Reagimet tuaja mbi demostratat e opozites shqiptare

[POKO]

Edi Rama, unë ju sfidoj .

E shtunë, 22 Janar 2011

Nga:AMIK KASORUHO

Nuk mendoja të jetoja kaq gjatë, sa të shihja turpin e dhunës në bulevardin “Dëshmorët e kombit”. Të shikoja që po përtërihet ajo që ju e keni përmendur vetë në 1991 me fjalët- zoologjizëm ideologjik. Por ende ka vend për një këshillë për ju, këshillë që më ka mësuar jeta ime. Dhuna nuk është çelësi që i hap të gjitha portat e pushtetit, por është prangë për demokracinë dhe të ardhmen e një vendi që ka vuajtur kaq gjatë sa ne e që nuk po gjen ende qetësi, për sa kohë që ka njerëz që nuk kanë respekt për ligjin, liritë dhe të drejtat e njeriut. Mendoni se do mbeteni në histori si Herostrati që e dogji tempullin vetëm që të mbahej mend emri i tij? Nuk besoj se do jem vetëm unë ai që nuk do t’ju kujtojë. Patët kurajën djallëzore të organizonit këtë protestë, por nuk guxuat të dilnit e të qetësonit turmën tuaj aq të dashur e të përfolur këto ditë. Mendoja se ju kishte vlejtur mësimi që morët nga protestat dhe greva e urisë, kur e shtytë Partinë tuaj në një shfaqje të stërzgjatur e me efekte negative. Mendoja se kishit aftësinë për të reflektuar dhe për të menduar si intelektual, si artist dhe si njeri i prirur ndaj së mirës dhe të bukurës. Paskam gabuar. Ju më keni fyer. Keni fyer edhe të tërë ata shqiptarë që ndoshta kanë besim në forcën e partisë që ju mendoni se po i dilni zot. Sepse me demonstratën që ideuat, ju përfundimisht keni firmosur mbi shkopinjtë e dhunës së ushtruar kundër shtetit dhe njerëzve të rendit; i vutë firmën e përdhosjes Partisë Socialiste me aktin e shkuljes së tullave nga bulevardi “Dëshmorët e Kombit”; me bojën e hedhur mbi shtirjen si i plagosur të një demonstruesi. Ju firmosët përfundimisht atë pjesë të ëndrrës suaj të marrë për pushtet, që ju çoi në atë lloj haremi të peshkaqenëve të kuq, siç keni shkruar dikur me pasion. Nuk na zverdhët si kinezë, nuk na skuqët si rusë, por na nxitë përpara vetes sonë, përpara miqve tanë (ju kujtohen këto fjalë tuajat?) - kështu i hodhët poshtë dhe i shkelët me këmbë ëndrrat europiane të shqiptarëve.
Fakti që nuk ndërhynë krerët e opozitës është qëllimisht i studiuar në tavolinat e dëshirave tuaja për pushtet. Ju keni mësuar të hidhni gurin e të fshihni dorën.z.Rama dhe unë ju injoroj duke ju nxjerrë jashtë vëmendjes sime, për të cilën më vjen edhe keq, sepse hera herës jam tërhequr nga profili juaj që po krijohej në fillim të demokracisë. Ndoshta ishte hija e bashkëvuajtësit tonë, Trebeshina që ju mbulonte këtë lloj personaliteti të mëdyshtë, sa herë që shfaqeshit bashkë me të nëpër podiume. Sot njoha qartë dy llojet e personalitetit tuaj.
Në emër të gjakut të babait tim, unë ju sfidoj dhe injoroj dhunën që u mësuat njerëzve duke luajtur me demokracinë dhe duke injoruar rregullat më elementare të saj.
Unë ju sfidoj në emër të vuajtjes së qindra njerëzve gjatë diktaturës që u mbajt me dhunën të cilën e pashë përpara syve edhe sot në demonstratën tuaj, sepse nuk ka gjë më të lehtë sesa të acarosh turmën. Këtë e dimë shumë mirë nga sjelljet e turmave të narkotizuara nga një ideologji perverse e që i shtynte të ngriheshin kundër vlerave të rrënjosura historikisht në jetën tonë. Sot nuk pashë dhunë kundër kishave, xhamive, kundër pronës, kundër mendimit ë lirë, por pashë dhunë kundër një shteti demokratik dhe institucioneve të tij të ligjshme.
Publicistikën tuaj të viteve ’90 e lexoj ndryshe sot. Ajo më tregoi rrënjët e së ligës dhe të dhunës që ju frymëzuat që ta përdorin njerëzit në demonstratën që ëndërruat dhe dëshiruat aq shumë.
Aq sa ishin pasojë e dhunës së diktaturës komuniste plumbi, gjaku, torturat dhe varret e pagjetura ende të njerëzve tanë, aq edhe tullat e shkulura të bulevardit, shkopinjtë e dërrmuar mbi policët dhe kundër ligjit janë pasojë e delirit që ju shtyu të sfidoni çdo normë qytetarie dhe demokracie.
Protesta e dhunshme është e sojit tuaj dhe ekstremistëve të majtë; është pasojë e indoktrinimit të gjatë që nuk ka lidhje me mendimin që kisha dikur për një djalë me emrin Edi Rama, në fillim të vitete ’90, kur merrte përkrahu Kasem Trebeshinën dhe e nxirrte në tribunat, në ditët e përpjekjeve kundër diktaturës, në emër të lirisë dhe të të drejtave të njeriut.
Nuk ju kam vlerësuar aq shumë më parë, sidomos kisha injoruar aftësinë tuaj profetike, kur parashikuat se gjendja do dalë jashtë kontrollit e mund të kishte akte dhune. Por ju nuk mendonit se forcat e rendit do ju jepnin një mësim qytetarie të vetëdijshme dhe zbatimi të përsosur të ligjit.
Kujtoj fjalët tuaja “se ndërgjegjes sonë kombëtare këto veprime i lënë peshën e mëkatit që vëllai ngriti dorën kundër vëllait”. Më vjen keq që jetova të shihja një pamje të tillë sot në rrugët e qytetit tim, e Tirana nuk është Bastija ku të mund të gjejë shfrim dhuna, si në kohën e revolucionit jakobin. Nuk jam rehat si qytetar, derisa t’ju dëgjoj pa lojëra fjalësh t’i kërkoni ndjesë Tiranës për këtë që sajuat.
Fund

p.s shkrim prekes,nga nje persone i rralle me kultur njerzore,qe per fat te keq kemi shume pak si kombe.

kadare rri e rri e po ben shurdhin,ne keso momentesh dramatike,nje fjale e tije vlen sa njeqind romane nganjehera ti shkruash me mbrapa...sydhelpera.

[Albo]

Ka mundesi te mos beni me komente po te sillni vetem lajme te konfirmuara?

Albo

[mondishall]

Tërbimi i Hadit

21 janar, 2011-të
Hadi(1) që pa gdhirë ulet në fron
Ujrat e Akerontit(2) rrjedhin qetë
Qetë dremit dhe plaku Haron(3).

Hadi shikon orën dhe jep sinjalin
Zotrat mbitokës nisën me rrëmbim
Turmës vërtiten, të vdesin të gjallin
Hadit t’ja çojnë pastaj për gjykim.

Hadi tërbohet nga plani i prishur
Turma e gjorë ka mbetur pa Zot
Hyjneshat Keret* vrasjen kanë nisur
Punën ka nisur dhe plaku Haron.

Ja dhe Empuza*, në një udhëkryq
Turmën tmerron me sulmin e saj
Shpirti që del nga i vrari në trup
Hipën në varkën e Haronit plak.

Ja dhe Lamia*, i nënave tmerr
Rend çakërdisur errësirës së ditës
Jetën e një biri pa mëshirë e merr
Dhe nënën e vesh me rroben e zisë.

Më pas Eriniet(4) vërtiten mbi turmë
Turma e mallkimit të çmendur vrapon
Hadi në fron tërbohet më shumë
Ku t’i degdisë të vrarët e gjor’?

Urdhër i jep Haronit plak
Falas t’ju shërbejë me varkën e tij
Shpirtrave të marë, vrarë pa faj
Që shtojnë e shtojnë, të vdekjes mbretëri.

22 janar 2011


1-Hadi-perëndia e nëntokës.
2-Akeronti-lumë për në botën e Hadit.
3-Haroni-plaku me varkë, që çon shpirtrat para Hadit(çdo shpirt duhej ta paguante)
4-Eriniet-hyjnitë e hakmarrjes e mallkimit.
*-Keret, Empuza, Lamia, etj, hyjnitë e Hadit, që vrasin e marrin shpirtrat e të gjallëve.

[DYDRINAS]

Kërkohet qetësi dhe maturi - Reagime ndërkombëtare pas ngjarjeve në Tiranë

Ngjarjet e djeshme në Tiranë me pasojë humbjen e jetëve të tre personave dhe dhjetëra të plagosurve kanë shkaktuar reagimin e ndërkombëtarëve.

Edhe Berlini zyrtar ka reaguar.

Opinioni ndërkombëtar shprehet i shokuar për ngjarjet e djeshme në Tiranë dhe bën thirrje për qetësi e maturi. Në një deklaratë për Deutsche Wellen zëdhënësi i Ministrisë së Jashtme gjermane, tha se ne shprehim keqardhje për viktimat e djeshme në Shqipëri. Ne ju bëjmë thirrje të gjitha palëve politike që të evitojnë eskalimin e mëtejshëm të situatës, paralajmëron Berlini.

Edhe Shtetet e Bashkuara të Amerikës dënuan dhunën në kryeqytetin shqiptar. Zëdhënësi i Departamentit Amerikan të Shtetit, Philip Crowley tha para mediave se "shprehim keqardhjen që demonstrata në Tiranë nuk ishte paqësore dhe se thirrjet e mëparshme për përmbajtje nuk u dëgjuan. Shprehim gjithashtu keqardhje për jetët e humbura dhe dhjetëra të plagosur", ka thënë zëdhënësi amerikan. Përdorimi i retorikës provokuese dhe çdo lloj forme dhune nuk është në të mirën e popullit shqiptar. Ata meritojnë diçka më të mirë, është shprehur Crowley.

Opozita në protestë në Tiranë

Ngjarjet në Tiranë kanë shokuar edhe Brukselin. Më një deklaratë të BE-së shprehet keqardhja për jetët e humbura dhe bëhet thirrje për maturi dhe qetësi. Shqipëria është një vend demokratik dhe aspirante për në Bashkimin Evropian. Prandaj riforcojmë thirrjen tonë për një dialog konstruktiv dhe kompromis për të gjetur zgjidhje për problemet politike, apelon BE.

Përmes një komunikate për shtyp edhe eurodeputetja Tanja Fajon bën thirrje për ndaljen e lëndimit të njerëzve të pafajshëm dhe kërkon që politikanët e përgjegjshëm të fillojnë të dëgjojnë zërin e qytetarëve të tyre. Fajon shprehet në deklaratën e saj se qytetarët shqiptarë kanë vuajtur mjaft në këto vite, prandaj ata meritojnë meritojnë një vend që funksionon në mënyrë të drejtë e me ndershmëri, në paqe e stabilitet.


Ndërkohë Amnesty International i ka bërë thirrje autoriteteve shqiptare të hetojnë rastet e vdekjes së tre personave gjatë protestave antiqeveritare në Tiranë. Andrea Huber, zëvendësdrejtore e Amnesty International për Evropën dhe Azinë, është shprehur se "policia ka të drejtë të ruajë rendin dhe mbrojë publikun, por nuk duhet të përdorë forcë ekscesive kundër atyre që kanë ushtruar të drejtën e tyre për të protestuar."

Autor: dpa/afp//Cama/Arapi

Redaktoi: Esat Ahmeti

DW

[Mr Zeid]

Dhe ambasadori amerikan e tha ne intervisten qe dha tek news 24 qe ishte nje turm njerzish qe kryen dhune kunder policis

[Albo]

Unë dje isha polic

Nga:ILIR KULLA

Unë dje isha polic, ose më mirë e vura veten në vend të një polici që ishte në punën e vet, në mbrojtje të institucionit tek Kryeministria. Kam qenë aty edhe vjet në pranverë, gjatë protestave dhe grevës së urisë së opozitës. Kam qenë polic që në kohën e protestave të fillimit të viteve nëntëdhjetë kur protestat ishin shumë më të mëdha se ato të djeshmet. Kam qenë në punë edhe në atë qoftëlargun vit 97’, kur m’u vranë shumë kolegë. Kam qenë këtu tek Kryeministria edhe në 14 shtator të ‘98, kur ata që sulmonin ishin këta që dje ishin brenda në zyrat e Kryeministrisë, e ata që mbroheshin ishin këta që dje sulmonin nga kullat përballë qeverisë. Në të gjitha herët palët donin pushtetin, ashtu edhe dje. Unë si gjithnjë doja të ruaja vendin e punës, herë duke bërë si demokrat e herë si socialist, si gjithnjë për të çuar një kafshatë bukë në shtëpi, në katund, tek nëna, gruaja e papunë dhe fëmijët.
* * *
Unë për Vit të Ri nuk mora as shpërblim dhe s’bëra dot as një dhuratë për kalamajtë, e shyqyr që gjelin e detit e rrisim vetë në katund. Unë rrogën e kam treqind mijë lekë të vjetra, se i marr edhe nga vjetërsia. Në darkë, për t’u kthyer në shtëpi dal te Zogu i Zi deri vonë, e për të kapur ndonjë furgon apo makinë rasti, lodhem po aq sa jam lodhur në punë. Herë kam punuar me rendin, e dikur me krimet e pastaj me objektet, e gjithnjë duke hapur sytë se bën vaki e larg qoftë të kap edhe ndonjë plumb qorr a ndonjë thikë, apo ndonjë gur kokës. Kështu ishte dhe dje kur ika nga shtëpia për në punë dhe nëna më tha ruaj kokën o bir. E m’u kujtua nëna kur vajta në komisariat e më thanë të merrja pajimet speciale vetjake të mbrojtjes personale, se pritej një demonstratë.
* * *
Unë dje kam ngrënë dajak nga turma, kam ngrënë gurë, e pastaj të shara pa fund nga ca njerëz që nuk i njihja, pashë edhe ca deputetë në mes tyre, edhe ca deputetë që dilnin dhe i thoshin turmës të mos shtynin dhe mos gjuanin kundër policisë. Por ata të turmës nuk donin t’ia dinin fare as për ta, se me kë komunikonin, me dikë që ishte diku aty lart, tek ato dy kullat e bukura para Kryeministrisë. Unë dhe kolegët e mi, kur shefi u lodh dhe na urdhëroi ta shpërndanim turmën, u sulëm që t’i shpërndanim, e unë sidomos u sula kundër njërit nga ata që më gjuante me dru në skafandër në kokë dhe që më shau nga njerëzit e shtëpisë. I shtymë dhe u tërhoqëm prapë pas tek gardhi i Kryeministrisë duke u ruajtur. Kaloi pak dhe një Benz 240, nga ata të vjetrit, u sul te dera e jashtme e Kryeministrisë dhe e shpërtheu atë. Aty nuk u mor vesh gjë më. Filluan të shtënat, shpërthimet dhe zjarre aty afër. U hutuam. Nga brenda Garda e nga jashtë këta të tjerët erdhi dhe FNSH. Pas pak më ra diçka në kokë, m’u morën mendtë e u rrëzova, rashë pa ndjenja.
* * *
U përmenda në një ambulancë e nuk po merrja vesh ç’po ndodhte aty, po e kuptova më mirë në Spital Ushtarak; isha plagosur. Më morën mjekët. Kisha kokën e çarë dhe isha i gjakosur. Dhimbja ishte e madhe dhe në krevatet ngjitur ishte një kolegu im i plagosur, po ashtu dhe një tjetër që i kishin gjuajtur me një pllakë bulevardi në kokë. Aty jashtë dhomës kishte rrëmujë e njerëzit bërtisnin, ca nga dhimbjet e disa të tjerë kush e di pse. Më mjekuan dhe më bënë një qetësues, por dhimbja s’më ikte. Kërkova mjekun dhe më tha që me mua kishte mbaruar, por kishte ca urgjenca të tjera dhe tre të vdekur, kështu që mund të ikja në shtëpi e të pushoja bashkë me mjekimet. U çova dhe kërkova një koleg duke i thënë të më çonin në shtëpi, se ishte errësuar tashmë dhe isha i plagosur. Më ndihmuan me furgonin e policisë kolegët e më çuan deri në katund. Kur mbërrita në shtëpi, kalamajtë, gruaja dhe nëna po qanin. Nëna kur më pa tha: “Uuuu t’keqen nona, do boj hallvë sonte, se m’paske shpëtu kokën, duke më prekur plagën e duke qarë. Mos shko n’punë nesër, rri n’shpi e ruj kalamojt, o t’keqen nona”, - më tha nëna ime e shkretë.
* * *
Unë për një javë nuk do shkoj në punë se jam plagosur në kokë. Unë nuk dua të bëhem as kryeministër e as kryetar bashkie, as deputet e as drejtor, as shef komisariati e as kryetar komune, unë nuk jam as i djathtë e as i majtë. Unë jam polic dhe fshatar me treqind mijë lekë në muaj për të mbajtur një shtëpi. Ishallah do Zoti, do jem më mirë e na japin prapë ndonjë shpërblim këta këtej nga puna, se punën nuk e lë dot, se s’kam ç’bëj më tjetër zanat në këtë jetë.

Panorama

[Albo]

Po ata njerez te papune qe dolen per te protestuar kunder korrupsionit te qeveritareve qe marrin rryshfet me qindra mijera e miliona euro kur ata jane te detyruar te marrin buke me liste, cfare shperblimi dha Berisha per ata njerez qe u vrane dhe u plagosen. Plumbat?

Ka mundesi te mos komentosh e spekullosh ne kete teme por te sjellesh vetem lajme qe informojne publikun?

Nuk kane ngelur vrasjet qe te zbardhen ne forum. Ka prokurori e polici qe i heton vrasjet, ka eksperte qe po hetojne e do dalin per te na thene se kush i ka vrare e si jane vrare. Ashtu si te gjitha armet e fisheket e forcave te armatosura te Shqiperise jane te regjistruara.

Prandaj lerini spekullimet e fjalet e kota e lexoni ne heshtje rrjedhen e ngjarjeve.

Albo

[ebu sufjani]

Kreu socialist Edi Rama I bëri thirrje Drejtorit të Policisë së Shtetit që të zbatojë urdhërin e dhënë nga Prokuroria,, për arrestimin e gjashtë drejtuesve të Gardës dhe jo urdhërin e një ekzekutori, dhe urdhërat e një pushteti që ka humbur çdo legjitmitet.


Në një konferencë për shtyp kreu socialist akuzoi pushtetin si vrasës të demonstruesve.
"Nuk do të lodhem së përsërituri, për shqiptarët e ndërkombëtaret, se demonstruesit e botës ku duam të integrohemi, nuk qëllohen me plumba"- tha Rama


Sipas Ramës, Saliu lajmëroi antimitungun për të protestuar kundër dhunës, por kundër cilës dhunë do të protestojë ai, tha Rama, kundër dhunës së Gardës apo ministrit të tij.
"Do të vazhdojmë rrugën tonë, nuk zbrapsemi, sepse ky është një udhëkryq ku ndahen dy botë. Ne do vazhdojmë demonstratat, tona pa dhunë paqësisht, me fuqinë e pandalshme të rezistencës qytetare."-tha ai.

Shekulli.

I VETMI NJERI QE NUK DUHET TE MAR PUSHTETIN NE SHQIPRI ESHTE RAMA , PO SI MUND TI BESOSH SHQIPERIN NJE SKIZOFRENI , PU PU PU PU LARG NGA SHQIPERIA RAMA

[Xinxerfilli]

Ka mundesi te mos komentosh e spekullosh ne kete teme por te sjellesh vetem lajme qe informojne publikun?

Nuk kane ngelur vrasjet qe te zbardhen ne forum. Ka prokurori e polici qe i heton vrasjet, ka eksperte qe po hetojne e do dalin per te na thene se kush i ka vrare e si jane vrare. Ashtu si te gjitha armet e fisheket e forcave te armatosura te Shqiperise jane te regjistruara.

Prandaj lerini spekullimet e fjalet e kota e lexoni ne heshtje rrjedhen e ngjarjeve.

Albo

Dakort e kuptuam. Une nuk kam c'te bej per emrin qe i vendosen videove sepse i ka vendosur tjeter kush, thjesht po jap video nga protesta e djeshme per publikun te shikoje.

Gjithashtu temat hapen jo vetem per lajme, por edhe per debat se perndryshe mbajeni te mbyllur temen dhe vendosni vetem lajme.

Keto jane dy video nga dje.

[*Babygirl*]

Ka mundesi te mos komentosh e spekullosh ne kete teme por te sjellesh vetem lajme qe informojne publikun?

Nuk kane ngelur vrasjet qe te zbardhen ne forum. Ka prokurori e polici qe i heton vrasjet, ka eksperte qe po hetojne e do dalin per te na thene se kush i ka vrare e si jane vrare. Ashtu si te gjitha armet e fisheket e forcave te armatosura te Shqiperise jane te regjistruara.

Prandaj lerini spekullimet e fjalet e kota e lexoni ne heshtje rrjedhen e ngjarjeve.

Albo

Njeher shifi keta militantet tu dhe te Sales duke spekullojne dhe oefenduar me lart, pastaj thuaj ketij, qe eshte thene te verteten. Aty ku s'te peqejne postimet terhijek verejten ose fshi.

Ketu jemi edhe per te dhene mendimet tona, une i kam lexuar neper sajte tjera nuk ka nevoj me i lexua ketu ne forum.


Berisha: Protestuesit u vranë, sepse shkelën ligjin