Behgjet Pacolli, President i ri i Kosovës

[ardiana luzha]

bash aty e kam degjuar dhe shum i kjarti ishte fatmir limaj aj nuk e perkrah pacovin per president ashtu tha

Cka ke ndegju bre....Fatmir Lima ke shume i kjarte i hapune edhe i drejte perdrejte.
E ceke ''une i perkrahi mendimin e shumices edhe Kreministri ka me shum pergjegjsi per keto qe vendosenn'' Cdo kush munde mu kane jo dakorte per ndonje vendim edhe vota eshte individuale,po ky eshte prap PDK-e.

KLM

[Disa]

Limaj: AKR-së nuk i ka takuar posti i Presidentit
Fatmir Limaj, nënkryetar aktual i PDK-së dhe ministër i deritashëm në largim i Transportit ka thënë se AKR-së nuk i ka takuar në asnjë mënyrë posti i Presidentit, duke u shprehur haptazi kundër koalicionit të arritur nga partia e tij me AKR-në e Behgjet Pacollit.

E marte 22 Shkurt 2011 9:28



Në emisionin Zona e Debatit, në Klan Kosova, Limaj ka theksuar se PDK-ja është dashur ta ketë këtë post, PDK-ja ka mundur ta ketë këtë post, madje PDK-ja ka luftuar për te. Ndërsa Behgjet Pacolli, sipas tij, as që është dashur, bile as të guxojë të pretendojë dhe të kërkojë këtë post me vetëm 2 për qind të votave.

Sipas Limajt, në këtë moment në të cilin po kalon Kosova, për shkak të imazhit të saj dhe për shumë arsye të tjera Pacolli nuk është dashur madje as të kandidohet. Pacolli, tha Limaj, ende nuk është dëshmuar se e do vërtet Kosovën, nuk e ka treguar veten për Kosovën. Ka pasur rastin në Qeveri, ku iu ka ofruar shumë më shumë se sa i ka takuar, por ai e ka dashur postin e presidentit.

“Unë e respektoj vullnetin e partisë, por unë kam mendimin ndryshe”, ka thënë Limaj në Klan Kosova, transmeton Koha. Ai ka thënë se Jakup Krasniqi është dashur të jetë president. “I kemi thënë Pacollit që posti i presidentit është politik dhe nuk zbatohet programi i juaj ekonomik. Kemi qenë fleksibil, i kemi ofruar ministri, tre, katër, deri në gjashtë”, ka thënë ai.

Limaj ka thënë se Muhamet Mustafa ka të drejtë që ka thënë sot se nuk ka hapësirë në këtë qeveri. PDK sipas tij ka mundur ta ketë presidentin dhe një koalicion më të qëndrueshëm. Tërë përgjegjësinë e qëndrueshmërisë së qeverisë, Limaj ia lë Thaçit.

[kushjam]

llap ti me kete ftyre nuk po e pelqen baben e rezistences shqiptare !
ndersa me ato tjerat shprehesh ndryshe !

ty nuk ta ndien per atdhetaret ti kah te shkon hashim pandla andej edhe i nderron ftyrat!
ju kamelonet e politikes ditore te 'nenes' serbi e treguat veten!

G2,endra ebothcullakeve si je ti dhe cullakeve tjer te partve ldkal,aak,dhe ....,ne gjdo votim ju bothcullakeve do te pesoni fijasko ,humbje edhe me te medha, sepse jeni ata qe shkatruat identitetin morral te shqiptareve te kosoves,qysh para lufte dhe vazhdoni me te njejtin avaz,dhe me te njejtin tren
,por stopohen para vullnetit te popullit qe votuan dhe do te votojn me te miret ,e ju bothcullakat enderoni ndonje film erotik.

[Disa]

Studentët protestojnë kundër Pacollit President
Një organizatë studentore ka paralajmëruar një protestë kundër zgjedhjes së Pacollit për president shteti.

E marte 22 Shkurt 2011 11:45



Atëherë kur Pacolli dhe 120 deputetët pritet t’i drejtohen Kuvendit të Kosovës për në seancën që mund ta konfirmojë kreun e AKR-së për president, një organizatë studentore ka paralajmëruar një protestë, pikërisht kundër kësaj zgjedhjeje.

Në një njoftim me katër rreshta dhe me rreth 20 gabime drejtshkrimore dhe pa asnjë (ë), organizata studentore "Lista Studentore Reforma" ka paralajmëruar për sot një protestë kundër zgjedhjes së Pacollit për president shteti.

“Ju njoftojme se Organizata Studentore "Lista Studentore Reforma" organizon nje aktivitet Proteste per mes se ciles do te shpreh shqetsimet e studenteve per zgjedhjen e presidentit te Republikes se Kosoves z. Bexhet Pacolli. Ky shqetesim i studenteve vjen per shkak te deklaratve kontraverse te z. Pacolli.

Ky aktivitet do te mbahet ne oren 14:30 para nderteses se Kuvendit te Republikes se Kosoves”, thuhet në njoftimin origjinal të kësaj organizate të studentëve të Universitetit të Prishtinës. /Indeksonline/

[guri79]

A keni ndonje link per ta percjellur LIVE ?

[Sharri-Liburna]

http://www.rtklive.com/radio/radio_kosova.html
kjo esht radio kosova

[Disa]

Arsyet pse nuk do ta votojmë Behgjet Pacollin - fjala e Visar Ymerit në Kuvendin e Kosovës
nga Lëvizja VETËVENDOSJE! më 2011-02-22 në orën 4:14.MD

Ne nuk do ta votojmë Behgjet Pacollin për kryetar të Republikës. Konsiderojmë që ai është i papërshtatshëm edhe politikisht edhe personalisht për të shërbyer si president i vendit.



Behgjet Pacolli, si kryetar i AKR-së dhe njëkohësisht deputet i Kuvendit të Kosovës në legjislaturën e kaluar, ka qenë i pranishëm, së bashku me shumë të tjerë, në të gjitha ato momente kur ky Kuvend miratonte ligje të Planit të Ahtisaarit, pa debat e në mënyrë të përshpejtuar jodemokratike, dhe aprovonte flamuj shkombëtarizues e himne pa tekst. Gjatë tërë kësaj kohe as Pacolli, e as partia e tij, nuk e kanë bërë as kundërshtimin më të vogël ndaj kësaj mënyre absolutisht jopolitike dhe jodemokratike të funksionimit të Kuvendit. Ky moskundërshtim e bën Pacollin dhe të tjerët si ai, një njeri joparimor, që nuk e çanë kokën fare për zhvillimin politik të vendit. Pra, që e çan kokën vetëm për interesat e ngushta personale.



Behgjet Pacolli, dhe AKR-ja e tij, gjatë tërë legjislaturës së kaluar kanë funksionuar më shumë si shërbim i Hashim Thaçit dhe i qëllimeve të tij politike, se sa si opozitë çfarë formalisht ishte. Tërë qenia politike e Behgjet Pacollit në institucionet e Kosovës na është paraqitur si vazhdimësi e mendësisë dhe praktikës politike të Hashim Thaçit. Pacolli e ndihmonte politikisht Thaçin, e Thaçi e shpërblente Pacollin me tendere (p.sh. Pacolli i mori nga Thaçi 15 milionë euro për renovimin e Pallatit të Shtypit). Ishte ky Pacolli ai që ia mundësoi Hashim Thaçit zgjedhjet e jashtëzakonshme në një mot të keq, zgjedhje këto të përshpejtuara dhe të organizuara si mos më keq, në momentin kur Thaçi, i dëshironte këso zgjedhjesh por nuk dëshironte që t’i shkaktonte ato vet. Kjo ndodhi me 2 nëntor të vitit të kaluar. Thaçit i nevojitej një Pacoll dhe një AKR që e inskenojnë mocionin e mosbesimit në mënyrë që ai të arsyetohej se rrëzimin e qeverisë po e bën Kuvendi e jo ai vet. E tash Thaçi po ia shpërblen këtë ndihmë Pacollit me kandidimin e tij për Kryetar vendi.



Ky duet politik Thaçi-Pacolli janë të përkyer për njëri tjetrin. Njëri e përdor politikën për t’u pasuruar, ndërkohë që tjetri e përdor pasurinë për t’u bërë politikan. Meqenëse asnjëri prej tyre nuk janë në politikë për të mirën e Kosovës, këta të dy së bashku janë e keqja e Kosovës në rrafshin politik e ekonomik. Ky koalicion i arritur tash së fundi, ku pjesa më e rëndësishme e pazarit është posti i kryetarit të vendit, është koalicion i negociatave me Serbinë dhe koalicion i vazhdimit të privatizimit shumë të dëmshëm të ndërmarrjeve publike dhe keqpërdorimit të parasë publike. Dikush mund të thotë se këtë duhet ta shohim në vazhdim, mirëpo përvoja që e kemi pasur me këta dy persona dhe deklarimet e tyre publike na tregojnë qartë se asgjë nuk ka ndryshuar. Negociatat me Serbinë janë të padrejta për Kosovën, të dëmshme për të tashmen e saj, të rrezikshme për të ardhmen e saj dhe gjithsesi të pabarabarta. Ato do ta thellojnë edhe më tutje ndarjen e brendshme të Kosovës në vija etnike, duke e avansuar dhe forcuar përmes legalizimit ndërhyrjen e Serbisë në Kosovë, ndërkohë që privatizimi e projektet tjera kapitale të qeverisë së kaluar e të këtij koalicioni që po na paraqitet këtu, do ta vazhdojë stërkeqjen dhe mjerimin ekonomik e social ku na kanë katandisur. Dhe për të gjitha këto do të jenë përgjegjës Thaçi e Pacolli, dhe të gjithë të tjerët si ata.



Behgjet Pacolli publikisht e ka deklaruar se shikon kah Serbia dhe qëndron me shpinë kah Shqipëria. Pra, është saktësisht e kundërta e vullnetit politik të popullit të Kosovës dhe e programit të VETËVENDOSJE!-s. Por është e njëjta anë e së njëjtës medale që quhet Hashim Thaçi. Edhe ky ka treguar një vullnet të pashoq që të negociojë me Serbinë ndërkohë që me politikën dhe projektet e tij gjatë qevrisjes ka mëtuar të na shkombëtarizojë dhe të na largojë sa më shumë nga Shqipëria. Këta të dy janë në anën e kundërt të asaj se çka synon populli ynë dhe për çka është përpjekur ai.



Pacolli sukesin më të madh afarist e ka arritur në marrëdhëniet e tij me Rusinë. Pacolli është pasuruar në Rusi, ndërkohë që e njëjta Rusi synon ta fuqizojë Serbinë. Serbia si shtet ia ka borxh tërë ekzistencën e saj politike Rusisë, e Rusia është kundërshtari më i madh aktual e historik i së drejtës së shqiptarëve për vetëvendosje.



Pacolli është biznesmen. Prandaj marrëveshja e tij për koalicion është vetëm pazar, dhe nuk ka asgjë politike në të. Në këtë drejtim Pacolli e ka blerë postin e Kryetarit. Si biznesmen që është ai tregoi gadishmëri që t’i hyjë kësaj marrëveshje transakcioni pavarësisht koston. Për të posti i Kryetarit duket të jetë një investim i rëndësishëm nga i cili pret kthime të mira. Por biznismen është edhe Thaçi. Ai e bleu Pacollin dhe AKR-në në mënyrë që ta sigurojë edhe për ca kohë postin e kryeministrit. Edhe ky këtë e pa si investim dhe edhe ky pret kthime nga ky investim. Ne jemi të vetëdijshëm se çfarëdo qoftë pazari dhe pavarësisht sa do të fitojnë këta dy persona nga ky pazar, e tërë kjo marrëveshje afariste në fund do t’i faturohet qytetarit të Kosovës. Do t’i faturohet si humbje e një pjese të territorit në të cilën Serbia po e konsolidon pushtetin e saj; do t’i faturohet si humbje e pasurisë kombëtare të cilat po tjetërsohen përmes privatizimit; do t’i faturohet si tatim i paguar kot për shkak se paraja publike do të keqpërdoret nga nënshkruesit e kësaj marrëveshje; do t’i faturohet si stërkeqje politike për shkak se do të sulmohet rëndë mundësia e zhvillimit të demokracisë në Kosovë.



Ne jemi të vetëdijshëm për rëndësinë që kanë institucionet, dhe për momentin në të cilin gjendemi. Por jemi po ashtu të vetëdijshëm që këtë gjendje e kanë sjellur Thaçi e Pacolli. Sanimi i gjendjes nuk mund të vie përmes shkaktarit të saj. Shkaku e kushtëzon gjendjen. E garantimi i jetëgjatësisë së shkakut është garantim i jetëgjatësisë së pasojës së tij të cilën e jetojnë qytetarët përditë. Ne jemi kundër kësaj gjendje të rëndë dhe kundër synimeve të Thaçit e Pacollit për ta rënduar atë. Prandaj nuk do ta votojmë Pacollin.

[drenicaku]

Votimi i par nuk dhezi
vetem 54 vota pro 11 kunder 3 te pa vlefshme
Tani po behet votimi i dyt,nuk kuptoi perse duhet te votohet dy her,qfar burri apo grua eshte ai apo ajo qe ndryshon voten!!!!!
Dhendrri rus me sa duket nuk do ti buzqesh fati,por nuk i dihet kopilhane u ban.
Nje jam i sigurt keta politikaj kosoven e kan fut ne qorr sokak

[Disa]

Humbi Pacolli,nuk u zgjedh President.

[Sharri-Liburna]

Votimi i par nuk dhezi
vetem 54 vota pro 11 kunder 3 te pa vlefshme
Tani po behet votimi i dyt,nuk kuptoi perse duhet te votohet dy her,qfar burri apo grua eshte ai apo ajo qe ndryshon voten!!!!!
Dhendrri rus me sa duket nuk do ti buzqesh fati,por nuk i dihet kopilhane u ban.
Nje jam i sigurt keta politikaj kosoven e kan fut ne qorr sokak

eeeee bre drenicak,kjo eshte nje katastrof,cfar presidenti na kan afru,nji "shqiptaro"ruso arab