Cilja Drafte Rezolute Eshte Ne Te Miren E Kosoves ?

[ARIANI_TB]

SIPAS JUSH CILJA DRAFTE REZOLUTE ESHTE NE TE MIREN E KOSOVES DHE POPULLIT TE SAJ:


PDK APO VETEVENDOSJES


DRAFTE REZULUTA E PDK-SE !

Draftrezoluta e PDK’së

I propozojmë Kuvendit që të miratojë këtë draftrezolutë për dialogun mes Kosovës dhe Serbisë.

1. Kuvendi i Kosovës mbështet dialogun në mes të dy shteteve të pavarura dhe sovrane për çështje praktike me interes të përmirësimit të jetës së qytetarëve dhe të avancimit të agjendës europiane për të dyja vendet dhe rajonit.

2. Kuvendi i Kosovës kërkon që dialogu mes dy palëve të lehtësohet nga bashkësia europiane dhe SHBA’ja.

3. Dialogu mes Kosovës dhe Serbisë duhet të jetë i përgatitur mirë, me agjendë të qartë dhe të përcaktuar paraprakisht në marrëveshje me palët dialoguese duke përfshirë edhe lehtësuesin e dialogut.

4. Agjenda e dialogut duhet të përfshijë vetëm çështje teknike të interesit të përbashkët, pa prekur në asnjë rast sovranitetin e Kosovës, integritetin territorial të saj dhe rregullimin e brendshëm kushtetues të Kosovës.

5. Zëvendëskryeministrja përgjegjëse për dialogun do ta informojë në baza të rregullta Komisionin për Politikë të Jashtme të Kuvendit dhe do të raportojë në seancë plenare të Kuvendit.

6. Kuvendi i Kosovës shpreh vullnetin e Kosovës dhe qytetarëve të saj për të vendosur marrëdhënie të mira fqinjësore me Serbinë në të mirë të dy vendeve tona fqinje, popujve tanë për integrime europiane.

7. Kuvendi i Kosovës e afirmon qëndrimin se bashkëpunimi rajonal, marrëdhëniet e mira fqinjësore dhe dialogu janë kontribut dhe stabilitet i vendeve tona dhe të rajonit në përgjithësi, si dhe përshpejtimin e integrimeve në strukturat euroatlantike.

Grupi Parlamentar i PDK’së është i gatshëm t’i dëgjojë edhe sugjerimet e grupeve të tjera parlamentare, mendimet dhe qëndrimet, dhe t’i harmonizojmë para se të paraqitet kjo draftrezolutë për miratim.






DRAFTE REZULUTA E VETVENDOSJES !

Draftrezoluta e Vetëvendosjes

Duke e pasur parasysh vullnetin politik të popullit të Kosovës, të deklaruar historikisht përmes mënyrave të ndryshme, që përfshijnë, por që nuk kufizohen në: demonstratat popullore të viteve 1968, 1981, 1989-1990, 1997-1998, 2004 e 2007; referendumi i vitit 1991 dhe Kushtetuta e Republikës së Kosovës e shpallur më 7 shtator të vitit 1991; lufta çlirimtare e udhëhequr nga Ushtria Çlirimtare e Kosovës 1997-1999, për çlirim dhe shkëputje nga Serbia,

Duke e marrë parasysh rolin tejet të rëndësishëm të Kuvendit në rregullimin republikan të shtetit, si përfaqësues i vullnetit të popullit dhe mbrojtës i interesave të tij,

Duke u nisur nga neni 1.1 i Kushtetutës së Republikës së Kosovës, i cili e përkufizon Republikën e Kosovës si shtet të pavarur, sovran, demokratik, unik, dhe të pandashëm; si dhe duke u nisur nga neni 2.1 i cili e definon popullin si burim të sovranitetit dhe ia njeh atij të drejtën e demokracisë së drejtpërdrejtë përmes referendumit,

Duke i pasur parasysh kompetencat e Kuvendit të Republikës së Kosovës të përkufizuara në nenin 65.1 të Kushtetutës së Republikës së Kosovës,

Duke e pasur parasysh mandatin e Deputetit si përfaqësues i popullit, i cili, sipas nenit 70.1 të Kushtetutës së Republikës së Kosovës, nuk i nënshtrohet asnjë mandati tjetër detyrues,

Deputetët e Kuvendit të Republikës së Kosovës nxjerrin këtë

R E Z O L U T Ë

1.Subjektiviteti politik, e as pandashmëria territoriale e Kosovës nuk mund të jenë objekt negociatash me asnjë shtet a organizatë mbikombëtare.

2.Çfarëdo procesi bisedimesh me cilindo shtet duhet të paraprihet nga marrëveshja politike.

3.Bisedimet me Serbinë nuk duhet të ndodhin pa u plotësuar 4 parakushte kryesore:

a.Njohja dhe respektimi politik e faktik i pavarësisë së Kosovës – Serbia duhet ta njohë Republikën e Kosovës, duhet ta ndryshojë Kushtetutën e vet që e konsideron Kosovën si pjesë të pandashme të integritetit territorial dhe sovranitetit politik e juridik të Serbisë, si dhe duhet ta tërheqë përkrahjen politike dhe financiare për strukturat e saj ilegale që e cenojnë drejtpërdrejt sovranitetin dhe integritetin territorial të Kosovës si dhe jetën dhe pronën e qytetarëve të Kosovës,
b.Vënia në vend e drejtësisë për viktimat – Serbia duhet të kërkojë falje për të gjitha krimet e kryera në Kosovë përgjatë viteve sa e ka mbajtur nën okupim vendin tonë, si dhe duhet t’i kthejë pa kurrfarë kushti dhe pa vonesë rreth 1800 trupat e pajetë të shqiptarëve të Kosovës, të vrarë gjatë luftës së fundit, t’i dorëzojë kriminelët e luftës për t’iu nënshtruar procesit gjyqësor në Kosovë si dhe ta nisë procesin e dënimit të kriminelëve të luftës, të cilët janë të lirë në Serbi,
c.Reparacionet dhe dëmshpërblimi për shkatërrimet materiale të pronës – Serbia duhet t’i paguajë dëmet e luftës dhe okupimit, ta kthejë fondin e grabitur pensional, depozitat bankare të qytetarëve të Kosovës, librat kadastralë dhe mbi 1200 eksponateve kulturore,
d.Të drejtat reciproke – Serbia duhet ta ndërpresë shtypjen e shqiptarëve autoktonë në Luginën e Preshevës dhe shkeljen e të drejtave të tyre njerëzore dhe kombëtare, por edhe ndaj shqiptarëve të tjerë që jetojnë në Serbi. Serbia duhet të garantojë për shqiptarët me kushtetutë të drejta dhe liri të nivelit të njëjtë me ato të serbëve në Kosovë.

4.Edhe pas plotësimit të këtyre kushteve Kosova, në asnjë mënyrë nuk duhet të negociojë me Serbinë rregullimin e brendshëm territorial dhe institucional të vendit.

5.Kuvendi i Republikës së Kosovës kërkon nga Ekzekutivi dhe institucionet e tjera përkatëse ndërprerjen e bisedimeve të përgatitura që të fillojnë më 8 mars 2011 dhe t’i nisë përgatitjet për grumbullimin dhe hartimin e dokumenteve dhe materialit tjetër të nevojshëm për argumentimin e kushteve të sipërpërmendura.

Komentet e Juaja ne lidhje me kete.

[Llapi]

jo more kjo e vetfundosjes qe eshte e perpilueme prej qaqiqi eshte ma e mira haaaaaaaaa

[ARIANI_TB]

jo more kjo e vetfundosjes qe eshte e perpilueme prej qaqiqi eshte ma e mira haaaaaaaaa

He Fara11 alias Llapi-Hard e Loti99 !!!!!

A cdo herash duhesh te nderhysh me keto propaganda tuaja ore i gjore nga mendja e shkrete qe ke !!!!

[Izber]

Rezoluta e VEtevengosjes eshte e mire dhe e pranueshme per tere shqiptaret.por ne kete moment e pa realizueshme ,sepse shteti i Kosoves ne keto momente nuk ka mundesi me realizuar dhe me shtij ne veorim kete rezolute te VV.Shkak eshte se ne Kosovw qe nga perzenja e ushtrise e policise serbe ne Kosove eshte KFOR-i .UNMIK-u dhe rani EULEX-i,qe dmth ata jane mbi ligjin dhe kushtetuten e Kosoves.Prandaj edhe VV duhet ti kuptoj keto fakte dhe te veproj ne keto rrethana.Deri sa komuniteti nderkombetare te ekzistoi ne Kosove,ata do jene mbi ligjin dhe kushtetuten.prandaj nuk duhet par per te madhe qeverise ne keto momente sepse nukmund te bejne asgje me shume.

[Gogi]

Kjo e V.V eshte qesharaka me shume, po mendoj ne materie ..

[SKIFTERI&12.05]

Kjo e V.V eshte qesharaka me shume, po mendoj ne materie ..

he bre gogel shpresojm qe materja jote te jete me e qart ne mendjen tuaje se deri me tashe ka qen mu si goglat kur hapen qe dalin te krimbura.

[ARIANI_TB]

FT: Në bisedime, Kosova humb, Serbia fiton09-03-2011 11:47 CET Kanë filluar bisedimet e para të drejtpërdrejta në mes të Kosovës dhe Serbisë pas shpalljes së pavarësisë së Kosovës nga Serbia para tri vjetësh, shkruan gazeta prestigjioze londineze “The Financial Times” (FT), raporton QIK.

Pasi jep prononcime të të dy kryenegociatorëve, Edita Tahirit dhe Borko Stefanoviqit, FT përkujton dështimin e bisedave të viteve 2006-2007, me ndërmjetësimin e Marti Ahtisaarit, emisarit special të OKB-së, që “shtyri SHBA-të dhe shumicën e vendeve anëtare të BE-së të mbështesin aspiratat shtet-formuese të shqiptarëve të Kosovës”.

“Kësaj radhe, Kosova ka më shumë ç’të humbë, ndërsa Serbia ç’të fitojë në rrafshin politik”, shkruan korrespondenti i FT-së nga Beogradi, duke konstatuar se të dyja palët duan të sigurojnë investitorët e huaj dhe të bashkëpunojnë me Perëndimin.

Gjykata Ndërkombëtare e Drejtësisë (GJND) shpalli në korrikun e vitit të kaluar se deklarata e pavarësisë e Kosovës nuk ka shkelur të drejtën ndërkombëtare, përkujton FT, ndërsa thekson se Serbia ka fituar simpati të BE-së me miratimin e rezolutës së përbashkët në Asamblenë e Përgjithshme të OKB-së në shtator që bën thirrje për “dialog...për të përmirësuar jetën e njerëzve”.

Duke ilustruar mospajtimet që do të diskutohen, FT thotë se Serbia refuzon të pranojë vulat doganore me emërtimin “Republikë e Kosovës”, duke insistuar në referencën “UNMIK”. Për pasojë, prodhuesit e Kosovës nuk mund të transportojnë mallrat e veta nëpër Serbi. Të dyja shtetet janë pa dalje në det, por Serbia kufizohet me BE-në, shkruan FT.

Sipas gazetës, “vula me emërtimin ‘Kosovë’ mund të jetë e pranueshme nga të dyja palët”, ka thënë një diplomat kosovar, që nuk përmendet me emër. Duke dhënë një ilustrim tjetër të llojit të kompromisit që mund të gjejnë Kosova dhe Serbia në bisedime, FT thotë se Kosova ka kryesinë e CEFTA-së, një grupi të shteteve të Evropës juglindore që synojnë anëtarësimin në BE.

“Zyrtarëve të vendeve të CEFTA-s mund t’u duhet të mbajnë thjesht shenja me emrat e tyre personalë, pa tituj apo emra të shteteve”, konstaton gazeta londineze.

Ndër temat për diskutim përfshihen telefonia mobile, aviacioni dhe targat e automjeteve – “fusha ku pritet të ngrihet çështja e vështirë e sovranitetit”, përfundon FT.

[Gogi]

he bre gogel shpresojm qe materja jote te jete me e qart ne mendjen tuaje se deri me tashe ka qen mu si goglat kur hapen qe dalin te krimbura.

U pa ne zgjedhjet e fundit ...