Kombi i shkokëzuar

[Mbinjeriu]

Kombi i shkokëzuar
Nga:Naser Aliu

Vështrim sinoptik: asnjë komb në Europë nuk është shkokëzuar si kombi shqiptar. Po ushtrohet një sakrilegj mbi çdo personalitet, mbi integritetin e tyre dhe mbi veprimtarinë, e cila deri dje vlente si shëmbëlltyrë e kombit. Nuk ka mbetur asnjë vete me rëndësi kombëtare, qoftë historike, qoftë e gjallë, që nuk është kryqëzuar kryq e tërthor. Krejt varet nga interesi, pikëvështrimi, bagazhi ideologjik, grupi, shoqata, apo analisti që e zë ngoje. Për disa vjet demokraci, u shndërruam në komb pa shëmbëlltyra: u shkokëzuam tërësisht! Po shkatërrojmë të kaluarën tonë, po dëmtojmë të tashmen rrjedhimisht po e bëjmë të pasigurt të ardhmen. Asnjë komb në Europë nuk gjallon në një kaos dhe mjegullnajë të tillë.
Nuk ka vend në botë, ku festohet dita e pushtimit. Te ne po! Nuk ka asnjë vend në botë, që dëshiron të ndërtojë komb të ri duke huazuar një fjalë nga gjuha e atij, që i robëroi dhe masakroi. Te ne po! Nuk ka asnjë vend në botë, ku me dëshirë do të rrëzohej përmendorja e themeluesit të kombit dhe vihej e pushtuesit. Te ne po. Madje, mëtojnë edhe ta fshijnë nga librat dhe kujtesa. Madje, dëshirojnë t’ i imponojnë njerëzve ndjenja turpi dhe fajësie për krenaritë e djeshme. Diçka e tillë nuk ndodhë askund në Europë. Te ne po!

Predikuesit e brendshëm në favor të shteteve të jashtme, përhapin ide edhe kundër qenies shqiptare. Çdonjëri ka shpjegimet e veta historike dhe shkencore. Çdonjëri arsyeton, përligj dhe “dokumenton” faktet e veta. Çdonjëri përpiqet të fitojë njerëz. Dhe, çudia më e madhe shqiptare, të gjitha këta gjoja përpiqen për të mirën e kombit. Të gjithë këta qëndrimet e veta i quajnë patriotike. Nuk ka demokraci funksionale aty ku rrënohet çdo gjë e shenjtë kombëtare, por anarki vlerash, i gjykimeve dhe i qëndrimeve. Kaos i plotë politik dhe shoqëror: gjendje patologjike. Plogështia, oportunizmi dhe depresion shoqëror shquhet si rezultat. Ata mundohen të ndërtojnë realitete dhe bindje të reja. Pasi të përmbyllin këtë dezorientimin tërësor, do të paraqiten si shpëtimtarë dhe udhërrëfyes. Ky është qëllimi i tyre. Prandaj u duhet kjo zallamahi.

Dikur posedonim një kohezion shpirtëror dhe kishim një strumbullar, ku lidheshim dhe patëm personalitete që nderonim dhe adhuronim të gjithë. Si kombet tjera për rreth. Sot, kombi shqiptar, si asnjë komb tjetër, ka ngelur pa shëmbëlltyra të veta. Madje, kësaj dukurie vetëshkatërruese, nuk i shpëtoi as Nënë Tereza. Rinia e sotshme ka probleme orientimi. Ajo nuk mund të konsiderojë si shëmbëlltyrë një politikan shqiptar. Politika jonë ka rënë në shkollarizëm dhe vetëm zbaton ide, që i jepen nga jashtë. Nga të gjitha anët.
Nëse rinia zgjedh një shkrimtar si shëmbëlltyrë të veten, shfaqet tjetri, që mendon se din më shumë dhe ia rrënon. Çdo lagje ka analistin dhe predikuesin e vet të madh. Rinia nuk ka me kë të mburret e as modele të pa damkosur, që do të duhej t’ i imitonte. Këtë gjendje mund t’ ia dëshironte një vendi vetëm armiku. Komb i shkokëzuar dhe i shkokëluar. Pse ndodh kjo? Kjo ndodh sepse ne nuk kuptojmë demokracinë. Ne mendojmë se në demokraci mund të shkatërrohet çdo gjë që nuk i pëlqen një grupi të caktuar apo nuk i përshtatet bindjeve të disave apo të një individi. Nëse një personalitet kombëtar me veprën e vet na imponon respekt dhe mirënjohje, ngrihen “intelektualët” dhe kërkojnë “fakte” për ta poshtëruar në mënyrë sa më të përkryer. Në një vend të tillë nuk mund të funksionojë si duhet as shteti, as ligji, as ekonomia. Ata që duhet të kujdesen për mirëqenie e popullit, merren me thashetheme dhe mirëqenien e vet! Ata nxjerrin përfitime nga kjo katrahurë.

Me elitën e sotshme politike, me orientimin e saj dhe me punën e saj, mirëqenien do ta kërkojmë me teleskop duke e drejtuar atë drejt Perëndimit, si në shekullin XX. Si në kohën e komunizmit. Asnjë komb tjetër në Europë nuk ka problem të orientimit. Ky është eksperimenti më oportunist, që po bëhet dhe tolerohet nga klasa politike shqiptare me kombin e vet. Kombit i duhet një lajtkulturë, një doktrinë politike dhe morale, sepse jemi katandisur si asnjë komb tjetër. Ajo që shkatërrohet te ne me aq lehtësi dhe pasion, nuk mund të shihet askund! Më të përçarë se ne, nuk mund të gjendet tjetër komb në Europë.

Duket se po na ndjek sindroma e Rozafatit. Atë që ndërtojmë ditën me shumë mund, rrënojmë natën me shumë lehtësi. Pasdarke, nëpër oda, nëpër gazeta e nëpër internet. Dikur mburreshim me Kadarenë të gjithë, tani u shfaq R. Qosja dhe shpalli letërsinë tonë inferiore kundrejt asaj perëndimore. E ku lexohet Kadare? Në Perëndim. E çka thotë kritika perëndimore për Kadarenë? Ajo e konsideron si njërin nga shkrimtarët më të mëdhenj të gjallë në botë...

Ne shajmë Nënë Terezën, kurse Shkupi i falë qytetit të Nyrnbergut një shtatore të saj, e cila vendoset në oborrin e spitalit. Jo vetëm që i falin, por siç njoftonte N-TV, Shkupi ia falte duke e quajtur maqedonase Nënën që quhet Gonxhe. Televizori gjerman bën të ditur se shtatorja e Nënë Terezës është shndërruar në vend vizitorësh, ku njerëzit vendosin pusulla me dëshira për shërimin e shpejt të të dashurve, apo dhe copëza letrash me falënderime për shërimin nga sëmundjet. Gjermanët dhuratën e maqedonasve, jo të shqiptarëve të Maqedonisë, e pranuan me falënderime.
Maqedonasit i ndërtojnë përmendore Lekës së Madh. Ne përlloçim tonat. Maqedonasit mburren me Nënën tonë, ne protestojmë kundër shtatores së saj. Sllavët fshehin krimet edhe të kriminelëve të vet, ne përpiqemi t’ i kriminalizojmë edhe humanistët që fisnikërojnë imazhin tonë. Serbet fshehin mendimet fashiste të Ivo Andriçit, neve trishtohemi nëse Kadare fiton Çmimin Nobel dhe me zell të madh jemi kundër. Naiviteti jonë dhe zelli infantil për drejtësi, nuk ka fund. Ne prodhojmë iluzione dhe dëshirojmë t’i bindim bashkëkombësit se jetojmë në një botë ideale ku sundon drejtësia dhe peshorja e mëkateve...Të shkruhet për moralin, normat e mirësjelljes, për esëllim në një vend ku çdo gjë matet me dobi vetjake, përfitim, inat dhe smirë, është gjëja ma më e pamoralshme që mund ta bëjë njeriu! Për fat të keq, po ditojmë duke hëngër vetveten! Greqia hëngri shtetin, ne po hamë kombin!

30.06.11

[Opake Opinga]

Feja islame prape kundra kombit. Po te ishte per hoxhallaret, edhe gjuha do te ishte Arabe ose Turke.

[Hyllien]

Feja islame prape kundra kombit. Po te ishte per hoxhallaret, edhe gjuha do te ishte Arabe ose Turke.

Lexo artikullin se cpo thotë se nuk e ke lexuar.

[Hyllien]

Përsa i përket artikullit, bravo i qoftë që foli dikush, dhe pres që personalitete të tjera të dalin dhe ti japin fund kësaj cmendie, megjithatë mos kujtoj Naseri se kjo që po ndodh tek ne po ndodh vetëm tek ne. Naseri ka shkruar vite më parë për këtë rrezik, dhe unë e vlerësoj, por nuk ka shkruar me ashpërsinë e duhur. Duhet vendosmëri më e madhe kundra kësaj hordhie individësh që kanë jo vec orientimin Turk, por janë Turq.

Ajo që i është bërë Nënë Terezës është masakër, dhe në një vend normal këta njerëz do meritonin një shpërbërje të veprimtarisë së tyre me imtësinë më të madhe për ti kthyer inert në të ardhmen, dhe jo për tu vendosur si "analista" lart e poshtë.

[benseven11]

Ato shkaterrimet qe ndodhen dhe po ndodhin jane te pashmangshme.
Eshte procesi i transformimit te ubanistikes,infrastruktures,shoqerise,mentalitetit .
Dhe ky proces eshte shkaterro te vjetren dhe nderto nje te re me te mire.
Cfare mund te quhet gabim ose shkaterrim eksesiv nga gjithe ato shkaterrime qe jane bere..
1.Shkaterrimi i pemeve,pyjeve,lulishteve, parqeve per ti kthyer ne sheshe ndertimi------eshte gabim ka ndodhur ne Shqiperi dhe vazhdon te ndodhe.
2.Ndotja e ambjentit.
3.Shkaterrimi i monumenteve,busteve qe jane vepra arti(perjashto bustet dhe permendoren e Enverit qe me te drejte u shkaterruan pasi e meritonte)
3.Shkaterrimi i disa ndertesave me vlera te arkitektures se vjeter tradicionale keto ndertesa jane deshmi e vlerave arkitekturore dhe historike te nje kombi dhe nuk duhen shkaterruar por restauruar(riparohen,mirembahen).
Keto shkaterrime me lart erdhen si pasoje e
1. Urrejtjes se verber per gjithshka qe kishte lidhje me sistemin diktatorial.Urrejtja si pasion negativ ka qene motivi qe ka cuar ne shkaterrim
2.Injoranca e nje tufe njerezish pa tru e pa drejtim qe faktikisht kreu akte te tilla vandalizmi.
3.Per motive vjedhjeje,Per te zhdukur gjurmet e vjedhjes u shkaterrua.
4.Kujtime te keqia nga nje objekt,ndertese zone etj qe provokon urrejtje dhe kerkon ta shkaterrosh nga inati.
5.interesa biznesi,per te bere ca leke nga keto shkaterrime dhe ndertime.

Rinia nuk ka me idhull,person apo personalitet pasi eshte njollosur ne media cdo personalitet shqiptar apo intelektual perfshire edhe kadarene.
Festohet 7 prilli ne Shqiperi??????E cuditshme,si pa llogjike me duket perse u festoka dita e pushtimit te shqiperise nga italia.

[altint71]

Deri sa te kemi ne pushtet njerez qe nuk mendojne per rregull,apo ligje po per njerzit e partise se vet si per tu pasuruar sa me shume, keq e me keq do perfundojme.
Deri sa te kemi kryeplakun e shqiperis nga "kalaja somes"do vazhdoje shkaterrimi i shqiperis ,deri tani kan shkateru Durresin golemin Tiranen Saranden,avash dhe Shkodra,na kan bere qe dhe pse kemi detin 30 km afer te shkojme ne jug km e km .
Lajmi fundit eshte qe evropa na ka vu ne dijeni se jane ne rrezik Gjirokastra dhe Berati nga mos pasja e nje plani per mirmbatjen e keture du qyteteve pasuri ne fillim e jona e pastaj e historis se mbare botes.(
Nga mos respektimi i planeve te ndertimeve nga shkaterrimi i ketyre qyteteve me betonizimin ne cdo cep pa kriter.
Vazhdojne te ndertohen pallate jo me vila e te shiten pa hipotek,pse jemi pa pushtet .