Mos e thinjni mallin......!

[2043]

Jeta eshte hamshor i forte
I shum`deshiruar nga grate
Por c`e do se ky bastard
Po na perdhunon cdo nate

[riza2008]

Këto netë të prillit gjelbër..........!


Hëna ndrin për shtatë palë qejfe
Dhe mbi qafa dhe mbi gufa.
Kridhet ballit me sedefe
Varur gjoksit nëpër çupa.

Futur thellë borës së shkrirë
Në damar të tokës çarë.
Dhe vet' natës i vjen mirë
Dhe vet' qiellit nga ka dalë.

Këto netë të prillit gjelbër
Si një nuse nusurojnë.
Hëna s'lë asgjë të verbër
Na mëson të dashurojmë.

Ziliqare del pas reje
Thyhen rrezet përmbi shkëmb.
Embëlsuar vjen pas meje
Kur lotoj e shpirti dhëmb.

Mbrekulli në jetën time
Nga dritaria më përgjon.
Me nënë e bën një jetime
Errësirën ja largon.......!

[riza2008]

Në terrin e jetës...........!


Zëri im i ngjirrur ngryset nëpër rrugë
Prish qesinë e vetë , ndotje sjell kudo.
Buzët e përzhitura i lag me një lugë
Edhe lotin mbledh nga do shkon ajo.

Në mesin e natës,këngës ja nis gjoni
Dhe un' fërshëllej të vetmen melodi.
S'di a rron a ka vdekur gjitoni
Veç se di që ka zbrazdësi.

Një buzqeshje shkarazi,natën m'a jep hëna
Edhe ikën fshihet mbrapa pas një mali.
Asnjeri s'më thot' se nga lindi gjëma
Asnjeri s'më thot' se nga lindi djalli.

Zëri im i ngjirrur lind e vdes në hone
Atje ku dhe vesa kthehet katarakt
Marrëzinë e natës ëmbël prish një kone
Duke llomotitur me fjalët sopatë.....

Në terrin e jetës,sytë ndriçojnë tokën
Shpirti agoni lëngon e rënkon.
S'di se cili vit do ta tundi botën
Të mos ket' as djall,as kone kjo zonë..

[riza2008]

Jam unë ai...........!


Jam unë ai që ta zë diellin
Në mes të ditës në Dhjetor.
Ti syë i kthen e s'shikon qiellin
Nga larg më përshëndet me zor.

Jam unë ai që ta zë rrugën
Nuk të lë shtigje për kalim.
Nga mëndia ma fshin fare muzën
Dhe në vetvete ndjej trishtim.

Jam unë ai që dal në ëndërr
Si xhind,lugat a si kukuth.
Atë që ti e shikon shtrëmbër
Si një kërcu a si mamuth.

Jam unë ai në frymën tënde
Ku thith e nxjerr ajo mushkri.
Ai që të pushton në mëndje,
Ai që të fal dashuri.........

[riza2008]

Ndoshta është kjo........!


Ndoshta është kjo
dashuria e munguar
Që e kemi dashur
dhe kërkuar të dy.
Në heshje
na kishte pushtuar
Në terr
na shioknte në sy.

Ndoshta është kjo
dashuria e madhe
Që s'e dija
as unë e as ti.
Si lulia e rritur
në livadhe
e këput
dhe e fut në gji.

Ndoshta është kjo
dashuria e zemrës
Tiktakun e shton
veç për ty.
Ndjehet nga koka
deri në fund të thëmbrës
Dhe këndohet
Hymni DASHURI........!

[riza2008]

S'më mund dot vdekja.....!


Dalngadalë unë po kthehem thinjë
Dhe sytë vetëm bardhësinë dallojnë.
Jam tjetërsuar,s'jam më në linjë
Dhe buzët vetveten ngatërrojnë.

Dalngadalë unë po kthehem rrudhë
Brezaret shtatin e kanë hedhur.
Jam nisur për një tjetër udhë
Si një shi mbi tokë i derdhur.

Dalngadalë unë po kthehem lot
Dhe vadit brezaret në faqe.
Vdekja s'më mundkërka dot
Ajo vjen e unë i dhuroj manushaqe.....!

[riza2008]

Për dashurinë vetshpallem mbret......!


Ti ecën rrugës duke tundur
Sa tunden tortuaret
Në zemrën time si një lundër
Ikin dhe vinë beharet.

Mes ëndrrash jeta paska mbetur
Mes lumit dashuria.
Në sytë e tu veten kam gjetur
Aty qënka lavdia.

Lavdi e smirrë e dashuri
Të gjitha bashk' jetojnë.
S'e di pse s'më kuptoi njeri,
A s'deshën të kuptojnë.

Ta kisha ditën,ditën time
Me puthje ta pushtoja.
Lavdi e smirrë me vështrime
Si diell ti verboja.


Gjth' djallëzitë ti vrisja vetë
Në burg të më burgosnin.
Për dashurinë vetshpallem mbretë
Atje të më varrosnin....!

[riza2008]

Ka ndodhur......!



Ka ndodhur të kaloj rrugës mëndjezbathur
Dhe mendimet të m'i pickoi ajri i ndotur.
Të shikoj pemë të thara si në avull
Dhe qeveritarë të lojtur.

Ka ndodhur të më shikojnë fytyrprishur
I zverdhur,i skuqur e turi pa larë.
Lotin që rrukullisej i çakërdisur
Dhe asnjë njeri në sy nuk më ka parë.

Ka ndodhur të flas me vete për të tjerët.
Më kanë dëgjuar dhe kokën s'e kanë kthyer.
Kam kritikuar e sharë bejlerët
Po fytyrën me gjak ma kanë lyer.

Ka ndodhur e s'do të thotë, s'do ndodhi më,
Buzqeshja,brenga,përbuzia,loti.
Unë nuk pajtohem me asgjë,
Se jam njeri që besoj vetëm tek Zoti.

[riza2008]

E shkriva fare dashurinë...!


Mikeshë sa shumë që të kam dashur,
Sa s'mund ta sjellësh dot ndërmënd
Thesarin për ty e kam pasur
Edhe për vete shpirtin tënd.

E shkriva fare dashurinë
Dhe pasurinë e bëra hi
Ti dashuroje faqezinë
Dhe mua më mbaje në gji.

Ato mëkate kurrë si lave
Dhe mëkatare je tani.
Me lot në sy jetën e qave
Dhe prap' më kërkon dashuri.

Tani asgjë s'ka ngelë tek mua,
As dashuri,as pasuri.
Veç një shikim kur m'a jep hua
Pa pritur kthehem, djalosh i ri....

[pranvera bica]

E shkriva fare dashurinë...!


Mikeshë sa shumë që të kam dashur,
Sa s'mund ta sjellësh dot ndërmënd
Thesarin për ty e kam pasur
Edhe për vete shpirtin tënd.

E shkriva fare dashurinë
Dhe pasurinë e bëra hi
Ti dashuroje faqezinë
Dhe mua më mbaje në gji.

Ato mëkate kurrë si lave
Dhe mëkatare je tani.
Me lot në sy jetën e qave
Dhe prap' më kërkon dashuri.

Tani asgjë s'ka ngelë tek mua,
As dashuri,as pasuri.
Veç një shikim kur m'a jep hua
Pa pritur kthehem, djalosh i ri....

O Riza!Po sa bukur qe shkruan! E kujt nuk i shkruani ju...po keto te miqve e mikeshave nuk di pse me ngacmojne...muze te pashtershme ju uroj!Respekte!