Mos e thinjni mallin......!

[riza2008]

O Riza!Po sa bukur qe shkruan! E kujt nuk i shkruani ju...po keto te miqve e mikeshave nuk di pse me ngacmojne...muze te pashtershme ju uroj!Respekte!

Pranvara ju më thoni që shkruaj bukur,por unë them që ju dini ta shijoni shum bukur nektarin e poezisë prandaj dhe e vlerësoni poezinë..Ju uroj një ditë të mbarë...Respekte......

E vetmia stinë që dashuroj..........!


Nga shpirti yt ka lind' pranvera
E vetmia stinë që dashuroj.
Si manushaqe më pret tek dera
Nga puthja jote vetëm jetoj.

Nga do që shkoj e filloj ditën
Aroma jote më rri në gji.
Si flet' e gjethit që kërkon dritën
Ashtu jetoj dhe un' për ty.

I xhelozon stinët e tjera
Nga vezullimi që lind në sy.
Pa ty s'jetoka dot pranvera
Pa ty kjo jetë s'ka dashuri.

Në këtë botë sjell veç pranvera
Me këtë stinë më rrite ti.
Tek zemra jote më hapet dera
Atje do vdes do bëhem fli.

[riza2008]

Tani qyteti gumzhin si një koshere.........!

Tani qyteti gumzhin si një koshere
Çdo ditë në lagje një me megafon.
Ca bukuroshe të presin mbrapa dere
Me buzëqeshje : Votoni partinë tonë.

Pallatet zgjuar nga flamujt valvitur
Në çdo rrugicë veç politikanë.
Kërkojnë votën për të qeverisur,
Pastaj të vjedhin e bëjnë maskaranë.

Ndryshojnë sjellje e kthehen në lypsarë
I thonë popullit :" Ti na ke në dorë"
Sa marrin votën kthehen në kusarë
Dhe populli u duket si një milingonë.

Tani qyteti pret delegacione
Buzqeshje fallco ke pa porosi.
Para nuk ka e buka me tollone
Punë s'ka e kudo varfëri..

Të gjith' mashtrusa,kusarë e lavire,
Për ty o popull kamzhiku nuk mungon.
Bëhu i zgjuar varu në qafë ca zile
Se zëri tyre veç helm e vrer lëshon.......

[riza2008]

Hej dashuri..........!

Ti më dehe me freskinë tënde
Nga normal kthehem çarosh.
Ndjej në shpirt një këngë brenge
Dhe në zemër një vënd bosh.

Jam i turbullt në vetvete
Dhe pse sëmundje nuk kam.
Më mbyte në ato dete
Me shikimet shatërvan.

Kam qënë dhe unë në këtë moshë
Siç je tani ti bukuroshe.
Një mëndje ndritur mund ta kuptosh
Që varg e bëri buzqeshjen joshëse.

Hej dashuri,s'di pse më qeshet,
Siç qesh tani ti njomëzake.
Por qeshia ime me veten ndeshet
Kur thua ti : Djalosh u plake.....!

[Agim Doçi]

Hej dashuri..........!

Hej dashuri,s'di pse më qeshet,
Siç qesh tani ti njomëzake.
Por qeshia ime me veten ndeshet
Kur thua ti : Djalosh u plake.....!

Riza i dashtun.
U ndala tek kjo strof se asht filozofike. Madje ne kontekstin qe "Dashuria nuk ka mosh"....Kjo strofe duhet shkruar ne CV-te tona.
Te uroj gjith te mirat ne jet.

[riza2008]

Riza i dashtun.
U ndala tek kjo strof se asht filozofike. Madje ne kontekstin qe "Dashuria nuk ka mosh"....Kjo strofe duhet shkruar ne CV-te tona.
Te uroj gjith te mirat ne jet.

Shum i saktë është mendimi juaj Agim,kini një jetë të tërë që i këndoni dashurisë dhe pse mosha ndryshon,shpirti po ai,pra nuk njef moshë dashuria.Ju uroj shëndet e gjithçka të mirë në jetë.Në vazhdim po ju përshëndes me një krijim të çastit......


Mos pyet si u dashuruam....?!


Kur dorën zgjat për t'u takuar
Diçka lexoj tek syri yt.
Një dashuri më është afruar
Si me magji m'u ngjit në shpirt.

Mos pyet si u dashuruam
Me një shikim ,me një takim
Një botë të re të dy zbuluam
Një jetë të re në eksplorim.

Kaq të pa thëna do të themi
Në jetën tonë dashuri.
S'besoj të ngopur do të vemi
Në botën tjetër...fillim të ri.....

[riza2008]

Nga kjo pranverë.........!



Nga kjo pranverë lulevesuar
Shpërthen i vrullshëm shpirti im.
Prushin e saj e mbaj në duar
Dhe mëndjen nis në shtegëtim.

Një iluzion m'a krijoi hëna
Zgjatoi hijen pa kufi.
Më fut në zemrën tënde brënda
Më ngre në qiell si perëndi.

Dhe nata flë mbi tinguj ajri
Siç flë dhe unë mbi marrëzi.
Nga kjo pranverë më ngjizet malli
Dhe bëhet këngë për dashuri.

Nga sytë e ndritshëm dallgët ngrihen
Si dallgë deti në stuhi.
Nga kjo pranverë yjet po shkrihen
Siç shkrin një puthje një dashuri....

[riza2008]

Askush s'të njeh........!


Askush s'të njeh në lagjen time,
Për në qytet, as bëhet fjalë.
Më kalon rrugës, pa shikime
Si një stuhi,si erë e marrë.

S'të njeh as dielli,as hëna
More në botë, s'të njeh njeri.
S'di pse për ty më rrahu zemra,
S'di si marr frymë në asfiksi.

Stinët kalojnë si breshër vere,
Të pres të pres, me mall në sy.
Ti mbyllur brënda asaj dere,
E quan veten perëndi.

Një fjalë e pres, si drita e syrit
Një buzëqeshje, domosdo.
Si një kongjill fshehur pas hirit
Të kam zbuluar, ndaj të njoh.

Askush s'të njeh, se të njoh unë
Ndaj foli shpirtit endacak.
Mos u gëzo se prita shumë
Më dashuro po munde pak.....!

[riza2008]

Pse s'erdhe ti.....?

Pse s'erdhe ti? S'më shkrojte asnjë letër?!
Nga qielli pres një lajm që të më vijë.
E di që malli po më kthen në rretër?
E di që brenga ka nis' të më përpijë?!

Nga shpirti yt më duhet pak e drejtë
Në s'mundesh dot' nis e më ngushëllo.
Kur jemi bashkë me sy i zhvendos retë
Në largësi të gjallë ti më mbulo....!

[riza2008]

Atje në sy madhohet dashuria....!


Si të të nxjerr prej ndjenjave të mia
Si të të nxjerr nuk mundem dhe s'e di.
Atje u zgjua dhe iku rinia
Atje jetoj e vdes si një njeri.

Si të të nxjer,kur ke pushtuar çdo ndjenjë
Ke hyrë atje, ku nuk mund të hyjë askush.
Je kthyer gjaku që lëviz në venë,
Je oksigjeni që mushkrit i mbush
.
Pa ty dhe vargjet më duken pa shije,
Pranvera vjen pa lule dhe pa gjeth.
Në mëndjen time lirshëm bredh një hije
Atje vetvetia pa ty dhe mund të vdes.

Si të të nxjerr prej ndjenjave të mia
Eshtë e pa mundur dhe nuk do të ndodh kurrë.
Atje në sy madhohet dashuria
Atje e vetmia që ecim në një udhë.....

[Agim Doçi]

Ti je kolos Riza! O poeti i dashuris se verete. Ja kater vargje te tuajat qe une morra guximin dhe i kopjova per nje tekst kenge (me lejen tende ama).

Ti je me shume se Perendia/
Se Zoti eshte ne shpirtin tend/
Ti je vete zemra e dashurija/
Malli per ty cdo dit me çmend...!