulmi zgjodhi një grumbullim të të rinjve socialdemokratë norvegjezë. Dihet se socialdemokratët në pjesën më të madhe të Evropës janë ideologët kryesorë të bashkëjetesës me të huajt. Shpesh qasja e tyre ka qenë naive, për shembull kur kanë thënë se integrimi në shoqëritë perëndimore duhet të bëhet vetëm mbi baza vullnetare; me vite të tëra socialdemokratët nuk e kanë parë të arsyeshme të ndryshojnë këtë dogmë. Por, në thelb, ideja e bashkëjetesës paqësore mbetet një kontributi i rëndësishëm i të majtës evropiane. Kundër kësaj ideje u revoltua Breivik. Kundër kësaj ideje sot luftojnë djathtistë në shumë vende evropiane. Në kohëra krize mobilizimi kundër të huajve merr përmasa frikësuese. Në Austri, Zvicër, Holandë, Finlandë dhe gjetiu partitë djathtiste po korrin suksese të njëpasnjëshme, sepse po manipulojnë me frikën nga islami. Në këtë optikë islami dhe terrorizmi barazohen arbitrarisht. Breivik duket të jetë pjellë e kësaj atmosfere.



Klithje të këqija



Në punimin e tij prej 1500 faqesh Anders Behring Breivik e përmend Kosovën rreth 100 herë – si shembull të ekspansionit mysliman. Duke shfrytëzuar burime të dyshimta dhe duke cituar autorë propagandistë serbë Breivik i skicon shqiptarët myslimanë si armiq të rrezikshëm të kulturës perëndimore. Në këtë kontekst ai përmend edhe kryeministrin e Kosovës, Hashim Thaçin, dhe politikanin shqiptar nga Maqedonia Fazli Veliun. Doracaku i Breivik mban këtë titull: “2083 – Një deklaratë evropiane e pavarësisë”. Numri i vitit i referohet vitit 1683, kur trupat osmane rrethuan Vjenën, por nuk arritën ta pushtojnë. Krimi i Breivik tregon – sërish – se ku të shpie keqpërdorimi i fesë dhe kulturës si dhe përpjekja për të demonstruar superioritet ndaj etnive, racave apo religjioneve të tjera. Klithjet se “vetëm feja jonë është e vërtetë” nuk janë gjë tjetër përveçse provokime të rrezikshme. Nëse norvegjezi u bë vrasës duke u inspiruar nga kryqëzatat dhe lozhat e masonëve, kosovari Arid Uka u shndërrua në terrorist i joshur nga ideologjia e Bin Ladenit, i cili predikonte dominimin e botës nga islami. Të dy ishin të bindur se gjenden në rrugë të drejtë. Koktejin e tij shpërthyes Breivik e përgatiti duke u takuar me bashkëmendimtarë racistë, mes tjerash ai përmend një takim sekret në Londër në vitin 2002, ku ishte diskutuar për themelimin e një lëvizjeje nacionaliste gjithevropiane të spektrit të djathtë kulturor. Yll i mbrëmjes, sipas tij, kishte qenë një komandant serb, i cili ishte shpallur “hero lufte” pas pjesëmarrjes në luftën qytetare në Liberi. Sipas hetuesve gjermanë Arid Uka u indoktrinua nga aktivistët e islamit politik në Frankfurt dhe nga webfaqet islamike.

Çfarë mund të bëjë shteti për t’i parandaluar këto lloj krimesh? Në fakt, autoritetet e sigurisë e kanë vështirë të depërtojnë në këto tunele ideologjike. Nga rastet e tilla eventualisht mund të nxirret mësimi për kontroll më të rreptë të internetit dhe të aktiviteteve ekstremiste. Arsyeja e shëndoshë nuk arrin t’i shpjegojë këto krime. Shoqëritë racionale ndaj rasteve të tilla reagojnë jo vetëm me ashpërsim të gjendjes së sigurisë, por edhe me logjikë politike, e cila e lufton triumfin e urrejtjes duke u angazhuar për një shoqëri që edukohet vazhdimisht kundër dhunës. Ky mision mund të duket i pamundshëm përballë krimeve si ky në Norvegji. Por, rrugë tjetër nuk ekziston. Shtigjet tjera çojnë në humnerë. Kjo vlen për të gjithë, të krishterë e myslimanë, të bardhë e zezakë.

Kolumna eshte publikuar ne Koha.net

[jarigas]

Në rolin e përbindëshit shpëtimtar

Doracakët pseudofetarë

“Doracaku pseudokrishter i Breivikut në shumë paragrafë i përngjan një pamfleti pseudomysliman nga viti 1998, një teksti të vrasësit masiv Osama Bin Laden, ish-prijësit të Al-Kaidës. Aty theksohet se ‘me urdhër të Allahut i njoftojmë të gjithë myslimanët për këtë fetfa (ekspertizë juridike islamike, v.j.): të vriten amerikanët dhe aleatët e tyre civilë dhe ushtarakë – ky është obligim personal për secilin mysliman’. Vrasësi masiv Bin Laden dhe vrasësi i dyshuar masiv Breivik përdornin nocione të njëjta. Historia e kryqëzatave duhej, nga perspektivat e ndryshme, të ofronte shkakun e njëjtë për një luftë mes kulturave”. Së pari shkrimi dhe pastaj krimi e bëjnë terroristin norvegjez antipod të nihilistëve pseudoislamikë.


Kolumna eshte publikuar ne Koha.net

Nuk eshte plotesisht e vertete......Breivik nuk thote te vrasim myslimanet dhe mbi te gjitha nuk thote se duhet te ngrihen te krishteret!!
Ai niset thjesht nga nje arsyetim nacionalist evropian!!!!

[Korcar-L1]

Kjo ngjarje ka per tu kthyer ne nje fenomen shume i shpeshte ne europe prej grupimeve ekstremiste krishtere, cifute dhe fashiste, komuniste etj.Eshte nje lloj etje qe kane europianet qe mbas perfundimit te kryqezatave per gjak.

Po ti cfare je? aziatik??

ekstremizmi sjell ekstremizem. Dhe kryqezatat qe thua ti, kunderveprim ishin

[mesia4ever]

Kjo ngjarje ka per tu kthyer ne nje fenomen shume i shpeshte ne europe prej grupimeve ekstremiste krishtere, cifute dhe fashiste, komuniste etj.Eshte nje lloj etje qe kane europianet qe mbas perfundimit te kryqezatave per gjak.

Shoku kryqtaret u qitnin haraq njerezve sikur feja jote. Edhe feja jote ju qet haraq te krishtereve, te krishteret duhet me pagu para per me i 'mbrojt' shteti islamik. Me i mbrojt prej kujt?! A din te me pergjigjesh

[mesia4ever]

Po ti cfare je? aziatik??

ekstremizmi sjell ekstremizem. Dhe kryqezatat qe thua ti, kunderveprim ishin

Perse disa media e cilesonin kete Andersin si krishter. Ai kishte edhe fotografi i veshur si mason. Perse nuk thane: nje mason fundamentalist i vrau keta femije, por mediat thane: nje krishter fundamentalist... edhe ne media ka pak njerez te ndershem.

[fattlumi]

Anders Breivik ishte nje proizraelit.Ne "manifestin"e tij nuk e fsheh kete simpati.
Nderkohe me heret partia ne pushtet ne Norvegji kishte shprehur perkrahjen per shtetin Palestinez.
Ne kampin e te rinjeve ne ishullin Utoya te rinjte e partise laburiste ne pushtet mbanin pankarta antiizraelite kohe me pare.



Ja edhe nje video nga David Duke qe e vlereson aktin makaber te Breivik si veper komplet zioniste.