F.C. Inter

[{A_N_G_E_L_69}]

http://www.sportishqiptar.com.al/wp-...-e-djathta.jpg “Çmëndet” Morati: Në janar do të marr Mesin



Presidenti i Interit u ka bërë një premtim të bujshëm tifozëve zikaltër për të sjellë yllin argjentinas
Një deklaratë që ka qenë pak edhe si një batutë, por edhe si një premtim. Sepse ëndrra ekziston prej kohësh dhe Masimo Morati nuk ka rreshtur së menduari se herët ose vonë do të kthehet në realitet. Kështu, numri një i Interit ditën e djeshme ka lëshuar një “bombë” të vërtetë: “Në janar, - ka thënë ai, - do t’iu sjell Mesin”. Një premtim, një batutë, por edhe një objektiv për të ardhmen. Një ëndërr e pamundur sot, por nesër nuk i dihet.
Më pas, natyrisht, kaq mjafton për të ndezur popullin zikaltër. Morati e ka thënë në këtë mënyrë, pa u menduar, dhe duke qeshur. Por, brenda tij, numri një i interistëve beson se në fund të fundit kjo është e mundur. Sigurisht, jo në janarin e ardhshëm, edhe pse disa ndërhyrje në merkato Interit do të duhet t’i bëjë. Trajneri spanjoll Rafa Benitez kërkon përforcime, Branka, nga ana e tij, është vënë në lëvizje dhe ka filluar kontaktet me Realin e Madridit për të provuar të marrë në Milano sulmuesin francez Karim Benzema.
Ndërsa, Morati në lidhje me këtë çështje nuk ka dashur të zbulojë shumë. Edhe një herë ka thënë, “të shohim”. Kjo ka qenë shprehja më e përdorur në muajt e fundit nga presidenti zikaltër: “Të shohim, të shohim se si do të rrjedhin ngjarjet, më pas nëse do të jetë e mundur do të ndërhyjmë”.
Fjalë këto që do të thonë se nuk do të tërhiqet mbrapa në rast se do të jetë e nevojshme, por se në fillim kërkon të shikojë se deri ku mund të shkojë ky Inter me këmbët e veta. Sepse, e kotë të thuhet, portofoli është shfryrë shumë në vitet e fundit. Dhe pjesa që ka mbetur vlen të shpenzohet vetëm për një çmenduri që quhet Lionel Mesi.

[{A_N_G_E_L_69}]

http://www.sportishqiptar.com.al/wp-.../08/zaneti.jpg Zaneti “largon” Mesin: Është vetëm një ëndërr




Kapiteni zikaltër është skeptik lidhur me mundësinë e ardhjes së yllit argjentinas në Milano
Një batutë, me siguri një batutë ajo e Moratit dhe diskutimi mbi mundësinë që “Topi i Artë” të vishet zikaltër ka filluar të ndezë ëndrrat e interistëve. Ai që e flet është Havier Zaneti, kapiteni dhe bashkëkombasi i gjeniut të vogël dhe të madh njëkohësisht, Leo Mesi. “Në janar iu premtoj Mesin”, - ishte fraza e Moratit para një viti. Por mbrojtësi “Traktor” 37-vjeçar duket disi skeptik për kalimin e “Pleshtit” tek zikaltrit:
“Ai në këto momente është shumë mirë te Barcelona. Po flasim për një lojtar shumë të madh, besoj më të mirin në botë, kushdo kërkon ta ketë në skuadër, por për momentin ai do të qëndrojë te Barcelona. Fraza e Moratit? Shpresojmë që të ekzistojë kjo mundësi, por janë të gjitha gjëra që në këto momente nuk kanë asnjë burim. Në të ardhmen do të shihet. Nuk jemi takuar, mësova që ishte në Milano për një reklamë, por as e pashë dhe as fola në telefon.
A i pëlqen Milanoja? Besoj se u pëlqen të gjithëve, sepse është një qytet shumë i bukur”. Rikthimi i Zanetit nga problemi që pati në mushkëri para pak javësh, thuajse është gati: “Të shtunën do të bëj një provë të fundit dhe shpresoj që do të jetë gjithçka në rregull për të luajtur të dielën, - thotë ai duke iu referuar ndeshjes ndaj Kaljarit. - Në të vërtet kemi pasur disa mungesa si pasojë e dëmtimeve, por janë momente që mund të ndodhin në harkun e një sezoni.
Për fat të keq ndodhën të gjitha njëherësh, por shpresojmë të riaftësohen sa më shpejt sepse kemi nevojë për të gjithë. Pasoja nga Botërori i fundit? Mund të jenë të shumta arsyet, si fakti që të gjithë ne kemi pasur shumë përkushtime në këtë periudhë, besoj se të luash kaq shumë ndeshje herët a vonë mund ta paguash me disa dëmtime”.

[{A_N_G_E_L_69}]

Cagliari 0 - 1 Inter Milan Fiton Inter e barazon Milan me pike..

[BOKE]

Cagliari 0 - 1 Inter Milan Fiton Inter e barazon Milan me pike..

[{A_N_G_E_L_69}]

http://www.sportishqiptar.com.al/wp-...010/10/eto.jpg Inter: Samuel Eto, lojtari i rekordeve



Kamerunasi nuk ka shënuar kurrë më shumë. 12 gola në 11 ndeshje të luajtura deri tani në kampionat
Eto është bërë lojtari simbol i Interit të Benitezit, njeriu gol që ka kërkuar të luajë rolin e tij natyral të sulmuesit kryesor, duke mos rreshtur më së shënuari. Pa golat e tij, zikaltrit do të ishin nga fundi i renditjes: 12 gola në 11 ndeshje të luajtura në kampionat, Champions dhe Superkupë. Kjo mesatare mbresëlënëse mund të bëjë që në fund të sezonit ai të ketë shënuar afërsisht 50 gola, nëse vazhdon kështu.
Por statistika që befason më shumë është që Eto nuk e ka nisur kurrë një sezon me kaq shumë gola. Ai ka mbushur 29 vjeç dhe duket se tani ka arritur majën e një karriere stratosferike, e pasuruar nga shumë triumfe. Sulmuesi kamerunas e nisi bukur si golashënues edhe sezonin para dy vitesh te Barcelona: në 2005/2006 kishte shënuar 8 gola në 11 ndeshje (7 në kampionat dhe një në Superkupë) dhe në 2008/2009 kishte shënuar 9 gola në 9 ndeshje (7 në kampionat dhe 2 në Champions).
Në këto sezone ai kishte fituar edhe Ligën e Kampionëve duke shënuar edhe në finale. Në fund të vitit 2006 kishte koleksionuar 36 gola në 49 ndeshje, në 2009 kishte shënuar 35 gola në 47 ndeshje. Shifra shumë të mira, që Eto madje mund t’i përmirësojë.Gjashtë gola në kampionat, plus 4 në Champions, plus 2 në Superkupën e Italisë bëjnë 12 gola në 11 ndeshje me fanellën e Interit, pa llogaritur katër golat e shënuar në 3 ndeshje me Kamerunin në gusht e shtator.
Kjo mesatare është shumë më e mirë se e Militos vjet, që shënoi 5 gola në 9 ndeshje (por në fund shënoi 30 gola në 52 ndeshje). Skuadra e Benitezit pa 6 golat e tij në kampionat do të ishte e parafundit në renditje, me pikë të barabarta me Parmën.Eto në sezonin e artë të Interit, 2009/2010, ka shënuar 16 gola në 48 ndeshje, duke paguar kështu sakrificën taktike që iu imponua nga Mourinjo.
Nëse edhe këtë vit do të luajë 48 ndeshje me fanellën zikaltër, duke mbajtur këtë mesatare, do të shënonte 50 gola në sezon, shifër e paarritur nga askush më parë. Eto dëshiron të luajë pranë portës dhe do t’i takojë trajnerit spanjoll që të gjejë mënyrën për të mos e ndalur makinën kamerunase të golave.

[BOKE]

Per ChL, Inter - Tottenham 4-3.

Zanetti, Eto'o (2), Stankovic.

[Jackie]

Ksaj i thon t'bosh pazar. Jom i sigurte qe Barca osh bo pishmon qe shiti Etton ,shpenzoi i hale me lek per hunderrin + per villen edhe prap sulmus rrace si etto ska per t'gjet.

[{A_N_G_E_L_69}]

20:45 Inter Milan 1-1 Sampdoria Genoa Ku jan kto lepurushat spo nihen hic..

[Jackie]

Po ju lejm te gzoni i cik se u bo 7 vjet qe s'shifni scudetto me sy

[{A_N_G_E_L_69}]

Kshu tha edhe dhelpra kur e pa rrushin qe se kapi dot..